UzbekAI

Ўзбекистон Республикаси Вазирлар Маҳкамасининг

қарори

НИЗОМ

ўзгартиришлар

Ўзбекистон Республикаси Қишлоқ хўжалиги вазирлиги тўғрисидаги низомни тасдиқлаш ҳақида

Ўзбекистон Республикаси Президентининг «Қишлоқ хўжалиги соҳасида давлат бошқаруви тизимини такомиллаштириш чора-тадбирлари тўғрисида» 2019 йил 17 апрелдаги ПФ-5708-сон Фармони ҳамда Ўзбекистон Республикаси Президентининг «Ўзбекистон Республикаси Қишлоқ хўжалиги вазирлиги фаолиятини такомиллаштириш тўғрисида» 2019 йил 17 апрелдаги ПҚ-4292-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Қишлоқ хўжалиги вазирлиги тўғрисидаги низом 1-иловага мувофиқ тасдиқлансин.

2. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин.

3. Ўзбекистон Республикаси Қишлоқ хўжалиги вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ва Ўзбекистон Республикаси қишлоқ хўжалиги вазири Ж.А. Ходжаев зиммасига юклансин.

Вазирлар Маҳкамасининг 2019 йил 9 июлдаги 571-сон қарорига 1-ИЛОВА

Ўзбекистон Республикаси Қишлоқ хўжалиги вазирлиги тўғрисида

1-боб. Умумий қоидалар

1. Мазкур Низом Ўзбекистон Республикаси Қишлоқ хўжалиги вазирлигининг (кейинги ўринларда Вазирлик деб аталади) мақоми, асосий вазифалари, функциялари, ҳуқуқлари, жавобгарлигини, фаолиятини ташкил этиш ва ҳисобот бериш тартибини, шунингдек, унинг раҳбарларининг функционал вазифалари ва масъулиятини белгилайди.

2. Вазирлик қишлоқ хўжалиги ва озиқ-овқат хавфсизлиги соҳасида ягона давлат сиёсатини амалга оширувчи давлат бошқаруви органи ҳисобланади ва ўз фаолиятида Ўзбекистон Республикаси Вазирлар Маҳкамасига (кейинги ўринларда Вазирлар Маҳкамаси деб аталади) бўйсунади.

3. Вазирлик ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонун ҳужжатларига амал қилади.

4. Вазирлик ўз фаолиятини, давлат ва хўжалик бошқаруви органлари, маҳаллий давлат ҳокимияти органлари ва бошқа ташкилотлар билан ҳамкорликда амалга оширади.

5. Вазирликнинг ўз ваколатлари доирасида қабул қилган қарорлари давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек, юридик ва жисмоний шахслар томонидан бажарилиши мажбурий ҳисобланади.

6. Вазирлик, унинг ташкилий тузилмасига кирадиган ҳудудий ва таркибий тузилмалар юридик шахс ҳисобланади, Ўзбекистон Республикаси Давлат герби тасвири туширилган муҳрга ва бланкаларга, мустақил балансга, шахсий ғазна ҳисобварақларига, банк ҳисобрақамларига, шу жумладан хорижий валютадаги банк ҳисобрақамларига эгадир.

7. Вазирликнинг расмий номи:

а) давлат тилида:

тўлиқ номи — Ўзбекистон Республикаси Қишлоқ хўжалиги вазирлиги, қисқартирилгани — ҚХВ;

б) инглиз тилида:

тўлиқ номи — Ministry of agriculture of the Republic of Uzbekistan, қисқартирилгани — MA;

в) рус тилида:

тўлиқ номи — Министерство сельского хозяйства Республики Узбекистан, қисқартирилгани — Минсельхоз.

8. Вазирликнинг жойлашган жойи (почта манзили): 100140, Тошкент вилояти, Қибрай тумани, Университет кўчаси, 2-уй.

2-боб. Вазирлик тузилмаси

9. Вазирлик тизимига қуйидагилар киради:

Вазирлик марказий аппарати;

Қорақалпоғистон Республикаси Қишлоқ хўжалиги вазирлиги, вилоятлар ва Тошкент шаҳар қишлоқ хўжалиги бошқармалари (кейинги ўринларда — ҳудудий бўлинмалар), туманлар (Қувасой шаҳар) қишлоқ хўжалиги бўлимлари (кейинги ўринларда — туман (Қувасой шаҳар) бўлимлари);

Ветеринария ва чорвачиликни ривожлантириш қўмитаси;

Ипакчилик ва жун саноатини ривожлантириш қўмитаси;

Ўсимликлар карантини ва ҳимояси агентлиги;

Агросаноатни ривожлантириш агентлиги;

Тошкент давлат аграр университети;

Уруғчиликни ривожлантириш маркази;

Андижон қишлоқ хўжалиги ва агротехнологиялар институти;

Халқаро қишлоқ хўжалиги университети;

Озиқ-овқат технологияси ва муҳандислиги халқаро институти;

Қорақалпоғистон қишлоқ хўжалиги ва агротехнологиялар институти;

Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази;

Қишлоқ хўжалиги экинлари навларини синаш маркази;

Қишлоқ хўжалиги техникаси ва технологияларини сертификатлаш ва синаш давлат маркази;

«Қишлоқ хўжалигида билим ва инновациялар миллий маркази» давлат муассасаси;

«Маъмурий-хўжалик хизмати» давлат муассасаси;

«Агросаноатни рақамлаштириш маркази» МЧЖ;

Тупроқшунослик ва агрокимёвий тадқиқотлар институти;

«Агросервис оператор» давлат унитар корхонаси;

«Ўзбекистон Республикаси давлат ер тузишни лойиҳалаш» давлат илмий-лойиҳалаш институти — «Ўздаверлойиҳа» давлат илмий-лойиҳалаш институти.

3-боб. Вазирликнинг вазифалари ва функциялари

10. Қуйидагилар Вазирликнинг асосий вазифалари ҳисобланади:

биринчи навбатда қишлоқ хўжалигини рақамлаштириш ва соҳада замонавий ахборот-коммуникация технологияларини жорий этиш, қишлоқ хўжалиги субъектлари ўртасидаги ўзаро муносабатларда бозор тамойилларини жорий этиш, илғор тажриба ва фан ютуқларини, замонавий ресурс тежовчи ва интенсив агротехнологияларни жорий этишни назарда тутувчи қишлоқ хўжалиги ва озиқ-овқат хавфсизлиги соҳасида ягона давлат сиёсатини амалга ошириш;

қишлоқ хўжалиги ва озиқ-овқат маҳсулотларини ишлаб чиқариш, сақлаш, қайта ишлаш ва сотишда замонавий кооперация муносабатларини кенгайтириш орқали қишлоқ хўжалиги ва озиқ-овқат маҳсулотларининг қўшилган қиймати занжири яратилишини рағбатлантириш;

мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини етиштирувчи (ишлаб чиқарувчи) корхоналар билан ушбу маҳсулотларни қайта ишловчи, тайёрловчи ва реализация қилувчи корхоналар ўртасида ўзаро манфаатли муносабатлар учун шароитлар яратиш;

маҳаллий озиқ-овқат маҳсулотларининг рақобатбардошлигини ошириш ва уларни диверсификация қилиш, ҳудудларнинг мавжуд табиий ва иқтисодий ресурсларидан унумли фойдаланиш асосида озиқ-овқат саноатини ривожлантиришнинг стратегия ва моделларини ишлаб чиқиш;

мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини қайта ишловчи тадбиркорлик субъектларини қўллаб-қувватлашнинг молиявий ва номолиявий чоралари — янги воситалар ва ахборот тизимларини яратиш, юқори самара берувчи йўналишларда лойиҳаларни амалга ошириш;

озиқ-овқат саноатининг ривожланишига хусусий ва тўғридан-тўғри чет инвестициялар оқимининг таъсирини таҳлил қилиш, прогнозлаш ва бу борада тегишли таклифларни ишлаб чиқиш;

замонавий савдо ва логистика марказларини ташкил этиш, маҳаллий озиқ-овқат маҳсулотларини жаҳон бозорларида илгари суриш, уларнинг рақобатбардошлигини ошириш, экспорт салоҳиятини кенгайтириш ҳамда импорт ҳажмини камайтириш чораларини кўриш.

агробизнеснинг кластер моделини кенг жорий этиш чора-тадбирларини амалга ошириш, кластерлаш жараёнининг ташкилий-ҳуқуқий ва иқтисодий асосларини такомиллаштириш, қишлоқ хўжалиги тармоқларида кластерларни ташкил этиш ва ривожлантириш бўйича инвестиция лойиҳаларини амалга оширишга кўмаклашиш;

агротехник тадбирларни ўз вақтида молиялаштиришга, қишлоқ хўжалиги маҳсулотлари ишлаб чиқарувчиларининг молиявий барқарорлигига, ҳосилдорлиги паст ерлар унумдорлигини оширишга, озиқ-овқат хавфсизлигини таъминлашга ва қишлоқ хўжалиги маҳсулотлари экспортини оширишга кўмаклашадиган қишлоқ хўжалигини давлат томонидан қўллаб-қувватлаш чора-тадбирларини мувофиқлаштириш;

қишлоқ хўжалиги экинларини жойлаштириш, қишлоқ хўжалиги ерларини, қишлоқ хўжалиги экинларини экиш ва парваришлашни мониторинг қилиш;

тупроқ бонитировкасини ўтказиш, қишлоқ хўжалигига мўлжалланган ерларининг меъёрий қийматини аниқлаш, тупроқшунослик, геоботаникага оид тадқиқотларни амалга ошириш;

кенг кўламли замонавий молиявий хизматларни ривожлантириш ва сифатли қишлоқ хўжалиги техникасидан фойдаланиш имкониятини ошириш орқали қишлоқ хўжалигини механизациялаш ва қишлоқ хўжалиги маҳсулотларини чуқур қайта ишлашни рағбатлантириш;

қишлоқ хўжалиги экинлари уруғларини тайёрлаш, фойдаланиш ва экспорт қилишнинг замонавий тизимини шакллантириш, маҳаллий ва хорижий селекция навлари, шу жумладан биотехнологик навларнинг бирламчи уруғчилигини ташкил этиш ва ривожлантириш;

ўсимликларни ҳимоя қилиш соҳасида ягона давлат сиёсатини юритиш, зараркунандалар ва бегона ўтларга қарши курашиш, агрокимёвий хизмат кўрсатиш ва тупроқни муҳофаза қилиш бўйича тизимли чора-тадбирларни амалга ошириш;

таълим, фан ва қишлоқ хўжалиги ишлаб чиқаришини тизимли асосда узвий интеграциялашни, қишлоқ хўжалиги тармоқларининг юқори малакали соҳа мутахассисларига бўлган жорий ва истиқболдаги эҳтиёжларини ҳисобга олган ҳолда кадрларни тайёрлаш, қайта тайёрлаш ва уларнинг малакасини оширишни таъминлаш;

органик маҳсулотларни ишлаб чиқариш ва мақбул қишлоқ хўжалиги амалиёти (Global G.A.P.) доирасида барча манфаатдор ташкилотлар фаолиятини мувофиқлаштириш ва тартибга солиш;

қишлоқ хўжалигига мўлжалланган ерлардан фойдаланишни ташкил этиш ва муҳофаза қилиш соҳасида самарали давлат назоратини амалга ошириш.

11. Вазирлик ўзига юкланган вазифаларга мувофиқ қуйидаги функцияларни амалга оширади:

а) биринчи навбатда қишлоқ хўжалигини рақамлаштириш ва соҳада замонавий ахборот-коммуникация технологияларини жорий этиш, қишлоқ хўжалиги субъектлари ўртасидаги ўзаро муносабатларда бозор тамойилларини жорий этиш, илғор тажриба ва фан ютуқларини, замонавий ресурс тежовчи ва интенсив агротехнологияларни жорий этишни назарда тутувчи қишлоқ хўжалиги ва озиқ-овқат хавфсизлиги соҳасида ягона давлат сиёсатини амалга ошириш соҳасида:

«Ақлли қишлоқ хўжалиги» технологияларни ишлаб чиқиш ва жорий қилиш бўйича таклифлар ишлаб чиқади;

агросаноат мажмуидаги ташкилотлар томонидан кўрсатиладиган хизматларни тўлиқ электрон шаклга ўтказиш;

қишлоқ хўжалиги маҳсулотларини етиштириш ва сотиш жараёнига электрон тижорат амалиётини жорий этиш;

қишлоқ хўжалигини рақамлаштиришга йўналтирилган инновацияларни ишлаб чиқиш ва жорий қилиш мақсадида хорижий давлатлар, халқаро ва чет эл ташкилотлари ҳамда жамғармаларини жалб этади;

қишлоқ хўжалиги субъектлари ўртасидаги шартномавий муносабатларни халқаро андозалар асосида мослаштириш ва жорий этиш бўйича услубий-амалий кўмаклашади;

қишлоқ хўжалиги маҳсулотларини сотиб олиш бўйича субсидия ва субвенцияларни ажратиш юзасидан таклифлар ишлаб чиқади ва ваколатли органга киритади;

фан ва илмий-тадқиқот фаолиятини технологик ва илмий сиғими юқори бўлган соҳаларни молиялаштириш, ушбу соҳага хусусий секторнинг имкониятларини мақсадли жалб қилишни рағбатлантиришга йўналтирилган тизимни шакллантиради;

илғор тажриба ва фан ютуқлари натижаларини амалиётга жорий этишни мувофиқлаштириш, оммалаштириш ва мониторинг юритишни таъминлайди;

қишлоқ хўжалиги ва озиқ-овқат хавфсизлиги соҳасида замонавий ресурс тежовчи технологияларини ишлаб чиқиш ва жорий этишнинг устувор йўналишларини белгилайди;

озиқ-овқат хавфсизлиги соҳасидаги давлат дастурларини ишлаб чиқиш ва амалга оширишда иштирок этади;

Ўзбекистон Республикасида озиқ-овқат маҳсулотлари танқислиги юзага келган тақдирда, озиқ-овқат хавфсизлигини таъминлаш бўйича тезкор чора-тадбирларни амалга оширишда иштирок этади;

республика ижро этувчи ҳокимият органлари ва маҳаллий ижро этувчи ҳокимият органларининг озиқ-овқат хавфсизлиги соҳасидаги фаолиятини мувофиқлаштиради;

озиқ-овқат хавфсизлигига салбий таъсир этувчи омилларни ўрганиш асосида озиқ-овқат маҳсулотларини ишлаб чиқариш жараёнларини такомиллаштириш ва ривожлантиришга доир қисқа, ўрта ҳамда узоқ муддатли стратегияларни ишлаб чиқади;

озиқ-овқат хавфсизлиги соҳасидаги ишларнинг ҳолати тўғрисидаги ахборотни тўплаш ва таҳлил қилишни амалга оширади;

озиқ-овқат хавфсизлиги тўғрисидаги маълумотлар базасини шакллантиради ва юритади;

озиқ-овқат хавфсизлиги соҳасида халқаро ҳамкорликни ривожлантиради;

қишлоқ хўжалиги маҳсулотлари етиштиришнинг инновацион ресурс тежамкор технологияларини ишлаб чиқиш ва жорий қилишни мувофиқлаштиради;

б) қишлоқ хўжалиги ва озиқ-овқат маҳсулотларини ишлаб чиқариш, сақлаш, қайта ишлаш ва сотишда замонавий кооперация муносабатларини кенгайтириш орқали қишлоқ хўжалиги ва озиқ-овқат маҳсулотларининг қўшилган қиймати занжири яратилишини рағбатлантириш соҳасида:

жаҳон бозорида талаб юқори бўлган озиқ-овқат маҳсулотлари ишлаб чиқариш ҳажмларини ва турларини кўпайтиришга доир таклифлар тайёрлайди;

озиқ-овқат маҳсулотлари ва хомашёси бозорини барқарорлаштиришга, озиқ-овқат маҳсулотлари ва хомашёси нархларининг ўзгарувчанлигини, шунингдек, уларнинг салбий оқибатларини юмшатишга қаратилган чора-тадбирларни ишлаб чиқади;

озиқ-овқат маҳсулотларини ишлаб чиқариш ва хомашё етиштиришни ривожлантириш, шунингдек, озиқ-овқат маҳсулотлари ва хомашёси нархлари ўсишининг олдини олиш бўйича таклифлар тайёрлайди»;

давлат захирасини ҳамда озиқ-овқат маҳсулотлари ва хомашёсининг айланма захирасини ташкил этиш механизмларини такомиллаштиради;

қишлоқ хўжалиги ва озиқ-овқат маҳсулотларини етиштириш, сақлаш, қайта ишлаш бўйича жойлардаги муаммоларни ўрганиш ва уларнинг бартараф этиш юзасидан таклифларни Вазирлар Маҳкамасига киритади;

озиқ-овқат маҳсулотларини чуқур қайта ишлаш, хом ашё базасини кенгайтириш, замонавий қайта ишлаш, сақлаш қувватларини яратиш ва қайта ишлаш жараёнига илғор технологияларни жорий қилиш чора-тадбирлари ишлаб чиқилиши ва амалга оширилишида иштирок этади;

қайта ишлаш ва сақлаш соҳасида давлат-хусусий шериклик механизмларини такомиллаштиришга доир ҳамда қайта ишланган мева-сабзавот, узум, гўшт, сут, ёғ ва дон маҳсулотларига бўлган ташқи бозор талабини ўрганиб, таҳлил қилиш ва қайта ишланган маҳсулотлар брендларини шакллантириш бўйича таклифлар тайёрлайди;

тиббий меъёрларига кўра қайта ишланган озиқ-овқат маҳсулотларига бўлган талаб ва таъминланиш даражасини ўрганиб боради ва таклифлар тайёрлайди;

мева-сабзавот маҳсулотларини етиштиришни кўпайтириш ва тизимли равишда сотиш, айланма маблағларни шакллантириш мақсадида кооперацияларни ташкил этиш бўйича амалий ёрдамлар кўрсатиб боради;

боғдорчилик, узумчилик, сабзавотчилик, полизчилик, картошкачилик, пиллачилик, озуқа экинлари, доривор ва зиравор ўсимликларни ривожлантириш бўйича дастурлар ишлаб чиқади ва амалга оширади;

қишлоқ хўжалиги ва озиқ-овқат соҳасида фан ва техника ютуқларини, ресурсларни тежайдиган замонавий ва интенсив агротехнологияларни, илғор тажрибаларни жорий қилади;

ҳудудларнинг тупроқ-иқлим шароитидан келиб чиқиб, юқори ҳосил берадиган қишлоқ хўжалиги экинларини турлари бўйича ҳамда мевали, ток ва тут кўчатларини маҳаллий ҳокимликлар билан биргаликда жойлаштиради;

аҳолини озиқ-овқат маҳсулотларга бўлган талабини ўрганиш ва ҳудудларда маҳсулотларини сақлаш омборхоналари ва қайта ишлаш корхоналарини ташкил этиш бўйича таклифлар, манзилли дастурини тайёрлайди ва ушбу йўналишларга хорижий инвестициялар жалб қилиш бўйича таклифларни Вазирлар Маҳкамасига киритади;

ички ва ташқи бозорларда пилла маҳсулотларининг рақобатбардошлигини, қайта ишлаш корхоналарини барқарор ва самарали ишлашини таъминлаш борасида амалий-услубий ёрдам кўрсатади;

қишлоқ хўжалиги ва озиқ-овқат маҳсулотларини ишлаб чиқариш, сақлаш, қайта ишлаш ва сотиш тизимида замонавий кооперация муносабатларини кенгайтириш ва йўлга қўйиш орқали қўшимча қиймат яратишни янада кўпайтиришни рағбатлантириш бўйича тавсиялар тайёрлайди;

б 1 ) мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини етиштирувчи (ишлаб чиқарувчи) корхоналар билан ушбу маҳсулотларни қайта ишловчи, тайёрловчи ва реализация қилувчи корхоналар ўртасида ўзаро манфаатли муносабатлар учун шароитлар яратиш соҳасида:

озиқ-овқат саноатини ривожлантириш давлат сиёсатининг асосий йўналишлари бўйича таклифларни тайёрлашда, озиқ-овқат саноати тармоқларини ижтимоий-иқтисодий ривожлантиришнинг узоқ муддатга мўлжалланган прогноз лойиҳаларини ишлаб чиқишда иштирок этади;

келгуси йил учун озиқ-овқат балансини ишлаб чиқади ва Ўзбекистон Республикаси Вазирлар Маҳкамасига тақдим этади;

мева-сабзавот, гўшт, сут ва бошқа озиқ-овқат маҳсулотларини хорижий тажрибалар асосида қайта ишлаш ва чуқур қайта ишлаш ҳамда уларнинг ҳажмларини ошириш, хом ашё базасини кенгайтириш, замонавий қайта ишлаш қувватларини яратиш ва қайта ишлаш жараёнига илғор технологияларни жорий қилиш орқали озиқ-овқат маҳсулотларининг қўшилган қиймати занжири яратиш чора-тадбирлари ишлаб чиқилиши ва амалга оширилишида иштирок этади;

илғор хорижий тажрибани ўрганган ҳолда қишлоқ хўжалигида мева-сабзавот маҳсулотларини қайта ишлаш ва қўллаб-қувватлаш механизмини ишлаб чиқади;

б 2 ) маҳаллий озиқ-овқат маҳсулотларининг рақобатбардошлигини ошириш ва уларни диверсификация қилиш, ҳудудларнинг мавжуд табиий ва иқтисодий ресурсларидан унумли фойдаланиш асосида озиқ-овқат саноатини ривожлантиришнинг стратегия ва моделларини ишлаб чиқиш соҳасида:

келгуси йил учун ижтимоий аҳамиятга эга асосий турдаги озиқ-овқат маҳсулотлари ва хомашёсига бўлган эҳтиёжнинг прогноз ҳажмларини ишлаб чиқади, уларнинг бажарилиши юзасидан чора-тадбирларни кўради, аҳолини ижтимоий муҳим турдаги озиқ-овқат маҳсулотлари билан кафолатли ва узлуксиз таъминлаш чора-тадбирларини амалга оширади;

озиқ-овқат саноати тармоқларини ижтимоий-иқтисодий ривожлантиришнинг узоқ муддатга мўлжалланган моделларини ишлаб чиқади;

бозорда озиқ-овқат маҳсулотлари ва хомашёси ассортиментини кенгайтириш, импорт ўрнини босувчи озиқ-овқат маҳсулотлари ва хомашёсини ишлаб чиқаришни диверсификация қилиш бўйича таклифлар ишлаб чиқади;

соҳадаги янгиликларни кенг тарғиб қилиш мақсадида маҳсулотларни сақлаш, қайта ишлаш ва агрологистикага доир бўлган семинарларни ташкил этади;

тегишли вазирлик, идора ва ташкилотлар билан ҳамкорликда озиқ-овқат хавфсизлигини таъминлаш бўйича таклифлар тайёрлайди ҳамда мақсадли тармоқ ва ҳудудий дастурларни ишлаб чиқади;

б 3 ) мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини қайта ишловчи тадбиркорлик субъектларини қўллаб-қувватлашнинг молиявий ва номолиявий чоралари — янги воситалар ва ахборот тизимларини яратиш, юқори самара берувчи йўналишларда лойиҳаларни амалга ошириш соҳасида:

озиқ-овқат саноатида фаолият олиб бораётган корхоналарни молиявий қўллаб-қувватлаш бўйича таклифлар ишлаб чиқади;

импорт ўрнини босувчи ва экспортга йўналтирилган озиқ-овқат маҳсулотларини ишлаб чиқаришни жорий этиш бўйича лойиҳалар дастурини шакллантиради;

озиқ-овқат маҳсулотларини ишлаб чиқарувчи тадбиркорлик субъектларини қўллаб-қувватлашнинг молиявий ва номолиявий механизмларини жорий қилиш бўйича таклифлар ишлаб чиқади;

б 4 ) озиқ-овқат саноатининг ривожланишига хусусий ва тўғридан-тўғри чет инвестициялар оқимининг таъсирини таҳлил қилиш, прогнозлаш ва бу борада тегишли таклифларни ишлаб чиқиш соҳасида:

озиқ-овқат саноатининг ривожланишига хусусий ва тўғридан-тўғри чет эл инвестициялар оқимининг таъсирини таҳлил қилади ва бу борада тегишли таклифларни ишлаб чиқади;

озиқ-овқат ва қишлоқ хўжалиги маҳсулотларини ишлаб чиқаришни кенгайтириш, озиқ-овқат саноатини жадал ривожлантириш соҳасида норматив-ҳуқуқий базани такомиллаштиради;

озиқ-овқат маҳсулотларини ишлаб чиқариш соҳасини ривожлантиришга хусусий, хорижий инвестицияларни жалб қилади ҳамда ривожланган давлатлар тажрибасини ўрганади;

б 5 ) замонавий савдо ва логистика марказларини ташкил этиш, маҳаллий озиқ-овқат маҳсулотларини жаҳон бозорларида илгари суриш, уларнинг рақобатбардошлигини ошириш, экспорт салоҳиятини кенгайтириш ҳамда импорт ҳажмини камайтириш чораларини кўриш соҳасида:

замонавий савдо ва логистика марказларини ташкил этиш, маҳаллий озиқ-овқат маҳсулотларини жаҳон бозорларида илгари суриш, уларнинг рақобатбардошлигини ошириш, экспорт салоҳиятини кенгайтириш чораларини кўриб боради;

қишлоқ хўжалиги маҳсулотлари ишлаб чиқарувчилар, қайта ишлаш корхоналари, тайёрлаш ва сотиш ташкилотлари ўртасида бозор муносабатлари асосида, унинг тайёрланиши, сақланиши, янада чуқурроқ қайта ишланиши ва сотилишини ҳисобга олган ҳолда ишлаб чиқарилган қишлоқ хўжалиги озиқ-овқат хом ашёси ҳаракатининг замонавий логистикасини кенг жорий этади;

мева-сабзавот маҳсулотларини сақлаш учун корхоналарнинг моддий-техника базасини мустаҳкамлаш ва ривожлантириш, махсус сақлаш омборлари ва совутиш камераларини қуриш, реконструкция қилиш, уларни замонавий ускуналар билан жиҳозлаш ишларини ташкил этишга инвестицияларни жалб қилиш бўйича таклифларни ишлаб чиқади;

в) агробизнеснинг кластер моделини кенг жорий этиш чора-тадбирларини амалга ошириш, кластерлаш жараёнининг ташкилий-ҳуқуқий ва иқтисодий асосларини такомиллаштириш, қишлоқ хўжалиги тармоқларида кластерларни ташкил этиш ва ривожлантириш бўйича инвестиция лойиҳаларини амалга оширишга кўмаклашиш соҳасида:

кластерларни қўллаб-қувватлаш бўйича кўрилаётган чораларнинг самарадорлиги ва натижадорлигини танқидий таҳлил қилиб боради, мавжуд муаммо ва тизимли камчиликларни аниқлаш ва уларни бартараф этиш юзасидан таклифлар тайёрлайди;

кластерлаш жараёнининг ташкилий-иқтисодий асослари ва кластерлар фаолиятини тартибга солувчи амалдаги норматив-ҳуқуқий ҳужжатларни доимий ўрганиб боради ҳамда уларни такомиллаштириш бўйича таклифлар тайёрлайди;

турли ихтисослашувдаги кластерлар фаолиятининг доимий мониторингини юритади, уларни қўллаб-қувватлаш ва ривожлантириш бўйича таклифлар тайёрлайди;

кластерларни ташкил этиш ва ривожлантириш бўйича хорижий давлатларнинг илғор тажрибаларини ўрганиб боради ва улардан республикамиз шароитида фойдаланиш имкониятлари ва йўналишлари борасида хулосалар тайёрлайди;

кластерларни табиий, моддий-техник ва бошқа турдаги ресурслар билан таъминлаш тизимининг доимий мониторингини юритган ҳолда уни янада яхшилаш юзасидан таклифлар тайёрлайди;

қишлоқ хўжалиги тармоқларида кластерларни ташкил этиш ва ривожлантириш, инвестициялар, шу жумладан тўғридан-тўғри хорижий инвестицияларни жалб қилиш ишларига ваколати доирасида ҳар томонлама кўмаклашади;

г) агротехник тадбирларни ўз вақтида молиялаштиришга, қишлоқ хўжалиги маҳсулотлари ишлаб чиқарувчиларининг молиявий барқарорлигига, ҳосилдорлиги паст ерлар унумдорлигини оширишга, озиқ-овқат хавфсизлигини таъминлашга ва қишлоқ хўжалиги маҳсулотлари экспортини оширишга кўмаклашадиган қишлоқ хўжалигини давлат томонидан қўллаб-қувватлаш чора-тадбирларини мувофиқлаштириш соҳасида:

давлат хариди учун қишлоқ хўжалиги маҳсулотлари етиштириш харажатларини молиялаштиришга маблағларни ўз вақтида ажратилиши ва уларни мақсадли сарфланиши бўйича мониторинг юритади;

қишлоқ хўжалиги маҳсулотларини етиштиришни молиялаштириш тизимини такомиллаштириш юзасидан таклифлар тайёрлайди;

қишлоқ хўжалиги корхоналарининг ишлаб чиқариш фаолиятини молиявий жиҳатдан барқарорлигини таъминлаш ва иқтисодий самарадорлигини ошириш бўйича тавсиялар ишлаб чиқади;

ҳосилдорлиги паст ерларнинг унумдорлигини оширишни таъминловчи қишлоқ хўжалигида серҳосил экинларини жойлаштириш ва уларни экилишини, аҳолининг озиқ-овқат маҳсулотларига бўлган эҳтиёжи қондирилиб, бозорларда нарх-наво барқарорлиги таъминлайди;

ҳосилдорлиги паст бўлган ерларда давлат хариди учун маҳсулот етиштириш бўйича таклифларни Вазирлар Маҳкамасига киритиш;

сабзавот, полиз ва дуккакли экинларни ҳар бир ҳудуднинг тупроқ-иқлим шароитлари, сув таъминоти, ташқи бозорнинг талаблари (маҳсулот тури ва етказиб бериш муддатлари) асосида экинларни жойлаштириш юзасидан таклифлар тайёрлайди;

мева-сабзавот маҳсулотларини ташқи бозорга етказиб бериш тизимини янада такомиллаштириш бўйича тавсиялар тайёрлайди;

ташкил этилган ва фаолият кўрсатаётган иссиқхоналарни турлари, ҳажмлари, миқдори ҳамда иситиш манбалари бўйича хатловдан ўтказиб, уларни фаолиятини такомиллаштириш бўйича чора-тадбирлар дастурини ишлаб чиқади;

г 1 ) қишлоқ хўжалиги экинларини жойлаштириш, қишлоқ хўжалиги ерларини, қишлоқ хўжалиги экинларини экиш ва парваришлашни мониторинг қилиш соҳасида:

қишлоқ хўжалиги ерларини, қишлоқ хўжалиги экинларини экиш ва парваришлашни мониторинг қилади;

самарасиз фойдаланилаётган қишлоқ хўжалиги ерларини аниқлаш, уларни ўрнатилган тартибда олиб қўйиш ва белгиланган мақсадда фойдаланиш юзасидан таклифлар ишлаб чиқади;

г 2 ) тупроқ бонитировкасини ўтказиш, қишлоқ хўжалигига мўлжалланган ерларнинг меъёрий қийматини аниқлаш, тупроқшунослик, геоботаникага оид тадқиқотларни амалга ошириш соҳасида;

давлат бошқаруви органларининг, юридик ва жисмоний шахсларнинг тупроқ унумдорлигини сақлаш ва оширишни таъминлаш соҳасидаги фаолиятини мувофиқлаштиради;

маҳаллий давлат ҳокимияти органлари билан биргаликда тупроқ унумдорлигини ошириш бўйича давлат дастурларини ишлаб чиқади ва амалга оширади;

тупроқ унумдорлигини сақлаш ва ошириш соҳаларида давлат сиёсатининг асосий йўналишлари бўйича таклифларни ишлаб чиқади;

тупроқларнинг сифатини баҳолаш мақсадида тупроқ съёмкасини, тупроқларнинг бонитировкасини ўтказади;

қишлоқ хўжалигига мўлжалланган табиий яйловларда геоботаник изланишларни амалга оширади;

қишлоқ хўжалиги ерларининг меъёрий қийматини аниқлайди;

тупроқшунослик, геоботаникага оид изланишлар ҳамда тадқиқотларни амалга оширади;

д) кенг кўламли замонавий молиявий хизматларни ривожлантириш ва сифатли қишлоқ хўжалиги техникасидан фойдаланиш имкониятини ошириш орқали қишлоқ хўжалигини механизациялаш ва қишлоқ хўжалиги маҳсулотларини чуқур қайта ишлашни рағбатлантириш соҳасида:

қишлоқ хўжалигида молиявий муносабатлар (кредитлаш, лизинг, субсидиялаш ва дотация бериш) тизимини соҳанинг ўзига хос ҳусусиятларини ҳисобга олган ҳолда янада такомиллаштириш юзасидан таклифлар ишлаб чиқади;

илғор хорижий тажрибаларга асосланган ҳолда қишлоқ хўжалигига замонавий техника ва технологияларини жорий этишни молиялаштириш механизмларини такомиллаштириш йўналишлари бўйича тавсиялар ишлаб чиқади;

Республикамизда ишлаб чиқарилган ва хориждан импорт қилинаётган барча турдаги қишлоқ хўжалиги техникаси ва технологияларини мажбурий ва даврий синовлардан ўтказишни ташкил этади;

қишлоқ хўжалигини механизациялаш даражасини ошириш, техника ва технологияларнинг замонавий турларини фаол жорий қилиш бўйича инновацион илмий-техник ечимларини ишлаб чиқишга қаратилган давлат илмий дастурларини шакллантиришда иштирок этади;

қишлоқ хўжалиги механизация даражасини ошириш ҳамда қишлоқ хўжалиги техника ва агрегатларидан фойдаланиш самарадорлиги ва сифатини ошириш бўйича услубий тавсиялар тайёрлайди ва жойларга етказади;

машина-трактор паркларининг фаолиятини такомиллаштириш, қишлоқ хўжалиги техникалари билан таъминлаш ҳамда уларга техник хизмат кўрсатиш ишларини яхшилашда кўмаклашади;

қишлоқ хўжалигини янги замонавий техникалар билан таъминлаш орқали механизациялаш даражасини оширишни рағбатлантириш механизмларини ишлаб чиқади ва жорий этади;

қишлоқ хўжалиги маҳсулотларини сақлаш ва чуқур қайта ишлашни йўлга қўйиш орқали қўшилган қиймат яратишни янада кўпайтиришни рағбатлантириш бўйича тавсиялар тайёрлайди;

е) қишлоқ хўжалиги экинлари уруғларини тайёрлаш, фойдаланиш ва экспорт қилишнинг замонавий тизимини шакллантириш, маҳаллий ва хорижий селекция навлари, шу жумладан биотехнологик навларнинг бирламчи уруғчилигини ташкил этиш ва ривожлантириш соҳасида:

қишлоқ хўжалиги экинлари уруғларини етиштириш ва қайта ишлаш соҳасига ривожланган давлатлар тажрибаларини татбиқ қилади;

ғўза, бошоқли дон, сабзавот, полиз, мойли, озуқа ва бошқа экинларининг уруғларини, узум ва мева кўчатларини тайёрлаш, фойдаланиш ва экспорт қилишнинг замонавий тизимини шакллантиради;

маҳаллий ва хорижий селекция навлари, шу жумладан, биотехнологик навларнинг бирламчи уруғчилигини ташкил этади ва ривожлантиради;

тармоқ корхоналари томонидан қишлоқ хўжалиги экинларининг экиладиган уруғларини тайёрлаш, қайта ишлаш ва сақлаш бўйича норматив талабларни халқаро стандартлар ва техник регламентларга мувофиқ ишлаб чиқади;

уруғчилик соҳасида илмий ва тажриба-экспериментал тадқиқотларни олиб боришга, тармоқ корхоналарининг илмий салоҳияти ва моддий-техника базасини мустаҳкамлашга кўмаклашади;

уруғчилик бўйича халқаро ва миллий органлар билан ўзаро фаол ҳамкорлик қилиш, уруғларни экишдан олдин ишлов бериш ва қайта ишлашга оид инновацион технологияларни, ушбу соҳадаги ноу-хауларни жорий этади;

давлат-хусусий шерикчилик асосида замонавий уруғчилик кластерларини ташкил этиш, қишлоқ хўжалиги экинлари уруғларини етиштириш, сақлаш ва тайёрлашнинг янги тизимини шакллантириш орқали ички истеъмолчиларни сифатли ва арзон уруғликлар билан таъминлайди ва экспорт қилади;

қишлоқ хўжалик экинларининг республикада ва чет элда яратилган селекцион янги навлари, дурагайларини ҳамда ипак-қуртининг дурагайларини ҳуқуқий муҳофаза қилиш (патент учун) ва хўжаликда фойдалилигини (ҳосилдорлик, ўсув даври, касаллик, зараркунанда, ноқулай шароитларга чидамлилик ва сифат таркиби) аниқлаш бўйича синов ишларини амалга оширади;

ж) ўсимликларни ҳимоя қилиш соҳасида ягона давлат сиёсатини юритиш, зараркунандалар ва бегона ўтларга қарши курашиш, агрокимёвий хизмат кўрсатиш ва тупроқни муҳофаза қилиш бўйича тизимли чора-тадбирларни амалга ошириш соҳасида:

қишлоқ хўжалиги маҳсулотлари ишлаб чиқарувчиларини ўсимликларни ҳимоя қилиш, кимёвий ва биологик воситалар билан таъминлаш учун зарур шарт-шароитлар яратиш, ўсимликларни ҳимоя қилиш бўйича профилактик ва интеграциялаштирилган чора-тадбирларни ўз вақтида ташкил этади;

қишлоқ хўжалиги экинлари зараркунандалари, касалликлари ва бегона ўтлар ривожланиши ва тарқалишини прогноз қилади;

ўсимликларни ҳимоя қилиш кимёвий воситаларини ташиш, сақлаш, сотиш ва қўллаш, қишлоқ хўжалиги учун минерал ўғитларни агрокимё хаританомалари асосида тупроқни озуқа моддалари билан таъминланганлигини ҳисобга олиб, табақалаштирилган ҳолда етказиб бериш бўйича белгиланган қоидаларга риоя этилиши устидан назорат қилади;

ўсимликлар касалликлари ва зараркунандаларининг карантин объектларига қарши кураш чораларини ва ички карантин назоратини тубдан такомиллаштиради;

биолабораториялар ва ўсимликлар клиникалари тармоғини кенгайтириш, бу борада давлат хусусий шериклик тизимини ўзаро манфаатли ҳамкорлигини ривожлантиради;

з) таълим, фан ва қишлоқ хўжалиги ишлаб чиқаришини тизимли асосда узвий интеграциялашни, қишлоқ хўжалиги тармоқларининг юқори малакали соҳа мутахассисларига бўлган жорий ва истиқболдаги эҳтиёжларини ҳисобга олган ҳолда кадрлар тайёрлаш, қайта тайёрлаш ва уларнинг малакасини оширишни таъминлаш соҳасида:

вазирлик тасарруфидаги таълим ва илмий-тадқиқот муассасалари фаолиятларини мувофиқлаштириш, фан ва таълимни ривожлантириш бўйича ўрта ва узоқ муддатли дастурларни ишлаб чиқади ва жорий этади;

вазирлик тасарруфидаги таълим ва илмий-тадқиқот муассасаларининг моддий-техника базасини модернизациялаш, замонавий лабораториялар, технопарклар ва ахборот-маслаҳат марказларини ташкил этиш, уларнинг самарали фаолият юритишларини таъминлайди;

қишлоқ хўжалиги ва озиқ-овқат таъминоти соҳасида илмий-тадқиқот, лойиҳа — қидирув ва конструкторлик ишларининг асосий йўналишларини белгилайди;

хорижий мамлакатларнинг инновацион технологиялари ва илғор тажрибаларини ўрганишини, қишлоқ хўжалиги мутахассисларини ҳамда таълим ва илмий-тадқиқот муассасаларининг профессор-ўқитувчилари ва илмий ходимларини халқаро ярмаркалар, конференциялар ва илмий-амалий семинарларда иштирокини таъминлайди;

самарадорлиги юқори бўлган инновацион тадқиқотлар, ғоялар, ишланмалар ва технологияларни қўллаб-қувватлаш ва рағбатлантириш, соҳада илмий ютуқлар ва илғор тажрибаларни тарғиб ва жорий этиш бўйича чора-тадбирларни амалга оширади;

қишлоқ хўжалиги майдонларини кенгайтиришга ва қишлоқ хўжалиги экинлари ҳосилдорлигини оширишга, озиқ-овқат маҳсулотларини ишлаб чиқаришдаги йўқотишларни камайтиришга қаратилган илмий ишланмаларни ишлаб чиқади;

юқори технологик маҳсулотларни ишлаб чиқиш ва жорий қилиш бўйича илмий-тадқиқот ҳамда таълим муассасалари, илмий-тажриба хўжаликлари, лабораториялар, юқори технологиялар марказлари, инновацион компаниялар, технопарклар, ахборот-маслаҳат (extension) марказлари ва бошқа инновацияга йўналтирилган тузилмаларини жалб этади;

ҳудудлар ва қишлоқ хўжалиги тармоқларини комплекс ривожлантириш истиқболларини ҳисобга олган ҳолда таълим муассасаларида таълим йўналишлари ва мутахассисликларини мақбуллаштиради, кадрларга бўлган реал эҳтиёжни ҳисобга олган ҳолда қабул квоталари юзасидан таклифлар тайёрлайди, талабаларнинг ўқув ва ишлаб чиқариш амалиётларини самарали ташкил этади, олий таълим муассасалари битирувчиларни ишга жойлаштиради;

соҳа тармоқларини ривожлантириш истиқболларини ҳисобга олган ҳолда эҳтиёж катта бўлган ихтисосликлар бўйича мутахассисларни нуфузли хорижий таълим муассасалари билан ҳамкорликда ўқув дастурларини йўлга қўяди;

соҳа бўйича докторантура ва таянч докторантура орқали илмий даражали юқсак малакали илмий ходимларни тайёрлашни кенгайтириш, уларга муаммоли ва долзарб мавзулар бўйича илмий тадқиқот ишларини олиб боришлари учун барча шарт-шароитларни яратади;

аграр соҳада олиб борилаётган жадал ислоҳотлар талаблари асосида қишлоқ хўжалиги раҳбар ходимлари, соҳа мутахассислари, фермер хўжаликлари раҳбарларининг малакаларини ошириш ва уларни қайта тайёрлашни тизимли равишда ташкил этади;

Ўзбекистон Республикаси Олий ва ўрта махсус таълим вазирлиги билан келишилган ҳолда асосланган таклифлар асосида қишлоқ хўжалиги соҳасидаги бакалавриат таълим йўналишлари ва магистратура мутахассисликлари бўйича малака талаблари, ўқув режалари ва фан дастурларини тасдиқлайди ҳамда ўқув жараёнига босқичма-босқич жорий этади;

тизимидаги олий таълим муассасаларининг тузилмаларини тасдиқлайди;

Вазирлик қонун ҳужжатларида белгиланган бошқа функцияларни ҳам амалга ошириши мумкин;

и) органик маҳсулотларни ишлаб чиқариш ва мақбул қишлоқ хўжалиги амалиёти (Global G.A.P.) доирасида барча манфаатдор ташкилотлар фаолиятини мувофиқлаштириш ва тартибга солиш соҳасида:

манфаатдор вазирликлар, идоралар, ҳокимликлар, хўжалик юритувчи субъектлар ва тадбиркорлардан органик ишлаб чиқариш ва мақбул қишлоқ хўжалиги амалиёти (Global G.A.P.) доирасида зарур маълумотларни олади;

органик маҳсулотларни ишлаб чиқарувчилар фаолиятининг доимий мониторингини олиб боради, уларни қўллаб-қувватлаш ва ривожлантириш бўйича таклифлар тайёрлайди;

органик қишлоқ хўжалиги маҳсулотларини қайта ишлаш масалалари бўйича фермер ва деҳқон хўжаликлари ва бошқа манфаатдор тадбиркорлик субъектлари учун ўқув ва маслаҳат хизматларини кўрсатади;

органик маҳсулот ва хом ашёларни сертификатлаштириш идоралари, ишлаб чиқарувчилар, қайта ишловчи ташкилотлар, реализация қилувчи тадбиркорлик субъектлари тўғрисидаги электрон ахборот базасини яратади, унинг доимий янгиланиб туришини таъминлайди;

органик маҳсулот ва хом ашёларни сертификатлаштириш идоралари, ишлаб чиқарувчилар, қайта ишловчи ташкилотлар, реализация қилувчи тадбиркорлик субъектлари тўғрисидаги реестрни юритади;

республика миқёсида ва ҳудудлар кесимида органик маҳсулотлар етиштиришга ўтган ер майдонлари, ишлаб чиқариш ҳажмлари ва реализация қилиниши (экспорт ва импорт) тўғрисидаги расмий маълумотларни чоп этади;

органик қишлоқ хўжалигини ривожлантириш доирасида халқаро ташкилотлар билан ўзаро ҳамкорликни таъминлайди;

органик уруғчиликни ташкил этади ҳамда ушбу йўналишдаги илмий-тадқиқот ишларини кенгайтиради ва жадаллаштиради;

савдо тармоқларида органик сертификатга эга бўлган қишлоқ хўжалиги ва озиқ-овқат маҳсулотларининг реализация қилинишини тартибга солади;

органик маҳсулот ва хом ашёларни ишлаб чиқариш, қайта ишлаш, ташиш, сақлаш, сотиш ва сертификатлаштириш билан шуғулланувчи хўжалик субъектлари фаолиятининг эквивалентлигини баҳолайди ва авторизациялаш тизимини яратади;

к) қишлоқ хўжалигига мўлжалланган ерлардан фойдаланишни ташкил этиш ва муҳофаза қилиш соҳасида самарали давлат назоратини амалга ошириш соҳасида:

қишлоқ хўжалиги ерларининг меъёрий қийматини ва сифат кўрсаткичларини аниқлайди;

тупроқ бонитировкасини ўтказиш, тупроқ унумдорлигини ошириш, тупроқшунослик, геоботаникага оид тадқиқотларни амалга ошириш бўйича ишларни ташкил этади;

қишлоқ хўжалиги ерлари ва экинларининг ҳолатини ҳамда ўтказилган агротехник тадбирларни мониторинг қилади ва ушбу тадбирларни амалга ошириш учун учувчисиз учиш аппаратлари (дронлар)дан белгиланган тартибда фойдаланади.

12. Вазирлик марказий аппарати таркибий бўлинмалари, ҳудудий ва таркибий тузилмаларининг функциялари, агар Ўзбекистон Республикаси Президентининг ёки Вазирлар Маҳкамасининг қарорларида бошқача қоида белгиланмаган бўлса, Ўзбекистон Республикаси Қишлоқ хўжалиги вазири (кейинги ўринларда вазир деб аталади) томонидан белгиланган тартибда тасдиқланадиган низомлар ва уставлар билан белгиланади.

4-боб. Вазирлик ва унинг тузилмаларининг ваколатлари ҳамда жавобгарлиги

1-§. Вазирликнинг ваколатлари ва жавобгарлиги

13. Вазирлик ўзига юклатилган вазифалар ва функцияларни амалга ошириш учун қуйидаги ваколатларга эгадир:

ўз ваколати доирасида давлат ва хўжалик бошқаруви органлари, маҳаллий давлат ҳокимияти органлари, бошқа ташкилотлар ва уларнинг мансабдор шахслари ҳамда фуқаролар учун мажбурий бўлган норматив-ҳуқуқий ҳужжатларни қабул қилиш;

Вазирликка юклатилган вазифа ва функцияларни бажариш билан боғлиқ норматив-ҳуқуқий ҳужжатлар лойиҳаларини ва бошқа ҳужжатларни ўрнатилган тартибда Вазирлар Маҳкамасига киритиш;

Вазирлик ваколатига кирадиган масалаларда давлат ва хўжалик бошқаруви органлари, маҳаллий ижро этувчи ҳокимият органлари фаолиятини мувофиқлаштириш;

ўз ваколати доирасида маъмурий жавобгарликни келтириб чиқарадиган ҳолатлар юзасидан маъмурий ҳуқуқбузарликлар тўғрисида баённомалар тузиш;

Вазирлик ваколатига кирадиган масалаларни ҳал этиш учун зарур ахборотни давлат ва хўжалик бошқаруви органлари, маҳаллий давлат ҳокимияти органларидан сўраш ва олиш;

Вазирлик ваколатига кирадиган масалалар бўйича зарур статистик ахборотни давлат статистика органларидан бепул олиш;

Вазирлик ва унинг идоравий мансуб тузилмалари давлат мулкини бир бўлинмадан бошқасига ўрнатилган тартибда ўз ташкилий тузилмаси доирасида, беғараз фойдаланиш ҳуқуқи билан бериш;

Вазирлик ва унинг идоравий мансуб ташкилотлари ходимларини қишлоқ хўжалигидаги фаолиятининг асосий кўрсаткичлари параметрларининг бажарилишини ҳисобга олган ҳолда моддий рағбатлантириш тартиби, миқдори ва шартларини белгилаш;

Вазирлик ваколатига кирадиган масалалар бўйича таклифларни кўриб чиқиш учун Вазирлар Маҳкамаси, давлат ва хўжалик бошқаруви органлари, маҳаллий давлат ҳокимияти органларига киритиш;

Вазирлик ваколатига кирадиган масалалар бўйича идоралараро хусусиятга эга халқаро шартномаларни тузиш;

Вазирлик ваколатига кирадиган масалалар бўйича халқаро даражада Ўзбекистон Республикаси манфаатларини ифодалаш;

юклатилган вазифалар доирасида бевосита ёки вазирликнинг идоравий мансуб бўлинмалари орқали хорижий тармоқ идоралари, илмий ва таълим муассасалари билан ҳамкорликни амалга ошириш;

қишлоқ хўжалиги соҳасида жорий ва стратегик вазифаларни ёритиш учун ўрнатилган тартибда ноширлик фаолиятини амалга ошириш;

биноларга хизмат кўрсатиш, жиҳоз ва ускуналар, автотранспорт, алоқа ва ҳисоблаш воситалари, компьютер ва оргтехника воситалари сақлаш ва ишлатиш бўйича ишларни бажариш, дастурий таъминотни сотиб олиш бўйича белгиланган тартибда шартномалар тузиш;

Вазирлик ваколатига кирадиган масалаларни ҳал этиш учун шартнома асосида маҳаллий ва хорижий илмий муассасалар, олим ва мутахассисларни жалб қилиш;

Вазирлик ва тизим ташкилотларининг моддий-техника базасини мустаҳкамлаш чораларини кўриш;

амалдаги қонунчиликка мувофиқ Вазирлик ижтимоий инфратузилмасини яратиш ва такомиллаштириш, Вазирлик тизими ходимлари меҳнатини рағбатлантириш ва мукофотлашнинг ягона тизимини шакллантириш;

ўқув ва илмий-инновацион фаолиятида намуна кўрсатган бакалавр, магистр, таянч докторант ва докторантлар учун Вазирлик стипендиясини таъсис этиш;

озиқ-овқат маҳсулотларини етиштириш ва озиқ-овқат хавфсизлигини таъминлаш борасидаги қонунчилик ҳужжатлари ижросини бузиш ҳолатлари содир этилганда, уларнинг келиб чиқиш сабаблари ва бунга имконият яратиб бераётган шарт-шароитларни бартараф этиш чораларини кўриш;

Вазирлик қонунчилик ҳужжатларига мувофиқ бошқа ваколатларга ҳам эга бўлиши мумкин.

14. Вазирлик:

ўзига юклатилган вазифалар ва функцияларнинг самарали бажарилиши, шунингдек, тегишли соҳадаги (тармоқдаги) давлат сиёсатининг самарали амалга оширилиши;

ўз фаолияти билан боғлиқ прогноз кўрсаткичларга сўзсиз эришилишини таъминлаш;

Вазирлар Маҳкамасига ва Ўзбекистон Республикаси Президенти Администрациясига киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, Вазирлик томонидан қабул қилинадиган буйруқлар амалга оширилишининг сифати ва пировард натижалари;

ўз фаолияти соҳасини ривожлантириш бўйича дастурлар, тадбирлар режалари, «йўл хариталари» ва бошқа дастурий ҳужжатларнинг самарали амалга оширилиши учун жавоб беради.

2-§. Вазирлик марказий аппаратининг ҳуқуқлари ва жавобгарлиги

15. Вазирликнинг марказий аппарати ўзига юкланган вазифа ва функцияларни амалга ошириш учун қуйидаги ҳуқуқларга эга:

Вазирликнинг ҳудудий бўлинмалари, туман (Қувасой шаҳар) бўлимлари ва унинг идоравий мансуб ташкилотларидан зарур бўлган материаллар ва маълумотларни сўраш ва олиш;

Вазирликда кўриб чиқиладиган ахборот ва таҳлилий материалларни, шунингдек, норматив-ҳуқуқий ҳужжатлар ва бошқа ҳужжатлар лойиҳаларини тайёрлаш учун вазирликнинг ҳудудий бўлинмалари, туман (Қувасой шаҳар) бўлимлари ва идоравий мансуб ташкилотлари раҳбарлари ҳамда вакилларини белгиланган тартибда жалб қилиш, шу мақсадда эксперт ва ишчи гуруҳлар ташкил этиш;

Вазирликнинг ҳудудий бўлинмалари, туман (Қувасой шаҳар) бўлимлари ва унинг идоравий мансуб ташкилотлари томонидан киритилган норматив-ҳуқуқий ҳужжатлар лойиҳаларини ва бошқа ҳужжатларни пухта ишлашни талаб қилиш, зарурат бўлганда, уларни қайта ишлаш учун қайтариш;

Вазирликнинг ҳудудий бўлинмалари ва идоравий мансуб ташкилотлари раҳбарлари ҳамда вакиллари иштирокида белгиланган тартибда йиғилишлар ўтказиш;

Вазирликнинг ҳудудий бўлинмалари, туман (Қувасой шаҳар) бўлимлари ва идоравий мансуб ташкилотлари раҳбарларига жадал ҳал қилиниши талаб этиладиган ва Вазирликка юкланган вазифалар ҳамда функцияларни бажариш билан боғлиқ масалалар юзасидан белгиланган тартибда топшириқлар бериш;

қабул қилинган норматив-ҳуқуқий ҳужжатлар, Ўзбекистон Республикаси Президенти ва Ўзбекистон Республикаси Вазирлар Маҳкамасининг топшириқлари, шунингдек, Вазирликнинг буйруқлари Вазирликнинг ҳудудий бўлинмалари, туман (Қувасой шаҳар) бўлимлари ва унинг идоравий мансуб ташкилотлари томонидан бажарилиши юзасидан уларнинг фаолиятини белгиланган тартибда ўрганиш ва текшириш.

Вазирликнинг марказий аппарати қонун ҳужжатларига мувофиқ бошқа ҳуқуқларга ҳам эга бўлиши мумкин.

16. Вазирликнинг марказий аппарати:

Вазирликнинг таркибий ва ҳудудий бўлинмалари ҳамда идоравий мансуб ташкилотлар билан биргаликда Вазирликка юкланган вазифалар ва функцияларнинг самарали бажарилишини таъминлаш;

Вазирлик фаолияти билан боғлиқ прогноз кўрсаткичларга эришишни таъминлаш бўйича Вазирлик марказий аппарати тузилмаларининг ишини ташкил этиш;

Вазирлик томонидан кўриб чиқиш учун Ўзбекистон Республикаси Вазирлар Маҳкамаси ва Ўзбекистон Республикаси Президенти Администрациясига киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, Вазирлик томонидан қабул қилинадиган буйруқларнинг тайёрланиши ва экспертизадан ўтказиш сифати;

ўз фаолият соҳасини ривожлантириш бўйича дастурлар, тадбирлар режалари, «йўл хариталари» ва бошқа дастурий ҳужжатларнинг таркибий ва ҳудудий бўлинмалар ҳамда идоравий мансуб ташкилотлар томонидан амалга оширилишини ташкил этиш учун жавоб беради.

3-§. Вазирликнинг ҳудудий бўлинмалари ҳуқуқлари ва жавобгарлиги

17. Вазирликнинг ҳудудий бўлинмалари қуйидаги ҳуқуқларга эга:

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, давлат бошқаруви органларининг ҳудудий бўлинмалари, хўжалик юритувчи субъектлар, шунингдек, бошқа ташкилотлардан ўз зиммасига юкланган вазифаларни сифатли бажариш учун зарур бўлган ахборот материалларини сўраб олиш;

қишлоқ хўжалиги соҳасига доир масалаларда давлат бошқаруви органларининг ҳудудий бўлинмалари, хўжалик юритувчи субъектлар, шунингдек, бошқа ташкилотларнинг фаолиятини такомиллаштириш бўйича тавсиялар бериш;

Вазирлик туман (Қувасой шаҳар) бўлимларига топшириқ ва кўрсатмалар бериш;

давлат бошқаруви органларининг ҳудудий бўлимлари ҳамда хўжалик юритувчи субъектлар, шунингдек, бошқа ташкилотларнинг раҳбарлари ва масъул ходимлари иштирокида мажлислар ўтказиш;

ахборот-таҳлилий материалларни тайёрлаш ва дастурий ҳужжатларни ишлаб чиқиш учун давлат бошқаруви органларининг ҳудудий бўлимлари ҳамда хўжалик юритувчи субъектларнинг юқори малакали мутахассисларини жалб қилиш.

18. Вазирликнинг ҳудудий бўлинмалари:

ўзига юкланган вазифалар ва функциялар сифатли ва ўз вақтида бажарилишини таъминлаш;

Вазирликнинг ҳудудий бўлинмалари фаолияти билан боғлиқ бўлган прогноз кўрсаткичларга эришишни таъминлаш;

Вазирлик, маҳаллий ижро ҳокимияти органларига киритилаётган ҳужжатлар лойиҳалари ва таклифлар, шунингдек, Вазирликнинг ҳудудий бўлинмалари томонидан қабул қилинадиган қарорларнинг амалга оширилиши сифати, пировард натижалари ва оқибатлари;

туманлар (Қувасой шаҳар)да аниқланган муаммоларни ҳар томонлама ва чуқур таҳлил қилиш ва умумлаштириш асосида Қорақалпоғистон Республикаси ва вилоятларда қишлоқ хўжалигини ривожлантириш бўйича таклифлар тайёрлаш;

ўз фаолияти соҳасини ривожлантириш, муаммоли масалаларни ҳал қилиш бўйича дастурлар, тадбирлар режалари, «йўл хариталари» ва бошқа дастурий ҳужжатларни Қорақалпоғистон Республикаси ва вилоятларда самарали амалга ошириш;

фуқаролар ва тадбиркорлик субъектларининг қонуний ҳуқуқ ва манфаатлари ҳимоя қилиниши ва уларга риоя этилиши учун жавоб беради.

4-§. Вазирликнинг туман (Қувасой шаҳар) бўлимлари ҳуқуқлари ва жавобгарлиги

19. Вазирликнинг туман (Қувасой шаҳар) бўлимлари қуйидаги ҳуқуқларга эга:

давлат бошқаруви органлари ва хўжалик субъектлари туман (Қувасой шаҳар) бўлинмаларидан ҳамда бошқа ташкилотлардан ўз зиммасига юкланган вазифаларни сифатли бажариш учун зарур бўлган ахборот материалларини сўраб олиш;

қишлоқ хўжалиги соҳасига оид масалаларида давлат бошқаруви органлари ва хўжалик туман (Қувасой шаҳар) бўлимлари, шунингдек, бошқа ташкилотларнинг фаолиятини такомиллаштириш бўйича тавсиялар бериш;

давлат ва хўжалик бошқаруви органларининг туман (Қувасой шаҳар) бўлимлари ҳамда бошқа ташкилотларнинг раҳбарлари ва масъул ходимлари иштирокида мажлислар ўтказиш;

ахборот-таҳлилий материалларни тайёрлаш ва дастурий ҳужжатларни ишлаб чиқиш учун давлат ва хўжалик бошқаруви органларининг туман (Қувасой шаҳар) бўлимлари, шунингдек, илмий ташкилотларнинг юқори малакали мутахассисларини жалб қилиш.

20. Вазирликнинг туман (Қувасой шаҳар) бўлимлари:

ўзига юкланган вазифалар ва функциялар сифатли ва ўз вақтида бажарилишини таъминлаш;

Вазирликнинг туман (Қувасой шаҳар) бўлимлари фаолияти билан боғлиқ бўлган прогноз кўрсаткичларга эришишни таъминлаш;

Вазирлик, маҳаллий ижро ҳокимияти органларига киритилаётган ҳужжатлар лойиҳалари ва таклифлар, шунингдек, Вазирликнинг туман (Қувасой шаҳар) бўлимлари томонидан қабул қилинадиган қарорларнинг амалга оширилиши сифати, пировард натижалари ва оқибатлари;

ҳудудларда аниқланган муаммоларни ҳар томонлама ва чуқур таҳлил қилиш ва умумлаштириш асосида туманлар (Қувасой шаҳар)да қишлоқ хўжалигини ривожлантириш бўйича таклифлар тайёрлаш;

ўз фаолияти соҳасини ривожлантириш, муаммоли масалаларни ҳал қилиш бўйича дастурлар, тадбирлар режалари, «йўл хариталари» ва бошқа дастурий ҳужжатларни туманлар (Қувасой шаҳар)да самарали амалга ошириш;

фуқаролар ва тадбиркорлик субъектларининг ҳуқуқлари ва қонуний манфаатлари ҳимоя қилиниши ҳамда уларга риоя этилиши учун жавоб беради.

5-боб. Вазирлик раҳбарларининг асосий функционал вазифалари

21. Қуйидагилар вазирнинг асосий функционал вазифалари ҳисобланади:

Ўзбекистон Республикаси Конституцияси ва қонунлари ҳамда бошқа норматив-ҳуқуқий ҳужжатлар талабларига риоя этиш;

Вазирлик фаолиятига якка бошчилик асосида умумий раҳбарлик қилиш, Ўзбекистон Республикаси Президентининг тегишли ҳужжатлари, Вазирлар Маҳкамасининг қарорлари ва бошқа қонун ҳужжатлари билан Вазирликка юкланган вазифалар ва функциялар бажарилишини ташкил этиш;

Ўзбекистон Республикаси Президентининг ҳужжатлари, Вазирлар Маҳкамасининг қарорлари билан тасдиқланган қишлоқ хўжалиги ва озиқ-овқат хавфсизлиги соҳасини янада такомиллаштириш бўйича комплекс дастурлар ва комплекс тадбирларнинг ижросини танқидий ва чуқур таҳлил қилиш;

Вазирлик, унинг таркибий ва ҳудудий бўлинмалари фаолияти билан боғлиқ прогноз кўрсаткичлар, мақсадли индикаторлар, сифатга ва ривожлантириш дастурларининг самарали амалга оширилишига эришишни сўзсиз таъминлаш юзасидан амалий чора-тадбирларни ишлаб чиқиш ва қабул қилиш;

Ўзбекистон Республикаси Президенти Администрацияси ва Вазирлар Маҳкамаси таркибий бўлинмалари, шунингдек, тегишли вазирлик ва идоралар билан Вазирлик фаолияти соҳасига кирувчи масалалар бўйича ҳамкорлик қилиш, Вазирлар Маҳкамаси ва унинг Раёсатининг масалаларини кўриб чиқиш бўйича йиғилишларида иштирок этиш;

Ўзбекистон Республикаси Президенти ва Ўзбекистон Республикасининг Бош вазири ва унинг ўринбосарлари, маслаҳатчилари топшириқларини ўз вақтида, тўлиқ ва сифатли бажарилишини ташкил этиш;

ўз ўринбосарларининг ваколатларини белгилаш, улар ўртасида вазифаларни тақсимлаш, Вазирликнинг бошқа мансабдор шахсларининг ваколатларини белгилаш, ўринбосарларининг ва бошқа мансабдор шахсларнинг Вазирлик фаолиятининг айрим тармоқларига раҳбарлик қилишда шахсий жавобгарлик даражасини белгилаш;

Вазирлик фаолиятини режалаштиришни ташкил этиш, Вазирлик ва ўз ўринбосарларининг ҳар чораклик иш режаларини тасдиқлаш, уларнинг ижроси ҳолатини назорат қилиш;

Ўзбекистон Республикаси Президенти ва Вазирлар Маҳкамасининг ҳужжатлари ва топшириқлари ижросини ташкил этиш ва мониторингини олиб боришнинг амалий тизимини яратиш, Вазирлик фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон ва « Давлат органлари ташкилотларида ижро интизомини янада мустаҳкамлаш чора-тадбирлари тўғрисида » 2018 йил 5 октябрдаги ПҚ-3962-сон қарорларига ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ топшириқларнинг ўз вақтида ва сифатли бажарилиши учун таркибий ва ҳудудий бўлинмалар, шунингдек, идоравий мансуб ташкилотлар раҳбарларининг шахсий масъулиятини ошириш чораларини кўриш;

Вазирлик ходимларини тизимли қайта тайёрлашни ва уларнинг малакасини оширишни ташкил этиш;

Вазирлик тизимида кадрларни танлаш ва жой-жойига қўйиш, уларнинг самарали фаолият юритишлари учун зарур шарт-шароитларни яратиш, Вазирликнинг кадрлар захирасини шакллантириш;

Ўзбекистон Республикаси Президентининг, Ўзбекистон Республикаси Президенти Администрацияси ва Вазирлар Маҳкамаси номенклатурасига кирадиган бўш лавозимларга таклиф этилган кадрларнинг, шунингдек, Вазирликка ишга қабул қилинадиган бошқа кадрларнинг профессионаллиги, ўз ишини билиши, амалий иш тажрибаси, юқори ишчанлик даражаси ва маънавий-ахлоқий сифатлари кафолатланганлигини таъминлаш;

фаолият соҳасидаги масалалар бўйича норматив-ҳуқуқий ҳужжатлар лойиҳаларини сифатли ишлаб чиқиш, уларнинг Вазирлар Маҳкамасига « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлисининг Қонунчилик палатасига киритиш тартиби тўғрисида » Ўзбекистон Республикаси қонунлари, Ўзбекистон Республикаси Президентининг «Норма ижодкорлик фаолиятини такомиллаштириш Концепциясини тасдиқлаш тўғрисида» 2018 йил 8 августдаги ПФ-5505-сон Фармони , Ўзбекистон Республикаси Президентининг 2018 йил 26 августдаги ПФ-5519-сон Фармони билан тасдиқланган Ўзбекистон Республикаси Президенти Администрацияси Регламенти (кейинги ўринларда Ўзбекистон Республикаси Президенти Администрацияси Регламенти деб аталади) ҳамда Вазирлар Маҳкамасининг 2024 йил 25 мартдаги 150-сон қарори билан тасдиқланган Вазирлар Маҳкамаси Регламенти (кейинги ўринларда Вазирлар Маҳкамаси Регламенти деб аталади) талабларига қатъий мувофиқ равишда ўз вақтида киритилишини ташкил этиш, шунингдек, уларни Вазирликда ишлаб чиқиш, Вазирлик раҳбарияти ҳузурида ҳимоя қилиш, Вазирлар Маҳкамасида кўриб чиқиш ва қайта ишлашда иштирок этиш;

« Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлисининг Қонунчилик палатасига киритиш тартиби тўғрисида »ги Ўзбекистон Республикаси қонунларига ва Вазирлар Маҳкамасининг 2016 йил 17 октябрдаги 345-сон қарори билан тасдиқланган Давлат ва хўжалик бошқаруви органлари, маҳаллий ижро этувчи ҳокимият органларининг қонун лойиҳаларига доир фаолиятининг намунавий регламентига мувофиқ Вазирликнинг қонун лойиҳаларини тайёрлаш фаолиятини ташкил этиш;

Вазирликка тақдим этилган таклифлар ва норматив-ҳуқуқий ҳужжатлар лойиҳаларининг тўлиқ ва ҳар томонлама кўриб чиқилишини таъминлаш, уларни Ўзбекистон Республикаси Президенти Администрацияси Регламенти ва Вазирлар Маҳкамаси Регламентида белгиланган муддатларда келишиш (виза қўйиш);

Вазирликнинг қонун ҳужжатлари лойиҳаларини ишлаб чиқиш фаолиятини « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлисининг Қонунчилик палатасига киритиш тартиби тўғрисида » Ўзбекистон Республикаси қонунлари ва бошқа қонун ҳужжатларига мувофиқ ташкил этиш;

Вазирлик ваколатига тегишли масалалар бўйича норматив-ҳуқуқий ҳужжатларни қабул қилиш, зарур ҳолларда, бошқа вазирлик ва идоралар билан ҳамкорликда тегишли қарорлар қабул қилиш;

Вазирлик раҳбарлари ва ходимларининг хизмат сафарларини Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида» 2014 йил 5 мартдаги ПҚ-2142-сон, «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига тўла мувофиқ равишда ташкил этиш, хизмат сафарларининг асосланганлиги, самарадорлиги ва натижадорлигини, хизмат сафарларига ажратиладиган маблағлардан оқилона фойдаланишни таъминлаш;

ўринбосарлари ҳамда таркибий ва ҳудудий бўлинмалар раҳбарлари фаолиятининг самарадорлиги ва натижадорлигини доимий танқидий таҳлил қилиш, Вазирликнинг ҳайъат йиғилишларида уларнинг шахсий ҳисоботларини тинглаш, муҳокама якунлари бўйича зарур чоралар кўриш;

Вазирлик ходимларини рағбатлантириш ва интизомий жавобгарликка тортиш масалаларини ҳал этиш, ўринбосарларини рағбатлантириш ва интизомий жавобгарликка тортиш тўғрисида, шу жумладан уларнинг эгаллаб турган лавозимида қолиши мақсадга мувофиқлиги масаласини кўриб чиқиш бўйича таклифлар киритиш, уларнинг шахсий масъулиятини ошириш юзасидан тизимли чораларни амалга ошириш;

Вазирлик ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари асосида тасдиқланадиган Вазирлик ходимларининг одоб-ахлоқ қоидаларига риоя этилишини назорат қилиш;

«Коррупцияга қарши курашиш тўғрисида» Ўзбекистон Республикаси Қонуни талабларига мувофиқ Вазирлик тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиёти ва қонунчиликни такомиллаштириш бўйича чора-тадбирларни ишлаб чиқиш ва амалга ошириш йўли билан уларни содир этишга имкон яратувчи омилларни аниқлаш, таҳлил қилиш, сабаб ва шароитларини бартараф этиш;

Вазирлик ҳамда унинг таркибий ва ҳудудий бўлинмалари ишини ташкил этишнинг илғор шаклларини жорий этишни таъминлаш;

қишлоқ хўжалиги ва озиқ-овқат хавфсизлиги соҳасида давлат хизматларини кўрсатиш ва улардан фойдаланиш самарадорлиги, сифатини, шу жумладан аҳоли ва тадбиркорлик субъектлари билан ўзаро ҳамкорликни амалга оширишда «ягона дарча» принципини жорий этиш ҳамда «Электрон ҳукумат тўғрисида» Ўзбекистон Республикаси Қонунини амалга ошириш доирасида замонавий ахборот-коммуникация технологияларидан фойдаланиш йўли билан ошириш;

жисмоний ва юридик шахслар мурожаатларини кўриб чиқиш, аҳоли билан тўғридан-тўғри ва очиқ мулоқотни йўлга қўйиш, шахсий қабулларни, шу жумладан «Жисмоний ва юридик шахсларнинг мурожаатлари тўғрисида» Ўзбекистон Республикаси Қонунида ҳамда Вазирликда жисмоний ва юридик шахслар мурожаатлари билан ишлаш тартиби тўғрисидаги тегишли ҳужжатларда белгиланган муддатларда ва тартибда, жисмоний ва юридик шахслар вакилларининг сайёр қабулларини мунтазам ўтказиш юзасидан самарали ишларни ташкил этиш;

Ўзбекистон Республикаси Президентининг Халқ қабулхоналари билан самарали ҳамкорликни, Вазирлик раҳбарлари ва ходимларининг улар фаолиятида фаол иштирок этишини ташкил этиш, Ўзбекистон Республикаси Президентининг Виртуал қабулхонасидан келиб тушадиган жисмоний ва юридик шахслар мурожаатлари ўз вақтида ва тўлиқ кўриб чиқилишини таъминлаш;

давлат сири ва махфий маълумотлар тоифасига кирувчи маълумотлар билан ишлашда қонунчилик талабларига риоя этиш;

Вазирлик марказий аппарати штат жадвали ва харажатлар сметасини, шунингдек, Вазирликнинг таркибий ва ҳудудий бўлинмалари низомларини ҳамда идоравий мансуб ташкилотлар уставларини тасдиқлаш;

Вазирлик марказий аппарати ходимлари, таркибий бўлинмалар ҳамда идоравий мансуб ташкилотлар раҳбарларини қонун ҳужжатларида белгиланган тартибда лавозимга тайинлаш ва лавозимдан озод этиш;

қишлоқ хўжалиги ва озиқ-овқат хавфсизлиги соҳасида ягона давлат сиёсатини амалга оширишни таъминлаш, вазирликлар, идоралар, маҳаллий ижро этувчи ҳокимият органлари ҳамда бошқа ташкилотларнинг қишлоқ хўжалиги ва озиқ-овқат хавфсизлиги соҳасидаги фаолиятини мувофиқлаштириш;

Вазирлик, ҳудудий бўлинмалар, идоравий мансуб ташкилотлар мансабдор шахслари бажариши мажбурий бўлган буйруқлар чиқариш ва топшириқлар бериш, шунингдек, уларнинг ижросини ўрнатилган тартибда назорат қилиш;

Вазирлик марказий аппарати, ҳудудий бўлинмалар, идоравий мансуб ташкилотларнинг тасдиқланган тузилмалари ва штатлар жадвалига ходимларнинг чекланган сони доирасида ўзгартиришлар киритиш;

қишлоқ хўжалиги ва озиқ-овқат хавфсизлиги соҳасида халқаро ва ҳукуматлараро алоқаларни кенгайтириш ва мустаҳкамлаш, хорижий инвестициялар ва грантларни жалб этиш бўйича халқаро тадбирларда иштирок этиш.

Қонунчиликка мувофиқ вазир бошқа функционал вазифаларга эга бўлиши мумкин.

22. Қуйидагилар вазирнинг биринчи ўринбосари ва вазир ўринбосарларининг асосий функционал вазифалари ҳисобланади:

Ўзбекистон Республикаси Конституцияси ва қонунлари ҳамда бошқа норматив-ҳуқуқий ҳужжатлар талабларига риоя этиш;

Вазир вақтинча бўлмаганда, тегишли буйруқ асосида унинг вазифаларини бажариш;

мутасаддилик қилинадиган таркибий бўлинмалари фаолиятини мувофиқлаштириш, назорат қилиш ва бевосита бошқариш, уларнинг ходимлари ўртасида вазифаларни тақсимлаш;

Ўзбекистон Республикаси Президенти ва Вазирлар Маҳкамасининг қарорлари билан Вазирлик фаолиятининг мутасаддилик қилинадиган йўналишлари бўйича тасдиқланган Вазирлик фаолиятини янада такомиллаштириш юзасидан комплекс дастурлар ва комплекс тадбирлар ижроси ҳолатини танқидий ва чуқур таҳлил қилиш;

мутасаддилик қилинадиган таркибий бўлинмалар томонидан прогноз кўрсаткичларга эришишни сўзсиз таъминлаш бўйича чоралар кўриш, бўлинмалар раҳбарларининг ҳисоботини тизимли эшитиб бориш ва белгиланган кўрсаткичларга эришиш учун уларнинг шахсий жавобгарлигини ошириш;

мутасаддилик қилинадиган таркибий тузилмаларнинг чораклик режаларини тасдиқлаш, уларнинг бажарилиши устидан назоратни таъминлаш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини таъминлаш, шунингдек Вазирлик фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон ва «Давлат органлари ташкилотларида ижро интизомини янада мустаҳкамлаш чора-тадбирлари тўғрисида» 2018 йил 5 октябрдаги ПҚ-3962-сон қарорларига ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ топшириқларнинг ўз вақтида ва сифатли бажарилиши учун таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чораларини кўриш;

Вазирлик ҳайъати қарорлари, Вазир буйруқлари ва топшириқларининг ўз вақтида ва сифатли бажарилишини таъминлаш;

мутасаддилик қилинадиган бўлинмаларда кадрларни танлаш ва жой-жойига қўйиш бўйича Вазирга таклифлар тақдим этиш, уларнинг профессионаллиги, ўз ишини билиши, амалий иш тажрибаси, юқори ишчанлик даражаси ва маънавий-ахлоқий сифатлари кафолатланганлигини таъминлаш, уларнинг касбий малакасини ошириш чораларини кўриш, таркибий бўлинмаларда кадрлар захирасини шакллантириш;

таркибий бўлинмалар томонидан норматив-ҳуқуқий ҳужжатлар лойиҳаларини сифатли ишлаб чиқишни ташкил этиш, Вазирликнинг таркибий бўлинмаларида тайёрланган норматив-ҳуқуқий ҳужжатлар лойиҳаларини келгусида муҳокама этиш, имзолаш (виза қўйиш) учун кўриб чиқиш ва виза қўйиш, уларнинг Ўзбекистон Республикаси Президенти Администрацияси Регламенти ва Вазирлар Маҳкамаси Регламенти талабларига қатъий равишда, ўз вақтида Ўзбекистон Республикаси Вазирлар Маҳкамасига киритилишини таъминлаш, Вазир топшириғига мувофиқ, Ўзбекистон Республикаси Президенти Администрацияси ва Вазирлар Маҳкамасида норматив-ҳуқуқий ҳужжатлар лойиҳаларини ишлаб чиқишда иштирок этиш;

Вазирликка тақдим этилган норматив-ҳуқуқий ҳужжатлар лойиҳаларини тўлиқ ва ҳар томонлама кўриб чиқиш;

хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон, «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига тўла мувофиқ равишда ташкил этиш, хизмат сафарларининг асосланганлиги, самарадорлиги ва натижадорлигини, хизмат сафарларига ажратиладиган маблағлардан оқилона фойдаланишни таъминлаш;

мутасаддилик қилинадиган таркибий бўлинмалар раҳбарлари ва ходимлари фаолиятининг самарадорлиги ва натижадорлигини доимий танқидий таҳлил қилиб бориш, Вазирликнинг ҳайъат йиғилишларида уларнинг шахсий ҳисоботларини тинглаш, муҳокама якунлари бўйича зарур чораларни кўриш;

Вазирлик фаолиятини такомиллаштириш юзасидан амалий чора-тадбирлар қабул қилиш, қишлоқ хўжалиги ва озиқ-овқат хавфсизлиги соҳасидаги қонун ҳужжатларини такомиллаштириш юзасидан таклифларни ишлаб чиқиш ва уларни кўриб чиқиш учун Вазирга киритиш;

мутасаддилик қилинадиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимида қолиши мақсадга мувофиқлиги масаласини кўриб чиқиш бўйича Вазирга таклифлар киритиш, уларнинг функционал масъулиятлари ва юкланган вазифалар бажарилишида шахсий масъулиятини ошириш юзасидан тизимли чораларни амалга ошириш;

Вазирлик ходимлари томонидан ходимнинг одоб-ахлоқ қоидаларига риоя этилишини таъминлаш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ Вазирлик тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиёти ва қонунчиликни такомиллаштириш бўйича чора-тадбирларни ишлаб чиқиш ва амалга ошириш орқали уларни содир этишга имкон яратувчи омилларни аниқлаш, таҳлил қилиш, сабаб ва шароитларини бартараф этиш;

Вазирга давлат хизматларини кўрсатиш самарадорлиги, сифати ва улардан эркин фойдаланиш даражасини ошириш бўйича таклифлар киритиш;

жисмоний ва юридик шахслар мурожаатларини кўриб чиқиш, аҳоли билан тўғридан-тўғри ва очиқ мулоқотни йўлга қўйиш, шахсий қабулларни, шу жумладан, «Жисмоний ва юридик шахсларнинг мурожаатлари тўғрисида» Ўзбекистон Республикаси Қонунида ҳамда Вазирликда жисмоний ва юридик шахслар мурожаатлари билан ишлаш тартиби тўғрисидаги тегишли ҳужжатларда белгиланган муддатларда ва тартибда жисмоний ва юридик шахслар вакилларининг сайёр қабулларини мунтазам ўтказиш юзасидан самарали ишларни ташкил этиш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, улар фаолиятида фаол иштирок этиш, Ўзбекистон Республикаси Президентининг Виртуал қабулхонасидан келиб тушадиган жисмоний ва юридик шахслар мурожаатлари ўз вақтида ва тўлиқ кўриб чиқилишини таъминлаш;

давлат сири ва махфий ахборотлар тоифасига кирувчи маълумотлар билан ишлашда қонунчилик талабларига риоя этилишини таъминлаш;

ижтимоий-иқтисодий ривожлантиришнинг узоқ ва ўрта муддатли давлат дастурларини, тармоқ ва ҳудудий дастурларни ишлаб чиқишда иштирок этиш;

қишлоқ хўжалиги ва озиқ-овқат хавфсизлиги соҳасида малакали кадрларни тайёрлаш, касбий таълим муассасаларининг ўқув даражаси ва сифатини тубдан оширишга кўмаклашиш, кадрларни, шу жумладан хориждаги илғор илмий-тадқиқот муассасаларида ва таълим марказларида тайёрлаш ва малакасини оширишни ташкил қилиш;

қишлоқ хўжалиги ва озиқ-овқат хавфсизлиги соҳасида хорижий давлатлар, халқаро ва хорижий ташкилотлар билан ҳамкорликни амалга ошириш.

23. Қуйидагилар Вазирлик марказий аппарати таркибий бўлинмалари раҳбарларининг асосий функционал вазифалари ҳисобланади:

Ўзбекистон Республикаси Конституцияси ва қонунлари ҳамда бошқа норматив-ҳуқуқий ҳужжатлар талабларига риоя этиш;

таркибий бўлинмалар фаолиятига бевосита раҳбарликни амалга ошириш, мазкур бўлинмаларга юкланган вазифалар ва функциялар ижросини таъминлаш;

ўз ваколати доирасида Вазирликнинг ҳудудий бўлинмалари ва идоравий мансуб ташкилотлар фаолиятини мувофиқлаштириш;

прогноз кўрсаткичларни мунтазам таҳлил қилиб бориш ва қайд этилган кўрсаткичларга таркибий ва ҳудудий бўлинмалар томонидан сўзсиз эришишни таъминлашга йўналтирилган қўшимча чораларни кўриш юзасидан таклифларни кўриб чиқиш учун Вазирнинг мутасаддилик қиладиган ўринбосарларига киритиш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини таъминлаш, Вазирликнинг таркибий бўлинмаларида ижро интизомини мустаҳкамлашнинг комплекс амалий чора-тадбирларини амалга ошириш, шунингдек, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон, «Давлат органлари ташкилотларида ижро интизомини янада мустаҳкамлаш чора-тадбирлари тўғрисида» 2018 йил 5 октябрдаги ПҚ-3962-сон қарорлари ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ таркибий бўлинмалар ходимлари томонидан топшириқларнинг ўз вақтида ва сифатли бажарилишида шахсий масъулиятини ошириш бўйича чоралар кўриш;

Ҳайъат қарорлари, Вазир ва унинг ўринбосарлари буйруқлари ва топшириқлари ўз вақтида ва сифатли бажарилишини таъминлаш;

таркибий бўлинмаларнинг иш режаларини ишлаб чиқиш, уларни тасдиқлаш учун киритиш, уларда қайд этилган вазифалар ва тадбирларнинг ўз вақтида ва сифатли бажарилишини таъминлаш;

таркибий бўлинмаларга юкланган вазифаларнинг ижросини назорат қилиш ва мувофиқлаштириш, Вазирлик ҳудудий бўлинмалари ва идоравий мансуб ташкилотлари фаолиятида амалий ва услубий ёрдам кўрсатиш;

таркибий бўлинмалар фаолияти масалалари бўйича қонунчиликни такомиллаштириш юзасидан таклифлар ишлаб чиқиш ва уларни кўриб учун Вазирлик раҳбариятига киритиш;

Вазирлик раҳбариятига таркибий бўлинмаларда кадрларни танлаш ва жой-жойига қўйиш бўйича таклифлар тақдим этиш, уларнинг профессионаллиги, ўз ишини билиши, амалий иш тажрибаси, юқори ишчанлик даражаси ва маънавий-ахлоқий сифатлари кафолатланганлигини таъминлаш, уларнинг касбий малакасини ошириш чораларини кўриш, таркибий бўлинмаларда кадрлар захирасини шакллантириш;

таркибий бўлинмалар томонидан норматив-ҳуқуқий ҳужжатлар лойиҳаларини сифатли ишлаб чиқишни ташкил этиш, Вазирликнинг таркибий бўлинмаларида тайёрланган норматив-ҳуқуқий ҳужжатлар лойиҳаларини келгусида Вазирлик раҳбарияти томонидан кўриб чиқиш, имзолаш (виза қўйиш) учун кўриб чиқиш ва виза қўйиш, уларнинг Ўзбекистон Республикаси Президенти Администрацияси Регламенти ва Вазирлар Маҳкамаси Регламенти талабларига қатъий равишда ўз вақтида Вазирлар Маҳкамасига киритилишини таъминлаш, Вазирлик раҳбарияти топшириғига мувофиқ Вазирлар Маҳкамаси аппаратида норматив-ҳуқуқий ҳужжатлар лойиҳаларини ишлаб чиқишда иштирок этиш;

Вазирликка тақдим этилган таклифлар ва норматив-ҳуқуқий ҳужжатлар лойиҳаларини тўлиқ ва ҳар томонлама кўриб чиқиш;

хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон, «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига мувофиқ амалга ошириш, хизмат сафарларининг асосланганлиги, самарадорлиги ва натижадорлигини, хизмат сафарлари учун ажратиладиган маблағлардан мақсадли ва оқилона фойдаланишни таъминлаш;

таркибий бўлинмалар ходимлари фаолиятининг самарадорлиги ва натижадорлигини доимий танқидий таҳлил қилиб бориш, йиғилишларда уларнинг шахсий ҳисоботларини эшитиб бориш, уларни кўриб чиқиш якунлари бўйича зарур чораларни кўриш;

таркибий бўлинмалар ходимлари томонидан ходимнинг одоб-ахлоқ қоидаларига риоя этилишини таъминлаш;

«Коррупцияга қарши курашиш тўғрисида» Ўзбекистон Республикаси Қонуни талабларига мувофиқ таркибий бўлинмаларда коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиёти ва қонунчиликни такомиллаштириш бўйича чора-тадбирларни ишлаб чиқиш ва амалга ошириш орқали уларни содир этишга имкон яратувчи омилларни аниқлаш, таҳлил қилиш, сабаб ва шароитларини бартараф этиш;

давлат хизматларини кўрсатиш самарадорлиги, сифати ва улардан фойдаланиш даражасини ошириш бўйича таклифларни кўриб чиқиш учун вазирлик раҳбариятига киритиш;

жисмоний ва юридик шахслар мурожаатларини кўриб чиқиш, аҳоли билан тўғридан-тўғри ва очиқ мулоқотни йўлга қўйиш, шахсий қабулларни, шу жумладан, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонунида ҳамда Вазирликда жисмоний ва юридик шахслар мурожаатлари билан ишлаш тартиби тўғрисидаги тегишли ҳужжатларда белгиланган муддатларда ва тартибда жисмоний ва юридик шахслар вакилларининг сайёр қабулларини мунтазам ўтказиш юзасидан самарали ишларни ташкил этиш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, улар фаолиятида фаол иштирок этиш, Ўзбекистон Республикаси Президентининг Виртуал қабулхонасидан келиб тушадиган жисмоний ва юридик шахслар мурожаатларини Ўзбекистон Республикаси Президентининг «Жисмоний ва юридик шахслар мурожаатлари билан ишлаш тизимини тубдан такомиллаштириш чора-тадбирлари тўғрисида» 2016 йил 28 декабрдаги ПФ-4904-сон Фармонига мувофиқ ўз вақтида ва тўлиқ кўриб чиқилишини таъминлаш;

давлат сири ва махфий ахборотлар тоифасига кирувчи маълумотлар билан ишлашда қонунчилик талабларига риоя этилишини таъминлаш;

таркибий бўлинмалар ходимлари фаолиятини тасдиқланган лавозим йўриқномаларига қатъий мувофиқ равишда ташкил этиш;

таркибий бўлинмалар ваколатига тегишли масалалар бўйича таҳлилий материалларни Вазирлик раҳбарияти учун тайёрлаш;

Вазирлик таркибий бўлинмалари фаолиятини ўрганиш ҳамда уларга амалий ёрдам кўрсатишни ташкил этиш юзасидан таклифлар ишлаб чиқиш.

24. Қуйидагилар Вазирлик ҳудудий бўлинмалари ва туман (Қувасой шаҳар) бўлимлари бошлиқларининг функционал вазифалари ҳисобланади:

Ўзбекистон Республикаси Конституцияси ва қонунлари ҳамда бошқа норматив-ҳуқуқий ҳужжатлар талабларига риоя этиш;

ҳудудий бўлинма, туман (Қувасой шаҳар) бўлимлари фаолиятига умумий раҳбарликни амалга ошириш, Ўзбекистон Республикаси Президенти ва Вазирлар Маҳкамасининг тегишли ҳужжатлари, шунингдек, бошқа қонун ҳужжатлари ва Вазирлик буйруқлари билан юкланган вазифа ва функцияларнинг ижросини таъминлаш;

ҳудудий бўлинма, туман (Қувасой шаҳар) бўлимлари фаолияти билан боғлиқ прогноз кўрсаткичларга эришишни таъминлаш бўйича амалий чораларни ишлаб чиқиш ва амалга ошириш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини таъминлаш, шунингдек, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон, «Давлат органлари ташкилотларида ижро интизомини янада мустаҳкамлаш чора-тадбирлари тўғрисида» 2018 йил 5 октябрдаги ПҚ-3962-сон қарорлари ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ ҳудудий бўлинмаларда ижро интизомини мустаҳкамлашнинг комплекс амалий чора-тадбирларини амалга ошириш, ҳудудий бўлинмалар ходимлари томонидан топшириқларнинг ўз вақтида ва сифатли бажарилишида шахсий масъулиятини ошириш бўйича чоралар кўриш;

Вазирлик Ҳайъати қарорлари, Вазир ва унинг ўринбосарлари буйруқлари ва топшириқларининг ўз вақтида ва сифатли бажарилишини таъминлаш;

маҳаллий ижро этувчи ҳокимият органлари ва ҳудудларни комплекс ижтимоий-иқтисодий ривожлантириш бўйича секторлар билан қишлоқ хўжалиги ва озиқ-овқат хавфсизлиги соҳасига тегишли масалалар бўйича ҳамкорлик қилиш;

ўз ўринбосарларининг ваколатларини белгилаш, улар ўртасида вазифаларни тақсимлаш, ҳудудий бўлинмалар, туман (Қувасой шаҳар) бўлимларининг бошқа мансабдор шахсларининг ваколатларини белгилаш, ўз ўринбосарлари ва бошқа мансабдор шахслар томонидан Вазирлик ҳудудий бўлинмалари, туман (Қувасой шаҳар) бўлимлари фаолиятининг алоҳида тармоқларига раҳбарлик қилиш учун шахсий масъулият даражасини белгилаш;

ҳудудий бўлинма, туман (Қувасой шаҳар) бўлимлари фаолиятини режалаштиришни ташкил этиш, Вазирлик ҳудудий бўлинмалари ва ўз ўринбосарларининг ҳар чораклик иш режаларини тасдиқлаш, улар ижроси ҳолатини назорат қилиб бориш;

ҳудудий бўлинма, туман (Қувасой шаҳар) бўлимларида кадрларни танлаш ва жой-жойига қўйишни ташкил этиш, уларнинг самарали фаолият юритишлари учун зарур шароитларни яратиш, ҳудудий бўлинмаларнинг кадрлар захирасини шакллантириш;

Вазирлик аппарати номенклатурасига кирадиган бўш лавозимларга таклиф этилган кадрларнинг, шунингдек, ҳудудий бўлинмаларга ишга қабул қилинадиган бошқа кадрларнинг профессионаллиги, ўз ишини билиши, амалий иш тажрибаси, юқори ишчанлик даражаси ва маънавий-ахлоқий сифатлари кафолатланганлигини таъминлаш;

ҳудудий бўлинма, туман (Қувасой шаҳар) бўлимлари ходимларини рағбатлантириш ва интизомий жавобгарликка тортиш масалаларини ҳал қилиш, ўз ўринбосарларини рағбатлантириш ва интизомий жавобгарликка тортиш тўғрисида таклифлар киритиш, шу жумладан улар эгаллаб турган лавозимда қолиши мақсадга мувофиқлигига доир масалаларни кўриб чиқиш, уларнинг шахсий масъулиятини ошириш бўйича мунтазам чора-тадбирлар кўриш;

ҳудудий бўлинма, туман (Қувасой шаҳар) бўлимлари ходимлари томонидан ходимнинг одоб-ахлоқ қоидаларига риоя этилиши таъминланишини назорат қилиш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ ҳудудий бўлинмалар тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиёти ва қонунчиликни такомиллаштириш бўйича чора-тадбирларни ишлаб чиқиш ва амалга ошириш орқали уларни содир этишга имкон яратувчи омилларни аниқлаш, таҳлил қилиш, сабаб ва шароитларини бартараф этиш;

прогноз кўрсаткичлар бажарилишини мунтазам таҳлил қилиб бориш ва қайд этилган кўрсаткичларга ҳудудий бўлинмалар, туман (Қувасой шаҳар) бўлимлари томонидан сўзсиз эришишни таъминлашга йўналтирилган қўшимча чораларни кўриш юзасидан таклифларни кўриб чиқиш учун Вазирнинг мутасаддилик қиладиган ўринбосарларига киритиш;

ҳудудий бўлинма, туман (Қувасой шаҳар) бўлимлари ходимлари фаолиятининг самарадорлиги ва натижадорлигини доимий танқидий таҳлил қилиб бориш, йиғилишларда уларнинг шахсий ҳисоботларини эшитиб бориш, уларнинг якунлари бўйича зарур чоралар кўриш;

ҳудудий бўлинма, туман (Қувасой шаҳар) бўлимлари фаолияти масалалари бўйича қонунчиликни такомиллаштиришга доир, шунингдек, давлат хизматларини кўрсатиш самарадорлиги, сифати ва улардан фойдаланиш даражасини ошириш бўйича таклифларни Вазирлик раҳбариятига кўриб чиқиш учун киритиш;

жисмоний ва юридик шахслар мурожаатларини кўриб чиқиш, аҳоли билан тўғридан-тўғри ва очиқ мулоқотни йўлга қўйиш, шахсий қабулларни, шу жумладан, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонунида ҳамда Вазирликда жисмоний ва юридик шахслар мурожаатлари билан ишлаш тартиби тўғрисидаги тегишли ҳужжатларда белгиланган муддатларда ва тартибда жисмоний ва юридик шахслар вакилларининг сайёр қабулларини мунтазам ўтказиш юзасидан самарали ишларни ташкил этиш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, улар фаолиятида фаол иштирок этиш, Ўзбекистон Республикаси Президентининг Виртуал қабулхонасидан келиб тушадиган жисмоний ва юридик шахсларнинг мурожаатларини ўз вақтида ва тўлиқ кўриб чиқиш;

ҳудудий бўлинма ходимлари лавозим маошига мукофотлар, устамалар тўлаш, уларга моддий ёрдам бериш, уларни мукофотлаш, рағбатлантириш ва уларга интизомий чора қўллаш тўғрисида қарор қабул қилиш, уларни давлат мукофотлари ва идоравий мукофотлар билан тақдирлаш тўғрисида Вазирликка таклифлар киритиш;

давлат сири ва махфий ахборотлар тоифасига кирувчи маълумотлар билан ишлашда қонунчилик талабларига риоя этилишини таъминлаш.

6-боб. Вазирлик раҳбарларининг жавобгарлиги

25. Вазир:

мазкур Низом ҳамда бошқа қонун ҳужжатлари билан юклатилган вазифаларни ўз вақтида ва сифатли бажарилиши, шунингдек вазирлик фаолиятидаги камчиликларни бартараф этиш юзасидан зарур чоралар кўриш;

мамлакат ва ҳудудлар қишлоқ хўжалигини ривожлантириш бўйича дастурлар, стратегия ва концепцияларнинг натижадорлиги, уларда назарда тутилган тадбирларни сифатли ва тўлақонли амалга ошириш;

вазирлик, унинг таркибий ва ҳудудий бўлинмаларида ижро интизомига қатъий риоя этиш учун шахсан жавоб беради.

26. Вазирнинг биринчи ўринбосари ва ўринбосарлари:

соҳанинг тегишли тармоқлари бўйича кўрсатмаларнинг муддатида бажарилиши ва натижадорлиги;

мутасаддилик қилинадиган тармоқларнинг барқарор ривожланишини таъминлаш бўйича кўрилаётган чораларнинг самарадорлиги ва натижадорлиги учун шахсан жавоб беради.

27. Вазирлик марказий аппарати таркибий бўлинмалари раҳбарлари:

тегишли таркибий бўлинмаларга юкланган вазифалар ва функцияларнинг амалга оширилиши;

ушбу Низомнинг 16-бандида назарда тутилган Вазирлик марказий аппаратининг жавобгарлик соҳалари бўйича;

ушбу Низомнинг 23-бандида кўрсатилган ўз функционал вазифаларининг сифатли бажарилиши учун шахсан жавоб беради.

28. Вазирлик ҳудудий бўлинмалари раҳбарлари:

қонун ҳужжатлари, вазирлик раҳбарларининг топшириқлари ҳамда юклатилган вазифа ва функцияларнинг ўз вақтида ва сифатли бажарилиши устидан қатъий назоратни амалга ошириш;

давлат ва тармоқ дастурлари билан узвий боғлиқ ҳолда ҳудуд қишлоқ хўжалигини ривожлантириш бўйича дастурларни белгиланган тартибда ишлаб чиқилишини таъминлаш;

ҳудуд қишлоқ хўжалигини ривожланиш тенденциялари тўғрисидаги объектив ва ҳаққоний таҳлилий ахборотни вазирликка ўз вақтида тақдим этиш;

қишлоқ хўжалигини ривожлантириш бўйича амалга оширилган ҳудудий дастурларнинг натижадорлиги;

ҳудуд қишлоқ хўжалигини ривожлантириш бўйича юклатилган вазифаларнинг ўз муддатида ва сифатли амалга ошириш;

ушбу Низомнинг 18-бандида назарда тутилган вазирлик ҳудудий бўлинмаларининг жавобгарлик соҳалари бўйича, ўз функционал вазифаларининг сифатли бажарилиши учун шахсан жавоб беради.

29. Вазирликнинг туман (Қувасой шаҳар) бўлимлари раҳбарлари:

қонун ҳужжатлари, вазирлик ва ҳудудий бўлинмалар раҳбарларининг топшириқлари ҳамда юклатилган вазифа ва функцияларнинг ўз вақтида ва сифатли бажарилиши устидан қатъий назоратни амалга ошириш;

туман (Қувасой шаҳар) қишлоқ хўжалигини ривожлантириш бўйича белгиланган вазифаларни сифатли ва ўз вақтида бажарилишини таъминлаш;

ҳудудий бўлинмаларга тақдим этиладиган таҳлилий маълумотларнинг ўз вақтида, сифатли ва тўлақонли тақдим этиш;

ушбу Низомнинг 20-бандида назарда тутилган вазирликнинг туман (Қувасой шаҳар) бўлимларининг жавобгарлик соҳалари бўйича, ўз функционал вазифаларининг сифатли бажарилиши учун шахсан жавоб беради.

7-боб. Вазирлик фаолиятини ташкил этиш

1-§. Вазирлик раҳбарияти

30. Вазирликка Ўзбекистон Республикаси Бош вазирининг тақдимига биноан Ўзбекистон Республикаси Олий Мажлиси Қонунчилик палатаси маъқуллаганидан сўнг Ўзбекистон Республикаси Президенти томонидан лавозимга тайинланадиган ва лавозимдан озод қилинадиган вазир раҳбарлик қилади.

31. Вазир ўз мақомига кўра, Вазирлар Маҳкамаси Раёсатининг аъзоси ҳисобланади.

32. Вазирнинг Ўзбекистон Республикаси Президенти томонидан лавозимга тайинланадиган ва лавозимдан озод қилинадиган олти нафар ўринбосари, шу жумладан биринчи ўринбосари бўлади.

Вазир бўлмаган вақтда унинг ваколатлари вазифалар тақсимотига мувофиқ унинг биринчи ўринбосари ёки ўринбосарлари томонидан амалга оширилади.

33. Ўзбекистон Республикаси қишлоқ хўжалиги вазирининг иқтисод, инновацион ривожланиш ва инвестициялар масалалари бўйича маслаҳатчиси, Ўзбекистон Республикаси қишлоқ хўжалиги вазирининг тақдимномасига биноан Ўзбекистон Республикаси Вазирлар Маҳкамаси томонидан лавозимга тайинланади ва лавозимидан озод қилинади.

34. Вазирлик марказий аппаратнинг таркибий бўлинмалари ходимлари вазир томонидан лавозимга тайинланади ва лавозимдан озод қилинади.

35. Қорақалпоғистон Республикаси Вазирлар Кенгаши Раисининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири Ўзбекистон Республикаси қишлоқ хўжалиги вазирининг тақдимномасига биноан Қорақалпоғистон Республикаси Жўқорғи Кенгеси томонидан лавозимга тайинланади ва лавозимдан озод қилинади.

35 1 . Вилоят ҳокимларининг қишлоқ ва сув хўжалиги масалалари бўйича ўринбосари — вилоятлар қишлоқ хўжалиги бошқармалари бошлиқлари Ўзбекистон Республикаси қишлоқ хўжалиги вазирининг тақдимномасига биноан вилоят ҳокимлари томонидан лавозимга тайинланади ва лавозимдан озод қилинади.

36. Вилоятлар (Тошкент шаҳар) қишлоқ хўжалиги бошқармалари бошлиқлари ўринбосарлари очиқ мустақил танлов асосида Ўзбекистон Республикаси қишлоқ хўжалиги вазири томонидан лавозимга тайинланади.

37. Туман ҳокимининг қишлоқ ва сув хўжалиги масалалари бўйича ўринбосари — туман (Қувасой шаҳар) қишлоқ хўжалиги бўлими бошлиқлари Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиғи тақдимномасига биноан туман ҳокимлари томонидан лавозимга тайинланади ва лавозимдан озод қилинади.

38. Вазирликнинг ҳудудий бўлинмалари ва идоравий мансуб ташкилотлари тўғрисидаги низомлар, агар Ўзбекистон Республикаси Президенти ёки Вазирлар Маҳкамаси қарорларида бошқача қоида назарда тутилмаган бўлса, вазир томонидан тасдиқланади.

2-§. Вазирлик марказий аппарати таркибий бўлинмаларининг ҳудудий бўлинмалар, туман (Қувасой шаҳар) бўлимлари ва идоравий мансуб ташкилотлар билан ўзаро ҳамкорлиги тартиби

39. Вазирлик марказий аппарати таркибий бўлинмаларининг унинг ҳудудий бўлинмалари, туман (Қувасой шаҳар) бўлимлари ва идоравий мансуб ташкилотлари билан ўзаро ҳамкорлиги марказий аппарат таркибий бўлинмаларининг раҳбарлари томонидан таъминланади.

40. Вазирлик марказий аппаратининг таркибий бўлинмалари вазирликнинг ҳудудий бўлинмалари, туман (Қувасой шаҳар) бўлимлари ва идоравий мансуб ташкилотлари билан ўз фаолияти йўналишлари бўйича ўзаро ҳамкорлик қилиб:

топшириқларни ҳудудий бўлинмаларга ва идоравий мансуб ташкилотларга етказади ҳамда уларнинг бажарилишини назорат қилади;

вазирликнинг ҳудудий бўлинмаларига ва идоравий мансуб ташкилотларига таркибий бўлинмаларнинг бевосита фаолияти масалалари бўйича сўровлар юборади ҳамда уларнинг ижро этилишини назорат қилади;

вазирликнинг ҳудудий бўлинмалари ва идоравий мансуб ташкилотлари фаолияти амалиётини текширади ва ўрганади, умумлаштиради, уни такомиллаштиришга қаратилган чора-тадбирларни ишлаб чиқади ва қабул қилади;

вазирликнинг ҳудудий бўлинмалари ва идоравий мансуб ташкилотлари фаолиятини ташкил этиш ва фаолияти натижалари тўғрисида ҳисобот ва ахборот материаллари, статистика маълумотлари ва бошқа маълумотларнинг ўрганилишини ташкил этади;

вазирликнинг ҳудудий бўлинмалари ва идоравий мансуб ташкилотлари иш режаларини таҳлил қилади, уларнинг фаолиятини режалаштиришни такомиллаштиришга доир чоралар кўради;

вазирликнинг ҳудудий бўлинмалари ва идоравий мансуб ташкилотларидан тушган таклифларни кўриб чиқади;

норматив-ҳуқуқий ҳужжатлар лойиҳаларини тайёрлашда вазирликнинг ҳудудий бўлинмалари ва идоравий мансуб ташкилотлари иштирокини ташкил этади, қонун ҳужжатларини такомиллаштириш бўйича улардан тушган таклифларни кўриб чиқади.

41. Вазирликнинг ҳудудий бўлинмалари, туман (Қувасой шаҳар) бўлимлари ва идоравий мансуб ташкилотлари вазирлик марказий аппаратининг таркибий бўлинмалари билан ўзаро ҳамкорлик қилади, шу жумладан:

вазирлик раҳбарияти топшириқлари ижроси ҳақида ахборот беради;

қишлоқ хўжалиги соҳасида қонун ҳужжатларини амалга ошириш бўйича фаолият натижалари тўғрисида ахборот тақдим этади;

уларнинг фаолиятини текшириш ва ўрганиш натижасида аниқланган камчиликлар ва қоидабузарликларни бартараф этиш натижалари тўғрисида ахборот беради;

ўз фаолияти натижалари тўғрисидаги ҳисоботларни белгиланган тартибда ва муддатларда вазирликнинг марказий аппаратига тақдим этади;

ҳудудларда қишлоқ хўжалиги ва озиқ-овқат хавфсизлиги соҳасини ривожлантиришнинг долзарб вазифалари, шу жумладан аҳолининг долзарб муаммоларини тезкор ҳал этишга қаратилган таклифларни вазирлик марказий аппаратига тақдим этади;

комплекс ижтимоий-иқтисодий ривожлантириш бўйича секторлар билан ўзаро ҳамкорлик натижалари тўғрисида ахборот беради;

ваколатли органлар томонидан ўтказилган ўз фаолиятини текшириш натижалари тўғрисида маълумот беради.

42. Вазирликнинг ҳудудий бўлинмалари ҳар томонлама чуқур таҳлил ҳамда тегишли давлат ва хўжалик бошқаруви органларининг ҳудудий бўлинмалари томонидан тақдим этилган ахборотларни умумлаштириш асосида ҳудудлар қишлоқ хўжалигини ривожлантиришнинг прогноз ва мақсадли кўрсаткичларига эришиш бўйича кўрилаётган чоралар тўғрисидаги таҳлилий маълумот ҳамда юзага келган муаммоларни ҳал этиш бўйича асосли таклифларни ҳар чоракда вазирлик, Қорақалпоғистон Республикаси Вазирлар Кенгаши ва вилоятлар ҳокимликларига киритиб боради.

43. Вазирликнинг туман (Қувасой шаҳар) бўлимлари ҳар томонлама чуқур таҳлил ҳамда тегишли давлат ва хўжалик бошқаруви органларининг туман бўлимлари томонидан тақдим этилган ахборотларни умумлаштириш асосида туман (Қувасой шаҳар) қишлоқ хўжалигини ривожлантиришнинг прогноз ва мақсадли кўрсаткичларига эришиш бўйича кўрилаётган чоралар тўғрисидаги таҳлилий маълумот ҳамда юзага келган муаммоларни ҳал этиш бўйича асосли таклифларни ҳар чоракда вазирликнинг ҳудудий бўлинмаси, туман (Қувасой шаҳар) ҳокимлигига киритиб боради.

44. Вазирликнинг ҳудудий бўлинмалари, туман (Қувасой шаҳар) бўлимлари Вазирлик ҳамда мос равишда Қорақалпоғистон Республикаси Вазирлар Кенгаши, вилоятлар ва туманлар ҳокимликларига ҳисобдордир.

3-§. Вазирликнинг бошқа давлат ва хўжалик бошқаруви органлари, маҳаллий давлат ҳокимияти органлари ва бошқа ташкилотлар билан ўзаро ҳамкорлиги

45. Вазирлик давлат ва хўжалик бошқаруви органлари, маҳаллий давлат ҳокимияти органлари билан ўзаро ҳамкорлик соҳасида:

ўз ваколатига кирувчи масалалар бўйича давлат органлари, хўжалик бошқаруви ва маҳаллий давлат ҳокимияти органлари, вазирликнинг ҳудудий бўлинмалари фаолиятини мувофиқлаштиради;

вазирлик ваколатига кирадиган масалалар бўйича белгиланган тартибда таклифлар тайёрлаш ва тақдим этишда иштирок этади.

46. Вазирликнинг ҳудудий бўлинмалари ўз ваколати доирасида бошқа давлат ва хўжалик бошқаруви органларининг ҳудудий органлари, маҳаллий давлат ҳокимияти органлари ва бошқа ташкилотлар билан ўзаро ҳамкорлик қилади.

Вазирликнинг ҳудудий бўлинмалари тегишли ҳудудларни ижтимоий-иқтисодий ривожлантириш бўйича «йўл хариталари»ни ишлаб чиқишда ва амалга оширишда комплекс ижтимоий-иқтисодий ривожлантириш бўйича секторлар билан ўзаро яқин ҳамкорлик қилади.

4-§. Вазирликнинг ҳайъати, бошқа кенгаш, маслаҳат, эксперт органлари

47. Вазирликда вазир (ҳайъат раиси), унинг биринчи ўринбосари ва ўринбосарлари (лавозими бўйича), шунингдек, унинг фаолияти асосий йўналишларини мувофиқлаштирувчи таркибий бўлинмалар раҳбарларидан иборат ҳайъат тузилади.

Ҳайъат таркибининг сони ва шахсий таркиби вазирнинг тақдимномасига биноан Вазирлар Маҳкамаси томонидан тасдиқланади.

48. Ҳайъатга қуйидаги вазифалар юкланади:

вазирликнинг мазкур Низомда белгиланган асосий йўналишларини ишлаб чиқиш ва амалга ошириш;

қонун ҳужжатларида, Ўзбекистон Республикаси Президенти ҳужжатлари ва Ўзбекистон Республикаси Ҳукумати қарорларида белгиланган вазифалар ўз вақтида ва сифатли амалга оширилишини ташкил этиш;

вазирлик ва бошқа давлат ва хўжалик бошқарув органларининг, маҳаллий давлат ҳокимияти органларининг ўзаро ҳамкорлигини таъминлаш;

вазирликнинг номенклатурасига киритилган лавозимларга кадрларни танлаш, тайинлаш, малакасини ошириш масалаларини кўриб чиқиш.

Ҳайъат вазирлик ваколатига киритилган бошқа масалаларни ҳам кўриб чиқишга ҳақлидир.

Ҳайъат мажлисига давлат ва хўжалик бошқаруви органлари, бошқа ташкилотлар раҳбарлари, уларнинг ваколатига кирадиган масалалар юзасидан таклиф этилиши мумкин.

49. Ҳайъат, агар унинг мажлисида ҳайъат таркибининг ярмидан кўпи қатнашган тақдирда ваколатли ҳисобланади. Кўриб чиқилаётган масалалар юзасидан қарорлар оддий кўпчилик овоз билан қабул қилинади.

50. Ҳайъат қарорлари вазирнинг буйруқлари билан амалга оширилади.

51. Вазир ва ҳайъат аъзолари ўртасида келишмовчиликлар юзага келган тақдирда, вазир юзага келган келишмовчиликлар ҳақида Ўзбекистон Республикаси Вазирлар Маҳкамасига ахборот берган ҳолда мустақил равишда қарор қабул қилади. Ҳайъат аъзолари ҳам Ўзбекистон Республикаси Вазирлар Маҳкамасига ўз фикрини билдириши мумкин.

52. Ҳайъат фаолияти тартиби унинг ҳайъат томонидан тасдиқланадиган регламенти билан белгиланади.

53. Вазирликда кенгаш, маслаҳат ва эксперт органлари тузилиши мумкин.

54. Вазирлик ҳузурида тузиладиган кенгаш, маслаҳат ва эксперт органлари таркиби ва улар тўғрисидаги низомлар вазир томонидан тасдиқланади, уларнинг таркиби ва низомлари Ўзбекистон Республикаси Президенти ҳужжатлари ва Вазирлар Маҳкамаси қарорлари билан тасдиқланадиган ҳоллар бундан мустасно.

55. Вазирлик ҳузурида вазирнинг биринчи ўринбосари (Кенгаш раиси), вазирликнинг таркибий бўлинмалари раҳбарлари ва мутахассислари, шунингдек, тадбиркорлик субъектларидан иборат таркибда, фаолиятининг асосий йўналишларини мувофиқлаштирувчи жамоатчилик кенгаши ташкил этилади.

56. Жамоатчилик кенгашининг шахсий таркиби ва Жамоатчилик кенгаши тўғрисидаги низом вазир томонидан тасдиқланади.

Жамоатчилик кенгаши йиғилишида қабул қилинган қарор асосида Кенгаш раисига ўз шахсий таркибига ўзгартириш ва қўшимчалар киритиш ҳуқуқи берилади.

57. Жамоатчилик кенгашининг асосий вазифалари қуйидагилардан иборат:

қабул қилинаётган норматив-ҳуқуқий ҳужжатларда, қарорларда, шунингдек, давлат, тармоқ ва ҳудудий ривожлантириш дастурларида жамоатчилик манфаатлари ва жамоатчилик фикри ҳисобга олиниши, жисмоний ва юридик шахсларнинг ҳуқуқлари ва қонуний манфаатларини, жамият манфаатларини ҳимоя қилиш соҳасида қонун ҳужжатлари талаблари ижросини таъминлаш, вазирлик зиммасига юкланган ҳамда ижтимоий ва жамоатчилик манфаатларига дахл қилувчи вазифалар ва функцияларни бажариш, давлат хизматларини кўрсатиш, ижтимоий шериклик доирасида амалга ошириладиган битимлар, шартномалар, лойиҳалар ва дастурларни рўёбга чиқариш бўйича давлат органи ва унинг мансабдор шахсларининг фаолияти устидан жамоатчилик назоратини амалга ошириш;

биргаликда мулоқот қилиш, вазирликнинг нодавлат нотижорат ташкилотлари, оммавий ахборот воситалари ва фуқаролик жамиятининг бошқа институтлари билан самарали ҳамкорлигини таъминлаш учун вазирликни фуқаролар билан боғлаб турадиган «кўприк» ролини бажариш;

фуқароларнинг ҳуқуқлари, эркинликлари ва қонуний манфаатларига дахл қилувчи энг муҳим масалалар юзасидан вазирликнинг фаолияти ҳақидаги жамоатчилик фикрини тизимли мониторинг қилиш ва ҳар томонлама таҳлил қилиш, социологик сўровлар ўтказиш, жумладан уларни ахборот-коммуникация технологияларидан фойдаланган ҳолда ўтказиш;

вазирлик фаолиятида коррупцияга қарши курашиш соҳасидаги давлат дастурлари ва бошқа дастурларни ишлаб чиқиш ҳамда амалга оширишда иштирок этиш, коррупцияга қарши курашиш бўйича олиб борилган ишлар устидан мониторинг ва таҳлил ўтказиш, шунингдек, уларнинг натижалари бўйича таклифлар тайёрлаш;

вазирлик фаолиятининг очиқлигини таъминлаш бўйича амалга оширилаётган тадбирларни мониторинг қилиш, унинг фаолияти тўғрисида батафсил ахборот олиш имкониятларини таҳлил қилиш, уларни янада кенгайтириш бўйича таклифлар ишлаб чиқиш;

вазирлик фаолиятини ислоҳ қилишда фуқаролар иштирок этиши учун яратилган шарт-шароитларни ўрганиш ва уларни яхшилаш бўйича таклифлар ишлаб чиқиш;

вазирлик фаолияти бўйича фуқаролар ўртасида ўтказиладиган тушунтириш ишлари ва маънавий-маърифий тадбирларда иштирок этиш, уларнинг самарадорлигини ошириш юзасидан таклифлар ишлаб чиқиш;

вазирлик ходимлари ва улар оилаларининг уй-жой, ижтимоий-маиший, хизмат шарт-шароитларини, уларга малакали тиббий ёрдам кўрсатиш шароитларини, шунингдек, ишдан бўшатилган ёки захирага олинган ходимларни ижтимоий ва касбий мослаштириш бўйича муаммоларни комплекс таҳлил қилиш ҳамда таҳлил якунлари бўйича мазкур шароитларни яхшилаш юзасидан таклифлар киритиш.

8-боб. Вазирлик фаолиятининг самарадорлиги ва натижадорлигини баҳолаш мезонлари ва иш индикаторлари

58. Фаолият самарадорлигини баҳолаш қуйидаги тартибда:

вазир, унинг биринчи ўринбосари, ўринбосарлари, вазирлик ҳудудий бўлинмалари раҳбарлари фаолиятининг самарадорлиги ва натижадорлигини баҳолаш, Ўзбекистон Республикаси Вазирлар Маҳкамаси томонидан белгиланган тартибда тасдиқланадиган баҳолаш мезонлари ва индикаторлари асосида;

вазирликнинг бошқарма ва бўлим бошлиқлари, шунингдек, вазирлик марказий аппарати ва ҳудудий бўлинмалар ходимларининг фаолияти самарадорлиги ва натижадорлигини баҳолаш вазир томонидан белгиланган тартибда тасдиқланадиган баҳолаш мезонлари ва индикаторлари асосида амалга оширилади.

59. Вазирлик фаолияти самарадорлиги ва натижадорлигини баҳолаш якунлари бўйича:

вазирлик раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

вазирлик фаолиятида аниқланган камчиликларни бартараф этиш ва унинг фаолиятини янада такомиллаштириш чора-тадбирлари кўрилади.

9-боб. Вазирликни молиялаштириш ва моддий-техник таъминлаш, унинг ходимларини моддий рағбатлантириш

60. Вазирлик фаолиятини молиялаштириш ва унинг ходимларига моддий рағбатлантириш қонун ҳужжатларига мувофиқ амалга оширилади.

61. Вазирлик ходимларининг иш ҳақи қонун ҳужжатларида назарда тутилган ойлик маоши, мукофот, моддий ёрдам, устама ва рағбатлантириш тўловларидан иборат.

Вазирлик ходимлари лавозим маошларига ҳар ойда қўшиладиган рағбатлантириш хусусиятига эга бўлган қўшимча ҳақлар ва устамалар Вазирлар Маҳкамасининг 2018 йил 28 июндаги 487-сон қарори билан тасдиқланган Ўзбекистон Республикаси Қишлоқ хўжалиги вазирлиги ва унинг таркибига кирувчи ташкилотлар ходимларини моддий рағбатлантириш тартиби тўғрисида низомга мувофиқ тўланади.

62. Ўзбекистон Республикаси Давлат бюджети маблағлари, вазирлик ҳузуридаги Қишлоқ хўжалигини ривожлантириш ва озиқ-овқат таъминоти жамғармаси ва вазирликнинг бюджетдан ташқари маблағлари, шу жумладан вақтинча бўш турган бюджетдан ташқари маблағларни тижорат банклари депозитларига жойлаштиришдан, хизматлар кўрсатишдан олинадиган даромадлар, шунингдек, қонун ҳужжатларида тақиқланмаган бошқа манбалар Вазирлик марказий аппарати, Қорақалпоғистон Республикаси Қишлоқ хўжалиги вазирлиги, вилоятлар қишлоқ хўжалиги бошқармалари ва туманлар (Қувасой шаҳар) қишлоқ хўжалиги бўлимлари фаолиятини молиялаштириш, ходимларни моддий рағбатлантириш (иш ҳақи, мукофот пуллари, устамалар ва бошқа пул мукофотлари тўлаш) манбалари ҳисобланади.

10-боб. Вазирликнинг Ўзбекистон Республикаси Олий Мажлиси, Ўзбекистон Республикаси Президенти, Ўзбекистон Республикаси Президенти Администрацияси ҳамда Вазирлар Маҳкамаси олдида ҳисобдорлиги

63. Ўзбекистон Республикаси Олий Мажлисининг палаталари зарур бўлган ҳолларда ўзларининг мажлисларида Ўзбекистон Республикаси қишлоқ хўжалиги вазирининг ўз фаолиятига доир масалалар юзасидан ахборотини эшитиши мумкин.

64. Вазирлик Ўзбекистон Республикаси Президенти Администрацияси ва Вазирлар Маҳкамаси билан ўзаро ҳамкорлик қилиш доирасида:

юклатилган вазифа ва функцияларни бажариш билан боғлиқ норматив-ҳуқуқий ҳужжатлар ва бошқа ҳужжатлар лойиҳаларини белгиланган тартибда киритади;

Ўзбекистон Республикаси Президенти Администрацияси ва Вазирлар Маҳкамасига тақдим этиш учун давлат ва хўжалик бошқаруви органлари билан биргаликда қишлоқ хўжалиги соҳасидаги муаммоларни ҳал этиш, давлат бошқаруви тизимини мақбуллаштириш, аграр соҳани янада ривожлантиришга қаратилган таклиф, тавсия ва таҳлилий маълумотлар тайёрланишини таъминлайди;

қишлоқ хўжалиги соҳасида инвестиция лойиҳаларини тайёрлаш, амалга ошириш ва самарадорлигини баҳолаш бўйича чора-тадбирлар ишлаб чиқади ва амалга оширади, қишлоқ хўжалигини ривожлантиришнинг устувор йўналишларидан келиб чиқиб, инвестицион жараён самарадорлигини ошириш бўйича аниқ таклифларни Ўзбекистон Республикаси Вазирлар Маҳкамасига тақдим этади;

қишлоқ хўжалиги соҳасини ривожлантиришнинг энг муҳим йўналишлари ва вазифаларини амалга оширишда мавжуд тизимли муаммо ва камчиликларни мунтазам равишда кўриб чиқилишини ташкил қилади;

белгиланган тартибда бошқа функцияларни ҳам амалга оширади.

65. Вазирлик ҳар томонлама чуқур таҳлил, ҳудудий бўлинмалар ҳамда тегишли давлат ва хўжалик бошқаруви органлари томонидан тақдим этилган ахборотларни умумлаштириш асосида мамлакат қишлоқ хўжалигини ривожлантириш якунлари тўғрисидаги ҳар чоракда Ўзбекистон Республикаси Президенти Администрацияси ва Вазирлар Маҳкамасига ҳисобот тақдим этиб боради.

66. Вазирлик ҳар чорак якуни бўйича тегишли ҳисобот даври учун мамлакат қишлоқ хўжалиги ривожлантириш натижалари тўғрисидаги пресс-релизни ўз веб-сайтида ёритилиб борилишини таъминлайди.

11-боб. Якунловчи қоида

67. Вазирликни қайта ташкил этиш ва тугатиш қонун ҳужжатларида белгиланган тартибда амалга оширилади.

Вазирлар Маҳкамасининг 2019 йил 9 июлдаги 571-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган

1. Вазирлар Маҳкамасининг «Ўзбекистон Республикаси Қишлоқ хўжалиги вазирлигининг фаолиятини ташкил этишни такомиллаштириш тўғрисида» 2018 йил 28 июндаги 487-сон қарори 1-бандининг иккинчи хатбошиси ва 1-илова ўз кучини йўқотган деб ҳисоблансин.

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» (Ўзбекистон Республикаси Президентининг «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида» 2018 йил 17 апрелдаги ПФ-5418-сон Фармони, Ўзбекистон Республикаси Президентининг «Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3671-сон қарори, «Ўзбекистон Республикаси Сув хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3672-сон қарори)» 2018 йил 10 декабрдаги 995-сон қарорига 1-илова 137-бандининг «б» кичик банди ўз кучини йўқотган деб ҳисоблансин.

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Идоралараро коллегиал органларни тубдан қисқартириш ва янада оптималлаштириш чора-тадбирлари тўғрисида» 2018 йил 28 августдаги ПФ-5527-сон Фармони)» 2019 йил 23 февралдаги 161-сон қарорига 1-илованинг 40-банди ўз кучини йўқотган деб ҳисоблансин.

Ўзбекистон Республикасининг Бош вазири А. АРИПОВ

Тошкент ш.,

2019 йил 9 июль,

571-сон

(Қонун ҳужжатлари маълумотлари миллий базаси, 10.07.2019 й., 09/19/571/3401-сон, 13.12.2019 й., 09/19/988/4142-сон; 17.04.2020 й., 09/20/234/0453-сон; 15.05.2020 й., 09/20/284/0588-сон, 13.08.2020 й., 09/20/479/1167-сон, 07.09.2020 й., 09/20/4819/1263-сон, 01.12.2020 й., 09/20/753/1572-сон; 27.03.2021 й., 09/21/158/0241-сон; Қонунчилик маълумотлари миллий базаси, 05.05.2021 й., 09/21/274/0414-сон, 28.08.2021 й., 09/21/545/0832-сон, 30.11.2021 й., 09/21/721/1110-сон, 22.12.2021 й., 09/21/766/1182-сон, 27.12.2021 й., 09/21/774/1198-сон, 29.12.2021 й., 09/21/786/1216-сон; 26.03.2022 й., 09/22/135/0242-сон; 06.05.2022 й., 09/22/238/0391-сон; 04.08.2023 й., 09/23/330/0559-сон; 22.04.2024 й., 09/24/224/0293-сон; 24.07.2024 й., 09/24/439/0543-сон; 03.12.2024 й., 07/24/413/0992-сон; 15.02.2025 й., 09/25/67/0145-сон; 02.04.2025 й., 09/25/197/0299-сон; 12.04.2025 й., 09/25/221/0335-сон; 23.04.2025 й., 09/25/255/0376-сон; 28.07.2025 й., 09/25/466/0655-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

oʻzgartirishlar

Oʻzbekiston Respublikasi Qishloq xoʻjaligi vazirligi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Qishloq xoʻjaligi sohasida davlat boshqaruvi tizimini takomillashtirish chora-tadbirlari toʻgʻrisida” 2019-yil 17-apreldagi PF-5708-son Farmoni hamda Oʻzbekiston Respublikasi Prezidentining “Oʻzbekiston Respublikasi Qishloq xoʻjaligi vazirligi faoliyatini takomillashtirish toʻgʻrisida” 2019-yil 17-apreldagi PQ-4292-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Qishloq xoʻjaligi vazirligi toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.

3. Oʻzbekiston Respublikasi Qishloq xoʻjaligi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.

Vazirlar Mahkamasining 2019-yil 9-iyuldagi 571-son qaroriga 1-ILOVA

Oʻzbekiston Respublikasi Qishloq xoʻjaligi vazirligi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Qishloq xoʻjaligi vazirligining (keyingi oʻrinlarda Vazirlik deb ataladi) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek, uning rahbarlarining funksional vazifalari va masʼuliyatini belgilaydi.

2. Vazirlik qishloq xoʻjaligi va oziq-ovqat xavfsizligi sohasida yagona davlat siyosatini amalga oshiruvchi davlat boshqaruvi organi hisoblanadi va oʻz faoliyatida Oʻzbekiston Respublikasi Vazirlar Mahkamasiga (keyingi oʻrinlarda Vazirlar Mahkamasi deb ataladi) boʻysunadi.

3. Vazirlik oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

4. Vazirlik oʻz faoliyatini, davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan hamkorlikda amalga oshiradi.

5. Vazirlikning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, yuridik va jismoniy shaxslar tomonidan bajarilishi majburiy hisoblanadi.

6. Vazirlik, uning tashkiliy tuzilmasiga kiradigan hududiy va tarkibiy tuzilmalar yuridik shaxs hisoblanadi, Oʻzbekiston Respublikasi Davlat gerbi tasviri tushirilgan muhrga va blankalarga, mustaqil balansga, shaxsiy gʻazna hisobvaraqlariga, bank hisobraqamlariga, shu jumladan xorijiy valyutadagi bank hisobraqamlariga egadir.

7. Vazirlikning rasmiy nomi:

a) davlat tilida:

toʻliq nomi — Oʻzbekiston Respublikasi Qishloq xoʻjaligi vazirligi, qisqartirilgani — QXV;

b) ingliz tilida:

toʻliq nomi — Ministry of agriculture of the Republic of Uzbekistan, qisqartirilgani — MA;

v) rus tilida:

toʻliq nomi — Ministerstvo selskogo xozyaystva Respubliki Uzbekistan, qisqartirilgani — Minselxoz.

8. Vazirlikning joylashgan joyi (pochta manzili): 100140, Toshkent viloyati, Qibray tumani, Universitet koʻchasi, 2-uy.

2-bob. Vazirlik tuzilmasi

9. Vazirlik tizimiga quyidagilar kiradi:

Vazirlik markaziy apparati;

Qoraqalpogʻiston Respublikasi Qishloq xoʻjaligi vazirligi, viloyatlar va Toshkent shahar qishloq xoʻjaligi boshqarmalari (keyingi oʻrinlarda — hududiy boʻlinmalar), tumanlar (Quvasoy shahar) qishloq xoʻjaligi boʻlimlari (keyingi oʻrinlarda — tuman (Quvasoy shahar) boʻlimlari);

Veterinariya va chorvachilikni rivojlantirish qoʻmitasi;

Ipakchilik va jun sanoatini rivojlantirish qoʻmitasi;

Oʻsimliklar karantini va himoyasi agentligi;

Agrosanoatni rivojlantirish agentligi;

Toshkent davlat agrar universiteti;

Urugʻchilikni rivojlantirish markazi;

Andijon qishloq xoʻjaligi va agrotexnologiyalar instituti;

Xalqaro qishloq xoʻjaligi universiteti;

Oziq-ovqat texnologiyasi va muhandisligi xalqaro instituti;

Qoraqalpogʻiston qishloq xoʻjaligi va agrotexnologiyalar instituti;

Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazi;

Qishloq xoʻjaligi ekinlari navlarini sinash markazi;

Qishloq xoʻjaligi texnikasi va texnologiyalarini sertifikatlash va sinash davlat markazi;

“Qishloq xoʻjaligida bilim va innovatsiyalar milliy markazi” davlat muassasasi;

“Maʼmuriy-xoʻjalik xizmati” davlat muassasasi;

“Agrosanoatni raqamlashtirish markazi” MCHJ;

Tuproqshunoslik va agrokimyoviy tadqiqotlar instituti;

“Agroservis operator” davlat unitar korxonasi;

“Oʻzbekiston Respublikasi davlat yer tuzishni loyihalash” davlat ilmiy-loyihalash instituti — “Oʻzdaverloyiha” davlat ilmiy-loyihalash instituti.

3-bob. Vazirlikning vazifalari va funksiyalari

10. Quyidagilar Vazirlikning asosiy vazifalari hisoblanadi:

birinchi navbatda qishloq xoʻjaligini raqamlashtirish va sohada zamonaviy axborot-kommunikatsiya texnologiyalarini joriy etish, qishloq xoʻjaligi subyektlari oʻrtasidagi oʻzaro munosabatlarda bozor tamoyillarini joriy etish, ilgʻor tajriba va fan yutuqlarini, zamonaviy resurs tejovchi va intensiv agrotexnologiyalarni joriy etishni nazarda tutuvchi qishloq xoʻjaligi va oziq-ovqat xavfsizligi sohasida yagona davlat siyosatini amalga oshirish;

qishloq xoʻjaligi va oziq-ovqat mahsulotlarini ishlab chiqarish, saqlash, qayta ishlash va sotishda zamonaviy kooperatsiya munosabatlarini kengaytirish orqali qishloq xoʻjaligi va oziq-ovqat mahsulotlarining qoʻshilgan qiymati zanjiri yaratilishini ragʻbatlantirish;

meva-sabzavot, goʻsht, sut va boshqa qishloq xoʻjaligi oziq-ovqat mahsulotlarini yetishtiruvchi (ishlab chiqaruvchi) korxonalar bilan ushbu mahsulotlarni qayta ishlovchi, tayyorlovchi va realizatsiya qiluvchi korxonalar oʻrtasida oʻzaro manfaatli munosabatlar uchun sharoitlar yaratish;

mahalliy oziq-ovqat mahsulotlarining raqobatbardoshligini oshirish va ularni diversifikatsiya qilish, hududlarning mavjud tabiiy va iqtisodiy resurslaridan unumli foydalanish asosida oziq-ovqat sanoatini rivojlantirishning strategiya va modellarini ishlab chiqish;

meva-sabzavot, goʻsht, sut va boshqa qishloq xoʻjaligi oziq-ovqat mahsulotlarini qayta ishlovchi tadbirkorlik subyektlarini qoʻllab-quvvatlashning moliyaviy va nomoliyaviy choralari — yangi vositalar va axborot tizimlarini yaratish, yuqori samara beruvchi yoʻnalishlarda loyihalarni amalga oshirish;

oziq-ovqat sanoatining rivojlanishiga xususiy va toʻgʻridan-toʻgʻri chet investitsiyalar oqimining taʼsirini tahlil qilish, prognozlash va bu borada tegishli takliflarni ishlab chiqish;

zamonaviy savdo va logistika markazlarini tashkil etish, mahalliy oziq-ovqat mahsulotlarini jahon bozorlarida ilgari surish, ularning raqobatbardoshligini oshirish, eksport salohiyatini kengaytirish hamda import hajmini kamaytirish choralarini koʻrish.

agrobiznesning klaster modelini keng joriy etish chora-tadbirlarini amalga oshirish, klasterlash jarayonining tashkiliy-huquqiy va iqtisodiy asoslarini takomillashtirish, qishloq xoʻjaligi tarmoqlarida klasterlarni tashkil etish va rivojlantirish boʻyicha investitsiya loyihalarini amalga oshirishga koʻmaklashish;

agrotexnik tadbirlarni oʻz vaqtida moliyalashtirishga, qishloq xoʻjaligi mahsulotlari ishlab chiqaruvchilarining moliyaviy barqarorligiga, hosildorligi past yerlar unumdorligini oshirishga, oziq-ovqat xavfsizligini taʼminlashga va qishloq xoʻjaligi mahsulotlari eksportini oshirishga koʻmaklashadigan qishloq xoʻjaligini davlat tomonidan qoʻllab-quvvatlash chora-tadbirlarini muvofiqlashtirish;

qishloq xoʻjaligi ekinlarini joylashtirish, qishloq xoʻjaligi yerlarini, qishloq xoʻjaligi ekinlarini ekish va parvarishlashni monitoring qilish;

tuproq bonitirovkasini oʻtkazish, qishloq xoʻjaligiga moʻljallangan yerlarining meʼyoriy qiymatini aniqlash, tuproqshunoslik, geobotanikaga oid tadqiqotlarni amalga oshirish;

keng koʻlamli zamonaviy moliyaviy xizmatlarni rivojlantirish va sifatli qishloq xoʻjaligi texnikasidan foydalanish imkoniyatini oshirish orqali qishloq xoʻjaligini mexanizatsiyalash va qishloq xoʻjaligi mahsulotlarini chuqur qayta ishlashni ragʻbatlantirish;

qishloq xoʻjaligi ekinlari urugʻlarini tayyorlash, foydalanish va eksport qilishning zamonaviy tizimini shakllantirish, mahalliy va xorijiy seleksiya navlari, shu jumladan biotexnologik navlarning birlamchi urugʻchiligini tashkil etish va rivojlantirish;

oʻsimliklarni himoya qilish sohasida yagona davlat siyosatini yuritish, zararkunandalar va begona oʻtlarga qarshi kurashish, agrokimyoviy xizmat koʻrsatish va tuproqni muhofaza qilish boʻyicha tizimli chora-tadbirlarni amalga oshirish;

taʼlim, fan va qishloq xoʻjaligi ishlab chiqarishini tizimli asosda uzviy integratsiyalashni, qishloq xoʻjaligi tarmoqlarining yuqori malakali soha mutaxassislariga boʻlgan joriy va istiqboldagi ehtiyojlarini hisobga olgan holda kadrlarni tayyorlash, qayta tayyorlash va ularning malakasini oshirishni taʼminlash;

organik mahsulotlarni ishlab chiqarish va maqbul qishloq xoʻjaligi amaliyoti (Global G.A.P.) doirasida barcha manfaatdor tashkilotlar faoliyatini muvofiqlashtirish va tartibga solish;

qishloq xoʻjaligiga moʻljallangan yerlardan foydalanishni tashkil etish va muhofaza qilish sohasida samarali davlat nazoratini amalga oshirish.

11. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

a) birinchi navbatda qishloq xoʻjaligini raqamlashtirish va sohada zamonaviy axborot-kommunikatsiya texnologiyalarini joriy etish, qishloq xoʻjaligi subyektlari oʻrtasidagi oʻzaro munosabatlarda bozor tamoyillarini joriy etish, ilgʻor tajriba va fan yutuqlarini, zamonaviy resurs tejovchi va intensiv agrotexnologiyalarni joriy etishni nazarda tutuvchi qishloq xoʻjaligi va oziq-ovqat xavfsizligi sohasida yagona davlat siyosatini amalga oshirish sohasida:

“Aqlli qishloq xoʻjaligi” texnologiyalarni ishlab chiqish va joriy qilish boʻyicha takliflar ishlab chiqadi;

agrosanoat majmuidagi tashkilotlar tomonidan koʻrsatiladigan xizmatlarni toʻliq elektron shaklga oʻtkazish;

qishloq xoʻjaligi mahsulotlarini yetishtirish va sotish jarayoniga elektron tijorat amaliyotini joriy etish;

qishloq xoʻjaligini raqamlashtirishga yoʻnaltirilgan innovatsiyalarni ishlab chiqish va joriy qilish maqsadida xorijiy davlatlar, xalqaro va chet el tashkilotlari hamda jamgʻarmalarini jalb etadi;

qishloq xoʻjaligi subyektlari oʻrtasidagi shartnomaviy munosabatlarni xalqaro andozalar asosida moslashtirish va joriy etish boʻyicha uslubiy-amaliy koʻmaklashadi;

qishloq xoʻjaligi mahsulotlarini sotib olish boʻyicha subsidiya va subvensiyalarni ajratish yuzasidan takliflar ishlab chiqadi va vakolatli organga kiritadi;

fan va ilmiy-tadqiqot faoliyatini texnologik va ilmiy sigʻimi yuqori boʻlgan sohalarni moliyalashtirish, ushbu sohaga xususiy sektorning imkoniyatlarini maqsadli jalb qilishni ragʻbatlantirishga yoʻnaltirilgan tizimni shakllantiradi;

ilgʻor tajriba va fan yutuqlari natijalarini amaliyotga joriy etishni muvofiqlashtirish, ommalashtirish va monitoring yuritishni taʼminlaydi;

qishloq xoʻjaligi va oziq-ovqat xavfsizligi sohasida zamonaviy resurs tejovchi texnologiyalarini ishlab chiqish va joriy etishning ustuvor yoʻnalishlarini belgilaydi;

oziq-ovqat xavfsizligi sohasidagi davlat dasturlarini ishlab chiqish va amalga oshirishda ishtirok etadi;

Oʻzbekiston Respublikasida oziq-ovqat mahsulotlari tanqisligi yuzaga kelgan taqdirda, oziq-ovqat xavfsizligini taʼminlash boʻyicha tezkor chora-tadbirlarni amalga oshirishda ishtirok etadi;

respublika ijro etuvchi hokimiyat organlari va mahalliy ijro etuvchi hokimiyat organlarining oziq-ovqat xavfsizligi sohasidagi faoliyatini muvofiqlashtiradi;

oziq-ovqat xavfsizligiga salbiy taʼsir etuvchi omillarni oʻrganish asosida oziq-ovqat mahsulotlarini ishlab chiqarish jarayonlarini takomillashtirish va rivojlantirishga doir qisqa, oʻrta hamda uzoq muddatli strategiyalarni ishlab chiqadi;

oziq-ovqat xavfsizligi sohasidagi ishlarning holati toʻgʻrisidagi axborotni toʻplash va tahlil qilishni amalga oshiradi;

oziq-ovqat xavfsizligi toʻgʻrisidagi maʼlumotlar bazasini shakllantiradi va yuritadi;

oziq-ovqat xavfsizligi sohasida xalqaro hamkorlikni rivojlantiradi;

qishloq xoʻjaligi mahsulotlari yetishtirishning innovatsion resurs tejamkor texnologiyalarini ishlab chiqish va joriy qilishni muvofiqlashtiradi;

b) qishloq xoʻjaligi va oziq-ovqat mahsulotlarini ishlab chiqarish, saqlash, qayta ishlash va sotishda zamonaviy kooperatsiya munosabatlarini kengaytirish orqali qishloq xoʻjaligi va oziq-ovqat mahsulotlarining qoʻshilgan qiymati zanjiri yaratilishini ragʻbatlantirish sohasida:

jahon bozorida talab yuqori boʻlgan oziq-ovqat mahsulotlari ishlab chiqarish hajmlarini va turlarini koʻpaytirishga doir takliflar tayyorlaydi;

oziq-ovqat mahsulotlari va xomashyosi bozorini barqarorlashtirishga, oziq-ovqat mahsulotlari va xomashyosi narxlarining oʻzgaruvchanligini, shuningdek, ularning salbiy oqibatlarini yumshatishga qaratilgan chora-tadbirlarni ishlab chiqadi;

oziq-ovqat mahsulotlarini ishlab chiqarish va xomashyo yetishtirishni rivojlantirish, shuningdek, oziq-ovqat mahsulotlari va xomashyosi narxlari oʻsishining oldini olish boʻyicha takliflar tayyorlaydi”;

davlat zaxirasini hamda oziq-ovqat mahsulotlari va xomashyosining aylanma zaxirasini tashkil etish mexanizmlarini takomillashtiradi;

qishloq xoʻjaligi va oziq-ovqat mahsulotlarini yetishtirish, saqlash, qayta ishlash boʻyicha joylardagi muammolarni oʻrganish va ularning bartaraf etish yuzasidan takliflarni Vazirlar Mahkamasiga kiritadi;

oziq-ovqat mahsulotlarini chuqur qayta ishlash, xom ashyo bazasini kengaytirish, zamonaviy qayta ishlash, saqlash quvvatlarini yaratish va qayta ishlash jarayoniga ilgʻor texnologiyalarni joriy qilish chora-tadbirlari ishlab chiqilishi va amalga oshirilishida ishtirok etadi;

qayta ishlash va saqlash sohasida davlat-xususiy sheriklik mexanizmlarini takomillashtirishga doir hamda qayta ishlangan meva-sabzavot, uzum, goʻsht, sut, yogʻ va don mahsulotlariga boʻlgan tashqi bozor talabini oʻrganib, tahlil qilish va qayta ishlangan mahsulotlar brendlarini shakllantirish boʻyicha takliflar tayyorlaydi;

tibbiy meʼyorlariga koʻra qayta ishlangan oziq-ovqat mahsulotlariga boʻlgan talab va taʼminlanish darajasini oʻrganib boradi va takliflar tayyorlaydi;

meva-sabzavot mahsulotlarini yetishtirishni koʻpaytirish va tizimli ravishda sotish, aylanma mablagʻlarni shakllantirish maqsadida kooperatsiyalarni tashkil etish boʻyicha amaliy yordamlar koʻrsatib boradi;

bogʻdorchilik, uzumchilik, sabzavotchilik, polizchilik, kartoshkachilik, pillachilik, ozuqa ekinlari, dorivor va ziravor oʻsimliklarni rivojlantirish boʻyicha dasturlar ishlab chiqadi va amalga oshiradi;

qishloq xoʻjaligi va oziq-ovqat sohasida fan va texnika yutuqlarini, resurslarni tejaydigan zamonaviy va intensiv agrotexnologiyalarni, ilgʻor tajribalarni joriy qiladi;

hududlarning tuproq-iqlim sharoitidan kelib chiqib, yuqori hosil beradigan qishloq xoʻjaligi ekinlarini turlari boʻyicha hamda mevali, tok va tut koʻchatlarini mahalliy hokimliklar bilan birgalikda joylashtiradi;

aholini oziq-ovqat mahsulotlarga boʻlgan talabini oʻrganish va hududlarda mahsulotlarini saqlash omborxonalari va qayta ishlash korxonalarini tashkil etish boʻyicha takliflar, manzilli dasturini tayyorlaydi va ushbu yoʻnalishlarga xorijiy investitsiyalar jalb qilish boʻyicha takliflarni Vazirlar Mahkamasiga kiritadi;

ichki va tashqi bozorlarda pilla mahsulotlarining raqobatbardoshligini, qayta ishlash korxonalarini barqaror va samarali ishlashini taʼminlash borasida amaliy-uslubiy yordam koʻrsatadi;

qishloq xoʻjaligi va oziq-ovqat mahsulotlarini ishlab chiqarish, saqlash, qayta ishlash va sotish tizimida zamonaviy kooperatsiya munosabatlarini kengaytirish va yoʻlga qoʻyish orqali qoʻshimcha qiymat yaratishni yanada koʻpaytirishni ragʻbatlantirish boʻyicha tavsiyalar tayyorlaydi;

b 1 ) meva-sabzavot, goʻsht, sut va boshqa qishloq xoʻjaligi oziq-ovqat mahsulotlarini yetishtiruvchi (ishlab chiqaruvchi) korxonalar bilan ushbu mahsulotlarni qayta ishlovchi, tayyorlovchi va realizatsiya qiluvchi korxonalar oʻrtasida oʻzaro manfaatli munosabatlar uchun sharoitlar yaratish sohasida:

oziq-ovqat sanoatini rivojlantirish davlat siyosatining asosiy yoʻnalishlari boʻyicha takliflarni tayyorlashda, oziq-ovqat sanoati tarmoqlarini ijtimoiy-iqtisodiy rivojlantirishning uzoq muddatga moʻljallangan prognoz loyihalarini ishlab chiqishda ishtirok etadi;

kelgusi yil uchun oziq-ovqat balansini ishlab chiqadi va Oʻzbekiston Respublikasi Vazirlar Mahkamasiga taqdim etadi;

meva-sabzavot, goʻsht, sut va boshqa oziq-ovqat mahsulotlarini xorijiy tajribalar asosida qayta ishlash va chuqur qayta ishlash hamda ularning hajmlarini oshirish, xom ashyo bazasini kengaytirish, zamonaviy qayta ishlash quvvatlarini yaratish va qayta ishlash jarayoniga ilgʻor texnologiyalarni joriy qilish orqali oziq-ovqat mahsulotlarining qoʻshilgan qiymati zanjiri yaratish chora-tadbirlari ishlab chiqilishi va amalga oshirilishida ishtirok etadi;

ilgʻor xorijiy tajribani oʻrgangan holda qishloq xoʻjaligida meva-sabzavot mahsulotlarini qayta ishlash va qoʻllab-quvvatlash mexanizmini ishlab chiqadi;

b 2 ) mahalliy oziq-ovqat mahsulotlarining raqobatbardoshligini oshirish va ularni diversifikatsiya qilish, hududlarning mavjud tabiiy va iqtisodiy resurslaridan unumli foydalanish asosida oziq-ovqat sanoatini rivojlantirishning strategiya va modellarini ishlab chiqish sohasida:

kelgusi yil uchun ijtimoiy ahamiyatga ega asosiy turdagi oziq-ovqat mahsulotlari va xomashyosiga boʻlgan ehtiyojning prognoz hajmlarini ishlab chiqadi, ularning bajarilishi yuzasidan chora-tadbirlarni koʻradi, aholini ijtimoiy muhim turdagi oziq-ovqat mahsulotlari bilan kafolatli va uzluksiz taʼminlash chora-tadbirlarini amalga oshiradi;

oziq-ovqat sanoati tarmoqlarini ijtimoiy-iqtisodiy rivojlantirishning uzoq muddatga moʻljallangan modellarini ishlab chiqadi;

bozorda oziq-ovqat mahsulotlari va xomashyosi assortimentini kengaytirish, import oʻrnini bosuvchi oziq-ovqat mahsulotlari va xomashyosini ishlab chiqarishni diversifikatsiya qilish boʻyicha takliflar ishlab chiqadi;

sohadagi yangiliklarni keng targʻib qilish maqsadida mahsulotlarni saqlash, qayta ishlash va agrologistikaga doir boʻlgan seminarlarni tashkil etadi;

tegishli vazirlik, idora va tashkilotlar bilan hamkorlikda oziq-ovqat xavfsizligini taʼminlash boʻyicha takliflar tayyorlaydi hamda maqsadli tarmoq va hududiy dasturlarni ishlab chiqadi;

b 3 ) meva-sabzavot, goʻsht, sut va boshqa qishloq xoʻjaligi oziq-ovqat mahsulotlarini qayta ishlovchi tadbirkorlik subyektlarini qoʻllab-quvvatlashning moliyaviy va nomoliyaviy choralari — yangi vositalar va axborot tizimlarini yaratish, yuqori samara beruvchi yoʻnalishlarda loyihalarni amalga oshirish sohasida:

oziq-ovqat sanoatida faoliyat olib borayotgan korxonalarni moliyaviy qoʻllab-quvvatlash boʻyicha takliflar ishlab chiqadi;

import oʻrnini bosuvchi va eksportga yoʻnaltirilgan oziq-ovqat mahsulotlarini ishlab chiqarishni joriy etish boʻyicha loyihalar dasturini shakllantiradi;

oziq-ovqat mahsulotlarini ishlab chiqaruvchi tadbirkorlik subyektlarini qoʻllab-quvvatlashning moliyaviy va nomoliyaviy mexanizmlarini joriy qilish boʻyicha takliflar ishlab chiqadi;

b 4 ) oziq-ovqat sanoatining rivojlanishiga xususiy va toʻgʻridan-toʻgʻri chet investitsiyalar oqimining taʼsirini tahlil qilish, prognozlash va bu borada tegishli takliflarni ishlab chiqish sohasida:

oziq-ovqat sanoatining rivojlanishiga xususiy va toʻgʻridan-toʻgʻri chet el investitsiyalar oqimining taʼsirini tahlil qiladi va bu borada tegishli takliflarni ishlab chiqadi;

oziq-ovqat va qishloq xoʻjaligi mahsulotlarini ishlab chiqarishni kengaytirish, oziq-ovqat sanoatini jadal rivojlantirish sohasida normativ-huquqiy bazani takomillashtiradi;

oziq-ovqat mahsulotlarini ishlab chiqarish sohasini rivojlantirishga xususiy, xorijiy investitsiyalarni jalb qiladi hamda rivojlangan davlatlar tajribasini oʻrganadi;

b 5 ) zamonaviy savdo va logistika markazlarini tashkil etish, mahalliy oziq-ovqat mahsulotlarini jahon bozorlarida ilgari surish, ularning raqobatbardoshligini oshirish, eksport salohiyatini kengaytirish hamda import hajmini kamaytirish choralarini koʻrish sohasida:

zamonaviy savdo va logistika markazlarini tashkil etish, mahalliy oziq-ovqat mahsulotlarini jahon bozorlarida ilgari surish, ularning raqobatbardoshligini oshirish, eksport salohiyatini kengaytirish choralarini koʻrib boradi;

qishloq xoʻjaligi mahsulotlari ishlab chiqaruvchilar, qayta ishlash korxonalari, tayyorlash va sotish tashkilotlari oʻrtasida bozor munosabatlari asosida, uning tayyorlanishi, saqlanishi, yanada chuqurroq qayta ishlanishi va sotilishini hisobga olgan holda ishlab chiqarilgan qishloq xoʻjaligi oziq-ovqat xom ashyosi harakatining zamonaviy logistikasini keng joriy etadi;

meva-sabzavot mahsulotlarini saqlash uchun korxonalarning moddiy-texnika bazasini mustahkamlash va rivojlantirish, maxsus saqlash omborlari va sovutish kameralarini qurish, rekonstruksiya qilish, ularni zamonaviy uskunalar bilan jihozlash ishlarini tashkil etishga investitsiyalarni jalb qilish boʻyicha takliflarni ishlab chiqadi;

v) agrobiznesning klaster modelini keng joriy etish chora-tadbirlarini amalga oshirish, klasterlash jarayonining tashkiliy-huquqiy va iqtisodiy asoslarini takomillashtirish, qishloq xoʻjaligi tarmoqlarida klasterlarni tashkil etish va rivojlantirish boʻyicha investitsiya loyihalarini amalga oshirishga koʻmaklashish sohasida:

klasterlarni qoʻllab-quvvatlash boʻyicha koʻrilayotgan choralarning samaradorligi va natijadorligini tanqidiy tahlil qilib boradi, mavjud muammo va tizimli kamchiliklarni aniqlash va ularni bartaraf etish yuzasidan takliflar tayyorlaydi;

klasterlash jarayonining tashkiliy-iqtisodiy asoslari va klasterlar faoliyatini tartibga soluvchi amaldagi normativ-huquqiy hujjatlarni doimiy oʻrganib boradi hamda ularni takomillashtirish boʻyicha takliflar tayyorlaydi;

turli ixtisoslashuvdagi klasterlar faoliyatining doimiy monitoringini yuritadi, ularni qoʻllab-quvvatlash va rivojlantirish boʻyicha takliflar tayyorlaydi;

klasterlarni tashkil etish va rivojlantirish boʻyicha xorijiy davlatlarning ilgʻor tajribalarini oʻrganib boradi va ulardan respublikamiz sharoitida foydalanish imkoniyatlari va yoʻnalishlari borasida xulosalar tayyorlaydi;

klasterlarni tabiiy, moddiy-texnik va boshqa turdagi resurslar bilan taʼminlash tizimining doimiy monitoringini yuritgan holda uni yanada yaxshilash yuzasidan takliflar tayyorlaydi;

qishloq xoʻjaligi tarmoqlarida klasterlarni tashkil etish va rivojlantirish, investitsiyalar, shu jumladan toʻgʻridan-toʻgʻri xorijiy investitsiyalarni jalb qilish ishlariga vakolati doirasida har tomonlama koʻmaklashadi;

g) agrotexnik tadbirlarni oʻz vaqtida moliyalashtirishga, qishloq xoʻjaligi mahsulotlari ishlab chiqaruvchilarining moliyaviy barqarorligiga, hosildorligi past yerlar unumdorligini oshirishga, oziq-ovqat xavfsizligini taʼminlashga va qishloq xoʻjaligi mahsulotlari eksportini oshirishga koʻmaklashadigan qishloq xoʻjaligini davlat tomonidan qoʻllab-quvvatlash chora-tadbirlarini muvofiqlashtirish sohasida:

davlat xaridi uchun qishloq xoʻjaligi mahsulotlari yetishtirish xarajatlarini moliyalashtirishga mablagʻlarni oʻz vaqtida ajratilishi va ularni maqsadli sarflanishi boʻyicha monitoring yuritadi;

qishloq xoʻjaligi mahsulotlarini yetishtirishni moliyalashtirish tizimini takomillashtirish yuzasidan takliflar tayyorlaydi;

qishloq xoʻjaligi korxonalarining ishlab chiqarish faoliyatini moliyaviy jihatdan barqarorligini taʼminlash va iqtisodiy samaradorligini oshirish boʻyicha tavsiyalar ishlab chiqadi;

hosildorligi past yerlarning unumdorligini oshirishni taʼminlovchi qishloq xoʻjaligida serhosil ekinlarini joylashtirish va ularni ekilishini, aholining oziq-ovqat mahsulotlariga boʻlgan ehtiyoji qondirilib, bozorlarda narx-navo barqarorligi taʼminlaydi;

hosildorligi past boʻlgan yerlarda davlat xaridi uchun mahsulot yetishtirish boʻyicha takliflarni Vazirlar Mahkamasiga kiritish;

sabzavot, poliz va dukkakli ekinlarni har bir hududning tuproq-iqlim sharoitlari, suv taʼminoti, tashqi bozorning talablari (mahsulot turi va yetkazib berish muddatlari) asosida ekinlarni joylashtirish yuzasidan takliflar tayyorlaydi;

meva-sabzavot mahsulotlarini tashqi bozorga yetkazib berish tizimini yanada takomillashtirish boʻyicha tavsiyalar tayyorlaydi;

tashkil etilgan va faoliyat koʻrsatayotgan issiqxonalarni turlari, hajmlari, miqdori hamda isitish manbalari boʻyicha xatlovdan oʻtkazib, ularni faoliyatini takomillashtirish boʻyicha chora-tadbirlar dasturini ishlab chiqadi;

g 1 ) qishloq xoʻjaligi ekinlarini joylashtirish, qishloq xoʻjaligi yerlarini, qishloq xoʻjaligi ekinlarini ekish va parvarishlashni monitoring qilish sohasida:

qishloq xoʻjaligi yerlarini, qishloq xoʻjaligi ekinlarini ekish va parvarishlashni monitoring qiladi;

samarasiz foydalanilayotgan qishloq xoʻjaligi yerlarini aniqlash, ularni oʻrnatilgan tartibda olib qoʻyish va belgilangan maqsadda foydalanish yuzasidan takliflar ishlab chiqadi;

g 2 ) tuproq bonitirovkasini oʻtkazish, qishloq xoʻjaligiga moʻljallangan yerlarning meʼyoriy qiymatini aniqlash, tuproqshunoslik, geobotanikaga oid tadqiqotlarni amalga oshirish sohasida;

davlat boshqaruvi organlarining, yuridik va jismoniy shaxslarning tuproq unumdorligini saqlash va oshirishni taʼminlash sohasidagi faoliyatini muvofiqlashtiradi;

mahalliy davlat hokimiyati organlari bilan birgalikda tuproq unumdorligini oshirish boʻyicha davlat dasturlarini ishlab chiqadi va amalga oshiradi;

tuproq unumdorligini saqlash va oshirish sohalarida davlat siyosatining asosiy yoʻnalishlari boʻyicha takliflarni ishlab chiqadi;

tuproqlarning sifatini baholash maqsadida tuproq sʼyomkasini, tuproqlarning bonitirovkasini oʻtkazadi;

qishloq xoʻjaligiga moʻljallangan tabiiy yaylovlarda geobotanik izlanishlarni amalga oshiradi;

qishloq xoʻjaligi yerlarining meʼyoriy qiymatini aniqlaydi;

tuproqshunoslik, geobotanikaga oid izlanishlar hamda tadqiqotlarni amalga oshiradi;

d) keng koʻlamli zamonaviy moliyaviy xizmatlarni rivojlantirish va sifatli qishloq xoʻjaligi texnikasidan foydalanish imkoniyatini oshirish orqali qishloq xoʻjaligini mexanizatsiyalash va qishloq xoʻjaligi mahsulotlarini chuqur qayta ishlashni ragʻbatlantirish sohasida:

qishloq xoʻjaligida moliyaviy munosabatlar (kreditlash, lizing, subsidiyalash va dotatsiya berish) tizimini sohaning oʻziga xos hususiyatlarini hisobga olgan holda yanada takomillashtirish yuzasidan takliflar ishlab chiqadi;

ilgʻor xorijiy tajribalarga asoslangan holda qishloq xoʻjaligiga zamonaviy texnika va texnologiyalarini joriy etishni moliyalashtirish mexanizmlarini takomillashtirish yoʻnalishlari boʻyicha tavsiyalar ishlab chiqadi;

Respublikamizda ishlab chiqarilgan va xorijdan import qilinayotgan barcha turdagi qishloq xoʻjaligi texnikasi va texnologiyalarini majburiy va davriy sinovlardan oʻtkazishni tashkil etadi;

qishloq xoʻjaligini mexanizatsiyalash darajasini oshirish, texnika va texnologiyalarning zamonaviy turlarini faol joriy qilish boʻyicha innovatsion ilmiy-texnik yechimlarini ishlab chiqishga qaratilgan davlat ilmiy dasturlarini shakllantirishda ishtirok etadi;

qishloq xoʻjaligi mexanizatsiya darajasini oshirish hamda qishloq xoʻjaligi texnika va agregatlaridan foydalanish samaradorligi va sifatini oshirish boʻyicha uslubiy tavsiyalar tayyorlaydi va joylarga yetkazadi;

mashina-traktor parklarining faoliyatini takomillashtirish, qishloq xoʻjaligi texnikalari bilan taʼminlash hamda ularga texnik xizmat koʻrsatish ishlarini yaxshilashda koʻmaklashadi;

qishloq xoʻjaligini yangi zamonaviy texnikalar bilan taʼminlash orqali mexanizatsiyalash darajasini oshirishni ragʻbatlantirish mexanizmlarini ishlab chiqadi va joriy etadi;

qishloq xoʻjaligi mahsulotlarini saqlash va chuqur qayta ishlashni yoʻlga qoʻyish orqali qoʻshilgan qiymat yaratishni yanada koʻpaytirishni ragʻbatlantirish boʻyicha tavsiyalar tayyorlaydi;

e) qishloq xoʻjaligi ekinlari urugʻlarini tayyorlash, foydalanish va eksport qilishning zamonaviy tizimini shakllantirish, mahalliy va xorijiy seleksiya navlari, shu jumladan biotexnologik navlarning birlamchi urugʻchiligini tashkil etish va rivojlantirish sohasida:

qishloq xoʻjaligi ekinlari urugʻlarini yetishtirish va qayta ishlash sohasiga rivojlangan davlatlar tajribalarini tatbiq qiladi;

gʻoʻza, boshoqli don, sabzavot, poliz, moyli, ozuqa va boshqa ekinlarining urugʻlarini, uzum va meva koʻchatlarini tayyorlash, foydalanish va eksport qilishning zamonaviy tizimini shakllantiradi;

mahalliy va xorijiy seleksiya navlari, shu jumladan, biotexnologik navlarning birlamchi urugʻchiligini tashkil etadi va rivojlantiradi;

tarmoq korxonalari tomonidan qishloq xoʻjaligi ekinlarining ekiladigan urugʻlarini tayyorlash, qayta ishlash va saqlash boʻyicha normativ talablarni xalqaro standartlar va texnik reglamentlarga muvofiq ishlab chiqadi;

urugʻchilik sohasida ilmiy va tajriba-eksperimental tadqiqotlarni olib borishga, tarmoq korxonalarining ilmiy salohiyati va moddiy-texnika bazasini mustahkamlashga koʻmaklashadi;

urugʻchilik boʻyicha xalqaro va milliy organlar bilan oʻzaro faol hamkorlik qilish, urugʻlarni ekishdan oldin ishlov berish va qayta ishlashga oid innovatsion texnologiyalarni, ushbu sohadagi nou-xaularni joriy etadi;

davlat-xususiy sherikchilik asosida zamonaviy urugʻchilik klasterlarini tashkil etish, qishloq xoʻjaligi ekinlari urugʻlarini yetishtirish, saqlash va tayyorlashning yangi tizimini shakllantirish orqali ichki isteʼmolchilarni sifatli va arzon urugʻliklar bilan taʼminlaydi va eksport qiladi;

qishloq xoʻjalik ekinlarining respublikada va chet elda yaratilgan seleksion yangi navlari, duragaylarini hamda ipak-qurtining duragaylarini huquqiy muhofaza qilish (patent uchun) va xoʻjalikda foydaliligini (hosildorlik, oʻsuv davri, kasallik, zararkunanda, noqulay sharoitlarga chidamlilik va sifat tarkibi) aniqlash boʻyicha sinov ishlarini amalga oshiradi;

j) oʻsimliklarni himoya qilish sohasida yagona davlat siyosatini yuritish, zararkunandalar va begona oʻtlarga qarshi kurashish, agrokimyoviy xizmat koʻrsatish va tuproqni muhofaza qilish boʻyicha tizimli chora-tadbirlarni amalga oshirish sohasida:

qishloq xoʻjaligi mahsulotlari ishlab chiqaruvchilarini oʻsimliklarni himoya qilish, kimyoviy va biologik vositalar bilan taʼminlash uchun zarur shart-sharoitlar yaratish, oʻsimliklarni himoya qilish boʻyicha profilaktik va integratsiyalashtirilgan chora-tadbirlarni oʻz vaqtida tashkil etadi;

qishloq xoʻjaligi ekinlari zararkunandalari, kasalliklari va begona oʻtlar rivojlanishi va tarqalishini prognoz qiladi;

oʻsimliklarni himoya qilish kimyoviy vositalarini tashish, saqlash, sotish va qoʻllash, qishloq xoʻjaligi uchun mineral oʻgʻitlarni agrokimyo xaritanomalari asosida tuproqni ozuqa moddalari bilan taʼminlanganligini hisobga olib, tabaqalashtirilgan holda yetkazib berish boʻyicha belgilangan qoidalarga rioya etilishi ustidan nazorat qiladi;

oʻsimliklar kasalliklari va zararkunandalarining karantin obyektlariga qarshi kurash choralarini va ichki karantin nazoratini tubdan takomillashtiradi;

biolaboratoriyalar va oʻsimliklar klinikalari tarmogʻini kengaytirish, bu borada davlat xususiy sheriklik tizimini oʻzaro manfaatli hamkorligini rivojlantiradi;

z) taʼlim, fan va qishloq xoʻjaligi ishlab chiqarishini tizimli asosda uzviy integratsiyalashni, qishloq xoʻjaligi tarmoqlarining yuqori malakali soha mutaxassislariga boʻlgan joriy va istiqboldagi ehtiyojlarini hisobga olgan holda kadrlar tayyorlash, qayta tayyorlash va ularning malakasini oshirishni taʼminlash sohasida:

vazirlik tasarrufidagi taʼlim va ilmiy-tadqiqot muassasalari faoliyatlarini muvofiqlashtirish, fan va taʼlimni rivojlantirish boʻyicha oʻrta va uzoq muddatli dasturlarni ishlab chiqadi va joriy etadi;

vazirlik tasarrufidagi taʼlim va ilmiy-tadqiqot muassasalarining moddiy-texnika bazasini modernizatsiyalash, zamonaviy laboratoriyalar, texnoparklar va axborot-maslahat markazlarini tashkil etish, ularning samarali faoliyat yuritishlarini taʼminlaydi;

qishloq xoʻjaligi va oziq-ovqat taʼminoti sohasida ilmiy-tadqiqot, loyiha — qidiruv va konstruktorlik ishlarining asosiy yoʻnalishlarini belgilaydi;

xorijiy mamlakatlarning innovatsion texnologiyalari va ilgʻor tajribalarini oʻrganishini, qishloq xoʻjaligi mutaxassislarini hamda taʼlim va ilmiy-tadqiqot muassasalarining professor-oʻqituvchilari va ilmiy xodimlarini xalqaro yarmarkalar, konferensiyalar va ilmiy-amaliy seminarlarda ishtirokini taʼminlaydi;

samaradorligi yuqori boʻlgan innovatsion tadqiqotlar, gʻoyalar, ishlanmalar va texnologiyalarni qoʻllab-quvvatlash va ragʻbatlantirish, sohada ilmiy yutuqlar va ilgʻor tajribalarni targʻib va joriy etish boʻyicha chora-tadbirlarni amalga oshiradi;

qishloq xoʻjaligi maydonlarini kengaytirishga va qishloq xoʻjaligi ekinlari hosildorligini oshirishga, oziq-ovqat mahsulotlarini ishlab chiqarishdagi yoʻqotishlarni kamaytirishga qaratilgan ilmiy ishlanmalarni ishlab chiqadi;

yuqori texnologik mahsulotlarni ishlab chiqish va joriy qilish boʻyicha ilmiy-tadqiqot hamda taʼlim muassasalari, ilmiy-tajriba xoʻjaliklari, laboratoriyalar, yuqori texnologiyalar markazlari, innovatsion kompaniyalar, texnoparklar, axborot-maslahat (extension) markazlari va boshqa innovatsiyaga yoʻnaltirilgan tuzilmalarini jalb etadi;

hududlar va qishloq xoʻjaligi tarmoqlarini kompleks rivojlantirish istiqbollarini hisobga olgan holda taʼlim muassasalarida taʼlim yoʻnalishlari va mutaxassisliklarini maqbullashtiradi, kadrlarga boʻlgan real ehtiyojni hisobga olgan holda qabul kvotalari yuzasidan takliflar tayyorlaydi, talabalarning oʻquv va ishlab chiqarish amaliyotlarini samarali tashkil etadi, oliy taʼlim muassasalari bitiruvchilarni ishga joylashtiradi;

soha tarmoqlarini rivojlantirish istiqbollarini hisobga olgan holda ehtiyoj katta boʻlgan ixtisosliklar boʻyicha mutaxassislarni nufuzli xorijiy taʼlim muassasalari bilan hamkorlikda oʻquv dasturlarini yoʻlga qoʻyadi;

soha boʻyicha doktorantura va tayanch doktorantura orqali ilmiy darajali yuqsak malakali ilmiy xodimlarni tayyorlashni kengaytirish, ularga muammoli va dolzarb mavzular boʻyicha ilmiy tadqiqot ishlarini olib borishlari uchun barcha shart-sharoitlarni yaratadi;

agrar sohada olib borilayotgan jadal islohotlar talablari asosida qishloq xoʻjaligi rahbar xodimlari, soha mutaxassislari, fermer xoʻjaliklari rahbarlarining malakalarini oshirish va ularni qayta tayyorlashni tizimli ravishda tashkil etadi;

Oʻzbekiston Respublikasi Oliy va oʻrta maxsus taʼlim vazirligi bilan kelishilgan holda asoslangan takliflar asosida qishloq xoʻjaligi sohasidagi bakalavriat taʼlim yoʻnalishlari va magistratura mutaxassisliklari boʻyicha malaka talablari, oʻquv rejalari va fan dasturlarini tasdiqlaydi hamda oʻquv jarayoniga bosqichma-bosqich joriy etadi;

tizimidagi oliy taʼlim muassasalarining tuzilmalarini tasdiqlaydi;

Vazirlik qonun hujjatlarida belgilangan boshqa funksiyalarni ham amalga oshirishi mumkin;

i) organik mahsulotlarni ishlab chiqarish va maqbul qishloq xoʻjaligi amaliyoti (Global G.A.P.) doirasida barcha manfaatdor tashkilotlar faoliyatini muvofiqlashtirish va tartibga solish sohasida:

manfaatdor vazirliklar, idoralar, hokimliklar, xoʻjalik yurituvchi subyektlar va tadbirkorlardan organik ishlab chiqarish va maqbul qishloq xoʻjaligi amaliyoti (Global G.A.P.) doirasida zarur maʼlumotlarni oladi;

organik mahsulotlarni ishlab chiqaruvchilar faoliyatining doimiy monitoringini olib boradi, ularni qoʻllab-quvvatlash va rivojlantirish boʻyicha takliflar tayyorlaydi;

organik qishloq xoʻjaligi mahsulotlarini qayta ishlash masalalari boʻyicha fermer va dehqon xoʻjaliklari va boshqa manfaatdor tadbirkorlik subyektlari uchun oʻquv va maslahat xizmatlarini koʻrsatadi;

organik mahsulot va xom ashyolarni sertifikatlashtirish idoralari, ishlab chiqaruvchilar, qayta ishlovchi tashkilotlar, realizatsiya qiluvchi tadbirkorlik subyektlari toʻgʻrisidagi elektron axborot bazasini yaratadi, uning doimiy yangilanib turishini taʼminlaydi;

organik mahsulot va xom ashyolarni sertifikatlashtirish idoralari, ishlab chiqaruvchilar, qayta ishlovchi tashkilotlar, realizatsiya qiluvchi tadbirkorlik subyektlari toʻgʻrisidagi reyestrni yuritadi;

respublika miqyosida va hududlar kesimida organik mahsulotlar yetishtirishga oʻtgan yer maydonlari, ishlab chiqarish hajmlari va realizatsiya qilinishi (eksport va import) toʻgʻrisidagi rasmiy maʼlumotlarni chop etadi;

organik qishloq xoʻjaligini rivojlantirish doirasida xalqaro tashkilotlar bilan oʻzaro hamkorlikni taʼminlaydi;

organik urugʻchilikni tashkil etadi hamda ushbu yoʻnalishdagi ilmiy-tadqiqot ishlarini kengaytiradi va jadallashtiradi;

savdo tarmoqlarida organik sertifikatga ega boʻlgan qishloq xoʻjaligi va oziq-ovqat mahsulotlarining realizatsiya qilinishini tartibga soladi;

organik mahsulot va xom ashyolarni ishlab chiqarish, qayta ishlash, tashish, saqlash, sotish va sertifikatlashtirish bilan shugʻullanuvchi xoʻjalik subyektlari faoliyatining ekvivalentligini baholaydi va avtorizatsiyalash tizimini yaratadi;

k) qishloq xoʻjaligiga moʻljallangan yerlardan foydalanishni tashkil etish va muhofaza qilish sohasida samarali davlat nazoratini amalga oshirish sohasida:

qishloq xoʻjaligi yerlarining meʼyoriy qiymatini va sifat koʻrsatkichlarini aniqlaydi;

tuproq bonitirovkasini oʻtkazish, tuproq unumdorligini oshirish, tuproqshunoslik, geobotanikaga oid tadqiqotlarni amalga oshirish boʻyicha ishlarni tashkil etadi;

qishloq xoʻjaligi yerlari va ekinlarining holatini hamda oʻtkazilgan agrotexnik tadbirlarni monitoring qiladi va ushbu tadbirlarni amalga oshirish uchun uchuvchisiz uchish apparatlari (dronlar)dan belgilangan tartibda foydalanadi.

12. Vazirlik markaziy apparati tarkibiy boʻlinmalari, hududiy va tarkibiy tuzilmalarining funksiyalari, agar Oʻzbekiston Respublikasi Prezidentining yoki Vazirlar Mahkamasining qarorlarida boshqacha qoida belgilanmagan boʻlsa, Oʻzbekiston Respublikasi Qishloq xoʻjaligi vaziri (keyingi oʻrinlarda vazir deb ataladi) tomonidan belgilangan tartibda tasdiqlanadigan nizomlar va ustavlar bilan belgilanadi.

4-bob. Vazirlik va uning tuzilmalarining vakolatlari hamda javobgarligi

1-§. Vazirlikning vakolatlari va javobgarligi

13. Vazirlik oʻziga yuklatilgan vazifalar va funksiyalarni amalga oshirish uchun quyidagi vakolatlarga egadir:

oʻz vakolati doirasida davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlar va ularning mansabdor shaxslari hamda fuqarolar uchun majburiy boʻlgan normativ-huquqiy hujjatlarni qabul qilish;

Vazirlikka yuklatilgan vazifa va funksiyalarni bajarish bilan bogʻliq normativ-huquqiy hujjatlar loyihalarini va boshqa hujjatlarni oʻrnatilgan tartibda Vazirlar Mahkamasiga kiritish;

Vazirlik vakolatiga kiradigan masalalarda davlat va xoʻjalik boshqaruvi organlari, mahalliy ijro etuvchi hokimiyat organlari faoliyatini muvofiqlashtirish;

oʻz vakolati doirasida maʼmuriy javobgarlikni keltirib chiqaradigan holatlar yuzasidan maʼmuriy huquqbuzarliklar toʻgʻrisida bayonnomalar tuzish;

Vazirlik vakolatiga kiradigan masalalarni hal etish uchun zarur axborotni davlat va xoʻjalik boshqaruvi organlari, mahalliy davlat hokimiyati organlaridan soʻrash va olish;

Vazirlik vakolatiga kiradigan masalalar boʻyicha zarur statistik axborotni davlat statistika organlaridan bepul olish;

Vazirlik va uning idoraviy mansub tuzilmalari davlat mulkini bir boʻlinmadan boshqasiga oʻrnatilgan tartibda oʻz tashkiliy tuzilmasi doirasida, begʻaraz foydalanish huquqi bilan berish;

Vazirlik va uning idoraviy mansub tashkilotlari xodimlarini qishloq xoʻjaligidagi faoliyatining asosiy koʻrsatkichlari parametrlarining bajarilishini hisobga olgan holda moddiy ragʻbatlantirish tartibi, miqdori va shartlarini belgilash;

Vazirlik vakolatiga kiradigan masalalar boʻyicha takliflarni koʻrib chiqish uchun Vazirlar Mahkamasi, davlat va xoʻjalik boshqaruvi organlari, mahalliy davlat hokimiyati organlariga kiritish;

Vazirlik vakolatiga kiradigan masalalar boʻyicha idoralararo xususiyatga ega xalqaro shartnomalarni tuzish;

Vazirlik vakolatiga kiradigan masalalar boʻyicha xalqaro darajada Oʻzbekiston Respublikasi manfaatlarini ifodalash;

yuklatilgan vazifalar doirasida bevosita yoki vazirlikning idoraviy mansub boʻlinmalari orqali xorijiy tarmoq idoralari, ilmiy va taʼlim muassasalari bilan hamkorlikni amalga oshirish;

qishloq xoʻjaligi sohasida joriy va strategik vazifalarni yoritish uchun oʻrnatilgan tartibda noshirlik faoliyatini amalga oshirish;

binolarga xizmat koʻrsatish, jihoz va uskunalar, avtotransport, aloqa va hisoblash vositalari, kompyuter va orgtexnika vositalari saqlash va ishlatish boʻyicha ishlarni bajarish, dasturiy taʼminotni sotib olish boʻyicha belgilangan tartibda shartnomalar tuzish;

Vazirlik vakolatiga kiradigan masalalarni hal etish uchun shartnoma asosida mahalliy va xorijiy ilmiy muassasalar, olim va mutaxassislarni jalb qilish;

Vazirlik va tizim tashkilotlarining moddiy-texnika bazasini mustahkamlash choralarini koʻrish;

amaldagi qonunchilikka muvofiq Vazirlik ijtimoiy infratuzilmasini yaratish va takomillashtirish, Vazirlik tizimi xodimlari mehnatini ragʻbatlantirish va mukofotlashning yagona tizimini shakllantirish;

oʻquv va ilmiy-innovatsion faoliyatida namuna koʻrsatgan bakalavr, magistr, tayanch doktorant va doktorantlar uchun Vazirlik stipendiyasini taʼsis etish;

oziq-ovqat mahsulotlarini yetishtirish va oziq-ovqat xavfsizligini taʼminlash borasidagi qonunchilik hujjatlari ijrosini buzish holatlari sodir etilganda, ularning kelib chiqish sabablari va bunga imkoniyat yaratib berayotgan shart-sharoitlarni bartaraf etish choralarini koʻrish;

Vazirlik qonunchilik hujjatlariga muvofiq boshqa vakolatlarga ham ega boʻlishi mumkin.

14. Vazirlik:

oʻziga yuklatilgan vazifalar va funksiyalarning samarali bajarilishi, shuningdek, tegishli sohadagi (tarmoqdagi) davlat siyosatining samarali amalga oshirilishi;

oʻz faoliyati bilan bogʻliq prognoz koʻrsatkichlarga soʻzsiz erishilishini taʼminlash;

Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan buyruqlar amalga oshirilishining sifati va pirovard natijalari;

oʻz faoliyati sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning samarali amalga oshirilishi uchun javob beradi.

2-§. Vazirlik markaziy apparatining huquqlari va javobgarligi

15. Vazirlikning markaziy apparati oʻziga yuklangan vazifa va funksiyalarni amalga oshirish uchun quyidagi huquqlarga ega:

Vazirlikning hududiy boʻlinmalari, tuman (Quvasoy shahar) boʻlimlari va uning idoraviy mansub tashkilotlaridan zarur boʻlgan materiallar va maʼlumotlarni soʻrash va olish;

Vazirlikda koʻrib chiqiladigan axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun vazirlikning hududiy boʻlinmalari, tuman (Quvasoy shahar) boʻlimlari va idoraviy mansub tashkilotlari rahbarlari hamda vakillarini belgilangan tartibda jalb qilish, shu maqsadda ekspert va ishchi guruhlar tashkil etish;

Vazirlikning hududiy boʻlinmalari, tuman (Quvasoy shahar) boʻlimlari va uning idoraviy mansub tashkilotlari tomonidan kiritilgan normativ-huquqiy hujjatlar loyihalarini va boshqa hujjatlarni puxta ishlashni talab qilish, zarurat boʻlganda, ularni qayta ishlash uchun qaytarish;

Vazirlikning hududiy boʻlinmalari va idoraviy mansub tashkilotlari rahbarlari hamda vakillari ishtirokida belgilangan tartibda yigʻilishlar oʻtkazish;

Vazirlikning hududiy boʻlinmalari, tuman (Quvasoy shahar) boʻlimlari va idoraviy mansub tashkilotlari rahbarlariga jadal hal qilinishi talab etiladigan va Vazirlikka yuklangan vazifalar hamda funksiyalarni bajarish bilan bogʻliq masalalar yuzasidan belgilangan tartibda topshiriqlar berish;

qabul qilingan normativ-huquqiy hujjatlar, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriqlari, shuningdek, Vazirlikning buyruqlari Vazirlikning hududiy boʻlinmalari, tuman (Quvasoy shahar) boʻlimlari va uning idoraviy mansub tashkilotlari tomonidan bajarilishi yuzasidan ularning faoliyatini belgilangan tartibda oʻrganish va tekshirish.

Vazirlikning markaziy apparati qonun hujjatlariga muvofiq boshqa huquqlarga ham ega boʻlishi mumkin.

16. Vazirlikning markaziy apparati:

Vazirlikning tarkibiy va hududiy boʻlinmalari hamda idoraviy mansub tashkilotlar bilan birgalikda Vazirlikka yuklangan vazifalar va funksiyalarning samarali bajarilishini taʼminlash;

Vazirlik faoliyati bilan bogʻliq prognoz koʻrsatkichlarga erishishni taʼminlash boʻyicha Vazirlik markaziy apparati tuzilmalarining ishini tashkil etish;

Vazirlik tomonidan koʻrib chiqish uchun Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan buyruqlarning tayyorlanishi va ekspertizadan oʻtkazish sifati;

oʻz faoliyat sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning tarkibiy va hududiy boʻlinmalar hamda idoraviy mansub tashkilotlar tomonidan amalga oshirilishini tashkil etish uchun javob beradi.

3-§. Vazirlikning hududiy boʻlinmalari huquqlari va javobgarligi

17. Vazirlikning hududiy boʻlinmalari quyidagi huquqlarga ega:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, davlat boshqaruvi organlarining hududiy boʻlinmalari, xoʻjalik yurituvchi subyektlar, shuningdek, boshqa tashkilotlardan oʻz zimmasiga yuklangan vazifalarni sifatli bajarish uchun zarur boʻlgan axborot materiallarini soʻrab olish;

qishloq xoʻjaligi sohasiga doir masalalarda davlat boshqaruvi organlarining hududiy boʻlinmalari, xoʻjalik yurituvchi subyektlar, shuningdek, boshqa tashkilotlarning faoliyatini takomillashtirish boʻyicha tavsiyalar berish;

Vazirlik tuman (Quvasoy shahar) boʻlimlariga topshiriq va koʻrsatmalar berish;

davlat boshqaruvi organlarining hududiy boʻlimlari hamda xoʻjalik yurituvchi subyektlar, shuningdek, boshqa tashkilotlarning rahbarlari va masʼul xodimlari ishtirokida majlislar oʻtkazish;

axborot-tahliliy materiallarni tayyorlash va dasturiy hujjatlarni ishlab chiqish uchun davlat boshqaruvi organlarining hududiy boʻlimlari hamda xoʻjalik yurituvchi subyektlarning yuqori malakali mutaxassislarini jalb qilish.

18. Vazirlikning hududiy boʻlinmalari:

oʻziga yuklangan vazifalar va funksiyalar sifatli va oʻz vaqtida bajarilishini taʼminlash;

Vazirlikning hududiy boʻlinmalari faoliyati bilan bogʻliq boʻlgan prognoz koʻrsatkichlarga erishishni taʼminlash;

Vazirlik, mahalliy ijro hokimiyati organlariga kiritilayotgan hujjatlar loyihalari va takliflar, shuningdek, Vazirlikning hududiy boʻlinmalari tomonidan qabul qilinadigan qarorlarning amalga oshirilishi sifati, pirovard natijalari va oqibatlari;

tumanlar (Quvasoy shahar)da aniqlangan muammolarni har tomonlama va chuqur tahlil qilish va umumlashtirish asosida Qoraqalpogʻiston Respublikasi va viloyatlarda qishloq xoʻjaligini rivojlantirish boʻyicha takliflar tayyorlash;

oʻz faoliyati sohasini rivojlantirish, muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarni Qoraqalpogʻiston Respublikasi va viloyatlarda samarali amalga oshirish;

fuqarolar va tadbirkorlik subyektlarining qonuniy huquq va manfaatlari himoya qilinishi va ularga rioya etilishi uchun javob beradi.

4-§. Vazirlikning tuman (Quvasoy shahar) boʻlimlari huquqlari va javobgarligi

19. Vazirlikning tuman (Quvasoy shahar) boʻlimlari quyidagi huquqlarga ega:

davlat boshqaruvi organlari va xoʻjalik subyektlari tuman (Quvasoy shahar) boʻlinmalaridan hamda boshqa tashkilotlardan oʻz zimmasiga yuklangan vazifalarni sifatli bajarish uchun zarur boʻlgan axborot materiallarini soʻrab olish;

qishloq xoʻjaligi sohasiga oid masalalarida davlat boshqaruvi organlari va xoʻjalik tuman (Quvasoy shahar) boʻlimlari, shuningdek, boshqa tashkilotlarning faoliyatini takomillashtirish boʻyicha tavsiyalar berish;

davlat va xoʻjalik boshqaruvi organlarining tuman (Quvasoy shahar) boʻlimlari hamda boshqa tashkilotlarning rahbarlari va masʼul xodimlari ishtirokida majlislar oʻtkazish;

axborot-tahliliy materiallarni tayyorlash va dasturiy hujjatlarni ishlab chiqish uchun davlat va xoʻjalik boshqaruvi organlarining tuman (Quvasoy shahar) boʻlimlari, shuningdek, ilmiy tashkilotlarning yuqori malakali mutaxassislarini jalb qilish.

20. Vazirlikning tuman (Quvasoy shahar) boʻlimlari:

oʻziga yuklangan vazifalar va funksiyalar sifatli va oʻz vaqtida bajarilishini taʼminlash;

Vazirlikning tuman (Quvasoy shahar) boʻlimlari faoliyati bilan bogʻliq boʻlgan prognoz koʻrsatkichlarga erishishni taʼminlash;

Vazirlik, mahalliy ijro hokimiyati organlariga kiritilayotgan hujjatlar loyihalari va takliflar, shuningdek, Vazirlikning tuman (Quvasoy shahar) boʻlimlari tomonidan qabul qilinadigan qarorlarning amalga oshirilishi sifati, pirovard natijalari va oqibatlari;

hududlarda aniqlangan muammolarni har tomonlama va chuqur tahlil qilish va umumlashtirish asosida tumanlar (Quvasoy shahar)da qishloq xoʻjaligini rivojlantirish boʻyicha takliflar tayyorlash;

oʻz faoliyati sohasini rivojlantirish, muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarni tumanlar (Quvasoy shahar)da samarali amalga oshirish;

fuqarolar va tadbirkorlik subyektlarining huquqlari va qonuniy manfaatlari himoya qilinishi hamda ularga rioya etilishi uchun javob beradi.

5-bob. Vazirlik rahbarlarining asosiy funksional vazifalari

21. Quyidagilar vazirning asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Vazirlik faoliyatiga yakka boshchilik asosida umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonun hujjatlari bilan Vazirlikka yuklangan vazifalar va funksiyalar bajarilishini tashkil etish;

Oʻzbekiston Respublikasi Prezidentining hujjatlari, Vazirlar Mahkamasining qarorlari bilan tasdiqlangan qishloq xoʻjaligi va oziq-ovqat xavfsizligi sohasini yanada takomillashtirish boʻyicha kompleks dasturlar va kompleks tadbirlarning ijrosini tanqidiy va chuqur tahlil qilish;

Vazirlik, uning tarkibiy va hududiy boʻlinmalari faoliyati bilan bogʻliq prognoz koʻrsatkichlar, maqsadli indikatorlar, sifatga va rivojlantirish dasturlarining samarali amalga oshirilishiga erishishni soʻzsiz taʼminlash yuzasidan amaliy chora-tadbirlarni ishlab chiqish va qabul qilish;

Oʻzbekiston Respublikasi Prezidenti Administratsiyasi va Vazirlar Mahkamasi tarkibiy boʻlinmalari, shuningdek, tegishli vazirlik va idoralar bilan Vazirlik faoliyati sohasiga kiruvchi masalalar boʻyicha hamkorlik qilish, Vazirlar Mahkamasi va uning Rayosatining masalalarini koʻrib chiqish boʻyicha yigʻilishlarida ishtirok etish;

Oʻzbekiston Respublikasi Prezidenti va Oʻzbekiston Respublikasining Bosh vaziri va uning oʻrinbosarlari, maslahatchilari topshiriqlarini oʻz vaqtida, toʻliq va sifatli bajarilishini tashkil etish;

oʻz oʻrinbosarlarining vakolatlarini belgilash, ular oʻrtasida vazifalarni taqsimlash, Vazirlikning boshqa mansabdor shaxslarining vakolatlarini belgilash, oʻrinbosarlarining va boshqa mansabdor shaxslarning Vazirlik faoliyatining ayrim tarmoqlariga rahbarlik qilishda shaxsiy javobgarlik darajasini belgilash;

Vazirlik faoliyatini rejalashtirishni tashkil etish, Vazirlik va oʻz oʻrinbosarlarining har choraklik ish rejalarini tasdiqlash, ularning ijrosi holatini nazorat qilish;

Oʻzbekiston Respublikasi Prezidenti va Vazirlar Mahkamasining hujjatlari va topshiriqlari ijrosini tashkil etish va monitoringini olib borishning amaliy tizimini yaratish, Vazirlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “ Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida ” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy va hududiy boʻlinmalar, shuningdek, idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Vazirlik xodimlarini tizimli qayta tayyorlashni va ularning malakasini oshirishni tashkil etish;

Vazirlik tizimida kadrlarni tanlash va joy-joyiga qoʻyish, ularning samarali faoliyat yuritishlari uchun zarur shart-sharoitlarni yaratish, Vazirlikning kadrlar zaxirasini shakllantirish;

Oʻzbekiston Respublikasi Prezidentining, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Vazirlikka ishga qabul qilinadigan boshqa kadrlarning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash;

faoliyat sohasidagi masalalar boʻyicha normativ-huquqiy hujjatlar loyihalarini sifatli ishlab chiqish, ularning Vazirlar Mahkamasiga “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ” Oʻzbekiston Respublikasi qonunlari, Oʻzbekiston Respublikasi Prezidentining “Norma ijodkorlik faoliyatini takomillashtirish Konsepsiyasini tasdiqlash toʻgʻrisida” 2018-yil 8-avgustdagi PF-5505-son Farmoni , Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasi Reglamenti (keyingi oʻrinlarda Oʻzbekiston Respublikasi Prezidenti Administratsiyasi Reglamenti deb ataladi) hamda Vazirlar Mahkamasining 2024-yil 25-martdagi 150-son qarori bilan tasdiqlangan Vazirlar Mahkamasi Reglamenti (keyingi oʻrinlarda Vazirlar Mahkamasi Reglamenti deb ataladi) talablariga qatʼiy muvofiq ravishda oʻz vaqtida kiritilishini tashkil etish, shuningdek, ularni Vazirlikda ishlab chiqish, Vazirlik rahbariyati huzurida himoya qilish, Vazirlar Mahkamasida koʻrib chiqish va qayta ishlashda ishtirok etish;

“ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq Vazirlikning qonun loyihalarini tayyorlash faoliyatini tashkil etish;

Vazirlikka taqdim etilgan takliflar va normativ-huquqiy hujjatlar loyihalarining toʻliq va har tomonlama koʻrib chiqilishini taʼminlash, ularni Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamentida belgilangan muddatlarda kelishish (viza qoʻyish);

Vazirlikning qonun hujjatlari loyihalarini ishlab chiqish faoliyatini “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ” Oʻzbekiston Respublikasi qonunlari va boshqa qonun hujjatlariga muvofiq tashkil etish;

Vazirlik vakolatiga tegishli masalalar boʻyicha normativ-huquqiy hujjatlarni qabul qilish, zarur hollarda, boshqa vazirlik va idoralar bilan hamkorlikda tegishli qarorlar qabul qilish;

Vazirlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻla muvofiq ravishda tashkil etish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan oqilona foydalanishni taʼminlash;

oʻrinbosarlari hamda tarkibiy va hududiy boʻlinmalar rahbarlari faoliyatining samaradorligi va natijadorligini doimiy tanqidiy tahlil qilish, Vazirlikning hayʼat yigʻilishlarida ularning shaxsiy hisobotlarini tinglash, muhokama yakunlari boʻyicha zarur choralar koʻrish;

Vazirlik xodimlarini ragʻbatlantirish va intizomiy javobgarlikka tortish masalalarini hal etish, oʻrinbosarlarini ragʻbatlantirish va intizomiy javobgarlikka tortish toʻgʻrisida, shu jumladan ularning egallab turgan lavozimida qolishi maqsadga muvofiqligi masalasini koʻrib chiqish boʻyicha takliflar kiritish, ularning shaxsiy masʼuliyatini oshirish yuzasidan tizimli choralarni amalga oshirish;

Vazirlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlanadigan Vazirlik xodimlarining odob-axloq qoidalariga rioya etilishini nazorat qilish;

“Korrupsiyaga qarshi kurashish toʻgʻrisida” Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

Vazirlik hamda uning tarkibiy va hududiy boʻlinmalari ishini tashkil etishning ilgʻor shakllarini joriy etishni taʼminlash;

qishloq xoʻjaligi va oziq-ovqat xavfsizligi sohasida davlat xizmatlarini koʻrsatish va ulardan foydalanish samaradorligi, sifatini, shu jumladan aholi va tadbirkorlik subyektlari bilan oʻzaro hamkorlikni amalga oshirishda “yagona darcha” prinsipini joriy etish hamda “Elektron hukumat toʻgʻrisida” Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish yoʻli bilan oshirish;

jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan “Jismoniy va yuridik shaxslarning murojaatlari toʻgʻrisida” Oʻzbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi toʻgʻrisidagi tegishli hujjatlarda belgilangan muddatlarda va tartibda, jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

Oʻzbekiston Respublikasi Prezidentining Xalq qabulxonalari bilan samarali hamkorlikni, Vazirlik rahbarlari va xodimlarining ular faoliyatida faol ishtirok etishini tashkil etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlari oʻz vaqtida va toʻliq koʻrib chiqilishini taʼminlash;

davlat siri va maxfiy maʼlumotlar toifasiga kiruvchi maʼlumotlar bilan ishlashda qonunchilik talablariga rioya etish;

Vazirlik markaziy apparati shtat jadvali va xarajatlar smetasini, shuningdek, Vazirlikning tarkibiy va hududiy boʻlinmalari nizomlarini hamda idoraviy mansub tashkilotlar ustavlarini tasdiqlash;

Vazirlik markaziy apparati xodimlari, tarkibiy boʻlinmalar hamda idoraviy mansub tashkilotlar rahbarlarini qonun hujjatlarida belgilangan tartibda lavozimga tayinlash va lavozimdan ozod etish;

qishloq xoʻjaligi va oziq-ovqat xavfsizligi sohasida yagona davlat siyosatini amalga oshirishni taʼminlash, vazirliklar, idoralar, mahalliy ijro etuvchi hokimiyat organlari hamda boshqa tashkilotlarning qishloq xoʻjaligi va oziq-ovqat xavfsizligi sohasidagi faoliyatini muvofiqlashtirish;

Vazirlik, hududiy boʻlinmalar, idoraviy mansub tashkilotlar mansabdor shaxslari bajarishi majburiy boʻlgan buyruqlar chiqarish va topshiriqlar berish, shuningdek, ularning ijrosini oʻrnatilgan tartibda nazorat qilish;

Vazirlik markaziy apparati, hududiy boʻlinmalar, idoraviy mansub tashkilotlarning tasdiqlangan tuzilmalari va shtatlar jadvaliga xodimlarning cheklangan soni doirasida oʻzgartirishlar kiritish;

qishloq xoʻjaligi va oziq-ovqat xavfsizligi sohasida xalqaro va hukumatlararo aloqalarni kengaytirish va mustahkamlash, xorijiy investitsiyalar va grantlarni jalb etish boʻyicha xalqaro tadbirlarda ishtirok etish.

Qonunchilikka muvofiq vazir boshqa funksional vazifalarga ega boʻlishi mumkin.

22. Quyidagilar vazirning birinchi oʻrinbosari va vazir oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Vazir vaqtincha boʻlmaganda, tegishli buyruq asosida uning vazifalarini bajarish;

mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ularning xodimlari oʻrtasida vazifalarni taqsimlash;

Oʻzbekiston Respublikasi Prezidenti va Vazirlar Mahkamasining qarorlari bilan Vazirlik faoliyatining mutasaddilik qilinadigan yoʻnalishlari boʻyicha tasdiqlangan Vazirlik faoliyatini yanada takomillashtirish yuzasidan kompleks dasturlar va kompleks tadbirlar ijrosi holatini tanqidiy va chuqur tahlil qilish;

mutasaddilik qilinadigan tarkibiy boʻlinmalar tomonidan prognoz koʻrsatkichlarga erishishni soʻzsiz taʼminlash boʻyicha choralar koʻrish, boʻlinmalar rahbarlarining hisobotini tizimli eshitib borish va belgilangan koʻrsatkichlarga erishish uchun ularning shaxsiy javobgarligini oshirish;

mutasaddilik qilinadigan tarkibiy tuzilmalarning choraklik rejalarini tasdiqlash, ularning bajarilishi ustidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, shuningdek Vazirlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Vazirlik hayʼati qarorlari, Vazir buyruqlari va topshiriqlarining oʻz vaqtida va sifatli bajarilishini taʼminlash;

mutasaddilik qilinadigan boʻlinmalarda kadrlarni tanlash va joy-joyiga qoʻyish boʻyicha Vazirga takliflar taqdim etish, ularning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

tarkibiy boʻlinmalar tomonidan normativ-huquqiy hujjatlar loyihalarini sifatli ishlab chiqishni tashkil etish, Vazirlikning tarkibiy boʻlinmalarida tayyorlangan normativ-huquqiy hujjatlar loyihalarini kelgusida muhokama etish, imzolash (viza qoʻyish) uchun koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qatʼiy ravishda, oʻz vaqtida Oʻzbekiston Respublikasi Vazirlar Mahkamasiga kiritilishini taʼminlash, Vazir topshirigʻiga muvofiq, Oʻzbekiston Respublikasi Prezidenti Administratsiyasi va Vazirlar Mahkamasida normativ-huquqiy hujjatlar loyihalarini ishlab chiqishda ishtirok etish;

Vazirlikka taqdim etilgan normativ-huquqiy hujjatlar loyihalarini toʻliq va har tomonlama koʻrib chiqish;

xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻla muvofiq ravishda tashkil etish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan oqilona foydalanishni taʼminlash;

mutasaddilik qilinadigan tarkibiy boʻlinmalar rahbarlari va xodimlari faoliyatining samaradorligi va natijadorligini doimiy tanqidiy tahlil qilib borish, Vazirlikning hayʼat yigʻilishlarida ularning shaxsiy hisobotlarini tinglash, muhokama yakunlari boʻyicha zarur choralarni koʻrish;

Vazirlik faoliyatini takomillashtirish yuzasidan amaliy chora-tadbirlar qabul qilish, qishloq xoʻjaligi va oziq-ovqat xavfsizligi sohasidagi qonun hujjatlarini takomillashtirish yuzasidan takliflarni ishlab chiqish va ularni koʻrib chiqish uchun Vazirga kiritish;

mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligi masalasini koʻrib chiqish boʻyicha Vazirga takliflar kiritish, ularning funksional masʼuliyatlari va yuklangan vazifalar bajarilishida shaxsiy masʼuliyatini oshirish yuzasidan tizimli choralarni amalga oshirish;

Vazirlik xodimlari tomonidan xodimning odob-axloq qoidalariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish orqali ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

Vazirga davlat xizmatlarini koʻrsatish samaradorligi, sifati va ulardan erkin foydalanish darajasini oshirish boʻyicha takliflar kiritish;

jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan, “Jismoniy va yuridik shaxslarning murojaatlari toʻgʻrisida” Oʻzbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi toʻgʻrisidagi tegishli hujjatlarda belgilangan muddatlarda va tartibda jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlari oʻz vaqtida va toʻliq koʻrib chiqilishini taʼminlash;

davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etilishini taʼminlash;

ijtimoiy-iqtisodiy rivojlantirishning uzoq va oʻrta muddatli davlat dasturlarini, tarmoq va hududiy dasturlarni ishlab chiqishda ishtirok etish;

qishloq xoʻjaligi va oziq-ovqat xavfsizligi sohasida malakali kadrlarni tayyorlash, kasbiy taʼlim muassasalarining oʻquv darajasi va sifatini tubdan oshirishga koʻmaklashish, kadrlarni, shu jumladan xorijdagi ilgʻor ilmiy-tadqiqot muassasalarida va taʼlim markazlarida tayyorlash va malakasini oshirishni tashkil qilish;

qishloq xoʻjaligi va oziq-ovqat xavfsizligi sohasida xorijiy davlatlar, xalqaro va xorijiy tashkilotlar bilan hamkorlikni amalga oshirish.

23. Quyidagilar Vazirlik markaziy apparati tarkibiy boʻlinmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

tarkibiy boʻlinmalar faoliyatiga bevosita rahbarlikni amalga oshirish, mazkur boʻlinmalarga yuklangan vazifalar va funksiyalar ijrosini taʼminlash;

oʻz vakolati doirasida Vazirlikning hududiy boʻlinmalari va idoraviy mansub tashkilotlar faoliyatini muvofiqlashtirish;

prognoz koʻrsatkichlarni muntazam tahlil qilib borish va qayd etilgan koʻrsatkichlarga tarkibiy va hududiy boʻlinmalar tomonidan soʻzsiz erishishni taʼminlashga yoʻnaltirilgan qoʻshimcha choralarni koʻrish yuzasidan takliflarni koʻrib chiqish uchun Vazirning mutasaddilik qiladigan oʻrinbosarlariga kiritish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, Vazirlikning tarkibiy boʻlinmalarida ijro intizomini mustahkamlashning kompleks amaliy chora-tadbirlarini amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlari hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq tarkibiy boʻlinmalar xodimlari tomonidan topshiriqlarning oʻz vaqtida va sifatli bajarilishida shaxsiy masʼuliyatini oshirish boʻyicha choralar koʻrish;

Hayʼat qarorlari, Vazir va uning oʻrinbosarlari buyruqlari va topshiriqlari oʻz vaqtida va sifatli bajarilishini taʼminlash;

tarkibiy boʻlinmalarning ish rejalarini ishlab chiqish, ularni tasdiqlash uchun kiritish, ularda qayd etilgan vazifalar va tadbirlarning oʻz vaqtida va sifatli bajarilishini taʼminlash;

tarkibiy boʻlinmalarga yuklangan vazifalarning ijrosini nazorat qilish va muvofiqlashtirish, Vazirlik hududiy boʻlinmalari va idoraviy mansub tashkilotlari faoliyatida amaliy va uslubiy yordam koʻrsatish;

tarkibiy boʻlinmalar faoliyati masalalari boʻyicha qonunchilikni takomillashtirish yuzasidan takliflar ishlab chiqish va ularni koʻrib uchun Vazirlik rahbariyatiga kiritish;

Vazirlik rahbariyatiga tarkibiy boʻlinmalarda kadrlarni tanlash va joy-joyiga qoʻyish boʻyicha takliflar taqdim etish, ularning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

tarkibiy boʻlinmalar tomonidan normativ-huquqiy hujjatlar loyihalarini sifatli ishlab chiqishni tashkil etish, Vazirlikning tarkibiy boʻlinmalarida tayyorlangan normativ-huquqiy hujjatlar loyihalarini kelgusida Vazirlik rahbariyati tomonidan koʻrib chiqish, imzolash (viza qoʻyish) uchun koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qatʼiy ravishda oʻz vaqtida Vazirlar Mahkamasiga kiritilishini taʼminlash, Vazirlik rahbariyati topshirigʻiga muvofiq Vazirlar Mahkamasi apparatida normativ-huquqiy hujjatlar loyihalarini ishlab chiqishda ishtirok etish;

Vazirlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish;

xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq amalga oshirish, xizmat safarlarining asoslanganligi, samaradorligi va natijadorligini, xizmat safarlari uchun ajratiladigan mablagʻlardan maqsadli va oqilona foydalanishni taʼminlash;

tarkibiy boʻlinmalar xodimlari faoliyatining samaradorligi va natijadorligini doimiy tanqidiy tahlil qilib borish, yigʻilishlarda ularning shaxsiy hisobotlarini eshitib borish, ularni koʻrib chiqish yakunlari boʻyicha zarur choralarni koʻrish;

tarkibiy boʻlinmalar xodimlari tomonidan xodimning odob-axloq qoidalariga rioya etilishini taʼminlash;

“Korrupsiyaga qarshi kurashish toʻgʻrisida” Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish orqali ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

davlat xizmatlarini koʻrsatish samaradorligi, sifati va ulardan foydalanish darajasini oshirish boʻyicha takliflarni koʻrib chiqish uchun vazirlik rahbariyatiga kiritish;

jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi toʻgʻrisidagi tegishli hujjatlarda belgilangan muddatlarda va tartibda jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlarini Oʻzbekiston Respublikasi Prezidentining “Jismoniy va yuridik shaxslar murojaatlari bilan ishlash tizimini tubdan takomillashtirish chora-tadbirlari toʻgʻrisida” 2016-yil 28-dekabrdagi PF-4904-son Farmoniga muvofiq oʻz vaqtida va toʻliq koʻrib chiqilishini taʼminlash;

davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etilishini taʼminlash;

tarkibiy boʻlinmalar xodimlari faoliyatini tasdiqlangan lavozim yoʻriqnomalariga qatʼiy muvofiq ravishda tashkil etish;

tarkibiy boʻlinmalar vakolatiga tegishli masalalar boʻyicha tahliliy materiallarni Vazirlik rahbariyati uchun tayyorlash;

Vazirlik tarkibiy boʻlinmalari faoliyatini oʻrganish hamda ularga amaliy yordam koʻrsatishni tashkil etish yuzasidan takliflar ishlab chiqish.

24. Quyidagilar Vazirlik hududiy boʻlinmalari va tuman (Quvasoy shahar) boʻlimlari boshliqlarining funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

hududiy boʻlinma, tuman (Quvasoy shahar) boʻlimlari faoliyatiga umumiy rahbarlikni amalga oshirish, Oʻzbekiston Respublikasi Prezidenti va Vazirlar Mahkamasining tegishli hujjatlari, shuningdek, boshqa qonun hujjatlari va Vazirlik buyruqlari bilan yuklangan vazifa va funksiyalarning ijrosini taʼminlash;

hududiy boʻlinma, tuman (Quvasoy shahar) boʻlimlari faoliyati bilan bogʻliq prognoz koʻrsatkichlarga erishishni taʼminlash boʻyicha amaliy choralarni ishlab chiqish va amalga oshirish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlari hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq hududiy boʻlinmalarda ijro intizomini mustahkamlashning kompleks amaliy chora-tadbirlarini amalga oshirish, hududiy boʻlinmalar xodimlari tomonidan topshiriqlarning oʻz vaqtida va sifatli bajarilishida shaxsiy masʼuliyatini oshirish boʻyicha choralar koʻrish;

Vazirlik Hayʼati qarorlari, Vazir va uning oʻrinbosarlari buyruqlari va topshiriqlarining oʻz vaqtida va sifatli bajarilishini taʼminlash;

mahalliy ijro etuvchi hokimiyat organlari va hududlarni kompleks ijtimoiy-iqtisodiy rivojlantirish boʻyicha sektorlar bilan qishloq xoʻjaligi va oziq-ovqat xavfsizligi sohasiga tegishli masalalar boʻyicha hamkorlik qilish;

oʻz oʻrinbosarlarining vakolatlarini belgilash, ular oʻrtasida vazifalarni taqsimlash, hududiy boʻlinmalar, tuman (Quvasoy shahar) boʻlimlarining boshqa mansabdor shaxslarining vakolatlarini belgilash, oʻz oʻrinbosarlari va boshqa mansabdor shaxslar tomonidan Vazirlik hududiy boʻlinmalari, tuman (Quvasoy shahar) boʻlimlari faoliyatining alohida tarmoqlariga rahbarlik qilish uchun shaxsiy masʼuliyat darajasini belgilash;

hududiy boʻlinma, tuman (Quvasoy shahar) boʻlimlari faoliyatini rejalashtirishni tashkil etish, Vazirlik hududiy boʻlinmalari va oʻz oʻrinbosarlarining har choraklik ish rejalarini tasdiqlash, ular ijrosi holatini nazorat qilib borish;

hududiy boʻlinma, tuman (Quvasoy shahar) boʻlimlarida kadrlarni tanlash va joy-joyiga qoʻyishni tashkil etish, ularning samarali faoliyat yuritishlari uchun zarur sharoitlarni yaratish, hududiy boʻlinmalarning kadrlar zaxirasini shakllantirish;

Vazirlik apparati nomenklaturasiga kiradigan boʻsh lavozimlarga taklif etilgan kadrlarning, shuningdek, hududiy boʻlinmalarga ishga qabul qilinadigan boshqa kadrlarning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash;

hududiy boʻlinma, tuman (Quvasoy shahar) boʻlimlari xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish toʻgʻrisida takliflar kiritish, shu jumladan ular egallab turgan lavozimda qolishi maqsadga muvofiqligiga doir masalalarni koʻrib chiqish, ularning shaxsiy masʼuliyatini oshirish boʻyicha muntazam chora-tadbirlar koʻrish;

hududiy boʻlinma, tuman (Quvasoy shahar) boʻlimlari xodimlari tomonidan xodimning odob-axloq qoidalariga rioya etilishi taʼminlanishini nazorat qilish;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq hududiy boʻlinmalar tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish orqali ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

prognoz koʻrsatkichlar bajarilishini muntazam tahlil qilib borish va qayd etilgan koʻrsatkichlarga hududiy boʻlinmalar, tuman (Quvasoy shahar) boʻlimlari tomonidan soʻzsiz erishishni taʼminlashga yoʻnaltirilgan qoʻshimcha choralarni koʻrish yuzasidan takliflarni koʻrib chiqish uchun Vazirning mutasaddilik qiladigan oʻrinbosarlariga kiritish;

hududiy boʻlinma, tuman (Quvasoy shahar) boʻlimlari xodimlari faoliyatining samaradorligi va natijadorligini doimiy tanqidiy tahlil qilib borish, yigʻilishlarda ularning shaxsiy hisobotlarini eshitib borish, ularning yakunlari boʻyicha zarur choralar koʻrish;

hududiy boʻlinma, tuman (Quvasoy shahar) boʻlimlari faoliyati masalalari boʻyicha qonunchilikni takomillashtirishga doir, shuningdek, davlat xizmatlarini koʻrsatish samaradorligi, sifati va ulardan foydalanish darajasini oshirish boʻyicha takliflarni Vazirlik rahbariyatiga koʻrib chiqish uchun kiritish;

jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi toʻgʻrisidagi tegishli hujjatlarda belgilangan muddatlarda va tartibda jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslarning murojaatlarini oʻz vaqtida va toʻliq koʻrib chiqish;

hududiy boʻlinma xodimlari lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, ularni davlat mukofotlari va idoraviy mukofotlar bilan taqdirlash toʻgʻrisida Vazirlikka takliflar kiritish;

davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etilishini taʼminlash.

6-bob. Vazirlik rahbarlarining javobgarligi

25. Vazir:

mazkur Nizom hamda boshqa qonun hujjatlari bilan yuklatilgan vazifalarni oʻz vaqtida va sifatli bajarilishi, shuningdek vazirlik faoliyatidagi kamchiliklarni bartaraf etish yuzasidan zarur choralar koʻrish;

mamlakat va hududlar qishloq xoʻjaligini rivojlantirish boʻyicha dasturlar, strategiya va konsepsiyalarning natijadorligi, ularda nazarda tutilgan tadbirlarni sifatli va toʻlaqonli amalga oshirish;

vazirlik, uning tarkibiy va hududiy boʻlinmalarida ijro intizomiga qatʼiy rioya etish uchun shaxsan javob beradi.

26. Vazirning birinchi oʻrinbosari va oʻrinbosarlari:

sohaning tegishli tarmoqlari boʻyicha koʻrsatmalarning muddatida bajarilishi va natijadorligi;

mutasaddilik qilinadigan tarmoqlarning barqaror rivojlanishini taʼminlash boʻyicha koʻrilayotgan choralarning samaradorligi va natijadorligi uchun shaxsan javob beradi.

27. Vazirlik markaziy apparati tarkibiy boʻlinmalari rahbarlari:

tegishli tarkibiy boʻlinmalarga yuklangan vazifalar va funksiyalarning amalga oshirilishi;

ushbu Nizomning 16-bandida nazarda tutilgan Vazirlik markaziy apparatining javobgarlik sohalari boʻyicha;

ushbu Nizomning 23-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

28. Vazirlik hududiy boʻlinmalari rahbarlari:

qonun hujjatlari, vazirlik rahbarlarining topshiriqlari hamda yuklatilgan vazifa va funksiyalarning oʻz vaqtida va sifatli bajarilishi ustidan qatʼiy nazoratni amalga oshirish;

davlat va tarmoq dasturlari bilan uzviy bogʻliq holda hudud qishloq xoʻjaligini rivojlantirish boʻyicha dasturlarni belgilangan tartibda ishlab chiqilishini taʼminlash;

hudud qishloq xoʻjaligini rivojlanish tendensiyalari toʻgʻrisidagi obyektiv va haqqoniy tahliliy axborotni vazirlikka oʻz vaqtida taqdim etish;

qishloq xoʻjaligini rivojlantirish boʻyicha amalga oshirilgan hududiy dasturlarning natijadorligi;

hudud qishloq xoʻjaligini rivojlantirish boʻyicha yuklatilgan vazifalarning oʻz muddatida va sifatli amalga oshirish;

ushbu Nizomning 18-bandida nazarda tutilgan vazirlik hududiy boʻlinmalarining javobgarlik sohalari boʻyicha, oʻz funksional vazifalarining sifatli bajarilishi uchun shaxsan javob beradi.

29. Vazirlikning tuman (Quvasoy shahar) boʻlimlari rahbarlari:

qonun hujjatlari, vazirlik va hududiy boʻlinmalar rahbarlarining topshiriqlari hamda yuklatilgan vazifa va funksiyalarning oʻz vaqtida va sifatli bajarilishi ustidan qatʼiy nazoratni amalga oshirish;

tuman (Quvasoy shahar) qishloq xoʻjaligini rivojlantirish boʻyicha belgilangan vazifalarni sifatli va oʻz vaqtida bajarilishini taʼminlash;

hududiy boʻlinmalarga taqdim etiladigan tahliliy maʼlumotlarning oʻz vaqtida, sifatli va toʻlaqonli taqdim etish;

ushbu Nizomning 20-bandida nazarda tutilgan vazirlikning tuman (Quvasoy shahar) boʻlimlarining javobgarlik sohalari boʻyicha, oʻz funksional vazifalarining sifatli bajarilishi uchun shaxsan javob beradi.

7-bob. Vazirlik faoliyatini tashkil etish

1-§. Vazirlik rahbariyati

30. Vazirlikka Oʻzbekiston Respublikasi Bosh vazirining taqdimiga binoan Oʻzbekiston Respublikasi Oliy Majlisi Qonunchilik palatasi maʼqullaganidan soʻng Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan vazir rahbarlik qiladi.

31. Vazir oʻz maqomiga koʻra, Vazirlar Mahkamasi Rayosatining aʼzosi hisoblanadi.

32. Vazirning Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan olti nafar oʻrinbosari, shu jumladan birinchi oʻrinbosari boʻladi.

Vazir boʻlmagan vaqtda uning vakolatlari vazifalar taqsimotiga muvofiq uning birinchi oʻrinbosari yoki oʻrinbosarlari tomonidan amalga oshiriladi.

33. Oʻzbekiston Respublikasi qishloq xoʻjaligi vazirining iqtisod, innovatsion rivojlanish va investitsiyalar masalalari boʻyicha maslahatchisi, Oʻzbekiston Respublikasi qishloq xoʻjaligi vazirining taqdimnomasiga binoan Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimidan ozod qilinadi.

34. Vazirlik markaziy apparatning tarkibiy boʻlinmalari xodimlari vazir tomonidan lavozimga tayinlanadi va lavozimdan ozod qilinadi.

35. Qoraqalpogʻiston Respublikasi Vazirlar Kengashi Raisining qishloq va suv xoʻjaligi masalalari boʻyicha oʻrinbosari — Qoraqalpogʻiston Respublikasi qishloq xoʻjaligi vaziri Oʻzbekiston Respublikasi qishloq xoʻjaligi vazirining taqdimnomasiga binoan Qoraqalpogʻiston Respublikasi Joʻqorgʻi Kengesi tomonidan lavozimga tayinlanadi va lavozimdan ozod qilinadi.

35 1 . Viloyat hokimlarining qishloq va suv xoʻjaligi masalalari boʻyicha oʻrinbosari — viloyatlar qishloq xoʻjaligi boshqarmalari boshliqlari Oʻzbekiston Respublikasi qishloq xoʻjaligi vazirining taqdimnomasiga binoan viloyat hokimlari tomonidan lavozimga tayinlanadi va lavozimdan ozod qilinadi.

36. Viloyatlar (Toshkent shahar) qishloq xoʻjaligi boshqarmalari boshliqlari oʻrinbosarlari ochiq mustaqil tanlov asosida Oʻzbekiston Respublikasi qishloq xoʻjaligi vaziri tomonidan lavozimga tayinlanadi.

37. Tuman hokimining qishloq va suv xoʻjaligi masalalari boʻyicha oʻrinbosari — tuman (Quvasoy shahar) qishloq xoʻjaligi boʻlimi boshliqlari Qoraqalpogʻiston Respublikasi Vazirlar Kengashi Raisining va viloyatlar hokimlarining qishloq va suv xoʻjaligi masalalari boʻyicha oʻrinbosari — Qoraqalpogʻiston Respublikasi qishloq xoʻjaligi vaziri, viloyat qishloq xoʻjaligi boshqarmasi boshligʻi taqdimnomasiga binoan tuman hokimlari tomonidan lavozimga tayinlanadi va lavozimdan ozod qilinadi.

38. Vazirlikning hududiy boʻlinmalari va idoraviy mansub tashkilotlari toʻgʻrisidagi nizomlar, agar Oʻzbekiston Respublikasi Prezidenti yoki Vazirlar Mahkamasi qarorlarida boshqacha qoida nazarda tutilmagan boʻlsa, vazir tomonidan tasdiqlanadi.

2-§. Vazirlik markaziy apparati tarkibiy boʻlinmalarining hududiy boʻlinmalar, tuman (Quvasoy shahar) boʻlimlari va idoraviy mansub tashkilotlar bilan oʻzaro hamkorligi tartibi

39. Vazirlik markaziy apparati tarkibiy boʻlinmalarining uning hududiy boʻlinmalari, tuman (Quvasoy shahar) boʻlimlari va idoraviy mansub tashkilotlari bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

40. Vazirlik markaziy apparatining tarkibiy boʻlinmalari vazirlikning hududiy boʻlinmalari, tuman (Quvasoy shahar) boʻlimlari va idoraviy mansub tashkilotlari bilan oʻz faoliyati yoʻnalishlari boʻyicha oʻzaro hamkorlik qilib:

topshiriqlarni hududiy boʻlinmalarga va idoraviy mansub tashkilotlarga yetkazadi hamda ularning bajarilishini nazorat qiladi;

vazirlikning hududiy boʻlinmalariga va idoraviy mansub tashkilotlariga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

vazirlikning hududiy boʻlinmalari va idoraviy mansub tashkilotlari faoliyati amaliyotini tekshiradi va oʻrganadi, umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

vazirlikning hududiy boʻlinmalari va idoraviy mansub tashkilotlari faoliyatini tashkil etish va faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlarning oʻrganilishini tashkil etadi;

vazirlikning hududiy boʻlinmalari va idoraviy mansub tashkilotlari ish rejalarini tahlil qiladi, ularning faoliyatini rejalashtirishni takomillashtirishga doir choralar koʻradi;

vazirlikning hududiy boʻlinmalari va idoraviy mansub tashkilotlaridan tushgan takliflarni koʻrib chiqadi;

normativ-huquqiy hujjatlar loyihalarini tayyorlashda vazirlikning hududiy boʻlinmalari va idoraviy mansub tashkilotlari ishtirokini tashkil etadi, qonun hujjatlarini takomillashtirish boʻyicha ulardan tushgan takliflarni koʻrib chiqadi.

41. Vazirlikning hududiy boʻlinmalari, tuman (Quvasoy shahar) boʻlimlari va idoraviy mansub tashkilotlari vazirlik markaziy apparatining tarkibiy boʻlinmalari bilan oʻzaro hamkorlik qiladi, shu jumladan:

vazirlik rahbariyati topshiriqlari ijrosi haqida axborot beradi;

qishloq xoʻjaligi sohasida qonun hujjatlarini amalga oshirish boʻyicha faoliyat natijalari toʻgʻrisida axborot taqdim etadi;

ularning faoliyatini tekshirish va oʻrganish natijasida aniqlangan kamchiliklar va qoidabuzarliklarni bartaraf etish natijalari toʻgʻrisida axborot beradi;

oʻz faoliyati natijalari toʻgʻrisidagi hisobotlarni belgilangan tartibda va muddatlarda vazirlikning markaziy apparatiga taqdim etadi;

hududlarda qishloq xoʻjaligi va oziq-ovqat xavfsizligi sohasini rivojlantirishning dolzarb vazifalari, shu jumladan aholining dolzarb muammolarini tezkor hal etishga qaratilgan takliflarni vazirlik markaziy apparatiga taqdim etadi;

kompleks ijtimoiy-iqtisodiy rivojlantirish boʻyicha sektorlar bilan oʻzaro hamkorlik natijalari toʻgʻrisida axborot beradi;

vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida maʼlumot beradi.

42. Vazirlikning hududiy boʻlinmalari har tomonlama chuqur tahlil hamda tegishli davlat va xoʻjalik boshqaruvi organlarining hududiy boʻlinmalari tomonidan taqdim etilgan axborotlarni umumlashtirish asosida hududlar qishloq xoʻjaligini rivojlantirishning prognoz va maqsadli koʻrsatkichlariga erishish boʻyicha koʻrilayotgan choralar toʻgʻrisidagi tahliliy maʼlumot hamda yuzaga kelgan muammolarni hal etish boʻyicha asosli takliflarni har chorakda vazirlik, Qoraqalpogʻiston Respublikasi Vazirlar Kengashi va viloyatlar hokimliklariga kiritib boradi.

43. Vazirlikning tuman (Quvasoy shahar) boʻlimlari har tomonlama chuqur tahlil hamda tegishli davlat va xoʻjalik boshqaruvi organlarining tuman boʻlimlari tomonidan taqdim etilgan axborotlarni umumlashtirish asosida tuman (Quvasoy shahar) qishloq xoʻjaligini rivojlantirishning prognoz va maqsadli koʻrsatkichlariga erishish boʻyicha koʻrilayotgan choralar toʻgʻrisidagi tahliliy maʼlumot hamda yuzaga kelgan muammolarni hal etish boʻyicha asosli takliflarni har chorakda vazirlikning hududiy boʻlinmasi, tuman (Quvasoy shahar) hokimligiga kiritib boradi.

44. Vazirlikning hududiy boʻlinmalari, tuman (Quvasoy shahar) boʻlimlari Vazirlik hamda mos ravishda Qoraqalpogʻiston Respublikasi Vazirlar Kengashi, viloyatlar va tumanlar hokimliklariga hisobdordir.

3-§. Vazirlikning boshqa davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan oʻzaro hamkorligi

45. Vazirlik davlat va xoʻjalik boshqaruvi organlari, mahalliy davlat hokimiyati organlari bilan oʻzaro hamkorlik sohasida:

oʻz vakolatiga kiruvchi masalalar boʻyicha davlat organlari, xoʻjalik boshqaruvi va mahalliy davlat hokimiyati organlari, vazirlikning hududiy boʻlinmalari faoliyatini muvofiqlashtiradi;

vazirlik vakolatiga kiradigan masalalar boʻyicha belgilangan tartibda takliflar tayyorlash va taqdim etishda ishtirok etadi.

46. Vazirlikning hududiy boʻlinmalari oʻz vakolati doirasida boshqa davlat va xoʻjalik boshqaruvi organlarining hududiy organlari, mahalliy davlat hokimiyati organlari va boshqa tashkilotlar bilan oʻzaro hamkorlik qiladi.

Vazirlikning hududiy boʻlinmalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish boʻyicha sektorlar bilan oʻzaro yaqin hamkorlik qiladi.

4-§. Vazirlikning hayʼati, boshqa kengash, maslahat, ekspert organlari

47. Vazirlikda vazir (hayʼat raisi), uning birinchi oʻrinbosari va oʻrinbosarlari (lavozimi boʻyicha), shuningdek, uning faoliyati asosiy yoʻnalishlarini muvofiqlashtiruvchi tarkibiy boʻlinmalar rahbarlaridan iborat hayʼat tuziladi.

Hayʼat tarkibining soni va shaxsiy tarkibi vazirning taqdimnomasiga binoan Vazirlar Mahkamasi tomonidan tasdiqlanadi.

48. Hayʼatga quyidagi vazifalar yuklanadi:

vazirlikning mazkur Nizomda belgilangan asosiy yoʻnalishlarini ishlab chiqish va amalga oshirish;

qonun hujjatlarida, Oʻzbekiston Respublikasi Prezidenti hujjatlari va Oʻzbekiston Respublikasi Hukumati qarorlarida belgilangan vazifalar oʻz vaqtida va sifatli amalga oshirilishini tashkil etish;

vazirlik va boshqa davlat va xoʻjalik boshqaruv organlarining, mahalliy davlat hokimiyati organlarining oʻzaro hamkorligini taʼminlash;

vazirlikning nomenklaturasiga kiritilgan lavozimlarga kadrlarni tanlash, tayinlash, malakasini oshirish masalalarini koʻrib chiqish.

Hayʼat vazirlik vakolatiga kiritilgan boshqa masalalarni ham koʻrib chiqishga haqlidir.

Hayʼat majlisiga davlat va xoʻjalik boshqaruvi organlari, boshqa tashkilotlar rahbarlari, ularning vakolatiga kiradigan masalalar yuzasidan taklif etilishi mumkin.

49. Hayʼat, agar uning majlisida hayʼat tarkibining yarmidan koʻpi qatnashgan taqdirda vakolatli hisoblanadi. Koʻrib chiqilayotgan masalalar yuzasidan qarorlar oddiy koʻpchilik ovoz bilan qabul qilinadi.

50. Hayʼat qarorlari vazirning buyruqlari bilan amalga oshiriladi.

51. Vazir va hayʼat aʼzolari oʻrtasida kelishmovchiliklar yuzaga kelgan taqdirda, vazir yuzaga kelgan kelishmovchiliklar haqida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham Oʻzbekiston Respublikasi Vazirlar Mahkamasiga oʻz fikrini bildirishi mumkin.

52. Hayʼat faoliyati tartibi uning hayʼat tomonidan tasdiqlanadigan reglamenti bilan belgilanadi.

53. Vazirlikda kengash, maslahat va ekspert organlari tuzilishi mumkin.

54. Vazirlik huzurida tuziladigan kengash, maslahat va ekspert organlari tarkibi va ular toʻgʻrisidagi nizomlar vazir tomonidan tasdiqlanadi, ularning tarkibi va nizomlari Oʻzbekiston Respublikasi Prezidenti hujjatlari va Vazirlar Mahkamasi qarorlari bilan tasdiqlanadigan hollar bundan mustasno.

55. Vazirlik huzurida vazirning birinchi oʻrinbosari (Kengash raisi), vazirlikning tarkibiy boʻlinmalari rahbarlari va mutaxassislari, shuningdek, tadbirkorlik subyektlaridan iborat tarkibda, faoliyatining asosiy yoʻnalishlarini muvofiqlashtiruvchi jamoatchilik kengashi tashkil etiladi.

56. Jamoatchilik kengashining shaxsiy tarkibi va Jamoatchilik kengashi toʻgʻrisidagi nizom vazir tomonidan tasdiqlanadi.

Jamoatchilik kengashi yigʻilishida qabul qilingan qaror asosida Kengash raisiga oʻz shaxsiy tarkibiga oʻzgartirish va qoʻshimchalar kiritish huquqi beriladi.

57. Jamoatchilik kengashining asosiy vazifalari quyidagilardan iborat:

qabul qilinayotgan normativ-huquqiy hujjatlarda, qarorlarda, shuningdek, davlat, tarmoq va hududiy rivojlantirish dasturlarida jamoatchilik manfaatlari va jamoatchilik fikri hisobga olinishi, jismoniy va yuridik shaxslarning huquqlari va qonuniy manfaatlarini, jamiyat manfaatlarini himoya qilish sohasida qonun hujjatlari talablari ijrosini taʼminlash, vazirlik zimmasiga yuklangan hamda ijtimoiy va jamoatchilik manfaatlariga daxl qiluvchi vazifalar va funksiyalarni bajarish, davlat xizmatlarini koʻrsatish, ijtimoiy sheriklik doirasida amalga oshiriladigan bitimlar, shartnomalar, loyihalar va dasturlarni roʻyobga chiqarish boʻyicha davlat organi va uning mansabdor shaxslarining faoliyati ustidan jamoatchilik nazoratini amalga oshirish;

birgalikda muloqot qilish, vazirlikning nodavlat notijorat tashkilotlari, ommaviy axborot vositalari va fuqarolik jamiyatining boshqa institutlari bilan samarali hamkorligini taʼminlash uchun vazirlikni fuqarolar bilan bogʻlab turadigan “koʻprik” rolini bajarish;

fuqarolarning huquqlari, erkinliklari va qonuniy manfaatlariga daxl qiluvchi eng muhim masalalar yuzasidan vazirlikning faoliyati haqidagi jamoatchilik fikrini tizimli monitoring qilish va har tomonlama tahlil qilish, sotsiologik soʻrovlar oʻtkazish, jumladan ularni axborot-kommunikatsiya texnologiyalaridan foydalangan holda oʻtkazish;

vazirlik faoliyatida korrupsiyaga qarshi kurashish sohasidagi davlat dasturlari va boshqa dasturlarni ishlab chiqish hamda amalga oshirishda ishtirok etish, korrupsiyaga qarshi kurashish boʻyicha olib borilgan ishlar ustidan monitoring va tahlil oʻtkazish, shuningdek, ularning natijalari boʻyicha takliflar tayyorlash;

vazirlik faoliyatining ochiqligini taʼminlash boʻyicha amalga oshirilayotgan tadbirlarni monitoring qilish, uning faoliyati toʻgʻrisida batafsil axborot olish imkoniyatlarini tahlil qilish, ularni yanada kengaytirish boʻyicha takliflar ishlab chiqish;

vazirlik faoliyatini isloh qilishda fuqarolar ishtirok etishi uchun yaratilgan shart-sharoitlarni oʻrganish va ularni yaxshilash boʻyicha takliflar ishlab chiqish;

vazirlik faoliyati boʻyicha fuqarolar oʻrtasida oʻtkaziladigan tushuntirish ishlari va maʼnaviy-maʼrifiy tadbirlarda ishtirok etish, ularning samaradorligini oshirish yuzasidan takliflar ishlab chiqish;

vazirlik xodimlari va ular oilalarining uy-joy, ijtimoiy-maishiy, xizmat shart-sharoitlarini, ularga malakali tibbiy yordam koʻrsatish sharoitlarini, shuningdek, ishdan boʻshatilgan yoki zaxiraga olingan xodimlarni ijtimoiy va kasbiy moslashtirish boʻyicha muammolarni kompleks tahlil qilish hamda tahlil yakunlari boʻyicha mazkur sharoitlarni yaxshilash yuzasidan takliflar kiritish.

8-bob. Vazirlik faoliyatining samaradorligi va natijadorligini baholash mezonlari va ish indikatorlari

58. Faoliyat samaradorligini baholash quyidagi tartibda:

vazir, uning birinchi oʻrinbosari, oʻrinbosarlari, vazirlik hududiy boʻlinmalari rahbarlari faoliyatining samaradorligi va natijadorligini baholash, Oʻzbekiston Respublikasi Vazirlar Mahkamasi tomonidan belgilangan tartibda tasdiqlanadigan baholash mezonlari va indikatorlari asosida;

vazirlikning boshqarma va boʻlim boshliqlari, shuningdek, vazirlik markaziy apparati va hududiy boʻlinmalar xodimlarining faoliyati samaradorligi va natijadorligini baholash vazir tomonidan belgilangan tartibda tasdiqlanadigan baholash mezonlari va indikatorlari asosida amalga oshiriladi.

59. Vazirlik faoliyati samaradorligi va natijadorligini baholash yakunlari boʻyicha:

vazirlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

9-bob. Vazirlikni moliyalashtirish va moddiy-texnik taʼminlash, uning xodimlarini moddiy ragʻbatlantirish

60. Vazirlik faoliyatini moliyalashtirish va uning xodimlariga moddiy ragʻbatlantirish qonun hujjatlariga muvofiq amalga oshiriladi.

61. Vazirlik xodimlarining ish haqi qonun hujjatlarida nazarda tutilgan oylik maoshi, mukofot, moddiy yordam, ustama va ragʻbatlantirish toʻlovlaridan iborat.

Vazirlik xodimlari lavozim maoshlariga har oyda qoʻshiladigan ragʻbatlantirish xususiyatiga ega boʻlgan qoʻshimcha haqlar va ustamalar Vazirlar Mahkamasining 2018-yil 28-iyundagi 487-son qarori bilan tasdiqlangan Oʻzbekiston Respublikasi Qishloq xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish tartibi toʻgʻrisida nizomga muvofiq toʻlanadi.

62. Oʻzbekiston Respublikasi Davlat budjeti mablagʻlari, vazirlik huzuridagi Qishloq xoʻjaligini rivojlantirish va oziq-ovqat taʼminoti jamgʻarmasi va vazirlikning budjetdan tashqari mablagʻlari, shu jumladan vaqtincha boʻsh turgan budjetdan tashqari mablagʻlarni tijorat banklari depozitlariga joylashtirishdan, xizmatlar koʻrsatishdan olinadigan daromadlar, shuningdek, qonun hujjatlarida taqiqlanmagan boshqa manbalar Vazirlik markaziy apparati, Qoraqalpogʻiston Respublikasi Qishloq xoʻjaligi vazirligi, viloyatlar qishloq xoʻjaligi boshqarmalari va tumanlar (Quvasoy shahar) qishloq xoʻjaligi boʻlimlari faoliyatini moliyalashtirish, xodimlarni moddiy ragʻbatlantirish (ish haqi, mukofot pullari, ustamalar va boshqa pul mukofotlari toʻlash) manbalari hisoblanadi.

10-bob. Vazirlikning Oʻzbekiston Respublikasi Oliy Majlisi, Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi hamda Vazirlar Mahkamasi oldida hisobdorligi

63. Oʻzbekiston Respublikasi Oliy Majlisining palatalari zarur boʻlgan hollarda oʻzlarining majlislarida Oʻzbekiston Respublikasi qishloq xoʻjaligi vazirining oʻz faoliyatiga doir masalalar yuzasidan axborotini eshitishi mumkin.

64. Vazirlik Oʻzbekiston Respublikasi Prezidenti Administratsiyasi va Vazirlar Mahkamasi bilan oʻzaro hamkorlik qilish doirasida:

yuklatilgan vazifa va funksiyalarni bajarish bilan bogʻliq normativ-huquqiy hujjatlar va boshqa hujjatlar loyihalarini belgilangan tartibda kiritadi;

Oʻzbekiston Respublikasi Prezidenti Administratsiyasi va Vazirlar Mahkamasiga taqdim etish uchun davlat va xoʻjalik boshqaruvi organlari bilan birgalikda qishloq xoʻjaligi sohasidagi muammolarni hal etish, davlat boshqaruvi tizimini maqbullashtirish, agrar sohani yanada rivojlantirishga qaratilgan taklif, tavsiya va tahliliy maʼlumotlar tayyorlanishini taʼminlaydi;

qishloq xoʻjaligi sohasida investitsiya loyihalarini tayyorlash, amalga oshirish va samaradorligini baholash boʻyicha chora-tadbirlar ishlab chiqadi va amalga oshiradi, qishloq xoʻjaligini rivojlantirishning ustuvor yoʻnalishlaridan kelib chiqib, investitsion jarayon samaradorligini oshirish boʻyicha aniq takliflarni Oʻzbekiston Respublikasi Vazirlar Mahkamasiga taqdim etadi;

qishloq xoʻjaligi sohasini rivojlantirishning eng muhim yoʻnalishlari va vazifalarini amalga oshirishda mavjud tizimli muammo va kamchiliklarni muntazam ravishda koʻrib chiqilishini tashkil qiladi;

belgilangan tartibda boshqa funksiyalarni ham amalga oshiradi.

65. Vazirlik har tomonlama chuqur tahlil, hududiy boʻlinmalar hamda tegishli davlat va xoʻjalik boshqaruvi organlari tomonidan taqdim etilgan axborotlarni umumlashtirish asosida mamlakat qishloq xoʻjaligini rivojlantirish yakunlari toʻgʻrisidagi har chorakda Oʻzbekiston Respublikasi Prezidenti Administratsiyasi va Vazirlar Mahkamasiga hisobot taqdim etib boradi.

66. Vazirlik har chorak yakuni boʻyicha tegishli hisobot davri uchun mamlakat qishloq xoʻjaligi rivojlantirish natijalari toʻgʻrisidagi press-relizni oʻz veb-saytida yoritilib borilishini taʼminlaydi.

11-bob. Yakunlovchi qoida

67. Vazirlikni qayta tashkil etish va tugatish qonun hujjatlarida belgilangan tartibda amalga oshiriladi.

Vazirlar Mahkamasining 2019-yil 9-iyuldagi 571-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan

1. Vazirlar Mahkamasining “Oʻzbekiston Respublikasi Qishloq xoʻjaligi vazirligining faoliyatini tashkil etishni takomillashtirish toʻgʻrisida” 2018-yil 28-iyundagi 487-son qarori 1-bandining ikkinchi xatboshisi va 1-ilova oʻz kuchini yoʻqotgan deb hisoblansin.

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” (Oʻzbekiston Respublikasi Prezidentining “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 17-apreldagi PF-5418-son Farmoni, Oʻzbekiston Respublikasi Prezidentining “Oʻzbekiston Respublikasi Qishloq xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3671-son qarori, “Oʻzbekiston Respublikasi Suv xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3672-son qarori)” 2018-yil 10-dekabrdagi 995-son qaroriga 1-ilova 137-bandining “b” kichik bandi oʻz kuchini yoʻqotgan deb hisoblansin.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari toʻgʻrisida” 2018-yil 28-avgustdagi PF-5527-son Farmoni)” 2019-yil 23-fevraldagi 161-son qaroriga 1-ilovaning 40-bandi oʻz kuchini yoʻqotgan deb hisoblansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 9-iyul,

571-son

(Qonun hujjatlari maʼlumotlari milliy bazasi, 10.07.2019-y., 09/19/571/3401-son, 13.12.2019-y., 09/19/988/4142-son; 17.04.2020-y., 09/20/234/0453-son; 15.05.2020-y., 09/20/284/0588-son, 13.08.2020-y., 09/20/479/1167-son, 07.09.2020-y., 09/20/4819/1263-son, 01.12.2020-y., 09/20/753/1572-son; 27.03.2021-y., 09/21/158/0241-son; Qonunchilik maʼlumotlari milliy bazasi, 05.05.2021-y., 09/21/274/0414-son, 28.08.2021-y., 09/21/545/0832-son, 30.11.2021-y., 09/21/721/1110-son, 22.12.2021-y., 09/21/766/1182-son, 27.12.2021-y., 09/21/774/1198-son, 29.12.2021-y., 09/21/786/1216-son; 26.03.2022-y., 09/22/135/0242-son; 06.05.2022-y., 09/22/238/0391-son; 04.08.2023-y., 09/23/330/0559-son; 22.04.2024-y., 09/24/224/0293-son; 24.07.2024-y., 09/24/439/0543-son; 03.12.2024-y., 07/24/413/0992-son; 15.02.2025-y., 09/25/67/0145-son; 02.04.2025-y., 09/25/197/0299-son; 12.04.2025-y., 09/25/221/0335-son; 23.04.2025-y., 09/25/255/0376-son; 28.07.2025-y., 09/25/466/0655-son)

lex.uz