📅 2019-yil 22-iyul · Vazirlik va idoralar hujjatlari · Adliya vazirligi Ichki ishlar vazirligi Milliy gvardiyasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 22 июль · Вазирлик ва идоралар ҳужжатлари · Адлия вазирлиги Ички ишлар вазирлиги Миллий гвардияси
Расмий матн. Расмий ҳужжат. Таҳририй изоҳлар киритилмаган.
📅 22 июля 2019 г. · Документы министерств и ведомств · Министерства юстиции Министерства внутренних дел Национальной гвардии
Официальный текст. Официальный документ. Редакционные примечания не включены.
📅 22 July 2019 · Ministry and agency documents · Adliya vazirligi Ichki ishlar vazirligi Milliy gvardiyasi
Official text. Official document. Editorial notes are not included.
Ўзбекистон Республикаси Адлия вазирлиги Ўзбекистон Республикаси Ички ишлар вазирлиги Ўзбекистон Республикаси Миллий гвардиясининг
қарори
НИЗОМ
Тошкент давлат юридик университетининг Ихтисослаштирилган филиали талабалари томонидан амалиёт ва касбий стажировкани ўташ тартиби тўғрисидаги низомни тасдиқлаш ҳақида
Ўзбекистон Республикаси Президентининг 2019 йил 7 февралдаги ПҚ-4166-сон «Ҳуқуқбузарликлар профилактикаси ва жамоат хавфсизлигини таъминлаш соҳасида кадрлар тайёрлаш тизимини такомиллаштиришга доир қўшимча чора-тадбирлар тўғрисида»ги қарорига мувофиқ Ўзбекистон Республикаси Адлия вазирлиги, Ички ишлар вазирлиги, Миллий гвардияси қарор қилади:
1. Тошкент давлат юридик университетининг Ихтисослаштирилган филиали талабалари томонидан амалиёт ва касбий стажировкани ўташ тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Адлия вазирлиги, Ички ишлар вазирлиги ҳамда Миллий гвардиясининг 2019 йил 22 июлдаги 5, 58ҚҚ, 17-сон қарорига ИЛОВА
Тошкент давлат юридик университетининг Ихтисослаштирилган филиали талабалари томонидан амалиёт ва касбий стажировкани ўташ тартиби тўғрисидаги
Ушбу Низом Ўзбекистон Республикаси Президентининг 2019 йил 7 февралдаги «Ҳуқуқбузарликлар профилактикаси ва жамоат хавфсизлигини таъминлаш соҳасида кадрлар тайёрлаш тизимини такомиллаштиришга доир қўшимча чора-тадбирлар тўғрисида»ги ПҚ-4166-сон қарори ҳамда Ўзбекистон Республикаси Вазирлар Маҳкамасининг 2019 йил 12 июндаги «Тошкент давлат юридик университетининг Ихтисослаштирилган филиалига ўқишга қабул қилиш тартиби ва ўқув жараёнини ташкил этиш тўғрисида»ги 490-сон қарорига мувофиқ Тошкент давлат юридик университетнинг Ихтисослаштирилган филиали (кейинги ўринларда — Филиал) талабаларининг амалиёт ва касбий стажировка ўташ тартибини белгилайди.
1-боб. Умумий қоидалар
1. Амалиёт ва касбий стажировка ўташнинг асосий мақсади талабалар томонидан эгалланган назарий билимларни чуқурлаштириш ва мустаҳкамлаш, касбий маҳорат ҳамда амалий иш кўникмаларини шакллантириш, таълим олувчиларнинг аҳоли ва оммавий ахборот воситалари билан ишлаш ва ўзаро ҳамкорлик қилиш кўникмаларини такомиллаштиришдан иборат.
2. Мазкур Низомда қуйидаги тушунчалардан фойдаланилади:
амалиёт — 1-курс талабалари томонидан олинган назарий билимларни чуқурлаштириш ва мустаҳкамлаш, касбий фаолият ҳақида бошланғич маълумотларни олиш ҳамда соҳа мутахассислиги бўйича амалий кўникма ва маҳорат ҳосил қилиш мақсадида ташкил этиладиган ўқув жараёнининг бир қисми;
касбий стажировка (кейинги ўринларда — стажировка) — 2-курс талабалари томонидан олинган назарий билимларни мустаҳкамлаш, ички ишлар органлари ва Миллий гвардия бўлинмалари фаолияти билан яқиндан танишиш, касбий маҳоратни янада ривожлантириш, назорат ҳужжатларини ёзиш кўникмаларини шакллантириш, халқ билан мулоқот маданиятини ошириш ва ўзаро ҳамкорлик қилиш кўникмаларини такомиллаштиришга йўналтирилган ўқув жараёнининг бир қисми;
қабул қилувчи ташкилот — талабалар томонидан амалиёт ўталаётган давлат ҳокимияти ва бошқаруви органи, суд, ҳуқуқни муҳофаза қилувчи орган, адвокатлик тузилмаси, хўжалик бошқаруви органи, молия-банк ва бошқа муассасаларнинг юридик хизмати;
қабул қилувчи махсус ташкилот — талабалар томонидан стажировка ўталаётган Ўзбекистон Республикаси Ички ишлар вазирлиги ва Миллий гвардияси;
Филиалдан бириктирилган амалиёт (стажировка) раҳбари — ўқув юкламасига амалиёт (стажировка) раҳбарлиги киритилган Филиал профессор-ўқитувчиси;
қабул қилувчи (махсус) ташкилотдан бириктирилган амалиёт (стажировка) раҳбари — талабаларни амалий кўникмаларга ўргатиш ва Филиалдаги амалиёт (стажировка) раҳбари билан биргаликда эгалланган билимларни баҳолаш масъулияти юкланган қабул қилувчи ташкилот ходими.
3. Амалиёт (стажировка) узлуксиз ҳамда назарий билимлар навбатланиш йўли орқали амалга оширилиши мумкин.
Амалиёт (стажировка)ни ўташ Филиал томонидан ўқув режаларига мувофиқ ишлаб чиқилган ва тасдиқланган амалиёт (стажировка)ни ўташ дастури асосида амалга оширилади.
4. Амалиёт қабул қилувчи (махсус) ташкилотнинг амалий фаолияти ҳақида тасаввурга эга бўлиш ҳамда бирламчи касбий маҳорат ва кўникмаларини эгаллаш, иш ҳужжатларини ўрганишни назарда тутади.
5. Стажировка қабул қилувчи (махсус) ташкилот фаолиятининг асосий йўналишлари билан яқиндан таништириш, соҳа мутахассислиги бўйича касбий маҳорат ҳамда амалий иш кўникмаларини ўрганиш, аҳоли билан узвий боғлиқ ҳолда ишлай олиш кўникмаларини шакллантириш, оммавий ахборот воситалари билан ишлаш ва ўзаро ҳамкорлик қилиш кўникмаларини такомиллаштиришни назарда тутади.
Стажировка ўқув режасига асосан, қоида тариқасида, талабаларнинг асосий яшаш жойлари бўйича Тошкент шаҳар ёки Тошкент вилояти ички ишлар бош бошқармалари томонидан танланган ички ишлар органларида ёҳуд Миллий гвардия томонидан белгиланган Миллий гвардия бўлинмаларида ташкил қилинади.
6. Амалиёт (стажировка) ўқув режасида назарда тутилган муддатларда ўтказилади. Амалиёт (стажировка)ни ўташ дастурида амалиёт (стажировка)нинг ўташ муддати ва жойи белгиланади.
Талабаларни амалиёт (стажировка)ни ўташдан озод қилишга йўл қўйилмайди.
7. Амалиёт (стажировка) ўташ якунлангач, талаба томонидан амалиёт (стажировка) даврида бажарилган ишлар бўйича ҳисобот тайёрланади ҳамда Тайёрлаш курслари деканатига топширилади.
Амалиёт (стажировка) ўташ тўғрисидаги ҳисоботда бажарилган иш, ўрганилган ҳуқуқни қўллаш амалиёти, шунингдек олинган билим ва кўникмалар акс эттирилади. Ҳисобот талаба томонидан имзоланади ҳамда қабул қилувчи (махсус) ташкилотдан бириктирилган амалиёт (стажировка) раҳбари имзоси билан тасдиқланади.
8. Амалиёт (стажировка) ўташнинг нормал кунлик давомийлиги 6 (олти) соатни ташкил этади.
9. Қабул қилувчи (махсус) ташкилотдан бириктирилган амалиёт (стажировка) раҳбари ҳисоботга талабанинг ижобий ва салбий фазилатларини, унинг ўзлаштирувчанлик қобилияти ва бошқа маълумотларни ёритувчи ёзувларни киритиш ҳуқуқига эга.
10. Қабул қилувчи (махсус) ташкилотлар талабани амалиёт (стажировка)ни ўташ дастурида кўзда тутилмаган вазифаларни бажаришга жалб қилиши, шунингдек Филиални ҳабардор қилмаган ҳолда амалиёт (стажировка) жойини ўзгартириши ман қилинади.
2-боб. Амалиёт (стажировка)ни ўташнинг босқичлари
11. Амалиёт (стажировка) уч босқичга бўлинади:
тайёрлов;
асосий;
амалиёт (стажировка) бўйича имтиҳон.
12. Тайёрлов босқичида ўқув режасига асосан амалиёт (стажировка)ни ўташнинг биринчи кунида Филиалдан ва қабул қилувчи (махсус) ташкилотдан бириктирилган амалиёт (стажировка) раҳбарлари томонидан йиғилиш ўтказилади. Йиғилишда талабалар ушбу Низом қоидалари билан ҳамда амалиёт (стажировка)ни ўташ дастури билан танишадилар, унинг мақсад ва вазифаларига тааллуқли кўрсатмалар, уларни бажариш бўйича қўлланмаларни оладилар, амалиёт (стажировка) ўташ ҳамда амалиёт (стажировка) ўташ тўғрисида ҳисобот тузиш тартиби ҳақида хабардор қилинади.
Амалиёт (стажировка)ни ўташнинг бошида талабалар қабул қилувчи (махсус) ташкилотнинг тузилиши, фаолият йўналишлари, ўзига хослиги билан танишадилар ҳамда Филиалдан бириктирилган амалиёт (стажировка) раҳбари ва қабул қилувчи (махсус) ташкилотдан бириктирилган амалиёт (стажировка) раҳбари билан биргаликда амалиёт (стажировка)ни ўташ дастурини бажариш режа-жадвалини тузадилар.
13. Амалиёт (стажировка)ни ўташнинг асосий босқичида талаба бевосита қабул қилувчи (махсус) ташкилотда амалиёт (стажировка)ни ўташ дастурини бажариш режа-жадвалида кўрсатиб ўтилган ишни бажаради.
14. Амалиёт (стажировка) бўйича имтиҳон амалиёт (стажировка)нинг якуний босқичи ҳисобланиб, унда талабалар томонидан амалиёт (стажировка) ўташ жараёнида бажарилган ишларнинг натижалари таҳлил қилинади ва баҳоланади. Амалиёт (стажировка) бўйича имтиҳон Филиал вакиллари орасидан тузилган комиссия томонидан ёзма равишда ўтказилади.
Қабул қилувчи (махсус) ташкилотнинг вакили амалиёт (стажировка) бўйича имтиҳонда Филиалдан бириктирилган амалиёт (стажировка) раҳбари билан биргаликда қатнашиши мумкин.
15. Талабаларнинг амалиёт (стажировка) бўйича имтиҳони қуйидаги баҳолаш мезонларига асосан амалга оширилади:
назарий ва амалий билимлари даражасини аниқлаш;
берилган саволларни тўғри таҳлил қила олиш;
талаба томонидан амалиёт ва стажировка давомида тўпланган материалларнинг тузилиши, даражаси ва сифати ҳамда амалиёт (стажировка) давомида ўрганилган масалаларнинг кенг ёритиб берилиши.
3-боб. Амалиёт (стажировка)ни ўташда талабага қўйиладиган талаблар
16. Талаба:
амалиёт (стажировка) бўйича услубий ва кўрсатма материаллар билан танишиши ва Филиалдан бириктирилган амалиёт (стажировка) раҳбарининг тегишли кўрсатмаларини олиши;
амалиёт (стажировка)ни ташкил этиш ва ўташни назорат қилиш бўйича тадбирларда иштирок этиши;
амалиёт (стажировка)ни ўташ дастурида назарда тутилган барча топшириқларни белгиланган муддатларда, тўлиқ ҳажмда ва сифатли бажариши;
Филиалдан бириктирилган амалиёт (стажировка) раҳбарининг талаби билан кўриб чиқиш учун амалиёт (стажировка) ўташ тўғрисидаги ҳисоботини ўз вақтида тақдим қилиши;
кейинги ўқув ва амалий фаолиятда фойдалана олиши мумкин бўлган материаллар тўпламини юритиши;
ички меҳнат тартиб қоидалари ва қабул қилувчи (махсус) ташкилот ходимлари фаолиятини тартибга солувчи ҳужжатларга риоя қилиши шарт.
17. Амалиёт (стажировка) тугаганидан кейин талаба амалиёт (стажировка) бўйича имтиҳонни ўтказиш кунида Филиалдан бириктирилган амалиёт (стажировка) раҳбарига ўталган амалиёт (стажировка) тўғрисида ҳисобот тақдим этади.
18. Талаба амалиёт (стажировка)ни ўтагандан сўнг Филиалда амалиёт (стажировка) бўйича имтиҳон топширишга мажбур.
19. Талаба амалиёт (стажировка) ўташ жараёнида Филиалдан бириктирилган ёки қабул қилувчи (махсус) ташкилотдан бириктирилган амалиёт (стажировка) раҳбарининг фаолиятидан норози бўлиб, асосли сабаблар мавжуд бўлганда бу ҳақда Филиалнинг Тайёрлаш курслари деканига мурожаат қилиши мумкин.
4-боб. Амалиёт (стажировка)ни ташкиллаштиришнинг шартлари
20. Амалиёт (стажировка)ни барча босқичларда ташкил этиш талабалар томонидан касбий фаолиятни эгаллашда узлуксизлик ва изчилликни таъминлашга йўналтирилиши лозим.
21. Профессор-ўқитувчиларнинг амалиёт (стажировка)даги ўқув юкламаси ўқув режада кўрсатилган ўқув педагогик соатлар (ҳафталар)дан ва амалиёт (стажировка)ни ўташ туридан келиб чиқиб аниқланади.
22. Амалиёт (стажировка)ни ташкил этиш учун олдиндан Филиал директори томонидан амалиёт ёки стажировка муддати ва уни ўташ жойи, моддий таъминот, Филиалдан бириктирилган амалиёт (стажировка) раҳбарларини турар жой билан таъминлаш, масъул шахслар ва жўнатилаётган талабаларнинг, Филиалдан бириктирилган амалиёт (стажировка) раҳбарларининг таркибий рўйхати бўйича белгиланган буйруқ қабул қилинади.
23. Талабаларни амалиёт (стажировка) ўташга тайёрлаш ва жой-жойига тақсимланишини таъминлаш ҳамда натижасини мувофиқлаштириш Филиалнинг Тайёрлаш курслари деканати томонидан амалга оширилади.
24. Филиалдан бириктирилган амалиёт (стажировка) раҳбари:
амалиёт (стажировка)га кетаётган талабаларга амалиёт (стажировка) ўташ бўйича зарур йўл-йўриқлар кўрсатади;
талабаларнинг амалиёт (стажировка) ўташ жойига етиб келишини назорат қилади;
қабул қилувчи (махсус) ташкилот раҳбари ҳамда бириктирилган амалиёт (стажировка) раҳбари билан алоқалар ўрнатади;
талабаларга амалиёт (стажировка)ни ўташ дастурини бажариш бўйича услубий ёрдам кўрсатади;
амалиёт (стажировка)нинг бутун даври учун талабаларга индивидуал режа тузади, қабул қилувчи (махсус) ташкилотдан бириктирилган амалиёт (стажировка) раҳбари билан биргаликда ишнинг ҳажми ва таркибини белгилайди;
амалиёт (стажировка)ни ўташ жойларига талабаларни тақсимлашда иштирок этади;
амалиёт (стажировка) муддатларига ва унинг таркибига риоя қилиниши, шунингдек амалиёт (стажировка)ни ўташ дастури бажарилишининг талабаларни амалиёт (стажировка) ўташ жойларига бориш йўли билан назорат қилади;
амалиёт (стажировка) ўтаётган талабанинг асосли эътирози юзасидан қабул қилувчи (махсус) ташкилотдан бириктирилган раҳбарни ўзгартиришни сўраб Филиал раҳбариятига билдирги киритади;
амалиёт (стажировка) бўйича имтиҳонда иштирок этади.
25. Қабул қилувчи (махсус) ташкилот раҳбари:
Филиал билан амалиёт (стажировка)ни ташкил этиш ва ўтказиш ҳақида шартнома тузади;
қабул қилувчи (махсус) ташкилотда амалиёт (стажировка)ни ташкил этиш тўғрисида буйруқлар чиқаради;
малакали ва тажрибали мутахассислар орасидан қабул қилувчи (махсус) ташкилотда амалиёт (стажировка) ўташ учун масъул шахсларни тайинлайди, шунингдек амалиёт (стажировка)ни ўташ дастурида белгиланган тадбирларни бажаришлари устидан назоратни амалга оширади;
амалиёт (стажировка)ни ўташ дастурига мувофиқ амалиёт (стажировка) ўташ учун шароитлар яратади;
Филиал томонидан қабул қилувчи (махсус) ташкилотдан бириктирилган амалиёт (стажировка) раҳбарини ўзгартиришни сўраб қилинган мурожаатни ўрганиб чиқиб, тегишли қарорлар қабул қилади.
26. Қабул қилувчи (махсус) ташкилотдан бириктирилган амалиёт (стажировка) раҳбари:
талабаларга техника хавфсизлиги бўйича, ёнғин хавфсизлиги бўйича, шунингдек қабул қилувчи (махсус) ташкилотнинг ички тартиб қоидалари ва фаолиятини тартибга солувчи бошқа локал ҳужжатлари ҳамда иш режимининг хусусиятлари бўйича йўл-йўриқ беради;
қабул қилувчи (махсус) ташкилотнинг белгиланган объектлари бўйича талабаларни тақсимлайди, унинг тузилиши, фаолият йўналишлари ва ўзига хос хусусиятлари билан таништиради;
талабаларга амалиёт (стажировка)ни ўташ дастурига тааллуқли материаллардан фойдаланиш имкониятини яратади;
талабалар томонидан амалиёт (стажировка)ни ўташ дастурининг бажарилиши учун зарур шароитлар яратади;
талабаларга тизим фаолияти ва бошқа масалалар бўйича маслаҳатлар беради;
бажарилаётган иш устидан доимий назоратни амалга оширади;
талаба иш кунининг белгиланган давомийлигига риоя этилишини таъминлайди;
талаба иш вақтидан самарали фойдаланишини таъминлайди;
амалиёт ва стажировка ўташ тўғрисида ҳисоботни тасдиқлайди;
Филиалдан бириктирилган амалиёт (стажировка) раҳбарини талаба томонидан амалиёт (стажировка)ни ўташ дастури бажарилмаётганлиги ҳамда меҳнат интизомининг бузилиш ҳолатлари ҳақида хабардор қилади;
Филиалдан бириктирилган амалиёт (стажировка) раҳбари билан доимий алоқани ушлаб туради.
Қабул қилувчи (махсус) ташкилотдан бириктирилган амалиёт (стажировка) раҳбари талабага амалиёт (стажировка)ни ўташ дастури билан боғлиқ бўлмаган вазифаларни бажариш топшириғини бериши тақиқланади.
27. Амалиёт (стажировка)нинг ўташ жойини белгилаш Филиал билан қабул қилувчи (махсус) ташкилот ўртасидаги шартномалар асосида амалга оширилади.
Филиал ва қабул қилувчи (махсус) ташкилот амалиёт (стажировка)ни ташкил этиш ва ўтказиш бўйича шартномада шартнома предметини, тарафларнинг ҳуқуқ ва мажбуриятларини, амалиёт (стажировка)ни ташкил этиш тартибини, шартноманинг амал қилиш муддатини, шартномани бекор қилиш асосларини, шунингдек тарафларнинг жавобгарлигини келишиб олади.
28. Амалиёт (стажировка) бошланиши вақтидан бошлаб талабаларга қабул қилувчи (махсус) ташкилотда белгиланган тартибда таништирилиши шарт бўлган меҳнатни муҳофаза қилиш қоидалари ва ички меҳнат тартиби қоидалари ҳамда қабул қилувчи (махсус) ташкилотда амалда бўлган бошқа ҳужжатлар татбиқ қилинади.
29. Амалиёт (стажировка) бўйича қўйилаётган баҳо таълим бўйича баҳоларга тенглаштирилади ва талабалар умумий ўзлаштиришининг якунларини чиқаришда инобатга олинади.
30. Амалиёт (стажировка) якунлари бўйича қониқарсиз баҳо олиниши талабани академик қарздор сифатида тегишли ўқув курсида қолдириш учун асос бўлиб хизмат қилади.
Узрли сабабларсиз амалиёт (стажировка)га келмаслик ўқув интизомини бузиш сифатида талабани белгиланган тартибда Филиал талабалари сафидан четлаштирилишига асос бўлиб хизмат қилади.
5-боб. Моддий таъминот
31. Амалиёт ва стажировкани ўташ даврида талабаларда стипендия олиш ҳуқуқи сақланиб қолади.
32. Филиалдан бириктирилган амалиёт (стажировка) раҳбарларининг Филиал жойлашган жойдан амалиёт (стажировка)ни ўташ жойигача бориш билан боғлиқ бўлган хизмат сафарлари харажатлари, шу жумладан яшаш ва суткалик харажатлар, ўрнатилган тартибда Филиалнинг бюджетдан ташқари маблағлари ҳисобидан тўланади.
6-боб. Якуний қоида
33. Мазкур Низом Тошкент давлат юридик университети билан келишилди.
Адлия вазири Р. ДАВЛЕТОВ
Ички ишлар вазири П. БОБОЖОНОВ
Миллий гвардия қўмондони Б. ТАШМАТОВ
Адлия вазири ўринбосари — Тошкент давлат юридик университети ректори Е. КАНЬЯЗОВ
Тошкент ш.,
2019 йил 22 июль,
Тошкент ш.,
2019 йил 22 июль,
Тошкент ш.,
2019 йил 22 июль,
2019 йил 19 июль
5-сон
58ҚҚ-сон
17-сон
Oʻzbekiston Respublikasi Adliya vazirligi Oʻzbekiston Respublikasi Ichki ishlar vazirligi Oʻzbekiston Respublikasi Milliy gvardiyasining
qarori
NIZOM
Toshkent davlat yuridik universitetining Ixtisoslashtirilgan filiali talabalari tomonidan amaliyot va kasbiy stajirovkani oʻtash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2019-yil 7-fevraldagi PQ-4166-son “Huquqbuzarliklar profilaktikasi va jamoat xavfsizligini taʼminlash sohasida kadrlar tayyorlash tizimini takomillashtirishga doir qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Adliya vazirligi, Ichki ishlar vazirligi, Milliy gvardiyasi qaror qiladi:
1. Toshkent davlat yuridik universitetining Ixtisoslashtirilgan filiali talabalari tomonidan amaliyot va kasbiy stajirovkani oʻtash tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Adliya vazirligi, Ichki ishlar vazirligi hamda Milliy gvardiyasining 2019-yil 22-iyuldagi 5, 58QQ, 17-son qaroriga ILOVA
Toshkent davlat yuridik universitetining Ixtisoslashtirilgan filiali talabalari tomonidan amaliyot va kasbiy stajirovkani oʻtash tartibi toʻgʻrisidagi
Ushbu Nizom Oʻzbekiston Respublikasi Prezidentining 2019-yil 7-fevraldagi “Huquqbuzarliklar profilaktikasi va jamoat xavfsizligini taʼminlash sohasida kadrlar tayyorlash tizimini takomillashtirishga doir qoʻshimcha chora-tadbirlar toʻgʻrisida”gi PQ-4166-son qarori hamda Oʻzbekiston Respublikasi Vazirlar Mahkamasining 2019-yil 12-iyundagi “Toshkent davlat yuridik universitetining Ixtisoslashtirilgan filialiga oʻqishga qabul qilish tartibi va oʻquv jarayonini tashkil etish toʻgʻrisida”gi 490-son qaroriga muvofiq Toshkent davlat yuridik universitetning Ixtisoslashtirilgan filiali (keyingi oʻrinlarda — Filial) talabalarining amaliyot va kasbiy stajirovka oʻtash tartibini belgilaydi.
1-bob. Umumiy qoidalar
1. Amaliyot va kasbiy stajirovka oʻtashning asosiy maqsadi talabalar tomonidan egallangan nazariy bilimlarni chuqurlashtirish va mustahkamlash, kasbiy mahorat hamda amaliy ish koʻnikmalarini shakllantirish, taʼlim oluvchilarning aholi va ommaviy axborot vositalari bilan ishlash va oʻzaro hamkorlik qilish koʻnikmalarini takomillashtirishdan iborat.
2. Mazkur Nizomda quyidagi tushunchalardan foydalaniladi:
amaliyot — 1-kurs talabalari tomonidan olingan nazariy bilimlarni chuqurlashtirish va mustahkamlash, kasbiy faoliyat haqida boshlangʻich maʼlumotlarni olish hamda soha mutaxassisligi boʻyicha amaliy koʻnikma va mahorat hosil qilish maqsadida tashkil etiladigan oʻquv jarayonining bir qismi;
kasbiy stajirovka (keyingi oʻrinlarda — stajirovka) — 2-kurs talabalari tomonidan olingan nazariy bilimlarni mustahkamlash, ichki ishlar organlari va Milliy gvardiya boʻlinmalari faoliyati bilan yaqindan tanishish, kasbiy mahoratni yanada rivojlantirish, nazorat hujjatlarini yozish koʻnikmalarini shakllantirish, xalq bilan muloqot madaniyatini oshirish va oʻzaro hamkorlik qilish koʻnikmalarini takomillashtirishga yoʻnaltirilgan oʻquv jarayonining bir qismi;
qabul qiluvchi tashkilot — talabalar tomonidan amaliyot oʻtalayotgan davlat hokimiyati va boshqaruvi organi, sud, huquqni muhofaza qiluvchi organ, advokatlik tuzilmasi, xoʻjalik boshqaruvi organi, moliya-bank va boshqa muassasalarning yuridik xizmati;
qabul qiluvchi maxsus tashkilot — talabalar tomonidan stajirovka oʻtalayotgan Oʻzbekiston Respublikasi Ichki ishlar vazirligi va Milliy gvardiyasi;
Filialdan biriktirilgan amaliyot (stajirovka) rahbari — oʻquv yuklamasiga amaliyot (stajirovka) rahbarligi kiritilgan Filial professor-oʻqituvchisi;
qabul qiluvchi (maxsus) tashkilotdan biriktirilgan amaliyot (stajirovka) rahbari — talabalarni amaliy koʻnikmalarga oʻrgatish va Filialdagi amaliyot (stajirovka) rahbari bilan birgalikda egallangan bilimlarni baholash masʼuliyati yuklangan qabul qiluvchi tashkilot xodimi.
3. Amaliyot (stajirovka) uzluksiz hamda nazariy bilimlar navbatlanish yoʻli orqali amalga oshirilishi mumkin.
Amaliyot (stajirovka)ni oʻtash Filial tomonidan oʻquv rejalariga muvofiq ishlab chiqilgan va tasdiqlangan amaliyot (stajirovka)ni oʻtash dasturi asosida amalga oshiriladi.
4. Amaliyot qabul qiluvchi (maxsus) tashkilotning amaliy faoliyati haqida tasavvurga ega boʻlish hamda birlamchi kasbiy mahorat va koʻnikmalarini egallash, ish hujjatlarini oʻrganishni nazarda tutadi.
5. Stajirovka qabul qiluvchi (maxsus) tashkilot faoliyatining asosiy yoʻnalishlari bilan yaqindan tanishtirish, soha mutaxassisligi boʻyicha kasbiy mahorat hamda amaliy ish koʻnikmalarini oʻrganish, aholi bilan uzviy bogʻliq holda ishlay olish koʻnikmalarini shakllantirish, ommaviy axborot vositalari bilan ishlash va oʻzaro hamkorlik qilish koʻnikmalarini takomillashtirishni nazarda tutadi.
Stajirovka oʻquv rejasiga asosan, qoida tariqasida, talabalarning asosiy yashash joylari boʻyicha Toshkent shahar yoki Toshkent viloyati ichki ishlar bosh boshqarmalari tomonidan tanlangan ichki ishlar organlarida yohud Milliy gvardiya tomonidan belgilangan Milliy gvardiya boʻlinmalarida tashkil qilinadi.
6. Amaliyot (stajirovka) oʻquv rejasida nazarda tutilgan muddatlarda oʻtkaziladi. Amaliyot (stajirovka)ni oʻtash dasturida amaliyot (stajirovka)ning oʻtash muddati va joyi belgilanadi.
Talabalarni amaliyot (stajirovka)ni oʻtashdan ozod qilishga yoʻl qoʻyilmaydi.
7. Amaliyot (stajirovka) oʻtash yakunlangach, talaba tomonidan amaliyot (stajirovka) davrida bajarilgan ishlar boʻyicha hisobot tayyorlanadi hamda Tayyorlash kurslari dekanatiga topshiriladi.
Amaliyot (stajirovka) oʻtash toʻgʻrisidagi hisobotda bajarilgan ish, oʻrganilgan huquqni qoʻllash amaliyoti, shuningdek olingan bilim va koʻnikmalar aks ettiriladi. Hisobot talaba tomonidan imzolanadi hamda qabul qiluvchi (maxsus) tashkilotdan biriktirilgan amaliyot (stajirovka) rahbari imzosi bilan tasdiqlanadi.
8. Amaliyot (stajirovka) oʻtashning normal kunlik davomiyligi 6 (olti) soatni tashkil etadi.
9. Qabul qiluvchi (maxsus) tashkilotdan biriktirilgan amaliyot (stajirovka) rahbari hisobotga talabaning ijobiy va salbiy fazilatlarini, uning oʻzlashtiruvchanlik qobiliyati va boshqa maʼlumotlarni yorituvchi yozuvlarni kiritish huquqiga ega.
10. Qabul qiluvchi (maxsus) tashkilotlar talabani amaliyot (stajirovka)ni oʻtash dasturida koʻzda tutilmagan vazifalarni bajarishga jalb qilishi, shuningdek Filialni habardor qilmagan holda amaliyot (stajirovka) joyini oʻzgartirishi man qilinadi.
2-bob. Amaliyot (stajirovka)ni oʻtashning bosqichlari
11. Amaliyot (stajirovka) uch bosqichga boʻlinadi:
tayyorlov;
asosiy;
amaliyot (stajirovka) boʻyicha imtihon.
12. Tayyorlov bosqichida oʻquv rejasiga asosan amaliyot (stajirovka)ni oʻtashning birinchi kunida Filialdan va qabul qiluvchi (maxsus) tashkilotdan biriktirilgan amaliyot (stajirovka) rahbarlari tomonidan yigʻilish oʻtkaziladi. Yigʻilishda talabalar ushbu Nizom qoidalari bilan hamda amaliyot (stajirovka)ni oʻtash dasturi bilan tanishadilar, uning maqsad va vazifalariga taalluqli koʻrsatmalar, ularni bajarish boʻyicha qoʻllanmalarni oladilar, amaliyot (stajirovka) oʻtash hamda amaliyot (stajirovka) oʻtash toʻgʻrisida hisobot tuzish tartibi haqida xabardor qilinadi.
Amaliyot (stajirovka)ni oʻtashning boshida talabalar qabul qiluvchi (maxsus) tashkilotning tuzilishi, faoliyat yoʻnalishlari, oʻziga xosligi bilan tanishadilar hamda Filialdan biriktirilgan amaliyot (stajirovka) rahbari va qabul qiluvchi (maxsus) tashkilotdan biriktirilgan amaliyot (stajirovka) rahbari bilan birgalikda amaliyot (stajirovka)ni oʻtash dasturini bajarish reja-jadvalini tuzadilar.
13. Amaliyot (stajirovka)ni oʻtashning asosiy bosqichida talaba bevosita qabul qiluvchi (maxsus) tashkilotda amaliyot (stajirovka)ni oʻtash dasturini bajarish reja-jadvalida koʻrsatib oʻtilgan ishni bajaradi.
14. Amaliyot (stajirovka) boʻyicha imtihon amaliyot (stajirovka)ning yakuniy bosqichi hisoblanib, unda talabalar tomonidan amaliyot (stajirovka) oʻtash jarayonida bajarilgan ishlarning natijalari tahlil qilinadi va baholanadi. Amaliyot (stajirovka) boʻyicha imtihon Filial vakillari orasidan tuzilgan komissiya tomonidan yozma ravishda oʻtkaziladi.
Qabul qiluvchi (maxsus) tashkilotning vakili amaliyot (stajirovka) boʻyicha imtihonda Filialdan biriktirilgan amaliyot (stajirovka) rahbari bilan birgalikda qatnashishi mumkin.
15. Talabalarning amaliyot (stajirovka) boʻyicha imtihoni quyidagi baholash mezonlariga asosan amalga oshiriladi:
nazariy va amaliy bilimlari darajasini aniqlash;
berilgan savollarni toʻgʻri tahlil qila olish;
talaba tomonidan amaliyot va stajirovka davomida toʻplangan materiallarning tuzilishi, darajasi va sifati hamda amaliyot (stajirovka) davomida oʻrganilgan masalalarning keng yoritib berilishi.
3-bob. Amaliyot (stajirovka)ni oʻtashda talabaga qoʻyiladigan talablar
16. Talaba:
amaliyot (stajirovka) boʻyicha uslubiy va koʻrsatma materiallar bilan tanishishi va Filialdan biriktirilgan amaliyot (stajirovka) rahbarining tegishli koʻrsatmalarini olishi;
amaliyot (stajirovka)ni tashkil etish va oʻtashni nazorat qilish boʻyicha tadbirlarda ishtirok etishi;
amaliyot (stajirovka)ni oʻtash dasturida nazarda tutilgan barcha topshiriqlarni belgilangan muddatlarda, toʻliq hajmda va sifatli bajarishi;
Filialdan biriktirilgan amaliyot (stajirovka) rahbarining talabi bilan koʻrib chiqish uchun amaliyot (stajirovka) oʻtash toʻgʻrisidagi hisobotini oʻz vaqtida taqdim qilishi;
keyingi oʻquv va amaliy faoliyatda foydalana olishi mumkin boʻlgan materiallar toʻplamini yuritishi;
ichki mehnat tartib qoidalari va qabul qiluvchi (maxsus) tashkilot xodimlari faoliyatini tartibga soluvchi hujjatlarga rioya qilishi shart.
17. Amaliyot (stajirovka) tugaganidan keyin talaba amaliyot (stajirovka) boʻyicha imtihonni oʻtkazish kunida Filialdan biriktirilgan amaliyot (stajirovka) rahbariga oʻtalgan amaliyot (stajirovka) toʻgʻrisida hisobot taqdim etadi.
18. Talaba amaliyot (stajirovka)ni oʻtagandan soʻng Filialda amaliyot (stajirovka) boʻyicha imtihon topshirishga majbur.
19. Talaba amaliyot (stajirovka) oʻtash jarayonida Filialdan biriktirilgan yoki qabul qiluvchi (maxsus) tashkilotdan biriktirilgan amaliyot (stajirovka) rahbarining faoliyatidan norozi boʻlib, asosli sabablar mavjud boʻlganda bu haqda Filialning Tayyorlash kurslari dekaniga murojaat qilishi mumkin.
4-bob. Amaliyot (stajirovka)ni tashkillashtirishning shartlari
20. Amaliyot (stajirovka)ni barcha bosqichlarda tashkil etish talabalar tomonidan kasbiy faoliyatni egallashda uzluksizlik va izchillikni taʼminlashga yoʻnaltirilishi lozim.
21. Professor-oʻqituvchilarning amaliyot (stajirovka)dagi oʻquv yuklamasi oʻquv rejada koʻrsatilgan oʻquv pedagogik soatlar (haftalar)dan va amaliyot (stajirovka)ni oʻtash turidan kelib chiqib aniqlanadi.
22. Amaliyot (stajirovka)ni tashkil etish uchun oldindan Filial direktori tomonidan amaliyot yoki stajirovka muddati va uni oʻtash joyi, moddiy taʼminot, Filialdan biriktirilgan amaliyot (stajirovka) rahbarlarini turar joy bilan taʼminlash, masʼul shaxslar va joʻnatilayotgan talabalarning, Filialdan biriktirilgan amaliyot (stajirovka) rahbarlarining tarkibiy roʻyxati boʻyicha belgilangan buyruq qabul qilinadi.
23. Talabalarni amaliyot (stajirovka) oʻtashga tayyorlash va joy-joyiga taqsimlanishini taʼminlash hamda natijasini muvofiqlashtirish Filialning Tayyorlash kurslari dekanati tomonidan amalga oshiriladi.
24. Filialdan biriktirilgan amaliyot (stajirovka) rahbari:
amaliyot (stajirovka)ga ketayotgan talabalarga amaliyot (stajirovka) oʻtash boʻyicha zarur yoʻl-yoʻriqlar koʻrsatadi;
talabalarning amaliyot (stajirovka) oʻtash joyiga yetib kelishini nazorat qiladi;
qabul qiluvchi (maxsus) tashkilot rahbari hamda biriktirilgan amaliyot (stajirovka) rahbari bilan aloqalar oʻrnatadi;
talabalarga amaliyot (stajirovka)ni oʻtash dasturini bajarish boʻyicha uslubiy yordam koʻrsatadi;
amaliyot (stajirovka)ning butun davri uchun talabalarga individual reja tuzadi, qabul qiluvchi (maxsus) tashkilotdan biriktirilgan amaliyot (stajirovka) rahbari bilan birgalikda ishning hajmi va tarkibini belgilaydi;
amaliyot (stajirovka)ni oʻtash joylariga talabalarni taqsimlashda ishtirok etadi;
amaliyot (stajirovka) muddatlariga va uning tarkibiga rioya qilinishi, shuningdek amaliyot (stajirovka)ni oʻtash dasturi bajarilishining talabalarni amaliyot (stajirovka) oʻtash joylariga borish yoʻli bilan nazorat qiladi;
amaliyot (stajirovka) oʻtayotgan talabaning asosli eʼtirozi yuzasidan qabul qiluvchi (maxsus) tashkilotdan biriktirilgan rahbarni oʻzgartirishni soʻrab Filial rahbariyatiga bildirgi kiritadi;
amaliyot (stajirovka) boʻyicha imtihonda ishtirok etadi.
25. Qabul qiluvchi (maxsus) tashkilot rahbari:
Filial bilan amaliyot (stajirovka)ni tashkil etish va oʻtkazish haqida shartnoma tuzadi;
qabul qiluvchi (maxsus) tashkilotda amaliyot (stajirovka)ni tashkil etish toʻgʻrisida buyruqlar chiqaradi;
malakali va tajribali mutaxassislar orasidan qabul qiluvchi (maxsus) tashkilotda amaliyot (stajirovka) oʻtash uchun masʼul shaxslarni tayinlaydi, shuningdek amaliyot (stajirovka)ni oʻtash dasturida belgilangan tadbirlarni bajarishlari ustidan nazoratni amalga oshiradi;
amaliyot (stajirovka)ni oʻtash dasturiga muvofiq amaliyot (stajirovka) oʻtash uchun sharoitlar yaratadi;
Filial tomonidan qabul qiluvchi (maxsus) tashkilotdan biriktirilgan amaliyot (stajirovka) rahbarini oʻzgartirishni soʻrab qilingan murojaatni oʻrganib chiqib, tegishli qarorlar qabul qiladi.
26. Qabul qiluvchi (maxsus) tashkilotdan biriktirilgan amaliyot (stajirovka) rahbari:
talabalarga texnika xavfsizligi boʻyicha, yongʻin xavfsizligi boʻyicha, shuningdek qabul qiluvchi (maxsus) tashkilotning ichki tartib qoidalari va faoliyatini tartibga soluvchi boshqa lokal hujjatlari hamda ish rejimining xususiyatlari boʻyicha yoʻl-yoʻriq beradi;
qabul qiluvchi (maxsus) tashkilotning belgilangan obyektlari boʻyicha talabalarni taqsimlaydi, uning tuzilishi, faoliyat yoʻnalishlari va oʻziga xos xususiyatlari bilan tanishtiradi;
talabalarga amaliyot (stajirovka)ni oʻtash dasturiga taalluqli materiallardan foydalanish imkoniyatini yaratadi;
talabalar tomonidan amaliyot (stajirovka)ni oʻtash dasturining bajarilishi uchun zarur sharoitlar yaratadi;
talabalarga tizim faoliyati va boshqa masalalar boʻyicha maslahatlar beradi;
bajarilayotgan ish ustidan doimiy nazoratni amalga oshiradi;
talaba ish kunining belgilangan davomiyligiga rioya etilishini taʼminlaydi;
talaba ish vaqtidan samarali foydalanishini taʼminlaydi;
amaliyot va stajirovka oʻtash toʻgʻrisida hisobotni tasdiqlaydi;
Filialdan biriktirilgan amaliyot (stajirovka) rahbarini talaba tomonidan amaliyot (stajirovka)ni oʻtash dasturi bajarilmayotganligi hamda mehnat intizomining buzilish holatlari haqida xabardor qiladi;
Filialdan biriktirilgan amaliyot (stajirovka) rahbari bilan doimiy aloqani ushlab turadi.
Qabul qiluvchi (maxsus) tashkilotdan biriktirilgan amaliyot (stajirovka) rahbari talabaga amaliyot (stajirovka)ni oʻtash dasturi bilan bogʻliq boʻlmagan vazifalarni bajarish topshirigʻini berishi taqiqlanadi.
27. Amaliyot (stajirovka)ning oʻtash joyini belgilash Filial bilan qabul qiluvchi (maxsus) tashkilot oʻrtasidagi shartnomalar asosida amalga oshiriladi.
Filial va qabul qiluvchi (maxsus) tashkilot amaliyot (stajirovka)ni tashkil etish va oʻtkazish boʻyicha shartnomada shartnoma predmetini, taraflarning huquq va majburiyatlarini, amaliyot (stajirovka)ni tashkil etish tartibini, shartnomaning amal qilish muddatini, shartnomani bekor qilish asoslarini, shuningdek taraflarning javobgarligini kelishib oladi.
28. Amaliyot (stajirovka) boshlanishi vaqtidan boshlab talabalarga qabul qiluvchi (maxsus) tashkilotda belgilangan tartibda tanishtirilishi shart boʻlgan mehnatni muhofaza qilish qoidalari va ichki mehnat tartibi qoidalari hamda qabul qiluvchi (maxsus) tashkilotda amalda boʻlgan boshqa hujjatlar tatbiq qilinadi.
29. Amaliyot (stajirovka) boʻyicha qoʻyilayotgan baho taʼlim boʻyicha baholarga tenglashtiriladi va talabalar umumiy oʻzlashtirishining yakunlarini chiqarishda inobatga olinadi.
30. Amaliyot (stajirovka) yakunlari boʻyicha qoniqarsiz baho olinishi talabani akademik qarzdor sifatida tegishli oʻquv kursida qoldirish uchun asos boʻlib xizmat qiladi.
Uzrli sabablarsiz amaliyot (stajirovka)ga kelmaslik oʻquv intizomini buzish sifatida talabani belgilangan tartibda Filial talabalari safidan chetlashtirilishiga asos boʻlib xizmat qiladi.
5-bob. Moddiy taʼminot
31. Amaliyot va stajirovkani oʻtash davrida talabalarda stipendiya olish huquqi saqlanib qoladi.
32. Filialdan biriktirilgan amaliyot (stajirovka) rahbarlarining Filial joylashgan joydan amaliyot (stajirovka)ni oʻtash joyigacha borish bilan bogʻliq boʻlgan xizmat safarlari xarajatlari, shu jumladan yashash va sutkalik xarajatlar, oʻrnatilgan tartibda Filialning budjetdan tashqari mablagʻlari hisobidan toʻlanadi.
6-bob. Yakuniy qoida
33. Mazkur Nizom Toshkent davlat yuridik universiteti bilan kelishildi.
Adliya vaziri R. DAVLETOV
Ichki ishlar vaziri P. BOBOJONOV
Milliy gvardiya qoʻmondoni B. TASHMATOV
Adliya vaziri oʻrinbosari — Toshkent davlat yuridik universiteti rektori E. KANYAZOV
Toshkent sh.,
2019-yil 22-iyul,
Toshkent sh.,
2019-yil 22-iyul,
Toshkent sh.,
2019-yil 22-iyul,
2019-yil 19-iyul
5-son
58QQ-son
17-son