📅 2019-yil 2-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 2 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 августа 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 2 August 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Туси ўзгартирилган (қорайтирилган) ойнали автотранспорт воситаларидан фойдаланишни тартибга солиш бўйича қўшимча чора-тадбирлар тўғрисида
Транспорт воситаларининг ҳайдовчилари ва йўловчилари учун қулай шарт-шароитлар яратиш, шунингдек, туси ўзгартирилган (қорайтирилган) ойнали транспорт воситаларидан фойдаланишни тартибга солиш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
2. Белгилансинки, мазкур қарор қабул қилингунга қадар амалда бўлган тўлов ставкалари бўйича 2019 йил 1 январдан ойналарнинг тусини ўзгартириш (қорайтириш) учун олинган рухсатномаларнинг амал қилиш муддати мазкур қарорга мувофиқ жорий этиладиган янги тўлов ставкаларига мутаносиб равишда узайтирилади.
3. Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармасига тендер савдоларини ўтказмасдан, идоравий танлов комиссиялари томонидан баҳоланадиган энг мақбул таклифларни танлаб олиш орқали автотранспорт воситалари ойналарининг тусини ўзгартириш (қорайтириш) учун сарфланадиган материалларни харид қилиш ҳуқуқи берилсин.
4. Ўзбекистон Республикаси Ички ишлар вазирлиги:
ички ишлар органларининг рухсатномаси асосида туси ўзгартирилганлигини (қорайтирилганлигини) билдирувчи махсус эмблемалар (голограммалар) намуналарини тасдиқласин ва уларнинг автотранспорт воситаларининг олд ойналарига жойлаштирилишини таъминласин;
икки ой муддатда туси ўзгартирилган (қорайтирилган) ойнали транспорт воситаларидан рухсатномасиз фойдаланганлик учун ойналарнинг тусини ўзгартиришга (қорайтиришга) тўлов ставкаларига тенг бўлган миқдордаги маъмурий жавобгарлик белгилашни назарда тутувчи қонун лойиҳасини Вазирлар Маҳкамасига киритсин;
Ўзбекистон Республикаси Давлат божхона қўмитаси билан биргаликда икки ой муддатда хорижий давлатларнинг ишлаб чиқарувчи корхоналари томонидан туси ўзгартирилган (қорайтирилган) ойналар ўрнатилган автотранспорт воситаларидан фойдаланиш учун тўловларни тартибга солиш бўйича таклифлар киритсин;
манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
5. «Давлат белгиси» давлат-ишлаб чиқариш бирлашмаси мазкур қарорни инобатга олган ҳолда, Ўзбекистон Республикаси Ички ишлар вазирлигининг буюртмаси бўйича тусни ўзгартиришга (қорайтиришга) рухсатномалар бланкалари ва махсус эмблемаларни (голограммаларни) ўз вақтида тайёрлашни таъминласин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2019 йил 2 августдаги 646-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2012 йил 4 июлдаги 191-сон қарори (Ўзбекистон Республикаси ҚҲТ, 2012 й., 26-27-сон, 298-модда) билан тасдиқланган «Автотранспорт воситалари конструкциясининг фойдаланиш шартлари бўйича хавфсизлиги тўғрисида»ги умумий техник регламентнинг 74-банди биринчи ва иккинчи хатбошиларининг рус тилидаги матни қуйидаги таҳрирда баён этилсин:
«74. Светопропускание передних лобовых, боковых и задних стекол на всех транспортных средствах должно составлять не менее 70%. Данные требования не применяются к стеклам люков, установленных на крыше автотранспортного средства, а также к тонированным (затемненным) стеклам автотранспортных средств, установленным на основании разрешения органов внутренних дел.
На автотранспортных средствах всех категорий, при наличии с обеих сторон наружных зеркал заднего вида, которые удовлетворяют требования настоящего Технического регламента, допускается тонирование (затемнение) заднего лобового стекла без ограничения светопропускания, а также наличие на нем занавески (жалюзи, шторка)».
3. Вазирлар Маҳкамасининг «Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизмати ходимларини моддий рағбатлантириш тизимини янада такомиллаштириш чора-тадбирлари тўғрисида» 2018 йил 6 июлдаги 514-сон қарорида (Ўзбекистон Республикаси ҚТ, 2018 й., 7-сон, 169-модда):
2-банддаги «Давлат йўл ҳаракати хавфсизлиги хизмати ходимларини рағбатлантириш ва мукофотлаш жамғармаси» сўзлари «Давлат йўл ҳаракати хавфсизлиги хизматининг моддий-техника базасини ривожлантириш, ходимларини рағбатлантириш ва мукофотлаш жамғармаси» сўзлари билан алмаштирилсин.
3-бандда :
иккинчи хатбошига «сумманинг 10 фоизи» сўзларидан кейин «шунингдек, автотранспорт воситалари ойналарининг тусини ўзгартиришга (қорайтиришга) рухсатнома беришдан тушадиган маблағлар» сўзлари қўшилсин;
учинчи хатбошига «мукофотлаш учун» сўзларидан кейин «шунингдек, автотранспорт воситалари ойналарининг тусини ўзгартириш (қорайтириш) учун сарфланадиган материалларни харид қилиш билан боғлиқ ҳаражатларни қоплаш, ДЙҲХХ моддий-техника базасини ривожлантириш ва қонунчиликда белгиланган бошқа мақсадларда» сўзлари қўшилсин.
4. Вазирлар Маҳкамасининг «Туси ўзгартирилган (қорайтирилган) ойнали енгил автотранспорт воситаларидан фойдаланишни тартибга солиш чора-тадбирлари тўғрисида» 2018 йил 18 июлдаги 547-сон қарорида (Ўзбекистон Республикаси ҚТ, 2018 й., 7-сон, 181-модда):
номланишидаги «енгил» сўзи чиқариб ташлансин;
2-банд қуйидаги таҳрирда баён этилсин:
«2. Шундай тартиб жорий этилсинки, унга кўра:
а) енгил автомобиллар орқа ён ойналарининг тусини ёруғлик ўтказувчанлиги — чекланмаган даражада, олд ён ойналарининг тусини ёруғлик ўтказувчанлиги — 50 фоиздан кам бўлмаган даражада, шунингдек, туристик йўналишларда йўловчи ташиш фаолиятини амалга оширувчи автобус, микроавтобус ва минивенлар (кейинги ўринларда туристик автобуслар деб аталади) ён ойналарининг тусини ёруғлик ўтказувчанлиги — 50 фоиздан кам бўлмаган даражада ўзгартириш (қорайтириш) тасдиқланган давлат стандарти бўйича Ўзбекистон Республикаси Ички ишлар вазирлиги Давлат йўл ҳаракати хавфсизлиги хизмати томонидан 1 йил муддатга бериладиган рухсатномага асосан амалга оширилади;
б) автотранспорт воситалари орқа ойнасининг тусини, шунингдек, автотранспорт воситалари олд ойнасининг тепа қисми тусини 14 см дан кўп бўлмаган полоса шаклида ёруғлик ўтказувчанлиги чекланмаган даражада ўзгартириш (қорайтириш) рухсатномасиз, тасдиқланган давлат стандарти асосида амалга оширилади;
в) енгил автотранспорт воситалари ойналарининг тусини ўзгартиришга (қорайтиришга) рухсатнома бериш учун тўлов ставкалари:
орқа ён ойналар бўйича жисмоний шахслар учун — базавий ҳисоблаш миқдорининг ўн баравари миқдорини, юридик шахслар учун — базавий ҳисоблаш миқдорининг ўн баравари миқдорини ва Ўзбекистон Республикасида фаолият кўрсатаётган хорижий давлатлар юридик шахслари учун — базавий ҳисоблаш миқдорининг йигирма баравари миқдорини;
орқа ва олд ён ойналар бўйича жисмоний шахслар учун — базавий ҳисоблаш миқдорининг эллик баравари миқдорини, юридик шахслар учун — базавий ҳисоблаш миқдорининг эллик баравари миқдорини ва Ўзбекистон Республикасида фаолият кўрсатаётган хорижий давлатлар юридик шахслари учун — базавий ҳисоблаш миқдорининг саксон баравари миқдорини ташкил этади;
г) туристик автобуслар ён ойналарининг тусини ўзгартиришга (қорайтиришга) рухсатнома бериш учун тўлов ставкалари уларнинг эгалари ҳуқуқий ҳолати инобатга олинган ҳолда, тегишли лицензияни кўрсатиш асосида ушбу банднинг «в» кичик банди учинчи хатбошисига мувофиқ белгиланади;
д) автотранспорт воситалари ойналарининг тусини ўзгартиришга (қорайтиришга) рухсатнома бериш учун тушадиган маблағлар Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармаси Давлат йўл ҳаракати хавфсизлиги хизматининг моддий-техника базасини ривожлантириш, ходимларини рағбатлантириш ва мукофотлаш жамғармасига йўналтирилади ҳамда автотранспорт воситалари ойналарининг тусини ўзгартириш (қорайтириш) учун сарфланадиган материалларни харид қилиш билан боғлиқ бўлган ҳаражатларни қоплашга, ДЙҲХХ моддий-техника базасини ва автомобиль паркини ривожлантиришга, шунингдек, ходимларини рағбатлантиришга мақсадли йўналтирилади;
е) Ўзбекистон Республикаси ички ишлар вазирига автотранспорт воситалари ойналарининг тусини ўзгартиришга (қорайтиришга) рухсатнома беришдан тушадиган маблағлар ҳисобидан ДЙҲХХ ходимларининг (ишчи ва хизматчилар) қўшимча штат бирликларини киритиш ҳуқуқи берилади;
ж) хорижий давлатларнинг ойналари туси ўзгартирилган (қорайтирилган) енгил автотранспорт воситаларининг Ўзбекистон Республикаси ҳудудига вақтинча кириши ва транзит ҳаракатланиши учун Ўзбекистон Республикаси Давлат бюджетига тушадиган 15 АҚШ доллари миқдорида йиғим ундирилади.
Изоҳ . 2019 йилнинг 1 сентябрига қадар автотранспорт воситалари ойналарининг тусини ўзгартиришга (қорайтиришга) рухсатнома бериш учун тўловлар ставкаси энг кам иш ҳақидан келиб чиқиб ҳисобланади»;
3-банднинг иккинчи хатбошиси чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 2 август,
646-сон
Oʻzbekiston Respublikasi Vazirlar Mahkamasining
qarori
Tusi oʻzgartirilgan (qoraytirilgan) oynali avtotransport vositalaridan foydalanishni tartibga solish boʻyicha qoʻshimcha chora-tadbirlar toʻgʻrisida
Transport vositalarining haydovchilari va yoʻlovchilari uchun qulay shart-sharoitlar yaratish, shuningdek, tusi oʻzgartirilgan (qoraytirilgan) oynali transport vositalaridan foydalanishni tartibga solish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Belgilansinki, mazkur qaror qabul qilingunga qadar amalda boʻlgan toʻlov stavkalari boʻyicha 2019-yil 1-yanvardan oynalarning tusini oʻzgartirish (qoraytirish) uchun olingan ruxsatnomalarning amal qilish muddati mazkur qarorga muvofiq joriy etiladigan yangi toʻlov stavkalariga mutanosib ravishda uzaytiriladi.
3. Oʻzbekiston Respublikasi Ichki ishlar vazirligi Yoʻl harakati xavfsizligi bosh boshqarmasiga tender savdolarini oʻtkazmasdan, idoraviy tanlov komissiyalari tomonidan baholanadigan eng maqbul takliflarni tanlab olish orqali avtotransport vositalari oynalarining tusini oʻzgartirish (qoraytirish) uchun sarflanadigan materiallarni xarid qilish huquqi berilsin.
4. Oʻzbekiston Respublikasi Ichki ishlar vazirligi:
ichki ishlar organlarining ruxsatnomasi asosida tusi oʻzgartirilganligini (qoraytirilganligini) bildiruvchi maxsus emblemalar (gologrammalar) namunalarini tasdiqlasin va ularning avtotransport vositalarining old oynalariga joylashtirilishini taʼminlasin;
ikki oy muddatda tusi oʻzgartirilgan (qoraytirilgan) oynali transport vositalaridan ruxsatnomasiz foydalanganlik uchun oynalarning tusini oʻzgartirishga (qoraytirishga) toʻlov stavkalariga teng boʻlgan miqdordagi maʼmuriy javobgarlik belgilashni nazarda tutuvchi qonun loyihasini Vazirlar Mahkamasiga kiritsin;
Oʻzbekiston Respublikasi Davlat bojxona qoʻmitasi bilan birgalikda ikki oy muddatda xorijiy davlatlarning ishlab chiqaruvchi korxonalari tomonidan tusi oʻzgartirilgan (qoraytirilgan) oynalar oʻrnatilgan avtotransport vositalaridan foydalanish uchun toʻlovlarni tartibga solish boʻyicha takliflar kiritsin;
manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
5. “Davlat belgisi” davlat-ishlab chiqarish birlashmasi mazkur qarorni inobatga olgan holda, Oʻzbekiston Respublikasi Ichki ishlar vazirligining buyurtmasi boʻyicha tusni oʻzgartirishga (qoraytirishga) ruxsatnomalar blankalari va maxsus emblemalarni (gologrammalarni) oʻz vaqtida tayyorlashni taʼminlasin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2019-yil 2-avgustdagi 646-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2012-yil 4-iyuldagi 191-son qarori (Oʻzbekiston Respublikasi QHT, 2012-y., 26-27-son, 298-modda) bilan tasdiqlangan “Avtotransport vositalari konstruksiyasining foydalanish shartlari boʻyicha xavfsizligi toʻgʻrisida”gi umumiy texnik reglamentning 74-bandi birinchi va ikkinchi xatboshilarining rus tilidagi matni quyidagi tahrirda bayon etilsin:
“74. Svetopropuskaniye perednix lobovix, bokovix i zadnix stekol na vsex transportnix sredstvax doljno sostavlyat ne meneye 70%. Dannie trebovaniya ne primenyayutsya k steklam lyukov, ustanovlennix na krishe avtotransportnogo sredstva, a takje k tonirovannim (zatemnennim) steklam avtotransportnix sredstv, ustanovlennim na osnovanii razresheniya organov vnutrennix del.
Na avtotransportnix sredstvax vsex kategoriy, pri nalichii s obeix storon narujnix zerkal zadnego vida, kotorie udovletvoryayut trebovaniya nastoyaщego Texnicheskogo reglamenta, dopuskayetsya tonirovaniye (zatemneniye) zadnego lobovogo stekla bez ogranicheniya svetopropuskaniya, a takje nalichiye na nem zanaveski (jalyuzi, shtorka)”.
3. Vazirlar Mahkamasining “Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati xodimlarini moddiy ragʻbatlantirish tizimini yanada takomillashtirish chora-tadbirlari toʻgʻrisida” 2018-yil 6-iyuldagi 514-son qarorida (Oʻzbekiston Respublikasi QT, 2018-y., 7-son, 169-modda):
2-banddagi “Davlat yoʻl harakati xavfsizligi xizmati xodimlarini ragʻbatlantirish va mukofotlash jamgʻarmasi” soʻzlari “Davlat yoʻl harakati xavfsizligi xizmatining moddiy-texnika bazasini rivojlantirish, xodimlarini ragʻbatlantirish va mukofotlash jamgʻarmasi” soʻzlari bilan almashtirilsin.
3-bandda :
ikkinchi xatboshiga “summaning 10 foizi” soʻzlaridan keyin “shuningdek, avtotransport vositalari oynalarining tusini oʻzgartirishga (qoraytirishga) ruxsatnoma berishdan tushadigan mablagʻlar” soʻzlari qoʻshilsin;
uchinchi xatboshiga “mukofotlash uchun” soʻzlaridan keyin “shuningdek, avtotransport vositalari oynalarining tusini oʻzgartirish (qoraytirish) uchun sarflanadigan materiallarni xarid qilish bilan bogʻliq harajatlarni qoplash, DYHXX moddiy-texnika bazasini rivojlantirish va qonunchilikda belgilangan boshqa maqsadlarda” soʻzlari qoʻshilsin.
4. Vazirlar Mahkamasining “Tusi oʻzgartirilgan (qoraytirilgan) oynali yengil avtotransport vositalaridan foydalanishni tartibga solish chora-tadbirlari toʻgʻrisida” 2018-yil 18-iyuldagi 547-son qarorida (Oʻzbekiston Respublikasi QT, 2018-y., 7-son, 181-modda):
nomlanishidagi “yengil” soʻzi chiqarib tashlansin;
2-band quyidagi tahrirda bayon etilsin:
“2. Shunday tartib joriy etilsinki, unga koʻra:
a) yengil avtomobillar orqa yon oynalarining tusini yorugʻlik oʻtkazuvchanligi — cheklanmagan darajada, old yon oynalarining tusini yorugʻlik oʻtkazuvchanligi — 50 foizdan kam boʻlmagan darajada, shuningdek, turistik yoʻnalishlarda yoʻlovchi tashish faoliyatini amalga oshiruvchi avtobus, mikroavtobus va minivenlar (keyingi oʻrinlarda turistik avtobuslar deb ataladi) yon oynalarining tusini yorugʻlik oʻtkazuvchanligi — 50 foizdan kam boʻlmagan darajada oʻzgartirish (qoraytirish) tasdiqlangan davlat standarti boʻyicha Oʻzbekiston Respublikasi Ichki ishlar vazirligi Davlat yoʻl harakati xavfsizligi xizmati tomonidan 1 yil muddatga beriladigan ruxsatnomaga asosan amalga oshiriladi;
b) avtotransport vositalari orqa oynasining tusini, shuningdek, avtotransport vositalari old oynasining tepa qismi tusini 14 sm dan koʻp boʻlmagan polosa shaklida yorugʻlik oʻtkazuvchanligi cheklanmagan darajada oʻzgartirish (qoraytirish) ruxsatnomasiz, tasdiqlangan davlat standarti asosida amalga oshiriladi;
v) yengil avtotransport vositalari oynalarining tusini oʻzgartirishga (qoraytirishga) ruxsatnoma berish uchun toʻlov stavkalari:
orqa yon oynalar boʻyicha jismoniy shaxslar uchun — bazaviy hisoblash miqdorining oʻn baravari miqdorini, yuridik shaxslar uchun — bazaviy hisoblash miqdorining oʻn baravari miqdorini va Oʻzbekiston Respublikasida faoliyat koʻrsatayotgan xorijiy davlatlar yuridik shaxslari uchun — bazaviy hisoblash miqdorining yigirma baravari miqdorini;
orqa va old yon oynalar boʻyicha jismoniy shaxslar uchun — bazaviy hisoblash miqdorining ellik baravari miqdorini, yuridik shaxslar uchun — bazaviy hisoblash miqdorining ellik baravari miqdorini va Oʻzbekiston Respublikasida faoliyat koʻrsatayotgan xorijiy davlatlar yuridik shaxslari uchun — bazaviy hisoblash miqdorining sakson baravari miqdorini tashkil etadi;
g) turistik avtobuslar yon oynalarining tusini oʻzgartirishga (qoraytirishga) ruxsatnoma berish uchun toʻlov stavkalari ularning egalari huquqiy holati inobatga olingan holda, tegishli litsenziyani koʻrsatish asosida ushbu bandning “v” kichik bandi uchinchi xatboshisiga muvofiq belgilanadi;
d) avtotransport vositalari oynalarining tusini oʻzgartirishga (qoraytirishga) ruxsatnoma berish uchun tushadigan mablagʻlar Oʻzbekiston Respublikasi Ichki ishlar vazirligi Yoʻl harakati xavfsizligi bosh boshqarmasi Davlat yoʻl harakati xavfsizligi xizmatining moddiy-texnika bazasini rivojlantirish, xodimlarini ragʻbatlantirish va mukofotlash jamgʻarmasiga yoʻnaltiriladi hamda avtotransport vositalari oynalarining tusini oʻzgartirish (qoraytirish) uchun sarflanadigan materiallarni xarid qilish bilan bogʻliq boʻlgan harajatlarni qoplashga, DYHXX moddiy-texnika bazasini va avtomobil parkini rivojlantirishga, shuningdek, xodimlarini ragʻbatlantirishga maqsadli yoʻnaltiriladi;
e) Oʻzbekiston Respublikasi ichki ishlar vaziriga avtotransport vositalari oynalarining tusini oʻzgartirishga (qoraytirishga) ruxsatnoma berishdan tushadigan mablagʻlar hisobidan DYHXX xodimlarining (ishchi va xizmatchilar) qoʻshimcha shtat birliklarini kiritish huquqi beriladi;
j) xorijiy davlatlarning oynalari tusi oʻzgartirilgan (qoraytirilgan) yengil avtotransport vositalarining Oʻzbekiston Respublikasi hududiga vaqtincha kirishi va tranzit harakatlanishi uchun Oʻzbekiston Respublikasi Davlat budjetiga tushadigan 15 AQSh dollari miqdorida yigʻim undiriladi.
Izoh . 2019-yilning 1-sentabriga qadar avtotransport vositalari oynalarining tusini oʻzgartirishga (qoraytirishga) ruxsatnoma berish uchun toʻlovlar stavkasi eng kam ish haqidan kelib chiqib hisoblanadi”;
3-bandning ikkinchi xatboshisi chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 2-avgust,
646-son
Кабинета Министров Республики Узбекистан
Постановление
О дополнительных мерах по упорядочению эксплуатации автотранспортных средств с тонированными (затемненными) стеклами
В целях создания благоприятных условий для водителей и пассажиров транспортных средств, а также упорядочения эксплуатации транспортных средств с тонированными (затемненными) стеклами Кабинет Министров постановляет:
1. Внести изменения и дополнения в некоторые решения Правительства Республики Узбекистан согласно приложению .
2. Определить, что срок действия разрешений для установки тонировки (затемнения), полученных с 1 января 2019 года по ставкам платежей, действующим до принятия настоящего постановления, продлевается пропорционально в соответствии с новыми ставками платежей, вводимыми согласно настоящему постановлению.
3. Предоставить Главному управлению безопасности дорожного движения Министерства внутренних дел Республики Узбекистан право осуществлять закуп расходных материалов тонировки (затемнения) на стекла автотранспортных средств путем отбора наилучших предложений, оцениваемых ведомственными конкурсными комиссиями без проведения тендерных торгов.
4. Министерству внутренних дел Республики Узбекистан:
утвердить эскизы специальных эмблем (голограмм), подтверждающих установку тонировки (затемнения) на основании разрешения органов внутренних дел, и обеспечить их размещение на передних лобовых стеклах автотранспортных средств;
в двухмесячный срок внести в Кабинет Министров Республики Узбекистан проект Закона, предусматривающий установление административной ответственности за эксплуатацию транспортных средств с тонированными (затемненными) стеклами без разрешения эквивалентно ставкам платежей за выдачу разрешения на установку тонировки (затемнения);
совместно с Государственным таможенным комитетом Республики Узбекистан в двухмесячный срок внести предложения по упорядочению оплаты эксплуатации автотранспортных средств с тонированными (затемненными) стеклами, установленными заводами-производителями зарубежных стран;
совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
5. Государственному производственному объединению «Давлат белгиси» обеспечить своевременное изготовление по заявкам Министерства внутренних дел Республики Узбекистан бланков разрешений на установку тонировки (затемнения) и специальных эмблем (голограмм) с учетом настоящего постановления.
6. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова и министра внутренних дел Республики Узбекистан П.Р. Бобожонова.
ПРИЛОЖЕНИЕ к постановлению Кабинета Министров от 2 августа 2019 года № 646
Изменения и дополнения, вносимые в некоторые решения Правительства Республики Узбекистан
1. Абзацы первый и второй пункта 74 Общего технического регламента «О безопасности конструкции автотранспортных средств по условиям эксплуатации», утвержденного постановлением Кабинета Министров от 4 июля 2012 г. № 191 (СЗ Республики Узбекистан, 2012 г., № 26-27, ст. 298) изложить в следующей редакции:
«74. Светопропускание передних лобовых, боковых и задних стекол на всех транспортных средствах должно составлять не менее 70%. Данные требования не применяются к стеклам люков, установленных на крыше автотранспортного средства, а также к тонированным (затемненным) стеклам автотранспортных средств, установленным на основании разрешения органов внутренних дел.
На автотранспортных средствах всех категорий, при наличии с обеих сторон наружных зеркал заднего вида, которые удовлетворяют требования настоящего Технического регламента, допускается тонирование (затемнение) заднего лобового стекла без ограничения светопропускания, а также наличие на нем занавески (жалюзи, шторка)».
3. В постановлении Кабинета Министров от 6 июля 2018 г. № 514 «О мерах по дальнейшему совершенствованию системы материального стимулирования сотрудников Государственной службы безопасности дорожного движения Министерства внутренних дел Республики Узбекистан» (СП Республики Узбекистан, 2018 г., № 7, ст. 169):
в пункте 2 слова «Фонд стимулирования и поощрения сотрудников Государственной службы безопасности дорожного движения» заменить словами «Фонд развития материально-технической базы, стимулирования и поощрения сотрудников Государственной службы безопасности дорожного движения»;
в пункте 3 :
абзац второй после слова «видеофиксации» дополнить словами «а также средства, поступающие от оплаты за выдачу разрешения на установку тонировки (затемнения) на стекла автотранспортных средств»;
абзац третий после слова «ГСБДД» дополнить словами «а также покрытия расходов, связанных с приобретением расходных материалов тонировки (затемнения) на стекла автотранспортных средств, развития материально-технической базы ГСБДД и других целей, предусмотренных законодательством».
4. В постановлении Кабинета Министров от 18 июля 2018 г. № 547 «О мерах по упорядочению эксплуатации легковых автотранспортных средств с тонированными (затемненными) стеклами» (СП Республики Узбекистан, 2018 г., № 7, ст. 181):
из наименования постановления слово «легковых» исключить;
пункт 2 изложить в следующей редакции:
«2. Ввести порядок, в соответствии с которым:
а) установка тонировки (затемнения) на стекла легковых автотранспортных средств без ограничения светопропускания — для задних боковых стекол, в пределах светопропускания не ниже 50 процентов — для передних боковых стекол, а также не ниже 50 процентов — на боковые стекла автобусов, микроавтобусов и минивенов, осуществляющих перевозку пассажиров по туристским направлениям (далее — туристские автобусы), производится на основании разрешения, выдаваемого Государственной службой безопасности дорожного движения Министерства внутренних дел Республики Узбекистан (далее — ГСБДД) сроком на 1 год, по утвержденному государственному стандарту;
б) установка тонировки (затемнения) заднего лобового стекла автотранспортных средств, а также в верхней части переднего лобового стекла автотранспортных средств в виде полосы шириной не более 14 см осуществляется без разрешения и ограничения светопропускания по утвержденному государственному стандарту;
в) ставка платежей за выдачу разрешения на установку тонировки (затемнения) на стекла легковых автотранспортных средств составляет:
задних боковых стекол в размере десяти базовых расчетных величин — для физических лиц, десяти базовых расчетных величин — для юридических лиц и двадцати базовых расчетных величин для юридических лиц иностранных государств, осуществляющих деятельность в Республике Узбекистан;
передних и задних боковых стекол в размере пятидесяти базовых расчетных величин — для физических лиц, пятидесяти базовых расчетных величин — для юридических лиц и восьмидесятибазовых расчетных величин — для юридических лиц иностранных государств, осуществляющих деятельность в Республике Узбекистан;
г) ставка платежей за выдачу разрешения на установку тонировки (затемнения) на боковые стекла туристских автобусов определяется с учетом юридического положения их владельцев в соответствии с абзацем третьим подпункта «в» настоящего пункта на основании предъявления соответствующей лицензии;
д) средства, поступающие от оплаты за выдачу разрешения на установку тонировки (затемнения) на стекла автотранспортных средств, направляются в Фонд развития материально-технической базы, стимулирования и поощрения сотрудников Государственной службы безопасности дорожного движения Главного управления безопасности дорожного движения Министерства внутренних дел Республики Узбекистан с их целевым направлением на покрытие расходов, связанных с приобретением расходных материалов тонировки (затемнения) на стекла автотранспортных средств, развитие материально-технической базы и автомобильного парка ГСБДД, а также стимулирование ее сотрудников;
е) министру внутренних дел Республики Узбекистан предоставляется право вводить дополнительные штатные единицы сотрудников (рабочих и служащих) ГСБДД за счет средств, поступающих от оплаты за выдачу разрешения на установку тонировки (затемнения) на стекла автотранспортных средств;
ж) за временный въезд на территорию и транзит по территории Республики Узбекистан легковых автотранспортных средств иностранных государств с тонированными (затемненными) стеклами взимается сбор в размере 15 долларов США, поступающий в Государственный бюджет Республики Узбекистан.
Примечание . До 1 сентября 2019 года ставка платежей за выдачу разрешения на установку тонировки (затемнения) на стекла автотранспортных средств исчисляется исходя из минимального размера заработной платы»;
абзац второй пункта 3 исключить.
Премьер-министр Республики Узбекистан А. АРИПОВ
г. Ташкент,
2 августа 2019 г.,
№ 646