📅 2019-yil 20-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 20 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 августа 2019 г. · Указы Президента
Официальный текст. Официальный документ. Редакционные примечания не включены.
📅 20 August 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Хорижда вақтинчалик меҳнат фаолиятини амалга ошираётган Ўзбекистон Республикаси фуқаролари ва уларнинг оила аъзоларини ҳимоя қилиш кафолатларини янада кучайтириш чоралари тўғрисида
Кейинги йилларда мамлакатимизда ташқи меҳнат миграцияси жараёнларини тартибга солиш, вақтинчалик меҳнат фаолиятини амалга ошириш учун хорижга жўнаб кетаётган фуқароларнинг (кейинги ўринларда — меҳнат мигрантлари) ҳуқуқ ва манфаатлари ҳимоя қилинишини таъминлаш, уларга зарур ҳуқуқий, ижтимоий, ахборот-маслаҳат ёрдами кўрсатиш ва моддий қўллаб-қувватлаш борасида изчил ишлар амалга оширилмоқда.
Шу билан бирга, меҳнат мигрантлари ва уларнинг оила аъзолари учун ишончли, шу жумладан уй-жой ва маиший шароитларни яхшилаш, молиявий ёрдам, ҳаёти ва соғлиғини ҳимоя қилиш масалаларида ижтимоий қўллаб-қувватлаш механизмларини яратишни назарда тутувчи комплекс чора-тадбирларни қабул қилиш талаб этилмоқда.
Бундан ташқари, меҳнат мигрантлари ва улар оила аъзоларининг яшаши ва меҳнат фаолияти учун муносиб шароитлар яратиш учун ваколатли идоралар билан республиканинг ҳамда хорижий давлатлар маҳаллий ҳокимият органларининг раҳбарлари ўртасида самарали ҳамкорликни йўлга қўйиш, шунингдек, мазкур йўналишда мувофиқлашган фаолиятни таъминлаш зарур.
Меҳнат мигрантлари ва уларнинг оила аъзоларини қўллаб-қувватлашнинг самарали тизимини шакллантириш, давлат томонидан уларнинг кундалик эҳтиёжлари ва орзу-умидлари тўғрисида ҳар томонлама ғамхўрлик қилиш, мамлакат ҳудудида ҳам, унинг ташқарисида ҳам ишончли ижтимоий ва ҳуқуқий ҳимоя кафолатларини кучайтириш мақсадида, шунингдек, Тадбиркорлар ва ишбилармонлар ҳаракати — Ўзбекистон Либерал-демократик партиясининг таклифларини ҳисобга олиб:
1. Ўзбекистон Республикаси Иқтисодиёт ва саноат вазирлиги, Бандлик ва меҳнат муносабатлари вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари уй-жой шароитларини яхшилашга эҳтиёжманд меҳнат мигрантларига 2020 йилда уй-жой қурилиши бўйича давлат дастурларининг ижроси доирасида кўп квартирали уйлардан 3 462 та хонадонни 1-иловага мувофиқ ажратсин.
2. Ўзбекистон Республикаси Ташқи иқтисодий фаолият Миллий банкининг қуйидагилар тўғрисидаги таклифлари маъқуллансин:
меҳнат мигрантлари томонидан Ўзбекистон Республикаси ҳудудида олинган кредит тўловларини «Азия инвест банк» акциядорлик жамияти ва Россиядаги бошқа ҳамкор-банклар орқали Россия рублида, шу жумладан электрон тўлов тизимлари орқали амалга ошириш механизмини жорий қилиш;
Ўзбекистон Республикаси Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги (кейинги ўринларда — Агентлик) томонидан тақдим этилган маълумотлар асосида Ўзбекистон Республикасидан кетган меҳнат мигрантлари кўпроқ йиғилган Россия Федерацияси ҳудудларида «Азия инвест банк» акциядорлик жамиятининг банк инфратузилмасини ва мижозларга хизмат кўрсатишнинг масофавий каналларини кенгайтириш чораларини кўриш.
3. 2019 йил 1 октябрдан бошлаб Ўзбекистон Республикаси Камбағалликни қисқартириш ва бандлик вазирлиги ҳузуридаги Хорижда меҳнат фаолиятини амалга ошираётган фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси ҳамда Бандликка кўмаклашиш давлат жамғармаси ҳисобидан:
меҳнат мигрантларига — хорижда ишга жойлашиш билан боғлиқ харажатларни тўлаш учун бир банк куни давомида тез расмийлаштирилган ҳолда энг кам талаб қилинадиган ҳужжатлар (паспорт ёки идентификацияловчи ID-карта, ариза ва меҳнат органининг илтимосномаси) асосида 2 млн. сўм миқдорида бир йил муддатга 2019 йилда тақдим этилаётган кредит фоиз ставкасининг 50 фоизи миқдоридаги тижорат банкининг маржасини ўз ичига олган ҳолда 10 фоизлик ставкада 2020 йил 1 январдан — Ўзбекистон Республикаси Марказий банкнинг қайта молиялаштириш ставкасида, 2021 йил 1 январдан — тижорат банклари томонидан бозор тамойиллари асосида мустақил равишда ўрнатиладиган ставкаларда микроқарзлар бериш;
суғурта компанияларига — йилига бир маротаба хорижда вақтинчалик меҳнат фаолиятини амалга ошириш даврида фуқаролар ҳаёти ва соғлиғини ҳамда бошқа таваккалчиликларни суғурталаш бўйича суғурта мукофоти суммасини қоплаш учун суғурталанган ҳар бир меҳнат мигранти учун 50 минг сўм миқдорида бир марталик субсидиялар тақдим этиш амалиёти жорий этилсин.
Бандлик ва меҳнат муносабатлари вазирлиги Молия вазирлиги ҳамда бошқа манфаатдор вазирлик ва идоралар билан биргаликда икки ой муддатда хорижда вақтинчалик меҳнат фаолиятини амалга ошириш даврида фуқаролар ҳаёти ва соғлиғини ҳамда бошқа таваккалчиликларни суғурталаш бўйича суғурта мукофоти суммасини қоплаш учун бир марталик субсидиялар тақдим этиш тартибини ишлаб чиқсин ва Ўзбекистон Республикаси Вазирлар Маҳкамасига киритсин.
4. Ташқи меҳнат миграцияси масалалари бўйича республика комиссияси (кейинги ўринларда — Республика комиссияси) 2-иловага мувофиқ таркибда ташкил этилсин ва қуйидагилар унинг асосий вазифалари этиб белгилансин:
республика ижро этувчи ҳокимият органлари, маҳаллий ижро этувчи ҳокимият органлари ва бошқа ташкилотларнинг уюшган меҳнат миграцияси, меҳнат мигрантларининг ҳуқуқлари ва қонуний манфаатларини самарали ҳимоя қилиш, уларни моддий ва ижтимоий қўллаб-қувватлаш масалалари бўйича фаолиятини мувофиқлаштириш;
ташқи меҳнат миграцияси соҳасидаги давлат дастурларини ишлаб чиқиш ва амалга оширишни ташкиллаштириш, мазкур соҳадаги миллий қонунчилик ва ҳуқуқни қўллаш амалиётини янада такомиллаштириш;
хорижий мамлакатларнинг ташқи меҳнат миграцияси масалалари бўйича ваколатли давлат органлари билан ҳамкорликни йўлга қўйиш, меҳнат мигрантлари ҳуқуқлари ва қонуний манфаатларини ҳимоя қилиш бўйича халқаро шартномаларга Ўзбекистон Республикасининг қўшилиши (ратификация қилиши) бўйича таклифларни кўриб чиқиш;
Ўзбекистон Республикаси фуқароларига уларнинг хорижда меҳнат фаолиятини амалга ошириш, адолатли ва хавфсиз меҳнат шароитларига бўлган ҳуқуқларини рўёбга чиқаришда кўмаклашиш, уларнинг ижтимоий ва ҳуқуқий ҳимоясини, шунингдек, Ватанга қайтганларидан сўнг жамиятга қўшилишини таъминлаш;
республика ижро этувчи ҳокимият органлари, маҳаллий ижро этувчи ҳокимият органлари ва бошқа ташкилотлар раҳбарларининг ташқи меҳнат миграцияси соҳасида қилинган ишлар бўйича ҳисоботларини тинглаш, шу асосда уларни рағбатлантириш ёки жавобгарликка тортиш бўйича қарорлар қабул қилиш;
ташқи меҳнат миграцияси соҳасидаги ишларнинг аҳволини тизимли таҳлил ва мониторинг қилиш ҳамда унинг якунлари бўйича меҳнат мигрантларига ҳуқуқий, молиявий ва моддий кўмаклашиш воситаларининг самарадорлигини оширишга йўналтирилган аниқ чора-тадбирларни ишлаб чиқиш.
Белгилансинки, Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари, шунингдек, ваколатли давлат органлари ва ташкилотлари раҳбарлари ҳар олти ойда камида бир марта меҳнат мигрантлари ва уларнинг оила аъзоларини қўллаб-қувватлаш ва ҳуқуқларини ҳимоя қилиш соҳасида амалга оширилган ишлар тўғрисида Республика комиссиясига ҳисобот беради.
8. Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари хорижий мамлакатларнинг маҳаллий давлат ҳокимияти органлари раҳбарлари билан меҳнат мигрантларининг меҳнат фаолиятини амалга ошириш ва истиқомат қилиши учун рухсат берувчи ҳужжатларни расмийлаштириш, ишга қабул қилишда уларнинг меҳнат ҳуқуқларига риоя этилиши, меҳнат мигрантлари учун муносиб яшаш ва маиший шарт-шароитларни яратиш, соғлиқни сақлаш ва таълим муассасалари хизматларидан фойдаланиш, шунингдек, меҳнат мигрантларининг хорижда бўлиши билан боғлиқ эҳтимолий муаммоларни ҳал қилиш масалалари бўйича доимий асосда яқин ҳамкорлик муносабатларини ўрнатсин.
9. Шундай тартиб амалиётга жорий этилсинки, унга кўра:
Агентлик ўзида мавжуд маълумотлар ҳамда хусусий бандлик агентликлари ва Агентликнинг хориждаги ваколатхоналаридан олинган маълумотлар асосида ҳар ойнинг 5-санасига қадар ташқи меҳнат миграцияси соҳасида қилинган ишлар ва аниқланган муаммолар тўғрисидаги ахборотни, уларни ҳал этиш бўйича аниқ таклифлар билан бирга Ўзбекистон Республикаси Камбағалликни қисқартириш ва бандлик вазирлигига киритади;
Камбағалликни қисқартириш ва бандлик вазирлиги Ташқи ишлар вазирлиги билан биргаликда ҳар ойнинг 10-санасига қадар ташқи меҳнат миграцияси ҳолати, меҳнат мигрантларини кўллаб-қувватлаш ва уларнинг ҳуқуқларини ҳимоя қилиш соҳасида амалга оширилган ишлар ҳақида йиғма-таҳлилий маълумотни кейинчалик Ўзбекистон Республикаси Бош вазирига ахборот бериш ва Республика комиссияси мажлисларида кўриб чиқиш учун Вазирлар Маҳкамасига киритади.
10. Ўзбекистон Республикаси Бандлик ва меҳнат муносабатлари вазирлиги ишлаб чиқилаётган «Ягона миллий меҳнат тизими» ахборот тизими доирасида, шу жумладан қуйидагиларни назарда тутувчи «labor-migration» дастурий мажмуасини 2019 йил 1 октябрга қадар жорий этсин:
хорижда вақтинчалик меҳнат фаолиятини амалга ошириш истагини билдирган фуқароларга иш берувчи мамлакатда бўлиш қоидалари, меҳнат, ижтимоий, уй-жой ва маиший таъминот шароитлари, хорижий иш берувчилар билан меҳнат шартномаларини тузишнинг ҳуқуқий жиҳатлари, шунингдек, қонун ҳужжатларида белгиланган молиявий ёрдам чоралари тўғрисидаги маълумотларни онлайн тарзда тақдим қилиш;
Агентлик ва хусусий бандлик агентликлари фаолияти тўғрисида, шу жумладан улар кўрсатадиган хизматларнинг турлари ва нархлари, хорижий иш берувчиларда мавжуд бўлган бўш иш ўринлари, шунингдек, ушбу иш ўринларига ишга жойлашиш тартиби тўғрисидаги маълумотларни тақдим этиш;
Ўзбекистон Республикаси фуқароларининг хорижда вақтинчалик меҳнат фаолияти мониторинги, шу жумладан касбий таълим, қайта тайёрлаш ва малака ошириш, тақдим этилган молиявий қўллаб-қувватлаш чоралари, кўрсатилган ҳуқуқий ва ижтимоий ёрдам, шунингдек, хорижий иш берувчилар билан тузилган меҳнат шартномалари тўғрисидаги ахборотлар;
чет элда оғир вазиятга тушиб қолган ва ёрдамга муҳтож меҳнат мигрантлари томонидан масофадан туриб мурожаат йўллаш имконияти;
меҳнат мигрантлари, ишга жойлашиш географияси, уларнинг фаолият йўналишлари ва турлари тўғрисидаги маълумотлар базасини шакллантириш.
Белгилаб қўйилсинки, ушбу Фармонда назарда тутилган кредитлар, субсидиялар, микроқарзлар ва кўп квартирали уйлардаги хонадонлар «labor-migration» дастурий мажмуасида рўйхатдан ўтган меҳнат мигрантларига тақдим этилади.
11. Ўзбекистон Республикаси Иқтисодиёт ва молия вазирлиги, Камбағалликни қисқартириш ва бандлик вазирлиги, Қурилиш ва уй-жой коммунал хўжалиги вазирлиги:
а) 2019 йил 1 октябрга қадар қуйидагиларни:
уй-жой шароитларини яхшилашга эҳтиёжманд меҳнат мигрантлари учун 2020 йилда уй-жойлар қуриш параметрлари;
Уй-жой шароитларини яхшилашга эҳтиёжманд меҳнат мигрантларига кўп квартирали уйлардан хонадонлар ажратиш тартиби тўғрисида, шу жумладан ипотека кредитлари олиш ҳуқуқига эга талабгорларни саралаб олиш тартибини кўзда тутувчи низомни Вазирлар Маҳкамасига тасдиқлаш учун киритсин;
б) 2021 йил ва кейинги йилларда уй-жойлар қуриш параметрларини шакллантиришда уй-жой шароитларини яхшилашга эҳтиёжманд меҳнат мигрантлари учун кўп квартирали уйлардан хонадонлар киритилишини белгиланган тартибда назарда тутсин.
12. Ўзбекистон Республикаси Инвестициялар, саноат ва савдо вазирлиги Иқтисодиёт ва молия вазирлиги, иштирокчи тижорат банклари, манфаатдор вазирлик ва идоралар билан биргаликда меҳнат мигрантлари учун кўп квартирали уйларда уй-жой қуриш бўйича давлат дастурида назарда тутилганидан ортиқ миқдорда хонадонлар қурилишига халқаро молиявий институтлар ва хорижий ҳукумат молия ташкилотларининг узоқ муддатли имтиёзли кредитларини жалб қилиш чораларини кўрсин.
13. Ташқи меҳнат миграцияси тизимини янада такомиллаштириш, унинг уюшган шаклларини тубдан кенгайтириш, республикадан ташқарига ишлаш учун кетаётган фуқароларнинг меҳнат, ижтимоий ва бошқа ҳуқуқлари ҳимоя қилинишини таъминлаш, хориждан қайтиб келган меҳнат мигрантларини тадбиркорлик ва меҳнат фаолиятига жалб этиш Ўзбекистон Республикаси камбағалликни қисқартириш ва бандлик вазири биринчи ўринбосарининг асосий вазифаси этиб белгилансин.
14. Меҳнат мигрантларининг ишлаш ва яшаш шароитлари билан танишиш ва уларга амалий ёрдам кўрсатиш мақсадида Ўзбекистон Республикаси камбағалликни қисқартириш ва бандлик вазирининг биринчи ўринбосари бошчилигидаги республика ижро этувчи ҳокимият органлари, маҳаллий ижро этувчи ҳокимият органлари ва бошқа давлат органларининг раҳбарияти ва вакилларидан таркиб топган делегацияларнинг хорижий давлатларга, энг аввало Россия Федерациясига тизимли равишда сафар қилиши амалиёти жорий этилсин.
15. Ўзбекистон Республикасининг хориждаги дипломатик ваколатхоналари ва консуллик муассасалари, Агентликнинг хориждаги ваколатхоналари мансабдор шахслари ва масъул ходимлари меҳнат мигрантларининг мурожаатлари билан ишлашда, айниқса кечиктириб бўлмайдиган чоралар кўришни талаб қилувчи масалаларда ва уларга зарур ёрдам кўрсатиш борасида совуққонлик, буйруқбозлик ва сансалорликка йўл қўйганлик учун шахсан жавобгар эканлиги тўғрисида қатъий огоҳлантирилсин.
16. Ўзбекистон Миллий ахборот агентлиги, Ўзбекистон Миллий телерадиокомпанияси оммавий ахборот воситаларида ушбу Фармоннинг мақсад ва вазифалари кенг миқёсда ёритилишини ташкил этсин.
17. Ўзбекистон Республикаси Вазирлар Маҳкамаси бир ҳафта муддатда:
Ўзбекистон Республикаси Вазирлар Маҳкамасининг ижро этувчи тузилмасига ўзгартиришлар киритиш юзасидан таклифлар тайёрласин;
ушбу Фармонда белгиланган вазифаларнинг амалий ижросини таъминлаш бўйича Ўзбекистон Республикаси Вазирлар Маҳкамасининг қарорини қабул қилсин.
18. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2019 йил 20 августдаги ПФ-5785-сон Фармонига 1-ИЛОВА
Уй-жой шароитларини яхшилашга эҳтиёжманд меҳнат мигрантларига 2020 йилда ажратиладиган кўп квартирали уйлардаги хонадонлар сони
Т/р Ҳудудлар номи хонадонлар сони 1. Қорақалпоғистон Республикаси 210 2. Андижон вилояти 420 3. Бухоро вилояти 240 4. Жиззах вилояти 120 5. Қашқадарё вилояти 300 6. Навоий вилояти 60 7. Наманган вилояти 300 8. Самарқанд вилояти 450 9. Сурхондарё вилояти 270 10. Сирдарё вилояти 90 11. Тошкент вилояти 180 12. Фарғона вилояти 420 13. Хоразм вилояти 240 14. Тошкент шаҳри 162 Жами: 3462
Ўзбекистон Республикаси Президентининг 2019 йил 20 августдаги ПФ-5785-сон Фармонига 2-ИЛОВА
Ташқи меҳнат миграцияси масалалари бўйича республика комиссияси таркиби
1. А.Н. Арипов — Ўзбекистон Республикаси Бош вазири, Республика комиссияси раиси 2. П.Р. Бобожонов — Ўзбекистон Республикаси ички ишлар вазири, Республика комиссияси раиси ўринбосари 3. Б.А. Мусаев — Ўзбекистон Республикаси камбағалликни қисқартириш ва бандлик вазири, Республика комиссияси раиси ўринбосари 4. А.З. Саъдуллаев — Ўзбекистон Республикаси Ёшлар сиёсати ва спорт вазирлиги ҳузуридаги Ёшлар ишлари агентлиги директори 5. Келишувга к ўра — Ўзбекистон Республикаси Давлат хавфсизлик хизмати раиси ўринбосари 6. Лавозими бўйича — Ўзбекистон Республикаси камбағалликни қисқартириш ва бандлик вазирининг биринчи ўринбосари 7. А.Ш. Иноятов — Ўзбекистон Республикаси соғлиқни сақлаш вазири 8. Лавозими бўйича — Ўзбекистон Республикаси ташқи ишлар вазирининг биринчи ўринбосари 9. Б.И. Закиров — Ўзбекистон Республикаси қурилиш ва уй-жой коммунал хўжалиги вазири 10. А.Я. Ҳайдаров — Ўзбекистон Республикаси иқтисодиёт ва молия вазири ўринбосари 11. Ф.Ф. Эшматова — Ўзбекистон Республикаси Олий Мажлисининг Инсон ҳуқуқлари бўйича вакили (Омбудсман) 12. А.Х. Саидов — Инсон ҳуқуқлари бўйича Ўзбекистон Республикаси Миллий маркази директори 13. К.М. Рафиков — Ўзбекистон касаба уюшмалари Федерацияси Кенгаши раиси 14. Лавозими бўйича — Ўзбекистон Республикаси камбағалликни қисқартириш ва бандлик вазири ўринбосари, Республика комиссияси масъул котиби
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 20 август,
ПФ-5785-сон
Oʻzbekiston Respublikasi Prezidentining
Farmoni
Xorijda vaqtinchalik mehnat faoliyatini amalga oshirayotgan Oʻzbekiston Respublikasi fuqarolari va ularning oila aʼzolarini himoya qilish kafolatlarini yanada kuchaytirish choralari toʻgʻrisida
Keyingi yillarda mamlakatimizda tashqi mehnat migratsiyasi jarayonlarini tartibga solish, vaqtinchalik mehnat faoliyatini amalga oshirish uchun xorijga joʻnab ketayotgan fuqarolarning (keyingi oʻrinlarda — mehnat migrantlari) huquq va manfaatlari himoya qilinishini taʼminlash, ularga zarur huquqiy, ijtimoiy, axborot-maslahat yordami koʻrsatish va moddiy qoʻllab-quvvatlash borasida izchil ishlar amalga oshirilmoqda.
Shu bilan birga, mehnat migrantlari va ularning oila aʼzolari uchun ishonchli, shu jumladan uy-joy va maishiy sharoitlarni yaxshilash, moliyaviy yordam, hayoti va sogʻligʻini himoya qilish masalalarida ijtimoiy qoʻllab-quvvatlash mexanizmlarini yaratishni nazarda tutuvchi kompleks chora-tadbirlarni qabul qilish talab etilmoqda.
Bundan tashqari, mehnat migrantlari va ular oila aʼzolarining yashashi va mehnat faoliyati uchun munosib sharoitlar yaratish uchun vakolatli idoralar bilan respublikaning hamda xorijiy davlatlar mahalliy hokimiyat organlarining rahbarlari oʻrtasida samarali hamkorlikni yoʻlga qoʻyish, shuningdek, mazkur yoʻnalishda muvofiqlashgan faoliyatni taʼminlash zarur.
Mehnat migrantlari va ularning oila aʼzolarini qoʻllab-quvvatlashning samarali tizimini shakllantirish, davlat tomonidan ularning kundalik ehtiyojlari va orzu-umidlari toʻgʻrisida har tomonlama gʻamxoʻrlik qilish, mamlakat hududida ham, uning tashqarisida ham ishonchli ijtimoiy va huquqiy himoya kafolatlarini kuchaytirish maqsadida, shuningdek, Tadbirkorlar va ishbilarmonlar harakati — Oʻzbekiston Liberal-demokratik partiyasining takliflarini hisobga olib:
1. Oʻzbekiston Respublikasi Iqtisodiyot va sanoat vazirligi, Bandlik va mehnat munosabatlari vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari uy-joy sharoitlarini yaxshilashga ehtiyojmand mehnat migrantlariga 2020-yilda uy-joy qurilishi boʻyicha davlat dasturlarining ijrosi doirasida koʻp kvartirali uylardan 3 462 ta xonadonni 1-ilovaga muvofiq ajratsin.
2. Oʻzbekiston Respublikasi Tashqi iqtisodiy faoliyat Milliy bankining quyidagilar toʻgʻrisidagi takliflari maʼqullansin:
mehnat migrantlari tomonidan Oʻzbekiston Respublikasi hududida olingan kredit toʻlovlarini “Aziya invest bank” aksiyadorlik jamiyati va Rossiyadagi boshqa hamkor-banklar orqali Rossiya rublida, shu jumladan elektron toʻlov tizimlari orqali amalga oshirish mexanizmini joriy qilish;
Oʻzbekiston Respublikasi Kambagʻallikni qisqartirish va bandlik vazirligi huzuridagi Tashqi mehnat migratsiyasi agentligi (keyingi oʻrinlarda — Agentlik) tomonidan taqdim etilgan maʼlumotlar asosida Oʻzbekiston Respublikasidan ketgan mehnat migrantlari koʻproq yigʻilgan Rossiya Federatsiyasi hududlarida “Aziya invest bank” aksiyadorlik jamiyatining bank infratuzilmasini va mijozlarga xizmat koʻrsatishning masofaviy kanallarini kengaytirish choralarini koʻrish.
3. 2019-yil 1-oktabrdan boshlab Oʻzbekiston Respublikasi Kambagʻallikni qisqartirish va bandlik vazirligi huzuridagi Xorijda mehnat faoliyatini amalga oshirayotgan fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasi hamda Bandlikka koʻmaklashish davlat jamgʻarmasi hisobidan:
mehnat migrantlariga — xorijda ishga joylashish bilan bogʻliq xarajatlarni toʻlash uchun bir bank kuni davomida tez rasmiylashtirilgan holda eng kam talab qilinadigan hujjatlar (pasport yoki identifikatsiyalovchi ID-karta, ariza va mehnat organining iltimosnomasi) asosida 2 mln. soʻm miqdorida bir yil muddatga 2019-yilda taqdim etilayotgan kredit foiz stavkasining 50 foizi miqdoridagi tijorat bankining marjasini oʻz ichiga olgan holda 10 foizlik stavkada 2020-yil 1-yanvardan — Oʻzbekiston Respublikasi Markaziy bankning qayta moliyalashtirish stavkasida, 2021-yil 1-yanvardan — tijorat banklari tomonidan bozor tamoyillari asosida mustaqil ravishda oʻrnatiladigan stavkalarda mikroqarzlar berish;
sugʻurta kompaniyalariga — yiliga bir marotaba xorijda vaqtinchalik mehnat faoliyatini amalga oshirish davrida fuqarolar hayoti va sogʻligʻini hamda boshqa tavakkalchiliklarni sugʻurtalash boʻyicha sugʻurta mukofoti summasini qoplash uchun sugʻurtalangan har bir mehnat migranti uchun 50 ming soʻm miqdorida bir martalik subsidiyalar taqdim etish amaliyoti joriy etilsin.
Bandlik va mehnat munosabatlari vazirligi Moliya vazirligi hamda boshqa manfaatdor vazirlik va idoralar bilan birgalikda ikki oy muddatda xorijda vaqtinchalik mehnat faoliyatini amalga oshirish davrida fuqarolar hayoti va sogʻligʻini hamda boshqa tavakkalchiliklarni sugʻurtalash boʻyicha sugʻurta mukofoti summasini qoplash uchun bir martalik subsidiyalar taqdim etish tartibini ishlab chiqsin va Oʻzbekiston Respublikasi Vazirlar Mahkamasiga kiritsin.
4. Tashqi mehnat migratsiyasi masalalari boʻyicha respublika komissiyasi (keyingi oʻrinlarda — Respublika komissiyasi) 2-ilovaga muvofiq tarkibda tashkil etilsin va quyidagilar uning asosiy vazifalari etib belgilansin:
respublika ijro etuvchi hokimiyat organlari, mahalliy ijro etuvchi hokimiyat organlari va boshqa tashkilotlarning uyushgan mehnat migratsiyasi, mehnat migrantlarining huquqlari va qonuniy manfaatlarini samarali himoya qilish, ularni moddiy va ijtimoiy qoʻllab-quvvatlash masalalari boʻyicha faoliyatini muvofiqlashtirish;
tashqi mehnat migratsiyasi sohasidagi davlat dasturlarini ishlab chiqish va amalga oshirishni tashkillashtirish, mazkur sohadagi milliy qonunchilik va huquqni qoʻllash amaliyotini yanada takomillashtirish;
xorijiy mamlakatlarning tashqi mehnat migratsiyasi masalalari boʻyicha vakolatli davlat organlari bilan hamkorlikni yoʻlga qoʻyish, mehnat migrantlari huquqlari va qonuniy manfaatlarini himoya qilish boʻyicha xalqaro shartnomalarga Oʻzbekiston Respublikasining qoʻshilishi (ratifikatsiya qilishi) boʻyicha takliflarni koʻrib chiqish;
Oʻzbekiston Respublikasi fuqarolariga ularning xorijda mehnat faoliyatini amalga oshirish, adolatli va xavfsiz mehnat sharoitlariga boʻlgan huquqlarini roʻyobga chiqarishda koʻmaklashish, ularning ijtimoiy va huquqiy himoyasini, shuningdek, Vatanga qaytganlaridan soʻng jamiyatga qoʻshilishini taʼminlash;
respublika ijro etuvchi hokimiyat organlari, mahalliy ijro etuvchi hokimiyat organlari va boshqa tashkilotlar rahbarlarining tashqi mehnat migratsiyasi sohasida qilingan ishlar boʻyicha hisobotlarini tinglash, shu asosda ularni ragʻbatlantirish yoki javobgarlikka tortish boʻyicha qarorlar qabul qilish;
tashqi mehnat migratsiyasi sohasidagi ishlarning ahvolini tizimli tahlil va monitoring qilish hamda uning yakunlari boʻyicha mehnat migrantlariga huquqiy, moliyaviy va moddiy koʻmaklashish vositalarining samaradorligini oshirishga yoʻnaltirilgan aniq chora-tadbirlarni ishlab chiqish.
Belgilansinki, Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari, shuningdek, vakolatli davlat organlari va tashkilotlari rahbarlari har olti oyda kamida bir marta mehnat migrantlari va ularning oila aʼzolarini qoʻllab-quvvatlash va huquqlarini himoya qilish sohasida amalga oshirilgan ishlar toʻgʻrisida Respublika komissiyasiga hisobot beradi.
8. Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari xorijiy mamlakatlarning mahalliy davlat hokimiyati organlari rahbarlari bilan mehnat migrantlarining mehnat faoliyatini amalga oshirish va istiqomat qilishi uchun ruxsat beruvchi hujjatlarni rasmiylashtirish, ishga qabul qilishda ularning mehnat huquqlariga rioya etilishi, mehnat migrantlari uchun munosib yashash va maishiy shart-sharoitlarni yaratish, sogʻliqni saqlash va taʼlim muassasalari xizmatlaridan foydalanish, shuningdek, mehnat migrantlarining xorijda boʻlishi bilan bogʻliq ehtimoliy muammolarni hal qilish masalalari boʻyicha doimiy asosda yaqin hamkorlik munosabatlarini oʻrnatsin.
9. Shunday tartib amaliyotga joriy etilsinki, unga koʻra:
Agentlik oʻzida mavjud maʼlumotlar hamda xususiy bandlik agentliklari va Agentlikning xorijdagi vakolatxonalaridan olingan maʼlumotlar asosida har oyning 5-sanasiga qadar tashqi mehnat migratsiyasi sohasida qilingan ishlar va aniqlangan muammolar toʻgʻrisidagi axborotni, ularni hal etish boʻyicha aniq takliflar bilan birga Oʻzbekiston Respublikasi Kambagʻallikni qisqartirish va bandlik vazirligiga kiritadi;
Kambagʻallikni qisqartirish va bandlik vazirligi Tashqi ishlar vazirligi bilan birgalikda har oyning 10-sanasiga qadar tashqi mehnat migratsiyasi holati, mehnat migrantlarini koʻllab-quvvatlash va ularning huquqlarini himoya qilish sohasida amalga oshirilgan ishlar haqida yigʻma-tahliliy maʼlumotni keyinchalik Oʻzbekiston Respublikasi Bosh vaziriga axborot berish va Respublika komissiyasi majlislarida koʻrib chiqish uchun Vazirlar Mahkamasiga kiritadi.
10. Oʻzbekiston Respublikasi Bandlik va mehnat munosabatlari vazirligi ishlab chiqilayotgan “Yagona milliy mehnat tizimi” axborot tizimi doirasida, shu jumladan quyidagilarni nazarda tutuvchi “labor-migration” dasturiy majmuasini 2019-yil 1-oktabrga qadar joriy etsin:
xorijda vaqtinchalik mehnat faoliyatini amalga oshirish istagini bildirgan fuqarolarga ish beruvchi mamlakatda boʻlish qoidalari, mehnat, ijtimoiy, uy-joy va maishiy taʼminot sharoitlari, xorijiy ish beruvchilar bilan mehnat shartnomalarini tuzishning huquqiy jihatlari, shuningdek, qonun hujjatlarida belgilangan moliyaviy yordam choralari toʻgʻrisidagi maʼlumotlarni onlayn tarzda taqdim qilish;
Agentlik va xususiy bandlik agentliklari faoliyati toʻgʻrisida, shu jumladan ular koʻrsatadigan xizmatlarning turlari va narxlari, xorijiy ish beruvchilarda mavjud boʻlgan boʻsh ish oʻrinlari, shuningdek, ushbu ish oʻrinlariga ishga joylashish tartibi toʻgʻrisidagi maʼlumotlarni taqdim etish;
Oʻzbekiston Respublikasi fuqarolarining xorijda vaqtinchalik mehnat faoliyati monitoringi, shu jumladan kasbiy taʼlim, qayta tayyorlash va malaka oshirish, taqdim etilgan moliyaviy qoʻllab-quvvatlash choralari, koʻrsatilgan huquqiy va ijtimoiy yordam, shuningdek, xorijiy ish beruvchilar bilan tuzilgan mehnat shartnomalari toʻgʻrisidagi axborotlar;
chet elda ogʻir vaziyatga tushib qolgan va yordamga muhtoj mehnat migrantlari tomonidan masofadan turib murojaat yoʻllash imkoniyati;
mehnat migrantlari, ishga joylashish geografiyasi, ularning faoliyat yoʻnalishlari va turlari toʻgʻrisidagi maʼlumotlar bazasini shakllantirish.
Belgilab qoʻyilsinki, ushbu Farmonda nazarda tutilgan kreditlar, subsidiyalar, mikroqarzlar va koʻp kvartirali uylardagi xonadonlar “labor-migration” dasturiy majmuasida roʻyxatdan oʻtgan mehnat migrantlariga taqdim etiladi.
11. Oʻzbekiston Respublikasi Iqtisodiyot va moliya vazirligi, Kambagʻallikni qisqartirish va bandlik vazirligi, Qurilish va uy-joy kommunal xoʻjaligi vazirligi:
a) 2019-yil 1-oktabrga qadar quyidagilarni:
uy-joy sharoitlarini yaxshilashga ehtiyojmand mehnat migrantlari uchun 2020-yilda uy-joylar qurish parametrlari;
Uy-joy sharoitlarini yaxshilashga ehtiyojmand mehnat migrantlariga koʻp kvartirali uylardan xonadonlar ajratish tartibi toʻgʻrisida, shu jumladan ipoteka kreditlari olish huquqiga ega talabgorlarni saralab olish tartibini koʻzda tutuvchi nizomni Vazirlar Mahkamasiga tasdiqlash uchun kiritsin;
b) 2021-yil va keyingi yillarda uy-joylar qurish parametrlarini shakllantirishda uy-joy sharoitlarini yaxshilashga ehtiyojmand mehnat migrantlari uchun koʻp kvartirali uylardan xonadonlar kiritilishini belgilangan tartibda nazarda tutsin.
12. Oʻzbekiston Respublikasi Investitsiyalar, sanoat va savdo vazirligi Iqtisodiyot va moliya vazirligi, ishtirokchi tijorat banklari, manfaatdor vazirlik va idoralar bilan birgalikda mehnat migrantlari uchun koʻp kvartirali uylarda uy-joy qurish boʻyicha davlat dasturida nazarda tutilganidan ortiq miqdorda xonadonlar qurilishiga xalqaro moliyaviy institutlar va xorijiy hukumat moliya tashkilotlarining uzoq muddatli imtiyozli kreditlarini jalb qilish choralarini koʻrsin.
13. Tashqi mehnat migratsiyasi tizimini yanada takomillashtirish, uning uyushgan shakllarini tubdan kengaytirish, respublikadan tashqariga ishlash uchun ketayotgan fuqarolarning mehnat, ijtimoiy va boshqa huquqlari himoya qilinishini taʼminlash, xorijdan qaytib kelgan mehnat migrantlarini tadbirkorlik va mehnat faoliyatiga jalb etish Oʻzbekiston Respublikasi kambagʻallikni qisqartirish va bandlik vaziri birinchi oʻrinbosarining asosiy vazifasi etib belgilansin.
14. Mehnat migrantlarining ishlash va yashash sharoitlari bilan tanishish va ularga amaliy yordam koʻrsatish maqsadida Oʻzbekiston Respublikasi kambagʻallikni qisqartirish va bandlik vazirining birinchi oʻrinbosari boshchiligidagi respublika ijro etuvchi hokimiyat organlari, mahalliy ijro etuvchi hokimiyat organlari va boshqa davlat organlarining rahbariyati va vakillaridan tarkib topgan delegatsiyalarning xorijiy davlatlarga, eng avvalo Rossiya Federatsiyasiga tizimli ravishda safar qilishi amaliyoti joriy etilsin.
15. Oʻzbekiston Respublikasining xorijdagi diplomatik vakolatxonalari va konsullik muassasalari, Agentlikning xorijdagi vakolatxonalari mansabdor shaxslari va masʼul xodimlari mehnat migrantlarining murojaatlari bilan ishlashda, ayniqsa kechiktirib boʻlmaydigan choralar koʻrishni talab qiluvchi masalalarda va ularga zarur yordam koʻrsatish borasida sovuqqonlik, buyruqbozlik va sansalorlikka yoʻl qoʻyganlik uchun shaxsan javobgar ekanligi toʻgʻrisida qatʼiy ogohlantirilsin.
16. Oʻzbekiston Milliy axborot agentligi, Oʻzbekiston Milliy teleradiokompaniyasi ommaviy axborot vositalarida ushbu Farmonning maqsad va vazifalari keng miqyosda yoritilishini tashkil etsin.
17. Oʻzbekiston Respublikasi Vazirlar Mahkamasi bir hafta muddatda:
Oʻzbekiston Respublikasi Vazirlar Mahkamasining ijro etuvchi tuzilmasiga oʻzgartirishlar kiritish yuzasidan takliflar tayyorlasin;
ushbu Farmonda belgilangan vazifalarning amaliy ijrosini taʼminlash boʻyicha Oʻzbekiston Respublikasi Vazirlar Mahkamasining qarorini qabul qilsin.
18. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2019-yil 20-avgustdagi PF-5785-son Farmoniga 1-ILOVA
Uy-joy sharoitlarini yaxshilashga ehtiyojmand mehnat migrantlariga 2020-yilda ajratiladigan koʻp kvartirali uylardagi xonadonlar soni
T/r Hududlar nomi xonadonlar soni 1. Qoraqalpogʻiston Respublikasi 210 2. Andijon viloyati 420 3. Buxoro viloyati 240 4. Jizzax viloyati 120 5. Qashqadaryo viloyati 300 6. Navoiy viloyati 60 7. Namangan viloyati 300 8. Samarqand viloyati 450 9. Surxondaryo viloyati 270 10. Sirdaryo viloyati 90 11. Toshkent viloyati 180 12. Fargʻona viloyati 420 13. Xorazm viloyati 240 14. Toshkent shahri 162 Jami: 3462
Oʻzbekiston Respublikasi Prezidentining 2019-yil 20-avgustdagi PF-5785-son Farmoniga 2-ILOVA
Tashqi mehnat migratsiyasi masalalari boʻyicha respublika komissiyasi tarkibi
1. A.N. Aripov — Oʻzbekiston Respublikasi Bosh vaziri, Respublika komissiyasi raisi 2. P.R. Bobojonov — Oʻzbekiston Respublikasi ichki ishlar vaziri, Respublika komissiyasi raisi oʻrinbosari 3. B.A. Musayev — Oʻzbekiston Respublik�si kambagʻallikni qisqartirish va bandlik vaziri, Respublika komissiyasi raisi oʻrinbosari 4. A.Z. Saʼdullayev — Oʻzbekiston Respublikasi Yoshlar siyosati va sport vazirligi huzuridagi Yoshlar ishlari agentligi direktori 5. Kelishuvga k oʻra — Oʻzbekiston Respublikasi Davlat xavfsizlik xizmati raisi oʻrinbosari 6. Lavozimi boʻyicha — Oʻzbekiston Respublikasi kambagʻallikni qisqartirish va bandlik vazirining birinchi oʻrinbosari 7. A.Sh. Inoyatov — Oʻzbekiston Respublikasi sogʻliqni saqlash vaziri 8. Lavozimi boʻyicha — Oʻzbekiston Respublikasi tashqi ishlar vazirining birinchi oʻrinbosari 9. B.I. Zakirov — Oʻzbekiston Respublikasi qurilish va uy-joy kommunal xoʻjaligi vaziri 10. A.Y. Haydarov — Oʻzbekiston Respublikasi iqtisodiyot va moliya vaziri oʻrinbosari 11. F.F. Eshmatova — Oʻzbekiston Respublikasi Oliy Majlisining Inson huquqlari boʻyicha vakili (Ombudsman) 12. A.X. Saidov — Inson huquqlari boʻyicha Oʻzbekiston Respublikasi Milliy markazi direktori 13. K.M. Rafikov — Oʻzbekiston kasaba uyushmalari Federatsiyasi Kengashi raisi 14. Lavozimi boʻyicha — Oʻzbekiston Respublikasi kambagʻallikni qisqartirish va bandlik vaziri oʻrinbosari, Respublika komissiyasi masʼul kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 20-avgust,
PF-5785-son
Президента Республики Узбекистан
Указ
Количество
О мерах по дальнейшему усилению гарантий защиты граждан Республики Узбекистан, осуществляющих временную трудовую деятельность за рубежом, и членов их семей
За последние годы в стране осуществляется последовательная работа по упорядочению процессов внешней трудовой миграции, обеспечению защиты прав и интересов граждан, выезжающих за рубеж для осуществления временной трудовой деятельности (далее — трудовые мигранты), оказанию им необходимой правовой, социальной, информационно-консультативной помощи и материальной поддержки.
Вместе с тем требуется принятие комплексных мер по созданию надежных механизмов социальной поддержки трудовых мигрантов и членов их семей, в том числе в вопросах улучшения жилищных и бытовых условий, финансовой помощи, защиты жизни и здоровья.
Кроме того, необходимо наладить эффективное взаимодействие между уполномоченными органами и руководителями местных органов власти республики и зарубежных стран в создании достойных условий для проживания и трудовой деятельности трудовых мигрантов и членов их семей, а также обеспечить скоординированную деятельность в данном направлении.
В целях формирования эффективной системы поддержки трудовых мигрантов и членов их семей, оказания всесторонней заботы государством об их повседневных нуждах и чаяниях, усиления гарантий надежной социальной и правовой защиты как на территории страны, так и за ее пределами, а также с учетом предложений Движения предпринимателей и деловых людей — Либерально-демократической партии Узбекистана:
1. Министерству экономики и промышленности, Министерству занятости и трудовых отношений, Министерству финансов Республики Узбекистан, Совету Министров Республики Каракалпакстан, хокимиятам областей и г. Ташкента выделить в 2020 году трудовым мигрантам, нуждающимся в улучшении жилищных условий, 3 462 квартиры в многоквартирных домах в рамках реализации государственных программ по строительству жилья согласно приложению № 1 .
2. Одобрить предложение Национального банка внешнеэкономической деятельности Республики Узбекистан о:
внедрении механизма оплаты трудовыми мигрантами платежей по кредитам, полученным на территории Республики Узбекистан, в российских рублях через Акционерное общество «Азия инвест банк» и другие российские банки-партнеры, в том числе путем осуществления расчетов посредством электронных платежных систем;
принятии мер по расширению банковской инфраструктуры и удаленных каналов обслуживания клиентов Акционерного общества «Азия инвест банк» в регионах Российской Федерации, имеющих наибольшую концентрацию трудовых мигрантов из Республики Узбекистан, на основе соответствующих сведений, предоставленных Агентством по внешней трудовой миграции при Министерстве занятости и сокращения бедности Республики Узбекистан (далее — Агентство).
3. Внедрить с 1 октября 2019 года практику предоставления за счет средств Фонда поддержки и защиты прав и интересов граждан, осуществляющих трудовую деятельность за рубежом и Государственного фонда содействия занятости населения при Министерстве занятости и сокращения бедности Республики Узбекистан:
трудовым мигрантам — микрозаймов сроком на один год, с ускоренным оформлением его выдачи в течение одного банковского дня, с минимальным пакетом запрашиваемых документов (паспорт или идентификационная ID-карта, заявление и ходатайство органа по труду), на оплату расходов, связанных с трудоустройством за рубежом, в размере 2 миллионов сумов, в 2019 году — по ставке в размере 10 процентов, включая маржу коммерческого банка в размере 50 процентов от процентной ставки выданного кредита, с 1 января 2020 года — по ставке рефинансирования Центрального банка Республики Узбекистан, с 1 января 2021 года — по ставкам, устанавливаемым коммерческими банками самостоятельно на основе рыночных принципов.
страховым компаниям — единовременной субсидии на покрытие суммы страховой премии по страхованию жизни и здоровья граждан и других рисков в период осуществления ими временной трудовой деятельности за рубежом один раз в год в размере 50 тысяч сумов на каждого застрахованного трудового мигранта.
Министерству занятости и трудовых отношений совместно с Министерством финансов и другими заинтересованными министерствами и ведомствами в двухмесячный срок разработать и внести в Кабинет Министров Республики Узбекистан порядок предоставления единовременных субсидий на покрытие суммы страховой премии по страхованию жизни и здоровья граждан и других рисков в период осуществления временной трудовой деятельности за рубежом.
4. Образовать Республиканскую комиссию по вопросам внешней трудовой миграции (далее — Республиканская комиссия) в составе согласно приложению № 2 , определив ее основными задачами:
координацию деятельности республиканских органов исполнительной власти, органов исполнительной власти на местах и иных организаций по вопросам организованной трудовой миграции, эффективной защиты прав и законных интересов трудовых мигрантов, оказания им материальной и социальной поддержки;
организацию разработки и реализации государственных программ в области внешней трудовой миграции, дальнейшее совершенствование национального законодательства и правоприменительной практики в данной сфере;
налаживание сотрудничества с уполномоченными государственными органами зарубежных стран по вопросам внешней трудовой миграции, рассмотрение предложений по присоединению (ратификации) Республики Узбекистан к международным договорам в области защиты прав и законных интересов трудовых мигрантов;
содействие в реализации гражданами Республики Узбекистан их прав на трудовую деятельность за рубежом, справедливые и безопасные условия труда, обеспечение их социальной и правовой защиты, а также реинтеграции после возвращения на Родину;
заслушивание отчетов руководителей республиканских органов исполнительной власти, органов исполнительной власти на местах и иных организаций о проделанной работе в сфере внешней трудовой миграции, принятие на этой основе решений по их поощрению или привлечению к ответственности;
проведение системного анализа и мониторинга состояния работы в сфере внешней трудовой миграции с разработкой по итогам конкретных мер, направленных на повышение эффективности инструментов правовой, финансовой и материальной поддержки трудовых мигрантов.
Определить, что председатель Совета Министров Республики Каракалпакстан, хокимы областей и города Ташкента, а также руководители уполномоченных государственных органов и организаций не реже одного раза в шесть месяцев отчитываются перед Республиканской комиссией о проделанной работе в сфере поддержки и защиты прав трудовых мигрантов и членов их семей.
8. Председателю Совета Министров Республики Каракалпакстан, хокимам областей и г. Ташкента установить на постоянной основе тесные партнерские отношения с руководителями местных органов власти зарубежных стран по вопросам оформления разрешительных документов на осуществление трудовой деятельности и проживание трудовых мигрантов, соблюдения их трудовых прав при найме на работу, создания достойных жилищных и бытовых условий, пользования услугами учреждений здравоохранения и образования, а также решения иных возможных проблем, связанных с пребыванием трудовых мигрантов за рубежом.
9. Внедрить в практику порядок, согласно которому:
Агентство на основе имеющихся у него данных, а также сведений, полученных от частных агентств занятости и представительств Агентства за рубежом, ежемесячно до 5 числа вносит в Министерство занятости и сокращения бедности Республики Узбекистан информацию о проделанной работе и выявленных проблемах в сфере внешней трудовой миграции, с конкретными предложениями по их решению;
Министерство занятости и сокращения бедности совместно с Министерством иностранных дел ежемесячно до 10 числа вносят в Кабинет Министров сводную аналитическую информацию о состоянии внешней трудовой миграции, проделанной работе в сфере поддержки и защиты прав трудовых мигрантов для последующего доклада Премьер-министру Республики Узбекистан и рассмотрения на заседаниях Республиканской комиссии.
10. Министерству занятости и трудовых отношений Республики Узбекистан в рамках разрабатываемой информационной системы «Единая национальная система труда» до 1 октября 2019 года внедрить программный комплекс «labor-migration», предусматривающий в том числе:
предоставление в режиме онлайн гражданам, изъявившим желание выехать за рубеж для осуществления временной трудовой деятельности, информации о правилах пребывания, условиях труда, социальном и жилищно-бытовом обеспечении в стране трудоустройства, правовых аспектах заключения трудовых договоров с иностранными работодателями, а также мерах финансовой поддержки, предусмотренных законодательством;
предоставление сведений о деятельности Агентства и частных агентств занятости, включая информацию о видах и стоимости оказываемых ими услуг, вакантных рабочих местах, имеющихся у иностранных работодателей, а также порядке трудоустройства на данные рабочие места;
мониторинг процессов, связанных с временной трудовой деятельностью граждан Республики Узбекистан за рубежом, включая информацию о прохождении профессиональной подготовки, переподготовки и повышения квалификации, мерах полученной финансовой поддержки, оказанной правовой и социальной помощи, а также заключенных с иностранными работодателями трудовых договорах;
возможность дистанционной подачи обращений трудовыми мигрантами, попавшими в сложную ситуацию за рубежом и нуждающимися в помощи;
формирование базы данных о трудовых мигрантах, географии трудоустройства, направлениях и видах их деятельности.
Установить, что кредиты, субсидии, микрозаймы и квартиры в многоквартирных домах, предусмотренные настоящим Указом, предоставляются трудовым мигрантам, зарегистрированным в программном комплексе «labor-migration».
11. Министерству экономики и финансов, Министерству занятости и сокращения бедности, Министерству строительства и жилищно-коммунального хозяйства Республики Узбекистан:
а) в срок до 1 октября 2019 года внести в Кабинет Министров Республики Узбекистан для утверждения:
параметры строительства в 2020 году жилья для трудовых мигрантов, нуждающимся в улучшении жилищных условий;
Положение о порядке предоставления трудовым мигрантам, нуждающимся в улучшении жилищных условий, квартир в многоквартирных домах, в том числе предусматривающее порядок и критерии отбора претендентов на получение ипотечных кредитов;
б) при формировании параметров строительства жилья на 2021 год и последующие годы предусматривать в установленном порядке включение в них квартир в многоквартирных домах для трудовых мигрантов, нуждающихся в улучшении жилищных условий.
12. Министерству инвестиций, промышленности и торговли совместно с Министерством экономики и финансов Республики Узбекистан, участвующими коммерческими банками, заинтересованными министерствами и ведомствами принять меры по привлечению льготных долгосрочных кредитов международных финансовых институтов и иностранных правительственных финансовых организаций на строительство квартир в многоквартирных домах для трудовых мигрантов сверх количества, предусмотренного государственными программами по строительству жилья.
13. Определить основной задачей первого заместителя министра занятости и сокращения бедности Республики Узбекистан дальнейшее совершенствование системы внешней трудовой миграции, кардинальное расширение ее организованных форм, обеспечение защиты трудовых, социальных и иных прав граждан, выезжающих на работу за пределы республики, вовлечение в предпринимательскую и трудовую деятельность вернувшихся из-за рубежа трудовых мигрантов.
14. Внедрить практику систематического выезда в зарубежные страны, прежде всего в Российскую Федерацию, делегаций во главе с первым заместителем министра занятости и сокращения бедности в составе руководства и представителей республиканских органов исполнительной власти, органов исполнительной власти на местах и других государственных органов для ознакомления с условиями труда и быта трудовых мигрантов и оказания им практической помощи.
15. Строго предупредить должностных лиц и ответственных работников дипломатических представительств и консульских учреждений Республики Узбекистан за рубежом, зарубежных представительств Агентства об их персональной ответственности за халатность, бюрократизм и волокиту при работе с обращениями трудовых мигрантов, особенно по вопросам, требующим осуществления неотложных мер и оказания им необходимой помощи.
16. Национальному информационному агентству Узбекистана, Национальной телерадиокомпании Узбекистана организовать в средствах массовой информации масштабное освещение целей и задач настоящего Указа.
17. Кабинету Министров Республики Узбекистан в недельный срок:
подготовить предложения по внесению изменений в исполнительную структуру Кабинета Министров Республики Узбекистан;
принять постановление Кабинета Министров Республики Узбекистан по практической реализации задач, определенных настоящим Указом.
18. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 20 августа 2019 года № УП-5785
квартир в многоквартирных домах, выделяемых в 2020 году трудовым мигрантам, нуждающимся в улучшении жилищных условий
№ Наименование регионов Количество квартир 1. Республика Каракалпакстан 210 2. Андижанская область 420 3. Бухарская область 240 4. Джизакская область 120 5. Кашкадарьинская область 300 6. Навоийская область 60 7. Наманганская область 300 8. Самаркандская область 450 9. Сурхандарьинская область 270 10. Сырдарьинская область 90 11. Ташкентская область 180 12. Ферганская область 420 13. Хорезмская область 240 14. г. Ташкент 162 Итого: 3462
ПРИЛОЖЕНИЕ № 2 к Указу Президента Республики Узбекистан от 20 августа 2019 года № УП-5785
Состав Республиканской комиссии по вопросам внешней трудовой миграции
1. А.Н. Арипов — Премьер-министр Республики Узбекистан, председатель Республиканской комиссии 2. П.Р. Бобожонов — министр внутренних дел Республики Узбекистан, заместитель председателя Республиканской комиссии 3. Б.А. Мусаев — министр занятости и сокращения бедности Республики Узбекистан, заместитель председателя Республиканской комиссии 4. А.З. Саъдуллаев — директор Агентства по делам молодежи при Министерстве молодежной политики и спорта Республики Узбекистан 5. По согласованию — заместитель председателя Службы государственной безопасности Республики Узбекистан 6. По должности — первый заместитель министра занятости и сокращения бедности Республики Узбекистан 7. А.Ш. Иноятов — министр здравоохранения Республики Узбекистан 8. По должности — первый заместитель министра иностранных дел Республики Узбекистан 9. Б.И. Закиров — министр строительства и жилищно-коммунального хозяйства Республики Узбекистан 10. А.Я. Хайдаров — заместитель министра экономики и финансов Республики Узбекистан 11. Ф.Ф. Эшматова — Уполномоченный Олий Мажлиса Республики Узбекистан по правам человека (Омбудсман) 12. А.Х. Саидов — директор Национального центра Республики Узбекистан по правам человека 13. К.М. Рафиков — председатель Совета Федерации профсоюзов Узбекистана 14. По должности — заместитель министра занятости и сокращения бедности Республики Узбекистан, ответственный секретарь Республиканской комиссии
Президент Республики Узбекистан Ш. МИРЗИЁЕВ
г. Ташкент,
20 августа 2019 г.,
№ УП-5785