UzbekAI

Ўзбекистон Республикаси Давлат божхона қўмитаси Ўзбекистон Республикаси Молия вазирлигининг

қарори

Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низомга ўзгартириш ва қўшимчалар киритиш ҳақида

Ўзбекистон Республикаси Президентининг 2019 йил 21 майдаги ПФ-5723-сон «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида»ги Фармони ва Ўзбекистон Республикаси Вазирлар Маҳкамасининг 2019 йил 29 апрелдаги 365-сон «Ўзбекистон Республикаси Давлат божхона қўмитасининг Божхона институти бакалавриати ва магистратурасига ўқишга қабул қилиш тартиби тўғрисидаги низомларни тасдиқлаш ҳақида»ги қарорига мувофиқ Ўзбекистон Республикаси Давлат божхона қўмитаси ва Молия вазирлиги қарор қилади:

1. Ўзбекистон Республикаси Давлат божхона қўмитаси ва Молия вазирлигининг 2018 йил 30 ноябрдаги 01-02/13-70, 155-сон қарори (рўйхат рақами 3125, 2019 йил 21 январь) (Ўзбекистон Республикаси қонун ҳужжатлари тўплами, 2019 й., 4-сон, 64-модда) билан тасдиқланган Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

Ўзгартириш ва қўшимчаларнинг 3-банди 2019 йил 1 сентябрдан кучга киради.

Ўзбекистон Республикаси Давлат божхона қўмитаси ва Молия вазирлигининг 2019 йил 19 июлдаги 01-02/13-47, 86-сон қарорига ИЛОВА

Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низомга киритилаётган ўзгартириш ва қўшимчалар

1. 1-банд қуйидаги таҳрирда баён этилсин:

«1. Мазкур Низом Институтда Ўзбекистон Республикаси Давлат бюджети (бундан буён матнда давлат бюджети деб юритилади) ва Ўзбекистон Республикаси Давлат божхона қўмитаси (бундан буён матнда ДБҚ деб юритилади) маблағлари ҳисобидан ўқиётган, уни тамомлаб мажбурий хизмат ўташ учун давлат божхона хизмати органларига, шунингдек ДБҚ томонидан бошқа давлат идораларига юборилган шахсларга нисбатан татбиқ этилади.».

2. 4-банднинг биринчи хатбошиси қуйидаги таҳрирда баён этилсин:

«4. Институтга ўқишга киришидан олдин (дастлабки танлов даврида) номзодлар ва уларнинг ота-оналари ёки уларнинг ўрнини босувчи шахслар номзод Институтга ўқишга қабул қилингандан сўнг давлат божхона хизмати органларида мажбурий хизматни ўташ ҳақида шартнома имзолаши, шартнома шартларини бажариши, шунингдек, курсантлар сафидан чиқарилса ёки ўқишни тамомлагандан сўнг беш йил ичида хизматдан бўшатилса, шартномани муддатдан илгари бекор қилса ёки жиноят содир этиб жавобгарликка тортилса, ўқиш даврида унга сарфланган барча бюджет маблағларини қоплаши бўйича моддий жавобгарлик тўғрисида ёзма равишда огоҳлантирилади.».

3. 9-банддаги «энг кам ойлик иш ҳақининг« деган сўзлар «базавий ҳисоблаш миқдорининг» деган сўзлар билан алмаштирилсин.

4. 12-банд «маблағлар» деган сўздан кейин «ўқишдан четлаштириш ёки» деган сўзлар билан тўлдирилсин.

5. 16-банд қуйидаги таҳрирда баён этилсин:

«16. Қопланиши лозим бўлган маблағларни тўлаган ходим (курсант) хизматга тикланган (курсантлар сафига қайтарилган) ёки қайта қабул қилинган тақдирда ундан ундирилган пул маблағлари тўлиқ қайтарилади.».

6. 17-банд қуйидаги мазмундаги хатбоши билан тўлдирилсин:

«курсантларнинг ўқиши бошқа олий ҳарбий таълим муассасаларига кўчирилганда.».

7. 1-илова мазкур ўзгартириш ва қўшимчаларнинг иловасига мувофиқ таҳрирда баён этилсин.

Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низомга киритилаётган ўзгартириш ва қўшимчаларга ИЛОВА

«Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низомга 1-ИЛОВА

‎ ‎ ‎ ‎ ‎‎Т И Л Х А Т ‎ ‎ ‎ ‎ ‎‎Мен, ‎_______________________________________________________________________________ ‎ ‎ ‎ ‎ ‎‎(Ф.И.О.) ‎ ‎ ‎ ‎ Ўзбекистон Республикаси Давлат божхона қўмитасининг Божхона институтига ўқишга қабул қилинсам, давлат божхона хизмати органларида мажбурий хизматни ўташ ҳақида шартнома имзолаш, шартнома шартларини бажариш, шунингдек курсантлар сафидан чиқарилсам ёки ўқишни тамомлаганимдан сўнг беш йил ичида интизомий жазо чораси сифатида хизматдан бўшатилсам, шартномани муддатидан илгари бекор қилсам ёки жиноят содир этиб жавобгарликка тортилсам, ўқиш даврида менга сарфланган барча маблағларни қоплаш бўйича моддий жавобгарлигим тўғрисида огоҳлантирилдим. ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎‎ ‎ ‎ ________________________ ‎‎ ‎ ‎ (Имзо) ‎‎ ‎ ‎ (Ф.И.О.) ‎ ‎‎20_____ йил «_____» ______________ ‎ Биз, ________________________________________________________________________________ ‎ ‎‎(Ф.И.О.) ‎‎Ўзбекистон Республикаси Давлат божхона қўмитасининг Божхона институтига ўқишга киришга номзоднинг ота-онаси (фарзандликка олувчи ва васийи), фарзандимиз _______________________ ‎‎___________________________________________________________________________________ ‎‎ (Ф.И.О.) ўқишга қабул қилинса, давлат божхона хизмати органларида мажбурий хизматни ўташ ҳақида шартнома имзолаш, шартнома шартларини бажариш, шунингдек курсантлар сафидан чиқарилса ёки ўқишни тамомлаганидан сўнг беш йил ичида интизомий жазо чораси сифатида хизматдан бўшатилса, шартномани муддатидан илгари бекор қилса ёки жиноят содир этиб жавобгарликка тортилса, ўқиш даврида унга сарфланган барча маблағларни қоплаш бўйича моддий жавобгарлигимиз тўғрисида огоҳлантирилдик. ‎ ‎ ‎ ‎ ‎ ‎ ‎ ‎ ‎ ‎ ‎ ‎‎________________________ ‎ ‎ ________________________ ‎‎ ‎ ‎ (имзо) ‎‎ ‎ ‎ (Ф.И.О.)‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________ ‎‎ ‎ ‎ ________________________ ‎‎ ‎ ‎ (имзо) ‎ ‎ ‎(Ф.И.О.) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ 20____ йил «_____» ______________». ‎ ‎ ‎ ‎ ‎ ‎

Давлат божхона қўмитаси раиси М. АЗИМОВ

Молия вазири Д. КУЧКАРОВ

Тошкент ш.,

2019 йил 19 июль,

Тошкент ш.,

2019 йил 19 июль,

01-02/13-47-сон

86-сон

(Қонун ҳужжатлари маълумотлари миллий базаси, 19.08.2019 й., 10/19/3125-1/3584-сон)

lex.uz

Oʻzbekiston Respublikasi Davlat bojxona qoʻmitasi Oʻzbekiston Respublikasi Moliya vazirligining

qarori

Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizomga oʻzgartirish va qoʻshimchalar kiritish haqida

Oʻzbekiston Respublikasi Prezidentining 2019-yil 21-maydagi PF-5723-son “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida”gi Farmoni va Oʻzbekiston Respublikasi Vazirlar Mahkamasining 2019-yil 29-apreldagi 365-son “Oʻzbekiston Respublikasi Davlat bojxona qoʻmitasining Bojxona instituti bakalavriati va magistraturasiga oʻqishga qabul qilish tartibi toʻgʻrisidagi nizomlarni tasdiqlash haqida”gi qaroriga muvofiq Oʻzbekiston Respublikasi Davlat bojxona qoʻmitasi va Moliya vazirligi qaror qiladi:

1. Oʻzbekiston Respublikasi Davlat bojxona qoʻmitasi va Moliya vazirligining 2018-yil 30-noyabrdagi 01-02/13-70, 155-son qarori (roʻyxat raqami 3125, 2019-yil 21-yanvar) (Oʻzbekiston Respublikasi qonun hujjatlari toʻplami, 2019-y., 4-son, 64-modda) bilan tasdiqlangan Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzgartirish va qoʻshimchalarning 3-bandi 2019-yil 1-sentabrdan kuchga kiradi.

Oʻzbekiston Respublikasi Davlat bojxona qoʻmitasi va Moliya vazirligining 2019-yil 19-iyuldagi 01-02/13-47, 86-son qaroriga ILOVA

Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizomga kiritilayotgan oʻzgartirish va qoʻshimchalar

1. 1-band quyidagi tahrirda bayon etilsin:

“1. Mazkur Nizom Institutda Oʻzbekiston Respublikasi Davlat budjeti (bundan buyon matnda davlat budjeti deb yuritiladi) va Oʻzbekiston Respublikasi Davlat bojxona qoʻmitasi (bundan buyon matnda DBQ deb yuritiladi) mablagʻlari hisobidan oʻqiyotgan, uni tamomlab majburiy xizmat oʻtash uchun davlat bojxona xizmati organlariga, shuningdek DBQ tomonidan boshqa davlat idoralariga yuborilgan shaxslarga nisbatan tatbiq etiladi.”.

2. 4-bandning birinchi xatboshisi quyidagi tahrirda bayon etilsin:

“4. Institutga oʻqishga kirishidan oldin (dastlabki tanlov davrida) nomzodlar va ularning ota-onalari yoki ularning oʻrnini bosuvchi shaxslar nomzod Institutga oʻqishga qabul qilingandan soʻng davlat bojxona xizmati organlarida majburiy xizmatni oʻtash haqida shartnoma imzolashi, shartnoma shartlarini bajarishi, shuningdek, kursantlar safidan chiqarilsa yoki oʻqishni tamomlagandan soʻng besh yil ichida xizmatdan boʻshatilsa, shartnomani muddatdan ilgari bekor qilsa yoki jinoyat sodir etib javobgarlikka tortilsa, oʻqish davrida unga sarflangan barcha budjet mablagʻlarini qoplashi boʻyicha moddiy javobgarlik toʻgʻrisida yozma ravishda ogohlantiriladi.”.

3. 9-banddagi “eng kam oylik ish haqining“ degan soʻzlar “bazaviy hisoblash miqdorining” degan soʻzlar bilan almashtirilsin.

4. 12-band “mablagʻlar” degan soʻzdan keyin “oʻqishdan chetlashtirish yoki” degan soʻzlar bilan toʻldirilsin.

5. 16-band quyidagi tahrirda bayon etilsin:

“16. Qoplanishi lozim boʻlgan mablagʻlarni toʻlagan xodim (kursant) xizmatga tiklangan (kursantlar safiga qaytarilgan) yoki qayta qabul qilingan taqdirda undan undirilgan pul mablagʻlari toʻliq qaytariladi.”.

6. 17-band quyidagi mazmundagi xatboshi bilan toʻldirilsin:

“kursantlarning oʻqishi boshqa oliy harbiy taʼlim muassasalariga koʻchirilganda.”.

7. 1-ilova mazkur oʻzgartirish va qoʻshimchalarning ilovasiga muvofiq tahrirda bayon etilsin.

Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizomga kiritilayotgan oʻzgartirish va qoʻshimchalarga ILOVA

“Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizomga 1-ILOVA

‎ ‎ ‎ ‎ ‎‎T I L X A T ‎ ‎ ‎ ‎ ‎‎Men, ‎_______________________________________________________________________________ ‎ ‎ ‎ ‎ ‎‎(F.I.O.) ‎ ‎ ‎ ‎ Oʻzbekiston Respublikasi Davlat bojxona qoʻmitasining Bojxona institutiga oʻqishga qabul qilinsam, davlat bojxona xizmati organlarida majburiy xizmatni oʻtash haqida shartnoma imzolash, shartnoma shartlarini bajarish, shuningdek kursantlar safidan chiqarilsam yoki oʻqishni tamomlaganimdan soʻng besh yil ichida intizomiy jazo chorasi sifatida xizmatdan boʻshatilsam, shartnomani muddatidan ilgari bekor qilsam yoki jinoyat sodir etib javobgarlikka tortilsam, oʻqish davrida menga sarflangan barcha mablagʻlarni qoplash boʻyicha moddiy javobgarligim toʻgʻrisida ogohlantirildim. ‎ ‎ ‎ ‎ ‎ ‎ ‎ ‎ ‎ ‎ ‎ _______________________ ‎‎ ‎ ‎ ________________________ ‎‎ ‎ ‎ (Imzo) ‎‎ ‎ ‎ (F.I.O.) ‎ ‎‎20_____ yil “_____” ______________ ‎ Biz, ________________________________________________________________________________ ‎ ‎‎(F.I.O.) ‎‎Oʻzbekiston Respublikasi Davlat bojxona qoʻmitasining Bojxona institutiga oʻqishga kirishga nomzodning ota-onasi (farzandlikka oluvchi va vasiyi), farzandimiz _______________________ ‎‎___________________________________________________________________________________ ‎‎ (F.I.O.) oʻqishga qabul qilinsa, davlat bojxona xizmati organlarida majburiy xizmatni oʻtash haqida shartnoma imzolash, shartnoma shartlarini bajarish, shuningdek kursantlar safidan chiqarilsa yoki oʻqishni tamomlaganidan soʻng besh yil ichida intizomiy jazo chorasi sifatida xizmatdan boʻshatilsa, shartnomani muddatidan ilgari bekor qilsa yoki jinoyat sodir etib javobgarlikka tortilsa, oʻqish davrida unga sarflangan barcha mablagʻlarni qoplash boʻyicha moddiy javobgarligimiz toʻgʻrisida ogohlantirildik. ‎ ‎ ‎ ‎ ‎ ‎ ‎ ‎ ‎ ‎ ‎ ‎‎________________________ ‎ ‎ ________________________ ‎‎ ‎ ‎ (imzo) ‎‎ ‎ ‎ (F.I.O.)‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________ ‎‎ ‎ ‎ ________________________ ‎‎ ‎ ‎ (imzo) ‎ ‎ ‎(F.I.O.) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ 20____ yil “_____” ______________”. ‎ ‎ ‎ ‎ ‎ ‎

Davlat bojxona qoʻmitasi raisi M. AZIMOV

Moliya vaziri D. KUCHKAROV

Toshkent sh.,

2019-yil 19-iyul,

Toshkent sh.,

2019-yil 19-iyul,

01-02/13-47-son

86-son

(Qonun hujjatlari maʼlumotlari milliy bazasi, 19.08.2019-y., 10/19/3125-1/3584-son)

lex.uz