📅 2019-yil 29-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 29 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 июня 2019 г. · Постановления Президента
Официальный текст. Официальный документ. Редакционные примечания не включены.
📅 29 June 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
СТАВКАЛАРИ
Ўзбекистон Республикасининг Устюрт минтақасидаги Жел конини Маҳсулот тақсимотига оид битим шартлари асосида ўзлаштириш тўғрисида
[Кўчирма]
Ўзбекистон Республикаси Президентининг 2018 йил 3 ноябрдаги «Ўзбекистон Республикаси ва Россия Федерацияси ўртасидаги икки томонлама стратегик ҳамкорлик ва иттифоқчилик муносабатларини янада кенгайтириш чора-тадбирлари тўғрисида»ги ПҚ-3997-сон қарорига мувофиқ, шунингдек Ўзбекистон Республикасининг Устюрт минтақасидаги Жел конини ўзлаштиришга тўғридан-тўғри хорижий инвестицияларни жалб қилиш орқали углеводород хомашёсини қазиб олиш ва экспорт қилиш ҳажмларини янада ошириш мақсадида:
1. Қуйидагилар:
«Ўзбекнефтгаз» МХК ва «Газпром» ОАЖ (Россия Федерацияси) ўртасида 2006 йил 25 январда имзоланган Ўзбекистон Республикасининг Устюрт минтақаси инвестицион блокларида ер қаърини геологик жиҳатдан ўрганишнинг асосий принциплари тўғрисидаги Битим доирасида 2006 — 2009 йилларда Устюрт минтақасида геология-қидирув ишлари олиб борилиб, «Газпром» ОАЖнинг 371,0 млн АҚШ доллари миқдорида тўғридан-тўғри инвестициялари ўзлаштирилгани;
«Газпром» ОАЖ (Россия Федерацияси) томонидан Ўзбекистон Республикасининг Устюрт минтақасидаги Шахпахта инвестицион блокида амалга оширилган қидириш ва разведка қилиш ишлари натижасида саноат тоифасидаги умумий табиий газ захираси 6,4 млрд. м куб ва газ конденсати захираси 76,0 минг тоннага тенг янги Жел кони очилгани;
Ўзбекистон Республикаси ва «Газпром» ОАЖнинг (Россия Федерацияси) хорижда қидирув, разведка ишларини ўтказиш, конларни ишлатиш ва қазиб чиқариш соҳасидаги нефть ва газ лойиҳаларини амалга ошириш бўйича ягона ихтисослашган компанияси ҳисобланган «Газпром ЭП Интернэшнл Б.В.» (Нидерландия) ўртасида Ўзбекистон Республикасининг Устюрт минтақасидаги Жел кони бўйича маҳсулот тақсимотига оид Битим (кейинги ўринларда — Битим) имзолангани;
фойдага қолган маҳсулотни тенглик асосида тақсимлашни мустаҳкамлаб қўйиш мақсадида томонлар ўртасида қўшимча музокаралар ўтказилгани ва ўзаро манфаатларни инобатга олган ҳолда Битимга тегишли ўзгартиришлар тайёрлангани маълумот учун қабул қилинсин.
2. Ўзбекистон Республикасининг қонунчилигида белгиланган меъёрлар билан бир қаторда қуйидаги асосий шартларни назарда тутадиган Ўзбекистон Республикаси ва «Газпром ЭП Интернэшнл Б. В.» (Нидерландия) (кейинги ўринларда — инвестор) ўртасида 2018 йил 18 октябрда Тошкент шаҳрида имзоланган Битим ҳамда 2019 йил 28 июндаги 1-сон Қўшимча битим маъқуллансин:
компенсация маҳсулотининг чекланган даражаси — 75 фоиз;
фойда солиғининг ставкаси — 12 фоиз;
Битим шартларига мувофиқ инвесторнинг қопланиши шарт бўлган харажатларининг қопланмаган қисми учун йиллик молиялаштириш ставкаси — 8 фоиз;
Битимни амалга ошириш даврида табиий газнинг нарх конъюнктураси ўзгарганда табиий газ учун ер қаъридан фойдаланганлик учун солиқ (роялти)ни қўллашни мазкур қарорнинг 1-иловасига мувофиқ амалга ошириш;
Ўзбекистон Республикаси ҳамда инвесторнинг Ўзбекистон Республикаси Устюрт минтақасидаги Шахпахта инвестицион блоки доирасидаги тарихий сарф-харажатларининг мустақил аудитини ўтказиш натижаларига кўра инвесторнинг ушбу инвестицион блокда геология-қидирув ишларини олиб боришда қилган тарихий сарф-харажатларини қоплаш;
техник-иқтисодий асосланишини ишлаб чиқишда ва инвесторнинг Битимда белгиланган ички даромадлилик нормаси (IRR) сақланишини таъминлашда фойдага қолган маҳсулотни тенглик асосида тақсимлашни назарда тутган ҳолда Битимнинг айрим техник-иқтисодий параметрларини қайта кўриб чиқиш;
инвестор томонидан ўз ҳуқуқ ва мажбуриятларини унинг «Газпром зарубежнефтегаз» АЖ шуъба компаниясига топшириш имконияти;
Битимни амалга ошириш бўйича ваколатли орган функциясини Ўзбекистон Республикаси Энергетика вазирлигига ўтказиш.
3. Белгилансинки, Битимни амалга ошириш доирасида:
Битимда кўзда тутилган солиққа тортиш, шу жумладан божхона тўловларини тўлаш тартиби Битимнинг бутун амал қилиш даврида ўз кучини сақлаб қолади;
инвесторга тақдим этиладиган имтиёз ва преференциялар операторга ҳам татбиқ этилади;
«Ўзбекнефтгаз» АЖ ва унинг таркибига кирувчи ташкилотлар Битимнинг бутун амал қилиш даврида инвестор (оператор)га беғараз асосда вақтинчалик фойдаланишга (тасарруф этиш ҳуқуқисиз) бериладиган мол-мулклар учун мол-мулк солиғи тўлашдан озод этилади;
Битим имзоланганидан кейин Ўзбекистон Республикаси қонунчилигига Битим шартларини ёмонлаштирадиган ўзгартириш ёки қўшимчалар киритилганида (ишларни хавфсиз олиб бориш, меҳнат, ер ости бойликлари, атроф-муҳит ва фуқароларнинг соғлиғини муҳофаза қилиш бўйича стандартлар (нормалар, қоидалар)га ўзгартиришлар бундан мустасно), Битимда кўзда тутилган шартлар ўз кучини сақлаб қолади.
4. «Ўзбекнефтгаз» АЖга Битим шартларига мувофиқ инвесторга қуйидагиларни:
Битимни амалга ошириш доирасида нефть-газ ишларини олиб бориш мақсадлари учун зарур бўлган, Устюрт минтақасининг Шахпахта инвестицион блокида жойлашган объектлар ва мулкни вақтинча фойдаланиш учун беғараз асосда (тасарруф этиш ҳуқуқисиз) топширишга рухсат этилсин.
5. Ўзбекистон Республикаси Энергетика вазирлиги Битимнинг техник-иқтисодий асосланишини ишлаб чиқишда фойдага қолган маҳсулотни тенг тақсимлаш ва лойиҳанинг техник-иқтисодий параметрларини қайта кўриб чиқиш шарти билан ички бозорда реализация қилинадиган нефть-газ маҳсулотлари нархига чегирма қўллашни назарда тутсин.
6. Ўзбекистон Республикаси Геология ва минерал ресурслар давлат қўмитаси Битимнинг амал қилиш муддатига инвесторга Битимда кўзда тутилган шартлар асосида геологик жиҳатдан ўрганиш, фойдали қазилмаларни қазиб олиш учун ер қаъри участкаларидан фойдаланиш ҳуқуқини берувчи тегишли лицензияларни белгиланган тартибда берсин.
7. Қорақалпоғистон Республикаси Вазирлар Кенгаши Битимни амалга ошириш учун инвесторга зарур бўлган ер участкаларини белгиланган тартибда ажратсин.
8. Ўзбекистон Республикаси Энергетика вазирлиги ҳузуридаги Нефть маҳсулотлари ва газдан фойдаланишни назорат қилиш инспекцияси инвесторга Ўзбекистон Республикасининг Устюрт минтақасида жойлашган Жел конида табиий газ ва газ конденсатини қазиб олиш фаолиятини амалга ошириш ҳуқуқини берувчи лицензияни белгиланган тартибда берсин.
9. Ўзбекистон Республикаси Марказий банки операторга Ўзбекистон Республикасининг резидент банклари билан корреспондентлик алоқаларига эга бўлган Ўзбекистон Республикасидан ташқаридаги банкларда, Битимни амалга ошириш доирасида фақат нефть-газ операцияларини амалга ошириш мақсадларида фойдаланиладиган, чет эл валютасидаги банк ҳисоб рақамларини очишга белгиланган тартибда рухсатнома берилишини таъминласин.
10. Ўзбекистон Республикаси Ахборот технологиялари ва коммуникацияларини ривожлантириш вазирлиги Битимни амалга ошириш доирасида операторга, унинг пудратчи ва субпудратчи ташкилотларига радиоэлектрон воситалар ва юқори частотали қурилмалардан фойдаланишга белгиланган тартибда рухсатнома берсин.
11. Ўзбекистон Республикаси Ички ишлар вазирлиги операторнинг Ўзбекистон Республикаси Энергетика вазирлиги томонидан тасдиқланадиган буюртманомаларига биноан Битимни амалга оширишда қатнашаётган чет эл мутахассисларининг давлат божини ундирмасдан Ўзбекистон Республикасидаги турган жойи бўйича рўйхатдан ўтказилишини ва муддати узайтирилишини белгиланган тартибда таъминласин.
12. Ўзбекистон Республикаси Бандлик ва меҳнат муносабатлари вазирлиги операторнинг буюртманомаларига кўра Битимни амалга оширишда қатнашаётган юқори малакали хорижий (Ўзбекистон Республикаси фуқаролари орасида бўлмаган) мутахассисларга Ўзбекистон Республикаси ҳудудида меҳнат фаолияти ҳуқуқига тасдиқномалар берилиши (узайтирилиши)ни таъминласин.
13. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Э.М. Ғаниев ва Ўзбекистон Республикаси энергетика вазири А.С. Султанов зиммасига юклансин.
Ўзбекистон Республикаси Президентининг 2019 йил 29 июндаги ПҚ-4376-сон қарорига 1-ИЛОВА
Ўзбекистон Республикасининг Устюрт минтақасидаги Жел конига нисбатан Маҳсулот тақсимотига оид битимни амалга ошириш даврида табиий газнинг экспорт нархлари ўзгарганда қазиб олинган табиий газ учун қўлланиладиган ер қаъридан фойдаланганлик учун солиқ (роялти)
Табиий газ нархи (1 минг куб метр учун АҚШ долларида) Ер қаъридан фойдаланганлик учун солиқ (роялти) ставкаси 125 долларгача 0 фоиз 125 доллардан кўп ва 135 долларгача 6 фоиз 135 доллардан кўп ва 138 долларгача 7 фоиз 138 доллардан кўп ва 150 долларгача 17 фоиз 150 доллардан кўп ва 160 долларгача 23 фоиз 160 доллардан кўп ва 170 долларгача 25 фоиз 170 доллардан кўп 30 фоиз
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 29 июнь,
ПҚ-4376-сон
Oʻzbekiston Respublikasi Prezidentining
Qarori
STAVKALARI
Oʻzbekiston Respublikasining Ustyurt mintaqasidagi Jel konini Mahsulot taqsimotiga oid bitim shartlari asosida oʻzlashtirish toʻgʻrisida
[Koʻchirma]
Oʻzbekiston Respublikasi Prezidentining 2018-yil 3-noyabrdagi “Oʻzbekiston Respublikasi va Rossiya Federatsiyasi oʻrtasidagi ikki tomonlama strategik hamkorlik va ittifoqchilik munosabatlarini yanada kengaytirish chora-tadbirlari toʻgʻrisida”gi PQ-3997-son qaroriga muvofiq, shuningdek Oʻzbekiston Respublikasining Ustyurt mintaqasidagi Jel konini oʻzlashtirishga toʻgʻridan-toʻgʻri xorijiy investitsiyalarni jalb qilish orqali uglevodorod xomashyosini qazib olish va eksport qilish hajmlarini yanada oshirish maqsadida:
1. Quyidagilar:
“Oʻzbekneftgaz” MXK va “Gazprom” OAJ (Rossiya Federatsiyasi) oʻrtasida 2006-yil 25-yanvarda imzolangan Oʻzbekiston Respublikasining Ustyurt mintaqasi investitsion bloklarida yer qaʼrini geologik jihatdan oʻrganishning asosiy prinsiplari toʻgʻrisidagi Bitim doirasida 2006 — 2009-yillarda Ustyurt mintaqasida geologiya-qidiruv ishlari olib borilib, “Gazprom” OAJning 371,0 mln AQSH dollari miqdorida toʻgʻridan-toʻgʻri investitsiyalari oʻzlashtirilgani;
“Gazprom” OAJ (Rossiya Federatsiyasi) tomonidan Oʻzbekiston Respublikasining Ustyurt mintaqasidagi Shaxpaxta investitsion blokida amalga oshirilgan qidirish va razvedka qilish ishlari natijasida sanoat toifasidagi umumiy tabiiy gaz zaxirasi 6,4 mlrd. m kub va gaz kondensati zaxirasi 76,0 ming tonnaga teng yangi Jel koni ochilgani;
Oʻzbekiston Respublikasi va “Gazprom” OAJning (Rossiya Federatsiyasi) xorijda qidiruv, razvedka ishlarini oʻtkazish, konlarni ishlatish va qazib chiqarish sohasidagi neft va gaz loyihalarini amalga oshirish boʻyicha yagona ixtisoslashgan kompaniyasi hisoblangan “Gazprom EP Interneshnl B.V.” (Niderlandiya) oʻrtasida Oʻzbekiston Respublikasining Ustyurt mintaqasidagi Jel koni boʻyicha mahsulot taqsimotiga oid Bitim (keyingi oʻrinlarda — Bitim) imzolangani;
foydaga qolgan mahsulotni tenglik asosida taqsimlashni mustahkamlab qoʻyish maqsadida tomonlar oʻrtasida qoʻshimcha muzokaralar oʻtkazilgani va oʻzaro manfaatlarni inobatga olgan holda Bitimga tegishli oʻzgartirishlar tayyorlangani maʼlumot uchun qabul qilinsin.
2. Oʻzbekiston Respublikasining qonunchiligida belgilangan meʼyorlar bilan bir qatorda quyidagi asosiy shartlarni nazarda tutadigan Oʻzbekiston Respublikasi va “Gazprom EP Interneshnl B. V.” (Niderlandiya) (keyingi oʻrinlarda — investor) oʻrtasida 2018-yil 18-oktabrda Toshkent shahrida imzolangan Bitim hamda 2019-yil 28-iyundagi 1-son Qoʻshimcha bitim maʼqullansin:
kompensatsiya mahsulotining cheklangan darajasi — 75 foiz;
foyda soligʻining stavkasi — 12 foiz;
Bitim shartlariga muvofiq investorning qoplanishi shart boʻlgan xarajatlarining qoplanmagan qismi uchun yillik moliyalashtirish stavkasi — 8 foiz;
Bitimni amalga oshirish davrida tabiiy gazning narx konyunkturasi oʻzgarganda tabiiy gaz uchun yer qaʼridan foydalanganlik uchun soliq (royalti)ni qoʻllashni mazkur qarorning 1-ilovasiga muvofiq amalga oshirish;
Oʻzbekiston Respublikasi hamda investorning Oʻzbekiston Respublikasi Ustyurt mintaqasidagi Shaxpaxta investitsion bloki doirasidagi tarixiy sarf-xarajatlarining mustaqil auditini oʻtkazish natijalariga koʻra investorning ushbu investitsion blokda geologiya-qidiruv ishlarini olib borishda qilgan tarixiy sarf-xarajatlarini qoplash;
texnik-iqtisodiy asoslanishini ishlab chiqishda va investorning Bitimda belgilangan ichki daromadlilik normasi (IRR) saqlanishini taʼminlashda foydaga qolgan mahsulotni tenglik asosida taqsimlashni nazarda tutgan holda Bitimning ayrim texnik-iqtisodiy parametrlarini qayta koʻrib chiqish;
investor tomonidan oʻz huquq va majburiyatlarini uning “Gazprom zarubejneftegaz” AJ shuʼba kompaniyasiga topshirish imkoniyati;
Bitimni amalga oshirish boʻyicha vakolatli organ funksiyasini Oʻzbekiston Respublikasi Energetika vazirligiga oʻtkazish.
3. Belgilansinki, Bitimni amalga oshirish doirasida:
Bitimda koʻzda tutilgan soliqqa tortish, shu jumladan bojxona toʻlovlarini toʻlash tartibi Bitimning butun amal qilish davrida oʻz kuchini saqlab qoladi;
investorga taqdim etiladigan imtiyoz va preferensiyalar operatorga ham tatbiq etiladi;
“Oʻzbekneftgaz” AJ va uning tarkibiga kiruvchi tashkilotlar Bitimning butun amal qilish davrida investor (operator)ga begʻaraz asosda vaqtinchalik foydalanishga (tasarruf etish huquqisiz) beriladigan mol-mulklar uchun mol-mulk soligʻi toʻlashdan ozod etiladi;
Bitim imzolanganidan keyin Oʻzbekiston Respublikasi qonunchiligiga Bitim shartlarini yomonlashtiradigan oʻzgartirish yoki qoʻshimchalar kiritilganida (ishlarni xavfsiz olib borish, mehnat, yer osti boyliklari, atrof-muhit va fuqarolarning sogʻligʻini muhofaza qilish boʻyicha standartlar (normalar, qoidalar)ga oʻzgartirishlar bundan mustasno), Bitimda koʻzda tutilgan shartlar oʻz kuchini saqlab qoladi.
4. “Oʻzbekneftgaz” AJga Bitim shartlariga muvofiq investorga quyidagilarni:
Bitimni amalga oshirish doirasida neft-gaz ishlarini olib borish maqsadlari uchun zarur boʻlgan, Ustyurt mintaqasining Shaxpaxta investitsion blokida joylashgan obyektlar va mulkni vaqtincha foydalanish uchun begʻaraz asosda (tasarruf etish huquqisiz) topshirishga ruxsat etilsin.
5. Oʻzbekiston Respublikasi Energetika vazirligi Bitimning texnik-iqtisodiy asoslanishini ishlab chiqishda foydaga qolgan mahsulotni teng taqsimlash va loyihaning texnik-iqtisodiy parametrlarini qayta koʻrib chiqish sharti bilan ichki bozorda realizatsiya qilinadigan neft-gaz mahsulotlari narxiga chegirma qoʻllashni nazarda tutsin.
6. Oʻzbekiston Respublikasi Geologiya va mineral resurslar davlat qoʻmitasi Bitimning amal qilish muddatiga investorga Bitimda koʻzda tutilgan shartlar asosida geologik jihatdan oʻrganish, foydali qazilmalarni qazib olish uchun yer qaʼri uchastkalaridan foydalanish huquqini beruvchi tegishli litsenziyalarni belgilangan tartibda bersin.
7. Qoraqalpogʻiston Respublikasi Vazirlar Kengashi Bitimni amalga oshirish uchun investorga zarur boʻlgan yer uchastkalarini belgilangan tartibda ajratsin.
8. Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi investorga Oʻzbekiston Respublikasining Ustyurt mintaqasida joylashgan Jel konida tabiiy gaz va gaz kondensatini qazib olish faoliyatini amalga oshirish huquqini beruvchi litsenziyani belgilangan tartibda bersin.
9. Oʻzbekiston Respublikasi Markaziy banki operatorga Oʻzbekiston Respublikasining rezident banklari bilan korrespondentlik aloqalariga ega boʻlgan Oʻzbekiston Respublikasidan tashqaridagi banklarda, Bitimni amalga oshirish doirasida faqat neft-gaz operatsiyalarini amalga oshirish maqsadlarida foydalaniladigan, chet el valyutasidagi bank hisob raqamlarini ochishga belgilangan tartibda ruxsatnoma berilishini taʼminlasin.
10. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Bitimni amalga oshirish doirasida operatorga, uning pudratchi va subpudratchi tashkilotlariga radioelektron vositalar va yuqori chastotali qurilmalardan foydalanishga belgilangan tartibda ruxsatnoma bersin.
11. Oʻzbekiston Respublikasi Ichki ishlar vazirligi operatorning Oʻzbekiston Respublikasi Energetika vazirligi tomonidan tasdiqlanadigan buyurtmanomalariga binoan Bitimni amalga oshirishda qatnashayotgan chet el mutaxassislarining davlat bojini undirmasdan Oʻzbekiston Respublikasidagi turgan joyi boʻyicha roʻyxatdan oʻtkazilishini va muddati uzaytirilishini belgilangan tartibda taʼminlasin.
12. Oʻzbekiston Respublikasi Bandlik va mehnat munosabatlari vazirligi operatorning buyurtmanomalariga koʻra Bitimni amalga oshirishda qatnashayotgan yuqori malakali xorijiy (Oʻzbekiston Respublikasi fuqarolari orasida boʻlmagan) mutaxassislarga Oʻzbekiston Respublikasi hududida mehnat faoliyati huquqiga tasdiqnomalar berilishi (uzaytirilishi)ni taʼminlasin.
13. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev va Oʻzbekiston Respublikasi energetika vaziri A.S. Sultanov zimmasiga yuklansin.
Oʻzbekiston Respublikasi Prezidentining 2019-yil 29-iyundagi PQ-4376-son qaroriga 1-ILOVA
Oʻzbekiston Respublikasining Ustyurt mintaqasidagi Jel koniga nisbatan Mahsulot taqsimotiga oid bitimni amalga oshirish davrida tabiiy gazning eksport narxlari oʻzgarganda qazib olingan tabiiy gaz uchun qoʻllaniladigan yer qaʼridan foydalanganlik uchun soliq (royalti)
Tabiiy gaz narxi (1 ming kub metr uchun AQSH dollarida) Yer qaʼridan foydalanganlik uchun soliq (royalti) stavkasi 125 dollargacha 0 foiz 125 dollardan koʻp va 135 dollargacha 6 foiz 135 dollardan koʻp va 138 dollargacha 7 foiz 138 dollardan koʻp va 150 dollargacha 17 foiz 150 dollardan koʻp va 160 dollargacha 23 foiz 160 dollardan koʻp va 170 dollargacha 25 foiz 170 dollardan koʻp 30 foiz
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 29-iyun,
PQ-4376-son
Президента Республики Узбекистан
Постановление
СТАВКИ
О разработке месторождения Джел в Устюртском регионе Республики Узбекистан на условиях Соглашения о разделе продукции
[Извлечение]
В соответствии с постановлением Президента Республики Узбекистан от 3 ноября 2018 года № ПП-3997 «О мерах по дальнейшему расширению двустороннего стратегического сотрудничества и союзнических отношений между Республикой Узбекистан и Российской Федерацией», а также в целях дальнейшего увеличения объемов добычи и экспорта углеводородного сырья путем привлечения прямых иностранных инвестиций в разработку месторождения Джел в Устюртском регионе Республики Узбекистан:
1. Принять к сведению, что:
в рамках Соглашения об основных принципах проведения геологического изучения недр инвестиционных блоков Устюртского региона Республики Узбекистан, подписанного 25 января 2006 года между НХК «Узбекнефтегаз» и ОАО «Газпром» (Российская Федерация), за 2006 — 2009 годы в Устюртском регионе проведены геологоразведочные работы с освоением прямых инвестиций ОАО «Газпром» (Российская Федерация) в размере 371,0 млн долларов США;
в результате проведенных ОАО «Газпром» (Российская Федерация) поисковых и разведочных работ на Шахпахтинском инвестиционном блоке Устюртского региона Республики Узбекистан открыто новое месторождение Джел с суммарным объемом промышленных категорий запасов природного газа в объеме 6,4 млрд куб. м и газового конденсата — 76 тыс. тонн;
подписано Соглашение о разделе продукции в отношении месторождения Джел в Устюртском регионе Республики Узбекистан между Республикой Узбекистан и компанией «Газпром ЭП Интернэшнл Б. В.» (Нидерланды) (далее — Соглашение), являющейся единой специализированной компанией ПАО «Газпром» (Российская Федерация) по реализации нефтегазовых проектов в области поиска, разведки, разработки и добычи за рубежом;
в целях закрепления паритетного раздела прибыльной продукции сторонами проведены дополнительные переговоры и подготовлены соответствующие изменения для внесения в Соглашение с учетом взаимных интересов.
2. Одобрить Соглашение, подписанное между Республикой Узбекистан и компанией «Газпром ЭП Интернэшнл Б. В.» (Нидерланды) (далее — инвестор) 18 октября 2018 года в г. Ташкенте, и Дополнительное соглашение № 1 к нему от 28 июня 2019 года, предусматривающие, наряду с установленными законодательством Республики Узбекистан нормами, следующие основные условия его реализации:
предельный уровень компенсационной продукции на уровне 75 процентов;
ставку налога на прибыль на уровне 12 процентов;
годовую ставку финансирования невозмещенной части затрат инвестора, подлежащих возмещению согласно условиям Соглашения, в размере 8 процентов;
в случае изменения конъюнктуры цен на природный газ в период реализации Соглашения применение налога за пользование недрами (роялти) в отношении добытого природного газа по ставкам согласно приложению № 1 к настоящему постановлению;
возмещение исторических затрат инвестора в рамках Соглашения, понесенных им при проведении геологоразведочных работ на Шахпахтинском инвестиционном блоке в Устюртском регионе Республики Узбекистан, по результатам независимого аудита исторических затрат Республики Узбекистан и инвестора в пределах указанного инвестиционного блока;
пересмотр отдельных технико-экономических параметров Соглашения с закреплением паритетного раздела прибыльной продукции при разработке технико-экономического обоснования и обеспечении сохранения установленной Соглашением внутренней нормы доходности (IRR) инвестора;
возможность передачи инвестором своих прав и обязательств его дочерней компании АО «Газпром зарубежнефтегаз»;
передачу функций уполномоченного органа по реализации Соглашения Министерству энергетики Республики Узбекистан.
3. Установить, что в рамках реализации Соглашения:
режим налогообложения, включая уплату таможенных платежей, предусмотренный в Соглашении, сохраняет силу на протяжении всего срока действия Соглашения;
на оператора распространяются льготы и преференции, предоставляемые инвестору;
АО «Узбекнефтегаз» и организации, входящие в его состав, освобождаются на весь срок действия Соглашения от уплаты налога на имущество в части имущества, передаваемого инвестору (оператору) на безвозмездной основе во временное пользование (без права распоряжения);
в случае внесения в законодательство Республики Узбекистан после подписания Соглашения (за исключением изменений в стандарты (нормы, правила) по безопасному ведению работ, охране труда, недр, окружающей среды и здоровья граждан) изменений или дополнений, ухудшающих условия Соглашения, сохраняется действие условий, предусмотренных Соглашением.
4. Разрешить АО «Узбекнефтегаз» в соответствии с условиями Соглашения передавать инвестору:
объекты и имущество, находящиеся на Шахпахтинском инвестиционном блоке Устюртского региона, необходимые инвестору для целей ведения нефтегазовых операций в рамках реализации Соглашения, на безвозмездной основе во временное пользование (без права распоряжения).
5. Министерству энергетики Республики Узбекистан при разработке технико-экономического обоснования Соглашения предусмотреть паритетный раздел прибыльной продукции и применение дисконта к цене нефтегазовой продукции, реализуемой на внутреннем рынке с условием пересмотра технико-экономического параметра проекта.
6. Государственному комитету Республики Узбекистан по геологии и минеральным ресурсам выдать в установленном порядке инвестору на период действия Соглашения соответствующие лицензии на право пользования участком недр для геологического изучения, добычи полезных ископаемых на условиях, предусмотренных Соглашением.
7. Совету Министров Республики Каракалпакстан в установленном порядке произвести отвод инвестору земельных участков, необходимых для реализации Соглашения.
8. Инспекции по контролю за использованием нефтепродуктов и газа при Министерстве энергетики Республики Узбекистан выдать в установленном порядке инвестору лицензию на право осуществления деятельности по добыче газа и газового конденсата на месторождении Джел в Устюртском регионе Республики Узбекистан.
9. Центральному банку Республики Узбекистан обеспечить в установленном порядке выдачу разрешения оператору на открытие в банках за пределами Республики Узбекистан, имеющих корреспондентские отношения с банками-резидентами Республики Узбекистан, банковских счетов в иностранной валюте, используемых исключительно для целей ведения нефтегазовых операций в рамках реализации Соглашения.
10. Министерству по развитию информационных технологий и коммуникаций Республики Узбекистан в установленном порядке выдать оператору, его подрядным и субподрядным организациям разрешение на использование радиоэлектронных средств и высокочастотных устройств в рамках реализации Соглашения.
11. Министерству внутренних дел Республики Узбекистан по заявкам оператора, подтверждаемым Министерством энергетики Республики Узбекистан, в установленном порядке обеспечить оформление регистрации и ее продление по месту пребывания в Республике Узбекистан для иностранных специалистов, участвующих в реализации Соглашения, без взимания государственной пошлины.
12. Министерству занятости и трудовых отношений Республики Узбекистан обеспечить в установленном порядке, по заявкам оператора, выдачу (продление) высококвалифицированным иностранным специалистам (не из числа граждан Республики Узбекистан), участвующим в реализации Соглашения, подтверждений на право трудовой деятельности на территории Республики Узбекистан.
13. Контроль за исполнением настоящего постановления возложить на заместителя Премьер-министра Республики Узбекистан Э.М. Ганиева и министра энергетики Республики Узбекистан А.С. Султанова.
ПРИЛОЖЕНИЕ № 1 к постановлению Президента Республики Узбекистан от 29 июня 2019 года № ПП-4376
налога за пользование недрами (роялти) в отношении добытого природного газа, применяемые в период реализации Соглашения о разделе продукции в отношении месторождения Джел в Устюртском регионе Республики Узбекистан при изменении экспортных цен на природный газ
Цена природного газа (в долларах США за 1 тыс. куб. м) Ставка налога за пользование недрами (роялти) до 125 долларов включительно 0 % больше 125 и до 135 долларов включительно 6 % больше 135 и до 138 долларов включительно 7 % больше 138 и до 150 долларов включительно 17 % больше 150 и до 160 долларов включительно 23 % больше 160 и до 170 долларов включительно 25 % больше 170 долларов 30 %
Президент Республики Узбекистан Ш. МИРЗИЁЕВ
г. Ташкент,
29 июня 2019 г.,
№ ПП-4376