📅 2019-yil 11-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 11 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 11 июля 2019 г. · Указы Президента
Официальный текст. Официальный документ. Редакционные примечания не включены.
📅 11 July 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Олий ва ўрта махсус таълим соҳасида бошқарувни ислоҳ қилиш чора-тадбирлари тўғрисида
Сўнгги йилларда олий ва ўрта махсус таълим тизимини модернизация қилиш, илм-фанни ривожлантириш, ўқитишнинг замонавий шакл ва технологияларини жорий этиш бўйича кенг кўламли ишлар олиб борилмоқда.
Ўтган давр мобайнида иқтисодиётнинг реал сектори ва ижтимоий соҳа эҳтиёжларидан келиб чиққан ҳолда ҳудудларда янги, шу жумладан етакчи хорижий олий таълим муассасалари ташкил этилди, замонавий ўқув босқичлари жорий этилиб, талаб юқори бўлган бакалавриат таълим йўналишлари ва магистратура мутахассисликлари бўйича кадрлар тайёрлаш йўлга қўйилди.
Шу билан бирга, мамлакатимизда жадал суръатлар билан амалга оширилаётган ижтимоий-сиёсий, ижтимоий-иқтисодий ва бошқа соҳалардаги ислоҳотлар Ватанимиз истиқболи учун масъулиятни ўз зиммасига олишга қодир бўлган, юрт равнақи йўлида муносиб ҳисса қўшувчи малакали кадрлар тайёрлашни устувор вазифалардан бири этиб белгиламоқда.
Олий ва ўрта махсус, касб-ҳунар таълими тизимини тубдан такомиллаштириш, соҳада давлат бошқаруви самарадорлигини янада ошириш, тизимдаги муассасаларнинг сифатли фаолият юритишини таъминлаш орқали юқори малакали мутахассислар тайёрлашни ташкил этиш мақсадида, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ҳамда Ўзбекистон Республикасида Маъмурий ислоҳотлар концепциясига мувофиқ:
1. Қуйидагилар олий ва ўрта махсус, касб-ҳунар таълими тизимини тубдан такомиллаштиришнинг асосий йўналишлари этиб белгилансин:
олий ва ўрта махсус, касб-ҳунар таълими соҳасида замонавий ва мустақил фикрлайдиган, юксак маънавий-ахлоқий фазилатларга эга, билимли ҳамда юқори малакали кадрлар тайёрлаш;
олий таълим муассасаларида касбий фаолият йўналишида замонавий билим ва малакага эга, ахборот-коммуникация технологиялари ҳамда чет тилларини ўзлаштирган кадрлар тайёрлаш сифатини таъминлаш;
барча олий ва ўрта махсус, касб-ҳунар таълими муассасаларини ўқув-педагогик ва илмий-услубий, шунингдек уларда мутахассислар тайёрлаш сифати, таълим мазмуни ва даражасини давлат таълим стандартлари ҳамда малака талабларига мувофиқлигини таъминлаш;
замонавий педагогик технологиялар ва ўқитиш услубларидан кенг фойдаланиш асосида ўқув режалари ва фан дастурларини такомиллаштириш, таълим жараёнини сифат жиҳатидан янги босқичга кўтариш ҳамда ўқитишнинг илғор шакллари, ахборот-коммуникация технологияларини жорий этиш;
таълимда маънавий-ахлоқий мазмунни кучайтириш, ёшларни, мустақиллик ғояларига садоқат, миллий қадриятларга ҳурмат, инсонпарварлик ва юксак маънавий ғоялар асосида ватанпарварлик руҳида тарбиялаш ишларини ташкил этиш;
олий таълим муассасаларида илмий-тадқиқот ишларини ташкил этиш, уларнинг самарадорлигини ошириш, тадқиқот натижаларини амалиётга кенг жорий этиш, илмий ишланмаларни тижоратлаштириш, олий таълим, фан ва ишлаб чиқаришнинг ўзаро мустаҳкам интеграциясини таъминлаш, илмий-тадқиқот ишларига иқтидорли ёшларни жалб қилиш ва ҳар томонлама қўллаб-қувватлаш;
зиммасига юкланган вазифаларни самарали ва юқори профессионал даражада бажаришга қодир раҳбар ва педагог кадрларни танлаш ҳамда олий ва ўрта махсус, касб-ҳунар таълими муассасаларини бундай мутахассислар билан таъминлаш, тизимли рағбатлантириш ишларини олиб бориш;
раҳбар ва педагог кадрларни тайёрлаш, қайта тайёрлаш ва малакасини оширишнинг узлуксиз тизимини ташкил этиш, такомиллаштириб бориш, уларнинг касбий маҳорати сифати ва даражасини ошириш учун шароитлар яратиш, жумладан хорижий давлатларда малака ошириш ва стажировка ўташни ташкил этиш, ўқув жараёнларига хорижлик олимлар, ўқитувчилар ва юқори малакали мутахассисларни жалб қилиш;
талабалар, ўқитувчилар ва ёш тадқиқотчиларнинг жаҳон таълим ресурслари, илмий адабиётлар электрон каталоги ва маълумотлар базасидан фойдаланиш имкониятларини кенгайтириш;
илғор халқаро тажрибалар асосида таълим тизимини такомиллаштириш, халқаро алоқаларни кенгайтириш ва мустаҳкамлаш, ҳамкорликдаги қўшма олий ва ўрта махсус, касб-ҳунар таълими дастурларини амалга ошириш, таълим соҳасида эришилган ютуқларни халқаро миқёсда кенг ёритиш;
иш берувчиларнинг эҳтиёжлари ва таклифларидан ҳамда хорижий тажрибадан келиб чиқиб, шунингдек иқтисодиётнинг реал секторидаги таркибий ўзгаришларни ҳисобга олган ҳолда касб-ҳунар коллежларида меҳнат бозорида талаб этиладиган мутахассисларни тайёрлаш учун ўқув режалари ва дастурлар ишлаб чиқилишини ташкил этиш.
2. Ўзбекистон Республикаси Олий ва ўрта махсус таълим вазирлигининг Касб-ҳунар таълими маркази (кейинги ўринларда — Марказ) тугатилсин ҳамда Марказнинг бўшаётган штат бирликлари ушбу вазирликка ўтказилсин.
Белгилансинки, Ўзбекистон Республикаси Олий ва ўрта махсус таълим вазирлиги Марказнинг барча ҳуқуқ ва мажбуриятлари ҳамда шартномалари бўйича ҳуқуқий вориси ҳисобланади.
3. Қуйидагилар Ўзбекистон Республикаси Олий ва ўрта махсус таълим вазирлигининг идоравий бўйсунувига ўтказилсин:
Ўзбекистон Республикаси Олий ва ўрта махсус таълим вазирлигининг Касб-ҳунар таълими маркази ҳузуридаги Касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти;
Ўзбекистон Республикаси Олий ва ўрта махсус таълим вазирлигининг Касб-ҳунар таълими маркази ҳузуридаги Метрологик назорат хизмати;
Ўзбекистон Республикаси Олий ва ўрта махсус таълим вазирлигининг Касб-ҳунар таълими марказининг Қорақалпоғистон Республикаси, вилоятлар ва Тошкент шаҳар касб-ҳунар таълими ҳудудий бошқармалари ва улар тизимидаги касб-ҳунар таълим муассасалари.
4. Ўзбекистон Республикаси Олий таълим, фан ва инновациялар вазирлиги (кейинги ўринларда — Вазирлик) олий, ўрта махсус ва профессионал таълим ҳамда фан ва инновациялар бўйича ягона давлат сиёсатини, шунингдек, олий, ўрта махсус ва профессионал таълим муассасаларида бўйсунувига кўра вазирлик ва идоралар билан биргаликда ўқув-тарбия жараёнига ташкилий ва методик раҳбарликни амалга ошириш юзасидан ваколатли давлат органи этиб белгилансин.
5. Вазирлик ҳамда Ўзбекистон Республикаси Бандлик ва меҳнат муносабатлари вазирлигининг 2019 йил 1 августдан бошлаб қуйидагиларни амалга ошириш тўғрисидаги таклифларига розилик берилсин:
б) Ўзбекистон Республикаси Давлат бюджети маблағлари ҳисобидан Вазирлик марказий аппаратининг:
фан номзоди ёки фалсафа доктори (PhD) илмий даражасига ёки хорижий давлатларнинг унга тенглаштирилган бошқа илмий даражаларига эга ходимлари ойлик иш ҳақига — 30 фоиз;
фан доктори ёки фан доктори (DSc) илмий даражасига ёки хорижий давлатларнинг унга тенглаштирилган бошқа илмий даражаларига эга ходимлари ойлик иш ҳақига — 35 фоиз устамалар белгилаш.
6. Республика олий ва касб-ҳунар таълими муассасаларида ўқиш учун хорижий фуқароларни кенг жалб қилиш мақсадида шундай тартиб ўрнатилсинки, унга мувофиқ 2019/2020 ўқув йилидан бошлаб олий таълим муассасалари ректорлари (филиаллар директорлари), касб-ҳунар таълими муассасалари директорларига бўйсунуви бўйича вазирлик ва идоралар билан келишилган ҳолда:
хорижий фуқароларни ўқитиш учун олий ва касб-ҳунар таълими муассасаларида алоҳида бакалавриат таълим йўналишлари, магистратура мутахассисликлари, касблар ва мутахассисликлар очиш, уларни ўқитиш тили ҳамда академик гуруҳ шакллантириш учун зарур талабалар (ўқувчилар) сонини белгилаш;
касб-ҳунар таълими муассасаларида касблар ва мутахассисликлар бўйича таълим олиш истагида бўлган хорижий фуқароларни ўқитиш муддати, давомийлиги ва уларни тўлов-контракт асосида ўқитиш қийматини белгилаш ҳуқуқи берилади.
7. Ўзбекистон Республикаси Бандлик ва меҳнат муносабатлари вазирлиги Вазирлик билан биргаликда икки ой муддатда тугатилаётган Марказ ходимларини иш билан таъминлаш чораларини кўрсин.
8. Ўзбекистон Республикаси Вазирлар Маҳкамаси бир ҳафта муддатда Олий ва ўрта махсус таълим тизимига бошқарувнинг янги тамойилларини жорий этиш чора-тадбирлари тўғрисида Ўзбекистон Республикаси Президентининг қарори лойиҳасини белгиланган тартибда киритсин.
9. Вазирлик икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
10. Мазкур Фармоннинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 11 июль,
ПФ-5763-сон
Oʻzbekiston Respublikasi Prezidentining
Farmoni
Oliy va oʻrta maxsus taʼlim sohasida boshqaruvni isloh qilish chora-tadbirlari toʻgʻrisida
Soʻnggi yillarda oliy va oʻrta maxsus taʼlim tizimini modernizatsiya qilish, ilm-fanni rivojlantirish, oʻqitishning zamonaviy shakl va texnologiyalarini joriy etish boʻyicha keng koʻlamli ishlar olib borilmoqda.
Oʻtgan davr mobaynida iqtisodiyotning real sektori va ijtimoiy soha ehtiyojlaridan kelib chiqqan holda hududlarda yangi, shu jumladan yetakchi xorijiy oliy taʼlim muassasalari tashkil etildi, zamonaviy oʻquv bosqichlari joriy etilib, talab yuqori boʻlgan bakalavriat taʼlim yoʻnalishlari va magistratura mutaxassisliklari boʻyicha kadrlar tayyorlash yoʻlga qoʻyildi.
Shu bilan birga, mamlakatimizda jadal surʼatlar bilan amalga oshirilayotgan ijtimoiy-siyosiy, ijtimoiy-iqtisodiy va boshqa sohalardagi islohotlar Vatanimiz istiqboli uchun masʼuliyatni oʻz zimmasiga olishga qodir boʻlgan, yurt ravnaqi yoʻlida munosib hissa qoʻshuvchi malakali kadrlar tayyorlashni ustuvor vazifalardan biri etib belgilamoqda.
Oliy va oʻrta maxsus, kasb-hunar taʼlimi tizimini tubdan takomillashtirish, sohada davlat boshqaruvi samaradorligini yanada oshirish, tizimdagi muassasalarning sifatli faoliyat yuritishini taʼminlash orqali yuqori malakali mutaxassislar tayyorlashni tashkil etish maqsadida, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi hamda Oʻzbekiston Respublikasida Maʼmuriy islohotlar konsepsiyasiga muvofiq:
1. Quyidagilar oliy va oʻrta maxsus, kasb-hunar taʼlimi tizimini tubdan takomillashtirishning asosiy yoʻnalishlari etib belgilansin:
oliy va oʻrta maxsus, kasb-hunar taʼlimi sohasida zamonaviy va mustaqil fikrlaydigan, yuksak maʼnaviy-axloqiy fazilatlarga ega, bilimli hamda yuqori malakali kadrlar tayyorlash;
oliy taʼlim muassasalarida kasbiy faoliyat yoʻnalishida zamonaviy bilim va malakaga ega, axborot-kommunikatsiya texnologiyalari hamda chet tillarini oʻzlashtirgan kadrlar tayyorlash sifatini taʼminlash;
barcha oliy va oʻrta maxsus, kasb-hunar taʼlimi muassasalarini oʻquv-pedagogik va ilmiy-uslubiy, shuningdek ularda mutaxassislar tayyorlash sifati, taʼlim mazmuni va darajasini davlat taʼlim standartlari hamda malaka talablariga muvofiqligini taʼminlash;
zamonaviy pedagogik texnologiyalar va oʻqitish uslublaridan keng foydalanish asosida oʻquv rejalari va fan dasturlarini takomillashtirish, taʼlim jarayonini sifat jihatidan yangi bosqichga koʻtarish hamda oʻqitishning ilgʻor shakllari, axborot-kommunikatsiya texnologiyalarini joriy etish;
taʼlimda maʼnaviy-axloqiy mazmunni kuchaytirish, yoshlarni, mustaqillik gʻoyalariga sadoqat, milliy qadriyatlarga hurmat, insonparvarlik va yuksak maʼnaviy gʻoyalar asosida vatanparvarlik ruhida tarbiyalash ishlarini tashkil etish;
oliy taʼlim muassasalarida ilmiy-tadqiqot ishlarini tashkil etish, ularning samaradorligini oshirish, tadqiqot natijalarini amaliyotga keng joriy etish, ilmiy ishlanmalarni tijoratlashtirish, oliy taʼlim, fan va ishlab chiqarishning oʻzaro mustahkam integratsiyasini taʼminlash, ilmiy-tadqiqot ishlariga iqtidorli yoshlarni jalb qilish va har tomonlama qoʻllab-quvvatlash;
zimmasiga yuklangan vazifalarni samarali va yuqori professional darajada bajarishga qodir rahbar va pedagog kadrlarni tanlash hamda oliy va oʻrta maxsus, kasb-hunar taʼlimi muassasalarini bunday mutaxassislar bilan taʼminlash, tizimli ragʻbatlantirish ishlarini olib borish;
rahbar va pedagog kadrlarni tayyorlash, qayta tayyorlash va malakasini oshirishning uzluksiz tizimini tashkil etish, takomillashtirib borish, ularning kasbiy mahorati sifati va darajasini oshirish uchun sharoitlar yaratish, jumladan xorijiy davlatlarda malaka oshirish va stajirovka oʻtashni tashkil etish, oʻquv jarayonlariga xorijlik olimlar, oʻqituvchilar va yuqori malakali mutaxassislarni jalb qilish;
talabalar, oʻqituvchilar va yosh tadqiqotchilarning jahon taʼlim resurslari, ilmiy adabiyotlar elektron katalogi va maʼlumotlar bazasidan foydalanish imkoniyatlarini kengaytirish;
ilgʻor xalqaro tajribalar asosida taʼlim tizimini takomillashtirish, xalqaro aloqalarni kengaytirish va mustahkamlash, hamkorlikdagi qoʻshma oliy va oʻrta maxsus, kasb-hunar taʼlimi dasturlarini amalga oshirish, taʼlim sohasida erishilgan yutuqlarni xalqaro miqyosda keng yoritish;
ish beruvchilarning ehtiyojlari va takliflaridan hamda xorijiy tajribadan kelib chiqib, shuningdek iqtisodiyotning real sektoridagi tarkibiy oʻzgarishlarni hisobga olgan holda kasb-hunar kollejlarida mehnat bozorida talab etiladigan mutaxassislarni tayyorlash uchun oʻquv rejalari va dasturlar ishlab chiqilishini tashkil etish.
2. Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi (keyingi oʻrinlarda — Markaz) tugatilsin hamda Markazning boʻshayotgan shtat birliklari ushbu vazirlikka oʻtkazilsin.
Belgilansinki, Oʻzbekiston Respublikasi Oliy va oʻrta maxsus taʼlim vazirligi Markazning barcha huquq va majburiyatlari hamda shartnomalari boʻyicha huquqiy vorisi hisoblanadi.
3. Quyidagilar Oʻzbekiston Respublikasi Oliy va oʻrta maxsus taʼlim vazirligining idoraviy boʻysunuviga oʻtkazilsin:
Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi huzuridagi Kasb-hunar taʼlimi tizimini innovatsion rivojlantirish, pedagog kadrlarning malakasini oshirish va ularni qayta tayyorlash instituti;
Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi huzuridagi Metrologik nazorat xizmati;
Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazining Qoraqalpogʻiston Respublikasi, viloyatlar va Toshkent shahar kasb-hunar taʼlimi hududiy boshqarmalari va ular tizimidagi kasb-hunar taʼlim muassasalari.
4. Oʻzbekiston Respublikasi Oliy taʼlim, fan va innovatsiyalar vazirligi (keyingi oʻrinlarda — Vazirlik) oliy, oʻrta maxsus va professional taʼlim hamda fan va innovatsiyalar boʻyicha yagona davlat siyosatini, shuningdek, oliy, oʻrta maxsus va professional taʼlim muassasalarida boʻysunuviga koʻra vazirlik va idoralar bilan birgalikda oʻquv-tarbiya jarayoniga tashkiliy va metodik rahbarlikni amalga oshirish yuzasidan vakolatli davlat organi etib belgilansin.
5. Vazirlik hamda Oʻzbekiston Respublikasi Bandlik va mehnat munosabatlari vazirligining 2019-yil 1-avgustdan boshlab quyidagilarni amalga oshirish toʻgʻrisidagi takliflariga rozilik berilsin:
b) Oʻzbekiston Respublikasi Davlat budjeti mablagʻlari hisobidan Vazirlik markaziy apparatining:
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga ega xodimlari oylik ish haqiga — 30 foiz;
fan doktori yoki fan doktori (DSc) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga ega xodimlari oylik ish haqiga — 35 foiz ustamalar belgilash.
6. Respublika oliy va kasb-hunar taʼlimi muassasalarida oʻqish uchun xorijiy fuqarolarni keng jalb qilish maqsadida shunday tartib oʻrnatilsinki, unga muvofiq 2019/2020 oʻquv yilidan boshlab oliy taʼlim muassasalari rektorlari (filiallar direktorlari), kasb-hunar taʼlimi muassasalari direktorlariga boʻysunuvi boʻyicha vazirlik va idoralar bilan kelishilgan holda:
xorijiy fuqarolarni oʻqitish uchun oliy va kasb-hunar taʼlimi muassasalarida alohida bakalavriat taʼlim yoʻnalishlari, magistratura mutaxassisliklari, kasblar va mutaxassisliklar ochish, ularni oʻqitish tili hamda akademik guruh shakllantirish uchun zarur talabalar (oʻquvchilar) sonini belgilash;
kasb-hunar taʼlimi muassasalarida kasblar va mutaxassisliklar boʻyicha taʼlim olish istagida boʻlgan xorijiy fuqarolarni oʻqitish muddati, davomiyligi va ularni toʻlov-kontrakt asosida oʻqitish qiymatini belgilash huquqi beriladi.
7. Oʻzbekiston Respublikasi Bandlik va mehnat munosabatlari vazirligi Vazirlik bilan birgalikda ikki oy muddatda tugatilayotgan Markaz xodimlarini ish bilan taʼminlash choralarini koʻrsin.
8. Oʻzbekiston Respublikasi Vazirlar Mahkamasi bir hafta muddatda Oliy va oʻrta maxsus taʼlim tizimiga boshqaruvning yangi tamoyillarini joriy etish chora-tadbirlari toʻgʻrisida Oʻzbekiston Respublikasi Prezidentining qarori loyihasini belgilangan tartibda kiritsin.
9. Vazirlik ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
10. Mazkur Farmonning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 11-iyul,
PF-5763-son
Президента Республики Узбекистан
Указ
О мерах по реформированию управления в сфере высшего и среднего специального образования
В последние годы проводится масштабная работа по модернизации системы высшего и среднего специального образования, развитию науки, внедрению современных форм и технологий обучения.
За истекший период исходя из потребностей реального сектора экономики и социальной сферы в регионах образованы новые, в том числе ведущие зарубежные высшие образовательные учреждения, внедрены современные уровни образования, налажена подготовка кадров по востребованным направлениям образования бакалавриата и специальностям магистратуры.
Вместе с тем, реализуемые в стране ускоренными темпами реформы в общественно-политической, социально-экономической и других отраслях определяют одной из приоритетных задач подготовку квалифицированных кадров, способных взять на себя ответственность за будущее Родины, вносящих достойный вклад в процветание страны.
В целях организации подготовки высококвалифицированных специалистов путем коренного совершенствования системы высшего и среднего специального профессионального образования, дальнейшего повышения эффективности государственного управления в сфере, обеспечения качественной деятельности учреждений системы, а также в соответствии со Стратегией действий по пяти приоритетным направлениям развития Республики Узбекистан в 2017 — 2021 годах и Концепцией административной реформы в Республике Узбекистан:
1. Определить основными направлениями коренного совершенствования системы высшего и среднего специального профессионального образования:
подготовку в сфере высшего и среднего специального профессионального образования современно и самостоятельно мыслящих, обладающих высокими духовно-нравственными качествами, образованных и высококвалифицированных кадров;
обеспечение качества подготовки кадров в высших образовательных учреждениях в направлении профессиональной деятельности, обладающих современными знаниями и квалификацией, освоивших информационно-коммуникационные технологии и иностранные языки;
обеспечение соответствия учебно-педагогического и научно-методического обеспечения всех учреждений высшего и среднего специального профессионального образования, а также качества, содержания образования и уровня подготовки в них специалистов государственным образовательным стандартам и квалификационным требованиям;
совершенствование учебных планов и предметных программ на основе широкого использования современных педагогических технологий и методик обучения, поднятия образовательного процесса на качественно новый уровень, внедрения передовых форм обучения, информационно-коммуникационных технологий;
усиление духовно-нравственного содержания в образовании, организацию работы по воспитанию молодежи в духе патриотизма на основе гуманизма и высоких духовных идей, преданности идеям независимости, уважения к национальным ценностям;
организацию в высших образовательных учреждениях научно-исследовательских работ, повышение их эффективности, широкое внедрение результатов исследований в практику, коммерциализацию научных разработок, обеспечение тесной взаимной интеграции высшего образования, науки и производства, привлечение к научно-исследовательской работе и оказание всесторонней поддержки одаренной молодежи;
отбор руководящих и педагогических кадров, способных качественно и на высоком профессиональном уровне выполнять возложенные на них обязанности, обеспечение такими специалистами учреждений высшего и среднего специального профессионального образования, проведение работ по стимулированию на системной основе;
организацию и совершенствование непрерывной системы подготовки, переподготовки и повышения квалификации руководящих и педагогических кадров, создание условий для повышения качества и уровня их профессионального мастерства, в том числе организацию повышения квалификации и прохождения стажировок в зарубежных странах, привлечение к учебным процессам зарубежных ученых, преподавателей и высококвалифицированных специалистов;
расширение возможностей использования студентами, преподавателями и молодыми исследователями мировых образовательных ресурсов, электронных каталогов научной литературы и баз данных;
совершенствование системы образования на основе передового международного опыта, расширение и укрепление международного сотрудничества, реализацию совместных программ высшего и среднего специального профессионального образования, широкое освещение достижений в сфере образования на международном уровне;
организацию разработки учебных планов и программ для подготовки востребованных на рынке труда специалистов в профессиональных колледжах исходя из потребностей и предложений работодателей, а также зарубежного опыта с учетом структурных изменений в реальном секторе экономики.
2. Упразднить Центр профессионального образования Министерства высшего и среднего специального образования Республики Узбекистан (далее — Центр) с передачей данному министерству высвобождаемых штатных единиц Центра.
Установить, что Министерство высшего и среднего специального образования Республики Узбекистан является правопреемником Центра по всем правам, обязательствам и договорам.
3. Передать в подведомственное подчинение Министерству высшего и среднего специального образования Республики Узбекистан:
Институт инновационного развития, повышения квалификации и переподготовки педагогических кадров системы профессионального образования при Центре профессионального образования Министерства высшего и среднего специального образования Республики Узбекистан;
Службу метрологического контроля при Центре профессионального образования Министерства высшего и среднего специального образования Республики Узбекистан;
территориальные управления профессионального образования Республики Каракалпакстан, областей и города Ташкента Центра профессионального образования Министерства высшего и среднего специального образования Республики Узбекистан и профессиональные образовательные учреждения их системы.
4. Определить Министерство высшего образования, науки и инноваций Республики Узбекистан (далее — Министерство) уполномоченным государственным органом по реализации единой государственной политики в сфере высшего, среднего специального и профессионального образования, науки и инноваций, а также организационному и методическому руководству учреждениями высшего, среднего специального и профессионального образования совместно с министерствами и ведомствами по подчиненности.
5. Согласиться с предложением Министерства и Министерства занятости и трудовых отношений о применении с 1 августа 2019 года:
б) ежемесячных надбавок к заработной плате сотрудников центрального аппарата Министерства за счет средств Государственного бюджета Республики Узбекистан:
в размере 30 процентов — работникам, имеющим ученую степень кандидата наук либо доктора философии (PhD) или приравненные к ним другие ученые степени зарубежных государств;
в размере 35 процентов — имеющих ученую степень доктора наук либо доктора наук (DSc) или приравненные к ним другие ученые степени зарубежных государств.
6. В целях широкого привлечения иностранных граждан к обучению в высших и профессиональных образовательных учреждениях республики установить порядок, в соответствии с которым начиная с 2019/2020 учебного года ректорам высших образовательных учреждений (директорам филиалов), директорам профессиональных образовательных учреждений по согласованию с министерствами и ведомствами, в подчинении которых они находятся, предоставляется право:
открывать в учреждениях высшего и профессионального образования для обучения иностранных граждан отдельные направления образования бакалавриата, специальности магистратуры, профессии и специальности, определять язык обучения и количество студентов (учащихся), необходимых для формирования академических групп;
устанавливать сроки, продолжительность и стоимость обучения на платно-контрактной основе для иностранных граждан, желающих обучаться профессиям и специальностям в профессиональных образовательных учреждениях.
7. Министерству занятости и трудовых отношений совместно с Министерством в двухмесячный срок принять меры по трудоустройству работников упраздняемого Центра.
8. Кабинету Министров Республики Узбекистан в недельный срок внести в установленном порядке проект постановления Президента Республики Узбекистан «О мерах по внедрению новых принципов управления в высшее и среднее специальное образование».
9. Министерству в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
10. Контроль за исполнением настоящего Указа возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
11 июля 2019 г.,
№ УП-5763