📅 2019-yil 23-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 23 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 23 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Жиззах вилоятида гўшт-сут маҳсулотлари етиштириш йўналишидаги агросаноат кластерини ташкил этиш чора-тадбирлари тўғрисида
Жиззах вилоятида агросаноат кластерини жадал ривожлантириш, наслли чорва моллари сонини, ички ва ташқи бозорларда талаб юқори бўлган сифатли гўшт-сут маҳсулотлари ва гўшт маҳсулотлари ҳажмларини режали кўпайтириш, қорамолларнинг янги наслларини, шу жумладан гўшт берадиган қорамоллар боқишни ўзлаштириш, экспорт салоҳиятини янада ошириш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ қишлоқ жойларда янги иш ўринлари ташкил этиш мақсадида Вазирлар Маҳкамаси қарор қилади:
1. «Delmor» (ХХР) компанияси (кейинги ўринларда инвестор деб аталади) томонидан:
Жиззах вилоятида гўшт-сут йўналишида йилига 2,5 минг тонна гўшт етиштириш қувватига эга ва қорамоллар умумий сони 10 минг бошни ташкил этадиган қиймати 100 млн АҚШ доллари бўлган замонавий агросаноат кластерини (кейинги ўринларда инвестиция лойиҳаси деб аталади) ташкил этиш бўйича инвестиция лойиҳаси амалга оширилаётганлиги;
ушбу инвестиция лойиҳасини амалга ошириш доирасида масъулияти чекланган жамият шаклида «Jizzax organic» хорижий корхонаси (кейинги ўринларда «Jizzax organic» МЧЖ ХК деб аталади) ташкил этилганлиги маълумот учун қабул қилинсин.
2. Жиззах вилояти ҳокимлиги, Ўзбекистон Республикаси Ўрмон хўжалиги давлат қўмитасининг 2019 йилда инвестиция лойиҳасини амалга ошириш учун умумий майдони 10 775 гектар бўлган ер участкаларини, шу жумладан Жиззах вилоятининг Зомин ва Зарбдор туманларида 8 964 гектар суғориладиган ерларни «Jizzax organic» МЧЖ ХКга узоқ муддатли ижара ҳуқуқи асосида ажратиш тўғрисидаги таклифига розилик берилсин.
3. Белгилансинки, суғориладиган ерлар инвестор ва «Jizzax organic» МЧЖ ХК томонидан қуйидаги инвестиция мажбуриятларини қабул қилиш шарти билан ажратилади:
2019 — 2023 йиллар мобайнида умумий қиймати 100 млн АҚШ долларига тенг бўлган инвестициялар киритиш;
замонавий чорвачилик комплексини ташкил этиш ва озуқа ишлаб чиқариш бўйича ўз маркази, сўйиш цехи ва биогаз қурилмаларини барпо этиш;
фақат замонавий қишлоқ хўжалиги техникаси ва илғор агротехнологиялардан, шу жумладан ерларни лазерь ёрдамида режалаштириш ва янги сеялкалардан фойдаланиш;
илмий асосланган тўрт йиллик алмашлаб экишни жорий этган ҳолда, қишлоқ хўжалиги экинларининг ем-хашак бўладиган навлари етиштирилишини ташкил этиш;
1000 та янги иш ўрни ташкил қилиш;
ерларнинг мелиоратив ҳолатини яхшилаш ва унумдорлигини ошириш чора-тадбирларини жорий қилиш.
4. Жиззах вилояти ҳокимлиги:
Ўзбекистон Республикаси Инвестициялар ва ташқи савдо вазирлигига инвестор ва «Jizzax organic» МЧЖ ХК томонидан қабул қилинган инвестиция мажбуриятларининг бажарилиши ҳолати тўғрисида ҳар ойда ахборот киритсин;
инвестор ва «Jizzax organic» МЧЖ ХК томонидан қабул қилинган инвестиция мажбуриятлари бажарилмаган тақдирда, Инвестициялар ва ташқи савдо вазирлиги билан келишган ҳолда тақдим этилган ер участкалари захира ерларга қайтарилишини таъминласин.
5. Инвестиция лойиҳасини амалга ошириш доирасида, истисно тариқасида:
«Jizzax organic» МЧЖ ХКга — 2019 йил 1 сентябргача бир вақтнинг ўзида лойиҳа-смета ҳужжатларини (ишчи лойиҳа), шу жумладан атроф-муҳитга таъсирни баҳолаш материалларини ишлаб чиқиш ва қурилиш-монтаж ишларини амалга оширишга;
«ЎзГАШКЛИТИ» ДУКка — маҳаллий ёки шартли кординаталар тизимларида бериладиган ер участкалари бўйича топографик суратга олиш материалларини «Jizzax organic» МЧЖ ХКга беришга рухсат этилсин.
6. Жиззах вилояти ҳокимлиги, Ўзбекистон Республикаси Сув хўжалиги вазирлиги, Энергетика вазирлиги, Транспорт вазирлиги, «Ўзбекистон темир йўллари» АЖ ва «Ўзтрансгаз» АЖ «Jizzax organic» МЧЖ ХКга ташкил этилаётган агросаноат кластерини ташқи муҳандислик ҳамда транспорт коммуникацияларига улашда зарур ёрдам кўрсатсинлар.
7. Қуйидагилар инвестиция лойиҳасини молиялаштириш манбалари этиб белгилансин:
инвестор томонидан лойиҳа ва қурилиш-монтаж ишларини молиялаштириш учун инвестиция лойиҳаси умумий қийматининг камида 25 фоизи миқдорида йўналтириладиган тўғридан-тўғри хорижий инвестициялар;
халқаро молия институтларининг наслли қорамоллар, юқори технологик импорт ускуналар, машина ва механизмлар, қишлоқ хўжалиги техникасини харид қилиш учун инвестиция лойиҳаси умумий қийматининг 70 фоизидан кам бўлмаган миқдорда жалб этиладиган ва «Ўзсаноатқурилишбанк» АТБ орқали қайта молиялаштириладиган кредитлари;
«Jizzax organic» МЧЖ ХКнинг фоизлар ва комиссияларни тўлаш, «Ўзсаноатқурилишбанк» АТБ кредитларига хизмат кўрсатиш билан боғлиқ бошқа харажатларни қоплашга йўналтириладиган инвестиция лойиҳаси умумий қийматининг камида 5 фоизи миқдоридаги ўз маблағлари.
8. Ўзбекистон Республикаси Президентининг 2005 йил 11 апрелдаги ПФ-3594- Фармонига мувофиқ хорижий инвестициялар иштирокидаги корхоналарга тақдим этилган юридик шахсларнинг даромад солиғи бўйича имтиёзлар «Jizzax organic» МЧЖ ХКга ҳам татбиқ этилади.
9. Инвестиция лойиҳасини амалга ошириш доирасида 2023 йил 31 декабргача бўлган муддатда:
а) «Jizzax organic» МЧЖ хорижий мутахассислар жисмоний шахслар даромад солиғини ва ижтимоий солиқни тўлашдан;
б) «Jizzax organic» МЧЖ ХК, Сингапурнинг «Enter Engineering Pte.Ltd» компанияси (бош пудратчи) ва унинг субпудратчи ташкилотлари:
ўз ишлаб чиқариш эҳтиёжлари учун белгиланган тартибда шакллантириладиган рўйхат бўйича ускуналар, махсус транспорт воситалари, қишлоқ хўжалиги техникаси, эҳтиёт қисмлар ва бутловчи буюмлар, моддий-техника ресурслари, хомашё, материал ва ўсимликларни олиб киришда божхона тўловларини тўлашдан (божхона йиғимлардан ва қўшилган қиймат солиғидан ташқари);
республикада аккредитациядан ўтган тегишли синов лабораториялари мавжуд бўлмаган ҳолларда — импорт қилинадиган материаллар, ускуналар, машина ва механизмлар, бутловчи буюмлар ва узеллар, технологик жиҳозлар, приборлар, эҳтиёт қисмлар ва асбобларни мажбурий сертификатлаштириш тартиботларидан озод этилсин.
10. Ўзбекистон Республикаси Ташқи ишлар вазирлиги инвестиция лойиҳасини амалга оширишда иштирок этадиган хорижий мутахассисларга «Jizzax organic» МЧЖ ХК буюртманомалари бўйича кўп марталик кириш визалари расмийлаштирилишини таъминласин.
11. Ўзбекистон Республикаси Ички ишлар вазирлиги инвестиция лойиҳасини амалга оширишда иштирок этадиган хорижий мутахассисларга «Jizzax organic» МЧЖ ХК буюртманомалари бўйича Ўзбекистон Республикасида визалар берилиши ва муддати узайтирилишини, шунингдек, вақтинча турган жойи бўйича рўйхатга олиниши ва унинг муддати узайтирилишини таъминласин.
12. Ўзбекистон Республикаси Бандлик ва меҳнат муносабатлари вазирлиги «Jizzax organic» МЧЖ ХКнинг буюртманомалари бўйича Ўзбекистон Республикасига хорижий ишчи кучини ва мутахассисларни (Ўзбекистон Республикаси фуқаролари орасида мавжуд бўлмаган) жалб қилишга рухсатнома берилишини (муддати узайтирилишини), шунингдек, хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқини берадиган тасдиқномалар берилишини (муддати узайтирилишини) таъминласин.
13. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ва Жиззах вилояти ҳокими Э.А. Солиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 23 июль,
619-сон
Oʻzbekiston Respublikasi Vazirlar Mahkamasining
qarori
Jizzax viloyatida goʻsht-sut mahsulotlari yetishtirish yoʻnalishidagi agrosanoat klasterini tashkil etish chora-tadbirlari toʻgʻrisida
Jizzax viloyatida agrosanoat klasterini jadal rivojlantirish, naslli chorva mollari sonini, ichki va tashqi bozorlarda talab yuqori boʻlgan sifatli goʻsht-sut mahsulotlari va goʻsht mahsulotlari hajmlarini rejali koʻpaytirish, qoramollarning yangi nasllarini, shu jumladan goʻsht beradigan qoramollar boqishni oʻzlashtirish, eksport salohiyatini yanada oshirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq qishloq joylarda yangi ish oʻrinlari tashkil etish maqsadida Vazirlar Mahkamasi qaror qiladi:
1. “Delmor” (XXR) kompaniyasi (keyingi oʻrinlarda investor deb ataladi) tomonidan:
Jizzax viloyatida goʻsht-sut yoʻnalishida yiliga 2,5 ming tonna goʻsht yetishtirish quvvatiga ega va qoramollar umumiy soni 10 ming boshni tashkil etadigan qiymati 100 mln AQSH dollari boʻlgan zamonaviy agrosanoat klasterini (keyingi oʻrinlarda investitsiya loyihasi deb ataladi) tashkil etish boʻyicha investitsiya loyihasi amalga oshirilayotganligi;
ushbu investitsiya loyihasini amalga oshirish doirasida masʼuliyati cheklangan jamiyat shaklida “Jizzax organic” xorijiy korxonasi (keyingi oʻrinlarda “Jizzax organic” MCHJ XK deb ataladi) tashkil etilganligi maʼlumot uchun qabul qilinsin.
2. Jizzax viloyati hokimligi, Oʻzbekiston Respublikasi Oʻrmon xoʻjaligi davlat qoʻmitasining 2019-yilda investitsiya loyihasini amalga oshirish uchun umumiy maydoni 10 775 gektar boʻlgan yer uchastkalarini, shu jumladan Jizzax viloyatining Zomin va Zarbdor tumanlarida 8 964 gektar sugʻoriladigan yerlarni “Jizzax organic” MCHJ XKga uzoq muddatli ijara huquqi asosida ajratish toʻgʻrisidagi taklifiga rozilik berilsin.
3. Belgilansinki, sugʻoriladigan yerlar investor va “Jizzax organic” MCHJ XK tomonidan quyidagi investitsiya majburiyatlarini qabul qilish sharti bilan ajratiladi:
2019 — 2023-yillar mobaynida umumiy qiymati 100 mln AQSH dollariga teng boʻlgan investitsiyalar kiritish;
zamonaviy chorvachilik kompleksini tashkil etish va ozuqa ishlab chiqarish boʻyicha oʻz markazi, soʻyish sexi va biogaz qurilmalarini barpo etish;
faqat zamonaviy qishloq xoʻjaligi texnikasi va ilgʻor agrotexnologiyalardan, shu jumladan yerlarni lazer yordamida rejalashtirish va yangi seyalkalardan foydalanish;
ilmiy asoslangan toʻrt yillik almashlab ekishni joriy etgan holda, qishloq xoʻjaligi ekinlarining yem-xashak boʻladigan navlari yetishtirilishini tashkil etish;
1000 ta yangi ish oʻrni tashkil qilish;
yerlarning meliorativ holatini yaxshilash va unumdorligini oshirish chora-tadbirlarini joriy qilish.
4. Jizzax viloyati hokimligi:
Oʻzbekiston Respublikasi Investitsiyalar va tashqi savdo vazirligiga investor va “Jizzax organic” MCHJ XK tomonidan qabul qilingan investitsiya majburiyatlarining bajarilishi holati toʻgʻrisida har oyda axborot kiritsin;
investor va “Jizzax organic” MCHJ XK tomonidan qabul qilingan investitsiya majburiyatlari bajarilmagan taqdirda, Investitsiyalar va tashqi savdo vazirligi bilan kelishgan holda taqdim etilgan yer uchastkalari zaxira yerlarga qaytarilishini taʼminlasin.
5. Investitsiya loyihasini amalga oshirish doirasida, istisno tariqasida:
“Jizzax organic” MCHJ XKga — 2019-yil 1-sentabrgacha bir vaqtning oʻzida loyiha-smeta hujjatlarini (ishchi loyiha), shu jumladan atrof-muhitga taʼsirni baholash materiallarini ishlab chiqish va qurilish-montaj ishlarini amalga oshirishga;
“OʻzGASHKLITI” DUKka — mahalliy yoki shartli kordinatalar tizimlarida beriladigan yer uchastkalari boʻyicha topografik suratga olish materiallarini “Jizzax organic” MCHJ XKga berishga ruxsat etilsin.
6. Jizzax viloyati hokimligi, Oʻzbekiston Respublikasi Suv xoʻjaligi vazirligi, Energetika vazirligi, Transport vazirligi, “Oʻzbekiston temir yoʻllari” AJ va “Oʻztransgaz” AJ “Jizzax organic” MCHJ XKga tashkil etilayotgan agrosanoat klasterini tashqi muhandislik hamda transport kommunikatsiyalariga ulashda zarur yordam koʻrsatsinlar.
7. Quyidagilar investitsiya loyihasini moliyalashtirish manbalari etib belgilansin:
investor tomonidan loyiha va qurilish-montaj ishlarini moliyalashtirish uchun investitsiya loyihasi umumiy qiymatining kamida 25 foizi miqdorida yoʻnaltiriladigan toʻgʻridan-toʻgʻri xorijiy investitsiyalar;
xalqaro moliya institutlarining naslli qoramollar, yuqori texnologik import uskunalar, mashina va mexanizmlar, qishloq xoʻjaligi texnikasini xarid qilish uchun investitsiya loyihasi umumiy qiymatining 70 foizidan kam boʻlmagan miqdorda jalb etiladigan va “Oʻzsanoatqurilishbank” ATB orqali qayta moliyalashtiriladigan kreditlari;
“Jizzax organic” MCHJ XKning foizlar va komissiyalarni toʻlash, “Oʻzsanoatqurilishbank” ATB kreditlariga xizmat koʻrsatish bilan bogʻliq boshqa xarajatlarni qoplashga yoʻnaltiriladigan investitsiya loyihasi umumiy qiymatining kamida 5 foizi miqdoridagi oʻz mablagʻlari.
8. Oʻzbekiston Respublikasi Prezidentining 2005-yil 11-apreldagi PF-3594- Farmoniga muvofiq xorijiy investitsiyalar ishtirokidagi korxonalarga taqdim etilgan yuridik shaxslarning daromad soligʻi boʻyicha imtiyozlar “Jizzax organic” MCHJ XKga ham tatbiq etiladi.
9. Investitsiya loyihasini amalga oshirish doirasida 2023-yil 31-dekabrgacha boʻlgan muddatda:
a) “Jizzax organic” MCHJ xorijiy mutaxassislar jismoniy shaxslar daromad soligʻini va ijtimoiy soliqni toʻlashdan;
b) “Jizzax organic” MCHJ XK, Singapurning “Enter Engineering Pte.Ltd” kompaniyasi (bosh pudratchi) va uning subpudratchi tashkilotlari:
oʻz ishlab chiqarish ehtiyojlari uchun belgilangan tartibda shakllantiriladigan roʻyxat boʻyicha uskunalar, maxsus transport vositalari, qishloq xoʻjaligi texnikasi, ehtiyot qismlar va butlovchi buyumlar, moddiy-texnika resurslari, xomashyo, material va oʻsimliklarni olib kirishda bojxona toʻlovlarini toʻlashdan (bojxona yigʻimlardan va qoʻshilgan qiymat soligʻidan tashqari);
respublikada akkreditatsiyadan oʻtgan tegishli sinov laboratoriyalari mavjud boʻlmagan hollarda — import qilinadigan materiallar, uskunalar, mashina va mexanizmlar, butlovchi buyumlar va uzellar, texnologik jihozlar, priborlar, ehtiyot qismlar va asboblarni majburiy sertifikatlashtirish tartibotlaridan ozod etilsin.
10. Oʻzbekiston Respublikasi Tashqi ishlar vazirligi investitsiya loyihasini amalga oshirishda ishtirok etadigan xorijiy mutaxassislarga “Jizzax organic” MCHJ XK buyurtmanomalari boʻyicha koʻp martalik kirish vizalari rasmiylashtirilishini taʼminlasin.
11. Oʻzbekiston Respublikasi Ichki ishlar vazirligi investitsiya loyihasini amalga oshirishda ishtirok etadigan xorijiy mutaxassislarga “Jizzax organic” MCHJ XK buyurtmanomalari boʻyicha Oʻzbekiston Respublikasida vizalar berilishi va muddati uzaytirilishini, shuningdek, vaqtincha turgan joyi boʻyicha roʻyxatga olinishi va uning muddati uzaytirilishini taʼminlasin.
12. Oʻzbekiston Respublikasi Bandlik va mehnat munosabatlari vazirligi “Jizzax organic” MCHJ XKning buyurtmanomalari boʻyicha Oʻzbekiston Respublikasiga xorijiy ishchi kuchini va mutaxassislarni (Oʻzbekiston Respublikasi fuqarolari orasida mavjud boʻlmagan) jalb qilishga ruxsatnoma berilishini (muddati uzaytirilishini), shuningdek, xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomalar berilishini (muddati uzaytirilishini) taʼminlasin.
13. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov va Jizzax viloyati hokimi E.A. Soliyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 23-iyul,
619-son
Кабинета Министров Республики Узбекистан
Постановление
О мерах по созданию агропромышленного кластера мясомолочного направления в Джизакской области
В целях интенсивного развития агропромышленного кластера в Джизакской области, планомерного увеличения поголовья племенного скота, объемов производства качественной мясомолочной продукции и мясопродуктов, пользующихся устойчивым спросом на внутреннем и внешнем рынках, освоения разведения высокопродуктивных пород крупного рогатого скота, в том числе мясных пород, дальнейшего наращивания экспортного потенциала, а также создания новых рабочих мест в сельской местности в соответствии с задачами, определенными в Стратегии действий по пяти приоритетным направлениям развития Республики Узбекистан в 2017 — 2021 годах:
1. Принять к сведению, что иностранным инвестором — компанией «DELMOR» (КНР) (далее — инвестор):
в Джизакской области осуществляется реализация инвестиционного проекта по созданию современного агропромышленного кластера мясомолочного направления стоимостью 100 млн. долларов США (далее — инвестиционный проект) мощностью производства 2,5 тысячи тонн мяса в год, с общим поголовьем 10 тысяч голов крупного рогатого скота;
в рамках реализации инвестиционного проекта создано иностранное предприятие в форме общества с ограниченной ответственностью «Jizzax organic» (далее — ИП ООО «Jizzax organic»).
2. Согласиться с предложением хокимията Джизакской области, Государственного комитета Республики Узбекистан по лесному хозяйству об отводе ИП ООО «Jizzax Organic» на праве долгосрочной аренды для реализации инвестиционного проекта в 2019 году земельного участка общей площади 10 775 га, в том числе 8 964 га орошаемых земель, в Зааминском и Зарбдарском районах Джизакской области.
3. Установить, что орошаемые земли выделяются с условием принятия инвестором и ИП ООО «Jizzax organic» следующих инвестиционных обязательств:
внесение в течение 2019 — 2023 годов инвестиций на общую сумму 100 млн. долларов США;
создание современного животноводческого комплекса со строительством собственного центра по производству кормов, убойного цеха и биогазовых установок;
использование исключительно современной сельскохозяйственной техники и передовых агротехнологий, в том числе лазерного планирования земель и нулевых сеялок;
организация выращивания фуражных сортов сельскохозяйственных культур с использованием научно обоснованного четырехгодичного севооборота;
создание 1 000 рабочих мест;
осуществление мер по улучшению мелиоративного состояния и повышению плодородия земель.
4. Хокимияту Джизакской области:
ежемесячно вносить в Министерство инвестиций и внешней торговли Республики Узбекистан информацию о состоянии выполнения инвестором и ИП ООО «Jizzax organic» принятых инвестиционных обязательств;
при невыполнении инвестором и ИП ООО «Jizzax organic» принятых инвестиционных обязательств обеспечить, по согласованию с Министерством инвестиций и внешней торговли, возврат предоставленных земельных участков в земли запаса.
5. Разрешить, в порядке исключения, в рамках реализации инвестиционного проекта:
ИП ООО «Jizzax organic» — осуществлять до 1 сентября 2019 года строительно-монтажные работы с параллельной разработкой проектно-сметной документации (рабочего проекта), в том числе материалов оценки воздействия на окружающую среду;
ГУП «УзГАШКЛИТИ» — передачу ИП ООО «Jizzax organic» материалов топографической съемки по предоставленному земельному участку в местной или условной системах координат.
6. Хокимияту Джизакской области, Министерству водного хозяйства, Министерству энергетики, Министерству транспорта Республики Узбекистан, АО «Узбекистон темир йуллари» и АО «Узтрансгаз» оказать необходимое содействие ИП ООО «Jizzax organic» в подключении создаваемого агропромышленного кластера к внешним инженерным и транспортным коммуникациям.
7. Определить источниками финансирования инвестиционного проекта:
прямые иностранные инвестиции, направляемые инвестором в размере не менее 25 процентов от общей стоимости инвестиционного проекта для финансирования выполняемых проектных и строительно-монтажных работ;
кредиты международных финансовых институтов, привлекаемые в размере не более 70 процентов от общей стоимости инвестиционного проекта и рефинансируемые через АКБ «Узпромстройбанк» для приобретения племенного крупного рогатого скота, высокотехнологического импортного оборудования, машин и механизмов, сельскохозяйственной техники;
собственные средства ИП ООО «Jizzax organic» в размере не менее 5 процентов от общей стоимости инвестиционного проекта, направляемые на выплату процентов и комиссий, покрытие прочих расходов, связанных с обслуживанием кредитов АКБ «Узпромстройбанк».
8. Распространить на ИП ООО «Jizzax organic» действие льготы по налогам на прибыль и имущество юридических лиц, предоставленных предприятиям с иностранным инвестициям Указом Президента Республики Узбекистан от 11 апреля 2005 года № УП-3594.
9. Освободить сроком до 31 декабря 2023 года в рамках реализации инвестиционного проекта:
а) ИП ООО «Jizzax organic» от уплаты социального налога и налога на доход физических лиц — иностранных специалистов;
б) ИП ООО «Jizzax organic», Сингапурскую компанию «Enter Engineering Pte.Ltd.» (генеральный подрядчик) и его субподрядные организации от:
уплаты таможенных платежей (за исключением таможенных сборов и налога на добавленную стоимость) при ввозе оборудования, специальных транспортных средств, сельскохозяйственной техники, запасных частей и комплектующих изделий, материально-технических ресурсов, сырья, материалов, крупного рогатого скота и растений для собственных производственных нужд по перечням, формируемым в установленном порядке;
процедуры обязательной сертификации импортируемых материалов, оборудования, машин и механизмов, комплектующих изделий и узлов, технологической оснастки, приборов, запасных частей, инструментов — в случае отсутствия в республике соответствующих аккредитованных испытательных лабораторий.
10. Министерству иностранных дел Республики Узбекистан в установленном порядке обеспечить по заявкам ИП ООО «Jizzax organic» оформление многократных въездных виз иностранным специалистам, участвующим в реализации инвестиционного проекта.
11. Министерству внутренних дел Республики Узбекистан в установленном порядке обеспечить по заявкам ИП ООО «Jizzax organic» выдачу и продление виз, а также регистрацию по месту временного пребывания и ее продление в Республике Узбекистан иностранным специалистам, участвующим в реализации инвестиционного проекта.
12. Министерству занятости и трудовых отношений Республики Узбекистан в установленном порядке обеспечить по заявкам ИП ООО «Jizzax organic» выдачу (продление) разрешения на привлечение в Республику Узбекистан иностранной рабочей силы и специалистов (не имеющихся из числа граждан Республики Узбекистан), а также выдачу (продление) иностранным гражданам подтверждений на право трудовой деятельности на территории Республики Узбекистан.
13. Контроль за исполнением настоящего постановления возложить на советника Премьер-министра Республики Узбекистан по вопросам развития аграрной и продовольственной сфер А.Д. Вахабова и хокима Джизакской области Э.А. Салиева.
Премьер-министр Республики Узбекистан А. АРИПОВ
г. Ташкент,
23 июля 2019 г.,
№ 619