📅 2019-yil 11-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 11 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 июля 2019 г. · Постановления Президента
Официальный текст. Официальный документ. Редакционные примечания не включены.
📅 11 July 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТУЗИЛМАСИ
«Oʻzbekiston tarixi» телеканалини ташкил этиш чора-тадбирлари тўғрисида
Ватанимизнинг қадимий ва бой тарихини чуқур ўрганиш, ушбу йўналишдаги илмий-тадқиқот ишларини фаоллаштириш, ёш авлодни миллий қадриятлар ва аждодларимизнинг бебаҳо мероси асосида тарбиялаш, жамиятда ватанпарварлик ва ўз халқи билан ғурурланиш туйғусини шакллантириш асосида миллий ўзликни англаш ҳиссини мустаҳкамлаш ва ватандошларимиз дунёқарашини кенгайтириш мақсадида:
1. Ўзбекистон Миллий телерадиокомпанияси (кейинги ўринларда — Ўзбекистон МТРК), Ўзбекистон Республикаси Маданият вазирлиги, Молия вазирлиги, Фанлар академияси, Республика «Маънавият ва маърифат» маркази, Ўзбекистон Ёзувчилар уюшмаси, Ўзбекистон журналистлари ижодий уюшмасининг 2019 йил 1 сентябрдан «Oʻzbekiston tarixi» телеканалини ташкил этиш тўғрисида республиканинг кенг жамоатчилиги томонидан қўллаб-қувватланган таклифи маъқуллансин.
2. Қуйидагилар «Oʻzbekiston tarixi» телеканали фаолиятининг асосий вазифалари ва йўналишлари деб ҳисоблансин:
минг йиллар қаърига илдиз отган Ўзбекистоннинг кўҳна ва бой тарихи, халқимизнинг жаҳон цивилизацияси ривожига қўшган ғоят катта илмий, маданий ва маънавий ҳиссаси ҳақида мамлакатимиз аҳолисини, шунингдек, чет эл жамоатчилигини кенг кўламда хабардор қилиш;
ҳар бир воқеанинг мазмун-моҳиятини изчил ва тизимли очиб бериш орқали буюк тарихимизнинг барча даврларини чуқур илмий тадқиқотларнинг холисона натижалари асосида кўрсатиб берувчи ахборот-таҳлилий ва мавзули телекўрсатувлар, ток-шоу, «давра суҳбатлари»ни юқори профессионал ва ғоявий-бадиий савияда тайёрлашни ташкиллаштириш;
буюк ватандошларимиз — олимлар, мутафаккирлар ва азиз-авлиёлар, шоир ва ёзувчилар, саркардалар, давлат арбобларининг бебаҳо меросини кенг кўламда ўрганиш ва оммалаштириш мақсадида уларнинг ҳаёт йўли ва қаҳрамонлиги тўғрисида, шунингдек, дунё аҳамиятига эга бўлган Ўзбекистон энг янги тарихининг ғоят ёрқин ва унутилмас саҳифалари ҳақида ҳикоя қилувчи илмий-оммабоп дастурлар ва ҳужжатли фильмлар туркумларини яратиш;
доимий ишлаб турувчи телевизион студия — «мунозара майдончаси» фаолиятини таъминлаш, Ўзбекистон тарихи бўйича илмий тадқиқотлар натижаларини, маданий ва кўҳна ёдгорликларни сақлаш билан боғлиқ муаммоларни, шунингдек, халқимиз тарихига тааллуқли ва умуммиллий аҳамиятга эга бўлган бошқа ғоят муҳим масалаларни очиқ муҳокама қилиш учун олимлар, тарихчилар, тадқиқотчилар, ўқувчи ёшлар ҳамда кенг жамоатчилик вакилларини таклиф қилиш;
чет элларга ижодий сафарлар давомида халқимизнинг моддий ва номоддий мероси, Ўзбекистон тарихи билан боғлиқ бўлган нодир қўлёзмалар, китобларни излаш, амалий санъат буюмлари ҳамда музейлар коллекцияларида, хорижий давлатларнинг илмий марказларида, шунингдек, жаҳон тарихий меросини ўрганаётган жамғармаларда сақланаётган қимматли топилмаларни ўрганиш натижалари бўйича махсус телекўрсатувлар тайёрлаш;
хорижий телеканаллар, илмий-тадқиқот марказлари ва жамғармалар томонидан тайёрланган, жаҳон тарихининг аҳамиятли лавҳаларини акс эттирувчи, шунингдек, Ўзбекистон ҳудудида минг йиллар давомида содир бўлган тарихий жараёнлар билан боғлиқ бўлган воқеалар ва шахслар тўғрисида ҳикоя қилувчи кўрсатувларни сотиб олиш, ўзбек тилига таржима қилишни ташкиллаштириш ва миллий телерадиоканаллар эфирларида жойлаштиришга кўмаклашиш;
Ўзбекистон тарихи ва жаҳон тарихида ёрқин из қолдирган воқеалар ва шахсларга бағишланган маҳаллий ва хорижий бадиий фильмларни мунтазам намойиш қилиш, шунингдек, ушбу мавзу бўйича мамлакатимиз кино санъати усталари билан бадиий фильмлар ва телесериаллар яратишда иштирок этиш.
3. Ўзбекистон МТРК таркибига кирувчи ташкилотлар ходимлари сонини оптималлаштириш ҳисобига шакллантириладиган, ходимларининг чекланган умумий сони 116 нафардан иборат бўлган, «Oʻzbekiston» телерадиоканали» давлат унитар корхонаси қошидаги «Oʻzbekiston tarixi» телеканалининг тузилмаси иловага мувофиқ тасдиқлансин.
4. Белгилансинки, «Oʻzbekiston tarixi» телеканали:
Ўзбекистон МТРКнинг «Oʻzbekiston» телерадиоканали» давлат унитар корхонаси қошидаги «UzНD» телеканали негизида юридик шахс ташкил этмасдан НD форматида ташкил этилади;
республиканинг бутун ҳудуди бўйлаб тарқатиладиган рақамли кўрсатувнинг ҳаммабоп ижтимоий пакети таркибига киритилади;
эфирни сифатли ҳужжатли ва бадиий фильмлар билан, шу жумладан тайёр телемаҳсулотга буюртма бериш шартлари асосида тўлдириш мақсадида Ўзбекистон Республикаси Фанлар академияси ҳузуридаги Ўзбекистоннинг энг янги тарихи бўйича жамоатчилик кенгаши, оммавий ахборот воситалари, нодавлат нотижорат ташкилотлари ва фуқаролик жамиятининг бошқа институтлари, «Ўзбеккино» Миллий агентлиги, шунингдек, бошқа кино- ва видео суратга олиш студиялари билан мустаҳкам ҳамкорлик қилади.
5. Ўзбекистон Республикаси Фанлар академияси доимий асосда «Oʻzbekiston tarixi» телеканалига эфирга узатиш учун материаллар тайёрлашда, жумладан уларнинг ишончлилиги ҳамда тарихий воқеа ва фактларга мос келиши нуқтаи назаридан кўриб чиқилишида амалий ёрдам кўрсатсин, шунингдек, олиб борилган илмий тадқиқотлар натижаларини телеканал орқали ёритиш учун тақдим этиб борсин.
6. «Ўзбеккино» Миллий агентлиги ва Ўзбекистон МТРК икки ой муддатда Ўзбекистон Республикасининг Давлат бюджетидан ажратиладиган маблағлар ҳисобига «Ўзбеккино» Миллий агентлиги томонидан тасвирга олинадиган тарихий шахслар тўғрисида, миллий қадриятлар, анъаналар, Ўзбекистоннинг қарор топиши ва давлат сифатида ривожланишининг тарихий босқичларини акс эттирувчи бадиий, бадиий-публицистик, ҳужжатли фильмлар, сериалларни ҳамда анимацион фильмларни ҳамкорликда ишлаб чиқариш форматларини тасдиқласин.
7. Ўзбекистон МТРК бир ой муддатда:
«Oʻzbekiston tarixi» телеканалининг штатлар жадвали ва харажатлар сметасини ишлаб чиқиш ҳамда белгиланган тартибда тасдиқлашни;
«Oʻzbekiston tarixi» телеканали ҳар томонлама тайёрланган, шу жумладан Ватанимиз ҳамда жаҳон цивилизациясининг қадимий ва бой тарихини юқори профессионал даражада биладиган малакали мутахассислар билан тўлдирилишини таъминласин.
8. «Oʻzbekiston tarixi» телеканали Тошкент шаҳар, Олмазор кўчаси, 2-уй манзили бўйича Ўзбекистон МТРК биносида жойлаштирилсин ва доимий ишлайдиган «мунозара майдончаси»ни ташкил этиш учун студиялардан бири телеканалга бириктириб қўйилсин.
9. Ўзбекистон Республикаси Молия вазирлиги:
2019 йилда янги ташкил этилаётган «Oʻzbekiston tarixi» телеканали таъминотига, шу жумладан жаҳондаги ва маҳаллий ишлаб чиқарувчиларнинг маҳсулотларини намойиш этишнинг лицензия ҳуқуқларини сотиб олишга, шунингдек, республика ҳудуди бўйлаб теледастурларни тарқатиш учун Ўзбекистон Республикаси Ахборот технологиялари ва коммуникацияларини ривожлантириш вазирлиги ташкилотларига ҳақ тўлашни киритган ҳолда, Ўзбекистон Республикаси Давлат бюджетининг жорий йилги параметрлари доирасида маблағ излаб топсин ва Ўзбекистон МТРКга ажратсин, 2020 йилдан бошлаб ҳар йилги Ўзбекистон Республикасининг Давлат бюджети параметрларида зарур молиялаштиришни назарда тутсин;
Ўзбекистон МТРКнинг асослантирилган ҳисоб-китоблари бўйича «Oʻzbekiston tarixi» телеканали студияларини жиҳозлаш ва декорациялар тайёрлаш учун зарур бўлган 1,5 миллиард сўмгача миқдордаги маблағни Ўзбекистон Республикаси Вазирлар Маҳкамасининг захира жамғармасидан ажратиб берилишини таъминласин.
10. Ўзбекистон МТРК раисига:
сифатли контентни шакллантириш бўйича ишларни ташкил этиш ва самарали ижодий жараённи йўлга қўйиш мақсадида «Oʻzbekiston tarixi» телеканалининг Эксперт (маслаҳат) кенгашини шакллантириш ва унинг таркибини тасдиқлаш;
юқори малакали хорижий мутахассисларни шартнома асосида жалб этиш ва ишга қабул қилиш ҳамда ажратилган бюджет маблағлари доирасида уларга иш ҳақини миллий валютада ёки хориждаги ҳисобварақларига ўтказган ҳолда чет эл валютасида тўлаш ҳуқуқи берилсин.
11. Ўзбекистон МТРК:
Ўзбекистон Республикаси Молия вазирлиги билан биргаликда бир ой муддатда янги ташкил этилаётган «Oʻzbekiston tarixi» телеканалини замонавий телевизион ускуналар комплекси билан жиҳозлаш;
икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти маслаҳатчисининг ўринбосари Ф.Ш. Махмудов зиммасига юклансин.
Ўзбекистон Республикаси Президентининг 2019 йил 11 июлдаги ПҚ-4390-сон қарорига ИЛОВА
«Oʻzbekiston» телерадиоканали» давлат унитар корхонаси қошидаги «Oʻzbekiston tarixi» телеканалининг
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 11 июль,
ПҚ-4390-сон
Oʻzbekiston Respublikasi Prezidentining
qarori
TUZILMASI
“Oʻzbekiston tarixi” telekanalini tashkil etish chora-tadbirlari toʻgʻrisida
Vatanimizning qadimiy va boy tarixini chuqur oʻrganish, ushbu yoʻnalishdagi ilmiy-tadqiqot ishlarini faollashtirish, yosh avlodni milliy qadriyatlar va ajdodlarimizning bebaho merosi asosida tarbiyalash, jamiyatda vatanparvarlik va oʻz xalqi bilan gʻururlanish tuygʻusini shakllantirish asosida milliy oʻzlikni anglash hissini mustahkamlash va vatandoshlarimiz dunyoqarashini kengaytirish maqsadida:
1. Oʻzbekiston Milliy teleradiokompaniyasi (keyingi oʻrinlarda — Oʻzbekiston MTRK), Oʻzbekiston Respublikasi Madaniyat vazirligi, Moliya vazirligi, Fanlar akademiyasi, Respublika “Maʼnaviyat va maʼrifat” markazi, Oʻzbekiston Yozuvchilar uyushmasi, Oʻzbekiston jurnalistlari ijodiy uyushmasining 2019-yil 1-sentabrdan “Oʻzbekiston tarixi” telekanalini tashkil etish toʻgʻrisida respublikaning keng jamoatchiligi tomonidan qoʻllab-quvvatlangan taklifi maʼqullansin.
2. Quyidagilar “Oʻzbekiston tarixi” telekanali faoliyatining asosiy vazifalari va yoʻnalishlari deb hisoblansin:
ming yillar qaʼriga ildiz otgan Oʻzbekistonning koʻhna va boy tarixi, xalqimizning jahon sivilizatsiyasi rivojiga qoʻshgan gʻoyat katta ilmiy, madaniy va maʼnaviy hissasi haqida mamlakatimiz aholisini, shuningdek, chet el jamoatchiligini keng koʻlamda xabardor qilish;
har bir voqeaning mazmun-mohiyatini izchil va tizimli ochib berish orqali buyuk tariximizning barcha davrlarini chuqur ilmiy tadqiqotlarning xolisona natijalari asosida koʻrsatib beruvchi axborot-tahliliy va mavzuli telekoʻrsatuvlar, tok-shou, “davra suhbatlari”ni yuqori professional va gʻoyaviy-badiiy saviyada tayyorlashni tashkillashtirish;
buyuk vatandoshlarimiz — olimlar, mutafakkirlar va aziz-avliyolar, shoir va yozuvchilar, sarkardalar, davlat arboblarining bebaho merosini keng koʻlamda oʻrganish va ommalashtirish maqsadida ularning hayot yoʻli va qahramonligi toʻgʻrisida, shuningdek, dunyo ahamiyatiga ega boʻlgan Oʻzbekiston eng yangi tarixining gʻoyat yorqin va unutilmas sahifalari haqida hikoya qiluvchi ilmiy-ommabop dasturlar va hujjatli filmlar turkumlarini yaratish;
doimiy ishlab turuvchi televizion studiya — “munozara maydonchasi” faoliyatini taʼminlash, Oʻzbekiston tarixi boʻyicha ilmiy tadqiqotlar natijalarini, madaniy va koʻhna yodgorliklarni saqlash bilan bogʻliq muammolarni, shuningdek, xalqimiz tarixiga taalluqli va umummilliy ahamiyatga ega boʻlgan boshqa gʻoyat muhim masalalarni ochiq muhokama qilish uchun olimlar, tarixchilar, tadqiqotchilar, oʻquvchi yoshlar hamda keng jamoatchilik vakillarini taklif qilish;
chet ellarga ijodiy safarlar davomida xalqimizning moddiy va nomoddiy merosi, Oʻzbekiston tarixi bilan bogʻliq boʻlgan nodir qoʻlyozmalar, kitoblarni izlash, amaliy sanʼat buyumlari hamda muzeylar kolleksiyalarida, xorijiy davlatlarning ilmiy markazlarida, shuningdek, jahon tarixiy merosini oʻrganayotgan jamgʻarmalarda saqlanayotgan qimmatli topilmalarni oʻrganish natijalari boʻyicha maxsus telekoʻrsatuvlar tayyorlash;
xorijiy telekanallar, ilmiy-tadqiqot markazlari va jamgʻarmalar tomonidan tayyorlangan, jahon tarixining ahamiyatli lavhalarini aks ettiruvchi, shuningdek, Oʻzbekiston hududida ming yillar davomida sodir boʻlgan tarixiy jarayonlar bilan bogʻliq boʻlgan voqealar va shaxslar toʻgʻrisida hikoya qiluvchi koʻrsatuvlarni sotib olish, oʻzbek tiliga tarjima qilishni tashkillashtirish va milliy teleradiokanallar efirlarida joylashtirishga koʻmaklashish;
Oʻzbekiston tarixi va jahon tarixida yorqin iz qoldirgan voqealar va shaxslarga bagʻishlangan mahalliy va xorijiy badiiy filmlarni muntazam namoyish qilish, shuningdek, ushbu mavzu boʻyicha mamlakatimiz kino sanʼati ustalari bilan badiiy filmlar va teleseriallar yaratishda ishtirok etish.
3. Oʻzbekiston MTRK tarkibiga kiruvchi tashkilotlar xodimlari sonini optimallashtirish hisobiga shakllantiriladigan, xodimlarining cheklangan umumiy soni 116 nafardan iborat boʻlgan, “Oʻzbekiston” teleradiokanali” davlat unitar korxonasi qoshidagi “Oʻzbekiston tarixi” telekanalining tuzilmasi ilovaga muvofiq tasdiqlansin.
4. Belgilansinki, “Oʻzbekiston tarixi” telekanali:
Oʻzbekiston MTRKning “Oʻzbekiston” teleradiokanali” davlat unitar korxonasi qoshidagi “UzND” telekanali negizida yuridik shaxs tashkil etmasdan ND formatida tashkil etiladi;
respublikaning butun hududi boʻylab tarqatiladigan raqamli koʻrsatuvning hammabop ijtimoiy paketi tarkibiga kiritiladi;
efirni sifatli hujjatli va badiiy filmlar bilan, shu jumladan tayyor telemahsulotga buyurtma berish shartlari asosida toʻldirish maqsadida Oʻzbekiston Respublikasi Fanlar akademiyasi huzuridagi Oʻzbekistonning eng yangi tarixi boʻyicha jamoatchilik kengashi, ommaviy axborot vositalari, nodavlat notijorat tashkilotlari va fuqarolik jamiyatining boshqa institutlari, “Oʻzbekkino” Milliy agentligi, shuningdek, boshqa kino- va video suratga olish studiyalari bilan mustahkam hamkorlik qiladi.
5. Oʻzbekiston Respublikasi Fanlar akademiyasi doimiy asosda “Oʻzbekiston tarixi” telekanaliga efirga uzatish uchun materiallar tayyorlashda, jumladan ularning ishonchliligi hamda tarixiy voqea va faktlarga mos kelishi nuqtai nazaridan koʻrib chiqilishida amaliy yordam koʻrsatsin, shuningdek, olib borilgan ilmiy tadqiqotlar natijalarini telekanal orqali yoritish uchun taqdim etib borsin.
6. “Oʻzbekkino” Milliy agentligi va Oʻzbekiston MTRK ikki oy muddatda Oʻzbekiston Respublikasining Davlat budjetidan ajratiladigan mablagʻlar hisobiga “Oʻzbekkino” Milliy agentligi tomonidan tasvirga olinadigan tarixiy shaxslar toʻgʻrisida, milliy qadriyatlar, anʼanalar, Oʻzbekistonning qaror topishi va davlat sifatida rivojlanishining tarixiy bosqichlarini aks ettiruvchi badiiy, badiiy-publitsistik, hujjatli filmlar, seriallarni hamda animatsion filmlarni hamkorlikda ishlab chiqarish formatlarini tasdiqlasin.
7. Oʻzbekiston MTRK bir oy muddatda:
“Oʻzbekiston tarixi” telekanalining shtatlar jadvali va xarajatlar smetasini ishlab chiqish hamda belgilangan tartibda tasdiqlashni;
“Oʻzbekiston tarixi” telekanali har tomonlama tayyorlangan, shu jumladan Vatanimiz hamda jahon sivilizatsiyasining qadimiy va boy tarixini yuqori professional darajada biladigan malakali mutaxassislar bilan toʻldirilishini taʼminlasin.
8. “Oʻzbekiston tarixi” telekanali Toshkent shahar, Olmazor koʻchasi, 2-uy manzili boʻyicha Oʻzbekiston MTRK binosida joylashtirilsin va doimiy ishlaydigan “munozara maydonchasi”ni tashkil etish uchun studiyalardan biri telekanalga biriktirib qoʻyilsin.
9. Oʻzbekiston Respublikasi Moliya vazirligi:
2019-yilda yangi tashkil etilayotgan “Oʻzbekiston tarixi” telekanali taʼminotiga, shu jumladan jahondagi va mahalliy ishlab chiqaruvchilarning mahsulotlarini namoyish etishning litsenziya huquqlarini sotib olishga, shuningdek, respublika hududi boʻylab teledasturlarni tarqatish uchun Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tashkilotlariga haq toʻlashni kiritgan holda, Oʻzbekiston Respublikasi Davlat budjetining joriy yilgi parametrlari doirasida mablagʻ izlab topsin va Oʻzbekiston MTRKga ajratsin, 2020-yildan boshlab har yilgi Oʻzbekiston Respublikasining Davlat budjeti parametrlarida zarur moliyalashtirishni nazarda tutsin;
Oʻzbekiston MTRKning asoslantirilgan hisob-kitoblari boʻyicha “Oʻzbekiston tarixi” telekanali studiyalarini jihozlash va dekoratsiyalar tayyorlash uchun zarur boʻlgan 1,5 milliard soʻmgacha miqdordagi mablagʻni Oʻzbekiston Respublikasi Vazirlar Mahkamasining zaxira jamgʻarmasidan ajratib berilishini taʼminlasin.
10. Oʻzbekiston MTRK raisiga:
sifatli kontentni shakllantirish boʻyicha ishlarni tashkil etish va samarali ijodiy jarayonni yoʻlga qoʻyish maqsadida “Oʻzbekiston tarixi” telekanalining Ekspert (maslahat) kengashini shakllantirish va uning tarkibini tasdiqlash;
yuqori malakali xorijiy mutaxassislarni shartnoma asosida jalb etish va ishga qabul qilish hamda ajratilgan budjet mablagʻlari doirasida ularga ish haqini milliy valyutada yoki xorijdagi hisobvaraqlariga oʻtkazgan holda chet el valyutasida toʻlash huquqi berilsin.
11. Oʻzbekiston MTRK:
Oʻzbekiston Respublikasi Moliya vazirligi bilan birgalikda bir oy muddatda yangi tashkil etilayotgan “Oʻzbekiston tarixi” telekanalini zamonaviy televizion uskunalar kompleksi bilan jihozlash;
ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti maslahatchisining oʻrinbosari F.Sh. Maxmudov zimmasiga yuklansin.
Oʻzbekiston Respublikasi Prezidentining 2019-yil 11-iyuldagi PQ-4390-son qaroriga ILOVA
“Oʻzbekiston” teleradiokanali” davlat unitar korxonasi qoshidagi “Oʻzbekiston tarixi” telekanalining
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 11-iyul,
PQ-4390-son
Президента Республики Узбекистан
Постановление
СТРУКТУРА
О мерах по созданию телеканала «Oʻzbekiston tarixi»
В целях дальнейшего укрепления национального самосознания и расширения мировоззрения соотечественников путем глубокого изучения древней и богатой истории нашей Родины, активизации научно-исследовательской работы в данном направлении, воспитания молодого поколения на основе национальных ценностей и уникального духовно-нравственного наследия наших предков, утверждения в обществе атмосферы патриотизма и гордости за свой народ:
1. Одобрить поддержанное широкой общественностью предложение Национальной телерадиокомпании Узбекистана (далее — НТРК Узбекистана), Министерства культуры, Министерства финансов, Академии наук Республики Узбекистан, Республиканского центра «Маънавият ва маърифат», Союза писателей Узбекистана, Творческого союза журналистов Узбекистана о создании с 1 сентября 2019 года телеканала «Oʻzbekiston tarixi».
2. Считать основными задачами и направлениями деятельности телеканала «O`zbekiston tariхi»:
широкое информирование населения страны, а также зарубежной общественности о древней и богатой истории Узбекистана, насчитывающей многие тысячелетия, огромном научном, культурном и духовном вкладе нашего народа в развитие мировой цивилизации;
организацию подготовки на высоком профессиональном и идейно-художественном уровне информационно-аналитических и тематических телепередач, ток-шоу, «круглых столов», объективно отражающих на основе достоверных результатов глубоких научных исследований все периоды нашей великой истории, последовательно и системно раскрывая суть и значение каждого события;
создание, с целью широкого изучения и популяризации бесценного наследия наших великих предков — ученых, мыслителей и богословов, поэтов и писателей, полководцев, государственных деятелей, циклов научно-популярных программ и документальных фильмов, рассказывающих об их жизни и свержениях, а также о самых ярких и незабываемых фактах из новейшей истории Узбекистана, имеющих мировое значение;
обеспечение функционирования на основе постоянно действующей телевизионной студии — дискуссионной площадки с приглашением ученых, историков, исследователей, учащейся молодежи, представителей широкой общественности для открытого обсуждения результатов научных исследований в области истории Узбекистана, проблем сохранения культурных и исторических памятников, а также других важнейших вопросов, касающихся истории нашего народа и имеющих общенациональное значение;
подготовку специальных телепередач по результатам в ходе творческих зарубежных командировок с целью изучения материального и нематериального наследия нашего народа, поиска редких рукописей, книг, изделий прикладного искусства и других ценных находок, связанных с историей Узбекистана и хранящихся в музейных коллекциях, научных центрах зарубежных государств, а также в фондах, изучающих мировое историческое наследие;
содействие в организации приобретения, переводе на узбекский язык и выпуске в телерадиоэфир передач, подготовленных зарубежными телеканалами, научно-исследовательскими центрами, фондами, информирующих о значимых событиях мировой истории и великих личностях, имеющих отношение к историческим процессам, происходившим на территории Узбекистана на протяжении тысячелетий;
демонстрацию на регулярной основе отечественных и зарубежных художественных фильмов, посвященных событиям и личностям, оставившим яркий след в истории Узбекистана и всего мира, а также участие в создании по данной тематике кинематографистами нашей страны новых художественных и документальных фильмов, телесериалов.
3. Утвердить структуру телеканала «Oʻzbekiston tarixi» при государственном унитарном предприятии «Oʻzbekiston» телерадиоканали» с предельной общей численностью персонала 116 единиц, формируемой за счет оптимизации численности работников организаций, входящих в состав НТРК Узбекистана, согласно приложению .
4. Установить, что телеканал «Oʻzbekiston tarixi»:
создается без образования юридического лица на базе телеканала «UzНD» при государственном унитарном предприятии «Oʻzbekiston» телерадиоканали» НТРК Узбекистана в формате НD;
включается в общедоступный социальный пакет цифрового вещания, распространяемый по всей территории республики;
осуществляет тесное взаимодействие с Общественным советом по новейшей истории Узбекистана при Академии наук Республики Узбекистан, средствами массовой информации, негосударственными некоммерческими организациями и иными институтами гражданского общества, Национальным агентством «Узбеккино», а также другими кино и видеостудиями в целях наполнения эфира качественными документальными и художественными фильмами, в том числе на условиях заказа на готовую телепродукцию.
5. Академии наук Республики Узбекистан оказывать на постоянной основе телеканалу «Oʻzbekiston tarixi» содействие в подготовке выпускаемых в эфир материалов, в том числе путем рассмотрения их на предмет достоверности и соответствия историческим событиям и фактам, а также в установленном порядке предоставлять результаты проведенных научных исследований для освещения на телеканале.
6. Национальному агентству «Узбеккино» и НТРК Узбекистана в двухмесячный срок утвердить формат совместного производства художественных, художественно-публицистических, документальных фильмов и сериалов об исторических личностях, а также анимационных фильмов, отражающих национальные ценности, традиции, исторические вехи государственного становления и развития Узбекистана, которые будут сняты Национальным агентством «Узбеккино» за счет средств, выделяемых из Государственного бюджета Республики Узбекистан.
7. НТРК Узбекистана в месячный срок обеспечить:
разработку и утверждение в установленном порядке штатного расписания и сметы расходов телеканала «Oʻzbekiston tarixi»;
укомплектование телеканала «Oʻzbekiston tarixi» всесторонне подготовленными квалифицированными специалистами, в том числе обладающими глубокими познаниями, на высоком профессиональном уровне, в области истории нашей Родины и мировой цивилизации.
8. Разместить телеканал «Oʻzbekiston tarixi» в здании НТРК Узбекистана по адресу: г. Ташкент, улица Олмазор, 2 и закрепить за телеканалом одну из студий для организации постоянно действующей дискуссионной площадки.
9. Министерству финансов Республики Узбекистан:
изыскать и выделить НТРК Узбекистана в 2019 году средства на содержание создаваемого телеканала «Oʻzbekiston tarixi», в том числе на приобретение лицензионных прав на продукцию мировых и отечественных производителей, в пределах средств, предусмотренных в параметрах Государственного бюджета Республики Узбекистан на текущий год, включая выплаты организациям Министерства по развитию информационных технологий и коммуникаций Республики Узбекистан за распространение телепрограмм по территории республики, а начиная с 2020 года ежегодно предусматривать необходимое финансирование в параметрах Государственного бюджета Республики Узбекистан;
по обоснованным расчетам НТРК Узбекистана обеспечить выделение из резервного фонда Кабинета Министров Республики Узбекистан средств в размере до 1,5 миллиарда сумов, необходимых для изготовления декораций и оснащения студий телеканала «Oʻzbekiston tarixi».
10. Предоставить председателю НТРК Узбекистана право:
формировать и утверждать состав Экспертного (консультативного) совета телеканала «Oʻzbekiston tarixi» в целях организации работы по формированию качественного контента и налаживания эффективного творческого процесса;
привлекать на основе договоров и принимать на работу высококвалифицированных иностранных специалистов и осуществлять выплату им заработной платы в национальной валюте или иностранной валюте путем перевода средств на их зарубежные счета, в пределах выделенных бюджетных средств.
11. НТРК Узбекистана внести в Кабинет Министров Республики Узбекистан предложения:
совместно с Министерством финансов в месячный срок об оснащении создаваемого телеканала «Oʻzbekiston tarixi» современным комплексом телевизионного оборудования;
в двухмесячный срок об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя советника Президента Республики Узбекистан Ф.Ш. Махмудова.
ПРИЛОЖЕНИЕ к постановлению Президента Республики Узбекистан от 11 июля 2019 года № ПП-4390
телеканала «Oʻzbekiston tarixi» при государственном унитарном предприятии «Oʻzbekiston» телерадиоканали»
Президент Республики Узбекистан Ш. МИРЗИЁЕВ
г. Ташкент,
11 июля 2019 г.,
№ ПП-4390