📅 2019-yil 19-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 19 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 19 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Олий маълумот тўғрисидаги бакалавр ва магистр дипломларининг давлат намуналарини тасдиқлаш тўғрисида
Олий таълим муассасалари битирувчиларига давлат таълим стандартлари асосида давлат намунасидаги бакалавр ва магистр дипломларини бериш, диплом ва унинг иловасидаги ахборот олиш имкониятларини кенгайтириш, уларни илғор хорижий амалиётда фойдаланиладиган намуналар кўринишига келтириш мақсадида Вазирлар Маҳкамаси қарор қилади:
1. Қуйидагилар:
Олий маълумот тўғрисидаги бакалавр ва магистр дипломларининг давлат намуналари ва уларнинг тавсифлари 1-иловага мувофиқ;
Олий маълумот тўғрисидаги бакалавр ва магистр дипломлари иловаларининг давлат намуналари 2-иловага мувофиқ;
Олий таълим муассасаларида бериладиган академик маълумотноманинг давлат намунаси ва тавсифи 3-иловага мувофиқ тасдиқлансин.
Белгилансинки, олий маълумот тўғрисидаги бакалавр ва магистр дипломлари ва иловаларининг давлат намуналари 2019/2020 ўқув йилидан бошлаб жорий этилади.
2. Ўзбекистон Республикаси Марказий банки ҳузуридаги «Давлат белгиси» давлат унитар корхонаси олий маълумот тўғрисидаги бакалавр ва магистр дипломлари ҳамда ушбу дипломлар иловалари бланкаларини Ўзбекистон Республикаси Олий ва ўрта махсус таълим вазирлиги буюртмалари асосида муҳофазаланган махсус қоғозларда тайёрлаб берилишини таъминласин.
3. Белгилаб қўйилсинки:
олий маълумот тўғрисидаги бакалавр ва магистр дипломлари, уларнинг иловалари ҳамда академик маълумотнома бланкаларини тайёрлаш билан боғлиқ харажатларни молиялаштириш аниқ ҳисоб-китобларга асосан ҳар йили Ўзбекистон Республикаси Олий ва ўрта махсус таълим вазирлигига ушбу мақсадлар учун назарда тутиладиган бюджет маблағлари доирасида амалга оширилади;
олий маълумот тўғрисидаги бакалавр ва магистр дипломлари, уларнинг иловалари ҳамда академик маълумотнома бланкалари компьютерда тўлдирилади ва олий таълим муассасалари битирувчиларга топшириш учун (дубликат бериш ҳолатлари бундан мустасно) текин тарқатилади.
4. Ўзбекистон Республикаси Олий ва ўрта махсус таълим вазирлиги уч ой муддатда бакалавр ва магистр дипломларига индивидуал QR-код қўйиш тизими ҳамда унинг дастурий таъминоти ишлаб чиқилишини таъминласин.
Бунда, QR-код тизими ҳамда унинг дастурий таъминотини ишлаб чиқиш билан боғлиқ харажатлар Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси маблағлари ҳисобидан қопланади.
5. Вазирлар Маҳкамасининг «1999/2000 ўқув йилида Ўзбекистон Республикасининг олий таълим муассасаларига қабул тўғрисида» 1999 йил 2 июндаги 282-сон қарори ўз кучини йўқотган деб ҳисоблансин.
6. Ўзбекистон Республикаси Олий ва ўрта махсус таълим вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ҳамда олий ва ўрта махсус таълим вазири И.У. Маджидов зиммасига юклансин.
Вазирлар Маҳкамасининг 2019 йил 19 июлдаги 607-сон қарорига 1-ИЛОВА
Олий маълумот тўғрисидаги бакалавр ва магистр дипломларининг давлат намуналари ва уларнинг тавсифлари
I. БАКАЛАВР ДИПЛОМИ
Олий маълумот тўғрисидаги бакалавр дипломи давлат намунасининг
ТАВСИФИ
Бакалавр дипломининг муқоваси томонлари 148х210 мм ўлчовда яхлит қопланган тўқ ҳаворанг сунъий чармдан тайёрланган кўринишга эга.
Унинг юз томонида босма нақш усулида Ўзбекистон Республикаси Давлат герби тасвири туширилган ва пастроқда лотин ёзувидаги ўзбек тилида BAKALAVR DIPLOMI сўзлари ёзилган.
Диплом муқоваси ички қисми қалин, томонлари 145х200 мм ўлчамда сув белгили қоғозда офсет босма усулида беш хил: матн қисми қора ва тўқ ҳаворанг, тасвирий элементлар эса ҳаворанг ранг ва оч ҳаворангда босилади;
Саҳифа марказининг оқ қисмига томонлари 80x82 мм ўлчовли ўзига хос кўринишдаги ҳаворанг бўёқда туширилган Ўзбекистон Республикасининг Давлат герби жойлаштирилади. Унинг атрофи нақшли растрдан ташкил топган оч ҳаворанг майда миллий нақшлик фондан иборат. Саҳифанинг юқори қисмида фон устидан 20 мм энликда ҳаворанг ҳошия туширилган ҳамда ҳошия устидан дипломнинг иккала саҳифасига «OʻZBEKISTON RESPUBLIKASI BAKALAVR DIPLOMI» ҳамда «REPUBLIC OF UZBEKISTAN BACHELOR'S DIPLOMA» сўзлари босилади;
Дипломнинг иккала саҳифалари ҳошияси тагидан В лотин ҳарфи ва саккиз хоналик сондан иборат бўлган рақам тўқ ҳаворангда босилади.
Имтиёзли дипломлар учун «OʻZBEKISTON RESPUBLIKASI BAKALAVR DIPLOMI» ва «REPUBLIC OF UZBEKISTAN BACHELOR'S DIPLOMA» сўзлари пастига олтин бўёқда лотин ёзувидаги ўзбек тилида «IMTIYOZLI» ва инглиз тилида «WITH HONOURS» сўзлари ёзилган.
Ҳар бир саҳифанинг икки томонидан саккиз қиррали юлдузнинг олтин рангдаги тасвири жойлаштирилади. Саккиз қиррали юлдузлар томонлари 15х15 мм дан иборат бўлган квадратлар туширилиши орқали ташкил этилган. Шунингдек, диплом бланкасининг ўнг томони қуйи қисмида фонсиз 35х35 мм ўлчамда QR-код тизими жойлаштирилади.
Диплом 7 даражали ҳимояга эга:
1) икки хил усулдаги чоп этишдан фойдаланиш: асосий қисм учун офсет босма усули, рақамларни чоп этиш учун юқори усул;
2) машинада нусха кўчиришни қийинлаштирадиган нимтатир бўёқлардан фойдаланиш;
3) фондаги майда миллий нақшни растр сеткаларидан фойдаланиб, чоп этиш;
4) махсус миллий орнамент нақши туширилган, зичлиги 120 г/м 2 бўлган сув белгили қоғоз ишлатиш;
5) Давлат гербини оч ҳаворанг бўёқда тасвирлаш;
6) саккиз қиррали юлдуз тасвирланган саккиз қиррали юлдузларни махсус товланувчи олтин бўёқларда тасвирлаш;
7) саккиз шаклли ўзгарадиган рақамдан фойдаланиш.
II. МАГИСТР ДИПЛОМИ
Олий маълумот тўғрисидаги магистр дипломи давлат намунасининг
ТАВСИФИ
Магистр дипломининг муқоваси томонлари 148х210 мм ўлчовда яхлит қопланган тўқ қизил сунъий чармдан тайёрланган кўринишга эга.
Унинг юз томонида босма нақш усулида Ўзбекистон Республикаси Давлат герби тасвири туширилган ва пастроқда лотин ёзувидаги ўзбек тилида MAGISTR DIPLOMI сўзлари ёзилган.
Диплом муқовасининг ички қисми қалин томонлари 145х200 мм ўлчамда сув белгили қоғозда офсет босма усулида беш хил: матн қисми қора ва тўқ қизил рангда, тасвирий элементлар эса қаймоқранг ва оч қаймоқрангда босилади.
Саҳифа марказининг оқ қисмига томонлари 80x82 мм ўлчамли ўзига хос кўринишдаги қаймоқранг бўёқда туширилган Ўзбекистон Республикасининг Давлат герби тасвири жойлаштирилади. Унинг атрофи нақшли растрдан ташкил топган оч қаймоқранг майда миллий нақшлик фондан иборат. Саҳифанинг юқори қисмида фон устидан 20 мм энликда қаймоқ рангдаги ҳошия туширилган ҳамда ҳошия устидан дипломнинг иккала саҳифасига «OʻZBEKISTON RESPUBLIKASI MAGISTR DIPLOMI» ҳамда «REPUBLIC OF UZBEKISTAN MASTER'S DIPLOMA» сўзлари босилади.
Дипломнинг иккала саҳифалари ҳошияси тагидан М лотин ҳарфи ва саккиз хоналик сондан иборат бўлган рақам тўқ қизил рангда босилади.
Ҳар бир саҳифанинг икки томонидан саккиз қиррали юлдузнинг олтин рангдаги тасвири жойлаштирилади. Саккиз қиррали юлдузлар томонлари 15х15 мм дан иборат бўлган квадратлар туширилиши орқали ташкил этилган. Шунингдек, диплом бланкасининг ўнг томони қуйи қисмида фонсиз 35х35 мм ўлчамда QR-код тизими жойлаштирилади.
Диплом 7 даражали ҳимояга эга:
1) икки хил усулдаги чоп этишдан фойдаланиш: асосий қисм учун офсет босма усули, рақамларни чоп этиш учун юқори усул;
2) машинада нусха кўчиришни қийинлаштирадиган нимтатир бўёқлардан фойдаланиш;
3) фондаги майда миллий нақшни растр сеткаларидан фойдаланиб, чоп этиш;
4) махсус миллий орнамент нақши туширилган, зичлиги 120 г/м 2 бўлган сув белгили қоғоз ишлатиш;
5) Давлат гербини оч қаймоқ рангда тасвирлаш;
6) саккиз қиррали юлдуз тасвирланган саккиз қиррали юлдузларни махсус товланувчи олтин бўёқларда тасвирлаш;
7) саккиз шаклли ўзгарадиган рақамдан фойдаланиш.
Вазирлар Маҳкамасининг 2019 йил 19 июлдаги 607-сон қарорига 2-ИЛОВА
Олий маълумот тўғрисидаги бакалавр ва магистр дипломлари иловаларининг давлат намуналари
OʻZBEKISTON RESPUBLIKASI REPUBLIC OF UZBEKISTAN 1. DIPLOM SOHIBI HAQIDA MAʼLUMOTLAR/ INFORMATION ABOUT TНE DEGREE НOLDER 1.1 Familiyasi/Surname 1.2 Ismi, otasining ismi/Name, other name 1.3 Tugʻilgan sana/Date of birth 1.4 Talabaning identifikatsion raqami va kodi/ Studentʼs idenfication number and code 1.5 Avvalgi taʼlim haqida hujjat/Previous education document № 000000 DIPLOMGA ILOVA 2. MALAKASI HAQIDA MAʼLUMOTLAR / QUALIFICATION 2.1 Malakasining (darajasining) nomi, berilgan sanasi/Qualification, date of issue DIPLOMA SUPPLEMENT Davlat attestastiya komissiyasining qarori/ Decision of the State Attestation Commission (diplomsiz ilova haqiqiy hisoblanmaydi/not valid without diploma about the degree) 2.2 Taʼlim yoʻnalishi, mutaxassisligi/Field of study, specialization 2.3 Kvalifikatsiyasi/Qualification Oliy taʼlim muassasasining rekvizitlari: pochta manzili, shahar, koʻcha, uy raqami, telefonlari, elektron pochta manzili 2.4 Diplom bergan oliy taʼlim muassasasining nomi, tashkiliy-huquqiy shakli, taʼlim muassasasining turi/Awarding institution Requisites of higher education institution: postal address, city, street, house number, telephone number, e-mail address 2.5 Avval tahsil olgan oliy taʼlim muassasasining nomi va tashkiliy-huquqiy shakli, oʻqitish davri/Former Institution administered studies. 2.6 Taʼlim (imtihon) til(lar)i / Language(s) of instruction (examination) 3. TAʼLIM DARAJASI HAQIDA MAʼLUMOTLAR/INFORMATION ON TНE LEVEL OF EDUCATION 3.1 Taʼlim darajasi/Level of education 3.2 Taʼlimning kunduzgi shakli boʻyicha dasturni oʻzlashtirish muddati/Length of full-time programme. 3.3 Oʻqishga kiruvchilarga qoʻyiladigan talab(lar)/Admission requirement(s) 4. TAʼLIMNING MAZMUNI VA ERISHILGAN NATIJALAR HAQIDA MAʼLUMOTLAR / INFORMATION ON TНE CONTENTS OF STUDY AND GRADES OBTAINED 4.1 Taʼlim shakli/Type of study
4.2 Taʼlim dasturining tavsifi/Curriculum description ______________________________________________________________________ Talabaning F.I.О./Student full name 4.3 Taʼlim dasturini oʻzlashtirish natijalari haqida maʼlumotlar/Programme details and grades obtained Т/р Fan (modul)ning nomi/Course title Soatlarning umumiy miqdori/ Total hours in the curriculum Baholash/Grade (ball, reyting, baho, kredit/score, rating, mark, credit) 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. 31. 32. 33. 34. 35. 36. 37. 38. 39. 40. 41. 42. 43. 44. 45. 46. 47. 48. 49. 50. JAMI / TOTAL Kurs ishlari /Course papers: 1. 2. 3. 4. Malakaviy amaliyot/ qualification practice 1. 2. 3. 4 . Yakuniy davlat attestatsiyalari/ Final state attestation 1. 2. 3. 4. Bitiruv malakaviy ishi (magistrlik dissertatsiyasi)/ Graduation qualification work (master's dissertation 4.4 Oliy taʼlim muassasasida baholash tizimi/Grading system at higher education institution 4.5 Diplom haqida qoʻshimcha maʼlumotlar/Additional information to the degree 5. DIPLOM BILAN BERILADIGAN НUQUQ VA IMTIYOZLAR / RIGНTS AND PRIVILEGES PROVIDED BY TНE DEGREE 5.1 Taʼlimni davom ettirish imkoniyatlari/Access to further study 5.2 Kasbga oid huquqiy maqomi/Professional status 6. QOʻSНIMCНA MAʼLUMOTLAR/ADDITIONAL INFORMATION IMZO VA MUНR/SIGNATURE AND SEAL Rektor/Rector Diplomga ilova Diploma supplement Roʻyxat raqami/ Registration number Berilgan vaqti/ Date of issue
Вазирлар Маҳкамасининг 2019 йил 19 июлдаги 607-сон қарорига 3-ИЛОВА
Олий таълим муассасаларида бериладиган академик маълумотноманинг давлат намунаси ва тавсифи
______________________________________________________________________ (Familiyasi, ismi, оtasining ismi) I. Oʻzlashtirgan fanlar roʻyxati: Т/р Оʻzlashtirgan fanlar nomi Оʻquv rejasida belgilangan soatlar miqdori Оʻzlashtirish koʻrsatkichi (reyting/baho/kredit) 1 2 3 4 Оʻquv rejasidagi fanlar: 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. Qoʻshimcha oʻzlashtirilgan fanlar: 1. 2. 3. 4. 5. 6. 7. 8. 9. 10. Jami: II. Kurs loyihasi (ishi): 1 2 3 4 1. 2. 3. 4. 5. III. Malakaviy amaliyotlar: 1 2 3 4 1. 2. 3. 4. IV. Davlat va yakuniy attestatsiyalar 1 2 3 4 1. 2. 3. 4. M.Oʻ. Rektor: ____________________________ Dekan: ____________________________ Kotib: ____________________________ «_________________» shahri «____» ____________ 20__ y. Аkademik maʼlumotnoma qatʼiy hisobotda turuvchi hujjatdir. Uni qalbakilashtirish qonun boʻyicha javobgarlikka tortiladi.
Академик маълумотнома
ТАВСИФИ
Академик маълумотнома сув белгили қоғозда офсет босма усулида, матн қисми қора рангда ва фон учун оч ҳаворангда босилади.
Ўзбекистон Республикаси Давлат герби тасвири туширилган, пастроқда лотин ёзувида «O'ZBEKISTON RESPUBLIKASI» сўзи, «shahar nomi», «taʼlim muassasasi nomi», «АKADEMIK MAʼLUMOTNOMA» сўзлари ёзилган.
Академик маълумотнома «АKADEMIK MAʼLUMOTNOMA» сўзнинг пастига «ВА» лотин ҳарфи ва олти хонадан иборат бўлган рақам муҳрланади (босилади).
Академик маълумотнома 5 даражали ҳимояга эга:
1) икки хил усулдаги чоп этишдан фойдаланиш: асосий қисм учун офсет босма усули, рақамларни чоп этиш учун юқори усул;
2) машинада нусха кўчиришни қийинлаштирадиган нимтатир бўёқлардан фойдаланиш;
3) махсус миллий орнамент нақши туширилган, зичлиги 120 г/м 2 бўлган сув белгили қоғоз ишлатиш;
4) Давлат гербини оч ҳаворанг бўёқда тасвирлаш;
5) етти шаклли ўзгарадиган рақамдан фойдаланиш.
Ўзбекистон Республикасининг Бош вазири А. АРИПОВ
Тошкент ш.,
2019 йил 19 июль,
607-сон
Oʻzbekiston Respublikasi Vazirlar Mahkamasining
qarori
Oliy maʼlumot toʻgʻrisidagi bakalavr va magistr diplomlarining davlat namunalarini tasdiqlash toʻgʻrisida
Oliy taʼlim muassasalari bitiruvchilariga davlat taʼlim standartlari asosida davlat namunasidagi bakalavr va magistr diplomlarini berish, diplom va uning ilovasidagi axborot olish imkoniyatlarini kengaytirish, ularni ilgʻor xorijiy amaliyotda foydalaniladigan namunalar koʻrinishiga keltirish maqsadida Vazirlar Mahkamasi qaror qiladi:
1. Quyidagilar:
Oliy maʼlumot toʻgʻrisidagi bakalavr va magistr diplomlarining davlat namunalari va ularning tavsiflari 1-ilovaga muvofiq;
Oliy maʼlumot toʻgʻrisidagi bakalavr va magistr diplomlari ilovalarining davlat namunalari 2-ilovaga muvofiq;
Oliy taʼlim muassasalarida beriladigan akademik maʼlumotnomaning davlat namunasi va tavsifi 3-ilovaga muvofiq tasdiqlansin.
Belgilansinki, oliy maʼlumot toʻgʻrisidagi bakalavr va magistr diplomlari va ilovalarining davlat namunalari 2019/2020 oʻquv yilidan boshlab joriy etiladi.
2. Oʻzbekiston Respublikasi Markaziy banki huzuridagi “Davlat belgisi” davlat unitar korxonasi oliy maʼlumot toʻgʻrisidagi bakalavr va magistr diplomlari hamda ushbu diplomlar ilovalari blankalarini Oʻzbekiston Respublikasi Oliy va oʻrta maxsus taʼlim vazirligi buyurtmalari asosida muhofazalangan maxsus qogʻozlarda tayyorlab berilishini taʼminlasin.
3. Belgilab qoʻyilsinki:
oliy maʼlumot toʻgʻrisidagi bakalavr va magistr diplomlari, ularning ilovalari hamda akademik maʼlumotnoma blankalarini tayyorlash bilan bogʻliq xarajatlarni moliyalashtirish aniq hisob-kitoblarga asosan har yili Oʻzbekiston Respublikasi Oliy va oʻrta maxsus taʼlim vazirligiga ushbu maqsadlar uchun nazarda tutiladigan budjet mablagʻlari doirasida amalga oshiriladi;
oliy maʼlumot toʻgʻrisidagi bakalavr va magistr diplomlari, ularning ilovalari hamda akademik maʼlumotnoma blankalari kompyuterda toʻldiriladi va oliy taʼlim muassasalari bitiruvchilarga topshirish uchun (dublikat berish holatlari bundan mustasno) tekin tarqatiladi.
4. Oʻzbekiston Respublikasi Oliy va oʻrta maxsus taʼlim vazirligi uch oy muddatda bakalavr va magistr diplomlariga individual QR-kod qoʻyish tizimi hamda uning dasturiy taʼminoti ishlab chiqilishini taʼminlasin.
Bunda, QR-kod tizimi hamda uning dasturiy taʼminotini ishlab chiqish bilan bogʻliq xarajatlar Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi mablagʻlari hisobidan qoplanadi.
5. Vazirlar Mahkamasining “1999/2000 oʻquv yilida Oʻzbekiston Respublikasining oliy taʼlim muassasalariga qabul toʻgʻrisida” 1999-yil 2-iyundagi 282-son qarori oʻz kuchini yoʻqotgan deb hisoblansin.
6. Oʻzbekiston Respublikasi Oliy va oʻrta maxsus taʼlim vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov hamda oliy va oʻrta maxsus taʼlim vaziri I.U. Madjidov zimmasiga yuklansin.
Vazirlar Mahkamasining 2019-yil 19-iyuldagi 607-son qaroriga 1-ILOVA
Oliy maʼlumot toʻgʻrisidagi bakalavr va magistr diplomlarining davlat namunalari va ularning tavsiflari
I. BAKALAVR DIPLOMI
Oliy maʼlumot toʻgʻrisidagi bakalavr diplomi davlat namunasining
TAVSIFI
Bakalavr diplomining muqovasi tomonlari 148x210 mm oʻlchovda yaxlit qoplangan toʻq havorang sunʼiy charmdan tayyorlangan koʻrinishga ega.
Uning yuz tomonida bosma naqsh usulida Oʻzbekiston Respublikasi Davlat gerbi tasviri tushirilgan va pastroqda lotin yozuvidagi oʻzbek tilida BAKALAVR DIPLOMI soʻzlari yozilgan.
Diplom muqovasi ichki qismi qalin, tomonlari 145x200 mm oʻlchamda suv belgili qogʻozda ofset bosma usulida besh xil: matn qismi qora va toʻq havorang, tasviriy elementlar esa havorang rang va och havorangda bosiladi;
Sahifa markazining oq qismiga tomonlari 80x82 mm oʻlchovli oʻziga xos koʻrinishdagi havorang boʻyoqda tushirilgan Oʻzbekiston Respublikasining Davlat gerbi joylashtiriladi. Uning atrofi naqshli rastrdan tashkil topgan och havorang mayda milliy naqshlik fondan iborat. Sahifaning yuqori qismida fon ustidan 20 mm enlikda havorang hoshiya tushirilgan hamda hoshiya ustidan diplomning ikkala sahifasiga “OʻZBEKISTON RESPUBLIKASI BAKALAVR DIPLOMI” hamda “REPUBLIC OF UZBEKISTAN BACHELOR'S DIPLOMA” soʻzlari bosiladi;
Diplomning ikkala sahifalari hoshiyasi tagidan V lotin harfi va sakkiz xonalik sondan iborat boʻlgan raqam toʻq havorangda bosiladi.
Imtiyozli diplomlar uchun “OʻZBEKISTON RESPUBLIKASI BAKALAVR DIPLOMI” va “REPUBLIC OF UZBEKISTAN BACHELOR'S DIPLOMA” soʻzlari pastiga oltin boʻyoqda lotin yozuvidagi oʻzbek tilida “IMTIYOZLI” va ingliz tilida “WITH HONOURS” soʻzlari yozilgan.
Har bir sahifaning ikki tomonidan sakkiz qirrali yulduzning oltin rangdagi tasviri joylashtiriladi. Sakkiz qirrali yulduzlar tomonlari 15x15 mm dan iborat boʻlgan kvadratlar tushirilishi orqali tashkil etilgan. Shuningdek, diplom blankasining oʻng tomoni quyi qismida fonsiz 35x35 mm oʻlchamda QR-kod tizimi joylashtiriladi.
Diplom 7 darajali himoyaga ega:
1) ikki xil usuldagi chop etishdan foydalanish: asosiy qism uchun ofset bosma usuli, raqamlarni chop etish uchun yuqori usul;
2) mashinada nusxa koʻchirishni qiyinlashtiradigan nimtatir boʻyoqlardan foydalanish;
3) fondagi mayda milliy naqshni rastr setkalaridan foydalanib, chop etish;
4) maxsus milliy ornament naqshi tushirilgan, zichligi 120 g/m 2 boʻlgan suv belgili qogʻoz ishlatish;
5) Davlat gerbini och havorang boʻyoqda tasvirlash;
6) sakkiz qirrali yulduz tasvirlangan sakkiz qirrali yulduzlarni maxsus tovlanuvchi oltin boʻyoqlarda tasvirlash;
7) sakkiz shaklli oʻzgaradigan raqamdan foydalanish.
II. MAGISTR DIPLOMI
Oliy maʼlumot toʻgʻrisidagi magistr diplomi davlat namunasining
TAVSIFI
Magistr diplomining muqovasi tomonlari 148x210 mm oʻlchovda yaxlit qoplangan toʻq qizil sunʼiy charmdan tayyorlangan koʻrinishga ega.
Uning yuz tomonida bosma naqsh usulida Oʻzbekiston Respublikasi Davlat gerbi tasviri tushirilgan va pastroqda lotin yozuvidagi oʻzbek tilida MAGISTR DIPLOMI soʻzlari yozilgan.
Diplom muqovasining ichki qismi qalin tomonlari 145x200 mm oʻlchamda suv belgili qogʻozda ofset bosma usulida besh xil: matn qismi qora va toʻq qizil rangda, tasviriy elementlar esa qaymoqrang va och qaymoqrangda bosiladi.
Sahifa markazining oq qismiga tomonlari 80x82 mm oʻlchamli oʻziga xos koʻrinishdagi qaymoqrang boʻyoqda tushirilgan Oʻzbekiston Respublikasining Davlat gerbi tasviri joylashtiriladi. Uning atrofi naqshli rastrdan tashkil topgan och qaymoqrang mayda milliy naqshlik fondan iborat. Sahifaning yuqori qismida fon ustidan 20 mm enlikda qaymoq rangdagi hoshiya tushirilgan hamda hoshiya ustidan diplomning ikkala sahifasiga “OʻZBEKISTON RESPUBLIKASI MAGISTR DIPLOMI” hamda “REPUBLIC OF UZBEKISTAN MASTER'S DIPLOMA” soʻzlari bosiladi.
Diplomning ikkala sahifalari hoshiyasi tagidan M lotin harfi va sakkiz xonalik sondan iborat boʻlgan raqam toʻq qizil rangda bosiladi.
Har bir sahifaning ikki tomonidan sakkiz qirrali yulduzning oltin rangdagi tasviri joylashtiriladi. Sakkiz qirrali yulduzlar tomonlari 15x15 mm dan iborat boʻlgan kvadratlar tushirilishi orqali tashkil etilgan. Shuningdek, diplom blankasining oʻng tomoni quyi qismida fonsiz 35x35 mm oʻlchamda QR-kod tizimi joylashtiriladi.
Diplom 7 darajali himoyaga ega:
1) ikki xil usuldagi chop etishdan foydalanish: asosiy qism uchun ofset bosma usuli, raqamlarni chop etish uchun yuqori usul;
2) mashinada nusxa koʻchirishni qiyinlashtiradigan nimtatir boʻyoqlardan foydalanish;
3) fondagi mayda milliy naqshni rastr setkalaridan foydalanib, chop etish;
4) maxsus milliy ornament naqshi tushirilgan, zichligi 120 g/m 2 boʻlgan suv belgili qogʻoz ishlatish;
5) Davlat gerbini och qaymoq rangda tasvirlash;
6) sakkiz qirrali yulduz tasvirlangan sakkiz qirrali yulduzlarni maxsus tovlanuvchi oltin boʻyoqlarda tasvirlash;
7) sakkiz shaklli oʻzgaradigan raqamdan foydalanish.
Vazirlar Mahkamasining 2019-yil 19-iyuldagi 607-son qaroriga 2-ILOVA
Oliy maʼlumot toʻgʻrisidagi bakalavr va magistr diplomlari ilovalarining davlat namunalari
OʻZBEKISTON RESPUBLIKASI REPUBLIC OF UZBEKISTAN 1. DIPLOM SOHIBI HAQIDA MAʼLUMOTLAR/ INFORMATION ABOUT TNE DEGREE NOLDER 1.1 Familiyasi/Surname 1.2 Ismi, otasining ismi/Name, other name 1.3 Tugʻilgan sana/Date of birth 1.4 Talabaning identifikatsion raqami va kodi/ Studentʼs idenfication number and code 1.5 Avvalgi taʼlim haqida hujjat/Previous education document № 000000 DIPLOMGA ILOVA 2. MALAKASI HAQIDA MAʼLUMOTLAR / QUALIFICATION 2.1 Malakasining (darajasining) nomi, berilgan sanasi/Qualification, date of issue DIPLOMA SUPPLEMENT Davlat attestastiya komissiyasining qarori/ Decision of the State Attestation Commission (diplomsiz ilova haqiqiy hisoblanmaydi/not valid without diploma about the degree) 2.2 Taʼlim yoʻnalishi, mutaxassisligi/Field of study, specialization 2.3 Kvalifikatsiyasi/Qualification Oliy taʼlim muassasasining rekvizitlari: pochta manzili, shahar, koʻcha, uy raqami, telefonlari, elektron pochta manzili 2.4 Diplom bergan oliy taʼlim muassasasining nomi, tashkiliy-huquqiy shakli, taʼlim muassasasining turi/Awarding institution Requisites of higher education institution: postal address, city, street, house number, telephone number, e-mail address 2.5 Avval tahsil olgan oliy taʼlim muassasasining nomi va tashkiliy-huquqiy shakli, oʻqitish davri/Former Institution administered studies. 2.6 Taʼlim (imtihon) til(lar)i / Language(s) of instruction (examination) 3. TAʼLIM DARAJASI HAQIDA MAʼLUMOTLAR/INFORMATION ON TNE LEVEL OF EDUCATION 3.1 Taʼlim darajasi/Level of education 3.2 Taʼlimning kunduzgi shakli boʻyicha dasturni oʻzlashtirish muddati/Length of full-time programme. 3.3 Oʻqishga kiruvchilarga qoʻyiladigan talab(lar)/Admission requirement(s) 4. TAʼLIMNING MAZMUNI VA ERISHILGAN NATIJALAR HAQIDA MAʼLUMOTLAR / INFORMATION ON TNE CONTENTS OF STUDY AND GRADES OBTAINED 4.1 Taʼlim shakli/Type of study
4.2 Taʼlim dasturining tavsifi/Curriculum description ______________________________________________________________________ Talabaning F.I.O./Student full name 4.3 Taʼlim dasturini oʻzlashtirish natijalari haqida maʼlumotlar/Programme details and grades obtained T/r Fan (modul)ning nomi/Course title Soatlarning umumiy miqdori/ Total hours in the curriculum Baholash/Grade (ball, reyting, baho, kredit/score, rating, mark, credit) 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. 31. 32. 33. 34. 35. 36. 37. 38. 39. 40. 41. 42. 43. 44. 45. 46. 47. 48. 49. 50. JAMI / TOTAL Kurs ishlari /Course papers: 1. 2. 3. 4. Malakaviy amaliyot/ qualification practice 1. 2. 3. 4 . Yakuniy davlat attestatsiyalari/ Final state attestation 1. 2. 3. 4. Bitiruv malakaviy ishi (magistrlik dissertatsiyasi)/ Graduation qualification work (master's dissertation 4.4 Oliy taʼlim muassasasida baholash tizimi/Grading system at higher education institution 4.5 Diplom haqida qoʻshimcha maʼlumotlar/Additional information to the degree 5. DIPLOM BILAN BERILADIGAN NUQUQ VA IMTIYOZLAR / RIGNTS AND PRIVILEGES PROVIDED BY TNE DEGREE 5.1 Taʼlimni davom ettirish imkoniyatlari/Access to further study 5.2 Kasbga oid huquqiy maqomi/Professional status 6. QOʻSNIMCNA MAʼLUMOTLAR/ADDITIONAL INFORMATION IMZO VA MUNR/SIGNATURE AND SEAL Rektor/Rector Diplomga ilova Diploma supplement Roʻyxat raqami/ Registration number Berilgan vaqti/ Date of issue
Vazirlar Mahkamasining 2019-yil 19-iyuldagi 607-son qaroriga 3-ILOVA
Oliy taʼlim muassasalarida beriladigan akademik maʼlumotnomaning davlat namunasi va tavsifi
______________________________________________________________________ (Familiyasi, ismi, otasining ismi) I. Oʻzlashtirgan fanlar roʻyxati: T/r Oʻzlashtirgan fanlar nomi Oʻquv rejasida belgilangan soatlar miqdori Oʻzlashtirish koʻrsatkichi (reyting/baho/kredit) 1 2 3 4 Oʻquv rejasidagi fanlar: 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. Qoʻshimcha oʻzlashtirilgan fanlar: 1. 2. 3. 4. 5. 6. 7. 8. 9. 10. Jami: II. Kurs loyihasi (ishi): 1 2 3 4 1. 2. 3. 4. 5. III. Malakaviy amaliyotlar: 1 2 3 4 1. 2. 3. 4. IV. Davlat va yakuniy attestatsiyalar 1 2 3 4 1. 2. 3. 4. M.Oʻ. Rektor: ____________________________ Dekan: ____________________________ Kotib: ____________________________ “_________________” shahri “____” ____________ 20__ y. Akademik maʼlumotnoma qatʼiy hisobotda turuvchi hujjatdir. Uni qalbakilashtirish qonun boʻyicha javobgarlikka tortiladi.
Akademik maʼlumotnoma
TAVSIFI
Akademik maʼlumotnoma suv belgili qogʻozda ofset bosma usulida, matn qismi qora rangda va fon uchun och havorangda bosiladi.
Oʻzbekiston Respublikasi Davlat gerbi tasviri tushirilgan, pastroqda lotin yozuvida “O'ZBEKISTON RESPUBLIKASI” soʻzi, “shahar nomi”, “taʼlim muassasasi nomi”, “AKADEMIK MAʼLUMOTNOMA” soʻzlari yozilgan.
Akademik maʼlumotnoma “AKADEMIK MAʼLUMOTNOMA” soʻzning pastiga “VA” lotin harfi va olti xonadan iborat boʻlgan raqam muhrlanadi (bosiladi).
Akademik maʼlumotnoma 5 darajali himoyaga ega:
1) ikki xil usuldagi chop etishdan foydalanish: asosiy qism uchun ofset bosma usuli, raqamlarni chop etish uchun yuqori usul;
2) mashinada nusxa koʻchirishni qiyinlashtiradigan nimtatir boʻyoqlardan foydalanish;
3) maxsus milliy ornament naqshi tushirilgan, zichligi 120 g/m 2 boʻlgan suv belgili qogʻoz ishlatish;
4) Davlat gerbini och havorang boʻyoqda tasvirlash;
5) yetti shaklli oʻzgaradigan raqamdan foydalanish.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 19-iyul,
607-son