📅 2019-yil 2-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 2 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 августа 2019 г. · Постановления Президента
Официальный текст. Официальный документ. Редакционные примечания не включены.
📅 2 August 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қорақалпоғистон Республикаси Ички ишлар вазирлигининг 19-сон ихтисослаштирилган жазони ижро этиш колониясини тугатиш тўғрисида
Сўнгги йилларда мамлакатда суд-ҳуқуқ соҳасида кенг кўламли институционал ислоҳотлар ўтказилди, инсон ҳуқуқлари соҳасидаги халқаро мажбуриятларни амалга оширишга, сиёсий ва диний қарашларидан қатъи назар маҳкумлар ва қамоққа олинган шахслар учун қулай шарт-шароитларни яратиш, уларнинг ҳуқуқ ва эркинликларига риоя этиш, шаъни ва қадр-қимматини ҳурмат қилишга қаратилган комплекс чора-тадбирлар қабул қилинди.
Бугунги кунда жиноят-ижроия қонунчилигини, шу жумладан озодликдан маҳрум этиш жойларида маҳкумларни сақлаш шарт-шароитларини янада гуманизация қилишни назарда тутувчи қонунчиликни такомиллаштириш Концепцияси амалга оширилмоқда, Ўзбекистон Республикаси Жиноят-ижроия кодексининг янги таҳририни ишлаб чиқиш бўйича ишлар олиб борилмоқда.
Ўзбекистон Республикасининг Сайлов кодекси билан ижтимоий хавфи катта бўлмаган ва унча оғир бўлмаган жиноятларни содир этганлиги учун озодликдан маҳрум этиш жойларида сақланаётган шахсларнинг сайловларда иштирок этиши бўйича чеклов бекор қилинди. Қилмишига чин кўнгилдан пушаймон бўлган ва қатъий тузалиш йўлига ўтган 4 мингга яқин озодликдан маҳрум этишга ҳукм қилинганлар афв этилди.
Шу билан бирга, жиноят-ижроия амалиёти таҳлили, шунингдек, жамоатчилик билан тўғридан-тўғри мулоқот натижалари маҳкумларнинг ҳуқуқ ва эркинликларининг кафолатларини оширишга қаратилган уларни сақлаш шарт-шароитларини янада гуманизация қилиш, шунингдек, ижтимоий мослашувининг натижадорлигини таъминлаш зарурлигини кўрсатмоқда.
Озодликдан маҳрум этишга ҳукм қилинган шахсларда қонунга итоаткор хулқ-атворни, шахс ва жамиятга ҳурмат муносабатини шакллантиришга йўналтирилган ахлоқан тузатиш борасида амалга оширилаётган тадбирлар самарадорлигини ошириш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ давлатимизнинг халқаро майдонда ижобий имиджини илгари суриш мақсадида:
1. Ўзбекистон Республикаси Ички ишлар вазирлигининг:
Қорақалпоғистон Республикаси Ички ишлар вазирлигининг Қорақалпоғистон Республикаси Қўнғирот тумани, Жаслиқ қўрғонида жойлашган 19-сон ихтисослаштирилган жазони ижро этиш колониясини (кейинги ўринларда ― 19-сон ЖИЭК) тугатиш;
19-сон ЖИЭКнинг бинолари, иншоотлари ва мавжуд мол-мулкларини Қорақалпоғистон Республикаси Ички ишлар вазирлигининг Нукус шаҳрида жойлашган 2-сон тергов ҳибсхонаси балансига ўтказиб бериш тўғрисидаги таклифларига розилик берилсин.
2. 19-сон ЖИЭК ходимлари ва ҳарбий хизматчиларининг эгаллаб турган лавозими бўйича пул таъминоти ва ижтимоий имтиёзлари мазкур қарорга мувофиқ ташкилий-штат ўзгаришларига асосан уларнинг лавозимга қайта тайинланиши, контрактининг тугатилиши ёки пенсияга чиқишига қадар сақлаб қолинсин.
3. Ўзбекистон Республикаси Ички ишлар вазирлиги:
бир ҳафта муддатда мазкур қарорга мувофиқ тугатиш комиссиясини ташкил этсин ва 19-сон ЖИЭКни тугатиш бўйича белгиланган тартибда комплекс ташкилий-ҳуқуқий чораларни амалга оширсин;
бир ой муддатда 19-сон ЖИЭК маҳкумларини суд томонидан белгиланган тартиб турига мувофиқ равишда ички ишлар органларининг бошқа жазони ижро этиш колонияларига юборилишини ташкил этсин;
маҳкумларни янги озодликдан маҳрум этиш жойларига кўчириш вақтида 19-сон ЖИЭК шахсий таркиби ўртасида юқори жанговар шайликни ва хизмат интизомига риоя этилишини таъминласин;
манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 2 август,
ПҚ-4414-сон
Oʻzbekiston Respublikasi Prezidentining
Qarori
Qoraqalpogʻiston Respublikasi Ichki ishlar vazirligining 19-son ixtisoslashtirilgan jazoni ijro etish koloniyasini tugatish toʻgʻrisida
Soʻnggi yillarda mamlakatda sud-huquq sohasida keng koʻlamli institutsional islohotlar oʻtkazildi, inson huquqlari sohasidagi xalqaro majburiyatlarni amalga oshirishga, siyosiy va diniy qarashlaridan qatʼi nazar mahkumlar va qamoqqa olingan shaxslar uchun qulay shart-sharoitlarni yaratish, ularning huquq va erkinliklariga rioya etish, shaʼni va qadr-qimmatini hurmat qilishga qaratilgan kompleks chora-tadbirlar qabul qilindi.
Bugungi kunda jinoyat-ijroiya qonunchiligini, shu jumladan ozodlikdan mahrum etish joylarida mahkumlarni saqlash shart-sharoitlarini yanada gumanizatsiya qilishni nazarda tutuvchi qonunchilikni takomillashtirish Konsepsiyasi amalga oshirilmoqda, Oʻzbekiston Respublikasi Jinoyat-ijroiya kodeksining yangi tahririni ishlab chiqish boʻyicha ishlar olib borilmoqda.
Oʻzbekiston Respublikasining Saylov kodeksi bilan ijtimoiy xavfi katta boʻlmagan va uncha ogʻir boʻlmagan jinoyatlarni sodir etganligi uchun ozodlikdan mahrum etish joylarida saqlanayotgan shaxslarning saylovlarda ishtirok etishi boʻyicha cheklov bekor qilindi. Qilmishiga chin koʻngildan pushaymon boʻlgan va qatʼiy tuzalish yoʻliga oʻtgan 4 mingga yaqin ozodlikdan mahrum etishga hukm qilinganlar afv etildi.
Shu bilan birga, jinoyat-ijroiya amaliyoti tahlili, shuningdek, jamoatchilik bilan toʻgʻridan-toʻgʻri muloqot natijalari mahkumlarning huquq va erkinliklarining kafolatlarini oshirishga qaratilgan ularni saqlash shart-sharoitlarini yanada gumanizatsiya qilish, shuningdek, ijtimoiy moslashuvining natijadorligini taʼminlash zarurligini koʻrsatmoqda.
Ozodlikdan mahrum etishga hukm qilingan shaxslarda qonunga itoatkor xulq-atvorni, shaxs va jamiyatga hurmat munosabatini shakllantirishga yoʻnaltirilgan axloqan tuzatish borasida amalga oshirilayotgan tadbirlar samaradorligini oshirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq davlatimizning xalqaro maydonda ijobiy imidjini ilgari surish maqsadida:
1. Oʻzbekiston Respublikasi Ichki ishlar vazirligining:
Qoraqalpogʻiston Respublikasi Ichki ishlar vazirligining Qoraqalpogʻiston Respublikasi Qoʻngʻirot tumani, Jasliq qoʻrgʻonida joylashgan 19-son ixtisoslashtirilgan jazoni ijro etish koloniyasini (keyingi oʻrinlarda ― 19-son JIEK) tugatish;
19-son JIEKning binolari, inshootlari va mavjud mol-mulklarini Qoraqalpogʻiston Respublikasi Ichki ishlar vazirligining Nukus shahrida joylashgan 2-son tergov hibsxonasi balansiga oʻtkazib berish toʻgʻrisidagi takliflariga rozilik berilsin.
2. 19-son JIEK xodimlari va harbiy xizmatchilarining egallab turgan lavozimi boʻyicha pul taʼminoti va ijtimoiy imtiyozlari mazkur qarorga muvofiq tashkiliy-shtat oʻzgarishlariga asosan ularning lavozimga qayta tayinlanishi, kontraktining tugatilishi yoki pensiyaga chiqishiga qadar saqlab qolinsin.
3. Oʻzbekiston Respublikasi Ichki ishlar vazirligi:
bir hafta muddatda mazkur qarorga muvofiq tugatish komissiyasini tashkil etsin va 19-son JIEKni tugatish boʻyicha belgilangan tartibda kompleks tashkiliy-huquqiy choralarni amalga oshirsin;
bir oy muddatda 19-son JIEK mahkumlarini sud tomonidan belgilangan tartib turiga muvofiq ravishda ichki ishlar organlarining boshqa jazoni ijro etish koloniyalariga yuborilishini tashkil etsin;
mahkumlarni yangi ozodlikdan mahrum etish joylariga koʻchirish vaqtida 19-son JIEK shaxsiy tarkibi oʻrtasida yuqori jangovar shaylikni va xizmat intizomiga rioya etilishini taʼminlasin;
manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 2-avgust,
PQ-4414-son
Президента Республики Узбекистан
Постановление
О ликвидации Специализированной колонии по исполнению наказания № 19 Министерства внутренних дел Республики Каракалпакстан
За последние годы в стране проведены масштабные институциональные реформы в судебно-правовой сфере, приняты комплексные меры, направленные на реализацию международных обязательств в области прав человека, создание благоприятных условий для осужденных и лиц, заключенных под стражу, соблюдению их прав и свобод, уважение чести и достоинства независимо от политических и религиозных взглядов.
В настоящее время реализуется Концепция совершенствования уголовно-исполнительного законодательства, в том числе направленная на гуманизацию условий содержания лиц в местах лишения свободы, ведется работа по разработке новой редакции Уголовно-исполнительного кодекса Республики Узбекистан.
Избирательным кодексом Республики Узбекистан исключено ограничение по участию в выборах лиц, содержащихся в местах лишения свободы за совершение преступлений, не представляющих большой общественной опасности и менее тяжких. Помиловано около 4 тысяч осужденных к лишению свободы, искренне раскаявшихся в содеянном и твердо вставших на путь исправления.
Вместе с тем анализ уголовно-исполнительной практики, а также результаты прямого диалога с общественностью указывают на необходимость дальнейшей гуманизации условий содержания осужденных, направленных на повышение гарантий их прав и свобод, а также обеспечение результативной социальной реабилитации.
В целях повышения эффективности исправительного воздействия на осужденных к лишению свободы, направленного на формирование у них законопослушного поведения, уважительного отношения к личности и обществу, а также продвижения позитивного имиджа страны на международной арене в соответствии с задачами, определенными Стратегией действий по пяти приоритетным направлениям развития Республики Узбекистан в 2017 ― 2021 годах:
1. Согласиться с предложениями Министерства внутренних дел Республики Узбекистан о:
ликвидации Специализированной колонии по исполнению наказания № 19 Министерства внутренних дел Республики Каракалпакстан, расположенной по адресу: Республика Каракалпакстан, Кунградский район, поселок Жаслык (далее ― СКИН № 19);
передаче Следственному изолятору № 2 Министерства внутренних дел Республики Каракалпакстан, расположенному в городе Нукусе, зданий, сооружений и имеющегося имущества СКИН № 19.
2. Сохранить за сотрудниками и военнослужащими СКИН № 19 выплату денежного довольствия и социальные льготы согласно занимаемой должности до их переназначения на должность, прекращения контракта или выхода на пенсию в связи с организационно-штатными изменениями на основании настоящего постановления.
3. Министерству внутренних дел Республики Узбекистан:
в недельный срок образовать ликвидационную комиссию и осуществить в установленном порядке реализацию комплекса организационно-правовых мер по ликвидации СКИН № 19 в соответствии с настоящим постановлением;
в месячный срок организовать направление осужденных СКИН № 19 в другие колонии по исполнению наказания органов внутренних дел в соответствии с видами режимов, назначенными судом;
обеспечить поддержание среди личного состава СКИН № 19 высокой служебной дисциплины и боевой готовности во время этапирования осужденных к новым местам лишения свободы;
совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
4. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
2 августа 2019 г.,
№ ПП-4414