📅 2019-yil 21-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 августа 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 21 August 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
«Меҳрибонлик» уйлари ва болалар шаҳарчалари педагог ходимларини аттестациядан ўтказиш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Етим болалар ва ота-онасининг қарамоғидан маҳрум бўлган болаларни ижтимоий ҳимоя қилишни кучайтиришга оид қўшимча чора-тадбирлар тўғрисида» 2019 йил 11 февралдаги ПҚ-4185-сон қарорига мувофиқ Вазирлар Маҳкамаси қарор қилади:
1. «Меҳрибонлик» уйлари ва болалар шаҳарчалари педагог ходимларини аттестациядан ўтказиш тартиби тўғрисидаги низом иловага мувофиқ тасдиқлансин.
2. Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси Халқ таълими вазирлигибилан биргаликда икки ой муддатда «Меҳрибонлик» уйлари ва болалар шаҳарчалари педагог ходимларининг аттестацияси натижаларини баҳолаш мезонларини ишлаб чиқсин ва белгиланган тартибда тасдиқласин.
3. Ўзбекистон Республикаси Халқ таълими вазирлиги бир ой муддатда «Меҳрибонлик» уйлари ва болалар шаҳарчалари раҳбар ва педагог ходимларининг асосий лавозимлари малака тавсифларини қайта кўриб чиқсин.
4. Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси манфаатдор вазирликлар ва идоралар билан биргаликда улар қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов, Вазирлар Маҳкамаси ҳузуридаги Таълим сифатини назорат қилиш давлат инспекцияси бошлиғи У.Н. Ташкенбаев ва Ўзбекистон Республикаси халқ таълими вазири Ш.Х. Шерматов зиммасига юклансин.
Вазирлар Маҳкамасининг 2019 йил 21 августдаги 702-сон қарорига ИЛОВА
«Меҳрибонлик» уйлари ва болалар шаҳарчалари педагог ходимларини аттестациядан ўтказиш тартиби тўғрисида
1-боб. Умумий қоидалар
1. Ушбу Низом Ўзбекистон Республикасининг «Меҳрибонлик» уйлари ва болалар шаҳарчалари педагог ходимларини аттестациядан ўтказиш тартибини белгилайди.
Ушбу Низом «Меҳрибонлик» уйлари ва болалар шаҳарчаларида тарбиячи, ўқитувчи-дефектолог, ўқитувчи-логопед лавозимларида фаолият юритадиган шахсларга (кейинги ўринларда педагог ходимлар деб аталади) нисбатан татбиқ этилади.
2. Педагог ходимларни аттестациядан ўтказиш:
педагог ходимлар касбий маҳорати даражасининг лавозимлари малака тавсифларига мувофиқлигини аниқлаш;
педагог ходимлар касбий маҳоратининг мақсадли ва мунтазам оширилишини таъминлаш;
«Меҳрибонлик» уйлари ва болалар шаҳарчаларида таълим-тарбия жараёни самарадорлигини ошириш мақсадида амалга оширилади.
3. Педагог ходимларнинг лавозимлари малака тавсифларига мувофиқлиги Ўзбекистон Республикаси Халқ таълими вазирлиги томонидан тасдиқланган ходимларнинг асосий лавозимлари малака тавсифларидаги (кейинги ўринлардамалака тавсифлари деб аталади) талаблар асосида ўрганилади.
4. Педагог ходимлар аттестацияси қонунийлик, одиллик, холислик, беғаразлик ва коллегиаллик принциплари асосида ўтказилади.
5. Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси (кейинги ўринларда Давлат инспекцияси деб аталади) ваЎзбекистон Республикаси Халқ таълими вазирлиги томониданҳар йили аттестация жараёнлари бошланишидан камида ўн беш кун олдин педагог ходимлар аттестациясини ташкил этиш ва ўтказиш жадвали ишлаб чиқилади.
Педагог ходимлар аттестацияси ишлаб чиқилган жадвал асосида ташкил этилади ҳамда ушбу Низомда белгиланган тартибда ҳар йили март — июнь ойларида ўтказилади.
6. Педагог ходимлар ҳар беш йилда бир марта аттестациядан ўтказилади.
7. Ўзбекистон Республикаси Халқ таълими вазирлиги ҳамда Қорақалпоғистон Республикаси Халқ таълими вазирлиги, Тошкент шаҳар халқ таълими бош бошқармаси ва вилоятлар халқ таълими бошқармалари (кейинги ўринларда ҳудудий бошқармалар деб аталади) томонидан аттестация жараёнлари бошланишидан камида бир ой олдин аттестациядан ўтувчи педагог ходимларга аттестацияга оид расмий хабар, ҳужжатлар ва дастур юборилади.
2-боб. Педагог ходимларни аттестациядан ўтказишни ташкил этиш
8. Ўриндошлик бўйича ишлаётган педагог ходимлар асосий иш жойида аттестациядан ўтказилади.
9. Педагог ходимларни аттестациядан ўтказиш жараёнини ташкил этиш Ўзбекистон Республикаси Халқ таълими вазирлиги ҳамда ҳудудий бошқармалар томонидан амалга оширилади.
10. Ўзбекистон Республикаси Халқ таълими вазирлиги ва ҳудудий бошқармалар аттестациядан ўтувчи педагог ходимлар рўйхатини шакллантирадилар ҳамда аттестация жараёнлари бошланишидан камида икки ой олдин Давлат инспекциясига тақдим этадилар.
11. Аттестациядан ўтувчи педагог ходимларга аттестациядан ўтказиш тартиби ва қоидаларини таништириш аттестация жараёнлари бошланишидан камида беш кун олдин Ўзбекистон Республикаси Халқ таълими вазирлиги, ҳудудий бошқармалар ҳамда «Меҳрибонлик» уйлари ва болалар шаҳарчалари раҳбарлари томонидан амалга оширилади.
12. Ишга меҳнат шартномаси асосида янги қабул қилинган педагог ходимлар камида бир йилдан кейин аттестациядан ўтказилади.
Ҳомиладор аёллар ва уч ёшга тўлмаган боласи бор аёллар аттестациядан ўтказилмайди.
Олий таълим муассасасини тугатгандан кейин олинган мутахассислик бўйича биринчи марта ишга кирган шахслар мутахассислик бўйича ишлаган уч йиллик муддат тугаган вақтдан бошлаб уч ойдан кечикмай аттестациядан ўтказилади.
13. Ўзбекистон Республикаси Бандлик ва меҳнат муносабатлари вазирлиги педагог ходимларнинг ҳуқуқлари таъминланган ҳолда меҳнат тўғрисидаги қонунчилик ҳужжатларида белгиланган тартибда аттестациядан ўтказилишини назорат қилади.
14. «Меҳрибонлик» уйлари ва болалар шаҳарчалари педагог ходимларининг аттестациясини ташкил этиш ва ўтказиш ушбу Низомга 1-иловага мувофиқ схема бўйича амалга оширилади.
15. Аттестация жараёнларини назорат қилиш Давлат инспекцияси томонидан амалга оширилади.
3-боб. Аттестация комиссияларини тузиш ва уларнинг вазифалари
16. Педагог ходимларнинг малака тавсифларида белгиланган вазифаларга мувофиқ фаолият кўрсатишларини тасдиқлаш Ўзбекистон Республикаси Халқ таълими вазирлиги ҳамда Давлат инспекциясининг қўшма қарори билан ҳудудий бошқармаларда ташкил этиладиган аттестация комиссиялари (кейинги ўринларда аттестация комиссиялари деб аталади) томонидан амалга оширилади.
Аттестация комиссиялари таркиби ҳудудий бошқарма бошлиғи (аттестация комиссияси раиси), Давлат инспекцияси ёки унинг ҳудудий бўлими вакили (аттестация комиссияси раисининг ўринбосари), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг таълим соҳасига масъул ходими, касаба уюшмаси вакили, ҳудудий бошқармалардан ушбу соҳага масъул ходимлардан иборат бўлади.
Аттестация комиссияларининг фаолият кўрсатиш муддати уларни ташкил этиш тўғрисидаги буйруқда белгиланади.
17. Қуйидагилар аттестация комиссияларининг вазифалари ҳисобланади:
педагог ходимларнинг малака тавсифларига мос ёки мос эмаслигини аниқлаш;
аттестация натижаларига кўра умумлаштирилган ҳисоботлар тузиш, уларни Давлат инспекцияси ва Ўзбекистон Республикаси Халқ таълими вазирлигига тақдим этиш.
18. Аттестация комиссияси йиғилиши унинг аъзоларининг учдан икки қисми иштирок этганда ваколатли ҳисобланади.
19. Аттестация комиссиялари раислари ва аъзолари аттестациянинг ушбу Низом талабларига мувофиқ ўтказилиши учун масъул ҳисобланади.
20. Аттестациядан ўтувчи педагог ходимларнинг малака тавсифларида белгиланган талабларни бажарганликлари ҳақидаги тавсияларни тайёрлаш, аттестация комиссиясига педагог ходимлар фаолиятига оид зарур маълумотларни тақдим этиш учун «Меҳрибонлик» уйлари ва болалар шаҳарчалари раҳбарлари масъул ҳисобланади.
«Меҳрибонлик» уйлари ва болалар шаҳарчалари раҳбарлари томонидан педагог ходимлар фаолияти юзасидан тўпланган материаллар жамланган ҳужжатлар йиғмажилдлари тегишли аттестация комиссиясига тақдим этилади.
4-боб. Педагог ходимларни аттестациядан ўтказиш
21. Аттестация қуйидаги босқичларда ўтказилади:
биринчи босқичда — аттестациядан ўтувчиларнинг малака тавсифларида белгиланган меҳнат фаолияти самарадорлиги аттестация комиссияси аъзолари томонидан ўрганилади ва уларнинг касбий компетентлилиги малака синови натижалари орқали аниқланади;
иккинчи босқичда — маънавий-ахлоқий ва ижтимоий-сиёсий билимларини аниқлаш юзасидан суҳбат жараёни ўтказилади.
Аттестация натижаларига кўрааттестация комиссияси томонидан «Аттестациядан ўтди, эгаллаб турган лавозимига мувофиқ» ёки «Аттестациядан ўтмади, эгаллаб турган лавозимига мувофиқ эмас» деган хулосалардан бири берилади. Суҳбат жараёни видеотасвирга олинади, берилган саволлар ва жавоблар махсус саҳифаланган, тикилган ва муҳрланган дафтарда қайд этилади.
22. Аттестация қуйидаги баҳолаш мезонлари бўйича ўтказилади:
а) меҳнат фаолияти самарадорлиги — таълим олувчилар ёки тарбияланувчиларнинг билим олишга бўлган қизиқишларини ошириш, ёшларни оилавий қадриятларга хос маънавий-ахлоқий етук шакллантириш ҳамда уларнинг мустақил ҳаётга тайёр бўлиб етишишлари, яъни ижтимоий мослашуви, касб-ҳунар танлаши ҳамда малака тавсифларида белгиланган лавозим вазифаларини бажаришда эришган ютуқлари;
б) малака синовлари — аттестациядан ўтувчининг маълумот тўғрисидаги ҳужжатида кўрсатилган тайёрлов, таълим йўналиши, мутахассислик ёки ихтисосликка эга педагог ходимлар учун давлат таълим стандартлари ёки давлат таълим талаблари мазмуни асосида ўтказиладиган тест ёки ёзма топшириқларнинг (лавозим хусусиятидан келиб чиққан ҳолда ёзма иш ёки ижодий топшириқлар) бажарилиши;
в) суҳбат — маънавий-ахлоқий йўналишлар, тарбияланувчиларни тарбиялашдаги ижтимоий-сиёсий билимларини аниқлаш.
23. Педагог ходимларнинг аттестацияси натижаларини баҳолаш мезонлари (кейинги ўринларда баҳолаш мезонлари деб аталади) Давлат инспекцияси ва Ўзбекистон Республикаси Халқ таълими вазирлиги томонидан ишлаб чиқилади ва тасдиқланади.
24. Педагог ходимларнинг меҳнат фаолияти самарадорлиги, малака синовлари натижалари ҳамда суҳбат жараёни бўйича чиқариладиган ўртача умумий балл (кўрсаткич) асосида аттестация комиссияси қуйидаги хулосалардан бирини чиқаради:
56 фоиздан 100 фоизгача кўрсаткичга эга бўлса — «Аттестациядан ўтди, эгаллаб турган лавозимига мувофиқ»;
55 фоиз ва ундан кам кўрсаткичга эга бўлса — «Аттестациядан ўтмади, эгаллаб турган лавозимига мувофиқ эмас».
25. Аттестация комиссияси томонидан «Аттестациядан ўтмади, эгаллаб турган лавозимига мувофиқ эмас» деб хулоса берилган педагог ходимлар малака оширишга юборилади ва бир йилдан сўнг қайта аттестациядан ўтказилади.
26. Қайта аттестация натижаларига кўра аттестация комиссияси томонидан педагог ходимга яна «Аттестациядан ўтмади, эгаллаб турган лавозимига мувофиқ эмас» деб хулоса берилса, у ҳолда педагог билан тузилган меҳнат шартномаси Ўзбекистон Республикаси Меҳнат кодексига мувофиқ бекор қилинади.
27. Педагог ходимлар аттестация жараёнида узрли сабабларга (меҳнатга лаёқатсизлик варақаси, таълимни бошқариш бўйича махсус ваколат берилган давлат органи ёки «Меҳрибонлик» уйлари ва болалар шаҳарчалари раҳбарларининг маълумотномаси) кўра иштирок этмаган бўлса, уларнинг аттестацияси бошқа муддатга кўчирилади.
Педагог ходимлар аттестация жараёнига узрли сабабларсиз келмаган бўлса, у аттестациядан ўтмаган ҳисобланади.
28. Аттестация комиссиялари қарори ушбу Низомга 2-иловага мувофиқ шаклда расмийлаштирилади ҳамда аттестация комиссияси раиси, раис ўринбосари ва котиб томонидан имзоланади.
29. Аттестация комиссиялари қарори асосида ушбу Низомга 3-иловага мувофиқ шаклдаги аттестация варақаси расмийлаштирилади ҳамда аттестация комиссияси аъзолари томонидан имзоланади. Аттестация варақаси ходимнинг шахсий ҳужжатлар йиғма жилдига тикиб қўйилади.
5-боб. Аттестация натижалари юзасидан шикоят қилиш
30. Аттестация комиссиялари қароридан норози бўлган педагог ходимлар аттестация натижалари эълон қилинган кундан бошлаб ўн кун мобайнида апелляция комиссиясига ёзма равишда шикоят қилишлари мумкин.
31. Апелляция комиссияси аттестация бошлангандан кейин уч кун ичида педагог ходимларнинг шикоятларини кўриб чиқиш учун Ўзбекистон Республикаси халқ таълими вазирининг буйруғи билан ҳудудий бошқармаларда беш кишидан иборат таркибда ташкил этилади.
32. Апелляция комиссияси халқ таълими ходимларини қайта тайёрлаш ва уларнинг малакасини ошириш ҳудудий маркази, Давлат инспекцияси ёки унинг ҳудудий бўлимлари, касаба уюшмаси вакили, ҳудудий бошқармалардан ушбу соҳага масъул ходимлардан иборат таркибда тузилади.
33. Апелляция комиссиясининг иш тартиби апелляция комиссиясини ташкил этиш тўғрисидаги буйруқда белгиланади. Апелляция комиссияси таркибига аттестация комиссиялари таркибидан аъзо киритилмайди.
34. Апелляция комиссияси муаммоли ҳолатларга аниқлик киритиш мақсадида комиссия фаолиятига жамоатчилик асосида малакали мутахассисларни ҳам жалб этиши мумкин.
35. Апелляция комиссияси йиғилиши комиссия аъзоларининг учдан икки қисми иштирок этса, ваколатли ҳисобланади.
36. Педагог ходимларнинг шикоятлари рўйхатга олинган кундан бошлаб ўн беш кун муддатда кўриб чиқилади.
Педагог ходимлар апелляция комиссияси томонидан шикояти кўриб чиқилиши жараёнида иштирок этишга ҳақли.
37. Апелляция комиссияси аттестация комиссияси қарорини ўзгартиришсиз қолдириш ёки уни бекор қилиб, қайта аттестациядан ўтказиш ҳақида қарор чиқаради.
38. Апелляция комиссияси қарори нусхаси мурожаат этувчи педагог ходимга ва тегишли аттестация комиссиясига апелляция комиссияси қарори чиққан кундан эътиборан бир кун муддатда тақдим этилади.
6-боб. Якунловчи қоидалар
39. Апелляция комиссияси қарори юзасидан қонунчилик ҳужжатларида белгиланган тартибда судга шикоят қилиниши мумкин.
40. Ушбу Низом талабларининг бузилишида айбдор бўлган шахслар қонунчилик ҳужжатларига мувофиқ жавоб берадилар.
«Меҳрибонлик» уйлари ва болалар шаҳарчалари педагог ходимларини аттестациядан ўтказиш тартиби тўғрисидаги низомга 1-ИЛОВА
«Меҳрибонлик» уйлари ва болалар шаҳарчалари педагог ходимларининг аттестациясини ташкил этиш ва ўтказиш тартиби
«Меҳрибонлик» уйлари ва болалар шаҳарчалари педагог ходимларини аттестациядан ўтказиш тартиби тўғрисидаги низомга 2-ИЛОВА
_________________________________________________комиссиясининг _____ йил «___» _________ куни бўлиб ўтган йиғилишининг ____-сон (комиссия номи ёзилади) Қ А Р О Р И Раислик қилувчи: __________________________________________ — комиссия раиси Иштирок этганлар: __________________________________________ — комиссия раисининг ўринбосари __________________________________________ — комиссия аъзоси __________________________________________ — комиссия аъзоси __________________________________________ — комиссия котиби Т/р Таълим муассасасининг номи ёки рақами Педагог ходимнинг Меҳнат фаолияти самарадорлиги Малака синовлари Суҳбат натижаси Ўртача умумий балл Аттестация натижаларига кўра комиссия қарори фамилияси исми отасининг исми Комиссия раиси ________________________ Комиссия раисининг ўринбосари ________________________ Комиссия котиби ________________________
«Меҳрибонлик» уйлари ва болалар шаҳарчалари педагог ходимларини аттестациядан ўтказиш тартиби тўғрисидаги низомга 3-ИЛОВА
____________________________________________________________________________________________ (Республика, вилоят, шаҳар) ____________________________________________________________________________________________ («Меҳрибонлик» уйи ёки болалар шаҳарчасининг номи ёки рақами) АТТЕСТАЦИЯ ВАРАҚАСИ ____________________________________________________________________________________________ (педагог ходимнинг фамилияси, исми, отасининг исми) Туғилган йили, кун ва ой ____________________________________________________________________ Маълумоти ____________ _______________________________________ ___________________ (таълим олган муассасасининг номи) (тамомлаган йили) Таснифлаш бўйича ____________________________________________________________________________ (тайёрлов, таълим йўналиши, мутахассислик ёки ихтисослик номи) Илмий даражаси ёки илмий унвони _______________________________________________________________ Педагогик стажи ______________________________________________________________________________ Амалдаги лавозими бўйича иш стажи __________ йил, шу жумладан,ушбу таълим муассасасида____________йил Малакасини оширган таълим муассасасининг номи ва вақти __________________________________________ ___________________________________________________________________________________________ (малака оширган соҳаси: касбий ёки бошқа мавзуларда ) Мукофотлари ________________________________________________________________________________ Комиссия қарори _____________________________________________________________________________ (тўлиқ ёзилади) Комиссия раиси _______________________________________ ____________ (фамилияси, исми, отасининг исми) (имзо) Комиссия котиби _______________________________________ ____________ (фамилияси, исми, отасининг исми) (имзо) Комиссия аъзоси _______________________________________ ____________ (фамилияси, исми, отасининг исми) ( имзо ) Комиссия аъзоси _______________________________________ ____________ (фамилияси, исми, отасининг исми) (имзо) Комиссия аъзоси _______________________________________ ____________ (фамилияси, исми, отасининг исми) (имзо) ________йил «____» ______________
Ўзбекистон Республикасининг Бош вазири А. АРИПОВ
Тошкент ш.,
2019 йил 21 август,
702-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
“Mehribonlik” uylari va bolalar shaharchalari pedagog xodimlarini attestatsiyadan oʻtkazish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Yetim bolalar va ota-onasining qaramogʻidan mahrum boʻlgan bolalarni ijtimoiy himoya qilishni kuchaytirishga oid qoʻshimcha chora-tadbirlar toʻgʻrisida” 2019-yil 11-fevraldagi PQ-4185-son qaroriga muvofiq Vazirlar Mahkamasi qaror qiladi:
1. “Mehribonlik” uylari va bolalar shaharchalari pedagog xodimlarini attestatsiyadan oʻtkazish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi Xalq taʼlimi vazirligibilan birgalikda ikki oy muddatda “Mehribonlik” uylari va bolalar shaharchalari pedagog xodimlarining attestatsiyasi natijalarini baholash mezonlarini ishlab chiqsin va belgilangan tartibda tasdiqlasin.
3. Oʻzbekiston Respublikasi Xalq taʼlimi vazirligi bir oy muddatda “Mehribonlik” uylari va bolalar shaharchalari rahbar va pedagog xodimlarining asosiy lavozimlari malaka tavsiflarini qayta koʻrib chiqsin.
4. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi manfaatdor vazirliklar va idoralar bilan birgalikda ular qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov, Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻi U.N. Tashkenbayev va Oʻzbekiston Respublikasi xalq taʼlimi vaziri Sh.X. Shermatov zimmasiga yuklansin.
Vazirlar Mahkamasining 2019-yil 21-avgustdagi 702-son qaroriga ILOVA
“Mehribonlik” uylari va bolalar shaharchalari pedagog xodimlarini attestatsiyadan oʻtkazish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasining “Mehribonlik” uylari va bolalar shaharchalari pedagog xodimlarini attestatsiyadan oʻtkazish tartibini belgilaydi.
Ushbu Nizom “Mehribonlik” uylari va bolalar shaharchalarida tarbiyachi, oʻqituvchi-defektolog, oʻqituvchi-logoped lavozimlarida faoliyat yuritadigan shaxslarga (keyingi oʻrinlarda pedagog xodimlar deb ataladi) nisbatan tatbiq etiladi.
2. Pedagog xodimlarni attestatsiyadan oʻtkazish:
pedagog xodimlar kasbiy mahorati darajasining lavozimlari malaka tavsiflariga muvofiqligini aniqlash;
pedagog xodimlar kasbiy mahoratining maqsadli va muntazam oshirilishini taʼminlash;
“Mehribonlik” uylari va bolalar shaharchalarida taʼlim-tarbiya jarayoni samaradorligini oshirish maqsadida amalga oshiriladi.
3. Pedagog xodimlarning lavozimlari malaka tavsiflariga muvofiqligi Oʻzbekiston Respublikasi Xalq taʼlimi vazirligi tomonidan tasdiqlangan xodimlarning asosiy lavozimlari malaka tavsiflaridagi (keyingi oʻrinlardamalaka tavsiflari deb ataladi) talablar asosida oʻrganiladi.
4. Pedagog xodimlar attestatsiyasi qonuniylik, odillik, xolislik, begʻarazlik va kollegiallik prinsiplari asosida oʻtkaziladi.
5. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi (keyingi oʻrinlarda Davlat inspeksiyasi deb ataladi) vaOʻzbekiston Respublikasi Xalq taʼlimi vazirligi tomonidanhar yili attestatsiya jarayonlari boshlanishidan kamida oʻn besh kun oldin pedagog xodimlar attestatsiyasini tashkil etish va oʻtkazish jadvali ishlab chiqiladi.
Pedagog xodimlar attestatsiyasi ishlab chiqilgan jadval asosida tashkil etiladi hamda ushbu Nizomda belgilangan tartibda har yili mart — iyun oylarida oʻtkaziladi.
6. Pedagog xodimlar har besh yilda bir marta attestatsiyadan oʻtkaziladi.
7. Oʻzbekiston Respublikasi Xalq taʼlimi vazirligi hamda Qoraqalpogʻiston Respublikasi Xalq taʼlimi vazirligi, Toshkent shahar xalq taʼlimi bosh boshqarmasi va viloyatlar xalq taʼlimi boshqarmalari (keyingi oʻrinlarda hududiy boshqarmalar deb ataladi) tomonidan attestatsiya jarayonlari boshlanishidan kamida bir oy oldin attestatsiyadan oʻtuvchi pedagog xodimlarga attestatsiyaga oid rasmiy xabar, hujjatlar va dastur yuboriladi.
2-bob. Pedagog xodimlarni attestatsiyadan oʻtkazishni tashkil etish
8. Oʻrindoshlik boʻyicha ishlayotgan pedagog xodimlar asosiy ish joyida attestatsiyadan oʻtkaziladi.
9. Pedagog xodimlarni attestatsiyadan oʻtkazish jarayonini tashkil etish Oʻzbekiston Respublikasi Xalq taʼlimi vazirligi hamda hududiy boshqarmalar tomonidan amalga oshiriladi.
10. Oʻzbekiston Respublikasi Xalq taʼlimi vazirligi va hududiy boshqarmalar attestatsiyadan oʻtuvchi pedagog xodimlar roʻyxatini shakllantiradilar hamda attestatsiya jarayonlari boshlanishidan kamida ikki oy oldin Davlat inspeksiyasiga taqdim etadilar.
11. Attestatsiyadan oʻtuvchi pedagog xodimlarga attestatsiyadan oʻtkazish tartibi va qoidalarini tanishtirish attestatsiya jarayonlari boshlanishidan kamida besh kun oldin Oʻzbekiston Respublikasi Xalq taʼlimi vazirligi, hududiy boshqarmalar hamda “Mehribonlik” uylari va bolalar shaharchalari rahbarlari tomonidan amalga oshiriladi.
12. Ishga mehnat shartnomasi asosida yangi qabul qilingan pedagog xodimlar kamida bir yildan keyin attestatsiyadan oʻtkaziladi.
Homilador ayollar va uch yoshga toʻlmagan bolasi bor ayollar attestatsiyadan oʻtkazilmaydi.
Oliy taʼlim muassasasini tugatgandan keyin olingan mutaxassislik boʻyicha birinchi marta ishga kirgan shaxslar mutaxassislik boʻyicha ishlagan uch yillik muddat tugagan vaqtdan boshlab uch oydan kechikmay attestatsiyadan oʻtkaziladi.
13. Oʻzbekiston Respublikasi Bandlik va mehnat munosabatlari vazirligi pedagog xodimlarning huquqlari taʼminlangan holda mehnat toʻgʻrisidagi qonunchilik hujjatlarida belgilangan tartibda attestatsiyadan oʻtkazilishini nazorat qiladi.
14. “Mehribonlik” uylari va bolalar shaharchalari pedagog xodimlarining attestatsiyasini tashkil etish va oʻtkazish ushbu Nizomga 1-ilovaga muvofiq sxema boʻyicha amalga oshiriladi.
15. Attestatsiya jarayonlarini nazorat qilish Davlat inspeksiyasi tomonidan amalga oshiriladi.
3-bob. Attestatsiya komissiyalarini tuzish va ularning vazifalari
16. Pedagog xodimlarning malaka tavsiflarida belgilangan vazifalarga muvofiq faoliyat koʻrsatishlarini tasdiqlash Oʻzbekiston Respublikasi Xalq taʼlimi vazirligi hamda Davlat inspeksiyasining qoʻshma qarori bilan hududiy boshqarmalarda tashkil etiladigan attestatsiya komissiyalari (keyingi oʻrinlarda attestatsiya komissiyalari deb ataladi) tomonidan amalga oshiriladi.
Attestatsiya komissiyalari tarkibi hududiy boshqarma boshligʻi (attestatsiya komissiyasi raisi), Davlat inspeksiyasi yoki uning hududiy boʻlimi vakili (attestatsiya komissiyasi raisining oʻrinbosari), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining taʼlim sohasiga masʼul xodimi, kasaba uyushmasi vakili, hududiy boshqarmalardan ushbu sohaga masʼul xodimlardan iborat boʻladi.
Attestatsiya komissiyalarining faoliyat koʻrsatish muddati ularni tashkil etish toʻgʻrisidagi buyruqda belgilanadi.
17. Quyidagilar attestatsiya komissiyalarining vazifalari hisoblanadi:
pedagog xodimlarning malaka tavsiflariga mos yoki mos emasligini aniqlash;
attestatsiya natijalariga koʻra umumlashtirilgan hisobotlar tuzish, ularni Davlat inspeksiyasi va Oʻzbekiston Respublikasi Xalq taʼlimi vazirligiga taqdim etish.
18. Attestatsiya komissiyasi yigʻilishi uning aʼzolarining uchdan ikki qismi ishtirok etganda vakolatli hisoblanadi.
19. Attestatsiya komissiyalari raislari va aʼzolari attestatsiyaning ushbu Nizom talablariga muvofiq oʻtkazilishi uchun masʼul hisoblanadi.
20. Attestatsiyadan oʻtuvchi pedagog xodimlarning malaka tavsiflarida belgilangan talablarni bajarganliklari haqidagi tavsiyalarni tayyorlash, attestatsiya komissiyasiga pedagog xodimlar faoliyatiga oid zarur maʼlumotlarni taqdim etish uchun “Mehribonlik” uylari va bolalar shaharchalari rahbarlari masʼul hisoblanadi.
“Mehribonlik” uylari va bolalar shaharchalari rahbarlari tomonidan pedagog xodimlar faoliyati yuzasidan toʻplangan materiallar jamlangan hujjatlar yigʻmajildlari tegishli attestatsiya komissiyasiga taqdim etiladi.
4-bob. Pedagog xodimlarni attestatsiyadan oʻtkazish
21. Attestatsiya quyidagi bosqichlarda oʻtkaziladi:
birinchi bosqichda — attestatsiyadan oʻtuvchilarning malaka tavsiflarida belgilangan mehnat faoliyati samaradorligi attestatsiya komissiyasi aʼzolari tomonidan oʻrganiladi va ularning kasbiy kompetentliligi malaka sinovi natijalari orqali aniqlanadi;
ikkinchi bosqichda — maʼnaviy-axloqiy va ijtimoiy-siyosiy bilimlarini aniqlash yuzasidan suhbat jarayoni oʻtkaziladi.
Attestatsiya natijalariga koʻraattestatsiya komissiyasi tomonidan “Attestatsiyadan oʻtdi, egallab turgan lavozimiga muvofiq” yoki “Attestatsiyadan oʻtmadi, egallab turgan lavozimiga muvofiq emas” degan xulosalardan biri beriladi. Suhbat jarayoni videotasvirga olinadi, berilgan savollar va javoblar maxsus sahifalangan, tikilgan va muhrlangan daftarda qayd etiladi.
22. Attestatsiya quyidagi baholash mezonlari boʻyicha oʻtkaziladi:
a) mehnat faoliyati samaradorligi — taʼlim oluvchilar yoki tarbiyalanuvchilarning bilim olishga boʻlgan qiziqishlarini oshirish, yoshlarni oilaviy qadriyatlarga xos maʼnaviy-axloqiy yetuk shakllantirish hamda ularning mustaqil hayotga tayyor boʻlib yetishishlari, yaʼni ijtimoiy moslashuvi, kasb-hunar tanlashi hamda malaka tavsiflarida belgilangan lavozim vazifalarini bajarishda erishgan yutuqlari;
b) malaka sinovlari — attestatsiyadan oʻtuvchining maʼlumot toʻgʻrisidagi hujjatida koʻrsatilgan tayyorlov, taʼlim yoʻnalishi, mutaxassislik yoki ixtisoslikka ega pedagog xodimlar uchun davlat taʼlim standartlari yoki davlat taʼlim talablari mazmuni asosida oʻtkaziladigan test yoki yozma topshiriqlarning (lavozim xususiyatidan kelib chiqqan holda yozma ish yoki ijodiy topshiriqlar) bajarilishi;
v) suhbat — maʼnaviy-axloqiy yoʻnalishlar, tarbiyalanuvchilarni tarbiyalashdagi ijtimoiy-siyosiy bilimlarini aniqlash.
23. Pedagog xodimlarning attestatsiyasi natijalarini baholash mezonlari (keyingi oʻrinlarda baholash mezonlari deb ataladi) Davlat inspeksiyasi va Oʻzbekiston Respublikasi Xalq taʼlimi vazirligi tomonidan ishlab chiqiladi va tasdiqlanadi.
24. Pedagog xodimlarning mehnat faoliyati samaradorligi, malaka sinovlari natijalari hamda suhbat jarayoni boʻyicha chiqariladigan oʻrtacha umumiy ball (koʻrsatkich) asosida attestatsiya komissiyasi quyidagi xulosalardan birini chiqaradi:
56 foizdan 100 foizgacha koʻrsatkichga ega boʻlsa — “Attestatsiyadan oʻtdi, egallab turgan lavozimiga muvofiq”;
55 foiz va undan kam koʻrsatkichga ega boʻlsa — “Attestatsiyadan oʻtmadi, egallab turgan lavozimiga muvofiq emas”.
25. Attestatsiya komissiyasi tomonidan “Attestatsiyadan oʻtmadi, egallab turgan lavozimiga muvofiq emas” deb xulosa berilgan pedagog xodimlar malaka oshirishga yuboriladi va bir yildan soʻng qayta attestatsiyadan oʻtkaziladi.
26. Qayta attestatsiya natijalariga koʻra attestatsiya komissiyasi tomonidan pedagog xodimga yana “Attestatsiyadan oʻtmadi, egallab turgan lavozimiga muvofiq emas” deb xulosa berilsa, u holda pedagog bilan tuzilgan mehnat shartnomasi Oʻzbekiston Respublikasi Mehnat kodeksiga muvofiq bekor qilinadi.
27. Pedagog xodimlar attestatsiya jarayonida uzrli sabablarga (mehnatga layoqatsizlik varaqasi, taʼlimni boshqarish boʻyicha maxsus vakolat berilgan davlat organi yoki “Mehribonlik” uylari va bolalar shaharchalari rahbarlarining maʼlumotnomasi) koʻra ishtirok etmagan boʻlsa, ularning attestatsiyasi boshqa muddatga koʻchiriladi.
Pedagog xodimlar attestatsiya jarayoniga uzrli sabablarsiz kelmagan boʻlsa, u attestatsiyadan oʻtmagan hisoblanadi.
28. Attestatsiya komissiyalari qarori ushbu Nizomga 2-ilovaga muvofiq shaklda rasmiylashtiriladi hamda attestatsiya komissiyasi raisi, rais oʻrinbosari va kotib tomonidan imzolanadi.
29. Attestatsiya komissiyalari qarori asosida ushbu Nizomga 3-ilovaga muvofiq shakldagi attestatsiya varaqasi rasmiylashtiriladi hamda attestatsiya komissiyasi aʼzolari tomonidan imzolanadi. Attestatsiya varaqasi xodimning shaxsiy hujjatlar yigʻma jildiga tikib qoʻyiladi.
5-bob. Attestatsiya natijalari yuzasidan shikoyat qilish
30. Attestatsiya komissiyalari qaroridan norozi boʻlgan pedagog xodimlar attestatsiya natijalari eʼlon qilingan kundan boshlab oʻn kun mobaynida apellatsiya komissiyasiga yozma ravishda shikoyat qilishlari mumkin.
31. Apellatsiya komissiyasi attestatsiya boshlangandan keyin uch kun ichida pedagog xodimlarning shikoyatlarini koʻrib chiqish uchun Oʻzbekiston Respublikasi xalq taʼlimi vazirining buyrugʻi bilan hududiy boshqarmalarda besh kishidan iborat tarkibda tashkil etiladi.
32. Apellatsiya komissiyasi xalq taʼlimi xodimlarini qayta tayyorlash va ularning malakasini oshirish hududiy markazi, Davlat inspeksiyasi yoki uning hududiy boʻlimlari, kasaba uyushmasi vakili, hududiy boshqarmalardan ushbu sohaga masʼul xodimlardan iborat tarkibda tuziladi.
33. Apellatsiya komissiyasining ish tartibi apellatsiya komissiyasini tashkil etish toʻgʻrisidagi buyruqda belgilanadi. Apellatsiya komissiyasi tarkibiga attestatsiya komissiyalari tarkibidan aʼzo kiritilmaydi.
34. Apellatsiya komissiyasi muammoli holatlarga aniqlik kiritish maqsadida komissiya faoliyatiga jamoatchilik asosida malakali mutaxassislarni ham jalb etishi mumkin.
35. Apellatsiya komissiyasi yigʻilishi komissiya aʼzolarining uchdan ikki qismi ishtirok etsa, vakolatli hisoblanadi.
36. Pedagog xodimlarning shikoyatlari roʻyxatga olingan kundan boshlab oʻn besh kun muddatda koʻrib chiqiladi.
Pedagog xodimlar apellatsiya komissiyasi tomonidan shikoyati koʻrib chiqilishi jarayonida ishtirok etishga haqli.
37. Apellatsiya komissiyasi attestatsiya komissiyasi qarorini oʻzgartirishsiz qoldirish yoki uni bekor qilib, qayta attestatsiyadan oʻtkazish haqida qaror chiqaradi.
38. Apellatsiya komissiyasi qarori nusxasi murojaat etuvchi pedagog xodimga va tegishli attestatsiya komissiyasiga apellatsiya komissiyasi qarori chiqqan kundan eʼtiboran bir kun muddatda taqdim etiladi.
6-bob. Yakunlovchi qoidalar
39. Apellatsiya komissiyasi qarori yuzasidan qonunchilik hujjatlarida belgilangan tartibda sudga shikoyat qilinishi mumkin.
40. Ushbu Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradilar.
“Mehribonlik” uylari va bolalar shaharchalari pedagog xodimlarini attestatsiyadan oʻtkazish tartibi toʻgʻrisidagi nizomga 1-ILOVA
“Mehribonlik” uylari va bolalar shaharchalari pedagog xodimlarining attestatsiyasini tashkil etish va oʻtkazish tartibi
“Mehribonlik” uylari va bolalar shaharchalari pedagog xodimlarini attestatsiyadan oʻtkazish tartibi toʻgʻrisidagi nizomga 2-ILOVA
_________________________________________________komissiyasining _____ yil “___” _________ kuni boʻlib oʻtgan yigʻilishining ____-son (komissiya nomi yoziladi) Q A R O R I Raislik qiluvchi: __________________________________________ — komissiya raisi Ishtirok etganlar: __________________________________________ — komissiya raisining oʻrinbosari __________________________________________ — komissiya aʼzosi __________________________________________ — komissiya aʼzosi __________________________________________ — komissiya kotibi � T/r Taʼlim muassasasining nomi yoki raqami Pedagog xodimning Mehnat faoliyati samaradorligi Malaka sinovlari Suhbat natijasi Oʻrtacha umumiy ball Attestatsiya natijalariga koʻra komissiya qarori familiyasi ismi otasining ismi Komissiya raisi ________________________ Komissiya raisining oʻrinbosari ________________________ Komissiya kotibi ________________________
“Mehribonlik” uylari va bolalar shaharchalari pedagog xodimlarini attestatsiyadan oʻtkazish tartibi toʻgʻrisidagi nizomga 3-ILOVA
____________________________________________________________________________________________ (Respublika, viloyat, shahar) ____________________________________________________________________________________________ (“Mehribonlik” uyi yoki bolalar shaharchasining nomi yoki raqami) ATTESTATSIYA VARAQASI ____________________________________________________________________________________________ (pedagog xodimning familiyasi, ismi, otasining ismi) Tugʻilgan yili, kun va oy ____________________________________________________________________ Maʼlumoti ____________ _______________________________________ ___________________ (taʼlim olgan muassasasining nomi) (tamomlagan yili) Tasniflash boʻyicha ____________________________________________________________________________ (tayyorlov, taʼlim yoʻnalishi, mutaxassislik yoki ixtisoslik nomi) Ilmiy darajasi yoki ilmiy unvoni _______________________________________________________________ Pedagogik staji ______________________________________________________________________________ Amaldagi lavozimi boʻyicha ish staji __________ yil, shu jumladan,ushbu taʼlim muassasasida____________yil Malakasini oshirgan taʼlim muassasasining nomi va vaqti __________________________________________ ___________________________________________________________________________________________ (malaka oshirgan sohasi: kasbiy yoki boshqa mavzularda ) Mukofotlari ________________________________________________________________________________ Komissiya qarori _____________________________________________________________________________ (toʻliq yoziladi) Komissiya raisi _______________________________________ ____________ (familiyasi, ismi, otasining ismi) (imzo) Komissiya kotibi _______________________________________ ____________ (familiyasi, ismi, otasining ismi) (imzo) Komissiya aʼzosi _______________________________________ ____________ (familiyasi, ismi, otasining ismi) ( imzo ) Komissiya aʼzosi _______________________________________ ____________ (familiyasi, ismi, otasining ismi) (imzo) Komissiya aʼzosi _______________________________________ ____________ (familiyasi, ismi, otasining ismi) (imzo) ________yil “____” ______________
Oʻzbekiston Respublikasining Bosh vaziri A. ARIPOV
Toshkent sh.,
2019-yil 21-avgust,
702-son