📅 2019-yil 18-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 18 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 18 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент шаҳридаги фойдаланилмаётган давлат мулки объектларидан самарали фойдаланиш тўғрисида
Тошкент шаҳридаги давлат мулки объектларидан самарали фойдаланиш мақсадида Вазирлар Маҳкамаси қарор қилади:
1. Ўзбекистон Республикаси Ички ишлар вазирлиги ва Тошкент шаҳар ҳокимлигининг Тошкент шаҳри, Яккасарой тумани, Ракатбоши кўчаси, 15-уй манзилида жойлашган Ички ишлар вазирлиги хўжалик бошқармаси оператив бошқарувидаги бино ва иншоотларни (кейинги ўринларда объект деб аталади) Тошкент шаҳар ҳокимлигига текин бериш тўғрисидаги таклифларига розилик берилсин.
2. Ўзбекистон Республикаси Ички ишлар вазирлиги объектни белгиланган тартибда топширсин, Тошкент шаҳар ҳокимлиги қабул қилиб олсин ҳамда ундан мақсадли фойдаланиш чораларини кўрсин.
3. Тошкент шаҳар ҳокимлиги объект ўрнига Тошкент шаҳар ҳудудидан тенг майдон ва хоналар ҳажмидаги маъмурий бинони икки ой муддатда Ички ишлар вазирлигига белгиланган тартибда ўтказиб берилишини таъминласин.
4. Ўзбекистон Республикаси Вазирлар Маҳкамасининг «Тошкент шаҳрида Халқаро йўл ҳаракати ташкилотининг минтақавий ваколатхонасини очиш тўғрисида» 1994 йил 26 октябрдаги 518-сон қарори ўз кучини йўқотган деб ҳисоблансин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов, Ички ишлар вазири П.Р. Бобожонов ҳамда Тошкент шаҳар ҳокими Ж.А. Артикходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 18 июль,
601-сон
Oʻzbekiston Respublikasi Vazirlar Mahkamasining
qarori
Toshkent shahridagi foydalanilmayotgan davlat mulki obyektlaridan samarali foydalanish toʻgʻrisida
Toshkent shahridagi davlat mulki obyektlaridan samarali foydalanish maqsadida Vazirlar Mahkamasi qaror qiladi:
1. Oʻzbekiston Respublikasi Ichki ishlar vazirligi va Toshkent shahar hokimligining Toshkent shahri, Yakkasaroy tumani, Rakatboshi koʻchasi, 15-uy manzilida joylashgan Ichki ishlar vazirligi xoʻjalik boshqarmasi operativ boshqaruvidagi bino va inshootlarni (keyingi oʻrinlarda obyekt deb ataladi) Toshkent shahar hokimligiga tekin berish toʻgʻrisidagi takliflariga rozilik berilsin.
2. Oʻzbekiston Respublikasi Ichki ishlar vazirligi obyektni belgilangan tartibda topshirsin, Toshkent shahar hokimligi qabul qilib olsin hamda undan maqsadli foydalanish choralarini koʻrsin.
3. Toshkent shahar hokimligi obyekt oʻrniga Toshkent shahar hududidan teng maydon va xonalar hajmidagi maʼmuriy binoni ikki oy muddatda Ichki ishlar vazirligiga belgilangan tartibda oʻtkazib berilishini taʼminlasin.
4. Oʻzbekiston Respublikasi Vazirlar Mahkamasining “Toshkent shahrida Xalqaro yoʻl harakati tashkilotining mintaqaviy vakolatxonasini ochish toʻgʻrisida” 1994-yil 26-oktabrdagi 518-son qarori oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov, Ichki ishlar vaziri P.R. Bobojonov hamda Toshkent shahar hokimi J.A. Artikxodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 18-iyul,
601-son