📅 2019-yil 3-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 3 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 3 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ички ишлар органлари ходимларини мобил видеокузатув воситалари билан таъминлаш бўйича қўшимча чора-тадбирлар тўғрисида
Ўзбекистон Республикаси Президентининг «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид давлат дастури тўғрисида» 2018 йил 22 январдаги ПФ-5308-сон Фармонида маъмурий ҳуқуқбузарликлар тўғрисидаги ишларни расмийлаштириш ва кўриб чиқишда ошкоралик ва самарадорликни ошириш мақсадида ички ишлар органларининг йўл-патруль бўлинмалари ва патруль-пост хизмати ходимларини мобил видеокамералар ҳамда планшетлар билан таъминлаш назарда тутилган.
Ўзбекистон Республикаси Президентининг «Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида» 2018 йил 24 декабрдаги ПҚ-4075-сон қарорида Ўзбекистон Республикаси Мудофаа саноати давлат қўмитасига 2019 йил 1 апрелга қадар ички ишлар органларининг йўл-патруль бўлинмалари ва патруль-пост хизмати ходимлари учун мобил видеокамералар ҳамда планшетлар харид қилиш чораларини кўриш топширилган.
2019 йил 1 июль ҳолатига кўра, Ўзбекистон Республикаси Мудофаа саноати давлат қўмитаси томонидан ички ишлар органларининг йўл-патруль бўлинмалари ва патруль-пост хизмати ходимлари учун мобил видеокамералар ҳамда планшетларни салоҳиятли етказиб берувчиларни ўрганиш, шунингдек, таклиф этилаётган ускунанинг техник талаблар ва параметрларга мувофиқлигини синовдан ўтказиш ва қиёсий таҳлил қилиш бўйича тадбирлар амалга оширилмоқда.
Бироқ, Ўзбекистон Республикаси Мудофаа саноати давлат қўмитаси ва Ички ишлар вазирлиги раҳбарияти томонидан йўл қўйилган ортиқча сансалорлик ва бюрократизм ушбу топшириқнинг ўз муддатида бажарилмаслигига сабаб бўлди.
Ўзбекистон Республикаси Президентининг «Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида» 2018 йил 24 декабрдаги ПҚ-4075-сон қарорининг сўзсиз ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Мудофаа саноати давлат қўмитаси ва Ички ишлар вазирлиги раҳбарияти томонидан Ўзбекистон Республикаси Президентининг топшириғини бажариш муддатлари қўпол равишда бузилганлиги, белгиланган вазифалар бажарилишини ташкил этиш чоралари ўз вақтида кўрилмагани ва назорат ўрнатилмагани учун:
Вазирлар Маҳкамасининг «Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиши тартиби тўғрисидаги низомни тасдиқлаш ҳақида» 2018 йил 1 декабрдаги 975-сон қарорини бажариш муддатлари бузилганлиги учун Ўзбекистон Республикаси Мудофаа саноати давлат қўмитаси раисининг ўринбосари Х.Б. Юсуповга ва Ўзбекистон Республикаси ички ишлар вазирининг ўринбосари Р.М. Эргашевга ҳайфсан эълон қилинсин;
Ўзбекистон Республикаси Мудофаа саноати давлат қўмитаси ҳамда Ички ишлар вазирлиги раҳбариятига Ўзбекистон Республикаси Президентининг топшириғини ўз вақтида бажариш бўйича амалий чоралар кўрилмаганлиги қатъий кўрсатиб ўтилсин.
2. Ўзбекистон Республикаси Мудофаа саноати давлат қўмитаси раиси А.С. Ибадуллаев ва Ички ишлар вазирлиги раҳбарияти 2020 йил 1 январгача ички ишлар органларининг йўл-патруль бўлинмалари ва патруль-пост хизмати ходимларини мобил видеокамералар ҳамда планшетлар билан таъминлаш учун шахсан масъул эканлиги ҳақида огоҳлантирилсин.
3. Вазирлар Маҳкамасининг «Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиши тартиби тўғрисидаги низомни тасдиқлаш ҳақида» 2018 йил 1 декабрдаги 975-сон қарорида :
1-банднинг иккинчи хатбошидаги «2019 йил 1 июлдан» сўзлари «2020 йил 1 январдан» сўзлари билан алмаштирилсин;
илованинг (Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиши тартиби тўғрисидаги низом) 21-бандидаги «энг кам ойлик иш ҳақининг» сўзлари «базавий ҳисоблаш миқдорининг» сўзлари билан алмаштирилсин.
4. Белгилаб қўйилсинки, ушбу қарорнинг 3-банди учинчи хатбоши 2019 йил 1 сентябрдан кучга киради.
5. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов, Ўзбекистон Республикаси мудофаа саноати давлат қўмитаси раиси А.С. Ибадуллаев ва Ўзбекистон Республикаси ички ишлар вазири П.Р. Бобожонов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 3 июль,
556-сон
Oʻzbekiston Respublikasi Vazirlar Mahkamasining
qarori
Ichki ishlar organlari xodimlarini mobil videokuzatuv vositalari bilan taʼminlash boʻyicha qoʻshimcha chora-tadbirlar toʻgʻrisida
Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid davlat dasturi toʻgʻrisida” 2018-yil 22-yanvardagi PF-5308-son Farmonida maʼmuriy huquqbuzarliklar toʻgʻrisidagi ishlarni rasmiylashtirish va koʻrib chiqishda oshkoralik va samaradorlikni oshirish maqsadida ichki ishlar organlarining yoʻl-patrul boʻlinmalari va patrul-post xizmati xodimlarini mobil videokameralar hamda planshetlar bilan taʼminlash nazarda tutilgan.
Oʻzbekiston Respublikasi Prezidentining “Jamoat xavfsizligini taʼminlash samaradorligini oshirish boʻyicha qoʻshimcha chora-tadbirlar toʻgʻrisida” 2018-yil 24-dekabrdagi PQ-4075-son qarorida Oʻzbekiston Respublikasi Mudofaa sanoati davlat qoʻmitasiga 2019-yil 1-aprelga qadar ichki ishlar organlarining yoʻl-patrul boʻlinmalari va patrul-post xizmati xodimlari uchun mobil videokameralar hamda planshetlar xarid qilish choralarini koʻrish topshirilgan.
2019-yil 1-iyul holatiga koʻra, Oʻzbekiston Respublikasi Mudofaa sanoati davlat qoʻmitasi tomonidan ichki ishlar organlarining yoʻl-patrul boʻlinmalari va patrul-post xizmati xodimlari uchun mobil videokameralar hamda planshetlarni salohiyatli yetkazib beruvchilarni oʻrganish, shuningdek, taklif etilayotgan uskunaning texnik talablar va parametrlarga muvofiqligini sinovdan oʻtkazish va qiyosiy tahlil qilish boʻyicha tadbirlar amalga oshirilmoqda.
Biroq, Oʻzbekiston Respublikasi Mudofaa sanoati davlat qoʻmitasi va Ichki ishlar vazirligi rahbariyati tomonidan yoʻl qoʻyilgan ortiqcha sansalorlik va byurokratizm ushbu topshiriqning oʻz muddatida bajarilmasligiga sabab boʻldi.
Oʻzbekiston Respublikasi Prezidentining “Jamoat xavfsizligini taʼminlash samaradorligini oshirish boʻyicha qoʻshimcha chora-tadbirlar toʻgʻrisida” 2018-yil 24-dekabrdagi PQ-4075-son qarorining soʻzsiz ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Mudofaa sanoati davlat qoʻmitasi va Ichki ishlar vazirligi rahbariyati tomonidan Oʻzbekiston Respublikasi Prezidentining topshirigʻini bajarish muddatlari qoʻpol ravishda buzilganligi, belgilangan vazifalar bajarilishini tashkil etish choralari oʻz vaqtida koʻrilmagani va nazorat oʻrnatilmagani uchun:
Vazirlar Mahkamasining “Yoʻl-patrul xizmati xodimlarining yoʻl harakati qatnashchilari bilan oʻzaro munosabatlari hamda maxsus moslamalardan foydalanishi tartibi toʻgʻrisidagi nizomni tasdiqlash haqida” 2018-yil 1-dekabrdagi 975-son qarorini bajarish muddatlari buzilganligi uchun Oʻzbekiston Respublikasi Mudofaa sanoati davlat qoʻmitasi raisining oʻrinbosari X.B. Yusupovga va Oʻzbekiston Respublikasi ichki ishlar vazirining oʻrinbosari R.M. Ergashevga hayfsan eʼlon qilinsin;
Oʻzbekiston Respublikasi Mudofaa sanoati davlat qoʻmitasi hamda Ichki ishlar vazirligi rahbariyatiga Oʻzbekiston Respublikasi Prezidentining topshirigʻini oʻz vaqtida bajarish boʻyicha amaliy choralar koʻrilmaganligi qatʼiy koʻrsatib oʻtilsin.
2. Oʻzbekiston Respublikasi Mudofaa sanoati davlat qoʻmitasi raisi A.S. Ibadullayev va Ichki ishlar vazirligi rahbariyati 2020-yil 1-yanvargacha ichki ishlar organlarining yoʻl-patrul boʻlinmalari va patrul-post xizmati xodimlarini mobil videokameralar hamda planshetlar bilan taʼminlash uchun shaxsan masʼul ekanligi haqida ogohlantirilsin.
3. Vazirlar Mahkamasining “Yoʻl-patrul xizmati xodimlarining yoʻl harakati qatnashchilari bilan oʻzaro munosabatlari hamda maxsus moslamalardan foydalanishi tartibi toʻgʻrisidagi nizomni tasdiqlash haqida” 2018-yil 1-dekabrdagi 975-son qarorida :
1-bandning ikkinchi xatboshidagi “2019-yil 1-iyuldan” soʻzlari “2020-yil 1-yanvardan” soʻzlari bilan almashtirilsin;
ilovaning (Yoʻl-patrul xizmati xodimlarining yoʻl harakati qatnashchilari bilan oʻzaro munosabatlari hamda maxsus moslamalardan foydalanishi tartibi toʻgʻrisidagi nizom) 21-bandidagi “eng kam oylik ish haqining” soʻzlari “bazaviy hisoblash miqdorining” soʻzlari bilan almashtirilsin.
4. Belgilab qoʻyilsinki, ushbu qarorning 3-bandi uchinchi xatboshi 2019-yil 1-sentabrdan kuchga kiradi.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov, Oʻzbekiston Respublikasi mudofaa sanoati davlat qoʻmitasi raisi A.S. Ibadullayev va Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 3-iyul,
556-son
Кабинета Министров Республики Узбекистан
Постановление
О дополнительных мерах по обеспечению сотрудников органов внутренних дел мобильными средствами видеонаблюдения
Указом Президента Республики Узбекистан от 22 января 2018 года № УП-5308 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий»» в целях повышения эффективности и обеспечения прозрачности при оформлении и рассмотрении дел об административных правонарушениях предусмотрено оснащение сотрудников дорожно-патрульных подразделений и патрульно-постовой службы органов внутренних дел мобильными видеокамерами и планшетами.
Постановлением Президента Республики Узбекистан от 24 декабря 2018 года № ПП-4075 «О дополнительных мерах по повышению эффективности обеспечения общественной безопасности» поручено Государственному комитету Республики Узбекистан по оборонной промышленности в срок до 1 апреля 2019 года принять меры по закупу мобильных видеокамер и планшетов для сотрудников дорожно-патрульных подразделений и патрульно-постовой службы органов внутренних дел.
По состоянию на 1 июля 2019 года Государственным комитетом Республики Узбекистан по оборонной промышленности проводятся мероприятия по изучению потенциальных поставщиков мобильных видеокамер и планшетов для сотрудников дорожно-патрульных подразделений и патрульно-постовой службы органов внутренних дел, а также апробация и сравнительный анализ предлагаемого оборудования на предмет его соответствия техническим требованиям и параметрам.
Однако чрезмерная волокита и бюрократизм, проявленные руководством Государственного комитета Республики Узбекистан по оборонной промышленности и Министерства внутренних дел Республики Узбекистан, привели к срыву сроков исполнения данного поручения.
В целях безусловного исполнения постановления Президента Республики Узбекистан от 24 декабря 2018 года № ПП-4075 «О дополнительных мерах по повышению эффективности обеспечения общественной безопасности» Кабинет Министров постановляет:
1. За грубое нарушение сроков исполнения поручения Президента Республики Узбекистан, несвоевременное принятие мер по организации выполнения поставленных задач и отсутствие контроля со стороны руководителей Государственного комитета Республики Узбекистан по оборонной промышленности и Министерства внутренних дел Республики Узбекистан:
за срыв сроков выполнения постановления Кабинета Министров от 1 декабря 2018 г. № 975 «Об утверждении Положения о порядке регулирования взаимоотношений сотрудников дорожно-патрульной службы с участниками дорожного движения и применения специальных средств» заместителю председателя Государственного комитета Республики Узбекистан по оборонной промышленности Х.Б. Юсупову и заместителю министра внутренних дел Республики Узбекистан Р.М. Эргашеву объявить выговор;
строго указать руководству Государственного комитета Республики Узбекистан по оборонной промышленности и Министерства внутренних дел Республики Узбекистан на непринятие действенных мер по своевременному исполнению поручения Президента Республики Узбекистан.
2. Предупредить председателя Государственного комитета Республики Узбекистан по оборонной промышленности А.С. Ибадуллаева и руководство Министерства внутренних дел Республики Узбекистан о персональной ответственности за обеспечение в срок до 1 января 2020 года сотрудников дорожно-патрульных подразделений и патрульно-постовой службы органов внутренних дел мобильными видеокамерами и планшетами.
3. В постановлении Кабинета Министров от 1 декабря 2018 г. № 975 «Об утверждении Положения о порядке регулирования взаимоотношений сотрудников дорожно-патрульной службы с участниками дорожного движения и применения специальных средств»:
в абзаце втором пункта 1 слова «с 1 июля 2019 года» заменить словами «с 1 января 2020 года»;
в пункте 21 приложения (Положение о порядке регулирования взаимоотношений сотрудников дорожно-патрульной службы с участниками дорожного движения и применения специальных средств) слова «минимального размера заработной платы» заменить словами «базовой расчетной величины».
4. Установить, что абзац третий пункта 3 настоящего постановления вступает в силу с 1 сентября 2019 года.
5. Контроль за исполнением настоящего постановления возложить на Первого заместителя Премьер-министра Республики Узбекистан — министра транспорта А.Ж. Раматова, председателя Государственного комитета Республики Узбекистан по оборонной промышленности А.С. Ибадуллаева и министра внутренних дел Республики Узбекистан П.Р. Бобожонова.
Премьер-министр Республики Узбекистан А. АРИПОВ
г. Ташкент,
3 июля 2019 г.,
№ 556