📅 2019-yil 19-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 19 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 19 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
ТУЗИЛМАСИ
Мактабгача таълим соҳасига инновацион ёндашувларни жорий этиш лойиҳаларини амалга ошириш учун экспериментал майдончаларни ташкил этиш чора-тадбирлари тўғрисида
Мактабгача таълим тизимига илғор хорижий тажриба жорий этилишини таъминлаш, мактабгача таълим соҳасида энг янги методикаларни мослаштириш ва улардан самарали фойдаланиш, соғлом ва ҳар томонлама камол топган болани вояга етказиш мақсадида Вазирлар Маҳкамаси қарор қилади:
1. Ўзбекистон Республикаси Мактабгача таълим вазирлигининг:
а) республикада:
мактабгача таълимни ташкил этиш соҳасида илғор хорижий тажрибани, мактабгача ёшдаги болаларга таълим ва тарбия бериш соҳасида инновацион усуллар ва самарали педагогик амалиётларни ўрганиш, давлат мактабгача таълим ташкилотлари фаолиятига жалб этиш ва жорий этиш бўйича ишларни доимий асосда ташкил этиш;
ўрганишлар ва экспериментлар якунлари бўйича комплекс лойиҳани амалга ошириш доирасида ижобий амалий ютуқларни мамлакатнинг бошқа минтақаларига ёйишни — мактабгача таълимни бошқаришнинг замонавий стандартларини, янгиланган ўқув режалари ва дастурларни ишлаб чиқиш ва жорий этишни, илғор педагогик ахборот-коммуникация технологияларини таълим жараёнига кенг жорий этишни, мактабгача таълим муассасалари учун такомиллаштирилган ўқув-методик, дидактик материалларни нашр этишга тавсияларни ишлаб чиқишни назарда тутувчи комплекс лойиҳани (кейинги ўринларда комплекс лойиҳа деб аталади) амалга ошириш;
б) Тошкент шаҳрида қуйидаги давлат мактабгача таълим муассасалари:
Тошкент шаҳар Мирзо Улуғбек туманидаги 324-сон давлат мактабгача таълим ташкилоти;
Тошкент шаҳар Миробод туманидаги 34-сон давлат мактабгача таълим ташкилоти негизида комплекс лойиҳани амалда рўёбга чиқариш учун доимий ишлайдиган экспериментал майдончаларни ташкил этиш тўғрисидаги таклифларига розилик берилсин.
2. Қуйидагилар комплекс лойиҳани амалга ошириш доирасида доимий базавий экспериментал майдончалар сифатида танлаб олинган давлат мактабгача таълим ташкилотларининг асосий вазифалари деб ҳисоблансин:
мактабгача ёшдаги болаларга таълим ва тарбия беришни ташкил этиш соҳасида илғор хорижий тажрибани жалб этиш йўли билан республикада мактабгача таълим тизимини ривожлантиришга кўмаклашиш;
кутубхона фондини шакллантириш ва мактабгача таълимнинг мавзули йўналишлари бўйича ўқув-методик ва илмий-техник адабиётлар билан, шунингдек, мактабгача таълимнинг хорижий моделларига мослаштириш бўйича методик қўлланмалар билан мунтазам равишда тўлдириш;
шу жумладан, мактабгача таълим соҳасида назарий ишланмаларни ва илғор хорижий тажрибани таълим-тарбия жараёнига жорий этиш учун тажриба-экспериментал база сифатида тўғридан-тўғри иштирок этиш орқали республика мактабгача таълим тизимининг ёш истиқболли илмий-педагог кадрлари малакасини оширишни ташкил этишга кўмаклашиш;
таълим-тарбия жараёнини ташкил этишнинг илғор хорижий методикаларини кенг қўллаш асосида таълим фаолиятини амалга ошириш, махсус тренинглар ва мавзули семинарларни ташкил этиш ва ўтказиш;
республиканинг давлат мактабгача таълим муассасалари тарбиячилари ва методистларини фаол жалб этган ҳолда таълим бериш ва тажриба алмашишни тизимли асосда ташкил этиш ва амалга ошириш учун таянч мактабгача таълим ташкилотлари сифатида фаолият кўрсатиш.
3. Белгилансинки:
а) экспериментал мактабгача таълим ташкилотлари Ўзбекистон Республикаси Мактабгача ва мактаб таълими вазирлигига идоравий мансуб муассасалар ҳисобланади;
б) экспериментал мактабгача таълим ташкилотларининг директорлари Ўзбекистон Республикаси мактабгача ва мактаб таълими вазири томонидан лавозимга тайинланади ва лавозимидан озод этилади;
в) экспериментал мактабгача таълим ташкилотларида ишлаш учун малакали мутахассислар, шу жумладан, хорижий мутахассислар жалб этилади;
г) экспериментал мактабгача таълим ташкилотларига болаларни қабул қилиш уларнинг уставига мувофиқ амалга оширилади;
д) экспериментал мактабгача таълим ташкилотларида ишлаш учун жалб этиладиган хорижий мутахассисларнинг иш ҳақи миқдорлари Ўзбекистон Республикаси мактабгача ва мактаб таълими вазири томонидан Таълим соҳасидаги ислоҳотларга кўмаклашиш жамғармаси маблағлари ва қонунчиликда тақиқланмаган бошқа манбалар ҳисобидан белгиланади.
4. Экспериментал майдончалар сифатида танлаб олинган давлат мактабгача таълим ташкилотларининг тузилмалари 1 ва 2-иловаларга мувофиқ тасдиқлансин.
Ўзбекистон Республикаси мактабгача ва мактаб таълими вазирига экспериментал майдончалар сифатида танлаб олинган давлат мактабгача таълим ташкилотлари тузилмасига, зарурат бўлганда, ходимларнинг белгиланган умумий сони доирасида ўзгартиришлар киритиш ҳуқуқи берилсин.
5. Қуйидагилар экспериментал майдончалар сифатида танлаб олинган давлат мактабгача таълим ташкилотлари фаолиятини молиялаштириш манбалари этиб белгилансин:
Ўзбекистон Республикаси Давлат бюджети маблағлари, халқаро ва хорижий ҳукумат, халқаро молия ташкилотлари, молиявий институтлар ва бошқа донорларнинг грантлари ва кредитлари (қарзлари);
шартнома асосида амалга ошириладиган, қонунчиликда тақиқланмаган қўшимча пулли таълим-тарбия хизматлари кўрсатишдан олинган даромадлар;
юридик ва жисмоний шахсларнинг — Ўзбекистон Республикаси резидентлари ва норезидентларининг хайрия эҳсонлари;
Мактабгача таълимни ривожлантириш жамғармаси маблағлари;
қонунчиликда тақиқланмаган бошқа манбалар.
6. Ўзбекистон Республикаси Мактабгача ва мактаб таълими вазирлиги:
экспериментал мактабгача таълим ташкилотларининг уставларини бир ой муддатда ишлаб чиқсин ва тасдиқласин, шунингдек, улар белгиланган тартибда давлат рўйхатидан ўтказилишини таъминласин;
экспериментал мактабгача таълим ташкилотлари фаолиятини ривожлантириш мақсадида қўшимча инвестицияларни, шу жумладан, тўғридан-тўғри хорижий инвестицияларни жалб этиш чора-тадбирларини амалга оширсин.
7. Ўзбекистон Республикаси Ташқи ишлар вазирлиги Мактабгача ва мактаб таълими вазирлигининг буюртманомалари бўйича комплекс лойиҳани амалга ошириш доирасида жалб этиладиган хорижий мутахассисларга, шунингдек, уларнинг оила аъзоларига кириш визалари консуллик йиғимлари ва бошқа йиғимлар ундирилмасдан расмийлаштирилишини белгиланган тартибда таъминласин.
8. Ўзбекистон Республикаси Ички ишлар вазирлиги Мактабгача ва мактаб таълими вазирлигининг буюртманомалари бўйича комплекс лойиҳани амалга ошириш доирасида жалб этиладиган хорижий мутахассисларга, шунингдек, уларнинг оила аъзоларига давлат божи ундирилмасдан кўп марталик визалар берилишини ва кўп марталик визалар узайтирилишини, шунингдек, вақтинча турган жойи бўйича рўйхатга олиниши ва унинг муддати узайтирилишини белгиланган тартибда таъминласин.
9. Ўзбекистон Республикаси Вазирлар Маҳкамаси ҳузуридаги Миграция агентлиги Мактабгача ва мактаб таълими вазирлигининг буюртманомалари бўйича комплекс лойиҳани амалга ошириш доирасида хорижий мутахассисларни республикага жалб этишга рухсатномалар берилишини (узайтирилишини), шунингдек, кўрсатиб ўтилган хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (узайтирилишини) белгиланган тартибда таъминласин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожланиш масалалари бўйича ўринбосари А.А. Абдухакимов ва Ўзбекистон Республикаси мактабгача таълим вазири А.В. Шин зиммасига юклансин.
Вазирлар Маҳкамасининг 2019 йил 19 июлдаги 605-сон қарорига 1-ИЛОВА
Комплекс лойиҳани амалга ошириш учун доимий базавий экспериментал майдонча сифатида танлаб олинган Тошкент шаҳар Мирзо Улуғбек туманидаги 324-сон давлат мактабгача таълим ташкилотининг
Директор Иш юритувчи Ўқув-тарбиявий қисм: Тиббиёт қисми: Хўжалик қисми: директор ўринбосари — 1 бирлик Врач-диетолог — 0,5 бирлик Хўжалик қисми мудири — 1 бирлик Тарбиячи — 6 бирлик Ҳамшира — 1 бирлик Қоровул — 3 бирлик Тарбиячининг ёрдамчиси — 5 бирлик Кир ювувчи — 1,25 бирлик Дефектолог — 1 бирлик Чет тили ўқитувчиси — 0,5 бирлик Фаррош — 1 бирлик Жисмоний тарбия бўйича инструктор — 0,5 бирлик Психолог — 1 бирлик Боғбон — 0,5 бирлик Мусиқа ходими — 1 бирлик Ҳовли тозалигига қаровчи ходим — 1 бирлик Ошпаз — 2 бирлик Хореограф — 0,5 бирлик Тасвирий санъат ўқитувчиси — 0,5 бирлик
Вазирлар Маҳкамасининг 2019 йил 19 июлдаги 605-сон қарорига 2-ИЛОВА
Комплекс лойиҳани амалга ошириш учун доимий базавий экспериментал майдонча сифатида танлаб олинган Тошкент шаҳар Миробод туманидаги 34-сон давлат мактабгача таълим ташкилотининг
Директор Иш юритувчи Ўқув-тарбиявий қисм: Ҳамшира — 1 бирлик Хўжалик қисми: директор ўринбосари — 1 бирлик Хўжалик қисми мудири — 1 бирлик Дефектолог — 1,75 бирлик Тарбиячи (шу жумладан, болаларни мактабга тайёрлаш бўйича гуруҳлар тарбиячилари) — 10,5 бирлик Қоровул — 3 бирлик Психолог — 1,75 бирлик Кир ювувчи — 1,5 бирлик Тарбиячининг ёрдамчиси — 8 бирлик Фаррош — 2 бирлик Болалар боғчаси маркази: Чет тили ўқитувчиси — 1,25 бирлик Боғбон — 1 бирлик Раҳбар — 1 бирлик Жисмоний тарбия бўйича инструктор — 1,25 бирлик Ҳовли тозалигига қаровчи ходим — 1 бирлик IT бўйича мутахассис — 2 бирлик Мусиқа ходими — 1,75 бирлик Хореограф — 1,25 бирлик Ошпаз — 2 бирлик
Ўзбекистон Республикасининг Бош вазири А. АРИПОВ
Тошкент ш.,
2019 йил 19 июль,
605-сон
Oʻzbekiston Respublikasi Vazirlar Mahkamasining
qarori
TUZILMASI
TUZILMASI
Maktabgacha taʼlim sohasiga innovatsion yondashuvlarni joriy etish loyihalarini amalga oshirish uchun eksperimental maydonchalarni tashkil etish chora-tadbirlari toʻgʻrisida
Maktabgacha taʼlim tizimiga ilgʻor xorijiy tajriba joriy etilishini taʼminlash, maktabgacha taʼlim sohasida eng yangi metodikalarni moslashtirish va ulardan samarali foydalanish, sogʻlom va har tomonlama kamol topgan bolani voyaga yetkazish maqsadida Vazirlar Mahkamasi qaror qiladi:
1. Oʻzbekiston Respublikasi Maktabgacha taʼlim vazirligining:
a) respublikada:
maktabgacha taʼlimni tashkil etish sohasida ilgʻor xorijiy tajribani, maktabgacha yoshdagi bolalarga taʼlim va tarbiya berish sohasida innovatsion usullar va samarali pedagogik amaliyotlarni oʻrganish, davlat maktabgacha taʼlim tashkilotlari faoliyatiga jalb etish va joriy etish boʻyicha ishlarni doimiy asosda tashkil etish;
oʻrganishlar va eksperimentlar yakunlari boʻyicha kompleks loyihani amalga oshirish doirasida ijobiy amaliy yutuqlarni mamlakatning boshqa mintaqalariga yoyishni — maktabgacha taʼlimni boshqarishning zamonaviy standartlarini, yangilangan oʻquv rejalari va dasturlarni ishlab chiqish va joriy etishni, ilgʻor pedagogik axborot-kommunikatsiya texnologiyalarini taʼlim jarayoniga keng joriy etishni, maktabgacha taʼlim muassasalari uchun takomillashtirilgan oʻquv-metodik, didaktik materiallarni nashr etishga tavsiyalarni ishlab chiqishni nazarda tutuvchi kompleks loyihani (keyingi oʻrinlarda kompleks loyiha deb ataladi) amalga oshirish;
b) Toshkent shahrida quyidagi davlat maktabgacha taʼlim muassasalari:
Toshkent shahar Mirzo Ulugʻbek tumanidagi 324-son davlat maktabgacha taʼlim tashkiloti;
Toshkent shahar Mirobod tumanidagi 34-son davlat maktabgacha taʼlim tashkiloti negizida kompleks loyihani amalda roʻyobga chiqarish uchun doimiy ishlaydigan eksperimental maydonchalarni tashkil etish toʻgʻrisidagi takliflariga rozilik berilsin.
2. Quyidagilar kompleks loyihani amalga oshirish doirasida doimiy bazaviy eksperimental maydonchalar sifatida tanlab olingan davlat maktabgacha taʼlim tashkilotlarining asosiy vazifalari deb hisoblansin:
maktabgacha yoshdagi bolalarga taʼlim va tarbiya berishni tashkil etish sohasida ilgʻor xorijiy tajribani jalb etish yoʻli bilan respublikada maktabgacha taʼlim tizimini rivojlantirishga koʻmaklashish;
kutubxona fondini shakllantirish va maktabgacha taʼlimning mavzuli yoʻnalishlari boʻyicha oʻquv-metodik va ilmiy-texnik adabiyotlar bilan, shuningdek, maktabgacha taʼlimning xorijiy modellariga moslashtirish boʻyicha metodik qoʻllanmalar bilan muntazam ravishda toʻldirish;
shu jumladan, maktabgacha taʼlim sohasida nazariy ishlanmalarni va ilgʻor xorijiy tajribani taʼlim-tarbiya jarayoniga joriy etish uchun tajriba-eksperimental baza sifatida toʻgʻridan-toʻgʻri ishtirok etish orqali respublika maktabgacha taʼlim tizimining yosh istiqbolli ilmiy-pedagog kadrlari malakasini oshirishni tashkil etishga koʻmaklashish;
taʼlim-tarbiya jarayonini tashkil etishning ilgʻor xorijiy metodikalarini keng qoʻllash asosida taʼlim faoliyatini amalga oshirish, maxsus treninglar va mavzuli seminarlarni tashkil etish va oʻtkazish;
respublikaning davlat maktabgacha taʼlim muassasalari tarbiyachilari va metodistlarini faol jalb etgan holda taʼlim berish va tajriba almashishni tizimli asosda tashkil etish va amalga oshirish uchun tayanch maktabgacha taʼlim tashkilotlari sifatida faoliyat koʻrsatish.
3. Belgilansinki:
a) eksperimental maktabgacha taʼlim tashkilotlari Oʻzbekiston Respublikasi Maktabgacha va maktab taʼlimi vazirligiga idoraviy mansub muassasalar hisoblanadi;
b) eksperimental maktabgacha taʼlim tashkilotlarining direktorlari Oʻzbekiston Respublikasi maktabgacha va maktab taʼlimi vaziri tomonidan lavozimga tayinlanadi va lavozimidan ozod etiladi;
v) eksperimental maktabgacha taʼlim tashkilotlarida ishlash uchun malakali mutaxassislar, shu jumladan, xorijiy mutaxassislar jalb etiladi;
g) eksperimental maktabgacha taʼlim tashkilotlariga bolalarni qabul qilish ularning ustaviga muvofiq amalga oshiriladi;
d) eksperimental maktabgacha taʼlim tashkilotlarida ishlash uchun jalb etiladigan xorijiy mutaxassislarning ish haqi miqdorlari Oʻzbekiston Respublikasi maktabgacha va maktab taʼlimi vaziri tomonidan Taʼlim sohasidagi islohotlarga koʻmaklashish jamgʻarmasi mablagʻlari va qonunchilikda taqiqlanmagan boshqa manbalar hisobidan belgilanadi.
4. Eksperimental maydonchalar sifatida tanlab olingan davlat maktabgacha taʼlim tashkilotlarining tuzilmalari 1 va 2-ilovalarga muvofiq tasdiqlansin.
Oʻzbekiston Respublikasi maktabgacha va maktab taʼlimi vaziriga eksperimental maydonchalar sifatida tanlab olingan davlat maktabgacha taʼlim tashkilotlari tuzilmasiga, zarurat boʻlganda, xodimlarning belgilangan umumiy soni doirasida oʻzgartirishlar kiritish huquqi berilsin.
5. Quyidagilar eksperimental maydonchalar sifatida tanlab olingan davlat maktabgacha taʼlim tashkilotlari faoliyatini moliyalashtirish manbalari etib belgilansin:
Oʻzbekiston Respublikasi Davlat budjeti mablagʻlari, xalqaro va xorijiy hukumat, xalqaro moliya tashkilotlari, moliyaviy institutlar va boshqa donorlarning grantlari va kreditlari (qarzlari);
shartnoma asosida amalga oshiriladigan, qonunchilikda taqiqlanmagan qoʻshimcha pulli taʼlim-tarbiya xizmatlari koʻrsatishdan olingan daromadlar;
yuridik va jismoniy shaxslarning — Oʻzbekiston Respublikasi rezidentlari va norezidentlarining xayriya ehsonlari;
Maktabgacha taʼlimni rivojlantirish jamgʻarmasi mablagʻlari;
qonunchilikda taqiqlanmagan boshqa manbalar.
6. Oʻzbekiston Respublikasi Maktabgacha va maktab taʼlimi vazirligi:
eksperimental maktabgacha taʼlim tashkilotlarining ustavlarini bir oy muddatda ishlab chiqsin va tasdiqlasin, shuningdek, ular belgilangan tartibda davlat roʻyxatidan oʻtkazilishini taʼminlasin;
eksperimental maktabgacha taʼlim tashkilotlari faoliyatini rivojlantirish maqsadida qoʻshimcha investitsiyalarni, shu jumladan, toʻgʻridan-toʻgʻri xorijiy investitsiyalarni jalb etish chora-tadbirlarini amalga oshirsin.
7. Oʻzbekiston Respublikasi Tashqi ishlar vazirligi Maktabgacha va maktab taʼlimi vazirligining buyurtmanomalari boʻyicha kompleks loyihani amalga oshirish doirasida jalb etiladigan xorijiy mutaxassislarga, shuningdek, ularning oila aʼzolariga kirish vizalari konsullik yigʻimlari va boshqa yigʻimlar undirilmasdan rasmiylashtirilishini belgilangan tartibda taʼminlasin.
8. Oʻzbekiston Respublikasi Ichki ishlar vazirligi Maktabgacha va maktab taʼlimi vazirligining buyurtmanomalari boʻyicha kompleks loyihani amalga oshirish doirasida jalb etiladigan xorijiy mutaxassislarga, shuningdek, ularning oila aʼzolariga davlat boji undirilmasdan koʻp martalik vizalar berilishini va koʻp martalik vizalar uzaytirilishini, shuningdek, vaqtincha turgan joyi boʻyicha roʻyxatga olinishi va uning muddati uzaytirilishini belgilangan tartibda taʼminlasin.
9. Oʻzbekiston Respublikasi Vazirlar Mahkamasi huzuridagi Migratsiya agentligi Maktabgacha va maktab taʼlimi vazirligining buyurtmanomalari boʻyicha kompleks loyihani amalga oshirish doirasida xorijiy mutaxassislarni respublikaga jalb etishga ruxsatnomalar berilishini (uzaytirilishini), shuningdek, koʻrsatib oʻtilgan xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) belgilangan tartibda taʼminlasin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlanish masalalari boʻyicha oʻrinbosari A.A. Abduxakimov va Oʻzbekiston Respublikasi maktabgacha taʼlim vaziri A.V. Shin zimmasiga yuklansin.
Vazirlar Mahkamasining 2019-yil 19-iyuldagi 605-son qaroriga 1-ILOVA
Kompleks loyihani amalga oshirish uchun doimiy bazaviy eksperimental maydoncha sifatida tanlab olingan Toshkent shahar Mirzo Ulugʻbek tumanidagi 324-son davlat maktabgacha taʼlim tashkilotining
Direktor Ish yurituvchi Oʻquv-tarbiyaviy qism: Tibbiyot qismi: Xoʻjalik qismi: direktor oʻrinbosari — 1 birlik Vrach-diyetolog — 0,5 birlik Xoʻjalik qismi mudiri — 1 birlik Tarbiyachi — 6 birlik Hamshira — 1 birlik Qorovul — 3 birlik Tarbiyachining yordamchisi — 5 birlik Kir yuvuvchi — 1,25 birlik Defektolog — 1 birlik Chet tili oʻqituvchisi — 0,5 birlik Farrosh — 1 birlik Jismoniy tarbiya boʻyicha instruktor — 0,5 birlik Psixolog — 1 birlik Bogʻbon — 0,5 birlik Musiqa xodimi — 1 birlik Hovli tozaligiga qarovchi xodim — 1 birlik Oshpaz — 2 birlik Xoreograf — 0,5 birlik Tasviriy sanʼat oʻqituvchisi — 0,5 birlik
Vazirlar Mahkamasining 2019-yil 19-iyuldagi 605-son qaroriga 2-ILOVA
Kompleks loyihani amalga oshirish uchun doimiy bazaviy eksperimental maydoncha sifatida tanlab olingan Toshkent shahar Mirobod tumanidagi 34-son davlat maktabgacha taʼlim tashkilotining
Direktor Ish yurituvchi Oʻquv-tarbiyaviy qism: Hamshira — 1 birlik Xoʻjalik qismi: direktor oʻrinbosari — 1 birlik Xoʻjalik qismi mudiri — 1 birlik Defektolog — 1,75 birlik Tarbiyachi (shu jumladan, bolalarni maktabga tayyorlash boʻyicha guruhlar tarbiyachilari) — 10,5 birlik Qorovul — 3 birlik Psixolog — 1,75 birlik Kir yuvuvchi — 1,5 birlik Tarbiyachining yordamchisi — 8 birlik Farrosh — 2 birlik Bolalar bogʻchasi markazi: Chet tili oʻqituvchisi — 1,25 birlik Bogʻbon — 1 birlik Rahbar — 1 birlik Jismoniy tarbiya boʻyicha instruktor — 1,25 birlik Hovli tozaligiga qarovchi xodim — 1 birlik IT boʻyicha mutaxassis — 2 birlik Musiqa xodimi — 1,75 birlik Xoreograf — 1,25 birlik Oshpaz — 2 birlik
Oʻzbekiston Respublikasining Bosh vaziri A. ARIPOV
Toshkent sh.,
2019-yil 19-iyul,
605-son
Кабинета Министров Республики Узбекистан
Постановление
Структура
Структура
О мерах по созданию экспериментальной площадки для реализации проектов внедрения инновационных подходов в сферу дошкольного образования
В целях обеспечения внедрения в систему дошкольного образования передового зарубежного опыта, адаптации и эффективного использования новейших методик в сфере дошкольного образования, формирования здоровой и всесторонне развитой личности ребенка Кабинет Министров постановляет:
1. Согласиться с предложениями Министерства дошкольного образования Республики Узбекистан о:
а) реализации в республике комплексного проекта (далее — комплексный проект), предусматривающего:
организацию проведения на постоянной основе работы по изучению, привлечению и внедрению в деятельность государственных дошкольных образовательных организаций передового зарубежного опыта в сфере организации дошкольного образования, инновационных методов и эффективных педагогических практик в области обучения и воспитания детей дошкольного возраста;
распространение положительных практических достижений в рамках реализации комплексного проекта в других регионах страны, по итогам исследований и экспериментов — разработку и внедрение современных стандартов управления дошкольным образованием, обновленных учебных планов и программ, широкое внедрение в образовательный процесс прогрессивных педагогических информационно-коммуникационных технологий, разработку рекомендаций на издание усовершенствованных учебно-методических, дидактических материалов для дошкольных образовательных учреждений;
б) создании в г. Ташкенте постоянной экспериментальной площадки для практической реализации комплексного проекта на базе следующих государственных дошкольных образовательных организаций:
государственной дошкольной образовательной организации № 324 Мирзо Улугбекского района города Ташкента;
государственной дошкольной образовательной организации № 34 Мирабадского района города Ташкента.
2. Считать основными задачами отобранных в качестве постоянной базовой экспериментальной площадки государственных дошкольных образовательных организаций (далее — экспериментальные ДОО) в рамках реализации комплексного проекта:
содействие развитию системы дошкольного образования в республике путем привлечения передового зарубежного опыта в сфере организации обучения и воспитания детей дошкольного возраста;
формирование и регулярное пополнение библиотечного фонда по тематическим направлениям дошкольного образования учебно-методической и научно-технической литературой, а также методическими руководствами по адаптированным зарубежным моделям дошкольного образования;
содействие в организации повышения квалификации молодых перспективных научно-педагогических кадров системы дошкольного образования республики, в том числе посредством прямого участия в качестве опытно-экспериментальной базы для внедрения теоретических наработок и передового зарубежного опыта в сфере дошкольного образования в образовательно-воспитательный процесс;
осуществление образовательной деятельности на основе широкого применения передовых зарубежных методик организации образовательно-воспитательного процесса, организации и проведения специальных тренингов и тематических семинаров;
функционирование в качестве опорных дошкольных образовательных организаций для организации и проведения на системной основе обучения и обмена опытом, с активным вовлечением воспитателей и методистов государственных дошкольных образовательных учреждений республики.
3. Определить, что:
а) экспериментальные ДОО являются подведомственными учреждениями Министерства дошкольного и школьного образования Республики Узбекистан;
б) директора экспериментальных дошкольных организаций назначаются на должность и освобождаются от должности министром дошкольного и школьного образования Республики Узбекистан;
в) для работы в экспериментальные ДОО привлекаются квалифицированные специалисты, в том числе иностранные;
г) прием детей в экспериментальные ДОО осуществляется в соответствии с их уставом;
д) размеры заработной платы иностранных специалистов, привлекаемых к работе в экспериментальных дошкольных образовательных организациях, определяются министром дошкольного и школьного образования Республики Узбекистан за счет средств фонда содействия реформированию образования и других ресурсов, не запрещенных законом.
4. Утвердить структуры отобранных в качестве экспериментальной площадки государственных дошкольных образовательных организаций согласно приложениям № 1 и 2 .
Предоставить министру дошкольного и школьного образования Республики Узбекистан право при необходимости вносить изменения в структуры отобранных в качестве экспериментальной площадки государственных дошкольных образовательных организаций в пределах установленной общей численности работников.
5. Определить источниками финансирования деятельности отобранных в качестве экспериментальной площадки государственных дошкольных образовательных организаций:
средства Государственного бюджета Республики Узбекистан, гранты и кредиты (займы) международных и иностранных правительственных, международных финансовых организаций, финансовых институтов и других доноров;
доходы, полученные от оказания дополнительных платных образоватльно-воспитательных услуг, осуществляемых на договорной основе, не запрещенных законодательством;
благотворительные пожертвования юридических и физических лиц — резидентов и нерезидентов Республики Узбекистан;
средства Фонда развития дошкольного образования;
иные источники, не запрещенные законодательством.
6. Министерству дошкольного и школьного образования Республики Узбекистан:
в месячный срок разработать и утвердить уставы экспериментальных ДОО, а также обеспечить их государственную регистрацию в установленном порядке;
реализовать меры по привлечению дополнительных инвестиций, в том числе прямых иностранных, с целью развития деятельности экспериментальных ДОО.
7. Министерству иностранных дел обеспечить в установленном порядке по заявкам Министерства дошкольного и школьного образования Республики Узбекистан оформление въездных виз иностранным специалистам, привлекаемым в рамках реализации комплексного проекта, а также членам их семей, без взимания консульских и иных сборов.
8. Министерству внутренних дел обеспечить в установленном порядке по заявкам Министерства дошкольного и школьного образования Республики Узбекистан выдачу и продление многократных виз, а также регистрацию по месту временного пребывания и ее продление иностранным специалистам, привлекаемым в рамках реализации комплексного проекта, а также членам их семей, без взимания государственной пошлины.
9. Миграционное агентство при Кабинете Министров обеспечить в установленном порядке по заявкам Министерства дошкольного и школьного образования Республики Узбекистан выдачу (продление) разрешений на привлечение в республику иностранных специалистов в рамках реализации комплексного проекта, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
10. Контроль за исполнением настоящего постановления возложить на заместителя Премьер-министра Республики Узбекистан по вопросам социального развития А.А. Абдухакимова и министра дошкольного образования Республики Узбекистан А.В. Шин.
ПРИЛОЖЕНИЕ № 1 к постановлению Кабинета Министров от 19 июля 2019 года № 605
отобранного в качестве постоянной базовой экспериментальной площадки для реализации комплексного проекта государственной дошкольной образовательной организации № 324 Мирзо Улугбекского района города Ташкента
Директор Делопроизводитель Учебно-воспитательная часть: Медицинская часть: Хозяйственная часть: Заместитель директора — 1 ед. Врач-диетолог — 0,5 ед. Заведующий хозяйственной частью — 1 ед. Воспитатель — 6 ед. Медсестра — 1 ед. Охранник — 3 ед. Помощник воспитателя — 5 ед . Прачка — 1,25 ед. Дефектолог — 1 ед. Преподаватель иностранного языка — 0,5 ед. Уборщица — 1 ед. Инструктор по физическому воспитаню — 0,5 ед. Психолог — 1 ед. Садовник — 0,5 ед. Музыкальный работник — 1 ед. Дворник — 1 ед. Повар — 2 ед. Хореограф — 0,5 ед. Преподаватель изобразительного искусства — 0,5 ед.
ПРИЛОЖЕНИЕ № 2 к постановлению Кабинета Министров от 19 июля 2019 года № 605
отобранного в качестве постоянной базовой экспериментальной площадки для реализации комплексного проекта государственной дошкольной образовательной организации № 34 Мирабадского района города Ташкента
Директор Делопроизводитель Учебно-воспитательная часть: Медсестра — 1 ед. Хозяйственная часть: Заместитель директора — 1 ед. Заведующий хозяйственной частью — 1 ед. Дефектолог — 1,75 ед. Воспитатель (включая воспитателей групп по подготовке детей к школе) — 10,5 ед. Охранник — 3 ед. Психолог — 1,75 ед. Прачка — 1,5 ед. Помощник воспитателя — 8 ед. Уборщица — 2 ед. Центр Детский сада: Преподаватель иностранного языка — 1,25 ед. Садовник — 1 ед. Руководитель — 1 ед. Инструктор по физическому воспитаню — 1,25 ед. Дворник — 1 ед. Специалист по IT — 2 ед. Музыкальный работник — 1,75 ед. Хореограф — 1,25 ед. Повар — 2 ед.
Премьер-министр Республики Узбекистан А. АРИПОВ
г. Ташкент,
19 июля 2019 г.,
№ 605