📅 2019-yil 29-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 29 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 29 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Қашқадарё вилояти Китоб туманида Аёқчи сел сув омборини қуриш» лойиҳасини амалга ошириш чора-тадбирлари тўғрисида
Қашқадарё вилоятининг Китоб туманида ер ва сув ресурсларидан оқилона фойдаланиш, суғориладиган ерларнинг сув таъминотини яхшилаш, сел-тошқин сувларининг салбий таъсирини юмшатиш, шунингдек, мева-сабзавотчилик ва чорвачиликни ривожлантириш мақсадида Вазирлар Маҳкамаси қарор қилади:
1. Бош лойиҳа ташкилоти «Ўзсувлойиҳа» акциядорлик жамияти томонидан 16,8 млн кубм. ҳажмдаги сел сув омбори қурилиши назарда тутилган «Қашқадарё вилояти Китоб туманида Аёқчи сел сув омборини қуриш» лойиҳасининг техник-иқтисодий ҳисоби ишлаб чиқилганлиги маълумот учун қабул қилинсин.
2. «Қашқадарё вилояти Китоб туманида Аёқчи сел сув омборини қуриш» лойиҳасининг(кейинги ўринларда лойиҳа деб аталади) техник-иқтисодий ҳисоби иловага мувофиқ асосий техник-иқтисодий кўрсаткичлари билан тасдиқлансин.
3. Лойиҳани амалга ошириш бўйича:
Ўзбекистон Республикаси Сув хўжалиги вазирлигининг «Қашқадарёсувқурилишинвест» давлат унитар корхонаси буюртмачи этиб белгилансин;
бош пудрат ташкилоти белгиланган тартибда тендер савдоси асосида аниқлансин;
қурилишни якунлаш муддати 2023 йил 1 сентябрь этиб белгилансин.
4. Ўзбекистон Республикаси Сув хўжалиги вазирлиги бош лойиҳа ташкилоти «Ўзсувлойиҳа» акциядорлик жамияти билан биргаликда 2019 йилнинг1 декабрига қадар мазкур қарорнинг 2-банди билан тасдиқланган техник-иқтисодий ҳисобга мувофиқ ишчи ҳужжатлар сифатли ишлаб чиқилишини ҳамда ваколатли экспертиза органларидан белгиланган тартибда экспертиза хулосалари олинишини таъминласин.
5. Ўзбекистон Республикаси Инвестициялар ва ташқи савдо вазирлиги, Иқтисодиёт ва саноат вазирлиги, Молия вазирлиги мазкур қарорнинг иловасига мувофиқ талаб этиладиган капитал қўйилмаларни:
жорий йилда Ўзбекистон Республикасининг 2019 йилга мўлжалланган Инвестиция дастури доирасида кўзда тутилган маблағлар ҳисобидан;
2020 — 2023 йиллар давомида асосий кўрсаткичларни ҳар йили аниқлаштириб, Ўзбекистон Республикасининг келгуси йиллар учун Инвестиция дастурлари параметрларини шакллантириш жараёнида инобатга олинишини таъминласинлар.
6. Ўзбекистон Республикаси Қурилиш вазирлиги лойиҳа доирасида амалга ошириладиган қурилиш-монтаж ишлари сифати юзасидан белгиланган тартибда назорат ўрнатсин.
7. Белгилаб қўйилсинки, Ўзбекистон Республикаси сув хўжалиги вазири Ш.Р. Хамраев ҳамда Қашқадарё вилояти ҳокими З.Ш. Рузиев лойиҳани амалга ошириш учун Давлат бюджетидан ажратиладиган маблағлардан мақсадли ва оқилона фойдаланилиши ҳамда барча зарур шарт-шароитлар яратилиши, шунингдек, лойиҳанинг ўз вақтида ва сифатли амалга оширилиши учун шахсан жавобгардир.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — Ўзбекистон Республикаси транспорт вазири А.Ж. Раматов, Ўзбекистон Республикаси сув хўжалиги вазири Ш.Р. Хамраев ҳамда Қашқадарё вилояти ҳокими З.Ш. Рузиев зиммасига юклансин.
Вазирлар Маҳкамасининг 2019 йил 29 июлдаги 631-сон қарорига ИЛОВА
«Қашқадарё вилояти Китоб туманида Аёқчи сел сув омборини қуриш» лойиҳаси техник-иқтисодий ҳисобининг асосий техник-иқтисодий кўрсаткичлари
Т/р Кўрсаткич номи Ўлчов бирлиги Қиймати шу жумладан бюджет маблағлари 1. Лойиҳанинг умумий қиймати * минг АҚШ доллари эквивалентида ** 32 277,8 32 277,8 2. Капитал қўйилмалар суммаси, ҳаммаси минг АҚШ доллари эквивалентида 32 277,8 32 277,8 шу жумладан: машиналар ва асбоб-ускуналар минг АҚШ доллари эквивалентида 112,2 112,2 қурилиш — монтаж ишлари минг АҚШ доллари эквивалентида 30 516,2 30 516,2 бошқа харажатлар минг АҚШ доллари эквивалентида 1 649,4 1 649,4 3. Селсув омбор ҳажми 16,8 млн кубм. 4. Суғориладиган майдон 4,9 минг га 5. Яратилаётган иш ўрни *** 14 киши 6. Инвестиция даври 60 ой 7. Яратилаётган ишлаб чиқариш фондлар қиймати 32 277,8 минг АҚШ доллари эквивалентида
Ўзбекистон Республикасининг Бош вазири А. АРИПОВ
Тошкент ш.,
2019 йил 29 июль,
631-сон
Oʻzbekiston Respublikasi Vazirlar Mahkamasining
qarori
“Qashqadaryo viloyati Kitob tumanida Ayoqchi sel suv omborini qurish” loyihasini amalga oshirish chora-tadbirlari toʻgʻrisida
Qashqadaryo viloyatining Kitob tumanida yer va suv resurslaridan oqilona foydalanish, sugʻoriladigan yerlarning suv taʼminotini yaxshilash, sel-toshqin suvlarining salbiy taʼsirini yumshatish, shuningdek, meva-sabzavotchilik va chorvachilikni rivojlantirish maqsadida Vazirlar Mahkamasi qaror qiladi:
1. Bosh loyiha tashkiloti “Oʻzsuvloyiha” aksiyadorlik jamiyati tomonidan 16,8 mln kubm. hajmdagi sel suv ombori qurilishi nazarda tutilgan “Qashqadaryo viloyati Kitob tumanida Ayoqchi sel suv omborini qurish” loyihasining texnik-iqtisodiy hisobi ishlab chiqilganligi maʼlumot uchun qabul qilinsin.
2. “Qashqadaryo viloyati Kitob tumanida Ayoqchi sel suv omborini qurish” loyihasining(keyingi oʻrinlarda loyiha deb ataladi) texnik-iqtisodiy hisobi ilovaga muvofiq asosiy texnik-iqtisodiy koʻrsatkichlari bilan tasdiqlansin.
3. Loyihani amalga oshirish boʻyicha:
Oʻzbekiston Respublikasi Suv xoʻjaligi vazirligining “Qashqadaryosuvqurilishinvest” davlat unitar korxonasi buyurtmachi etib belgilansin;
bosh pudrat tashkiloti belgilangan tartibda tender savdosi asosida aniqlansin;
qurilishni yakunlash muddati 2023-yil 1-sentabr etib belgilansin.
4. Oʻzbekiston Respublikasi Suv xoʻjaligi vazirligi bosh loyiha tashkiloti “Oʻzsuvloyiha” aksiyadorlik jamiyati bilan birgalikda 2019-yilning1-dekabriga qadar mazkur qarorning 2-bandi bilan tasdiqlangan texnik-iqtisodiy hisobga muvofiq ishchi hujjatlar sifatli ishlab chiqilishini hamda vakolatli ekspertiza organlaridan belgilangan tartibda ekspertiza xulosalari olinishini taʼminlasin.
5. Oʻzbekiston Respublikasi Investitsiyalar va tashqi savdo vazirligi, Iqtisodiyot va sanoat vazirligi, Moliya vazirligi mazkur qarorning ilovasiga muvofiq talab etiladigan kapital qoʻyilmalarni:
joriy yilda Oʻzbekiston Respublikasining 2019-yilga moʻljallangan Investitsiya dasturi doirasida koʻzda tutilgan mablagʻlar hisobidan;
2020 — 2023-yillar davomida asosiy koʻrsatkichlarni har yili aniqlashtirib, Oʻzbekiston Respublikasining kelgusi yillar uchun Investitsiya dasturlari parametrlarini shakllantirish jarayonida inobatga olinishini taʼminlasinlar.
6. Oʻzbekiston Respublikasi Qurilish vazirligi loyiha doirasida amalga oshiriladigan qurilish-montaj ishlari sifati yuzasidan belgilangan tartibda nazorat oʻrnatsin.
7. Belgilab qoʻyilsinki, Oʻzbekiston Respublikasi suv xoʻjaligi vaziri Sh.R. Xamrayev hamda Qashqadaryo viloyati hokimi Z.Sh. Ruziyev loyihani amalga oshirish uchun Davlat budjetidan ajratiladigan mablagʻlardan maqsadli va oqilona foydalanilishi hamda barcha zarur shart-sharoitlar yaratilishi, shuningdek, loyihaning oʻz vaqtida va sifatli amalga oshirilishi uchun shaxsan javobgardir.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — Oʻzbekiston Respublikasi transport vaziri A.J. Ramatov, Oʻzbekiston Respublikasi suv xoʻjaligi vaziri Sh.R. Xamrayev hamda Qashqadaryo viloyati hokimi Z.Sh. Ruziyev zimmasiga yuklansin.
Vazirlar Mahkamasining 2019-yil 29-iyuldagi 631-son qaroriga ILOVA
“Qashqadaryo viloyati Kitob tumanida Ayoqchi sel suv omborini qurish” loyihasi texnik-iqtisodiy hisobining asosiy texnik-iqtisodiy koʻrsatkichlari
T/r Koʻrsatkich nomi Oʻlchov birligi Qiymati shu jumladan budjet mablagʻlari 1. Loyihaning umumiy qiymati * ming AQSH dollari ekvivalentida ** 32 277,8 32 277,8 2. Kapital qoʻyilmalar summasi, hammasi ming AQSH dollari ekvivalentida 32 277,8 32 277,8 shu jumladan: mashinalar va asbob-uskunalar ming AQSH dollari ekvivalentida 112,2 112,2 qurilish — montaj ishlari ming AQSH dollari ekvivalentida 30 516,2 30 516,2 boshqa xarajatlar ming AQSH dollari ekvivalentida 1 649,4 1 649,4 3. Selsuv ombor hajmi 16,8 mln kubm. 4. Sugʻoriladigan maydon 4,9 ming ga 5. Yaratilayotgan ish oʻrni *** 14 kishi 6. Investitsiya davri 60 oy 7. Yaratilayotgan ishlab chiqarish fondlar qiymati 32 277,8 ming AQSH dollari ekvivalentida
Oʻzbekiston Respublikasining Bosh vaziri A. ARIPOV
Toshkent sh.,
2019-yil 29-iyul,
631-son