📅 2019-yil 14-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 14 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил фаолиятини самарали ташкил этиш чора-тадбирлари тўғрисида
Ўзбекистон Республикаси Президентининг «Тадбиркорлик фаолиятини ҳимоя қилиш тизимини тубдан такомиллаштириш ва прокуратура органлари фаолиятини оптималлаштириш чора-тадбирлари тўғрисида» 2019 йил 15 мартдаги ПФ-5690-сон Фармонини ижро этиш юзасидан, шунингдек, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил (кейинги ўринларда Тадбиркорларнинг ҳуқуқларини ҳимоя қилиш бўйича вакил деб аталади) фаолиятини самарали ташкил этиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Тадбиркорлик фаолиятини ҳимоя қилиш тизимини тубдан такомиллаштириш ва прокуратура органлари фаолиятини оптималлаштириш чора-тадбирлари тўғрисида» 2019 йил 15 мартдаги ПФ-5690-сон Фармони билан Қорақалпоғистон Республикаси, вилоятлар ва Тошкент шаҳар прокурорларининг солиқ ва божхона ислоҳотларини амалга ошириш соҳасида қонунчилик ижроси устидан назорат қилишга масъул бўлган ўринбосарларига бириктирилган транспорт воситалари, шунингдек, Тадбиркорларнинг ҳуқуқларини ҳимоя қилиш бўйича вакил аппаратининг ходимлари ҳудудларда фаолиятни самарали амалга ошириши учун зарур бўлган компьютер техникаси Тадбиркорларнинг ҳуқуқларини ҳимоя қилиш бўйича вакилга берилганлиги маълумот учун қабул қилинсин.
2. Ўзбекистон Республикаси Молия вазирлиги:
а) 2019 йилда Тадбиркорларнинг ҳуқуқларини ҳимоя қилиш бўйича вакил аппаратига транспорт воситалари, идора мебели, компьютер техникаси, ташкилий техника, шунингдек, бошқа товар-моддий бойликлар ва хизматларни жорий сақлаш ва сотиб олиш учун Ўзбекистон Республикаси Вазирлар Маҳкамасининг захира жамғармасидан асосланган ҳисоб-китоблар бўйича 1,7 млрд сўм маблағ ажратсин;
Тадбиркорларнинг ҳуқуқларини ҳимоя қилиш бўйича вакил аппаратига навбатчи автотранспорт воситалари сифатида фойдаланиш учун 2 та енгил хизмат автомобилини сақлаш учун қўшимча лимит ажратсин;
Тадбиркорларнинг ҳуқуқларини ҳимоя қилиш бўйича вакил аппаратига ва унинг ҳудудларда фаолият юритувчи ходимларига белгиланган нормативларга мувофиқ техник ва хизмат кўрсатувчи ходимларнинг қўшимча штат бирликларини ажратсин;
б) 2020 йилдан бошлаб ҳар йили Ўзбекистон Республикаси Давлат бюджети параметрларида Тадбиркорларнинг ҳуқуқларини ҳимоя қилиш бўйича вакил аппаратини жорий сақлашга маблағларни назарда тутсин.
3. Белгилаб қўйилсинки:
Тадбиркорларнинг ҳуқуқларини ҳимоя қилиш бўйича вакил аппарати молия секторининг бухгалтери ва моддий бухгалтери (кассир)га Ўзбекистон Республикаси Президенти Администрацияси бош бухгалтери ва бош бухгалтернинг ўринбосари учун белгиланган меҳнатга ҳақ тўлаш ва моддий рағбатлантириш шартлари татбиқ этилади;
Тадбиркорларнинг ҳуқуқларини ҳимоя қилиш бўйича вакил девонининг техник ходимларига Ўзбекистон Республикаси Президенти Администрациясининг тегишли хизматчи ходимлари, шу жумладан, операторларга мутахассис лавозими учун белгиланган меҳнатга ҳақ тўлаш ва моддий рағбатлантириш шартлари татбиқ этилади.
Тадбиркорларнинг ҳуқуқларини ҳимоя қилиш бўйича вакил девонининг хизмат кўрсатувчи ходимларига Ўзбекистон Республикаси Президенти Администрацияси Транспорт бўлимининг тегишли хизмат кўрсатувчи ходимлари учун белгиланган меҳнатга ҳақ тўлаш ва моддий рағбатлантириш шартлари татбиқ этилади.
Тадбиркорларнинг ҳуқуқларини ҳимоя қилиш бўйича вакил аппаратининг навбатчи транспорт воситаларини Тошкент шаҳрида сақлаш Ўзбекистон Республикаси Президенти Администрацияси Транспорт бўлими томонидан, ҳудудларда эса — Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан бепул асосда амалга оширилади.
4. Тадбиркорларнинг ҳуқуқларини ҳимоя қилиш бўйича вакил аппарати автотранспорт воситаларини расмийлаштириш, қайта расмийлаштириш ва давлат рақами белгиларини беришда давлат божлари ва йиғимлар тўлашдан озод қилинсин.
Ўзбекистон Республикаси Ички ишлар вазирлиги Тадбиркорларнинг ҳуқуқларини ҳимоя қилиш бўйича вакил аппаратига автотранспорт воситаларини расмийлаштириш, қайта расмийлаштириш ва давлат рақами белгилари берилишида кўмаклашсин.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги Тадбиркорларнинг ҳуқуқларини ҳимоя қилиш бўйича вакил аппарати буюртманомаси бўйича белгиланган тартибда:
Тадбиркорларнинг ҳуқуқларини ҳимоя қилиш бўйича вакил аппарати алоқанинг зарур турлари, шу жумладан, Ҳукумат алоқаси билан жиҳозланишини, шунингдек, Интернет ахборот тармоғидан кенг полосали фойдаланишини;
Текширувларни электрон рўйхатга олиш ягона тизими такомиллаштирилиши ва унинг узлуксиз ишлаши қўллаб-қувватланишини таъминласин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 14 июль,
584-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil faoliyatini samarali tashkil etish chora-tadbirlari toʻgʻrisida
Oʻzbekiston Respublikasi Prezidentining “Tadbirkorlik faoliyatini himoya qilish tizimini tubdan takomillashtirish va prokuratura organlari faoliyatini optimallashtirish chora-tadbirlari toʻgʻrisida” 2019-yil 15-martdagi PF-5690-son Farmonini ijro etish yuzasidan, shuningdek, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil (keyingi oʻrinlarda Tadbirkorlarning huquqlarini himoya qilish boʻyicha vakil deb ataladi) faoliyatini samarali tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Tadbirkorlik faoliyatini himoya qilish tizimini tubdan takomillashtirish va prokuratura organlari faoliyatini optimallashtirish chora-tadbirlari toʻgʻrisida” 2019-yil 15-martdagi PF-5690-son Farmoni bilan Qoraqalpogʻiston Respublikasi, viloyatlar va Toshkent shahar prokurorlarining soliq va bojxona islohotlarini amalga oshirish sohasida qonunchilik ijrosi ustidan nazorat qilishga masʼul boʻlgan oʻrinbosarlariga biriktirilgan transport vositalari, shuningdek, Tadbirkorlarning huquqlarini himoya qilish boʻyicha vakil apparatining xodimlari hududlarda faoliyatni samarali amalga oshirishi uchun zarur boʻlgan kompyuter texnikasi Tadbirkorlarning huquqlarini himoya qilish boʻyicha vakilga berilganligi maʼlumot uchun qabul qilinsin.
2. Oʻzbekiston Respublikasi Moliya vazirligi:
a) 2019-yilda Tadbirkorlarning huquqlarini himoya qilish boʻyicha vakil apparatiga transport vositalari, idora mebeli, kompyuter texnikasi, tashkiliy texnika, shuningdek, boshqa tovar-moddiy boyliklar va xizmatlarni joriy saqlash va sotib olish uchun Oʻzbekiston Respublikasi Vazirlar Mahkamasining zaxira jamgʻarmasidan asoslangan hisob-kitoblar boʻyicha 1,7 mlrd soʻm mablagʻ ajratsin;
Tadbirkorlarning huquqlarini himoya qilish boʻyicha vakil apparatiga navbatchi avtotransport vositalari sifatida foydalanish uchun 2 ta yengil xizmat avtomobilini saqlash uchun qoʻshimcha limit ajratsin;
Tadbirkorlarning huquqlarini himoya qilish boʻyicha vakil apparatiga va uning hududlarda faoliyat yurituvchi xodimlariga belgilangan normativlarga muvofiq texnik va xizmat koʻrsatuvchi xodimlarning qoʻshimcha shtat birliklarini ajratsin;
b) 2020-yildan boshlab har yili Oʻzbekiston Respublikasi Davlat budjeti parametrlarida Tadbirkorlarning huquqlarini himoya qilish boʻyicha vakil apparatini joriy saqlashga mablagʻlarni nazarda tutsin.
3. Belgilab qoʻyilsinki:
Tadbirkorlarning huquqlarini himoya qilish boʻyicha vakil apparati moliya sektorining buxgalteri va moddiy buxgalteri (kassir)ga Oʻzbekiston Respublikasi Prezidenti Administratsiyasi bosh buxgalteri va bosh buxgalterning oʻrinbosari uchun belgilangan mehnatga haq toʻlash va moddiy ragʻbatlantirish shartlari tatbiq etiladi;
Tadbirkorlarning huquqlarini himoya qilish boʻyicha vakil devonining texnik xodimlariga Oʻzbekiston Respublikasi Prezidenti Administratsiyasining tegishli xizmatchi xodimlari, shu jumladan, operatorlarga mutaxassis lavozimi uchun belgilangan mehnatga haq toʻlash va moddiy ragʻbatlantirish shartlari tatbiq etiladi.
Tadbirkorlarning huquqlarini himoya qilish boʻyicha vakil devonining xizmat koʻrsatuvchi xodimlariga Oʻzbekiston Respublikasi Prezidenti Administratsiyasi Transport boʻlimining tegishli xizmat koʻrsatuvchi xodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi.
Tadbirkorlarning huquqlarini himoya qilish boʻyicha vakil apparatining navbatchi transport vositalarini Toshkent shahrida saqlash Oʻzbekiston Respublikasi Prezidenti Administratsiyasi Transport boʻlimi tomonidan, hududlarda esa — Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan bepul asosda amalga oshiriladi.
4. Tadbirkorlarning huquqlarini himoya qilish boʻyicha vakil apparati avtotransport vositalarini rasmiylashtirish, qayta rasmiylashtirish va davlat raqami belgilarini berishda davlat bojlari va yigʻimlar toʻlashdan ozod qilinsin.
Oʻzbekiston Respublikasi Ichki ishlar vazirligi Tadbirkorlarning huquqlarini himoya qilish boʻyicha vakil apparatiga avtotransport vositalarini rasmiylashtirish, qayta rasmiylashtirish va davlat raqami belgilari berilishida koʻmaklashsin.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Tadbirkorlarning huquqlarini himoya qilish boʻyicha vakil apparati buyurtmanomasi boʻyicha belgilangan tartibda:
Tadbirkorlarning huquqlarini himoya qilish boʻyicha vakil apparati aloqaning zarur turlari, shu jumladan, Hukumat aloqasi bilan jihozlanishini, shuningdek, Internet axborot tarmogʻidan keng polosali foydalanishini;
Tekshiruvlarni elektron roʻyxatga olish yagona tizimi takomillashtirilishi va uning uzluksiz ishlashi qoʻllab-quvvatlanishini taʼminlasin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 14-iyul,
584-son
Кабинета Министров Республики Узбекистан
Постановление
О мерах по эффективной организации деятельности Уполномоченного при Президенте Республики Узбекистан по защите прав и законных интересов субъектов предпринимательства
Во исполнение Указа Президента Республики Узбекистан от 15 марта 2019 года № УП-5690 «О мерах по коренному совершенствованию системы защиты предпринимательской деятельности и оптимизации деятельности органов прокуратуры», а также в целях эффективной организации деятельности Уполномоченного при Президенте Республики Узбекистан по защите прав и законных интересов субъектов предпринимательства (далее — Уполномоченный по защите прав предпринимателей) и его аппарата Кабинет Министров постановляет:
1. Принять к сведению, что Указом Президента Республики Узбекистан от 15 марта 2019 года № УП-5690 «О мерах по коренному совершенствованию системы защиты предпринимательской деятельности и оптимизации деятельности органов прокуратуры» Уполномоченному по защите прав предпринимателей переданы транспортные средства, закрепленные за заместителями прокуроров Республики Каракалпакстан, областей и города Ташкента, ответственными за осуществление надзора за исполнением законодательства в сфере осуществления налоговых и таможенных реформ, а также компьютерная техника, необходимая для эффективного осуществления деятельности работниками аппарата Уполномоченного по защите прав предпринимателей в регионах.
2. Министерству финансов Республики Узбекистан:
а) выделить в 2019 году, по обоснованным расчетам, аппарату Уполномоченного по защите прав предпринимателей из резервного фонда Кабинета Министров Республики Узбекистан средства в пределах 1,7 млрд сумов на текущее содержание и приобретение служебных автотранспортных средств, офисной мебели, компьютерной техники, оргтехники, а также прочих товарно-материальных ценностей и услуг;
выделить аппарату Уполномоченного по защите прав предпринимателей дополнительный лимит на содержание служебных легковых автомобилей в количестве 2 единиц, используемых в качестве дежурных автотранспортных средств;
выделить дополнительные штатные единицы технического и обслуживающего персонала аппарату Уполномоченного по защите прав предпринимателей и его работникам, осуществляющим деятельность в регионах, в соответствии с установленным нормативом;
б) начиная с 2020 года, ежегодно предусматривать в параметрах Государственного бюджета Республики Узбекистан средства на текущее содержание аппарата Уполномоченного по защите прав предпринимателей.
3. Установить, что:
на бухгалтера и материального бухгалтера (кассир) финансового сектора аппарата Уполномоченного по защите прав предпринимателей распространяются условия оплаты труда и материального стимулирования, предусмотренные для главного бухгалтера и заместителя главного бухгалтера Администрации Президента Республики Узбекистан;
на технический персонал аппарата Уполномоченного по защите прав предпринимателей распространяются условия оплаты труда и материального стимулирования, предусмотренные для должностей специалистов соответствующих служащих, в том числе операторов Администрации Президента Республики Узбекистан;
на обслуживающий персонал аппарата Уполномоченного по защите прав предпринимателей распространяются условия оплаты труда и материального стимулирования, предусмотренные для соответствующего обслуживающего персонала Транспортной части Администрации Президента Республики Узбекистан;
хранение дежурных автотранспортных средств аппарата Уполномоченного по защите прав предпринимателей в городе Ташкенте осуществляется на безвозмездной основе Транспортной частью Администрации Президента Республики Узбекистан, а в регионах — Советом Министров Республики Каракалпакстан, хокимиятами областей и г. Ташкента.
4. Освободить аппарат Уполномоченного по защите прав предпринимателей от уплаты государственных пошлин и сборов при оформлении, переоформлении и выдаче государственных номерных знаков для автотранспортных средств.
Министерству внутренних дел Республики Узбекистан оказать содействие в оформлении, переоформлении и получении государственных номерных знаков для автотранспортных средств аппарата Уполномоченного по защите прав предпринимателей.
5. Министерству по развитию информационных технологий и коммуникаций Республики Узбекистан по заявке аппарата Уполномоченного по защите прав предпринимателей обеспечить в установленном порядке:
оснащение аппарата Уполномоченного по защите прав предпринимателей необходимыми видами связи, включая правительственную, а также широкополосным доступом к информационной сети Интернет;
совершенствование и поддержание бесперебойного функционирования Единой системы электронной регистрации проверок.
6. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова.
Премьер-министр Республики Узбекистан А. АРИПОВ
г. Ташкент,
14 июля 2019 г.,
№ 584