📅 2019-yil 15-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 15 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 15 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Хоразм вилоятининг илмий-техник ва инновацион салоҳиятини ошириш чора-тадбирлари тўғрисида
Инновацион ривожланишни давом эттириш ва илмий ишланмалар натижаларини амалиётга жорий қилиш, Хоразм вилоятининг мавжуд илмий-техник ва инновацион салоҳиятидан самарали фойдаланиш, шунингдек, ҳудудда олий таълим муассасаларини янада қўллаб-қувватлаш ҳамда инновацион тадбиркорликни ривожлантириш мақсадида Вазирлар Маҳкамаси қарор қилади:
1. Ўзбекистон Республикаси Инновацион ривожланиш вазирлиги, Олий ва ўрта махсус таълим вазирлиги, Инвестициялар ва ташқи савдо вазирлиги ҳамда Хоразм вилояти ҳокимлигининг Урганч давлат университети ҳузурида «Хоразм» инновацион технопаркини (кейинги ўринларда «Хоразм» технопарки деб аталади) ташкил этиш тўғрисидаги таклифига розилик берилсин.
2. Қуйидагилар «Хоразм» технопаркининг асосий вазифалари ва фаолият йўналишлари этиб белгилансин:
ҳудудда рақобатбардош, инновацион маҳсулотлар ҳамда хизматларни ишлаб чиқиш, шунингдек, келгусида реализация қилиш учун талабалар ва ёш олимларга қулай шароитлар яратиш орқали илмий ҳамда илмий-техник фаолият натижаларини жадал ва кенг жорий этиш;
юқори технологиялар соҳасида тадқиқотлар ўтказиш ва илмий-техник ҳамда инновацион лойиҳаларни амалга ошириш учун ягона майдон ташкил этиш орқали ҳудуднинг инновацион салоҳиятини ошириш;
стартап-лойиҳаларни жорий этиш ва ҳудуднинг долзарб муаммоларини ҳал қилиш учун олимлар, олий таълим муассасалари кафедраларининг илмий ходимлари, ўқитувчилари ва талабаларини илмий ҳамда лаборатория тадқиқотларини ўтказиш жараёнига жалб қилиш;
замонавий талабларга жавоб берадиган малакали кадрларни тайёрлаш, шунингдек, ҳудудни сифатли юқори технологияли маҳсулотлар ва хизматлар билан таъминлаш мақсадида илм-фан, таълим ва ишлаб чиқариш интергациясини чуқурлаштириш;
ҳудудда юқори технологияли инфратузилма, хусусан, замонавий лабораториялар ва ишлаб чиқариш майдонларини ташкил қилиш, шунингдек, венчур молиялаштириш механизмидан фойдаланиш имкониятларини назарда тутган ҳолда, технопарк резидентларига илмий-техник ва инновацион лойиҳаларни амалга оширишда кўмаклашиш;
етакчи компаниялар вакиллари, юқори малакали мутахассислар, экспертлар иштирокида маҳорат дарслари, тренинглар ва курслар ташкил этиш, шунингдек, ёшларда амалий кўникмаларни шакллантириш ҳамда ишлаб чиқарувчилар билан инновацион-корпоратив ҳамкорликни йўлга қўйишга қаратилган илмий-амалий конференциялар ва семинарлар ўтказиш.
3. Белгилаб қўйилсинки:
«Хоразм» технопаркининг фаолиятини оператив бошқариш вазифасини амалга ошириш ва унинг резидентлари томонидан илмий-техник ҳамда инновацион лойиҳаларнинг бажарилишини назорат қилиш учун Урганч давлат университети муассислигида давлат корхонаси шаклидаги «Хоразм» инновацион технопарки дирекцияси (кейинги ўринларда Дирекция деб аталади) ташкил этилади;
«Хоразм» технопаркининг экстерриториаллиги Хоразм вилояти доирасида назарда тутилади ва бунда амалга ошириладиган лойиҳаларнинг илмий, технологик ва иқтисодий мақсадга мувофиқлиги ҳисобга олиниб, унинг резидентлари Хоразм вилоятининг барча ҳудудларида жойлаштирилади;
«Хоразм» технопаркининг резиденти мақоми Хоразм вилояти ҳокимлигининг қарорига асосан хўжалик субъектларига берилади ва кейинчалик улар Дирекция томонидан рўйхатга олинади;
«Хоразм» технопаркининг резиденти мақоми танлов асосида 10 йил муддатга берилади.
4. Белгилансинки:
а) Дирекция фаолияти қуйидагилар ҳисобидан молиялаштирилади:
«Хоразм» технопарки резидентларининг Дирекция томонидан белгиланган ставкалар бўйича ва соф даромаднинг уч фоизидан ошмайдиган ҳар чораклик ажратмалари;
Урганч давлат университетининг бюджетдан ташқари маблағлари;
халқаро молия ташкилотлари ва муассасаларининг грантлари ҳамда кредитлари доирасида тушадиган маблағлар;
хизматлар кўрсатишдан, шунингдек, Дирекцияга бириктирилган бино ва иншоотларни ижарага беришдан олинадиган даромадлар;
қонунчиликда тақиқланмаган бошқа манбалар;
б) инновацион ва стартап-лойиҳаларни амалга ошириш билан боғлиқ харажатлар, шу жумладан асбоб-ускуналар, хомашё, бутловчи ва эҳтиёт қисмларни сотиб олиш, тажриба намуналари, саноат буюмлари намуналарини ишлаб чиқариш белгиланган тартибда Ўзбекистон Республикаси Инновацион ривожланиш вазирлиги ҳузуридаги Илмий ва илмий-техник фаолият натижаларини тижоратлаштириш Президент жамғармаси маблағлари ҳисобидан 2 млн АҚШ долларидан кўп бўлмаган миқдорда молиялаштирилади;
в) мазкур банднинг « а » ва «б» кичик бандларида қайд этилган маблағлардан «Хоразм» технопарки ва Дирекция фаолиятини амалга ошириш билан боғлиқ бўлмаган бошқа мақсадларда фойдаланишга йўл қўйилмайди.
5. Ўзбекистон Республикаси Олий ва ўрта махсус таълим вазирлиги ҳамда Хоразм вилояти ҳокимлигининг Хоразм вилояти, Урганч тумани, Мустақиллик кўчаси, 6-уйда жойлашган Урганч саноат коллежининг бино ва иншоотларини тегишли ҳудуди билан биргаликда Урганч давлат университетига оператив бошқарув ҳуқуқи асосида бериш ва кейинчалик уларда Дирекцияни жойлаштириш тўғрисидаги таклифларига розилик берилсин. Бунда, Университет профессор-ўқитувчилари ва талабаларининг ушбу бино ҳамда иншоотлардан илмий-таълим ва тадқиқот мақсадларида фойдаланиш ҳуқуқи сақлаб қолинади.
6. Белгилаб қўйилсинки:
а) Дирекцияни жойлаштириш учун бериладиган бино ва иншоотлар базасида «Хоразм» технопарки фаолият кўрсатиши учун, хусусан, зарур ускуналар билан жиҳозланган илмий лабораториялар ва ишлаб чиқариш цехлари, шунингдек, конференц-зал, коворкинг-марказ, шоу-рум ва бошқаларни ўз ичига олган замонавий инфратузилма ташкил этилади;
б) Дирекцияни жойлаштириш учун бериладиган бино ва иншоотларни реконструкция қилиш, унинг ҳудудида «Хоразм» технопарки инфратузилмаси янги объектларининг қурилиши маҳаллий бюджет маблағлари, шу жумладан маҳаллий бюджетнинг йил бошидаги бўш қолдиқ маблағлари ва даромад қисмининг ортиғи билан бажарилиши, шунингдек, қонунчиликда тақиқланмаган бошқа маблағлар ҳисобидан амалга оширилади;
в) «Хоразм» технопаркининг илмий лабораториялари ва ишлаб чиқариш цехларини, инфратузилмасининг бошқа объектларини жиҳозлаш, сарфлаш материаллари ва уларнинг реактивларини харид қилиш Дирекцияга қуйидаги манбалардан ажратиладиган маблағлар ҳисобидан амалга оширилади:
мазкур қарорнинг 4-банди « а » ва «б» кичик бандларида қайд этилган манбалар;
халқаро молия ташкилотларининг грантлари ва кредитлари, шунингдек, хайрия маблағлари;
г) Урганч саноат касб-ҳунар коллежининг ўқувчилари 2019/2020 ўқув йили охирига қадар ўқишни Хоразм вилояти, Урганч тумани, Мустақиллик кўчаси, 6-уй манзилида жойлашган бино ва иншоотларда давом эттиради.
7. Хоразм вилояти ҳокимлиги:
Ўзбекистон Республикаси Ташқи ишлар вазирлиги билан биргаликда етакчи хорижий мамлакатларнинг технопарклари, инновацион марказлари ва бошқа шундай тузилмалари билан, жумладан, «Хоразм» технопарки ходимлари ва резидентларининг тажриба алмашиши, таълим олиши ва малака оширишини ташкил қилиш масалаларида ҳамкорликни йўлга қўйсин;
Ўзбекистон Республикаси Инвестициялар ва ташқи савдо вазирлиги билан биргаликда «Хоразм» технопарки инфратузилмасининг ҳамда технопарк ҳудудида амалга ошириладиган илмий-техник ва инновацион лойиҳалар объектларини замонавий юқори технологик ускуналар билан жиҳозлаш учун халқаро молия ташкилотларининг техник кўмаклашиш маблағлари ва грантларини жалб қилиш чораларини кўрсин;
Ўзбекистон Республикаси Савдо-саноат палатаси билан биргаликда бизнесни ташкил этиш ва ривожлантириш, шу жумладан бизнес-режалар ва таъсис ҳужжатларини тайёрлаш, суғурта, бухгалтериян юритиш, ҳисобот топшириш, бизнес шерикларни топиш, мини-технологиялар ва ускуналарни харид қилиш билан боғлиқ ташкилий-амалий масалаларни ҳал этишда «Хоразм» технопарки резидентларини қўллаб-қувватлаш учун бизнес инкубаторлар ташкил этилишини таъминласин;
Ўзбекистон Республикаси Инновацион ривожланиш вазирлиги билан биргаликда «Хоразм» технопаркининг фаолият кўрсатишини илғор халқаро тажриба асосида услубий қўллаб-қувватлашни таъминласин.
8. Ўзбекистон Республикаси Президентининг «Тошкент шаҳрининг Яшнобод туманида инновация технопаркини ташкил қилиш тўғрисида» 2017 йил 5 июндаги ПФ-5068-сон Фармонининг 10-бандида назарда тутилган солиқ ва божхона имтиёзлари «Хоразм» технопарки резидентлари ва Дирекциясига ҳам татбиқ этилсин.
«Яшнобод» инновация технопарки ва «Хоразм» технопарки резидентлари учун назарда тутилган солиқ ҳамда божхона имтиёзлари фақат Тошкент шаҳри ва Хоразм вилояти ҳудуди доирасида амалга ошириладиган ишлаб чиқариш (хизмат кўрсатиш) фаолиятида қўлланиши маълумот учун қабул қилинсин.
9. Ўзбекистон Республикаси Адлия вазирлиги ҳузуридаги Интеллектуал мулк агентлиги «Хоразм» технопарки таъсисчилари билан биргаликда икки ой муддатда Дирекция тузилмасида «Хоразм» технопарки резидентлари ва норезидентларига ихтиролар ҳамда бошқа интеллектуал мулк объектлари учун буюртманомалар тайёрлашда маслаҳат ёрдами кўрсатиш марказини ташкил этсин.
10. Хоразм вилояти ҳокимлиги 2020 йилнинг 1 январига қадар Дирекцияга бириктириладиган бинолар ва иншоотлар реконструкция қилиниши, 2020 йил 1 октябргача вилоят ҳудудида «Хоразм» технопаркининг янги инфратузилма объектлари қурилишини таъминласин.
Хоразм вилояти ҳокимлигига Дирекцияни жойлаштириш учун бериладиган бинолар ва иншоотларни реконструкция қилиш, шунингдек, вилоят ҳудудида «Хоразм» технопаркининг янги инфратузилма объектларини қуриш бўйича буюртмачи вазифаларини бажариш юклансин.
11. Ўзбекистон Республикаси Олий ва ўрта махсус таълим вазирлиги Инновацион ривожланиш вазирлиги билан биргаликда резидентларни рўйхатга олиш, истиқболли стартап-лойиҳаларни танлаш ва молиялаштириш тартиби, Дирекциянинг тузилмаси ва штатлар жадвали назарда тутилган ҳолда, икки ой муддатда «Хоразм» технопарки фаолиятини ташкил этиш тўғрисидаги низомни тасдиқласин.
12. Хоразм вилояти ҳокимлиги Ўзбекистон Республикаси Инновацион ривожланиш вазирлиги ҳамда Олий ва ўрта махсус таълим вазирлиги билан биргаликда «Хоразм» технопаркининг фаолиятини ташкил этиш ва тўлиқ фаолият кўрсатишини таъминласин.
13. Мазкур қарорнинг бажарилишини назорат қилиш Ўзбекистон Республикаси инновацион ривожланиш вазири И.Ю. Абдураҳмонов, олий ва ўрта махсус таълим вазири И.У. Маджидов ва Хоразм вилояти ҳокими Ф.У. Эрманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 15 июль,
585-сон
Oʻzbekiston Respublikasi Vazirlar Mahkamasining
qarori
Xorazm viloyatining ilmiy-texnik va innovatsion salohiyatini oshirish chora-tadbirlari toʻgʻrisida
Innovatsion rivojlanishni davom ettirish va ilmiy ishlanmalar natijalarini amaliyotga joriy qilish, Xorazm viloyatining mavjud ilmiy-texnik va innovatsion salohiyatidan samarali foydalanish, shuningdek, hududda oliy taʼlim muassasalarini yanada qoʻllab-quvvatlash hamda innovatsion tadbirkorlikni rivojlantirish maqsadida Vazirlar Mahkamasi qaror qiladi:
1. Oʻzbekiston Respublikasi Innovatsion rivojlanish vazirligi, Oliy va oʻrta maxsus taʼlim vazirligi, Investitsiyalar va tashqi savdo vazirligi hamda Xorazm viloyati hokimligining Urganch davlat universiteti huzurida “Xorazm” innovatsion texnoparkini (keyingi oʻrinlarda “Xorazm” texnoparki deb ataladi) tashkil etish toʻgʻrisidagi taklifiga rozilik berilsin.
2. Quyidagilar “Xorazm” texnoparkining asosiy vazifalari va faoliyat yoʻnalishlari etib belgilansin:
hududda raqobatbardosh, innovatsion mahsulotlar hamda xizmatlarni ishlab chiqish, shuningdek, kelgusida realizatsiya qilish uchun talabalar va yosh olimlarga qulay sharoitlar yaratish orqali ilmiy hamda ilmiy-texnik faoliyat natijalarini jadal va keng joriy etish;
yuqori texnologiyalar sohasida tadqiqotlar oʻtkazish va ilmiy-texnik hamda innovatsion loyihalarni amalga oshirish uchun yagona maydon tashkil etish orqali hududning innovatsion salohiyatini oshirish;
startap-loyihalarni joriy etish va hududning dolzarb muammolarini hal qilish uchun olimlar, oliy taʼlim muassasalari kafedralarining ilmiy xodimlari, oʻqituvchilari va talabalarini ilmiy hamda laboratoriya tadqiqotlarini oʻtkazish jarayoniga jalb qilish;
zamonaviy talablarga javob beradigan malakali kadrlarni tayyorlash, shuningdek, hududni sifatli yuqori texnologiyali mahsulotlar va xizmatlar bilan taʼminlash maqsadida ilm-fan, taʼlim va ishlab chiqarish intergatsiyasini chuqurlashtirish;
hududda yuqori texnologiyali infratuzilma, xususan, zamonaviy laboratoriyalar va ishlab chiqarish maydonlarini tashkil qilish, shuningdek, venchur moliyalashtirish mexanizmidan foydalanish imkoniyatlarini nazarda tutgan holda, texnopark rezidentlariga ilmiy-texnik va innovatsion loyihalarni amalga oshirishda koʻmaklashish;
yetakchi kompaniyalar vakillari, yuqori malakali mutaxassislar, ekspertlar ishtirokida mahorat darslari, treninglar va kurslar tashkil etish, shuningdek, yoshlarda amaliy koʻnikmalarni shakllantirish hamda ishlab chiqaruvchilar bilan innovatsion-korporativ hamkorlikni yoʻlga qoʻyishga qaratilgan ilmiy-amaliy konferensiyalar va seminarlar oʻtkazish.
3. Belgilab qoʻyilsinki:
“Xorazm” texnoparkining faoliyatini operativ boshqarish vazifasini amalga oshirish va uning rezidentlari tomonidan ilmiy-texnik hamda innovatsion loyihalarning bajarilishini nazorat qilish uchun Urganch davlat universiteti muassisligida davlat korxonasi shaklidagi “Xorazm” innovatsion texnoparki direksiyasi (keyingi oʻrinlarda Direksiya deb ataladi) tashkil etiladi;
“Xorazm” texnoparkining eksterritorialligi Xorazm viloyati doirasida nazarda tutiladi va bunda amalga oshiriladigan loyihalarning ilmiy, texnologik va iqtisodiy maqsadga muvofiqligi hisobga olinib, uning rezidentlari Xorazm viloyatining barcha hududlarida joylashtiriladi;
“Xorazm” texnoparkining rezidenti maqomi Xorazm viloyati hokimligining qaroriga asosan xoʻjalik subyektlariga beriladi va keyinchalik ular Direksiya tomonidan roʻyxatga olinadi;
“Xorazm” texnoparkining rezidenti maqomi tanlov asosida 10 yil muddatga beriladi.
4. Belgilansinki:
a) Direksiya faoliyati quyidagilar hisobidan moliyalashtiriladi:
“Xorazm” texnoparki rezidentlarining Direksiya tomonidan belgilangan stavkalar boʻyicha va sof daromadning uch foizidan oshmaydigan har choraklik ajratmalari;
Urganch davlat universitetining budjetdan tashqari mablagʻlari;
xalqaro moliya tashkilotlari va muassasalarining grantlari hamda kreditlari doirasida tushadigan mablagʻlar;
xizmatlar koʻrsatishdan, shuningdek, Direksiyaga biriktirilgan bino va inshootlarni ijaraga berishdan olinadigan daromadlar;
qonunchilikda taqiqlanmagan boshqa manbalar;
b) innovatsion va startap-loyihalarni amalga oshirish bilan bogʻliq xarajatlar, shu jumladan asbob-uskunalar, xomashyo, butlovchi va ehtiyot qismlarni sotib olish, tajriba namunalari, sanoat buyumlari namunalarini ishlab chiqarish belgilangan tartibda Oʻzbekiston Respublikasi Innovatsion rivojlanish vazirligi huzuridagi Ilmiy va ilmiy-texnik faoliyat natijalarini tijoratlashtirish Prezident jamgʻarmasi mablagʻlari hisobidan 2 mln AQSh dollaridan koʻp boʻlmagan miqdorda moliyalashtiriladi;
v) mazkur bandning “ a ” va “b” kichik bandlarida qayd etilgan mablagʻlardan “Xorazm” texnoparki va Direksiya faoliyatini amalga oshirish bilan bogʻliq boʻlmagan boshqa maqsadlarda foydalanishga yoʻl qoʻyilmaydi.
5. Oʻzbekiston Respublikasi Oliy va oʻrta maxsus taʼlim vazirligi hamda Xorazm viloyati hokimligining Xorazm viloyati, Urganch tumani, Mustaqillik koʻchasi, 6-uyda joylashgan Urganch sanoat kollejining bino va inshootlarini tegishli hududi bilan birgalikda Urganch davlat universitetiga operativ boshqaruv huquqi asosida berish va keyinchalik ularda Direksiyani joylashtirish toʻgʻrisidagi takliflariga rozilik berilsin. Bunda, Universitet professor-oʻqituvchilari va talabalarining ushbu bino hamda inshootlardan ilmiy-taʼlim va tadqiqot maqsadlarida foydalanish huquqi saqlab qolinadi.
6. Belgilab qoʻyilsinki:
a) Direksiyani joylashtirish uchun beriladigan bino va inshootlar bazasida “Xorazm” texnoparki faoliyat koʻrsatishi uchun, xususan, zarur uskunalar bilan jihozlangan ilmiy laboratoriyalar va ishlab chiqarish sexlari, shuningdek, konferens-zal, kovorking-markaz, shou-rum va boshqalarni oʻz ichiga olgan zamonaviy infratuzilma tashkil etiladi;
b) Direksiyani joylashtirish uchun beriladigan bino va inshootlarni rekonstruksiya qilish, uning hududida “Xorazm” texnoparki infratuzilmasi yangi obyektlarining qurilishi mahalliy budjet mablagʻlari, shu jumladan mahalliy budjetning yil boshidagi boʻsh qoldiq mablagʻlari va daromad qismining ortigʻi bilan bajarilishi, shuningdek, qonunchilikda taqiqlanmagan boshqa mablagʻlar hisobidan amalga oshiriladi;
v) “Xorazm” texnoparkining ilmiy laboratoriyalari va ishlab chiqarish sexlarini, infratuzilmasining boshqa obyektlarini jihozlash, sarflash materiallari va ularning reaktivlarini xarid qilish Direksiyaga quyidagi manbalardan ajratiladigan mablagʻlar hisobidan amalga oshiriladi:
mazkur qarorning 4-bandi “ a ” va “b” kichik bandlarida qayd etilgan manbalar;
xalqaro moliya tashkilotlarining grantlari va kreditlari, shuningdek, xayriya mablagʻlari;
g) Urganch sanoat kasb-hunar kollejining oʻquvchilari 2019/2020 oʻquv yili oxiriga qadar oʻqishni Xorazm viloyati, Urganch tumani, Mustaqillik koʻchasi, 6-uy manzilida joylashgan bino va inshootlarda davom ettiradi.
7. Xorazm viloyati hokimligi:
Oʻzbekiston Respublikasi Tashqi ishlar vazirligi bilan birgalikda yetakchi xorijiy mamlakatlarning texnoparklari, innovatsion markazlari va boshqa shunday tuzilmalari bilan, jumladan, “Xorazm” texnoparki xodimlari va rezidentlarining tajriba almashishi, taʼlim olishi va malaka oshirishini tashkil qilish masalalarida hamkorlikni yoʻlga qoʻysin;
Oʻzbekiston Respublikasi Investitsiyalar va tashqi savdo vazirligi bilan birgalikda “Xorazm” texnoparki infratuzilmasining hamda texnopark hududida amalga oshiriladigan ilmiy-texnik va innovatsion loyihalar obyektlarini zamonaviy yuqori texnologik uskunalar bilan jihozlash uchun xalqaro moliya tashkilotlarining texnik koʻmaklashish mablagʻlari va grantlarini jalb qilish choralarini koʻrsin;
Oʻzbekiston Respublikasi Savdo-sanoat palatasi bilan birgalikda biznesni tashkil etish va rivojlantirish, shu jumladan biznes-rejalar va taʼsis hujjatlarini tayyorlash, sugʻurta, buxgalteriyan yuritish, hisobot topshirish, biznes sheriklarni topish, mini-texnologiyalar va uskunalarni xarid qilish bilan bogʻliq tashkiliy-amaliy masalalarni hal etishda “Xorazm” texnoparki rezidentlarini qoʻllab-quvvatlash uchun biznes inkubatorlar tashkil etilishini taʼminlasin;
Oʻzbekiston Respublikasi Innovatsion rivojlanish vazirligi bilan birgalikda “Xorazm” texnoparkining faoliyat koʻrsatishini ilgʻor xalqaro tajriba asosida uslubiy qoʻllab-quvvatlashni taʼminlasin.
8. Oʻzbekiston Respublikasi Prezidentining “Toshkent shahrining Yashnobod tumanida innovatsiya texnoparkini tashkil qilish toʻgʻrisida” 2017-yil 5-iyundagi PF-5068-son Farmonining 10-bandida nazarda tutilgan soliq va bojxona imtiyozlari “Xorazm” texnoparki rezidentlari va Direksiyasiga ham tatbiq etilsin.
“Yashnobod” innovatsiya texnoparki va “Xorazm” texnoparki rezidentlari uchun nazarda tutilgan soliq hamda bojxona imtiyozlari faqat Toshkent shahri va Xorazm viloyati hududi doirasida amalga oshiriladigan ishlab chiqarish (xizmat koʻrsatish) faoliyatida qoʻllanishi maʼlumot uchun qabul qilinsin.
9. Oʻzbekiston Respublikasi Adliya vazirligi huzuridagi Intellektual mulk agentligi “Xorazm” texnoparki taʼsischilari bilan birgalikda ikki oy muddatda Direksiya tuzilmasida “Xorazm” texnoparki rezidentlari va norezidentlariga ixtirolar hamda boshqa intellektual mulk obyektlari uchun buyurtmanomalar tayyorlashda maslahat yordami koʻrsatish markazini tashkil etsin.
10. Xorazm viloyati hokimligi 2020-yilning 1-yanvariga qadar Direksiyaga biriktiriladigan binolar va inshootlar rekonstruksiya qilinishi, 2020-yil 1-oktabrgacha viloyat hududida “Xorazm” texnoparkining yangi infratuzilma obyektlari qurilishini taʼminlasin.
Xorazm viloyati hokimligiga Direksiyani joylashtirish uchun beriladigan binolar va inshootlarni rekonstruksiya qilish, shuningdek, viloyat hududida “Xorazm” texnoparkining yangi infratuzilma obyektlarini qurish boʻyicha buyurtmachi vazifalarini bajarish yuklansin.
11. Oʻzbekiston Respublikasi Oliy va oʻrta maxsus taʼlim vazirligi Innovatsion rivojlanish vazirligi bilan birgalikda rezidentlarni roʻyxatga olish, istiqbolli startap-loyihalarni tanlash va moliyalashtirish tartibi, Direksiyaning tuzilmasi va shtatlar jadvali nazarda tutilgan holda, ikki oy muddatda “Xorazm” texnoparki faoliyatini tashkil etish toʻgʻrisidagi nizomni tasdiqlasin.
12. Xorazm viloyati hokimligi Oʻzbekiston Respublikasi Innovatsion rivojlanish vazirligi hamda Oliy va oʻrta maxsus taʼlim vazirligi bilan birgalikda “Xorazm” texnoparkining faoliyatini tashkil etish va toʻliq faoliyat koʻrsatishini taʼminlasin.
13. Mazkur qarorning bajarilishini nazorat qilish Oʻzbekiston Respublikasi innovatsion rivojlanish vaziri I.Y. Abdurahmonov, oliy va oʻrta maxsus taʼlim vaziri I.U. Madjidov va Xorazm viloyati hokimi F.U. Ermanov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 15-iyul,
585-son
Кабинета Министров Республики Узбекистан
Постановление
О мерах по повышению научно-технического и инновационного потенциала Хорезмской области
В целях создания благоприятных условий для дальнейшего инновационного развития и внедрения в практику результатов научных разработок, эффективного задействования имеющегося научно-технического и инновационного потенциала Хорезмской области, а также дальнейшего совершенствования мер поддержки высших образовательных учреждений и развития инновационного предпринимательства в регионе Кабинет Министров постановляет:
1. Согласиться с предложением Министерства инновационного развития, Министерства высшего и среднего специального образования, Министерства инвестиций и внешней торговли Республики Узбекистан и хокимията Хорезмской области о создании инновационного технопарка «Хоразм» при Ургенчском государственным университете (далее — Технопарк «Хоразм»).
2. Определить основными задачами и направлениями деятельности Технопарка «Хоразм»:
ускоренное и широкое внедрение результатов научной и научно-технической деятельности в регионе, в том числе путем создания благоприятных условий студентам и молодым ученым для разработки и последующей реализации конкурентоспособных и инновационных продукции и услуг;
наращивание инновационного потенциала региона путем проведения исследований в области разработки высоких технологий и создания единой площадки для реализации научно-технических и инновационных проектов;
привлечение ученых, научных сотрудников кафедр, преподавателей и студентов высших образовательных учреждений к процессу проведения научных и лабораторных исследований для внедрения стартап-проектов и решения актуальных проблем региона;
углубление интеграции науки, образования и производства в целях подготовки квалифицированных специалистов, отвечающих современным требованиям, а также для обеспечения региона качественной высокотехнологичной продукцией и услугами;
создание в регионе высокотехнологичной инфраструктуры, в том числе современных лабораторий и производственных площадей, а также оказание поддержки резидентам технопарка в реализации научно-технических и инновационных проектов, предусмотрев возможность использования механизма венчурного финансирования;
организацию мастер-классов, тренингов и курсов с участием представителей ведущих компаний, высококвалифицированных специалистов, экспертов, а также проведение научно-практических конференций и семинаров, направленных на формирование у молодежи практических навыков и налаживание инновационно-корпоративного сотрудничества с производителями.
3. Установить, что:
для осуществления функций оперативного управления деятельностью Технопарка «Хоразм» и контроля хода реализации его резидентами научно-технических и инновационных проектов создается Дирекция инновационного технопарка «Хоразм» (далее — Дирекция) в форме государственного учреждения при учредительстве Ургенчского государственного университета;
экстерриториальность Технопарка «Хоразм» предусматривается в пределах Хорезмской области с размещением его резидентов на территории всей Хорезмской области, с учетом научной, технологической и экономической целесообразности реализуемых проектов;
статус резидента технопарка «Хоразм» предоставляется хозяйствующим субъектам по решению хокимията Хорезмской области, с последующей регистрацией их в Дирекции;
статус резидента Технопарка «Хоразм» присваивается сроком до 10 лет на конкурсной основе.
4. Определить, что:
а) финансирование деятельности Дирекции осуществляется за счет:
ежеквартальных отчислений резидентов Технопарка «Хоразм» по определяемым Дирекцией ставкам в пределах, не превышающих трех процентов от их чистой выручки;
внебюджетных средств Ургенчского государственного университета;
средств, поступающих в рамках грантов и кредитов международных финансовых организаций;
доходов от оказания услуг, а также поступлений от предоставления в аренду зданий и сооружений, закрепленных за Дирекцией;
других источников, не запрещенных законодательством;
б) расходы, связанные с реализацией инновационных и стартап-проектов, включая приобретение и установку оборудования, сырья, комплектующих и запасных частей, производство опытных образцов, прототипов промышленных изделий, в установленном порядке финансируются за счет средств Президентского Фонда коммерциализации результатов научной и научно-технической деятельности при Министерстве инновационного развития Республики Узбекистан в размере не более 2 млн. долларов США;
в) не допускается использование средств, указанных в подпунктах «а» и « б » настоящего пункта, на иные цели, не связанные с функционированием Технопарка «Хоразм» и осуществлением деятельности Дирекции.
5. Согласиться с предложением Министерства высшего и среднего специального образования Республики Узбекистан и хокимията Хорезмской области о передаче Ургенческому государственному университету зданий и сооружений Ургенчского промышленного колледжа с прилегающей территорией, расположенных по адресу: Хорезмская область, Ургенчский район, улица Мустакиллик, 6, на праве оперативного управления с последующим размещением в них Дирекции. При этом за профессорско-преподавательским составом и студентами Университета сохраняется право пользования указанными зданиями и сооружениями в научно-образовательных и исследовательских целях.
6. Определить, что:
а) на базе зданий и сооружений, передаваемых для размещения Дирекции, создается современная инфраструктура для функционирования Технопарка «Хоразм», включающая, в частности, научные лаборатории и производственные цеха с необходимым оборудованием, а также конференц-зал, коворкинг-центр, шоу-рум и др.;
б) реконструкция зданий и сооружений, передаваемых для размещения Дирекции, и строительство новых объектов инфраструктуры Технопарка «Хоразм» на его территории осуществляются за счет местного бюджета, в том числе свободного остатка средств на начало года и перевыполнения доходной части местного бюджета, а также иных источников, не запрещенных законодательством;
в) оснащение научных лабораторий и производственных цехов, закупка расходных материалов и реактивов к ним, а также других объектов инфраструктуры Технопарка «Хоразм» осуществляются за счет средств, выделяемых Дирекции из следующих источников:
средства, указанные в подпунктах «а» и « б » пункта 4 настоящего постановления;
гранты и кредиты международных финансовых организаций, а также благотворительные пожертвования;
г) учащиеся Ургенчского промышленного колледжа продолжат обучение в зданиях, расположенных по адресу: Хорезмская область, Ургенчский район, улица Мустакиллик, 6, до конца 2019/2020 учебного года;
7. Хокимияту Хорезмской области совместно с:
Министерством иностранных дел Республики Узбекистан наладить сотрудничество с технопарками, инновационными центрами и другими аналогичными структурами ведущих зарубежных стран, в том числе в вопросах организации обмена опытом, обучения и стажировки работников и резидентов Технопарка «Хоразм»;
Министерством инвестиций и внешней торговли Республики Узбекистан принять меры по привлечению средств технического содействия и грантов международных финансовых организаций для оснащения современным высокотехнологичным оборудованием объектов инфраструктуры Технопарка «Хоразм» и реализуемых на территории технопарка научно-технических и инновационных проектов;
Торгово-промышленной палатой Республики Узбекистан обеспечить организацию бизнес-инкубаторов для оказания содействия резидентам Технопарка «Хоразм» в решении организационно-практических вопросов, связанных с созданием и развитием бизнеса, в том числе в части подготовки бизнес-планов и учредительных документов, предоставления услуг по страхованию, ведению бухгалтерии, сдаче отчетности, поиску бизнес-партнеров, приобретению мини-технологий и оборудования;
Министерством инновационного развития Республики Узбекистан обеспечить методологическую поддержку функционирования Технопарка «Хоразм» на основе передового международного опыта.
8. Распространить действие налоговых и таможенных льгот, предусмотренных пунктом 10 Указа Президента Республики Узбекистан от 5 июня 2017 года № УП-5068 «О создании инновационного технопарка в Яшнабадском районе города Ташкента», на резидентов Технопарка «Хоразм» и Дирекцию.
Принять к сведению, что налоговые и таможенные льготы, предусмотренные для резидентов инновационного технопарка «Яшнабад» и Технопарка «Хоразм», применяются исключительно в части производственной деятельности (оказания услуг), осуществляемой в пределах территорий города Ташкента и Хорезмской области, соответственно.
9. Агентству по интеллектуальной собственности при Министерстве юстиции Республики Узбекистан совместно с учредителем Технопарка «Хоразм» в двухмесячный срок организовать в структуре Дирекции центр по оказанию консультативной помощи резидентам и нерезидентам Технопарка «Хоразм» при подготовке заявок на изобретения и другие объекты интеллектуальной собственности.
10. Хокимияту Хорезмской области обеспечить в срок до 1 января 2020 года — реконструкцию зданий и сооружений, закрепляемых за Дирекцией, в срок до 1 октября 2020 года — строительство новых объектов инфраструктуры Технопарка «Хоразм» на территории области.
Возложить на хокимият Хорезмской области выполнение функций заказчика по реконструкции зданий и сооружений, передаваемых для размещения Дирекции, а также строительству новых объектов инфраструктуры Технопарка «Хоразм» на территории области.
11. Министерству высшего и среднего специального образования совместно с Министерством инновационного развития Республики Узбекистан в двухмесячный срок утвердить Положение о порядке организации деятельности Технопарка «Хоразм», предусмотрев в нем порядок регистрации резидентов, отбора и финансирования перспективных стартап-проектов, структуру и штатное расписание Дирекции.
12. Хокимияту Хорезмской области совместно с Министерством инновационного развития, Министерством высшего и среднего специального образования Республики Узбекистан обеспечить организацию деятельности и полноценное функционирование Технопарка «Хоразм».
13. Контроль за исполнением настоящего постановления возложить на министра инновационного развития Республики Узбекистан И.Ю. Абдурахмонова, министра высшего и среднего специального образования Республики Узбекистан И.У. Маджидова и хокима Хорезмской области Ф.У. Эрманова.
Премьер-министр Республики Узбекистан А. АРИПОВ
г. Ташкент,
15 июля 2019 г.,
№ 585