📅 2019-yil 8-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 8 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 8 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент вилоятида «Angren Pack» ХК АЖ базасида қоғоз маҳсулотлари ишлаб чиқаришни қайта тиклаш ва модернизация қилиш чора-тадбирлари тўғрисида
Ўзбекистон Республикаси Президентининг «Ўзбекистон Республикаси «Ўзбекистон Республикаси ва Россия Федерацияси ўртасидаги икки томонлама стратегик ҳамкорлик ва иттифоқчилик муносабатларини янада кенгайтириш чора-тадбирлари тўғрисида» 2018 йил 3 ноябрдаги ПҚ-3997-сон қарорига мувофиқ, шунингдек, Тошкент вилоятида қоғоз маҳсулотлари, шу жумладан гофрланган картон ишлаб чиқаришни қайта тиклаш ва модернизация қилиш, янги иш ўринлари ташкил этиш ва саноат тармоғига тўғридан-тўғри хорижий инвестицияларни жалб қилиш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикаси Президентининг «Иқтисодиётда хусусий мулкнинг улуши ва аҳамиятини ошириш чора-тадбирлари тўғрисида» 2015 йил 28 апрелдаги ПҚ-2340-сон қарорига мувофиқ «Angren Pack» ХК АЖ устав капиталидаги биржа савдоларига қўйилган қиймати 5,39 млн АҚШ доллари миқдоридаги давлат акциялари пакетининг 25 фоизи (101 598 дона акция) сотилмагани;
2018 йил 20 октябрда Тошкент вилояти ҳокимлиги ва Россиянинг «Николь Пак УК» компанияси МЧЖ (кейинги ўринларда инвестор деб аталади) ўртасида «Angren Pack» ХК АЖ устав капиталидаги давлат акциялари пакетининг 25 фоизини (101 598 дона акция) инвестиция ва ижтимоий мажбуриятларни қабул қилиш шарти билан «ноль» харид қийматида сотиб олиш тўғрисида келишувга эришилгани маълумот учун қабул қилинсин.
2. Ўзбекистон Республикаси Инвестициялар ва ташқи савдо вазирлиги, Давлат активларини бошқариш агентлиги ва Тошкент вилояти ҳокимлигининг «Angren Pack» ХК АЖ устав капиталидаги давлат акциялари пакетининг 25 фоизини (101 598 дона акция) инвесторга тўғридан-тўғри шартномалар тузиш орқали қуйидаги инвестиция мажбуриятларини қабул қилиш шарти билан «ноль» харид қийматида сотиш тўғрисидаги таклифига розилик берилсин:
а) камида 25,0 млн АҚШ доллари, жумладан, «Angren Pack» ХК АЖ инфратузилмаси ва биноларини қайта тиклаш, шунингдек, қоғоз маҳсулотлари ишлаб чиқаришни модернизация қилиш учун 11,5 млн АҚШ доллари ва жамият айланма маблағларини тўлдириш учун 13,5 млн АҚШ доллари миқдорида тўғридан-тўғри хорижий инвестициялар киритиш ҳамда ушбу маблағларни инвестиция мажбуриятлари бажарилгандан сўнг «Angren Pack» ХК АЖ устав фондига капиталлаштирган ҳолда, 2019-2020 йилларда «Angren Pack» ХК АЖ базасида қоғоз маҳсулотларини ишлаб чиқаришни қайта тиклаш ва модернизация қилиш (биринчи босқич);
б) камида 25,0 млн АҚШ доллари миқдорида тўғридан-тўғри хорижий инвестициялар киритган ҳолда, 2020-2021 йилларда йилига 6,0 млн квадрат метр битум, том ёпиш ва гидроизоляция материаллари ишлаб чиқаришни ташкил этиш (иккинчи босқич);
в) камида 25,0 млн АҚШ доллари миқдорида тўғридан-тўғри хорижий инвестициялар киритган ҳолда, 2020-2021 йилларда йилига 300,0 минг куб метр экструзион пенополистирол ишлаб чиқаришни ташкил этиш (учинчи босқич).
3. Белгилаб қўйилсинки:
«Angren Pack» ХК АЖ устав капиталидаги давлат акциялари пакетининг 25 фоизи (101 598 дона акция) инвестор ушбу қарорнинг 2-банди «а» кичик бандида қайд этилган инвестиция мажбуриятларини тўлиқ бажаргандан сўнг унга тасарруф этиш ҳуқуқи билан ўтказилади;
ушбу қарорнинг 2-банди «б» ва «в» кичик бандларига мувофиқ лойиҳанинг иккинчи ва учинчи босқичларини амалга оширишни бошлаш таъминланмаган ҳолатда, «Angren Pack» ХК АЖ ер участкасининг фойдаланилмайдиган қисми Тошкент вилояти ҳокимлигининг захира фондига кейинчалик фойдаланиш учун олиб қўйилади.
4. Ўзбекистон Республикаси Давлат активларини бошқариш агентлиги Тошкент вилояти ҳокимлиги билан биргаликда:
бир ой муддатда «Angren Pack» ХК АЖ устав капиталидаги давлат акциялари пакетининг 25 фоизини (101 598 дона акция) ушбу қарорда белгиланган шартлар асосида «ноль» харид қиймати бўйича инвестор билан, жумладан, акциядорлик жамияти бошқарув органларининг мажлисларида келишиладиган масалалар белгиланишини назарда тутувчи олди-сотди шартномаси тузилишини;
«Angren Pack» ХК АЖ махсус ҳисобрақамига 25,0 млн АҚШ доллари миқдоридаги маблағ тушгандан сўнг «Angren Pack» ХК АЖ устав капиталидаги давлат акциялари пакетининг 25 фоизини (101 598 дона акция) бошқариш ҳуқуқи инвесторга берилишини;
инвестор томонидан ушбу қарорнинг 2-банди «а» кичик бандида қайд этилган инвестиция мажбуриятлари тегишли равишда бажарилишининг мониторингини таъминласин.
5. Ўзбекистон Республикаси Инвестициялар ва ташқи савдо вазирлиги Тошкент вилояти ҳокимлиги билан биргаликда:
уч ой муддатда ушбу қарорга мувофиқ лойиҳанинг иккинчи ва учинчи босқичини амалга ошириш тўғрисидаги инвестиция битимини тузсин;
инвестор томонидан ушбу қарорнинг 2-банди «б» ва «в» кичик бандларида қайд этилган инвестиция ва ижтимоий мажбуриятлар тегишли равишда бажарилишининг мониторингини таъминласин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ганиев, Ўзбекистон Республикаси инвестициялар ва ташқи савдо вазири С.У. Умурзаков ва Тошкент вилояти ҳокими вазифасини бажарувчи Р.К. Холматов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 8 июль,
564-сон
Oʻzbekiston Respublikasi Vazirlar Mahkamasining
qarori
Toshkent viloyatida “Angren Pack” XK AJ bazasida qogʻoz mahsulotlari ishlab chiqarishni qayta tiklash va modernizatsiya qilish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasi “Oʻzbekiston Respublikasi va Rossiya Federatsiyasi oʻrtasidagi ikki tomonlama strategik hamkorlik va ittifoqchilik munosabatlarini yanada kengaytirish chora-tadbirlari toʻgʻrisida” 2018-yil 3-noyabrdagi PQ-3997-son qaroriga muvofiq, shuningdek, Toshkent viloyatida qogʻoz mahsulotlari, shu jumladan gofrlangan karton ishlab chiqarishni qayta tiklash va modernizatsiya qilish, yangi ish oʻrinlari tashkil etish va sanoat tarmogʻiga toʻgʻridan-toʻgʻri xorijiy investitsiyalarni jalb qilish maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi Prezidentining “Iqtisodiyotda xususiy mulkning ulushi va ahamiyatini oshirish chora-tadbirlari toʻgʻrisida” 2015-yil 28-apreldagi PQ-2340-son qaroriga muvofiq “Angren Pack” XK AJ ustav kapitalidagi birja savdolariga qoʻyilgan qiymati 5,39 mln AQSH dollari miqdoridagi davlat aksiyalari paketining 25 foizi (101 598 dona aksiya) sotilmagani;
2018-yil 20-oktabrda Toshkent viloyati hokimligi va Rossiyaning “Nikol Pak UK” kompaniyasi MCHJ (keyingi oʻrinlarda investor deb ataladi) oʻrtasida “Angren Pack” XK AJ ustav kapitalidagi davlat aksiyalari paketining 25 foizini (101 598 dona aksiya) investitsiya va ijtimoiy majburiyatlarni qabul qilish sharti bilan “nol” xarid qiymatida sotib olish toʻgʻrisida kelishuvga erishilgani maʼlumot uchun qabul qilinsin.
2. Oʻzbekiston Respublikasi Investitsiyalar va tashqi savdo vazirligi, Davlat aktivlarini boshqarish agentligi va Toshkent viloyati hokimligining “Angren Pack” XK AJ ustav kapitalidagi davlat aksiyalari paketining 25 foizini (101 598 dona aksiya) investorga toʻgʻridan-toʻgʻri shartnomalar tuzish orqali quyidagi investitsiya majburiyatlarini qabul qilish sharti bilan “nol” xarid qiymatida sotish toʻgʻrisidagi taklifiga rozilik berilsin:
a) kamida 25,0 mln AQSH dollari, jumladan, “Angren Pack” XK AJ infratuzilmasi va binolarini qayta tiklash, shuningdek, qogʻoz mahsulotlari ishlab chiqarishni modernizatsiya qilish uchun 11,5 mln AQSH dollari va jamiyat aylanma mablagʻlarini toʻldirish uchun 13,5 mln AQSH dollari miqdorida toʻgʻridan-toʻgʻri xorijiy investitsiyalar kiritish hamda ushbu mablagʻlarni investitsiya majburiyatlari bajarilgandan soʻng “Angren Pack” XK AJ ustav fondiga kapitallashtirgan holda, 2019-2020-yillarda “Angren Pack” XK AJ bazasida qogʻoz mahsulotlarini ishlab chiqarishni qayta tiklash va modernizatsiya qilish (birinchi bosqich);
b) kamida 25,0 mln AQSH dollari miqdorida toʻgʻridan-toʻgʻri xorijiy investitsiyalar kiritgan holda, 2020-2021-yillarda yiliga 6,0 mln kvadrat metr bitum, tom yopish va gidroizolyatsiya materiallari ishlab chiqarishni tashkil etish (ikkinchi bosqich);
v) kamida 25,0 mln AQSH dollari miqdorida toʻgʻridan-toʻgʻri xorijiy investitsiyalar kiritgan holda, 2020-2021-yillarda yiliga 300,0 ming kub metr ekstruzion penopolistirol ishlab chiqarishni tashkil etish (uchinchi bosqich).
3. Belgilab qoʻyilsinki:
“Angren Pack” XK AJ ustav kapitalidagi davlat aksiyalari paketining 25 foizi (101 598 dona aksiya) investor ushbu qarorning 2-bandi “a” kichik bandida qayd etilgan investitsiya majburiyatlarini toʻliq bajargandan soʻng unga tasarruf etish huquqi bilan oʻtkaziladi;
ushbu qarorning 2-bandi “b” va “v” kichik bandlariga muvofiq loyihaning ikkinchi va uchinchi bosqichlarini amalga oshirishni boshlash taʼminlanmagan holatda, “Angren Pack” XK AJ yer uchastkasining foydalanilmaydigan qismi Toshkent viloyati hokimligining zaxira fondiga keyinchalik foydalanish uchun olib qoʻyiladi.
4. Oʻzbekiston Respublikasi Davlat aktivlarini boshqarish agentligi Toshkent viloyati hokimligi bilan birgalikda:
bir oy muddatda “Angren Pack” XK AJ ustav kapitalidagi davlat aksiyalari paketining 25 foizini (101 598 dona aksiya) ushbu qarorda belgilangan shartlar asosida “nol” xarid qiymati boʻyicha investor bilan, jumladan, aksiyadorlik jamiyati boshqaruv organlarining majlislarida kelishiladigan masalalar belgilanishini nazarda tutuvchi oldi-sotdi shartnomasi tuzilishini;
“Angren Pack” XK AJ maxsus hisobraqamiga 25,0 mln AQSH dollari miqdoridagi mablagʻ tushgandan soʻng “Angren Pack” XK AJ ustav kapitalidagi davlat aksiyalari paketining 25 foizini (101 598 dona aksiya) boshqarish huquqi investorga berilishini;
investor tomonidan ushbu qarorning 2-bandi “a” kichik bandida qayd etilgan investitsiya majburiyatlari tegishli ravishda bajarilishining monitoringini taʼminlasin.
5. Oʻzbekiston Respublikasi Investitsiyalar va tashqi savdo vazirligi Toshkent viloyati hokimligi bilan birgalikda:
uch oy muddatda ushbu qarorga muvofiq loyihaning ikkinchi va uchinchi bosqichini amalga oshirish toʻgʻrisidagi investitsiya bitimini tuzsin;
investor tomonidan ushbu qarorning 2-bandi “b” va “v” kichik bandlarida qayd etilgan investitsiya va ijtimoiy majburiyatlar tegishli ravishda bajarilishining monitoringini taʼminlasin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev, Oʻzbekiston Respublikasi investitsiyalar va tashqi savdo vaziri S.U. Umurzakov va Toshkent viloyati hokimi vazifasini bajaruvchi R.K. Xolmatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 8-iyul,
564-son
Кабинета Министров Республики Узбекистан
Постановление
О мерах по восстановлению и модернизации производства бумажной продукции на базе АО ИИ «Angren Pack» в Ташкентской области
В соответствии с постановлением Президента Республики Узбекистан от 3 ноября 2018 года № ПП-3997 «О мерах по дальнейшему расширению двустороннего стратегического сотрудничества и союзнических отношений между Республикой Узбекистан и Российской Федерацией», а также в целях восстановления и модернизации производства бумажной продукции, в том числе гофрированного картона, в Ташкентской области, создания новых рабочих мест и привлечения прямых иностранных инвестиций в отрасли промышленности Кабинет Министров постановляет:
1. Принять к сведению, что:
государственный пакет акций в уставном капитале АО ИИ «Angren Pack» в размере 25 процентов (101 598 штук акций) на сумму 5,39 млн долларов США, выставленный на биржевые торги в соответствии с постановлением Президента Республики Узбекистан от 28 апреля 2015 года № ПП-2340 «О мерах по увеличению доли и значения частной собственности в экономике», остается нереализованным;
между хокимиятом Ташкентской области и компанией ООО «Управляющая компания Николь Пак» (Российская Федерация) (далее — инвестор) 20 октября 2018 года достигнута договоренность о выкупе по «нулевой» стоимости государственного пакета акций в уставном капитале АО ИИ «Angren Pack» в размере 25 процентов (101 598 штук акций) с условием принятия инвестиционных и социальных обязательств.
2. Согласиться с предложением Министерства инвестиций и внешней торговли, Агентства по управлению государственными активами Республики Узбекистан и хокимията Ташкентской области о реализации инвестору по «нулевой» выкупной стоимости государственного пакета акций в уставном капитале АО ИИ «Angren Pack» в размере 25 процентов (101 598 штук акций) путем заключения прямого договора с условием принятия им следующих инвестиционных обязательств:
а) восстановление и модернизация производства бумажной продукции на базе АО ИИ «Angren Pack» в 2019-2020 годах (первый этап) с внесением прямых иностранных инвестиций в размере не менее 25,0 млн долларов США, в том числе 11,5 млн долларов США для восстановления инфраструктуры и зданий, а также модернизации производства бумажной продукции и 13,5 млн долларов США для пополнения оборотных средств общества с последующей капитализацией данной суммы в уставный фонд АО ИИ «Angren Pack» после выполнения инвестиционных обязательств;
б) организация производства битумных, кровельных и гидроизоляционных материалов мощностью 6,0 млн кв.м продукции в год в 2020-2021 годах (второй этап) с внесением прямых иностранных инвестиций в размере не менее 25,0 млн долларов США;
в) организация производства экструзионного пенополистирола мощностью 300,0 тыс. куб.м продукции в год в 2021-2022 годах (третий этап) с внесением прямых иностранных инвестиций в размере не менее 25,0 млн долларов США.
3. Определить, что:
государственный пакет акций в уставном капитале АО ИИ «Angren Pack» в размере 25 процентов (101 598 штук акций) переходит инвестору с правом распоряжения после выполнения им в полном объеме инвестиционных обязательств, указанных в подпункте «а» пункта 2 настоящего постановления;
в случае необеспечения начала реализации второго и третьего этапов проекта в соответствии с подпунктами «б» и «в» пункта 2 настоящего постановления неиспользуемая часть земельного участка АО ИИ «Angren Pack» подлежит изъятию в резервный фонд хокимията Ташкентской области для дальнейшего использования.
4. Агентству по управлению государственными активами Республики Узбекистан совместно с хокимиятом Ташкентской области обеспечить:
в месячный срок заключение с инвестором договора купли-продажи государственного пакета акций в уставном капитале АО ИИ «Angren Pack» в размере 25 процентов (101 598 штук акций) по «нулевой» выкупной стоимости на условиях, определяемых настоящим постановлением, предусматривающего в том числе определение вопросов, подлежащих согласованию на заседаниях органов управления акционерного общества;
передачу инвестору права управления государственным пакетом акций в уставном капитале АО ИИ «Angren Pack» в размере 25 процентов (101 598 штук акций) после поступления суммы в размере 25,0 млн долларов США на специальный расчетный счет АО ИИ «Angren Pack»;
мониторинг за надлежащим выполнением инвестором инвестиционных обязательств, указанных в подпункте «а» пункта 2 настоящего постановления.
5. Министерству инвестиций и внешней торговли Республики Узбекистан совместно с хокимиятом Ташкентской области:
в трехмесячный срок заключить с инвестором инвестиционное соглашение по реализации второго и третьего этапов проекта в соответствии с настоящим постановлением;
обеспечить мониторинг за надлежащим выполнением инвестором инвестиционных обязательств, указанных в подпунктах «б» и «в» пункта 2 настоящего постановления.
6. Контроль за исполнением настоящего постановления возложить на заместителя Премьер-министра Республики Узбекистан по вопросам инвестиций и внешнеэкономических связей Э.М. Ганиева, министра инвестиций и внешней торговли Республики Узбекистан С.У. Умурзакова и исполняющего обязанности хокима Ташкентской области Р.К. Холматова.
Премьер-министр Республики Узбекистан А. АРИПОВ
г. Ташкент,
8 июля 2019 г.,
№ 564