📅 2019-yil 8-iyul · Vazirlik va idoralar hujjatlari · Davlat soliq qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 8 июль · Вазирлик ва идоралар ҳужжатлари · Давлат солиқ қўмитаси
Расмий матн. Расмий ҳужжат. Таҳририй изоҳлар киритилмаган.
📅 8 июля 2019 г. · Документы министерств и ведомств · Государственного налогового комитета
Официальный текст. Официальный документ. Редакционные примечания не включены.
📅 8 July 2019 · Ministry and agency documents · Davlat soliq qoʻmitasi
Official text. Official document. Editorial notes are not included.
Ўзбекистон Республикаси Давлат солиқ қўмитасининг
Қарори
НИЗОМ
Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низомни тасдиқлаш ҳақида
Ўзбекистон Республикаси Солиқ кодекси ҳамда Ўзбекистон Республикаси Вазирлар Маҳкамасининг 2019 йил 17 апрелдаги 320-сон «Давлат солиқ хизмати органлари фаолиятини янада такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Давлат солиқ қўмитаси қарор қилади:
1. Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низом иловага мувофиқ тасдиқлансин.
2. Ўзбекистон Республикаси Давлат солиқ қўмитасининг 2018 йил 11 июндаги 2018-52-сон «Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низомни тасдиқлаш ҳақида»ги қарори (рўйхат рақами 3023, 2018 йил 18 июнь) (Ўзбекистон Республикаси қонун ҳужжатлари тўплами, 2018 й., 25-сон, 504-модда) ўз кучини йўқотган деб топилсин.
3. Мазкур қарор расмий эълон қилинган кундан эътиборан кучга киради.
Ўзбекистон Республикаси Давлат солиқ қўмитасининг 2019 йил 8 июлдаги 2019-45-сон қарорига ИЛОВА
Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги
Мазкур Низом юридик шахсларни йирик солиқ тўловчилар тоифасига киритиш мезонларини белгилайди.
1-боб. Умумий қоидалар
1. Мазкур Низом солиқ маъмуриятчилигини амалга ошириш мақсадида ушбу Низомнинг 4-бандида белгиланган мезонлар асосида аниқланадиган йирик солиқ тўловчи юридик шахслар тоифасига нисбатан татбиқ этилади.
3. Йирик солиқ тўловчилар бўйича солиқ маъмуриятчилиги Ўзбекистон Республикасининг Солиқ кодексида белгиланган тартибда амалга оширилади.
2-боб. Юридик шахсларни йирик солиқ тўловчилар тоифасига киритишнинг мезонлари
4. Қуйидагилар йирик солиқ тўловчилар тоифасига киритилади:
а) акциз солиғига тортиладиган товарларни ишлаб чиқарувчи ва акциз тўланадиган хизмат кўрсатувчи корхоналар, бундан алкоголь ва пиво маҳсулотлари ишлаб чиқарувчи корхоналар мустасно;
б) тижорат банклари , суғурта ташкилотлари, товар-хом ашё, фонд ва валюта биржалари ;
в) «Навоий кон-металлургия комбинати» АЖ, «Олмалиқ КМК» АЖ, «Ўзбекистон темир йўллари» АЖ ҳамда уларнинг таъсисчилигидаги ташкилотлар;
г) маҳсулот тақсимотига оид битим бўйича ишларни бажаришда иштирок этаётган ташкилотлар;
д) маҳсулот (товар, иш ва хизмат)ларни сотишдан олинган соф тушуми ўтган календар йил якуни бўйича базавий ҳисоблаш миқдорининг 735 минг бараваридан юқори бўлган ёки кетма-кет келадиган ўн икки ойлик давр якуни бўйича ушбу миқдордан ошган ҳамда ходимлар сони ўртача йиллик 10 нафардан кам бўлмаган юридик шахслар, чет эл юридик шахсларининг Ўзбекистон Республикасидаги доимий муассасалари (бўлинмалари), бундан пахта-тўқимачилик кластерлари, тўқимачилик маҳсулотлари ишлаб чиқарувчи корхоналар, алкогол маҳсулотларининг улгуржи савдоси билан шуғулланувчи корхоналар мустасно;
е) углеводород ҳом ашёси ва минерал ресурсларни қазиб олувчи, қайта ишловчи, етказиб берувчи ва сотувчи ҳамда электр энергиясини ишлаб чиқарувчи ва етказиб берувчи юридик шахслар ва уларга товар (иш ва хизмат) етказиб берувчи чет эл юридик шахсларининг Ўзбекистон Республикасидаги доимий муассасалари (бўлинмалари), бундан автомобилларга ёқилғи қуйиш шаҳобчалари мустасно;
ж) Ўзбекистон Республикасининг ҳаво бўшлиғидан йўловчиларни ташиш мақсадларида фойдаланувчи, халқаро ҳаво алоқаларини амалга оширувчи ва уларнинг таркибига кирувчи юридик шахслар.
з) реализация қилиш жойи Ўзбекистон Республикаси бўлган электрон шаклдаги хизматларни реализация қилишни амалга оширувчи чет эл юридик шахслари.
5. Йирик солиқ тўловчилар тоифасини белгилашда, мазкур Низомнинг 4-банди «д» кичик бандида кўрсатиб ўтилган юридик шахслар ўтган календарь йил якуни ёки кетма-кет келадиган ўн икки ойлик давр бўйича солиқ органларига тақдим этган солиқ ва молиявий ҳисоботларидаги кўрсаткичларига асосан аниқланади.
6. Йирик солиқ тўловчилар тоифасига киритилган юридик шахслар календарь йил якуни билан мазкур Низомнинг 4-бандида кўрсатилган мезонларга жавоб бермаса, ушбу хўжалик юритувчи субъектлар навбатдаги уч йил мобайнида йирик солиқ тўловчилар тоифасида қолади, бундан мазкур мезонларга ўзгартириш ва қўшимчалар киритилган ҳолатлар мустасно.
7. Мазкур Низом талаблари татбиқ этиладиган йирик солиқ тўловчилар рўйхати ҳар йили кейинги солиқ даври бошлангунга қадар уч ойдан кечикмай Ўзбекистон Республикаси Солиқ қўмитаси томонидан тасдиқланади.
Йирик солиқ тўловчилар рўйхатига киритилган ёки рўйхатидан чиқарилган юридик шахслар Ўзбекистон Республикаси Солиқ қўмитаси томонидан тегишли буйруқ қабул қилинган кундан эътиборан беш кун ичида ёзма равишда, шу жумладан солиқ тўловчининг шахсий кабинети орқали хабардор қилинади.
3-боб. Якуний қоидалар
8. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
9. Мазкур Низом Ўзбекистон Республикаси Молия вазирлиги, Иқтисодиёт ва саноат вазирлиги ва Савдо-саноат палатаси билан келишилган.
Раис Б. МУСАЕВ
Молия вазири Д. ҚУЧКАРОВ
Иқтисодиёт ва саноат вазири Б. ХОДЖАЕВ
Савдо-саноат палатаси раиси А. ИКРАМОВ
Тошкент ш.,
2019 йил 8 июль,
2019 йил 8 июль
2019 йил 8 июль
2019 йил 8 июль
2019-45-сон
Oʻzbekiston Respublikasi Davlat soliq qoʻmitasining
Qarori
NIZOM
Yuridik shaxslarni yirik soliq toʻlovchilar toifasiga kiritishning mezonlarini belgilash toʻgʻrisidagi nizomni tasdiqlash haqida
Oʻzbekiston Respublikasi Soliq kodeksi hamda Oʻzbekiston Respublikasi Vazirlar Mahkamasining 2019-yil 17-apreldagi 320-son “Davlat soliq xizmati organlari faoliyatini yanada takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Davlat soliq qoʻmitasi qaror qiladi:
1. Yuridik shaxslarni yirik soliq toʻlovchilar toifasiga kiritishning mezonlarini belgilash toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Davlat soliq qoʻmitasining 2018-yil 11-iyundagi 2018-52-son “Yuridik shaxslarni yirik soliq toʻlovchilar toifasiga kiritishning mezonlarini belgilash toʻgʻrisidagi nizomni tasdiqlash haqida”gi qarori (roʻyxat raqami 3023, 2018-yil 18-iyun) (Oʻzbekiston Respublikasi qonun hujjatlari toʻplami, 2018-y., 25-son, 504-modda) oʻz kuchini yoʻqotgan deb topilsin.
3. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Davlat soliq qoʻmitasining 2019-yil 8-iyuldagi 2019-45-son qaroriga ILOVA
Yuridik shaxslarni yirik soliq toʻlovchilar toifasiga kiritishning mezonlarini belgilash toʻgʻrisidagi
Mazkur Nizom yuridik shaxslarni yirik soliq toʻlovchilar toifasiga kiritish mezonlarini belgilaydi.
1-bob. Umumiy qoidalar
1. Mazkur Nizom soliq maʼmuriyatchiligini amalga oshirish maqsadida ushbu Nizomning 4-bandida belgilangan mezonlar asosida aniqlanadigan yirik soliq toʻlovchi yuridik shaxslar toifasiga nisbatan tatbiq etiladi.
3. Yirik soliq toʻlovchilar boʻyicha soliq maʼmuriyatchiligi Oʻzbekiston Respublikasining Soliq kodeksida belgilangan tartibda amalga oshiriladi.
2-bob. Yuridik shaxslarni yirik soliq toʻlovchilar toifasiga kiritishning mezonlari
4. Quyidagilar yirik soliq toʻlovchilar toifasiga kiritiladi:
a) aksiz soligʻiga tortiladigan tovarlarni ishlab chiqaruvchi va aksiz toʻlanadigan xizmat koʻrsatuvchi korxonalar, bundan alkogol va pivo mahsulotlari ishlab chiqaruvchi korxonalar mustasno;
b) tijorat banklari , sugʻurta tashkilotlari, tovar-xom ashyo, fond va valyuta birjalari ;
v) “Navoiy kon-metallurgiya kombinati” AJ, “Olmaliq KMK” AJ, “Oʻzbekiston temir yoʻllari” AJ hamda ularning taʼsischiligidagi tashkilotlar;
g) mahsulot taqsimotiga oid bitim boʻyicha ishlarni bajarishda ishtirok etayotgan tashkilotlar;
d) mahsulot (tovar, ish va xizmat)larni sotishdan olingan sof tushumi oʻtgan kalendar yil yakuni boʻyicha bazaviy hisoblash miqdorining 735 ming baravaridan yuqori boʻlgan yoki ketma-ket keladigan oʻn ikki oylik davr yakuni boʻyicha ushbu miqdordan oshgan hamda xodimlar soni oʻrtacha yillik 10 nafardan kam boʻlmagan yuridik shaxslar, chet el yuridik shaxslarining Oʻzbekiston Respublikasidagi doimiy muassasalari (boʻlinmalari), bundan paxta-toʻqimachilik klasterlari, toʻqimachilik mahsulotlari ishlab chiqaruvchi korxonalar, alkogol mahsulotlarining ulgurji savdosi bilan shugʻullanuvchi korxonalar mustasno;
e) uglevodorod hom ashyosi va mineral resurslarni qazib oluvchi, qayta ishlovchi, yetkazib beruvchi va sotuvchi hamda elektr energiyasini ishlab chiqaruvchi va yetkazib beruvchi yuridik shaxslar va ularga tovar (ish va xizmat) yetkazib beruvchi chet el yuridik shaxslarining Oʻzbekiston Respublikasidagi doimiy muassasalari (boʻlinmalari), bundan avtomobillarga yoqilgʻi quyish shahobchalari mustasno;
j) Oʻzbekiston Respublikasining havo boʻshligʻidan yoʻlovchilarni tashish maqsadlarida foydalanuvchi, xalqaro havo aloqalarini amalga oshiruvchi va ularning tarkibiga kiruvchi yuridik shaxslar.
z) realizatsiya qilish joyi Oʻzbekiston Respublikasi boʻlgan elektron shakldagi xizmatlarni realizatsiya qilishni amalga oshiruvchi chet el yuridik shaxslari.
5. Yirik soliq toʻlovchilar toifasini belgilashda, mazkur Nizomning 4-bandi “d” kichik bandida koʻrsatib oʻtilgan yuridik shaxslar oʻtgan kalendar yil yakuni yoki ketma-ket keladigan oʻn ikki oylik davr boʻyicha soliq organlariga taqdim etgan soliq va moliyaviy hisobotlaridagi koʻrsatkichlariga asosan aniqlanadi.
6. Yirik soliq toʻlovchilar toifasiga kiritilgan yuridik shaxslar kalendar yil yakuni bilan mazkur Nizomning 4-bandida koʻrsatilgan mezonlarga javob bermasa, ushbu xoʻjalik yurituvchi subyektlar navbatdagi uch yil mobaynida yirik soliq toʻlovchilar toifasida qoladi, bundan mazkur mezonlarga oʻzgartirish va qoʻshimchalar kiritilgan holatlar mustasno.
7. Mazkur Nizom talablari tatbiq etiladigan yirik soliq toʻlovchilar roʻyxati har yili keyingi soliq davri boshlangunga qadar uch oydan kechikmay Oʻzbekiston Respublikasi Soliq qoʻmitasi tomonidan tasdiqlanadi.
Yirik soliq toʻlovchilar roʻyxatiga kiritilgan yoki roʻyxatidan chiqarilgan yuridik shaxslar Oʻzbekiston Respublikasi Soliq qoʻmitasi tomonidan tegishli buyruq qabul qilingan kundan eʼtiboran besh kun ichida yozma ravishda, shu jumladan soliq toʻlovchining shaxsiy kabineti orqali xabardor qilinadi.
3-bob. Yakuniy qoidalar
8. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
9. Mazkur Nizom Oʻzbekiston Respublikasi Moliya vazirligi, Iqtisodiyot va sanoat vazirligi va Savdo-sanoat palatasi bilan kelishilgan.
Rais B. MUSAYEV
Moliya vaziri D. QUCHKAROV
Iqtisodiyot va sanoat vaziri B. XODJAYEV
Savdo-sanoat palatasi raisi A. IKRAMOV
Toshkent sh.,
2019-yil 8-iyul,
2019-yil 8-iyul
2019-yil 8-iyul
2019-yil 8-iyul
2019-45-son