📅 2019-yil 30-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 30 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 июля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 30 July 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ёқилғи-энергетика ресурсларининг нархлари ва тарифларини ўзгартириш тўғрисида
Молиявий интизомни мустаҳкамлаш ва ёқилғи-энергетика комплекси корхоналарининг мувозанатли ривожланишини таъминлаш, шунингдек, энергия ресурслари ва нефть маҳсулотлари учун ўзаро ҳисоб-китоблар тизимини янада такомиллаштириш мақсадида Вазирлар Маҳкамаси қарор қилади:
2. 2019 йил 15 августдан бошлаб Аи-91 маркали автомобиль бензини биржа савдолари орқали сотиладиган тартиб белгилансин.
3. «Ўзбекнефтгаз» АЖ, «Ўзтрансгаз» АЖ ва уларнинг ҳудудий корхоналари, филиаллари, шунингдек, автомобилларга ёқилғи қуйиш шохобчаларида автомобиль бензини, автомобилларга газ тўлдириш компрессор станцияларида табиий (сиқилган) газни сотувчи хўжалик юритувчи субъектлар Энергетика вазирлиги ҳузуридаги Нефть маҳсулотлари ва газдан фойдаланишни назорат қилиш инспекцияси ва Ўзбекистон Республикаси Давлат солиқ қўмитаси билан биргаликда автомобилларга ёқилғи қуйиш шохобчаларидаги автомобиль бензини, автомобилларга газ тўлдириш компрессор станцияларидаги табиий газ ва газ тўлдириш пунктлари ва шохобчаларидаги суюлтирилган газ қолдиқларини 2019 йил 15 августдаги ҳолатига кўра қайта баҳоласинлар.
5. Белгилансинки, ушбу қарор кучга киргунга қадар электр энергияси (шу жумладан, актив, реактив энергия учун) ва табиий газ ҳажмлари учун тўлов аванс билан тўланган тақдирда, маиший истеъмолчилар (аҳоли) тўлов тўланган кундан бошлаб кейинги 6 ойдан ортиқ бўлмаган муддатда тариф ўзгарганда қўшимча тўловлар тўлашдан озод қилинади.
6. Ўзбекистон Республикаси Энергетика вазирлиги «Ҳудудий электр тармоқлари» АЖ, «Ўзтрансгаз» АЖ, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда бир ой муддатда Ўзбекистон Республикаси Вазирлар Маҳкамасига ҳар бир туманда электр энергияси ва табиий газни ҳисобга олиш приборларини, энергияни тежайдиган технологияларни сотадиган ва уларга техник хизмат кўрсатадиган ихтисослаштирилган дўконлар ташкил этиш тўғрисида таклифлар киритсин.
7. «Ўзбекистон темир йўллари» АЖ:
2019 йилда кўмир ишлаб чиқариш ва тақсимлаш баланси сўзсиз бажарилишини, шунингдек, кўмир маҳсулотлари истеъмолчиларга ўз вақтида ва барқарор етказиб берилишини таъминласин;
Ўзбекистон Республикаси Молия вазирлиги, Иқтисодиёт ва саноат вазирлиги, Монополияга қарши курашиш қўмитаси билан биргаликда 2020 йил 1 апрелгача бўлган муддатда Ўзбекистон Республикаси Вазирлар Маҳкамасига 2020/2021 йиллар куз-қиш давридан бошлаб кўмир маҳсулотларини сотишнинг бозор механизмларини жорий этиш тўғрисида таклифлар киритсин.
8. Қорақалпоғистон Республикаси Вазирлар Кенгаши ва вилоятлар ҳокимликлари аҳолини, айниқса, бориш қийин бўлган аҳоли пунктларида яшайдиган аҳолини, шунингдек, бюджет ташкилотларини кўмир маҳсулотлари билан, шу жумладан, уни импорт қилиш ҳисобига таъминлаш юзасидан зарур чора-тадбирлар кўрсинлар.
9. Ўзбекистон Республикаси Вазирлар Маҳкамаси ҳузуридаги Идоралараро тариф комиссияси 2019 йил 15 августдан бошлаб:
а) Ўзбекистон Республикаси Энергетика вазирлиги, «Ўзбекнефтгаз» АЖ, «Иссиқлик электр станциялари» АЖ, «Ўзбекистон миллий электр тармоқлари» АЖ ва «Ҳудудий электр тармоқлари» АЖ билан биргаликда:
нефть-газ тармоғининг қазиб олувчи ва қайта ишловчи корхоналари томонидан маҳсулотларга тўғридан-тўғри шартномалар бўйича (табиий газ, нефть, газ конденсати, суюлтирилган газ) янги ички тармоқ нархлари, воситачилик шартномасига мувофиқ республика истеъмолчиларига табиий газ ва нефть маҳсулотлари етказиб бериш ваколатига эга бўлган ташкилотларнинг воситачилик тақдирлаш пули, шунингдек, ишлаб чиқаришнинг рентабеллигига эришиш учун электр энергияси ишлаб чиқариш, узатиш, тақсимлаш ва сотишга тарифлар ҳамда иссиқлик энергияси ишлаб чиқариш тарифлари;
электр ва иссиқлик энергияси, шунингдек, табиий газ истеъмолчиларидан ва улгуржи қайта сотувчилардан тушадиган пул маблағларини тақсимлаш тартиби;
б) «Ўзбекистон темир йўллари» АЖ билан биргаликда — «Ўзбеккўмир» АЖ ва «Шарғункўмир» АЖ томонидан ишлаб чиқариладиган ва истеъмолчиларга сотиладиган кўмирнинг аҳоли ва бюджет ташкилотлари учун амалдаги чакана нархлар 10 фоизга кўпайтирилган ҳолда янги нархлари;
в) Ўзбекистон Республикаси Уй-жой коммунал хизмат кўрсатиш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда — кўрсатилаётган хизматлар рентабеллиги таъминланиши ҳисобга олинган ҳолда иссиқлик таъминоти, сув таъминоти ва канализация хизматларига тарифлар;
г) Ўзбекистон Республикаси Транспорт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда — шаҳар йўловчилар ташиш транспортида (йўналишли ва йўналишсиз таксилар бундан мустасно) йўловчилар ташиш хизматларига янги тарифлар белгиланишини таъминласин.
10. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин.
11. Вазирликлар ва идоралар бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси энергетика вазири А.С. Султонов зиммасига юклансин.
Вазирлар Маҳкамасининг 2019 йил 30 июлдаги 633-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг «Нефть маҳсулотлари билан таъминлаш тизимини ва уларни сотишда ҳисоб-китоб қилиш механизмини янада такомиллаштириш тўғрисида» 2003 йил 19 майдаги 225-сон қарори 1-бандининг тўртинчи хатбоши қуйидаги таҳрирда баён қилинсин:
«хўжалик шартномалари, шу жумладан, нефть маҳсулотлари сотишга воситачилик шартномалари тузадилар».
2. Вазирлар Маҳкамасининг «Ўзбекнефтгаз» миллий холдинг компаниясининг бошқарув тузилмасини такомиллаштириш тўғрисида» 2003 йил 21 октябрдаги 460-сон қарорининг 6-банди ўз кучини йўқотган деб ҳисоблансин.
4. Вазирлар Маҳкамасининг «Ёқилғи-энергетика ресурсларининг нарх ва тарифларини босқичма-босқич ўзгартириш тўғрисида» 2018 йил 1 ноябрдаги 897-сон қарорининг 1 , 2 ва 5-бандлари , шунингдек, қарорга 1 ва 2-иловалар ўз кучини йўқотган деб ҳисоблансин.
5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 24 мартдаги 243-сон қарорига илованинг 2-банди ўз кучини йўқотган деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 30 июль,
633-сон
Oʻzbekiston Respublikasi Vazirlar Mahkamasining
qarori
Yoqilgʻi-energetika resurslarining narxlari va tariflarini oʻzgartirish toʻgʻrisida
Moliyaviy intizomni mustahkamlash va yoqilgʻi-energetika kompleksi korxonalarining muvozanatli rivojlanishini taʼminlash, shuningdek, energiya resurslari va neft mahsulotlari uchun oʻzaro hisob-kitoblar tizimini yanada takomillashtirish maqsadida Vazirlar Mahkamasi qaror qiladi:
2. 2019-yil 15-avgustdan boshlab Ai-91 markali avtomobil benzini birja savdolari orqali sotiladigan tartib belgilansin.
3. “Oʻzbekneftgaz” AJ, “Oʻztransgaz” AJ va ularning hududiy korxonalari, filiallari, shuningdek, avtomobillarga yoqilgʻi quyish shoxobchalarida avtomobil benzini, avtomobillarga gaz toʻldirish kompressor stansiyalarida tabiiy (siqilgan) gazni sotuvchi xoʻjalik yurituvchi subyektlar Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi va Oʻzbekiston Respublikasi Davlat soliq qoʻmitasi bilan birgalikda avtomobillarga yoqilgʻi quyish shoxobchalaridagi avtomobil benzini, avtomobillarga gaz toʻldirish kompressor stansiyalaridagi tabiiy gaz va gaz toʻldirish punktlari va shoxobchalaridagi suyultirilgan gaz qoldiqlarini 2019-yil 15-avgustdagi holatiga koʻra qayta baholasinlar.
5. Belgilansinki, ushbu qaror kuchga kirgunga qadar elektr energiyasi (shu jumladan, aktiv, reaktiv energiya uchun) va tabiiy gaz hajmlari uchun toʻlov avans bilan toʻlangan taqdirda, maishiy isteʼmolchilar (aholi) toʻlov toʻlangan kundan boshlab keyingi 6 oydan ortiq boʻlmagan muddatda tarif oʻzgarganda qoʻshimcha toʻlovlar toʻlashdan ozod qilinadi.
6. Oʻzbekiston Respublikasi Energetika vazirligi “Hududiy elektr tarmoqlari” AJ, “Oʻztransgaz” AJ, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda Oʻzbekiston Respublikasi Vazirlar Mahkamasiga har bir tumanda elektr energiyasi va tabiiy gazni hisobga olish priborlarini, energiyani tejaydigan texnologiyalarni sotadigan va ularga texnik xizmat koʻrsatadigan ixtisoslashtirilgan doʻkonlar tashkil etish toʻgʻrisida takliflar kiritsin.
7. “Oʻzbekiston temir yoʻllari” AJ:
2019-yilda koʻmir ishlab chiqarish va taqsimlash balansi soʻzsiz bajarilishini, shuningdek, koʻmir mahsulotlari isteʼmolchilarga oʻz vaqtida va barqaror yetkazib berilishini taʼminlasin;
Oʻzbekiston Respublikasi Moliya vazirligi, Iqtisodiyot va sanoat vazirligi, Monopoliyaga qarshi kurashish qoʻmitasi bilan birgalikda 2020-yil 1-aprelgacha boʻlgan muddatda Oʻzbekiston Respublikasi Vazirlar Mahkamasiga 2020/2021-yillar kuz-qish davridan boshlab koʻmir mahsulotlarini sotishning bozor mexanizmlarini joriy etish toʻgʻrisida takliflar kiritsin.
8. Qoraqalpogʻiston Respublikasi Vazirlar Kengashi va viloyatlar hokimliklari aholini, ayniqsa, borish qiyin boʻlgan aholi punktlarida yashaydigan aholini, shuningdek, budjet tashkilotlarini koʻmir mahsulotlari bilan, shu jumladan, uni import qilish hisobiga taʼminlash yuzasidan zarur chora-tadbirlar koʻrsinlar.
9. Oʻzbekiston Respublikasi Vazirlar Mahkamasi huzuridagi Idoralararo tarif komissiyasi 2019-yil 15-avgustdan boshlab:
a) Oʻzbekiston Respublikasi Energetika vazirligi, “Oʻzbekneftgaz” AJ, “Issiqlik elektr stansiyalari” AJ, “Oʻzbekiston milliy elektr tarmoqlari” AJ va “Hududiy elektr tarmoqlari” AJ bilan birgalikda:
neft-gaz tarmogʻining qazib oluvchi va qayta ishlovchi korxonalari tomonidan mahsulotlarga toʻgʻridan-toʻgʻri shartnomalar boʻyicha (tabiiy gaz, neft, gaz kondensati, suyultirilgan gaz) yangi ichki tarmoq narxlari, vositachilik shartnomasiga muvofiq respublika isteʼmolchilariga tabiiy gaz va neft mahsulotlari yetkazib berish vakolatiga ega boʻlgan tashkilotlarning vositachilik taqdirlash puli, shuningdek, ishlab chiqarishning rentabelligiga erishish uchun elektr energiyasi ishlab chiqarish, uzatish, taqsimlash va sotishga tariflar hamda issiqlik energiyasi ishlab chiqarish tariflari;
elektr va issiqlik energiyasi, shuningdek, tabiiy gaz isteʼmolchilaridan va ulgurji qayta sotuvchilardan tushadigan pul mablagʻlarini taqsimlash tartibi;
b) “Oʻzbekiston temir yoʻllari” AJ bilan birgalikda — “Oʻzbekkoʻmir” AJ va “Shargʻunkoʻmir” AJ tomonidan ishlab chiqariladigan va isteʼmolchilarga sotiladigan koʻmirning aholi va budjet tashkilotlari uchun amaldagi chakana narxlar 10 foizga koʻpaytirilgan holda yangi narxlari;
v) Oʻzbekiston Respublikasi Uy-joy kommunal xizmat koʻrsatish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda — koʻrsatilayotgan xizmatlar rentabelligi taʼminlanishi hisobga olingan holda issiqlik taʼminoti, suv taʼminoti va kanalizatsiya xizmatlariga tariflar;
g) Oʻzbekiston Respublikasi Transport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda — shahar yoʻlovchilar tashish transportida (yoʻnalishli va yoʻnalishsiz taksilar bundan mustasno) yoʻlovchilar tashish xizmatlariga yangi tariflar belgilanishini taʼminlasin.
10. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.
11. Vazirliklar va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi energetika vaziri A.S. Sultonov zimmasiga yuklansin.
Vazirlar Mahkamasining 2019-yil 30-iyuldagi 633-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Neft mahsulotlari bilan taʼminlash tizimini va ularni sotishda hisob-kitob qilish mexanizmini yanada takomillashtirish toʻgʻrisida” 2003-yil 19-maydagi 225-son qarori 1-bandining toʻrtinchi xatboshi quyidagi tahrirda bayon qilinsin:
“xoʻjalik shartnomalari, shu jumladan, neft mahsulotlari sotishga vositachilik shartnomalari tuzadilar”.
2. Vazirlar Mahkamasining “Oʻzbekneftgaz” milliy xolding kompaniyasining boshqaruv tuzilmasini takomillashtirish toʻgʻrisida” 2003-yil 21-oktabrdagi 460-son qarorining 6-bandi oʻz kuchini yoʻqotgan deb hisoblansin.
4. Vazirlar Mahkamasining “Yoqilgʻi-energetika resurslarining narx va tariflarini bosqichma-bosqich oʻzgartirish toʻgʻrisida” 2018-yil 1-noyabrdagi 897-son qarorining 1 , 2 va 5-bandlari , shuningdek, qarorga 1 va 2-ilovalar oʻz kuchini yoʻqotgan deb hisoblansin.
5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 24-martdagi 243-son qaroriga ilovaning 2-bandi oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 30-iyul,
633-son
Кабинета Министров Республики Узбекистан
Постановление
Об изменении цен и тарифов на топливно-энергетические ресурсы
В целях укрепления финансовой дисциплины и обеспечения сбалансированного развития предприятий топливно-энергетического комплекса, а также дальнейшего совершенствования системы взаиморасчетов за энергоресурсы и нефтепродукты Кабинет Министров постановляет:
2. Установить с 15 августа 2019 года порядок, в соответствии с которым реализация автобензина марки Аи-91 осуществляется через биржевые торги.
3. АО «Узбекнефтегаз», АО «Узтрансгаз» и их территориальным предприятиям, филиалам, а также хозяйствующим субъектам, осуществляющим реализацию автобензина на автозаправочных станциях, природного (сжатого) газа на автомобильных газонаполнительных компрессорных станциях, совместно с Инспекцией по контролю за использованием нефтепродуктов и газа при Министерстве энергетики и Государственным налоговым комитетом Республики Узбекистан произвести по состоянию на 15 августа 2019 года переоценку остатков автобензина на автозаправочных станциях, природного газа на автомобильных газонаполнительных компрессорных станциях и сжиженного газа на газонаполнительных пунктах и станциях.
5. Установить, что в случае осуществления оплаты авансом за объемы электрической энергии (включая активную, реактивную энергию) и природного газа до вступления в силу настоящего постановления, бытовые потребители (население) освобождаются от внесения дополнительных платежей при изменении тарифа на срок не более последующих 6 месяцев со дня оплаты.
6. Министерству энергетики совместно с АО «Региональные электрические сети», АО «Узтрансгаз», Советом Министров Республики Каракалпакстан и хокимиятами областей в месячный срок внести в Кабинет Министров Республики Узбекистан предложения об организации специализированных магазинов по реализации приборов учета электрической энергии и природного газа, энергосберегающих технологий и оказанию услуг по их техническому обслуживанию в каждом районе.
7. АО «Узбекистон темир йуллари»:
обеспечить безусловное выполнение баланса производства и распределения угля в 2019 году, а также своевременную и стабильную поставку угольной продукции потребителям;
совместно с Министерством финансов, Министерством экономики и промышленности, Антимонопольным комитетом Республики Узбекистан в срок до 1 апреля 2020 года внести в Кабинет Министров Республики Узбекистан предложения о внедрении рыночных механизмов реализации угольной продукции начиная с осенне-зимнего периода 2020/2021 годов.
8. Совету Министров Республики Каракалпакстан и хокимиятам областей принять необходимые меры по обеспечению населения, особенно проживающего в труднодоступных населенных пунктах, а также бюджетных организаций угольной продукцией, в том числе за счет ее импорта.
9. Межведомственной тарифной комиссии при Кабинете Министров Республики Узбекистан обеспечить установление с 15 августа 2019 года совместно с:
а) Министерством энергетики Республики Узбекистан, АО «Узбекнефтегаз», АО «Тепловые электрические станции», АО «Национальные электрические сети Узбекистана» и АО «Региональные электрические сети»:
новых внутриотраслевых цен на продукцию, реализуемую добывающими и перерабатывающими предприятиями нефтегазовой отрасли по прямым договорам (природный газ, нефть, газовый конденсат, сжиженный газ), комиссионных вознаграждений организаций, уполномоченных по поставке природного газа и нефтепродуктов потребителям республики в соответствии с договором комиссии, а также тарифов на производство, транспортировку, распределение и сбыт электрической энергии и производство тепловой энергии;
порядка распределения денежных средств, поступающих от потребителей и оптовых перепродавцов электрической и тепловой энергии, а также природного газа;
б) АО «Узбекистон темир йуллари» — новых цен на уголь, производимый и реализуемый АО «Узбекуголь» и АО «Шаргунькумир» потребителям, с увеличением действующей розничной цены для населения и бюджетных организаций на 10 процентов;
в) Министерством жилищно-коммунального обслуживания Республики Узбекистан, Советом Министров Республики Каракалпакстан, хокимиятами областей и г. Ташкента — тарифов на услуги теплоснабжения, водоснабжения и канализации с учетом обеспечения рентабельности оказываемых услуг;
г) Министерством транспорта Республики Узбекистан, Советом Министров Республики Каракалпакстан, хокимиятами областей и г. Ташкента — новых тарифов на услуги по перевозке пассажиров в городском пассажирском транспорте (за исключением маршрутного и линейного такси).
10. Внести изменения в некоторые решения Правительства Республики Узбекистан согласно приложению № 2 .
11. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
12. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова и министра энергетики Республики Узбекистан А.С. Султанова.
ПРИЛОЖЕНИЕ № 2 к постановлению Кабинета Министров от 30 июля 2019 года № 633
Изменения, вносимые в некоторые решения Правительства Республики Узбекистан
1. Абзац четвертый пункта 1 постановления Кабинета Министров от 19 мая 2003 г. № 225 «О дальнейшем совершенствовании системы обеспечения нефтепродуктами и механизма расчетов при их реализации» изложить в следующей редакции:
«заключают хозяйственные договоры, в том числе договоры комиссии на реализацию нефтепродуктов».
2. Пункт 6 постановления Кабинета Министров от 21 октября 2003 г. № 460 «О совершенствовании структуры управления Национальной холдинговой компании «Узбекнефтегаз»» признать утратившим силу.
4. Пункты 1 , 2 и 5 постановления Кабинета Министров от 1 ноября 2018 г. № 897 «О поэтапном изменении цен и тарифов на топливно-энергетические ресурсы», а также приложения № 1 и 2 к нему признать утратившими силу.
5. Пункт 2 приложения к постановлению Кабинета Министров от 24 марта 2019 г. № 243 «О внесении изменений и дополнений в некоторые решения Правительства Республики Узбекистан» признать утратившим силу.
Премьер-министр Республики Узбекистан А. АРИПОВ
г. Ташкент,
30 июля 2019 г.,
№ 633