📅 2019-yil 2-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 2 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 августа 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 2 August 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
Республикада қуёнчилик соҳасидаги илмий фаолиятни янада такомиллаштириш чора-тадбирлари тўғрисида
Қуёнчилик соҳасини ривожлантириш учун қулай шарт-шароитларни яратиш, янги маҳаллий зотларни такомиллаштириш, қуёнлар селекцияси ва генетикаси соҳасида рақобатбардош маҳаллий технологиялар мажмуасининг замонавий усулларини жорий этиш, шунингдек, тармоқни келгусида ривожлантириш мақсадида Вазирлар Маҳкамаси қарор қилади:
1. Ўзбекистон Республикаси Инновацион ривожланиш вазирлиги, Ветеринария ва чорвачиликни ривожлантириш давлат қўмитаси ҳамда «Микрокредитбанк» акциядорлик-тижорат банкининг Ветеринария ва чорвачиликни ривожлантириш давлат қўмитаси тизимидаги Чорвачилик ва паррандачилик илмий-тадқиқот институти ҳузурида Қуёнчилик селекцияси ва генетика марказини (кейинги ўринларда Марказ деб аталади) ташкил этиш тўғрисидаги таклифига розилик берилсин.
2. Марказнинг асосий вазифалари этиб қуйидагилар белгилансин:
қуёнчилик соҳасида селекция-наслчилик ишларини такомиллаштириш ва рақобатбардош маҳаллий технологиялар яратиш, сунъий уруғлантириш ишларини ривожлантиришга йўналтирилган илмий тадқиқотларни бажариш;
фундаментал ва амалий илмий тадқиқотлар асосида қуёнчилик тармоғида инновацион технологиялар ва илғор конструкторлик намуналарини амалиётга жорий этиш;
қуёнларнинг сермаҳсул зотлари ва дурагайларини кўпайтириш бўйича ўрта ва узоқ муддатга мўлжалланган селекция-наслчилик концепциясини ва тармоқ дастурларини ишлаб чиқишда иштирок этиш;
қуёнларнинг маҳаллий зотларини такомиллаштириш ва наслини яхшилаш бўйича селекцион ва генетик илмий тадқиқотларни ўтказиш ҳамда қуёнчилик тармоғини келгусида ривожлантириш бўйича таклифлар ишлаб чиқиш;
соҳага илғор хорижий тажрибалар, илмий, инновацион ишланмаларни жорий қилиш ҳамда генетик тадқиқотлар ўтказиш бўйича хорижий давлатларнинг илмий-тадқиқот муассасалари билан ҳамкорлик ўрнатиш;
таълим, фан ва ишлаб чиқаришни тизимли асосда узвий интеграциялашни, қуёнчилик тармоғининг юқори малакали соҳа мутахассисларига бўлган жорий ва истиқболдаги эҳтиёжларини ҳисобга олган ҳолда кадрларни тайёрлаш ва уларнинг малакасини ошириш бўйича таклифлар тайёрлаш.
3. Чорвачилик ва паррандачилик илмий-тадқиқот институти ҳузуридаги Қуёнчилик селекцияси ва генетика маркази ходимларининг умумий чекланган сони 16 нафар бўлган тузилмаси иловага мувофиқ тасдиқлансин.
4. Белгилансинки:
Марказ директори Ўзбекистон Республикаси Инновацион ривожланиш вазирлиги ҳамда Ветеринария ва чорвачиликни ривожлантириш давлат қўмитаси билан келишган ҳолда Чорвачилик ва паррандачилик илмий-тадқиқот институти директори томонидан лавозимига тайинланади ҳамда лавозимидан озод этилади;
Марказ фаолияти билан боғлиқ харажатлар дастлабки икки йил давомида «Микрокредитбанк» акциядорлик-тижорат банки маблағлари ҳисобидан қопланади.
5. Марказ фаолиятини молиялаштириш манбалари этиб қуйидагилар белгилансин:
Ўзбекистон Республикаси Давлат бюджетидан давлат илмий дастурларини амалга ошириш учун ажратиладиган маблағлар;
шартномавий асосда фаолият соҳаси бўйича ишлар бажаришдан ва хизматлар кўрсатишдан тушадиган тушумлар;
халқаро молия институтлари ва хорижий ташкилотларнинг грантлари ва кредитлари;
жисмоний ва юридик шахсларнинг, шу жумладан, Ўзбекистон Республикаси норезидентларининг ҳомийлик хайриялари;
қонунчилик ҳужжатларида тақиқланмаган бошқа манбалар.
6. Ўзбекистон Республикаси Инновацион ривожланиш вазирлиги Ветеринария ва чорвачиликни ривожлантириш давлат қўмитаси билан биргаликда Марказ ходимларининг малакасини ошириш мақсадида мутахассисларнинг йўналишлар ихтисослигига мувофиқ етакчи халқаро илмий марказларида қайта тайёргарликдан ўтишини ташкил қилсин. Ўзбекистон Республикаси Инновацион ривожланиш вазирлиги қуёнларнинг янги зотларини олиш учун илмий-генетик тадқиқотларни, илмий дастурларини молиялаштириш учун танлов асосида маблағлар ажратилишини таъминласин.
7. Ўзбекистон Республикаси Ветеринария ва чорвачиликни ривожлантириш давлат қўмитаси:
бир ой муддатда Марказнинг уставини белгиланган тартибда тасдиқлаш ва унинг давлат рўйхатидан ўтказилишини ташкил этсин ҳамда юқори малакали мутахассислар ва илмий кадрлар билан тўлдириш бўйича зарур чоралар кўрсин;
Ўзбекистон Республикаси Инновацион ривожланиш вазирлиги «Микрокредитбанк» акциядорлик-тижорат банки билан биргаликда икки ой муддатда Марказни замонавий илмий асбоб-ускуналар билан жиҳозлаш ишларини якунига етказсин.
8. Ўзбекистон Республикаси Ташқи ишлар вазирлиги Ветеринария ва чорвачиликни ривожлантириш давлат қўмитасининг буюртмаларига биноан Марказда ишлаш учун жалб қилинадиган хорижий мутахассисларга консуллик ва бошқа йиғимларни ундирмасдан кириш визасини расмийлаштирилишини таъминласин.
9. Ўзбекистон Республикаси Ички ишлар вазирлиги Ветеринария ва чорвачиликни ривожлантириш давлат қўмитаси буюртмаларига биноан Марказда ишлаш учун жалб қилинадиган хорижий мутахассисларга давлат божи ундирилмасдан кўп марталик визалар белгиланган тартибда берилиши ҳамда муддати узайтирилишини, шунингдек, уларнинг вақтинча турган жойи бўйича рўйхатга олинишини муддати узайтирилишини таъминласин.
10. Ўзбекистон Республикаси Бандлик ва меҳнат муносабатлари вазирлиги Марказнинг буюртмаларига асосан белгиланган тартибда инвестиция лойиҳаларини амалга ошириш учун иштирок этувчи хорижий ишчи кучини жалб қилишга рухсатномалар берилиши (амал қилиш муддати узайтирилиши)ни, шунингдек, хорижий фуқароларнинг Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилиши (амал қилиш муддатини узайтирилиши)ни таъминласин.
11. Марказ Тошкент вилояти, Қибрай тумани, Шалола МФЙ, ЎзЧИТИ кўчасида жойлашган Чорвачилик ва паррандачилик илмий-тадқиқот институти биносига текин фойдаланиш ҳуқуқи асосида жойлаштирилсин.
12. Мазкур қарорнинг ижросини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ва Ўзбекистон Республикаси Ветеринария ва чорвачиликни ривожлантириш давлат қўмитаси раиси Б.Т. Норқобилов зиммасига юклансин.
Вазирлар Маҳкамасининг 2019 йил 2 августдаги 647-сон қарорига ИЛОВА
Чорвачилик ва паррандачилик илмий-тадқиқот институти ҳузуридаги Қуёнчилик селекцияси ва генетика марказининг
Ўзбекистон Республикасининг Бош вазири А. АРИПОВ
Тошкент ш.,
2019 йил 2 август,
647-сон
Oʻzbekiston Respublikasi Vazirlar Mahkamasining
qarori
TUZILMASI
Respublikada quyonchilik sohasidagi ilmiy faoliyatni yanada takomillashtirish chora-tadbirlari toʻgʻrisida
Quyonchilik sohasini rivojlantirish uchun qulay shart-sharoitlarni yaratish, yangi mahalliy zotlarni takomillashtirish, quyonlar seleksiyasi va genetikasi sohasida raqobatbardosh mahalliy texnologiyalar majmuasining zamonaviy usullarini joriy etish, shuningdek, tarmoqni kelgusida rivojlantirish maqsadida Vazirlar Mahkamasi qaror qiladi:
1. Oʻzbekiston Respublikasi Innovatsion rivojlanish vazirligi, Veterinariya va chorvachilikni rivojlantirish davlat qoʻmitasi hamda “Mikrokreditbank” aksiyadorlik-tijorat bankining Veterinariya va chorvachilikni rivojlantirish davlat qoʻmitasi tizimidagi Chorvachilik va parrandachilik ilmiy-tadqiqot instituti huzurida Quyonchilik seleksiyasi va genetika markazini (keyingi oʻrinlarda Markaz deb ataladi) tashkil etish toʻgʻrisidagi taklifiga rozilik berilsin.
2. Markazning asosiy vazifalari etib quyidagilar belgilansin:
quyonchilik sohasida seleksiya-naslchilik ishlarini takomillashtirish va raqobatbardosh mahalliy texnologiyalar yaratish, sunʼiy urugʻlantirish ishlarini rivojlantirishga yoʻnaltirilgan ilmiy tadqiqotlarni bajarish;
fundamental va amaliy ilmiy tadqiqotlar asosida quyonchilik tarmogʻida innovatsion texnologiyalar va ilgʻor konstruktorlik namunalarini amaliyotga joriy etish;
quyonlarning sermahsul zotlari va duragaylarini koʻpaytirish boʻyicha oʻrta va uzoq muddatga moʻljallangan seleksiya-naslchilik konsepsiyasini va tarmoq dasturlarini ishlab chiqishda ishtirok etish;
quyonlarning mahalliy zotlarini takomillashtirish va naslini yaxshilash boʻyicha seleksion va genetik ilmiy tadqiqotlarni oʻtkazish hamda quyonchilik tarmogʻini kelgusida rivojlantirish boʻyicha takliflar ishlab chiqish;
sohaga ilgʻor xorijiy tajribalar, ilmiy, innovatsion ishlanmalarni joriy qilish hamda genetik tadqiqotlar oʻtkazish boʻyicha xorijiy davlatlarning ilmiy-tadqiqot muassasalari bilan hamkorlik oʻrnatish;
taʼlim, fan va ishlab chiqarishni tizimli asosda uzviy integratsiyalashni, quyonchilik tarmogʻining yuqori malakali soha mutaxassislariga boʻlgan joriy va istiqboldagi ehtiyojlarini hisobga olgan holda kadrlarni tayyorlash va ularning malakasini oshirish boʻyicha takliflar tayyorlash.
3. Chorvachilik va parrandachilik ilmiy-tadqiqot instituti huzuridagi Quyonchilik seleksiyasi va genetika markazi xodimlarining umumiy cheklangan soni 16 nafar boʻlgan tuzilmasi ilovaga muvofiq tasdiqlansin.
4. Belgilansinki:
Markaz direktori Oʻzbekiston Respublikasi Innovatsion rivojlanish vazirligi hamda Veterinariya va chorvachilikni rivojlantirish davlat qoʻmitasi bilan kelishgan holda Chorvachilik va parrandachilik ilmiy-tadqiqot instituti direktori tomonidan lavozimiga tayinlanadi hamda lavozimidan ozod etiladi;
Markaz faoliyati bilan bogʻliq xarajatlar dastlabki ikki yil davomida “Mikrokreditbank” aksiyadorlik-tijorat banki mablagʻlari hisobidan qoplanadi.
5. Markaz faoliyatini moliyalashtirish manbalari etib quyidagilar belgilansin:
Oʻzbekiston Respublikasi Davlat budjetidan davlat ilmiy dasturlarini amalga oshirish uchun ajratiladigan mablagʻlar;
shartnomaviy asosda faoliyat sohasi boʻyicha ishlar bajarishdan va xizmatlar koʻrsatishdan tushadigan tushumlar;
xalqaro moliya institutlari va xorijiy tashkilotlarning grantlari va kreditlari;
jismoniy va yuridik shaxslarning, shu jumladan, Oʻzbekiston Respublikasi norezidentlarining homiylik xayriyalari;
qonunchilik hujjatlarida taqiqlanmagan boshqa manbalar.
6. Oʻzbekiston Respublikasi Innovatsion rivojlanish vazirligi Veterinariya va chorvachilikni rivojlantirish davlat qoʻmitasi bilan birgalikda Markaz xodimlarining malakasini oshirish maqsadida mutaxassislarning yoʻnalishlar ixtisosligiga muvofiq yetakchi xalqaro ilmiy markazlarida qayta tayyorgarlikdan oʻtishini tashkil qilsin. Oʻzbekiston Respublikasi Innovatsion rivojlanish vazirligi quyonlarning yangi zotlarini olish uchun ilmiy-genetik tadqiqotlarni, ilmiy dasturlarini moliyalashtirish uchun tanlov asosida mablagʻlar ajratilishini taʼminlasin.
7. Oʻzbekiston Respublikasi Veterinariya va chorvachilikni rivojlantirish davlat qoʻmitasi:
bir oy muddatda Markazning ustavini belgilangan tartibda tasdiqlash va uning davlat roʻyxatidan oʻtkazilishini tashkil etsin hamda yuqori malakali mutaxassislar va ilmiy kadrlar bilan toʻldirish boʻyicha zarur choralar koʻrsin;
Oʻzbekiston Respublikasi Innovatsion rivojlanish vazirligi “Mikrokreditbank” aksiyadorlik-tijorat banki bilan birgalikda ikki oy muddatda Markazni zamonaviy ilmiy asbob-uskunalar bilan jihozlash ishlarini yakuniga yetkazsin.
8. Oʻzbekiston Respublikasi Tashqi ishlar vazirligi Veterinariya va chorvachilikni rivojlantirish davlat qoʻmitasining buyurtmalariga binoan Markazda ishlash uchun jalb qilinadigan xorijiy mutaxassislarga konsullik va boshqa yigʻimlarni undirmasdan kirish vizasini rasmiylashtirilishini taʼminlasin.
9. Oʻzbekiston Respublikasi Ichki ishlar vazirligi Veterinariya va chorvachilikni rivojlantirish davlat qoʻmitasi buyurtmalariga binoan Markazda ishlash uchun jalb qilinadigan xorijiy mutaxassislarga davlat boji undirilmasdan koʻp martalik vizalar belgilangan tartibda berilishi hamda muddati uzaytirilishini, shuningdek, ularning vaqtincha turgan joyi boʻyicha roʻyxatga olinishini muddati uzaytirilishini taʼminlasin.
10. Oʻzbekiston Respublikasi Bandlik va mehnat munosabatlari vazirligi Markazning buyurtmalariga asosan belgilangan tartibda investitsiya loyihalarini amalga oshirish uchun ishtirok etuvchi xorijiy ishchi kuchini jalb qilishga ruxsatnomalar berilishi (amal qilish muddati uzaytirilishi)ni, shuningdek, xorijiy fuqarolarning Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishi (amal qilish muddatini uzaytirilishi)ni taʼminlasin.
11. Markaz Toshkent viloyati, Qibray tumani, Shalola MFY, OʻzChITI koʻchasida joylashgan Chorvachilik va parrandachilik ilmiy-tadqiqot instituti binosiga tekin foydalanish huquqi asosida joylashtirilsin.
12. Mazkur qarorning ijrosini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov va Oʻzbekiston Respublikasi Veterinariya va chorvachilikni rivojlantirish davlat qoʻmitasi raisi B.T. Norqobilov zimmasiga yuklansin.
Vazirlar Mahkamasining 2019-yil 2-avgustdagi 647-son qaroriga ILOVA
Chorvachilik va parrandachilik ilmiy-tadqiqot instituti huzuridagi Quyonchilik seleksiyasi va genetika markazining
Oʻzbekiston Respublikasining Bosh vaziri A. ARIPOV
Toshkent sh.,
2019-yil 2-avgust,
647-son