UzbekAI

Ўзбекистон Республикаси Вазирлар Маҳкамасининг

фармойиши

ТАРКИБИ

Давлатимиз мустақиллигининг йигирма саккиз йиллик байрамини муносиб нишонлашга тайёргарлик кўриш, юртимизда амалга оширилаётган бунёдкорлик ишларида аҳолининг даҳлдорлик ҳиссини шакллантириш, халқимиз орасида миллий қадриятларимизга хос бўлган ўзаро меҳр-оқибат ва ҳамжиҳатликни янада кучайтириш, беғараз ёрдам, меҳр-мурувват каби эзгу фазилатларни юксалтириш, ёшларимизни ватанпарвар ва фидоий этиб тарбиялаш, маҳаллалар, аҳоли турар жойларини ободонлаштириш ва тозалик, республиканинг барча ҳудудларида санитария ҳолатини яхшилаш ҳамда 2019 йил «Фаол инвестициялар ва ижтимоий ривожланиш йили» Давлат дастурида назарда тутилган вазифаларни амалга ошириш мақсадида:

1. Ўзбекистон «Маҳалла» хайрия жамоат фонди, Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси, Ўзбекистон ёшлар иттифоқи, Ўзбекистон Республикаси Уй-жой коммунал хизмат кўрсатиш вазирлиги, маҳаллий давлат ҳокимияти органлари, жамоатчилик вакилларининг 2019 йилнинг 15 — 30 август кунлари мамлакатимизнинг барча ҳудудларида ободонлаштириш ва тозалик ойлиги деб эълон қилиш ҳамда 17-18 август кунлари умумхалқ хайрия ҳашарини ўтказиш тўғрисидаги таклифлари маъқуллансин.

2. 2019 йилнинг 15 — 30 август кунлари ободонлаштириш ва тозалик ойлиги ҳамда 17-18 август кунлари умумхалқ хайрия ҳашарини ўтказиш бўйича ишчи гуруҳи таркиби иловага мувофиқ тасдиқлансин.

3. Ишчи гуруҳи (А. Раматов), Ўзбекистон «Маҳалла» хайрия жамоат фонди, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ободонлаштириш ва тозалик ойлиги ҳамда умумхалқ хайрия ҳашарини ўтказиш доирасида қуйидаги тадбирларни амалга оширишни назарда тутсинлар:

маҳаллалар, аҳоли пунктлари, кўп қаватли уйлар ва бинолар, таълим муассасалари, ҳовлилар атрофи, гузарлар, хиёбонлар, зиёратгоҳлар ва қабристонлар, ариқлар, кўча ва йўлакларни ҳамда болалар майдончаларини тартибга келтириш, дарахтларни оқлаш ва шакл бериш;

ижтимоий ҳимояга муҳтож кексалар, пенсионерлар ва ногиронлар, ёлғиз қариялар, кам таъминланган ва боқувчисини йўқотган оилаларнинг уй-жой шароитларини яхшилашга кўмаклашиш;

жойларда ободонлаштириш жараёнида тўпланган чиқиндиларнинг маҳаллий давлат ҳокимияти органлари ва бошқа мутасадди идоралар томонидан алоҳида белгиланган жойларга олиб чиқилишини таъминлаш;

умумхалқ хайрия ҳашари қатнашчиларини зарур техника воситалари ва анжомлар билан таъминлаш.

4. Фуқароларнинг ўзини ўзи бошкариш органлари фаолиятини мувофиқлаштириш бўйича республика кенгаши, Ўзбекистон ёшлар иттифоқи ва маҳаллий давлат ҳокимияти органларига ободонлаштириш ва тозалик ойлиги ҳамда умумхалк хайрия ҳашарини ўтказиш тадбирларига фуқароларнинг ўзини ўзи бошқариш органлари, хусусий уй-жой мулкдорлари ширкатлари, ҳарбий қисмлар ва бошқа ташкилотларни, шунингдек, республиканинг барча аҳолисини, айниқса, ёшларни кенг жалб қилиш чораларини кўриш тавсия этилсин.

5. Умумхалқ хайрия ҳашари муносабати билан вазирликлар, идоралар ва бошқа ташкилотларда меҳнат қилаётган ходимларнинг ихтиёрий маблағлари Ўзбекистон «Маҳалла» хайрия жамоат фондининг республика бошқаруви ҳамда Қорақалпоғистон Республикаси, вилоятлар ва Тошкент шаҳар бўлими, туман ва шаҳар бўлинмалари бошқарувларининг банкдаги ҳисоб рақамларига ўз ташаббусига кўра ўтказилиши белгилаб қўйилсин.

6. Ўзбекистон «Маҳалла» хайрия жамоат фонди умумхалқ хайрия ҳашаридан тушган маблағларни 2019 йил «Фаол инвестициялар ва ижтимоий ривожланиш йили» Давлат дастурида белгиланган тадбирларни амалга ошириш, кам таъминланган, боқувчисини йўқотган оилаларга, ижтимоий ҳимояга муҳтож кексалар, ногиронлар ва ёлғиз қарияларга, пенсионерларга моддий ва маънавий ёрдам кўрсатиш, уй хўжалиги ишларига кўмаклашишда қўллаб-қувватлаш, фуқаролар йиғинларининг моддий-техника базасини яхшилаш, Фуқароларнинг ўзини ўзи бошқариш органлари фаолиятини мувофиқлаштириш бўйича республика ва ҳудудий кенгашларни қўллаб-қувватлаш каби тадбирларга сарфланишини назарда тутсин.

7. Ўзбекистон Республикаси Ички ишлар вазирлиги ободонлаштириш ва тозалик ойлиги давомида, айниқса умумхалқ хайрия ҳашари кунлари жамоат тартибини сақлаш ва йўл ҳаракати хавфсизлигини таъминлаш чораларини кўрсин ҳамда техник жиҳатдан соз бўлган техника воситаларидан фойдаланишни назоратга олсин.

8. Ўзбекистон миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига 17-18 август кунлари ўтказиладиган умумхалқ хайрия ҳашарини ҳамда ободонлаштириш ва тозалик ойлигининг боришини кенг ёритиш тавсия этилсин.

9. Мазкур фармойишнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов зиммасига юклансин.

Вазирлар Маҳкамасининг 2019 йил 10 августдаги 672-Ф-сон фармойишига ИЛОВА

2019 йилнинг 15 — 30 август кунлари ободонлаштириш ва тозалик ойлиги ҳамда 17-18 август кунлари умумҳалқ хайрия ҳашарини ўтказиш бўйича ишчи гуруҳи

1. А.Ж. Раматов — Ўзбекистон Республикаси Бош вазирининг биринчи ўринбосари — транспорт вазири, ишчи гуруҳи раҳбари 2. Ш.С. Жавлонов — Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши бошқаруви раиси, ишчи гуруҳи раҳбарининг ўринбосари 3. И.У. Маджидов — олий ва ўрта махсус таълим вазири 4. А.Қ. Шадманов — соғлиқни сақлаш вазири 5. М.Х. Салиев — уй-жой коммунал хизмат кўрсатиш вазири 6. О.Р. Исаков — молия вазири ўринбосари 7. М.У. Жўраев — ички ишлар вазири ўринбосари 8. Ш.И. Жалилов — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси раиси 9. А.З. Саъдуллаев — Ўзбекистон ёшлар иттифоқи марказий кенгаши раисининг биринчи ўринбосари 10. Б.Х. Махмадалиев — Ўзбекистон Касаба уюшмалари федерацияси кенгаши раиси ўринбосари 11. лавозими бўйича — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосарлари 12. Ж.Э. Узаков — Вазирлар Маҳкамасининг масъул ходими, ишчи гуруҳи масъул котиби

Ўзбекистон Республикасининг Бош вазири А. АРИПОВ

Тошкент ш.,

2019 йил 10 август,

672-Ф-сон

lex.uz

Oʻzbekiston Respublikasi Vazirlar Mahkamasining

farmoyishi

TARKIBI

Davlatimiz mustaqilligining yigirma sakkiz yillik bayramini munosib nishonlashga tayyorgarlik koʻrish, yurtimizda amalga oshirilayotgan bunyodkorlik ishlarida aholining dahldorlik hissini shakllantirish, xalqimiz orasida milliy qadriyatlarimizga xos boʻlgan oʻzaro mehr-oqibat va hamjihatlikni yanada kuchaytirish, begʻaraz yordam, mehr-muruvvat kabi ezgu fazilatlarni yuksaltirish, yoshlarimizni vatanparvar va fidoiy etib tarbiyalash, mahallalar, aholi turar joylarini obodonlashtirish va tozalik, respublikaning barcha hududlarida sanitariya holatini yaxshilash hamda 2019-yil “Faol investitsiyalar va ijtimoiy rivojlanish yili” Davlat dasturida nazarda tutilgan vazifalarni amalga oshirish maqsadida:

1. Oʻzbekiston “Mahalla” xayriya jamoat fondi, Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi, Oʻzbekiston yoshlar ittifoqi, Oʻzbekiston Respublikasi Uy-joy kommunal xizmat koʻrsatish vazirligi, mahalliy davlat hokimiyati organlari, jamoatchilik vakillarining 2019-yilning 15 — 30-avgust kunlari mamlakatimizning barcha hududlarida obodonlashtirish va tozalik oyligi deb eʼlon qilish hamda 17-18-avgust kunlari umumxalq xayriya hasharini oʻtkazish toʻgʻrisidagi takliflari maʼqullansin.

2. 2019-yilning 15 — 30-avgust kunlari obodonlashtirish va tozalik oyligi hamda 17-18-avgust kunlari umumxalq xayriya hasharini oʻtkazish boʻyicha ishchi guruhi tarkibi ilovaga muvofiq tasdiqlansin.

3. Ishchi guruhi (A. Ramatov), Oʻzbekiston “Mahalla” xayriya jamoat fondi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari obodonlashtirish va tozalik oyligi hamda umumxalq xayriya hasharini oʻtkazish doirasida quyidagi tadbirlarni amalga oshirishni nazarda tutsinlar:

mahallalar, aholi punktlari, koʻp qavatli uylar va binolar, taʼlim muassasalari, hovlilar atrofi, guzarlar, xiyobonlar, ziyoratgohlar va qabristonlar, ariqlar, koʻcha va yoʻlaklarni hamda bolalar maydonchalarini tartibga keltirish, daraxtlarni oqlash va shakl berish;

ijtimoiy himoyaga muhtoj keksalar, pensionyerlar va nogironlar, yolgʻiz qariyalar, kam taʼminlangan va boquvchisini yoʻqotgan oilalarning uy-joy sharoitlarini yaxshilashga koʻmaklashish;

joylarda obodonlashtirish jarayonida toʻplangan chiqindilarning mahalliy davlat hokimiyati organlari va boshqa mutasaddi idoralar tomonidan alohida belgilangan joylarga olib chiqilishini taʼminlash;

umumxalq xayriya hashari qatnashchilarini zarur texnika vositalari va anjomlar bilan taʼminlash.

4. Fuqarolarning oʻzini oʻzi boshkarish organlari faoliyatini muvofiqlashtirish boʻyicha respublika kengashi, Oʻzbekiston yoshlar ittifoqi va mahalliy davlat hokimiyati organlariga obodonlashtirish va tozalik oyligi hamda umumxalk xayriya hasharini oʻtkazish tadbirlariga fuqarolarning oʻzini oʻzi boshqarish organlari, xususiy uy-joy mulkdorlari shirkatlari, harbiy qismlar va boshqa tashkilotlarni, shuningdek, respublikaning barcha aholisini, ayniqsa, yoshlarni keng jalb qilish choralarini koʻrish tavsiya etilsin.

5. Umumxalq xayriya hashari munosabati bilan vazirliklar, idoralar va boshqa tashkilotlarda mehnat qilayotgan xodimlarning ixtiyoriy mablagʻlari Oʻzbekiston “Mahalla” xayriya jamoat fondining respublika boshqaruvi hamda Qoraqalpogʻiston Respublikasi, viloyatlar va Toshkent shahar boʻlimi, tuman va shahar boʻlinmalari boshqaruvlarining bankdagi hisob raqamlariga oʻz tashabbusiga koʻra oʻtkazilishi belgilab qoʻyilsin.

6. Oʻzbekiston “Mahalla” xayriya jamoat fondi umumxalq xayriya hasharidan tushgan mablagʻlarni 2019-yil “Faol investitsiyalar va ijtimoiy rivojlanish yili” Davlat dasturida belgilangan tadbirlarni amalga oshirish, kam taʼminlangan, boquvchisini yoʻqotgan oilalarga, ijtimoiy himoyaga muhtoj keksalar, nogironlar va yolgʻiz qariyalarga, pensionyerlarga moddiy va maʼnaviy yordam koʻrsatish, uy xoʻjaligi ishlariga koʻmaklashishda qoʻllab-quvvatlash, fuqarolar yigʻinlarining moddiy-texnika bazasini yaxshilash, Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika va hududiy kengashlarni qoʻllab-quvvatlash kabi tadbirlarga sarflanishini nazarda tutsin.

7. Oʻzbekiston Respublikasi Ichki ishlar vazirligi obodonlashtirish va tozalik oyligi davomida, ayniqsa umumxalq xayriya hashari kunlari jamoat tartibini saqlash va yoʻl harakati xavfsizligini taʼminlash choralarini koʻrsin hamda texnik jihatdan soz boʻlgan texnika vositalaridan foydalanishni nazoratga olsin.

8. Oʻzbekiston milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga 17-18-avgust kunlari oʻtkaziladigan umumxalq xayriya hasharini hamda obodonlashtirish va tozalik oyligining borishini keng yoritish tavsiya etilsin.

9. Mazkur farmoyishning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov zimmasiga yuklansin.

Vazirlar Mahkamasining 2019-yil 10-avgustdagi 672-F-son farmoyishiga ILOVA

2019-yilning 15 — 30-avgust kunlari obodonlashtirish va tozalik oyligi hamda 17-18-avgust kunlari umumhalq xayriya hasharini oʻtkazish boʻyicha ishchi guruhi

1. A.J. Ramatov — Oʻzbekiston Respublikasi Bosh vazirining birinchi oʻrinbosari — transport vaziri, ishchi guruhi rahbari 2. Sh.S. Javlonov — Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi boshqaruvi raisi, ishchi guruhi rahbarining oʻrinbosari 3. I.U. Madjidov — oliy va oʻrta maxsus taʼlim vaziri 4. A.Q. Shadmanov — sogʻliqni saqlash vaziri 5. M.X. Saliyev — uy-joy kommunal xizmat koʻrsatish vaziri 6. O.R. Isakov — moliya vaziri oʻrinbosari 7. M.U. Joʻrayev — ichki ishlar vaziri oʻrinbosari 8. Sh.I. Jalilov — Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi raisi 9. A.Z. Saʼdullayev — Oʻzbekiston yoshlar ittifoqi markaziy kengashi raisining birinchi oʻrinbosari 10. B.X. Maxmadaliyev — Oʻzbekiston Kasaba uyushmalari federatsiyasi kengashi raisi oʻrinbosari 11. lavozimi boʻyicha — Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining sanoatni rivojlantirish, kapital qurilish, kommunikatsiyalar va ko�munal xoʻjalik masalalari boʻyicha oʻrinbosarlari 12. J.E. Uzakov — Vazirlar Mahkamasining masʼul xodimi, ishchi guruhi masʼul kotibi

Oʻzbekiston Respublikasining Bosh vaziri A. ARIPOV

Toshkent sh.,

2019-yil 10-avgust,

672-F-son

lex.uz