📅 2019-yil 2-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 2 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 2 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ЖУРНАЛИ
ЖУРНАЛИ
Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлар тўғрисида» 2018 йил 7 декабрдаги ПФ-5590-сон Фармони)
Ўзбекистон Республикаси Президентининг «Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлар тўғрисида» 2018 йил 7 декабрдаги ПФ-5590-сон Фармонига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
2. Ўзбекистон Республикаси Соғлиқни сақлаш вазирлиги манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
3. Ушбу қарор расмий эълон қилинган кундан эътиборан уч ой ўтгач кучга киради.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий масалалар бўйича ўринбосари А.А. Абдухакимов ва Ўзбекистон Республикаси соғлиқни сақлаш вазири А.К. Шадманов зиммасига юклансин.
Вазирлар Маҳкамасининг 2019 йил 2 июлдаги 549-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2017 йил 6 апрелдаги 185-сон қарори билан тасдиқланган Дори воситаларини ва тиббий буюмларни чакана реализация қилиш тартиби тўғрисида низомда (Ўзбекистон Республикаси ҚТ 2017 й., 14-сон, 228-модда):
а) 4 1 -банд қуйидаги таҳрирда баён этилсин:
«Электрон тижорат орқали фақат рецептсиз бериладиган дори воситалари ва тиббий буюмларни реализация қилиш, сақлаш ва етказиб беришда уларнинг хавфсизлигини таъминлаш, шунингдек, ҳужжатли ва электрон расмийлаштириш тартиби ва талабларига қатъий риоя қилган ҳамда қонун ҳужжатлари талабларини инобатга олган ҳолда амалга оширишга рухсат этилади»;
б) 5-банд қуйидаги мазмундаги ўн биринчи ва ўн иккинчи хатбошилар билан тўлдирилсин:
« халқаро патентланмаган ном — Жаҳон соғлиқни сақлаш ташкилоти томонидан дори воситаси таркибидаги фаол дори моддаси (субстанцияси)нинг қисқартирилган номини бериш орқали дори воситасини идентификация қилиш;
электрон рецепт — ягона электрон рецептлар маълумотлар базасини шакллантириш ва врачнинг фармацевтик маълумотга эга бўлган мутахассисга дори препаратини тайёрлаш ва (ёки) бериш ҳамда унинг қўлланилиш усули тўғрисидаги кўрсатмасини тезкор равишда олиш имконини берувчи электрон шаклда қайд этилган, электрон рақамли имзо билан тасдиқланган ва электрон ҳужжатнинг уни идентификациялаш имконини берадиган бошқа реквизитларга эга бўлган электрон ҳужжат. Электрон рецепт ахборот технологиялари ва ахборот тизимлари хизматлари ҳамда техник воситалардан фойдаланган ҳолда яратилади, қайта ишланади ва сақланади»;
в) 6-банд қуйидаги таҳрирда баён қилинсин:
«6. Дори воситаларини ва тиббий буюмларни чакана реализация қилишда давлат стандартлари, санитария қоидалари, нормалари ва гигиена нормативлари талабларига, ёнғин хавфсизлиги қоидаларига, меҳнат муҳофазаси қоидаларига, техника хавфсизлиги қоидаларига ва техник жиҳатдан тартибга солиш соҳасидаги бошқа норматив ҳужжатларга риоя этилиши таъминланиши керак»;
г) 8-бандда:
биринчи хатбошига «Дорихона филиалининг мудири» сўзларидан кейин «олий ёки ўрта махсус» сўзлари қўшилсин;
қуйидаги мазмундаги иккинчи хатбоши қўшилсин:
«Дори воситаларини чакана реализация қилишга фақат фармацевтик маълумотга эга бўлган мутахассисларга рухсат этилади»;
д) 15-бандга қуйидаги мазмундаги иккинчи хатбоши қўшилсин:
«Гиёҳвандлик воситалари, психотроп моддалар ва прекурсорларни электрон тижорат орқали чакана реализация қилиш тақиқланади»;
е) 26-банднинг учинчи хатбоши қуйидаги таҳрирда баён қилинсин:
«Врач рецептлари асосида бериладиган дори воситалари ва тиббий буюмлар ҳамда улар ҳақидаги маълумотларни дорихонанинг пештахтаси ва харидорлар учун кўринадиган бошқа жойларга қўйиш таъқиқланади»;
ж) 27-банд қуйидаги таҳрирда баён қилинсин:
«27. Дори воситаларини чакана реализация қилиш шакли Ўзбекистон Республикаси Соғлиқни сақлаш вазирлиги томонидан тасдиқланадиган рецептлар, шу жумладан, электрон рецептлар бўйича ёки Ўзбекистон Республикаси Соғлиқни сақлаш вазирлиги тасдиқлаган, рецептсиз бериладиган дори воситалари рўйхатига мувофиқ амалга оширилади.
Дори воситаларини электрон рецептлар асосида чакана реализация қилиш Ўзбекистон Республикаси Соғлиқни сақлаш вазирлигининг «Фармацевтика маҳсулотларининг ҳаракатини назорат қилиш ва ҳисобга олишнинг ахборот тизими» орқали амалга оширилади»;
з) қуйидаги мазмундаги 29 1 -банд қўшилсин:
«29 1 . Дори воситалари (гиёҳвандлик воситалари, психотроп моддалар ва прекурсорлар бундан мустасно) ва тиббий буюмларни электрон тижорат орқали чакана реализация қилишда дорихоналар тегишли веб-сайтлар ва (ёки) мобил иловаларда қуйидаги маълумотларни жойлаштиришга мажбурдир:
юридик шахснинг тўлиқ номи, ташкилий-ҳуқуқий шакли кўрсатилган ҳолда;
давлат рўйхатидан ўтказилганлиги тўғрисидаги маълумотлар, тадбиркорлик субъектининг идентификация рақами;
жойлашган жойи (почта манзили), электрон почта манзили, боғланиш телефон рақами;
лицензиянинг мавжудлиги тўғрисидаги маълумотлар (рақами, амал қилиш муддати, лицензияни беришга ваколатли органнинг номи);
реализация қилинаётган дори воситалари ва тиббий буюмлар ҳақидаги маълумотлар (халқаро патентланмаган ва савдо номи, чиқарилган шакли, дозаси, серияси, яроқлилик муддати, ишлаб чиқарган давлат (етказиб берувчи), қўллаш бўйича йўриқнома, чакана реализация нархи, савдо устамаси миқдори, мувофиқлик сертификати (белгиланган тартибда мажбурий сертификацияланадиган дори воситалари ва тиббий буюмлар учун);
реализация қилинаётган дори воситалари ва тиббий буюмлар аналоглари ҳақидаги маълумотлар;
ҳисоб-китоб шакли, етказиб бериш тартиби ва нархи»;
и) 31-банд қуйидаги таҳрирда баён қилинсин:
«31. Врач рецепти бўйича дори воситасини бериш рецептда қайд этилган халқаро патентланмаган ном асосида амалга оширилади. Бунда дори воситаларини бериш нормаси врач рецептига мувофиқ белгиланади»;
к) қуйидаги мазмундаги 31 1 -банд қўшилсин:
«31 1 . Рецепт асосида дори воситасини беришда дорихонанинг фармацевт ходими рецептнинг йиртма корешогига берилган дори воситасининг номи, серия рақами, фармацевт фамилияси, исми, отасининг исмини ёзиб, уни имзолайди ва дорихонанинг штампи қўйилган ҳолда бемор (унинг қариндошлари ёки унинг ҳолидан хабар олувчи шахс)га топширади, рецепт дорихонада қолдирилади.
Рецепт асосида тайёрлаб берилган дори воситаларини беришда, қўшимча равишда ушбу Низомга 1-иловага мувофиқ шаклдаги дорихонада рецептларни қайд этиш журналига тегишли ёзувлар киритилади.
Рецептнинг йиртма корешоги бемор (унинг қариндошлари ёки унинг ҳолидан хабар олувчи шахс) томонидан йўқотилган ёки у яроқсиз холга келиб қолган холатларда дорихона ходими томонидан рецептнинг дорихонада сақланаётган, йиртма корешоги ўрнини босувчи, тасдиқланган нусхаси берилиши мумкин.
Дори воситасини электрон рецепт асосида беришда дорихонанинг фармацевт ходими Ўзбекистон Республикаси Соғлиқни сақлаш вазирлигининг «Фармацевтика маҳсулотларининг ҳаракатини назорат қилиш ва ҳисобга олишнинг ахборот тизими»даги тегишли майдончаларга дори воситасининг номи, серия рақами, фармацевтнинг фамилияси, исми, отасининг исмини киритиб, электрон рақамли имзо билан тасдиқлайди»;
л) 34-банди қуйидаги таҳрирда баён қилинсин:
«34. Фавқулодда ҳолатларда, беморнинг яшаш жойидан жўнаб кетиши, вақтинча кетиши дорихонага мунтазам қатнашининг имкони йўқлиги ва бошқа шу каби ҳолатларда дори воситалари рецепт бўйича уч ойгача бўлган муддат мобайнида қўллаш учун зарур миқдорда берилишига йўл қўйилади»;
м) 35-бандга қуйидаги мазмундаги учинчи хатбоши қўшилсин:
«Бунда рецептнинг йиртма корешоги, унга ушбу Низомга мувофиқ маълумотларни киритган ҳолда бемор (унинг қариндошлари ёки унинг ҳолидан хабар олувчи шахс)га қайтарилади»;
н) қуйидаги мазмундаги 37 1 -банд қўшилсин:
«37 1 . Рецептда ушбу Низомга зид равишда расмийлаштирилган ёки бир-бирига номутаносиб дори воситалари кўрсатилган бўлса, дорихона томонидан унга «Рецепт ҳақиқий эмас» штампи босилади ва бекор қилинади. Бунда бекор қилинган рецепт ҳақидаги маълумотлар ушбу Низомга 2-иловага мувофиқ шаклдаги нотўғри ёзиб берилган рецептларни дорихонада ҳисобга олиш журналида қайд этилади ва рецептни берган даволаш-профилактика муассасасининг раҳбарига нотўғри ёзилган рецептлар тўғрисида хабар берилади ҳамда врач томонидан берилган рецептга номутаносиб дори воситалари дорихона томонидан берилганда, дори воситалари қайтарилади»;
о) қуйидаги мазмундаги 39 1 -банд қўшилсин:
«39 1 . Электрон тижорат орқали дори воситалари ва тиббий буюмларни реализация қилишда, зарур ҳолларда дорихоналар томонидан аҳолига сотиб олинган дори воситалари ва тиббий буюмларни етказиб бериш мумкин. Бунда дори воситалари ва тиббий буюмларни етказиб бериш дорихона ходими — фармацевтик маълумотга эга мутахассис билан бирга амалга оширилиши керак.
Дори воситалари ва тиббий буюмларни етказиб бериш учун уларнинг сифати ва хавфсизлигига риоя этилишини таъминловчи дори воситалари ва тиббий буюмларни сақлаш камераси билан жиҳозланган транспорт воситаларидан фойдаланилади.
Транспорт воситаси техник соз ва тоза ҳолатда тутилиши керак. Ташиш жараёнида дори воситалари ва тиббий буюмларни сақлаш камерасида керакли зарур ҳарорат, намлик, шунингдек, тоза ҳаво таъминлаб турилиши лозим.
Ўлчов ускуналарига кирувчи асбоблар фойдаланишдан аввал, шунингдек, таъмирлангандан сўнг белгиланган тартибда бирламчи текширувдан ўтади ва (ёки) қиёсланади, фойдаланиш жараёнида эса текширилади ва қиёсланади.
Дори воситалари ва тиббий буюмларни ташиш шундай амалга оширилиши лозимки, бунда уларнинг сифат кўрсатгичлари йўқолмаслиги ҳамда дори воситаларининг ўрамлари ва тиббий қўлланилиши бўйича йўриқномаларда қайд этилган сақлаш шароитларига риоя этилиши керак.
Алоҳида сақлаш ҳароратини талаб этувчи дори воситаларини ташиш ҳароратни доимий равишда кузатиб борувчи қурилма билан жиҳозланган рефрижератор ускунаси ёки термоконтейнер билан жиҳозланган транспорт воситасида амалга оширилиши керак.
Дори воситалари ва тиббий буюмлар, уларнинг сифати, самарадорлиги ва хавфсизлигига салбий таъсир кўрсатмайдиган ҳамда ташқи муҳит таъсиридан сақловчи транспорт воситаларида ташилади. Дори воситалари ва тиббий буюмларни бошқа турдаги юклар билан бирга ташиш тақиқланади»;
п) 41-банди қуйидаги таҳрирда баён қилинсин:
«41. Ўзбекистон Республикаси ҳудудидаги барча дорихоналарда ушбу Низом талабларига риоя этилишини назорат қилиш дори воситалари ва тиббий буюмларни чакана реализация қилишни лицензиялашни амалга оширувчи ҳудудий комиссияларнинг ишчи органлари — Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармасига юкланади»;
р) Низомга қуйидаги мазмундаги 1 ва 2-иловалар қўшилсин:
«Дори воситаларини ва тиббий буюмларни чакана реализация қилиш тартиби тўғрисидаги низомга 1-ИЛОВА
Рецептларни қайд этиш
Дорихона номи (дорихона филиали) ________________________________________________________________________________________________________________________ Т/р Сана Беморнинг Ф.И.О. Рецептни берган даволаш-профилактика ташкилотининг номи Даволовчи шифокор Ф.И.О. Дори воситасининг номи, миқдори ва дозаси Дори воситасининг шакли Дори воситасининг нархи Беморнинг манзили, телефон рақами Изоҳ
Дори воситаларини ва тиббий буюмларни чакана реализация қилиш тартиби тўғрисидаги низомга 2-ИЛОВА
Нотўғри ёзиб берилган рецептларни дорихонада ҳисобга олиш
Дорихона номи (дорихона филиали) ________________________________________________________________________________________________ Т/р Сана Рецептни берган даволаш-профилактика ташкилотининг номи Нотўғри рецепт берган шифокорнинг Ф.И.О. Рецепт таркиби Рецептдаги хатоликлар (дозаси нотўғри кўрсатилган дори воситалари ёки ундаги ёзувларнинг ноаниқлиги кўрсатилади) Даволаш-профилактика ташкилотининг раҳбарига хабар берилганлиги ҳақидаги маълумот Дорихона/филиали фармацевтнинг Ф.И.О.
Ўзбекистон Республикасининг Бош вазири А. АРИПОВ
Тошкент ш.,
2019 йил 2 июль,
549-сон
Oʻzbekiston Respublikasi Vazirlar Mahkamasining
qarori
JURNALI
JURNALI
Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Oʻzbekiston Respublikasi sogʻliqni saqlash tizimini tubdan takomillashtirish boʻyicha kompleks chora-tadbirlar toʻgʻrisida” 2018-yil 7-dekabrdagi PF-5590-son Farmoni)
Oʻzbekiston Respublikasi Prezidentining “Oʻzbekiston Respublikasi sogʻliqni saqlash tizimini tubdan takomillashtirish boʻyicha kompleks chora-tadbirlar toʻgʻrisida” 2018-yil 7-dekabrdagi PF-5590-son Farmoniga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Oʻzbekiston Respublikasi Sogʻliqni saqlash vazirligi manfaatdor vazirliklar va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
3. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.
4. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy masalalar boʻyicha oʻrinbosari A.A. Abduxakimov va Oʻzbekiston Respublikasi sogʻliqni saqlash vaziri A.K. Shadmanov zimmasiga yuklansin.
Vazirlar Mahkamasining 2019-yil 2-iyuldagi 549-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2017-yil 6-apreldagi 185-son qarori bilan tasdiqlangan Dori vositalarini va tibbiy buyumlarni chakana realizatsiya qilish tartibi toʻgʻrisida nizomda (Oʻzbekiston Respublikasi QT 2017-y., 14-son, 228-modda):
a) 4 1 -band quyidagi tahrirda bayon etilsin:
“Elektron tijorat orqali faqat retseptsiz beriladigan dori vositalari va tibbiy buyumlarni realizatsiya qilish, saqlash va yetkazib berishda ularning xavfsizligini taʼminlash, shuningdek, hujjatli va elektron rasmiylashtirish tartibi va talablariga qatʼiy rioya qilgan hamda qonun hujjatlari talablarini inobatga olgan holda amalga oshirishga ruxsat etiladi”;
b) 5-band quyidagi mazmundagi oʻn birinchi va oʻn ikkinchi xatboshilar bilan toʻldirilsin:
“ xalqaro patentlanmagan nom — Jahon sogʻliqni saqlash tashkiloti tomonidan dori vositasi tarkibidagi faol dori moddasi (substansiyasi)ning qisqartirilgan nomini berish orqali dori vositasini identifikatsiya qilish;
elektron retsept — yagona elektron retseptlar maʼlumotlar bazasini shakllantirish va vrachning farmatsevtik maʼlumotga ega boʻlgan mutaxassisga dori preparatini tayyorlash va (yoki) berish hamda uning qoʻllanilish usuli toʻgʻrisidagi koʻrsatmasini tezkor ravishda olish imkonini beruvchi elektron shaklda qayd etilgan, elektron raqamli imzo bilan tasdiqlangan va elektron hujjatning uni identifikatsiyalash imkonini beradigan boshqa rekvizitlarga ega boʻlgan elektron hujjat. Elektron retsept axborot texnologiyalari va axborot tizimlari xizmatlari hamda texnik vositalardan foydalangan holda yaratiladi, qayta ishlanadi va saqlanadi”;
v) 6-band quyidagi tahrirda bayon qilinsin:
“6. Dori vositalarini va tibbiy buyumlarni chakana realizatsiya qilishda davlat standartlari, sanitariya qoidalari, normalari va gigiyena normativlari talablariga, yongʻin xavfsizligi qoidalariga, mehnat muhofazasi qoidalariga, texnika xavfsizligi qoidalariga va texnik jihatdan tartibga solish sohasidagi boshqa normativ hujjatlarga rioya etilishi taʼminlanishi kerak”;
g) 8-bandda:
birinchi xatboshiga “Dorixona filialining mudiri” soʻzlaridan keyin “oliy yoki oʻrta maxsus” soʻzlari qoʻshilsin;
quyidagi mazmundagi ikkinchi xatboshi qoʻshilsin:
“Dori vositalarini chakana realizatsiya qilishga faqat farmatsevtik maʼlumotga ega boʻlgan mutaxassislarga ruxsat etiladi”;
d) 15-bandga quyidagi mazmundagi ikkinchi xatboshi qoʻshilsin:
“Giyohvandlik vositalari, psixotrop moddalar va prekursorlarni elektron tijorat orqali chakana realizatsiya qilish taqiqlanadi”;
e) 26-bandning uchinchi xatboshi quyidagi tahrirda bayon qilinsin:
“Vrach retseptlari asosida beriladigan dori vositalari va tibbiy buyumlar hamda ular haqidagi maʼlumotlarni dorixonaning peshtaxtasi va xaridorlar uchun koʻrinadigan boshqa joylarga qoʻyish taʼqiqlanadi”;
j) 27-band quyidagi tahrirda bayon qilinsin:
“27. Dori vositalarini chakana realizatsiya qilish shakli Oʻzbekiston Respublikasi Sogʻliqni saqlash vazirligi tomonidan tasdiqlanadigan retseptlar, shu jumladan, elektron retseptlar boʻyicha yoki Oʻzbekiston Respublikasi Sogʻliqni saqlash vazirligi tasdiqlagan, retseptsiz beriladigan dori vositalari roʻyxatiga muvofiq amalga oshiriladi.
Dori vositalarini elektron retseptlar asosida chakana realizatsiya qilish Oʻzbekiston Respublikasi Sogʻliqni saqlash vazirligining “Farmatsevtika mahsulotlarining harakatini nazorat qilish va hisobga olishning axborot tizimi” orqali amalga oshiriladi”;
z) quyidagi mazmundagi 29 1 -band qoʻshilsin:
“29 1 . Dori vositalari (giyohvandlik vositalari, psixotrop moddalar va prekursorlar bundan mustasno) va tibbiy buyumlarni elektron tijorat orqali chakana realizatsiya qilishda dorixonalar tegishli veb-saytlar va (yoki) mobil ilovalarda quyidagi maʼlumotlarni joylashtirishga majburdir:
yuridik shaxsning toʻliq nomi, tashkiliy-huquqiy shakli koʻrsatilgan holda;
davlat roʻyxatidan oʻtkazilganligi toʻgʻrisidagi maʼlumotlar, tadbirkorlik subyektining identifikatsiya raqami;
joylashgan joyi (pochta manzili), elektron pochta manzili, bogʻlanish telefon raqami;
litsenziyaning mavjudligi toʻgʻrisidagi maʼlumotlar (raqami, amal qilish muddati, litsenziyani berishga vakolatli organning nomi);
realizatsiya qilinayotgan dori vositalari va tibbiy buyumlar haqidagi maʼlumotlar (xalqaro patentlanmagan va savdo nomi, chiqarilgan shakli, dozasi, seriyasi, yaroqlilik muddati, ishlab chiqargan davlat (yetkazib beruvchi), qoʻllash boʻyicha yoʻriqnoma, chakana realizatsiya narxi, savdo ustamasi miqdori, muvofiqlik sertifikati (belgilangan tartibda majburiy sertifikatsiyalanadigan dori vositalari va tibbiy buyumlar uchun);
realizatsiya qilinayotgan dori vositalari va tibbiy buyumlar analoglari haqidagi maʼlumotlar;
hisob-kitob shakli, yetkazib berish tartibi va narxi”;
i) 31-band quyidagi tahrirda bayon qilinsin:
“31. Vrach retsepti boʻyicha dori vositasini berish retseptda qayd etilgan xalqaro patentlanmagan nom asosida amalga oshiriladi. Bunda dori vositalarini berish normasi vrach retseptiga muvofiq belgilanadi”;
k) quyidagi mazmundagi 31 1 -band qoʻshilsin:
“31 1 . Retsept asosida dori vositasini berishda dorixonaning farmatsevt xodimi retseptning yirtma koreshogiga berilgan dori vositasining nomi, seriya raqami, farmatsevt familiyasi, ismi, otasining ismini yozib, uni imzolaydi va dorixonaning shtampi qoʻyilgan holda bemor (uning qarindoshlari yoki uning holidan xabar oluvchi shaxs)ga topshiradi, retsept dorixonada qoldiriladi.
Retsept asosida tayyorlab berilgan dori vositalarini berishda, qoʻshimcha ravishda ushbu Nizomga 1-ilovaga muvofiq shakldagi dorixonada retseptlarni qayd etish jurnaliga tegishli yozuvlar kiritiladi.
Retseptning yirtma koreshogi bemor (uning qarindoshlari yoki uning holidan xabar oluvchi shaxs) tomonidan yoʻqotilgan yoki u yaroqsiz xolga kelib qolgan xolatlarda dorixona xodimi tomonidan retseptning dorixonada saqlanayotgan, yirtma koreshogi oʻrnini bosuvchi, tasdiqlangan nusxasi berilishi mumkin.
Dori vositasini elektron retsept asosida berishda dorixonaning farmatsevt xodimi Oʻzbekiston Respublikasi Sogʻliqni saqlash vazirligining “Farmatsevtika mahsulotlarining harakatini nazorat qilish va hisobga olishning axborot tizimi”dagi tegishli maydonchalarga dori vositasining nomi, seriya raqami, farmatsevtning familiyasi, ismi, otasining ismini kiritib, elektron raqamli imzo bilan tasdiqlaydi”;
l) 34-bandi quyidagi tahrirda bayon qilinsin:
“34. Favqulodda holatlarda, bemorning yashash joyidan joʻnab ketishi, vaqtincha ketishi dorixonaga muntazam qatnashining imkoni yoʻqligi va boshqa shu kabi holatlarda dori vositalari retsept boʻyicha uch oygacha boʻlgan muddat mobaynida qoʻllash uchun zarur miqdorda berilishiga yoʻl qoʻyiladi”;
m) 35-bandga quyidagi mazmundagi uchinchi xatboshi qoʻshilsin:
“Bunda retseptning yirtma koreshogi, unga ushbu Nizomga muvofiq maʼlumotlarni kiritgan holda bemor (uning qarindoshlari yoki uning holidan xabar oluvchi shaxs)ga qaytariladi”;
n) quyidagi mazmundagi 37 1 -band qoʻshilsin:
“37 1 . Retseptda ushbu Nizomga zid ravishda rasmiylashtirilgan yoki bir-biriga nomutanosib dori vositalari koʻrsatilgan boʻlsa, dorixona tomonidan unga “Retsept haqiqiy emas” shtampi bosiladi va bekor qilinadi. Bunda bekor qilingan retsept haqidagi maʼlumotlar ushbu Nizomga 2-ilovaga muvofiq shakldagi notoʻgʻri yozib berilgan retseptlarni dorixonada hisobga olish jurnalida qayd etiladi va retseptni bergan davolash-profilaktika muassasasining rahbariga notoʻgʻri yozilgan retseptlar toʻgʻrisida xabar beriladi hamda vrach tomonidan berilgan retseptga nomutanosib dori vositalari dorixona tomonidan berilganda, dori vositalari qaytariladi”;
o) quyidagi mazmundagi 39 1 -band qoʻshilsin:
“39 1 . Elektron tijorat orqali dori vositalari va tibbiy buyumlarni realizatsiya qilishda, zarur hollarda dorixonalar tomonidan aholiga sotib olingan dori vositalari va tibbiy buyumlarni yetkazib berish mumkin. Bunda dori vositalari va tibbiy buyumlarni yetkazib berish dorixona xodimi — farmatsevtik maʼlumotga ega mutaxassis bilan birga amalga oshirilishi kerak.
Dori vositalari va tibbiy buyumlarni yetkazib berish uchun ularning sifati va xavfsizligiga rioya etilishini taʼminlovchi dori vositalari va tibbiy buyumlarni saqlash kamerasi bilan jihozlangan transport vositalaridan foydalaniladi.
Transport vositasi texnik soz va toza holatda tutilishi kerak. Tashish jarayonida dori vositalari va tibbiy buyumlarni saqlash kamerasida kerakli zarur harorat, namlik, shuningdek, toza havo taʼminlab turilishi lozim.
Oʻlchov uskunalariga kiruvchi asboblar foydalanishdan avval, shuningdek, taʼmirlangandan soʻng belgilangan tartibda birlamchi tekshiruvdan oʻtadi va (yoki) qiyoslanadi, foydalanish jarayonida esa tekshiriladi va qiyoslanadi.
Dori vositalari va tibbiy buyumlarni tashish shunday amalga oshirilishi lozimki, bunda ularning sifat koʻrsatgichlari yoʻqolmasligi hamda dori vositalarining oʻramlari va tibbiy qoʻllanilishi boʻyicha yoʻriqnomalarda qayd etilgan saqlash sharoitlariga rioya etilishi kerak.
Alohida saqlash haroratini talab etuvchi dori vositalarini tashish haroratni doimiy ravishda kuzatib boruvchi qurilma bilan jihozlangan refrijerator uskunasi yoki termokonteyner bilan jihozlangan transport vositasida amalga oshirilishi kerak.
Dori vositalari va tibbiy buyumlar, ularning sifati, samaradorligi va xavfsizligiga salbiy taʼsir koʻrsatmaydigan hamda tashqi muhit taʼsiridan saqlovchi transport vositalarida tashiladi. Dori vositalari va tibbiy buyumlarni boshqa turdagi yuklar bilan birga tashish taqiqlanadi”;
p) 41-bandi quyidagi tahrirda bayon qilinsin:
“41. Oʻzbekiston Respublikasi hududidagi barcha dorixonalarda ushbu Nizom talablariga rioya etilishini nazorat qilish dori vositalari va tibbiy buyumlarni chakana realizatsiya qilishni litsenziyalashni amalga oshiruvchi hududiy komissiyalarning ishchi organlari — Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasiga yuklanadi”;
r) Nizomga quyidagi mazmundagi 1 va 2-ilovalar qoʻshilsin:
“Dori vositalarini va tibbiy buyumlarni chakana realizatsiya qilish tartibi toʻgʻrisidagi nizomga 1-ILOVA
Retseptlarni qayd etish
Dorixona nomi (dorixona filiali) ________________________________________________________________________________________________________________________ T/r Sana Bemorning F.I.O. Retseptni bergan davolash-profilaktika tashkilotining nomi Davolovchi shifokor F.I.O. Dori vositasining nomi, miqdori va dozasi Dori vositasining shakli Dori vositasining narxi Bemorning manzili, telefon raqami Izoh
Dori vositalarini va tibbiy buyumlarni chakana realizatsiya qilish tartibi toʻgʻrisidagi nizomga 2-ILOVA
Notoʻgʻri yozib berilgan retseptlarni dorixonada hisobga olish
Dorixona nomi (dorixona filiali) ________________________________________________________________________________________________ T/r Sana Retseptni bergan davolash-profilaktika tashkilotining nomi Notoʻgʻri retsept bergan shifokorning F.I.O. Retsept tarkibi Retseptdagi xatoliklar (dozasi notoʻgʻri koʻrsatilgan dori vositalari yoki undagi yozuvlarning noaniqligi koʻrsatiladi) Davolash-profilaktika tashkilotining rahbariga xabar berilganligi haqidagi maʼlumot Dorixona/filiali farmatsevtning F.I.O.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 2-iyul,
549-son
Кабинета Министров Республики Узбекистан
Постановление
Журнал
Журнал
О внесении изменений и дополнений в некоторые решения Правительства Республики Узбекистан (Указ Президента Республики Узбекистан от 7 декабря 2018 года № ПП–5590 «О комплексных мерах по коренному совершенствованию системы здравоохранения Республики Узбекистан»)
В соответствии с Указом Президента Республики Узбекистан от 7 декабря 2018 года № ПП–5590 «О комплексных мерах по коренному совершенствованию системы здравоохранения Республики Узбекистан» Кабинет Министров постановляет:
1. Внести изменения и дополнения в некоторые решения Правительства Республики Узбекистан согласно приложению .
2. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
3. Настоящее постановление вступает в силу по истечении трёх месяцев со дня его опубликования.
4. Контроль за исполнением настоящего постановления возложить на заместителя Премьер-министра Республики Узбекистан по социальным вопросам А.А. Абдухакимова и министра здравоохранения Республики Узбекистан А.К. Шадманова.
ПРИЛОЖЕНИЕ к постановлению Кабинета Министров от 2 июля 2019 года № 549
Изменения и дополнения, вносимые в некоторые решения Правительства Республики Узбекистан
1. В Положении о порядке розничной реализации лекарственных средств и изделий медицинского назначения, утверждённом постановлением Кабинета Министров от 6 апреля 2017 г. № 185 (СЗ Республики Узбекистан, 2017 г., № 14, ст. 228):
а) пункт 4 1 изложить в следующей редакции:
«Разрешается реализация посредством электронной коммерции только лекарственных средств, отпускаемых без рецепта врача, и изделий медицинского назначения, с условием строгого соблюдения требований и порядка по обеспечению их сохранности при хранении и перевозке, а также по документированному и электронному оформлению с учётом требований законодательства»;
б) пункт 5 дополнить абзацами одиннадцатым и двенадцатым следующего содержания:
« международное непатентованное наименование — идентификация лекарственного средства путем присвоения ему укороченного наименования активной субстанции лекарственного средства Всемирной организацией здравоохранения;
Электронный рецепт — электронный документ, позволяющий формировать единую информационную базу электронных рецептов и оперативно получить специалисту с фармацевтическим образованием указание врача об изготовлении и (или) отпуске лекарственного препарата, способе его применения, зафиксированный в электронной форме, подтверждённый электронной цифровой подписью и имеющий другие реквизиты электронного документа, дающие возможность его идентифицировать. Электронный рецепт создаётся, обрабатывается и хранится с использованием технических средств и услуг информационных систем и информационных услуг»;
в) пункт 6 изложить в следующей редакции:
«При осуществлении розничной реализации лекарственных средств и изделий медицинского назначения аптеками и их филиалами должно быть обеспечено соблюдение требований государственных стандартов, санитарных правил, норм и гигиенических нормативов, противопожарных правил, правил охраны труда, правил техники безопасности и других нормативных документов в области технического регулирования»;
г) в пункте 8 :
абзац первый после слов «должен иметь» дополнить словами «высшее или среднее специальное»;
дополнить абзацем вторым следующего содержания:
«К реализации лекарственных средств допускаются только лица, имеющие специальное фармацевтическое образование»;
д) пункт 15 дополнить абзацем вторым следующего содержания:
«Запрещается розничная реализация наркотических средств, психотропных веществ и прекурсоров посредством электронной коммерции»;
е) абзац третий пункта 26 изложить в следующей редакции:
«Запрещается выставлять на витрину и в других доступных для всеобщего обозрения местах аптеки лекарственные средства, отпускаемые по рецепту врача, и изделия медицинского назначения, а также информацию о них»;
ж) пункт 27 изложить в следующей редакции:
«27. Розничная реализация лекарственных средств осуществляется по рецептам установленной формы, утверждаемой Министерством здравоохранения Республики Узбекистан, в том числе по электронным рецептам, или без рецепта согласно утвержденному Министерством здравоохранения Республики Узбекистан Списку лекарственных средств, отпускаемых без рецепта.
Розничная реализация лекарственных средств по электронным рецептам осуществляется посредством Информационной системы контроля и учёта движения фармацевтической продукции Министерства здравоохранения Республики Узбекистан»;
з) дополнить пунктом 29 1 следующего содержания:
«29 1 . Аптеки при реализации лекарственных средств (за исключением наркотических средств, психотропных веществ и прекурсоров) и изделий медицинского назначения посредством электронной коммерции обязаны размещать на соответствующих веб-сайтах и/или в мобильных приложениях нижеследующие сведения:
полное наименование юридического лица с указанием его организационно-правовой формы;
сведения о государственной регистрации, идентификационный номер субъекта предпринимательской деятельности;
местонахождение (почтовый адрес), адрес электронной почты, номер контактного телефона;
сведения о наличии лицензии (номер лицензии, срок действия, наименование уполномоченного органа, выдавшего лицензию);
информация о реализуемых лекарственных средствах и изделиях медицинского назначения (международное непатентованное название (для лекарственных средств) и торговое наименование, форма выпуска, дозировка, серия, срок годности, страна — производитель (поставщик), инструкция по применению, цена розничной реализации, размер торговой надбавки, сертификат соответствия (для лекарственных средств и изделий медицинского назначения, подлежащих в установленном порядке обязательной сертификации);
информация о реализуемых аналогах лекарственных средств и изделий медицинского назначения;
форма оплаты, порядок доставки и цена»;
и) пункт 31 изложить в следующей редакции:
«31. Отпуск лекарственного средства по рецепту врача осуществляется на основе международно — непатентованного названия, указанного в рецепте. При этом нормы отпуска лекарственных средств по объему устанавливаются соответственно указанному в рецепте врача»;
к) дополнить пунктом 31 1 следующего содержания:
«31 1 . При отпуске лекарственных средств по рецепту фармацевт аптеки заполняет отрывной корешок рецепта с указанием названия, серийного номера выданного лекарственного средства, фамилии, имени и отчества фармацевта, подписывает его, скрепляет штампом аптеки и передает корешок пациенту (родственнику или другому лицу, который заботится о его здоровье), рецепт остается в аптеке.
При отпуске из аптек лекарственных средств, изготовленных по рецептам врача, информация о данных лекарственных средствах дополнительно вносится в журнал для регистрации рецептов в аптеке по форме согласно приложению № 1 к настоящему Положению.
В случае утери или повреждения корешка пациентом (его родственником или другим лицом, который заботится о его здоровье) работником аптеки может быть выдана заверенная копия оставшейся на хранении в аптеке рецепта, который имеет силу отрывного корешка.
При отпуске лекарственных средств по электронному рецепту фармацевт аптеки вносит в соответствующие ячейки Информационной системы контроля и учёта движения фармацевтической продукции Министерства здравоохранения Республики Узбекистан название, серийный номер выданного лекарственного средства, фамилию, имя, отчество фармацевта и подтверждает его электронной подписью»;
л) пункт 34 изложить в следующей редакции:
«34. В чрезвычайных случаях, при выбывании или временном выезде больного из место проживания, невозможности регулярно посещать аптеку и в других подобных случаях допускается производить отпуск лекарственного средства по рецепту в количестве, необходимом для лечения в течение трех месяцев»;
м) пункт 35 дополнить абзацем третьим следующего содержания:
«При этом отрывной корешок рецепта с внесенными в него в соответствии с настоящим Положением данными, возвращается пациенту (его родственникам или другому лицу, который заботится о его здоровье)»;
н) дополнить пунктом 37 1 следующего содержания:
«37 1 . Если рецепт оформлен с нарушением настоящего Положения или в нем указаны несовместимые друг с другом лекарственные средства, в аптеке на него проставляется штамп «Рецепт недействителен» и рецепт аннулируется. При этом сведения о недействительном рецепте заносятся в Журнал по учету неправильно выписанных рецептов по форме согласно приложению № 2 к настоящему Положению и соответствующая информация о неправильно выписанном рецепте направляется руководителю лечебно-профилактического учреждения, выдавшего рецепт, а также, в случае отпуска из аптеки лекарственного средства, не соответствующего рецепту, лекарственное средство возвращается аптеке»;
о) дополнить пунктом 39 1 следующего содержания:
«39 1 . При осуществлении розничной реализации лекарственных средств и изделий медицинского назначения посредством электронной коммерции аптеками в необходимых случаях может быть осуществлена доставка приобретенных лекарственных средств и изделий медицинского назначения населению. При этом доставка лекарственных средств и изделий медицинского назначения должна осуществляться в сопровождении работника аптеки — специалиста с фармацевтическим образованием.
Для доставки лекарственных средств и изделий медицинского назначения используются транспортные средства, оборудованные камерами, обеспечивающими соблюдение качества, эффективности и безопасности лекарственных средств и изделий медицинского назначения. Не допускается использование привлеченного или попутного транспорта.
Используемое для доставки транспортное средство должно содержаться в надлежащем техническом состоянии и чистоте. В процессе транспортировки в камере транспортного средства, предназначенной для хранения лекарственных средств и изделий медицинского назначения, должны поддерживаться необходимый режим уровень температуры, влажности и циркуляции воздуха.
Оборудование, относящееся к средствам измерений, до ввода в эксплуатацию, а также после ремонта подлежит первичной поверке и (или) калибровке, а в процессе эксплуатации — периодической поверке и калибровке в соответствии с требованиями законодательства Республики Узбекистан.
Транспортировка лекарственных средств и изделий медицинского назначения должна осуществляться таким образом, чтобы идентичность и качественные характеристики лекарственных средств не были утрачены и соблюдались условия их хранения, указанные в инструкции по медицинскому применению и на упаковке лекарственного средства.
Транспортировка лекарственных средств, требующих особых температурных условий хранения, должна осуществляться только специальным транспортом, оборудованным рефрижераторными установками или термоконтейнерами, оснащенными устройствами климат — контроля для постоянного мониторинга температуры.
Лекарственные средства и изделия медицинского назначения перевозятся в транспортной таре, которая не оказывает отрицательного влияния на их качество, эффективность и безопасность и обеспечивает при этом надежную защиту от воздействия факторов внешней среды. Во время транспортировки лекарственные средства и изделия медицинского назначения должны быть защищены от повреждения упаковки, разлива, загрязнения, в том числе другими лекарственными средствами или веществами. Запрещается транспортировка лекарственных и изделий медицинского назначения средств вместе с другими видами груза»;
п) пункт 41 изложить в следующей редакции:
«41. Контроль за соблюдением требований настоящего Положения на территории Республики Узбекистан во всех аптеках возлагается на рабочие органы территориальных комиссий, осуществляющих лицензирование розничной реализации лекарственных средств и изделий медицинского назначения, — Министерство здравоохранения Республики Каракалпакстан, территориальные управления здравоохранения и Главное управление здравоохранения города Ташкента»;
р) дополнить Положение приложениями № 1 и 2 следующего содержания:
ПРИЛОЖЕНИЕ № 1 к Положению о порядке розничной реализации лекарственных средств и изделий медицинского назначения
регистрации рецептов
Название аптеки (филиала аптеки) __________________________________________________________________________________________________________________________ П/п Дата Ф.И.О. больного Название лечебно-профилактического учреждения, выдавшего рецепт Ф.И.О. лечащего врача Количество и доза лекарственного препарата Форма выпуска лекарственного препарата Цена лекарственного препарата Адрес и номер телефона больного Примечание
ПРИЛОЖЕНИЕ № 2 к Положению о порядке розничной реализации лекарственных средств и изделий медицинского назначения
учета неправильно выписанных рецептов
Название аптеки (филиала аптеки) ___________________________________________________________________________________________________________________ П/п Дата Название лечебно-профилактического учреждения, выдавшего рецепт Ф.И.О. лечащего врача, выдавшего неправильный рецепт Содержание рецепта Допущенные ошибки в рецепте (указываются неправильно указанная доза лекарств или несоответствия записей в рецепте) Информация об уведомлении руководителя лечебно-профилактического учреждения Ф.И.О. фармацевта аптеки/филиала аптеки
Премьер-министр Республики Узбекистан А. АРИПОВ
г. Ташкент,
2 июля 2019 г.,
№ 549