📅 2019-yil 19-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 19 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 августа 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 19 August 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
АСОСИЙ ПАРАМЕТРЛАРИ
Наманган вилоятида мактабгача таълим ташкилотларининг моддий-техник базасини мустаҳкамлаш ва болаларни мактабгача таълимга қамраб олишни кучайтириш чора-тадбирлари тўғрисида
Мактабгача таълим ташкилотларининг моддий-техник базасини мустаҳкамлаш ва мактабгача ёшдаги болаларни мактабгача таълимга қамраб олишни кучайтириш мақсадида Вазирлар Маҳкамаси қарор қилади:
1. Наманган вилояти ҳокимлиги томонидан Ўзбекистон Республикаси Мактабгача таълим вазирлиги, Иқтисодиёт ва саноат вазирлиги, Инвестициялар ва ташқи савдо вазирлиги билан биргаликда ишлаб чиқилган 2020 ― 2022 йилларда Наманган вилоятида мактабгача таълим ташкилоти мавжуд бўлмаган маҳалла фуқаролар йиғинларида ташкил этиладиган давлат мактабгача таълим ташкилотларини қуришнинг асосий параметрлари иловага мувофиқ тасдиқлансин.
Белгилансинки, мазкур маҳалла фуқаролар йиғинларида ташкил этиладиган давлат мактабгача таълим ташкилотларида болалар таъминоти учун ота-оналар бадал пули ташкилот фаолияти йўлга қўйилган кундан бошлаб 5 йил давомида 50 фоиз миқдорида ўрнатилади.
2. Ўзбекистон Республикаси Иқтисодиёт ва саноат вазирлиги Инвестициялар ва ташқи савдо вазирлиги, Мактабгача таълим вазирлиги ҳамда манфаатдор вазирликлар ва идоралар билан биргаликда тасдиқланган лойиҳа-смета ҳужжатларига асосан Ўзбекистон Республикаси Инвестиция дастурининг 2020 йил ва кейинги йиллар учун параметрларини шакллантиришда мазкур қарор билан тасдиқланган мактабгача таълим ташкилотлари қурилишини белгиланган тартибда киритилишини таъминласинлар.
3. Ўзбекистон Республикаси Молия вазирлиги Ўзбекистон Республикасининг 2020 йил ва кейинги йиллар учун бюджет параметрларини шакллантиришда ушбу қарорда белгиланган мактабгача таълим ташкилотлари таъминоти учун зарур маблағларни ажратилишини назарда тутсин.
4. Белгилаб қўйилсинки:
давлат мактабгача таълим ташкилотларини қуриш энергия самарадорлиги ва энергия тежамкорлиги стандартларини қўллаган ҳолда, қатъий намунавий лойиҳага асосланади;
ташқи муҳандислик алоқа тармоқлари ва ички автомобиль йўллари, бунёд этилаётган объектлар ҳудудидан ўтувчи сув таъминоти ва оқава сув тармоқлари қурилиши Наманган вилояти ҳокимлиги маҳаллий бюджети маблағлари ҳисобидан амалга оширилади.
5. Мактабгача таълим ташкилотларининг бино ва иншоотларини қуриш бўйича:
Ўзбекистон Республикаси Мактабгача таълим вазирлиги ҳузуридаги «Инфратузилмани ривожлантириш инжиниринг компанияси» давлат унитар корхонаси ― буюртмачи этиб белгилансин;
бош лойиҳа ва бош пудратчи ташкилот белгиланган тартибда тендер (танлов) натижасида аниқлансин.
6. Ўзбекистон Республикаси Қурилиш вазирлиги белгиланган тартибда лойиҳа-смета ҳужжатларини давлат экспертизасидан ўтказсин ва қурилиш-монтаж ишларининг сифати устидан давлат архитектура-қурилиш назоратини ўрнатсин.
7. Ушбу қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари ― транспорт вазири А.Ж. Раматов ва Наманган вилояти ҳокими Х.Х. Бозаров зиммасига юклансин.
Вазирлар Маҳкамасининг 2019 йил 19 августдаги 696-сон қарорига ИЛОВА
2020 ― 2022 йилларда Наманган вилоятида мактабгача таълим ташкилоти мавжуд бўлмаган маҳалла фуқаролар йиғинларида ташкил этиладиган давлат мактабгача таълим ташкилотларини қуришнинг
Т/р Мактабгача таълим ташкилоти қурилиши режалаштирилаётган маҳалла фуқаролар йиғини номи 3 ― 7 ёшли болалар сони Мактабгача таълим ташкилоти сиғими Қуриш муддати Ҳисобланган қиймати (млн сўм) 1. Наманган шаҳар « Ғишткўприк » МФЙ 352 180 2020 йил 5 580,0 2. Наманган шаҳар « Сумалак гузари » МФЙ 380 180 2020 йил 4860,0 3. Наманган шаҳар «Учқун» МФЙ 549 240 2020 йил 6720,0 4. Наманган шаҳар «Мажнунтол» МФЙ 401 240 2020 йил 6720,0 5. Наманган туман «Хўжақишлоқ» МФЙ 385 180 2020 йил 5400,0 6. Уйчи туман «Чуртук» МФЙ 480 240 2020 йил 6720,0 7. Наманган шаҳар «Шаршара» МФЙ 389 180 2021 йил 5 220,0 8. Наманган шаҳар «Янги қурилиш» МФЙ 624 240 2021 йил 6720,0 9. Наманган шаҳар «Наманган шаҳар» МФЙ 197 120 2021 йил 3360,0 10. Косонсой туман «Чиндовул» МФЙ 492 240 2021 йил 6720,0 11. Наманган туман «Ибрат» МФЙ 382 180 2021 йил 5220,0 12. Уйчи туман «Машад» МФЙ 510 240 2021 йил 6720,0 13. Наманган шаҳар «Маданий-маориф» МФЙ 373 180 2022 йил 5 040,0 14. Наманган шаҳар «Соҳибкор» МФЙ 305 120 2022 йил 3600,0 15. Наманган шаҳар «Ҳақиқат» МФЙ 428 240 2022 йил 6720,0 16. Косонсой туман «Ҳуррият» МФЙ 972 360 2022 йил 9720,0 17. Наманган туман «Деҳқонобод» МФЙ 162 120 2022 йил 3600,0 18. Уйчи туман «Овчибулоқ» МФЙ 510 240 2022 йил 6720,0 Жами 7891 3720 105 360,0
Ўзбекистон Республикасининг Бош вазири А. АРИПОВ
Тошкент ш.,
2019 йил 19 август,
696-сон
Oʻzbekiston Respublikasi Vazirlar Mahkamasining
qarori
ASOSIY PARAMETRLARI
Namangan viloyatida maktabgacha taʼlim tashkilotlarining moddiy-texnik bazasini mustahkamlash va bolalarni maktabgacha taʼlimga qamrab olishni kuchaytirish chora-tadbirlari toʻgʻrisida
Maktabgacha taʼlim tashkilotlarining moddiy-texnik bazasini mustahkamlash va maktabgacha yoshdagi bolalarni maktabgacha taʼlimga qamrab olishni kuchaytirish maqsadida Vazirlar Mahkamasi qaror qiladi:
1. Namangan viloyati hokimligi tomonidan Oʻzbekiston Respublikasi Maktabgacha taʼlim vazirligi, Iqtisodiyot va sanoat vazirligi, Investitsiyalar va tashqi savdo vazirligi bilan birgalikda ishlab chiqilgan 2020 ― 2022-yillarda Namangan viloyatida maktabgacha taʼlim tashkiloti mavjud boʻlmagan mahalla fuqarolar yigʻinlarida tashkil etiladigan davlat maktabgacha taʼlim tashkilotlarini qurishning asosiy parametrlari ilovaga muvofiq tasdiqlansin.
Belgilansinki, mazkur mahalla fuqarolar yigʻinlarida tashkil etiladigan davlat maktabgacha taʼlim tashkilotlarida bolalar taʼminoti uchun ota-onalar badal puli tashkilot faoliyati yoʻlga qoʻyilgan kundan boshlab 5 yil davomida 50 foiz miqdorida oʻrnatiladi.
2. Oʻzbekiston Respublikasi Iqtisodiyot va sanoat vazirligi Investitsiyalar va tashqi savdo vazirligi, Maktabgacha taʼlim vazirligi hamda manfaatdor vazirliklar va idoralar bilan birgalikda tasdiqlangan loyiha-smeta hujjatlariga asosan Oʻzbekiston Respublikasi Investitsiya dasturining 2020-yil va keyingi yillar uchun parametrlarini shakllantirishda mazkur qaror bilan tasdiqlangan maktabgacha taʼlim tashkilotlari qurilishini belgilangan tartibda kiritilishini taʼminlasinlar.
3. Oʻzbekiston Respublikasi Moliya vazirligi Oʻzbekiston Respublikasining 2020-yil va keyingi yillar uchun budjet parametrlarini shakllantirishda ushbu qarorda belgilangan maktabgacha taʼlim tashkilotlari taʼminoti uchun zarur mablagʻlarni ajratilishini nazarda tutsin.
4. Belgilab qoʻyilsinki:
davlat maktabgacha taʼlim tashkilotlarini qurish energiya samaradorligi va energiya tejamkorligi standartlarini qoʻllagan holda, qatʼiy namunaviy loyihaga asoslanadi;
tashqi muhandislik aloqa tarmoqlari va ichki avtomobil yoʻllari, bunyod etilayotgan obyektlar hududidan oʻtuvchi suv taʼminoti va oqava suv tarmoqlari qurilishi Namangan viloyati hokimligi mahalliy budjeti mablagʻlari hisobidan amalga oshiriladi.
5. Maktabgacha taʼlim tashkilotlarining bino va inshootlarini qurish boʻyicha:
Oʻzbekiston Respublikasi Maktabgacha taʼlim vazirligi huzuridagi “Infratuzilmani rivojlantirish injiniring kompaniyasi” davlat unitar korxonasi ― buyurtmachi etib belgilansin;
bosh loyiha va bosh pudratchi tashkilot belgilangan tartibda tender (tanlov) natijasida aniqlansin.
6. Oʻzbekiston Respublikasi Qurilish vazirligi belgilangan tartibda loyiha-smeta hujjatlarini davlat ekspertizasidan oʻtkazsin va qurilish-montaj ishlarining sifati ustidan davlat arxitektura-qurilish nazoratini oʻrnatsin.
7. Ushbu qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari ― transport vaziri A.J. Ramatov va Namangan viloyati hokimi X.X. Bozarov zimmasiga yuklansin.
Vazirlar Mahkamasining 2019-yil 19-avgustdagi 696-son qaroriga ILOVA
2020 ― 2022-yillarda Namangan viloyatida maktabgacha taʼlim tashkiloti mavjud boʻlmagan mahalla fuqarolar yigʻinlarida tashkil etiladigan davlat maktabgacha taʼlim tashkilotlarini qurishning
T/r Maktabgacha taʼlim tashkiloti qurilishi rejalashtirilayotgan mahalla fuqarolar yigʻini nomi 3 ― 7 yoshli bolalar soni Maktabgacha taʼlim tashkiloti sigʻimi Qurish muddati Hisoblangan qiymati (mln soʻm) 1. Namangan shahar “ Gʻishtkoʻprik ” MFY 352 180 2020-yil 5 580,0 2. Namangan shahar “ Sumalak guzari ” MFY 380 180 2020-yil 4860,0 3. Namangan shahar “Uchqun” MFY 549 240 2020-yil 6720,0 4. Namangan shahar “Majnuntol” MFY 401 240 2020-yil 6720,0 5. Namangan tuman “Xoʻjaqishloq” MFY 385 180 2020-yil 5400,0 6. Uychi tuman “Churtuk” MFY 480 240 2020-yil 6720,0 7. Namangan shahar “Sharshara” MFY 389 180 2021-yil 5 220,0 8. Namangan shahar “Yangi qurilish” MFY 624 240 2021-yil 6720,0 9. Namangan shahar “Namangan shahar” MFY 197 120 2021-yil 3360,0 10. Kosonsoy tuman “Chindovul” MFY 492 240 2021-yil 6720,0 11. Namangan tuman “Ibrat” MFY 382 180 2021-yil 5220,0 12. Uychi tuman “Mashad” MFY 510 240 2021-yil 6720,0 13. Namangan shahar “Madaniy-maorif” MFY 373 180 2022-yil 5 040,0 14. Namangan shahar “Sohibkor” MFY 305 120 2022-yil 3600,0 15. Namangan shahar “Haqiqat” MFY 428 240 2022-yil 6720,0 16. Kosonsoy tuman “Hurriyat” MFY 972 360 2022-yil 9720,0 17. Namangan tuman “Dehqonobod” MFY 162 120 2022-yil 3600,0 18. Uychi tuman “Ovchibuloq” MFY 510 240 2022-yil 6720,0 Jami 7891 3720 105 360,0
Oʻzbekiston Respublikasining Bosh vaziri A. ARIPOV
Toshkent sh.,
2019-yil 19-avgust,
696-son