📅 2019-yil 26-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 26 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 26 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Эркин Воҳидов мемориал музейи ҳамда Ҳазиний уй-музейи фаолиятини ташкил этиш тўғрисида
Ўзбек халқининг буюк шоир ва адиблари Эркин Воҳидов ҳамда Ҳазинийнинг бой ижодини ўрганиш, кенг тарғиб қилиш, номларини абадийлаштириш, шунингдек, ёшлар ўртасида адабий муҳитни янада кенг ривожлантириш мақсадида Вазирлар Маҳкамаси қарор қилади:
1. Ўзбекистон Республикаси Маданият вазирлиги, Фарғона вилояти ҳокимлигининг Фарғона вилояти, Марғилон шаҳрида Эркин Воҳидов мемориал музейи ҳамда Учкўприк туманида Ҳазиний уй-музейини (кейинги ўринларда музейлар деб аталади) Фарғона вилоят тарихи ва маданияти давлат музейининг филиали сифатида ташкил этиш тўғрисидаги таклифи маъқуллансин.
2. Фарғона вилояти ҳокимлиги Ўзбекистон Республикаси Маданият вазирлиги билан биргаликда:
ташкил этилаётган музейларнинг асосий вазифаларидан келиб чиқиб, Фарғона вилояти тарихи ва маданияти давлат музейи тўғрисида янгиланган низомни ишлаб чиқиш ва тасдиқлаш;
музейларнинг штатлар жадвали белгиланган тартибда ишлаб чиқилиши ва тасдиқланишини ҳамда малакали кадрлар билан тўлдирилишини таъминлаш;
музейлар жойлашган биноларни Фарғона вилояти тарихи ва маданияти давлат музейига ўтказиш ҳамда биноларнинг кадастр ҳужжатларини расмийлаштириш;
музейларда маданий-маърифий тадбирлар, атоқли шоир ва ёзувчилар ҳаёти ва ижодига бағишланган давра суҳбатлари, ижодий учрашувлар ташкил этиш;
музейларга замонавий интерфаол ахборот-технологияларни жорий этиш чораларини кўрсин.
3. Ўзбекистон Республикаси Маданият вазирлиги бир ой муддатда:
манфаатдор вазирликлар ва идоралар билан биргаликда музейлар экспозициясини музей ашёлари билан тўлдириш чораларини кўрсин;
Туризмни ривожлантириш давлат қўмитаси, Фарғона вилояти ҳокимлиги билан биргаликда музейларга сайёҳларни кенг жалб этиш чораларини кўрсин.
4. Белгилаб қўйилсинки:
музейларга штат бирликларини ажратиш ҳамда ходимларига иш ҳақи тўлаш Ўзбекистон Республикаси Маданият вазирлиги тизимидаги музейлар учун белгиланган тартибга мувофиқ;
музейларни сақлаш харажатлари, унинг ўз даромадлари, маҳаллий бюджети маблағлари ва қонунчилик ҳужжатларидада тақиқланмаган бошқа манбалар ҳисобидан амалга оширилади.
5. Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа оммавий ахборот воситаларига музейлар фаолиятини кенг ёритиш тавсия этилсин.
6. Вазирлар Маҳкамасининг «2017 — 2027 йилларда давлат музейлари фаолиятини такомиллаштириш ва моддий-техник базасини мустаҳкамлаш бўйича комплекс чора-тадбирлар дастурини тасдиқлаш тўғрисида» 2017 йил 11 декабрдаги 975-сон қарорига иловага мувофиқ ўзгартиришлар киритилсин.
7. Ўзбекистон Республикаси Маданият вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
8. Мазкур қарорнинг бажарилишини назорат қилиш Ўзбекистон Республикасининг маданият вазири Б.С. Сайфуллаев, Фарғона вилояти ҳокими Ш.М. Ғаниев зиммасига ҳамда Вазирлар Маҳкамасининг Ёшлар сиёсати, маданият, маънавият, оммавий ахборот воситалари, ижодий ва жамоат ташкилотлари масалалари котибиятига юклансин.
Вазирлар Маҳкамасининг 2019 йил 26 июлдаги 630-сон қарорига ИЛОВА
Вазирлар Маҳкамасининг «2017 — 2027 йилларда давлат музейлари фаолиятини такомиллаштириш ва моддий-техник базасини мустаҳкамлаш бўйича комплекс чора-тадбирлар дастурини тасдиқлаш тўғрисида» 2017 йил 11 декабрдаги 975-сон қарорига киритилаётган ўзгартиришлар
а) 2-илова 6-позициясидан сўнг қуйидаги мазмундаги 6 1 ва 6 2 -позициялар қўшилсин:
« 6 1 . Эркин Воҳидов мемориал музейи (Фарғона вилояти тарихи ва маданияти давлат музейининг филиали сифатида) Марғилон шаҳри 6 2 . Ҳазиний уй-музейи (Фарғона вилояти тарихи ва маданияти давлат музейининг филиали сифатида) Учкўприк тумани » ;
б) 4-илованинг 18-позицияси қуйидаги таҳрирда баён этилсин:
« 18. Фарғона вилоят тарихи ва маданияти давлат музейи ҳамда унинг қуйидаги филиаллари: Фарғона шаҳри Марғилон шаҳар тарих музейи Марғилон шаҳри Увайсий уй-музейи Марғилон шаҳри Эркин Воҳидов уй-музейи Олтиариқ тумани Ҳазиний уй-музейи Учкўприк тумани Эркин Воҳидов мемориал музейи Марғилон шаҳри » .
Ўзбекистон Республикасининг Бош вазири А. АРИПОВ
Тошкент ш.,
2019 йил 26 июль,
630-сон
Oʻzbekiston Respublikasi Vazirlar Mahkamasining
qarori
Erkin Vohidov memorial muzeyi hamda Haziniy uy-muzeyi faoliyatini tashkil etish toʻgʻrisida
Oʻzbek xalqining buyuk shoir va adiblari Erkin Vohidov hamda Haziniyning boy ijodini oʻrganish, keng targʻib qilish, nomlarini abadiylashtirish, shuningdek, yoshlar oʻrtasida adabiy muhitni yanada keng rivojlantirish maqsadida Vazirlar Mahkamasi qaror qiladi:
1. Oʻzbekiston Respublikasi Madaniyat vazirligi, Fargʻona viloyati hokimligining Fargʻona viloyati, Margʻilon shahrida Erkin Vohidov memorial muzeyi hamda Uchkoʻprik tumanida Haziniy uy-muzeyini (keyingi oʻrinlarda muzeylar deb ataladi) Fargʻona viloyat tarixi va madaniyati davlat muzeyining filiali sifatida tashkil etish toʻgʻrisidagi taklifi maʼqullansin.
2. Fargʻona viloyati hokimligi Oʻzbekiston Respublikasi Madaniyat vazirligi bilan birgalikda:
tashkil etilayotgan muzeylarning asosiy vazifalaridan kelib chiqib, Fargʻona viloyati tarixi va madaniyati davlat muzeyi toʻgʻrisida yangilangan nizomni ishlab chiqish va tasdiqlash;
muzeylarning shtatlar jadvali belgilangan tartibda ishlab chiqilishi va tasdiqlanishini hamda malakali kadrlar bilan toʻldirilishini taʼminlash;
muzeylar joylashgan binolarni Fargʻona viloyati tarixi va madaniyati davlat muzeyiga oʻtkazish hamda binolarning kadastr hujjatlarini rasmiylashtirish;
muzeylarda madaniy-maʼrifiy tadbirlar, atoqli shoir va yozuvchilar hayoti va ijodiga bagʻishlangan davra suhbatlari, ijodiy uchrashuvlar tashkil etish;
muzeylarga zamonaviy interfaol axborot-texnologiyalarni joriy etish choralarini koʻrsin.
3. Oʻzbekiston Respublikasi Madaniyat vazirligi bir oy muddatda:
manfaatdor vazirliklar va idoralar bilan birgalikda muzeylar ekspozitsiyasini muzey ashyolari bilan toʻldirish choralarini koʻrsin;
Turizmni rivojlantirish davlat qoʻmitasi, Fargʻona viloyati hokimligi bilan birgalikda muzeylarga sayyohlarni keng jalb etish choralarini koʻrsin.
4. Belgilab qoʻyilsinki:
muzeylarga shtat birliklarini ajratish hamda xodimlariga ish haqi toʻlash Oʻzbekiston Respublikasi Madaniyat vazirligi tizimidagi muzeylar uchun belgilangan tartibga muvofiq;
muzeylarni saqlash xarajatlari, uning oʻz daromadlari, mahalliy budjeti mablagʻlari va qonunchilik hujjatlaridada taqiqlanmagan boshqa manbalar hisobidan amalga oshiriladi.
5. Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa ommaviy axborot vositalariga muzeylar faoliyatini keng yoritish tavsiya etilsin.
6. Vazirlar Mahkamasining “2017 — 2027-yillarda davlat muzeylari faoliyatini takomillashtirish va moddiy-texnik bazasini mustahkamlash boʻyicha kompleks chora-tadbirlar dasturini tasdiqlash toʻgʻrisida” 2017-yil 11-dekabrdagi 975-son qaroriga ilovaga muvofiq oʻzgartirishlar kiritilsin.
7. Oʻzbekiston Respublikasi Madaniyat vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasining madaniyat vaziri B.S. Sayfullayev, Fargʻona viloyati hokimi Sh.M. Gʻaniyev zimmasiga hamda Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Vazirlar Mahkamasining 2019-yil 26-iyuldagi 630-son qaroriga ILOVA
Vazirlar Mahkamasining “2017 — 2027-yillarda davlat muzeylari faoliyatini takomillashtirish va moddiy-texnik bazasini mustahkamlash boʻyicha kompleks chora-tadbirlar dasturini tasdiqlash toʻgʻrisida” 2017-yil 11-dekabrdagi 975-son qaroriga kiritilayotgan oʻzgartirishlar
a) 2-ilova 6-pozitsiyasidan soʻng quyidagi mazmundagi 6 1 va 6 2 -pozitsiyalar qoʻshilsin:
“ 6 1 . Erkin Vohidov memorial muzeyi (Fargʻona viloyati tarixi va madaniyati davlat muzeyining filiali sifatida) Margʻilon shahri 6 2 . Haziniy uy-muzeyi (Fargʻona viloyati tarixi va madaniyati davlat muzeyining filiali sifatida) Uchkoʻprik tumani ” ;
b) 4-ilovaning 18-pozitsiyasi quyidagi tahrirda bayon etilsin:
“ 18. Fargʻona viloyat tarixi va madaniyati davlat muzeyi hamda uning quyidagi filiallari: Fargʻona shahri Margʻilon shahar tarix muzeyi Margʻilon shahri Uvaysiy uy-muzeyi Margʻilon shahri Erkin Vohidov uy-muzeyi Oltiariq tumani Haziniy uy-muzeyi Uchkoʻprik tumani Erkin Vohidov memorial muzeyi Margʻilon shahri ” .
Oʻzbekiston Respublikasining Bosh vaziri A. ARIPOV
Toshkent sh.,
2019-yil 26-iyul,
630-son