📅 2019-yil 5-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 5 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 5 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Наманган вилоятида жойлашган ишлаб чиқариш объектларидан самарали фойдаланиш бўйича қўшимча чора-тадбирлар тўғрисида
Ишлаб чиқариш объектларидан самарали фойдаланиш, инвестицияларни жалб қилган ҳолда улар негизида янги рақобатбардош ишлаб чиқаришни ташкил этиш, ҳудуднинг ишлаб чиқариш экспорт салоҳиятини ошириш ҳамда янги иш ўринларини яратиш мақсадида Вазирлар Маҳкамаси қарор қилади:
1. «Наманган шарбати» МЧЖ ҚК томонидан аралаш тўқимачилик маҳсулотлари ишлаб чиқариш лойиҳасини амалга ошириш мақсадида умумий майдони 30,4 га бўлган ер майдони (кейинги ўринларда объект деб аталади) Ўзбекистон Республикаси ТИФ Миллийбанк (кейинги ўринларда Ўзмиллийбанк деб аталади) билан 2018 йил 5 июлда тузилган олди-сотди шартномасига асосан 7 йилга бўлиб тўлаш шарти билан сотиб олинганлиги;
республика ҳудудларида бир қанча йирик лойиҳалар амалга оширилаётганлиги сабабли юзага келган молиявий қийинчиликлар туфайли «Наманган шарбати» МЧЖ ҚК таъсисчилари ушбу лойиҳани амалга оширишни тўхтатганлиги;
«Gabon Textile» МЧЖ томонидан ушбу объект негизида йиллик қуввати 84,0 млн.п.м. бўялган мато, 1,8 минг тонна тайёр бўялган трикотаж мато ва 2,2 минг тонна бўялган момиқ мато ишлаб чиқариш лойиҳасини (кейинги ўринларда лойиҳа деб аталади) 2023 йилгача босқичма-босқич амалга оширишга қизиқиш билдирилганлиги маълумот учун қабул қилинсин.
2. «Ўзтўқимачиликсаноат» уюшмаси, Наманган вилояти ҳокимлиги, Ўзмиллийбанк ва «Наманган шарбати» масъулияти чекланган жамияти қўшма корхонасининг объектни «Gabon Textile» масъулияти чекланган жамиятига «Наманган шарбати» масъулияти чекланган жамияти қўшма корхонасига берилган ҳуқуқ ва мажбуриятлар асосида бериш бўйича таклифлари маъқуллансин.
3. Белгилансинки, объект «Gabon Textile» масъулияти чекланган жамиятига юқоридаги шартномага кўра сотиб олиш шартларини сақлаб қолган ҳолда 30 млн.доллар эквивалентидан кам бўлмаган миқдорда инвестиция мажбуриятлари эвазига ҳамда инвестиция мажбуриятларини янги муддатини белгилаган ҳолда 4 йилдан кўп бўлмаган муддатга берилсин.
4. «Gabon Textile» масъулияти чекланган жамияти «Ўзтўқимачиликсаноат» уюшмаси ҳамда Ўзмиллийбанк билан биргаликда уч ой муддатда ўрнатилган тартибда лойиҳа техник-иқтисодий асосини ишлаб чиқсин, «Ўзтўқимачиликсаноат» уюшмаси Илмий-техник кенгаши томонидан экспертизадан ўтказилиши ва тасдиқланиши таъминлансин.
5. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қучқоров, Ўзмиллийбанк бошқарув раиси А.К. Мирсоатов ва «Ўзтўқимачиликсаноат» уюшмаси раиси И.У. Хайдаров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 5 июль,
561-сон
Oʻzbekiston Respublikasi Vazirlar Mahkamasining
qarori
Namangan viloyatida joylashgan ishlab chiqarish obyektlaridan samarali foydalanish boʻyicha qoʻshimcha chora-tadbirlar toʻgʻrisida
Ishlab chiqarish obyektlaridan samarali foydalanish, investitsiyalarni jalb qilgan holda ular negizida yangi raqobatbardosh ishlab chiqarishni tashkil etish, hududning ishlab chiqarish eksport salohiyatini oshirish hamda yangi ish oʻrinlarini yaratish maqsadida Vazirlar Mahkamasi qaror qiladi:
1. “Namangan sharbati” MCHJ QK tomonidan aralash toʻqimachilik mahsulotlari ishlab chiqarish loyihasini amalga oshirish maqsadida umumiy maydoni 30,4 ga boʻlgan yer maydoni (keyingi oʻrinlarda obyekt deb ataladi) Oʻzbekiston Respublikasi TIF Milliybank (keyingi oʻrinlarda Oʻzmilliybank deb ataladi) bilan 2018-yil 5-iyulda tuzilgan oldi-sotdi shartnomasiga asosan 7 yilga boʻlib toʻlash sharti bilan sotib olinganligi;
respublika hududlarida bir qancha yirik loyihalar amalga oshirilayotganligi sababli yuzaga kelgan moliyaviy qiyinchiliklar tufayli “Namangan sharbati” MCHJ QK taʼsischilari ushbu loyihani amalga oshirishni toʻxtatganligi;
“Gabon Textile” MCHJ tomonidan ushbu obyekt negizida yillik quvvati 84,0 mln.p.m. boʻyalgan mato, 1,8 ming tonna tayyor boʻyalgan trikotaj mato va 2,2 ming tonna boʻyalgan momiq mato ishlab chiqarish loyihasini (keyingi oʻrinlarda loyiha deb ataladi) 2023-yilgacha bosqichma-bosqich amalga oshirishga qiziqish bildirilganligi maʼlumot uchun qabul qilinsin.
2. “Oʻztoʻqimachiliksanoat” uyushmasi, Namangan viloyati hokimligi, Oʻzmilliybank va “Namangan sharbati” masʼuliyati cheklangan jamiyati qoʻshma korxonasining obyektni “Gabon Textile” masʼuliyati cheklangan jamiyatiga “Namangan sharbati” masʼuliyati cheklangan jamiyati qoʻshma korxonasiga berilgan huquq va majburiyatlar asosida berish boʻyicha takliflari maʼqullansin.
3. Belgilansinki, obyekt “Gabon Textile” masʼuliyati cheklangan jamiyatiga yuqoridagi shartnomaga koʻra sotib olish shartlarini saqlab qolgan holda 30 mln.dollar ekvivalentidan kam boʻlmagan miqdorda investitsiya majburiyatlari evaziga hamda investitsiya majburiyatlarini yangi muddatini belgilagan holda 4 yildan koʻp boʻlmagan muddatga berilsin.
4. “Gabon Textile” masʼuliyati cheklangan jamiyati “Oʻztoʻqimachiliksanoat” uyushmasi hamda Oʻzmilliybank bilan birgalikda uch oy muddatda oʻrnatilgan tartibda loyiha texnik-iqtisodiy asosini ishlab chiqsin, “Oʻztoʻqimachiliksanoat” uyushmasi Ilmiy-texnik kengashi tomonidan ekspertizadan oʻtkazilishi va tasdiqlanishi taʼminlansin.
5. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Quchqorov, Oʻzmilliybank boshqaruv raisi A.K. Mirsoatov va “Oʻztoʻqimachiliksanoat” uyushmasi raisi I.U. Xaydarov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 5-iyul,
561-son
Кабинета Министров Республики Узбекистан
Постановление
О дополнительных мерах по эффективному использованию производственных площадей Наманганской области
В целях эффективного использования производственных площадей, организации на их базе новых конкурентоспособных производств путем привлечения инвестиций, увеличения производственного и экспортного потенциала региона и создания новых рабочих мест Кабинет Министров постановляет:
1. Принять к сведению, что:
в целях реализации проекта по организации производства смесовой текстильной продукции совместным предприятием ООО «Наманган шарбати» (далее — СП ООО «Наманган шарбати») в 2018 году по договору купли-продажи имущества от 5 июля 2018 года (далее — договор) приобретен у Национального банка внешнеэкономической деятельности Республики Узбекистан (далее — Узнацбанк) земельный участок общей площадью 30,4 га (далее — объект) с рассрочкой выплаты платежа сроком на 7 лет;
в связи с возникшими финансовыми затруднениями из-за осуществления в регионах республики нескольких крупных инвестиционных проектов учредители СП ООО «Наманган шарбати» вынуждены приостановить реализацию указанного проекта;
со стороны ООО «Gabon Textile» выражена заинтересованность в приобретении объекта с целью реализации на его базе проекта по организации текстильного производства годовой мощностью 84,0 млн. п.м крашеных тканей, 1,8 тыс. тонн готового крашеного трикотажного полотна и 2,2 тыс. тонн крашеных махровых тканей (далее — проект), с поэтапным вводом мощностей до 2023 года.
2. Согласиться с предложением Ассоциации «Узтекстильпром», хокимията Наманганской области, Узнацбанка и СП ООО «Наманган шарбати» о передаче объекта ООО «Gabon Textile» для реализации проекта путем уступки СП ООО «Наманган шарбати» своих прав и обязанностей по договору.
3. Установить, что объект передается ООО «Gabon Textile» с сохранением условий по выкупной сумме, окончательным срокам её оплаты и инвестиционным обязательствам на сумму в эквиваленте не менее 30 млн. долларов США по договору, а также с установлением нового срока выполнения инвестиционных обязательств — не более 4 лет.
4. ООО «Gabon Textile» совместно с Ассоциацией «Узтекстильпром» и Узнацбанком в трехмесячный срок обеспечить разработку, проведение экспертизы в отраслевом Научно-техническом совете Ассоциации «Узтекстильпром» и утверждение в установленном порядке технико-экономического обоснования проекта.
5. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова, председателя правления Национального банка внешнеэкономической деятельности Республики Узбекистан А.К. Мирсоатова и председателя Ассоциации «Узтекстильпром» И.У. Хайдарова.
Премьер-министр Республики Узбекистан А. АРИПОВ
г. Ташкент,
5 июля 2019 г.,
№ 561