📅 2019-yil 12-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 12 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 12 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига республика олий спорт маҳорати мактаблари ва мактаб-интернатларининг фаолиятини тартибга солиш тизимини янада такомиллаштиришга қаратилган ўзгартириш ва қўшимчалар киритиш тўғрисида
Ўзбекистон Республикаси Жисмоний тарбия ва спорт вазирлиги тизимидаги республика олий спорт маҳорати мактаблари, ихтисослаштирилган олимпия захиралари мактаб-интернатлари ҳамда олимпия ва миллий спорт турлари бўйича давлат ихтисослаштирилган мактаб-интернатларининг фаолиятини тартибга солиш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
2. Ўзбекистон Республикаси Жисмоний тарбия ва спорт вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ҳамда Ўзбекистон Республикаси жисмоний тарбия ва спорт вазири Д.Х. Набиев зиммасига юклансин.
Вазирлар Маҳкамасининг 2019 йил 12 июлдаги 583-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2010 йил 23 сентябрдаги 211-сон қарори (Ўзбекистон Республикаси ҚТ, 2010 йил, 9-сон, 50-модда) билан тасдиқланган Ўзбекистон Республикасидаги Ўзбекистон Республикаси Давлат бюджетидан молиялаштириладиган спорт мактаблари тўғрисидаги низомнинг 41-банди биринчи хатбошидаги «ўқув йили 2 сентябрдан» сўзлари «ўқув йили 2 сентябрдан, республика олий спорт маҳорати мактабларида 1 январдан» сўзлари билан алмаштирилсин.
2. Ўзбекистон Республикаси Вазирлар Маҳкамасининг 2012 йил 13 июлдаги 214-сонли қарори (Ўзбекистон Республикаси ҚТ, 2012 й., 7-сон, 53-модда) билан тасдиқланган Тренерлик фаолияти билан шуғулланиш юзасидан аттестация ўтказиш тартиби тўғрисидаги низомнинг 23-бандида :
а) иккинчи хатбоши қуйидаги таҳрирда баён этилсин:
«Ўзбекистон Давлат жисмоний тарбия ва спорт университетини ёки ихтисослаштирилган олимпия захираси мактаб-интернатларини тамомлаганлик тўғрисидаги дипломларга эга бўлган шахслар кўрсатиб ўтилган таълим муассасаларини тамомлагандан кейин тегишли спорт турлари бўйича уч йил мобайнида аттестациянинг биринчи ва иккинчи босқичидан ўтган деб ҳисобланадилар.»;
б) учинчи хатбоши билан тўлдирилсин:
«бошқа олий таълим муассасаларининг жисмоний тарбия ва спорт факультетларини тамомлаганлик тўғрисидаги дипломларга эга бўлган шахслар кўрсатиб ўтилган таълим муассасаларини тамомлагандан кейин уч йил мобайнида аттестациянинг биринчи босқичидан ўтган деб ҳисобланадилар».
3. Вазирлар Маҳкамасининг «Спорт турлари бўйича ихтисослаштирилган давлат мактаб-интернатлари фаолиятини такомиллаштириш тўғрисида» 2018 йил 2 июндаги 410-сон қарорида :
а) 4-банднинг «б» кичик банди иккинчи хатбошидаги «(футболдан ташқари)» сўзлари чиқариб ташлансин;
б) 5-банднинг «в» кичик бандида :
иккинчи хатбошидаги «ҳамда мактаб-интернатга» сўзлари чиқариб ташлансин;
бешинчи хатбоши қуйидаги таҳрирда баён қилинсин:
«республика академияси, ҳудудий академиялар ҳамда мактаб-интернатлар ўқувчилари учун жиҳозлар, спорт анжомлари ва инвентарлар, шунингдек, спорт кийим-боши билан таъминлаш меъёрларини ишлаб чиқсин ва белгиланган тартибда тасдиқласин»;
олтинчи хатбоши чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 12 июль,
583-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga respublika oliy sport mahorati maktablari va maktab-internatlarining faoliyatini tartibga solish tizimini yanada takomillashtirishga qaratilgan oʻzgartirish va qoʻshimchalar kiritish toʻgʻrisida
Oʻzbekiston Respublikasi Jismoniy tarbiya va sport vazirligi tizimidagi respublika oliy sport mahorati maktablari, ixtisoslashtirilgan olimpiya zaxiralari maktab-internatlari hamda olimpiya va milliy sport turlari boʻyicha davlat ixtisoslashtirilgan maktab-internatlarining faoliyatini tartibga solish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Oʻzbekiston Respublikasi Jismoniy tarbiya va sport vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov hamda Oʻzbekiston Respublikasi jismoniy tarbiya va sport vaziri D.X. Nabiyev zimmasiga yuklansin.
Vazirlar Mahkamasining 2019-yil 12-iyuldagi 583-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2010-yil 23-sentabrdagi 211-son qarori (Oʻzbekiston Respublikasi QT, 2010-yil, 9-son, 50-modda) bilan tasdiqlangan Oʻzbekiston Respublikasidagi Oʻzbekiston Respublikasi Davlat budjetidan moliyalashtiriladigan sport maktablari toʻgʻrisidagi nizomning 41-bandi birinchi xatboshidagi “oʻquv yili 2-sentabrdan” soʻzlari “oʻquv yili 2-sentabrdan, respublika oliy sport mahorati maktablarida 1-yanvardan” soʻzlari bilan almashtirilsin.
2. Oʻzbekiston Respublikasi Vazirlar Mahkamasining 2012-yil 13-iyuldagi 214-sonli qarori (Oʻzbekiston Respublikasi QT, 2012-y., 7-son, 53-modda) bilan tasdiqlangan Trenerlik faoliyati bilan shugʻullanish yuzasidan attestatsiya oʻtkazish tartibi toʻgʻrisidagi nizomning 23-bandida :
a) ikkinchi xatboshi quyidagi tahrirda bayon etilsin:
“Oʻzbekiston Davlat jismoniy tarbiya va sport universitetini yoki ixtisoslashtirilgan olimpiya zaxirasi maktab-internatlarini tamomlaganlik toʻgʻrisidagi diplomlarga ega boʻlgan shaxslar koʻrsatib oʻtilgan taʼlim muassasalarini tamomlagandan keyin tegishli sport turlari boʻyicha uch yil mobaynida attestatsiyaning birinchi va ikkinchi bosqichidan oʻtgan deb hisoblanadilar.”;
b) uchinchi xatboshi bilan toʻldirilsin:
“boshqa oliy taʼlim muassasalarining jismoniy tarbiya va sport fakultetlarini tamomlaganlik toʻgʻrisidagi diplomlarga ega boʻlgan shaxslar koʻrsatib oʻtilgan taʼlim muassasalarini tamomlagandan keyin uch yil mobaynida attestatsiyaning birinchi bosqichidan oʻtgan deb hisoblanadilar”.
3. Vazirlar Mahkamasining “Sport turlari boʻyicha ixtisoslashtirilgan davlat maktab-internatlari faoliyatini takomillashtirish toʻgʻrisida” 2018-yil 2-iyundagi 410-son qarorida :
a) 4-bandning “b” kichik bandi ikkinchi xatboshidagi “(futboldan tashqari)” soʻzlari chiqarib tashlansin;
b) 5-bandning “v” kichik bandida :
ikkinchi xatboshidagi “hamda maktab-internatga” soʻzlari chiqarib tashlansin;
beshinchi xatboshi quyidagi tahrirda bayon qilinsin:
“respublika akademiyasi, hududiy akademiyalar hamda maktab-internatlar oʻquvchilari uchun jihozlar, sport anjomlari va inventarlar, shuningdek, sport kiyim-boshi bilan taʼminlash meʼyorlarini ishlab chiqsin va belgilangan tartibda tasdiqlasin”;
oltinchi xatboshi chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 12-iyul,
583-son
Кабинета Министров Республики Узбекистан
Постановление
О внесении изменений и дополнений в некоторые решения Правительства Республики Узбекистан, направленных на дальнейшее совершенствование системы упорядочения деятельности школ высшего спортивного мастерства и школ-интернатов
В целях упорядочения деятельности школ высшего спортивного мастерства, специализированных школ-интернатов олимпийского резерва, а также школ-интернатов по олимпийским и национальным видам спорта системы Министерства физической культуры и спорта Республики Узбекистан Кабинет Министров постановляет:
1. Внести изменения и дополнения в некоторые решения Правительства Республики Узбекистан согласно приложению .
2. Министерству физической культуры и спорта Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на заместителя Премьер-министра Республики Узбекистан по вопросам социального развития А.А. Абдухакимова и министра физической культуры и спорта Республики Узбекистан Д.Х. Набиева.
ПРИЛОЖЕНИЕ к постановлению Кабинета Министров от 12 июля 2019 года № 583
Изменения и дополнения, вносимые в некоторые решения Правительства Республики Узбекистан
1. В абзаце первом пункта 41 постановления Кабинета Министров от 23 сентября 2010 г. № 211 «О дальнейшем совершенствовании деятельности спортивных школ и системы материального стимулирования труда тренеров и специалистов спортивных школ» (СП Республики Узбекистан, 2010 г., № 9, ст. 50) слова «Учебный год в спортивной школе начинается со 2 сентября» заменить словами «Учебный год в спортивной школе начинается со 2 сентября, в республиканских школах высшего спортивного мастерства — с 1 января».
2. В пункте 23 Положения о порядке проведения аттестации на занятие тренерской деятельностью, утвержденного постановлением Кабинета Министров от 13 июля 2012 г. № 214 «О мерах по дальнейшему упорядочению тренерской деятельности в Республике Узбекистан» (СП Республики Узбекистан, 2012 г., № 7, ст. 53):
а) абзац второй изложить в следующей редакции:
«Лица, имеющие дипломы об окончании Узбекского государственного университета физической культуры и спорта или специализированных школ-интернатов олимпийского резерва, считаются прошедшими первый и второй этапы аттестации по соответствующим видам спорта в течение трех лет после окончания указанных образовательных учреждений»;
б) дополнить абзацем третьим следующего содержания:
«Лица, имеющие дипломы об окончании факультетов физической культуры и спорта других высших образовательных учреждений, считаются прошедшими первый этап аттестации в течение трех лет после окончания указанных образовательных учреждений».
3. В тексте на узбекском языке постановления Кабинета Министров от 2 июня 2018 г. № 410 «О совершенствовании деятельности государственных специализированных школ-интернатов но видам спорта»:
а) из абзаца второго подпункта «б» пункта 4 слова «(футболдан ташқари)» исключить;
б) в подпункте «в» пункта 5:
из абзаца второго слова «хамда мактаб-интернатга» исключить;
абзац пятый изложить в следующей редакции:
«республика академияси, ҳудудий академиялар ҳамда мактаб-интернатлар ўқувчилари учун жиҳозлар, спорт анжомлари ва инвентарлар, шунингдек, спорт кийим-боши билан таъминлаш меъёрларини ишлаб чиқсин ва белгиланган тартибда тасдиқласин»;
абзац шестой исключить.
Премьер-министр Республики Узбекистан А. АРИПОВ
г. Ташкент,
12 июля 2019 г.,
№ 583