📅 2019-yil 24-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 24 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 августа 2019 г. · Постановления Президента
Официальный текст. Официальный документ. Редакционные примечания не включены.
📅 24 August 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
НАМУНАВИЙ ТАРКИБИ
Давлат ва хўжалик бошқаруви ҳамда маҳаллий ижроия ҳокимияти органларининг ишлаб чиқаришни маҳаллийлаштириш ва саноат тармоқларида кооперация алоқаларини жадаллаштиришнинг янги тизимини жорий этиш бўйича масъулиятини янада ошириш тўғрисида
Мамлакатимизда саноат маҳсулотларини ишлаб чиқариш ҳажмини ошириш ва турларини кенгайтириш, аҳолининг истеъмол товарларига бўлган эҳтиёжини қондириш бўйича изчил чора-тадбирлар амалга оширилмоқда.
Шу билан бирга, республикада саноат маҳсулотларини ишлаб чиқаришни маҳаллийлаштириш бўйича ягона тизимнинг мавжуд эмаслиги ишлаб чиқариш қувватларидан тўлиқ фойдаланилмаётганлигига ҳамда маҳаллий хом ашёни чуқур қайта ишлаш орқали қўшилган қиймат занжирини яратиш даражасининг пасайишига сабаб бўлмоқда.
Хусусан, республикада ишлаб чиқарилаётган товарларга ўхшаш бўлган товарларни четдан импорт қилиш «Ўзавтосаноат» АЖ, «Ўзтўқимачиликсаноат» уюшмаси, «Ўзметкомбинат» АЖ, «Ўзэлтехсаноат» уюшмаси, «Ўзчармсаноат» уюшмаси корхоналари ҳамда Бухоро, Наманган, Сирдарё, Фарғона вилоятлари ва Тошкент шаҳридаги корхоналар ҳиссасига тўғри келади.
Республикада саноат маҳсулотларини ишлаб чиқаришни маҳаллийлаштириш бўйича ягона тизим яратиш, тармоқ ва ҳудудларда ишлаб чиқаришни маҳаллийлаштириш жараёнларини жадаллаштириш, ишлаб чиқариш қувватларидан тўлиқ ва самарали фойдаланиш орқали бутловчи буюмлар, эҳтиёт қисмлар ва материалларни ишлаб чиқаришни ўзлаштириш ҳамда саноатда кооперация алоқаларини кенгайтириш ва импорт ҳажмини оптималлаштириш мақсадида:
1. Вазирлар Маҳкамаси, давлат ва хўжалик бошқаруви ҳамда маҳаллий ижроия ҳокимияти органлари раҳбарлари фаолиятининг инвестициялар жалб қилинишини ва экспортни рағбатлантириш билан биргаликда саноат маҳсулотларини ишлаб чиқариш жараёнига илмий изланиш натижаларини ва замонавий инновацион технологияларни жорий қилиш орқали маҳаллий хом ашё ҳамда саноат кооперацияси негизида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштириш ва саноат тармоқларида кооперация алоқаларини жадаллаштириш энг муҳим устувор йўналишларидан бири этиб белгилансин.
2. Вилоятлар ва Тошкент шаҳар ҳокимликлари тузилмаларига ҳокимнинг ишлаб чиқаришни маҳаллийлаштириш ва саноатда кооперация алоқаларини кенгайтириш масалалари бўйича ёрдамчиси лавозими (кейинги ўринларда ― ҳоким ёрдамчиси) жорий этилсин. Ҳоким ёрдамчисининг асосий вазифалари этиб қуйидагилар белгилансин:
республика импорт ҳажми ва номенклатурасини чуқур таҳлил қилиш асосида ҳамда ҳудуддаги мавжуд ресурсларни ҳисобга олган ҳолда ҳудудда маҳаллийлаштириладиган тайёр маҳсулотлар, бутловчи буюмлар, эҳтиёт қисмлар ва материалларнинг аниқ рўйхатини шакллантириш;
хорижий компаниялар ва ташкилотларнинг таклифлари ва салоҳиятини ўрганиш асосида импорт ўрнини босадиган маҳсулотларнинг энг кўп талаб қилинадиган турларини ўзлаштириш бўйича хорижий шерикларни саноат кооперациясига кенг жалб этишга доир таклифлар ишлаб чиқиш;
ҳудудий маҳаллийлаштириш дастурлари лойиҳаларини шакллантириш, уларнинг амалга оширилишини ташкил этишда, шунингдек ҳамкорлар топиш, узоқ муддатли ҳамкорлик алоқаларини йўлга қўйишда лойиҳа ташаббускорларига доимий равишда амалий ёрдам кўрсатиш;
ҳудудий маҳаллийлаштириш дастуридаги лойиҳаларда белгиланган мақсадли параметрларга эришишнинг тизимли мониторингини олиб бориш;
мониторинг натижалари бўйича аниқланган тизимли муаммо ва камчиликларни бартараф этиш юзасидан таклифларни Ўзбекистон Республикаси Иқтисодиёт ва саноат вазирлигига киритиб бориш;
ҳудудда ишлаб чиқарилаётган саноат маҳсулотларининг ҳажми ва техник параметрлари юзасидан ахборотларни электрон кооперация порталига жойлаштириб ва янгилаб бориш;
ҳудуддаги хўжалик юритувчи субъектларга республикада ишлаб чиқарилаётган саноат маҳсулотларининг турлари, техник тавсифлари ва сифат кўрсаткичлари тўғрисида батафсил маълумот бериш орқали ҳудудий саноат кооперациясини ривожлантириш бўйича комплекс чора-тадбирларни амалга ошириш ва мунтазам равишда ҳудудий саноат ярмаркаларини ташкил этиш.
3. Белгилансинки, ҳоким ёрдамчиси:
белгиланган вазифаларнинг самарали бажарилиши учун вилоят ҳокимининг биринчи ўринбосари ва вилоят ҳокимининг ўринбосари ― вилоятлар ва Тошкент шаҳар инвестициялар ва ташқи савдо бошқармаси бошлиғи билан ҳамкорликда ишларни амалга оширади;
меҳнатга ҳақ тўлаш, тиббий ва транспорт хизмати кўрсатиш шартларига кўра вилоятлар ва Тошкент шаҳар ҳокимларининг ўринбосарига тенглаштирилади;
битта штат бирлигидан иборат ўзининг алоҳида котибиятига эга бўлади.
4. Ҳоким ёрдамчиси раҳбарлигида маҳаллийлаштириш ва саноатда кооперация алоқаларини кенгайтириш масалалари бўйича доимий асосда фаолият кўрсатувчи ишчи гуруҳ ташкил этилсин ва унинг намунавий таркиби иловага мувофиқ тасдиқлансин.
5. Қорақалпоғистон Республикаси Жўқорғи Кенгесига Қорақалпоғистон Республикаси Вазирлар Кенгаши тузилмасини ушбу қарорда белгиланган талабларга мувофиқ қайта кўриб чиқиб, янги тузилма ва бошқарув ходимларининг штат бирлигини тасдиқлаш тавсия этилсин.
6. Ўзбекистон Республикаси Давлат активларини бошқариш агентлиги, вазирлик ва идоралар икки ой муддатда устав фондида (капиталида) давлат улуши 50 фоиз ва ундан ортиқ бўлган юридик шахслар (кейинги ўринда ― давлат улуши юқори бўлган корхоналар), шунингдек устав фондининг (капиталининг) 50 фоизи ва ундан ортиғи давлат улуши юқори бўлган корхоналарга тегишли юридик шахслар бошқарув органлари йиғилишларида:
корхона раҳбарининг ахборот технологиялари ва сунъий интеллектни жорий этиш масалалари бўйича ўринбосари лавозимини киритиш ҳамда маҳаллийлаштириш ва саноатда кооперация алоқаларини кенгайтириш масалаларини бошқарув раисининг амалдаги ишлаб чиқариш бўйича ўринбосарига (тегишлилиги бўйича Бош муҳандисга) юклатиш ва уларнинг фаолияти самарадорлиги ва натижадорлигининг асосий кўрсаткичларини тасдиқлаш;
маҳсулотлар сотиб олиш бўйича импорт шартномалари (уларга қўшимча шартномалар) ва уларнинг техник талабларини корхона раҳбарининг ишлаб чиқариш бўйича ўринбосари (тегишлилиги бўйича Бош муҳандис) билан келишиш;
харидлар жараёни шаффофлиги ва асослилиги, шу жумладан маҳаллий маҳсулотларнинг сифат ва нарх бўйича белгиланган параметрларга мувофиқлигини ҳисобга олган ҳолда импорт харидларини, шунингдек валюта ресурсларидан самарали фойдаланилишини ҳар чоракда ташқи аудитдан ўтказиш механизмини жорий этиш;
корхоналарда ишлаб чиқаришни маҳаллийлаштириш ва саноат кооперациясини ривожлантириш чора-тадбирлари натижадорлиги юзасидан раҳбар ва ходимлар томонидан амалга оширилган ишлар самарадорлигидан келиб чиқиб, уларни рағбатлантириш ёки жазо чораларини кўриш мақсадида, бошқарув органлари йиғилишларида ҳисоботларни тинглаш амалиётини жорий этиш масалаларини кўриб чиқиш;
корхоналарда замонавий ахборот технологияларидан кенг фойдаланиш, ишлаб чиқариш самарадорлигини оширишга қаратилган дастурий таъминотларни жорий қилиш ташаббуси билан чиқсин.
7. Ўзбекистон Республикаси Давлат активларини бошқариш агентлиги Иқтисодиёт ва саноат вазирлиги ҳамда Инвестициялар ва ташқи савдо вазирлиги билан биргаликда икки ой муддатда ҳар йили янгиланиб бориладиган мазкур қарорнинг 6-банди талаблари жорий этиладиган юридик шахслар (кейинги ўринларда ― мониторинг юритиладиган корхоналар) рўйхатини шакллантирсин.
10. Белгилансинки:
Ўзбекистон Республикаси Президентининг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси (Р.А. Гулямов) вазирликлар, идоралар, хўжалик бирлашмалари, шунингдек ҳоким ёрдамчиларининг маҳаллийлаштиришни ҳамда саноатда кооперация алоқаларини кенгайтириш йўналишидаги фаолиятларини мувофиқлаштиради;
мазкур қарорнинг 2 , 3 ва 9-бандларида назарда тутилган штат бирликлари Ўзбекистон Республикаси Давлат божхона қўмитаси тизимидаги 10 та ва Давлат солиқ қўмитаси тизимидаги 21 та штат бирликларини қисқартириш ҳисобига шакллантирилади.
11. Ўзбекистон Республикаси Иқтисодиёт ва саноат вазирлиги ишлаб чиқаришни маҳаллийлаштириш ва саноат кооперациясини ривожлантириш жараёнларини чуқурлаштириш бўйича ваколатли орган сифатида белгилансин ва вазирликка қуйидаги қўшимча вазифалар юклансин:
тайёр маҳсулотлар, бутловчи буюмлар, хом ашё ва материаллар ишлаб чиқариш ҳажмини ошириш ҳамда саноатда кооперация алоқаларини кенгайтириш бўйича тармоқ ва ҳудудий корхоналар томонидан амалга оширилаётган тадбирларни мувофиқлаштириш;
импорт товарларига бўлган республика эҳтиёжларини доимий равишда ўрганиш орқали республикада мавжуд ишлаб чиқариш қувватларидан самарали фойдаланишни ташкил этиш;
ўзлаштирилиши тавсия этиладиган талаб юқори бўлган маҳсулотларнинг электрон рўйхатини янгилаб бориш орқали тадбиркорлик субъектларига амалий ёрдам бериш;
иқтисодиёт тармоқлари бўйича маҳаллийлаштириш дастурлари лойиҳаларини шакллантириш, уларни амалга оширишни ташкил этишда, саноат кооперацияси асосида ҳамкорлик алоқаларини ривожлантиришда амалий ёрдам кўрсатиш;
маҳаллийлаштириш дастурига киритилган лойиҳаларнинг мақсадли кўрсаткичлари бажарилишини тизимли мониторинг қилиб бориш ва ҳисоботини юритиш, ишлаб чиқариш билан боғлиқ муаммоларни ваколатли идоралар билан биргаликда жойига чиққан ҳолда бартараф этиш чораларини кўриш.
Белгилаб қўйилсинки, Иқтисодиёт ва саноат вазирлиги ишлаб чиқаришни маҳаллийлаштириш ва саноат тармоқларида кооперация алоқаларини жадаллаштиришнинг янги тизимини жорий этишдаги устувор вазифаларни Инвестициялар ва ташқи савдо вазирлиги билан ҳамкорликда амалга оширади.
12. Ўзбекистон Республикаси Иқтисодиёт ва саноат вазирлиги, Инвестициялар ва ташқи савдо вазирлиги манфаатдор вазирлик ва идоралар билан биргаликда 10 кун муддатда саноат кооперацияси асосида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштириш дастурини шакллантириш, амалга ошириш ва ҳисобот тизимини юритиш ҳамда ушбу жараёнда давлат бошқаруви органлари ва лойиҳалар ташаббускорларининг ўзаро ҳамкорлик қилиш тартиби тўғрисидаги низомни ишлаб чиқиб, Вазирлар Маҳкамасига киритсин.
13. Ўзбекистон Республикаси Вазирлар Маҳкамаси, Молия вазирлиги, Иқтисодиёт ва саноат вазирлиги, Инвестициялар ва ташқи савдо вазирлиги, Адлия вазирлиги ва Давлат активларини бошқариш агентлиги манфаатдор вазирлик ва идоралар билан биргаликда бир ой муддатда мазкур қарор талабларидан келиб чиқиб, давлат харидларини амалга ошириш тартибини такомиллаштириш юзасидан, шу жумладан очиқлик, шаффофликни таъминлаш, маҳаллий ишлаб чиқарувчиларни кенг жалб этиш ҳамда самарадорлик ва натижадорлик таҳлили борасидаги талабларни стратегик аҳамиятга эга бўлган, товарлар (ишлар, хизматлар)ни харид қилишнинг алоҳида тартиби белгиланган хўжалик жамиятлари ва корхоналар томонидан амалга ошириладиган давлат харидларининг барча турларига нисбатан татбиқ этишни назарда тутувчи Ўзбекистон Республикаси Президенти қарори лойиҳасини киритсин.
14. Ўзбекистон Республикаси Иқтисодиёт ва саноат вазирлиги Инвестициялар ва ташқи савдо вазирлиги, манфаатдор вазирлик ва идоралар ҳамда ҳоким ёрдамчилари билан биргаликда икки ой муддатда маҳаллийлаштирилган маҳсулотларни ишлаб чиқариш ҳажмини 2020-2021 йиллар давомида камида 20 фоизга оширишни, хусусан импорт улуши юқори бўлган товарларнинг республикада ўзлаштирилишини йўлга қўйиш бўйича янги лойиҳаларни ишга тушириш бўйича дастурлар тасдиқланишини назарда тутувчи Вазирлар Маҳкамасининг тегишли қарори лойиҳасини киритсин.
Қарор лойиҳасида республикада мавжуд полимер, ип-калава, чарм, жун, ипак, мис, табиий тош, қишлоқ хўжалиги ва бошқа бирламчи хом ашёларни чуқур қайта ишлаш орқали қўшилган қиймат занжирини яратиш ҳамда технологик асбоб-ускуналарнинг тез ишдан чиқувчи бутловчи буюмлари, эҳтиёт қисмлари ва материалларини маҳаллийлаштириш назарда тутилсин.
16. Ўзбекистон Республикаси Вазирлар Маҳкамаси бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифлар киритсин.
17. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчиси Р.А. Гулямов ва Ўзбекистон Республикаси Бош вазири ўринбосари ― молия вазири Ж.А. Қўчқоров зиммасига юклансин.
Ўзбекистон Республикаси Президентининг 2019 йил 24 августдаги ПҚ-4426-сон қарорига ИЛОВА
Маҳаллийлаштириш ва саноатда кооперация алоқаларини кенгайтириш масалалари бўйича доимий асосда фаолият кўрсатувчи ишчи гуруҳнинг
лавозимига кўра ― вилоят (Тошкент шаҳри) ҳокимининг ишлаб чиқаришни маҳаллийлаштириш ва саноатда кооперация алоқаларини кенгайтириш масалалари бўйича ёрдамчиси, ишчи гуруҳ раҳбари лавозимига кўра ― ҳудудий иқтисодиёт ва саноат бош бошқармаси бошлиғи, ишчи гуруҳ раҳбарининг ўринбосари лавозимига кўра ― вилоят ҳокимининг ўринбосари ― ҳудудий инвестициялар ва ташқи савдо бошқармаси бошлиғи , ишчи гуруҳ раҳбарининг ўринбосари лавозимига кўра ― ҳудудий статистика бошқармаси бошлиғи лавозимига кўра ― ҳудудий божхона бошқармаси бошлиғи лавозимига кўра ― ҳудудий рақобатни ривожлантириш ва истеъмолчилар ҳуқуқларини ҳимоя қилиш бошқармаси бошлиғи лавозимига кўра ― Савдо-саноат палатаси ҳудудий бошқармаси бошлиғи лавозимига кўра ― ҳудудий давлат солиқ бошқармаси бошлиғи лавозимига кўра ― ҳудудий ғазначилик бошқармаси бошлиғи лавозимига кўра ― Марказий банк ҳудудий бош бошқармаси бошлиғи лавозимига кўра ― « Ўзстандарт » агентлиги ҳудудий инспекторлари лавозимига кўра ― Давлат активларини бошқариш агентлиги ҳудудий бошқармаси бошлиғи лавозимига кўра ― ҳудудий иқтисодиёт ва саноат бош бошқармаси бўлим бошлиғи ― ишчи гуруҳ котиби.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 24 август,
ПҚ-4426-сон
Oʻzbekiston Respublikasi Prezidentining
Qarori
NAMUNAVIY TARKIBI
Davlat va xoʻjalik boshqaruvi hamda mahalliy ijroiya hokimiyati organlarining ishlab chiqarishni mahalliylashtirish va sanoat tarmoqlarida kooperatsiya aloqalarini jadallashtirishning yangi tizimini joriy etish boʻyicha masʼuliyatini yanada oshirish toʻgʻrisida
Mamlakatimizda sanoat mahsulotlarini ishlab chiqarish hajmini oshirish va turlarini kengaytirish, aholining isteʼmol tovarlariga boʻlgan ehtiyojini qondirish boʻyicha izchil chora-tadbirlar amalga oshirilmoqda.
Shu bilan birga, respublikada sanoat mahsulotlarini ishlab chiqarishni mahalliylashtirish boʻyicha yagona tizimning mavjud emasligi ishlab chiqarish quvvatlaridan toʻliq foydalanilmayotganligiga hamda mahalliy xom ashyoni chuqur qayta ishlash orqali qoʻshilgan qiymat zanjirini yaratish darajasining pasayishiga sabab boʻlmoqda.
Xususan, respublikada ishlab chiqarilayotgan tovarlarga oʻxshash boʻlgan tovarlarni chetdan import qilish “Oʻzavtosanoat” AJ, “Oʻztoʻqimachiliksanoat” uyushmasi, “Oʻzmetkombinat” AJ, “Oʻzeltexsanoat” uyushmasi, “Oʻzcharmsanoat” uyushmasi korxonalari hamda Buxoro, Namangan, Sirdaryo, Fargʻona viloyatlari va Toshkent shahridagi korxonalar hissasiga toʻgʻri keladi.
Respublikada sanoat mahsulotlarini ishlab chiqarishni mahalliylashtirish boʻyicha yagona tizim yaratish, tarmoq va hududlarda ishlab chiqarishni mahalliylashtirish jarayonlarini jadallashtirish, ishlab chiqarish quvvatlaridan toʻliq va samarali foydalanish orqali butlovchi buyumlar, ehtiyot qismlar va materiallarni ishlab chiqarishni oʻzlashtirish hamda sanoatda kooperatsiya aloqalarini kengaytirish va import hajmini optimallashtirish maqsadida:
1. Vazirlar Mahkamasi, davlat va xoʻjalik boshqaruvi hamda mahalliy ijroiya hokimiyati organlari rahbarlari faoliyatining investitsiyalar jalb qilinishini va eksportni ragʻbatlantirish bilan birgalikda sanoat mahsulotlarini ishlab chiqarish jarayoniga ilmiy izlanish natijalarini va zamonaviy innovatsion texnologiyalarni joriy qilish orqali mahalliy xom ashyo hamda sanoat kooperatsiyasi negizida tayyor mahsulotlar, butlovchi buyumlar va materiallar ishlab chiqarishni mahalliylashtirish va sanoat tarmoqlarida kooperatsiya aloqalarini jadallashtirish eng muhim ustuvor yoʻnalishlaridan biri etib belgilansin.
2. Viloyatlar va Toshkent shahar hokimliklari tuzilmalariga hokimning ishlab chiqarishni mahalliylashtirish va sanoatda kooperatsiya aloqalarini kengaytirish masalalari boʻyicha yordamchisi lavozimi (keyingi oʻrinlarda ― hokim yordamchisi) joriy etilsin. Hokim yordamchisining asosiy vazifalari etib quyidagilar belgilansin:
respublika import hajmi va nomenklaturasini chuqur tahlil qilish asosida hamda hududdagi mavjud resurslarni hisobga olgan holda hududda mahalliylashtiriladigan tayyor mahsulotlar, butlovchi buyumlar, ehtiyot qismlar va materiallarning aniq roʻyxatini shakllantirish;
xorijiy kompaniyalar va tashkilotlarning takliflari va salohiyatini oʻrganish asosida import oʻrnini bosadigan mahsulotlarning eng koʻp talab qilinadigan turlarini oʻzlashtirish boʻyicha xorijiy sheriklarni sanoat kooperatsiyasiga keng jalb etishga doir takliflar ishlab chiqish;
hududiy mahalliylashtirish dasturlari loyihalarini shakllantirish, ularning amalga oshirilishini tashkil etishda, shuningdek hamkorlar topish, uzoq muddatli hamkorlik aloqalarini yoʻlga qoʻyishda loyiha tashabbuskorlariga doimiy ravishda amaliy yordam koʻrsatish;
hududiy mahalliylashtirish dasturidagi loyihalarda belgilangan maqsadli parametrlarga erishishning tizimli monitoringini olib borish;
monitoring natijalari boʻyicha aniqlangan tizimli muammo va kamchiliklarni bartaraf etish yuzasidan takliflarni Oʻzbekiston Respublikasi Iqtisodiyot va sanoat vazirligiga kiritib borish;
hududda ishlab chiqarilayotgan sanoat mahsulotlarining hajmi va texnik parametrlari yuzasidan axborotlarni elektron kooperatsiya portaliga joylashtirib va yangilab borish;
hududdagi xoʻjalik yurituvchi subyektlarga respublikada ishlab chiqarilayotgan sanoat mahsulotlarining turlari, texnik tavsiflari va sifat koʻrsatkichlari toʻgʻrisida batafsil maʼlumot berish orqali hududiy sanoat kooperatsiyasini rivojlantirish boʻyicha kompleks chora-tadbirlarni amalga oshirish va muntazam ravishda hududiy sanoat yarmarkalarini tashkil etish.
3. Belgilansinki, hokim yordamchisi:
belgilangan vazifalarning samarali bajarilishi uchun viloyat hokimining birinchi oʻrinbosari va viloyat hokimining oʻrinbosari ― viloyatlar va Toshkent shahar investitsiyalar va tashqi savdo boshqarmasi boshligʻi bilan hamkorlikda ishlarni amalga oshiradi;
mehnatga haq toʻlash, tibbiy va transport xizmati koʻrsatish shartlariga koʻra viloyatlar va Toshkent shahar hokimlarining oʻrinbosariga tenglashtiriladi;
bitta shtat birligidan iborat oʻzining alohida kotibiyatiga ega boʻladi.
4. Hokim yordamchisi rahbarligida mahalliylashtirish va sanoatda kooperatsiya aloqalarini kengaytirish masalalari boʻyicha doimiy asosda faoliyat koʻrsatuvchi ishchi guruh tashkil etilsin va uning namunaviy tarkibi ilovaga muvofiq tasdiqlansin.
5. Qoraqalpogʻiston Respublikasi Joʻqorgʻi Kengesiga Qoraqalpogʻiston Respublikasi Vazirlar Kengashi tuzilmasini ushbu qarorda belgilangan talablarga muvofiq qayta koʻrib chiqib, yangi tuzilma va boshqaruv xodimlarining shtat birligini tasdiqlash tavsiya etilsin.
6. Oʻzbekiston Respublikasi Davlat aktivlarini boshqarish agentligi, vazirlik va idoralar ikki oy muddatda ustav fondida (kapitalida) davlat ulushi 50 foiz va undan ortiq boʻlgan yuridik shaxslar (keyingi oʻrinda ― davlat ulushi yuqori boʻlgan korxonalar), shuningdek ustav fondining (kapitalining) 50 foizi va undan ortigʻi davlat ulushi yuqori boʻlgan korxonalarga tegishli yuridik shaxslar boshqaruv organlari yigʻilishlarida:
korxona rahbarining axborot texnologiyalari va sunʼiy intellektni joriy etish masalalari boʻyicha oʻrinbosari lavozimini kiritish hamda mahalliylashtirish va sanoatda kooperatsiya aloqalarini kengaytirish masalalarini boshqaruv raisining amaldagi ishlab chiqarish boʻyicha oʻrinbosariga (tegishliligi boʻyicha Bosh muhandisga) yuklatish va ularning faoliyati samaradorligi va natijadorligining asosiy koʻrsatkichlarini tasdiqlash;
mahsulotlar sotib olish boʻyicha import shartnomalari (ularga qoʻshimcha shartnomalar) va ularning texnik talablarini korxona rahbarining ishlab chiqarish boʻyicha oʻrinbosari (tegishliligi boʻyicha Bosh muhandis) bilan kelishish;
xaridlar jarayoni shaffofligi va asosliligi, shu jumladan mahalliy mahsulotlarning sifat va narx boʻyicha belgilangan parametrlarga muvofiqligini hisobga olgan holda import xaridlarini, shuningdek valyuta resurslaridan samarali foydalanilishini har chorakda tashqi auditdan oʻtkazish mexanizmini joriy etish;
korxonalarda ishlab chiqarishni mahalliylashtirish va sanoat kooperatsiyasini rivojlantirish chora-tadbirlari natijadorligi yuzasidan rahbar va xodimlar tomonidan amalga oshirilgan ishlar samaradorligidan kelib chiqib, ularni ragʻbatlantirish yoki jazo choralarini koʻrish maqsadida, boshqaruv organlari yigʻilishlarida hisobotlarni tinglash amaliyotini joriy etish masalalarini koʻrib chiqish;
korxonalarda zamonaviy axborot texnologiyalaridan keng foydalanish, ishlab chiqarish samaradorligini oshirishga qaratilgan dasturiy taʼminotlarni joriy qilish tashabbusi bilan chiqsin.
7. Oʻzbekiston Respublikasi Davlat aktivlarini boshqarish agentligi Iqtisodiyot va sanoat vazirligi hamda Investitsiyalar va tashqi savdo vazirligi bilan birgalikda ikki oy muddatda har yili yangilanib boriladigan mazkur qarorning 6-bandi talablari joriy etiladigan yuridik shaxslar (keyingi oʻrinlarda ― monitoring yuritiladigan korxonalar) roʻyxatini shakllantirsin.
10. Belgilansinki:
Oʻzbekiston Respublikasi Prezidentining iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari boʻyicha maslahatchisi (R.A. Gulyamov) vazirliklar, idoralar, xoʻjalik birlashmalari, shuningdek hokim yordamchilarining mahalliylashtirishni hamda sanoatda kooperatsiya aloqalarini kengaytirish yoʻnalishidagi faoliyatlarini muvofiqlashtiradi;
mazkur qarorning 2 , 3 va 9-bandlarida nazarda tutilgan shtat birliklari Oʻzbekiston Respublikasi Davlat bojxona qoʻmitasi tizimidagi 10 ta va Davlat soliq qoʻmitasi tizimidagi 21 ta shtat birliklarini qisqartirish hisobiga shakllantiriladi.
11. Oʻzbekiston Respublikasi Iqtisodiyot va sanoat vazirligi ishlab chiqarishni mahalliylashtirish va sanoat kooperatsiyasini rivojlantirish jarayonlarini chuqurlashtirish boʻyicha vakolatli organ sifatida belgilansin va vazirlikka quyidagi qoʻshimcha vazifalar yuklansin:
tayyor mahsulotlar, butlovchi buyumlar, xom ashyo va materiallar ishlab chiqarish hajmini oshirish hamda sanoatda kooperatsiya aloqalarini kengaytirish boʻyicha tarmoq va hududiy korxonalar tomonidan amalga oshirilayotgan tadbirlarni muvofiqlashtirish;
import tovarlariga boʻlgan respublika ehtiyojlarini doimiy ravishda oʻrganish orqali respublikada mavjud ishlab chiqarish quvvatlaridan samarali foydalanishni tashkil etish;
oʻzlashtirilishi tavsiya etiladigan talab yuqori boʻlgan mahsulotlarning elektron roʻyxatini yangilab borish orqali tadbirkorlik subyektlariga amaliy yordam berish;
iqtisodiyot tarmoqlari boʻyicha mahalliylashtirish dasturlari loyihalarini shakllantirish, ularni amalga oshirishni tashkil etishda, sanoat kooperatsiyasi asosida hamkorlik aloqalarini rivojlantirishda amaliy yordam koʻrsatish;
mahalliylashtirish dasturiga kiritilgan loyihalarning maqsadli koʻrsatkichlari bajarilishini tizimli monitoring qilib borish va hisobotini yuritish, ishlab chiqarish bilan bogʻliq muammolarni vakolatli idoralar bilan birgalikda joyiga chiqqan holda bartaraf etish choralarini koʻrish.
Belgilab qoʻyilsinki, Iqtisodiyot va sanoat vazirligi ishlab chiqarishni mahalliylashtirish va sanoat tarmoqlarida kooperatsiya aloqalarini jadallashtirishning yangi tizimini joriy etishdagi ustuvor vazifalarni Investitsiyalar va tashqi savdo vazirligi bilan hamkorlikda amalga oshiradi.
12. Oʻzbekiston Respublikasi Iqtisodiyot va sanoat vazirligi, Investitsiyalar va tashqi savdo vazirligi manfaatdor vazirlik va idoralar bilan birgalikda 10 kun muddatda sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini shakllantirish, amalga oshirish va hisobot tizimini yuritish hamda ushbu jarayonda davlat boshqaruvi organlari va loyihalar tashabbuskorlarining oʻzaro hamkorlik qilish tartibi toʻgʻrisidagi nizomni ishlab chiqib, Vazirlar Mahkamasiga kiritsin.
13. Oʻzbekiston Respublikasi Vazirlar Mahkamasi, Moliya vazirligi, Iqtisodiyot va sanoat vazirligi, Investitsiyalar va tashqi savdo vazirligi, Adliya vazirligi va Davlat aktivlarini boshqarish agentligi manfaatdor vazirlik va idoralar bilan birgalikda bir oy muddatda mazkur qaror talablaridan kelib chiqib, davlat xaridlarini amalga oshirish tartibini takomillashtirish yuzasidan, shu jumladan ochiqlik, shaffoflikni taʼminlash, mahalliy ishlab chiqaruvchilarni keng jalb etish hamda samaradorlik va natijadorlik tahlili borasidagi talablarni strategik ahamiyatga ega boʻlgan, tovarlar (ishlar, xizmatlar)ni xarid qilishning alohida tartibi belgilangan xoʻjalik jamiyatlari va korxonalar tomonidan amalga oshiriladigan davlat xaridlarining barcha turlariga nisbatan tatbiq etishni nazarda tutuvchi Oʻzbekiston Respublikasi Prezidenti qarori loyihasini kiritsin.
14. Oʻzbekiston Respublikasi Iqtisodiyot va sanoat vazirligi Investitsiyalar va tashqi savdo vazirligi, manfaatdor vazirlik va idoralar hamda hokim yordamchilari bilan birgalikda ikki oy muddatda mahalliylashtirilgan mahsulotlarni ishlab chiqarish hajmini 2020-2021-yillar davomida kamida 20 foizga oshirishni, xususan import ulushi yuqori boʻlgan tovarlarning respublikada oʻzlashtirilishini yoʻlga qoʻyish boʻyicha yangi loyihalarni ishga tushirish boʻyicha dasturlar tasdiqlanishini nazarda tutuvchi Vazirlar Mahkamasining tegishli qarori loyihasini kiritsin.
Qaror loyihasida respublikada mavjud polimer, ip-kalava, charm, jun, ipak, mis, tabiiy tosh, qishloq xoʻjaligi va boshqa birlamchi xom ashyolarni chuqur qayta ishlash orqali qoʻshilgan qiymat zanjirini yaratish hamda texnologik asbob-uskunalarning tez ishdan chiquvchi butlovchi buyumlari, ehtiyot qismlari va materiallarini mahalliylashtirish nazarda tutilsin.
16. Oʻzbekiston Respublikasi Vazirlar Mahkamasi bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.
17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi R.A. Gulyamov va Oʻzbekiston Respublikasi Bosh vaziri oʻrinbosari ― moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidentining 2019-yil 24-avgustdagi PQ-4426-son qaroriga ILOVA
Mahalliylashtirish va sanoatda kooperatsiya aloqalarini kengaytirish masalalari boʻyicha doimiy asosda faoliyat koʻrsatuvchi ishchi guruhning
lavozimiga koʻra ― viloyat (Toshkent shahri) hokimining ishlab chiqarishni mahalliylashtirish va sanoatda kooperatsiya aloqalarini kengaytirish masalalari boʻyicha yordamchisi, ishchi guruh rahbari lavozimiga koʻra ― hududiy iqtisodiyot va sanoat bosh boshqarmasi boshligʻi, ishchi guruh rahbarining oʻrinbosari lavozimiga koʻra ― viloyat hokimining oʻrinbosari ― hududiy investitsiyalar va tashqi savdo boshqarmasi boshligʻi , ishchi guruh rahbarining oʻrinbosari lavozimiga koʻra ― hududiy statistika boshqarmasi boshligʻi lavozimiga koʻra ― hududiy bojxona boshqarmasi boshligʻi lavozimiga koʻra ― hududiy raqobatni rivojlantirish va isteʼmolchilar huquqlarini himoya qilish boshqarmasi boshligʻi lavozimiga koʻra ― Savdo-sanoat palatasi hududiy boshqarmasi boshligʻi lavozimiga koʻra ― hududiy davlat soliq boshqarmasi boshligʻi lavozimiga koʻra ― hududiy gʻaznachilik boshqarmasi boshligʻi lavozimiga koʻra ― Markaziy bank hududiy bosh boshqarmasi boshligʻi lavozimiga koʻra ― “ Oʻzstandart ” agentligi hududiy inspektorlari lavozimiga koʻra ― Davlat aktivlarini boshqarish agentligi hududiy boshqarmasi boshligʻi lavozimiga koʻra ― hududiy iqtisodiyot va sanoat bosh boshqarmasi boʻlim boshligʻi ― ishchi guruh kotibi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 24-avgust,
PQ-4426-son
Президента Республики Узбекистан
Постановление
ТИПОВОЙ СОСТАВ
О дальнейшем повышении ответственности органов государственного и хозяйственного управления и органов исполнительной власти на местах за внедрение новой системы локализации производства и ускорение кооперационных связей в отраслях промышленности
В стране проводятся последовательные меры по увеличению объема и расширению видов производства промышленной продукции, удовлетворению спроса населения на потребительские товары.
Вместе с тем отсутствие единой системы локализации производства промышленной продукции в республике является причиной неполного использования производственных мощностей, снижения уровня создания цепочки добавленной стоимости посредством глубокой переработки отечественного сырья.
В частности, импорт товаров, аналогичных товарам, производимым в республике, приходится на долю предприятий АО «Узавтосаноат», Ассоциации «Узтукимачиликсаноат», АО «Узметкомбинат», Ассоциации «Узэлтехсаноат», Ассоциации «Узчармсаноат», а также Бухарской, Наманганской, Сырдарьинской, Ферганской областей и города Ташкента.
В целях создания единой системы локализации производства промышленной продукции в республике, ускорения процессов локализации в отраслях и регионах, освоения производства комплектующих, запасных частей и материалов путем полноценного и эффективного использования производственных мощностей, а также расширения кооперационных связей в промышленности и оптимизации объема импорта:
1. Определить, наряду со стимулированием экспорта и привлечения инвестиций, одним из важнейших приоритетных задач деятельности руководителей Кабинета Министров, органов государственного и хозяйственного управления и органов исполнительной власти на местах ускорение кооперационных связей в отраслях экономики и локализацию производства готовой продукции, комплектующих и материалов на базе промышленной кооперации и отечественного сырья путем внедрения результатов научных изысканий и современных инновационных технологий в процесс производства промышленной продукции.
2. Ввести в структуры хокимиятов областей и города Ташкента должность помощника хокима по вопросам локализации производства и расширения кооперационных связей в промышленности (далее ― помощник хокима). Определить основными задачами помощника хокима:
формирование конкретного перечня готовой продукции, комплектующих, запасных частей и материалов, подлежащих локализации в регионе, на основе глубокого анализа объема и номенклатуры импорта в республике, а также принимая во внимание имеющиеся ресурсы региона;
разработку предложений по широкому привлечению зарубежных партнеров к производственной кооперации по освоению наиболее востребованных видов импортозамещающей продукции на основе изучения потенциала и предложений зарубежных компаний и организаций;
формирование проектов региональных программ локализации, оказание на постоянной основе практической помощи инициаторам проектов в организации их реализации, а также в поиске партнеров и налаживании долгосрочных партнерских связей;
ведение системного мониторинга достижения целевых параметров, определенных в проектах региональной программы локализации;
внесение в Министерство экономики и промышленности Республики Узбекистан предложений по устранению системных проблем и недостатков, выявленных в результате мониторинга;
размещение и обновление сведений по объему и техническим параметрам промышленной продукции, производимой в регионе, на электронном кооперационном портале;
реализацию комплексных мер по развитию региональной промышленной кооперации и организацию регулярных региональных промышленных ярмарок путем предоставления подробной информации субъектам, ведущим хозяйственную деятельность в регионе, о видах, технических характеристиках и качественных показателях промышленной продукции, производимой в республике.
3. Установить, что помощник хокима:
ведет совместную деятельность с первым заместителем хокима области и заместителем хокима области ― начальником управления инвестиций и внешней торговли областей и города Ташкента по эффективному исполнению поставленных задач;
по условиям оплаты труда, медицинского и транспортного обслуживания приравнивается к заместителям хокима области и города Ташкента;
имеет отдельный секретариат, состоящий из одной штатной единицы.
4. Создать под руководством помощника хокима постоянно действующую рабочую группу по вопросам локализации и расширения кооперационных связей в промышленности и утвердить ее типовой состав в соответствии с приложением .
5. Рекомендовать Жокаргы Кенесу Республики Каракалпакстан пересмотреть структуру Совета Министров Республики Каракалпакстан в соответствии с требованиями, установленными в настоящем постановлении, утвердить новую структуру и штатное расписание управленческого персонала.
6. Агентству по управлению государственными активами Республики Узбекистан, министерствам и ведомствам в двухмесячный срок на заседаниях органов управления юридических лиц с долей государства в уставном фонде (капитале) 50 процентов и более (далее ― предприятия с преобладающей долей государства), а также юридических лиц, в уставном фонде (капитале) которых 50 процентов и более принадлежит предприятиям с преобладающей долей государства, инициировать:
введение должности заместителя руководителя предприятия по вопросам внедрения информационных технологий и искусственного интеллекта, а также возложение вопросов локализации и расширения кооперационных связей в промышленности на действующего заместителя председателя правления по производству (соответственно на Главного инженера) и утверждение ключевых показателей эффективности и продуктивности их деятельности;
согласование с заместителем руководителя предприятия по производству (соответственно с Главным инженером) импортных контрактов (дополнительных соглашений к ним) по закупкам продукции и их технических заданий;
внедрение механизма проведения ежеквартального внешнего аудита закупок по импорту и эффективного использования валютных ресурсов с учетом прозрачности и обоснованности процесса закупок, в том числе соответствия отечественной продукции установленным качественным и ценовым параметрам;
рассмотрение на заседаниях органов управления вопросов внедрения практики заслушивания отчетов исходя из эффективности работы, проведенной руководящими работниками и сотрудниками, основываясь на результатах мероприятий по развитию локализации производства и промышленной кооперации на предприятиях, с целью их поощрения или применения мер наказания;
внедрение программного обеспечения, направленного на широкое использование современных информационных технологий и повышение эффективности производства на предприятиях.
7. Агентству по управлению государственными активами совместно с Министерством экономики и промышленности и Министерством инвестиций и внешней торговли Республики Узбекистан в двухмесячный срок сформировать ежегодно обновляемый перечень юридических лиц, к которым применяются требования пункта 6 настоящего постановления (далее ― предприятия, за которыми ведется мониторинг).
10. Установить, что:
советник Президента Республики Узбекистан по вопросам развития отраслей экономики, реализации инвестиционной и внешнеторговой политики (Гулямов Р.А.) координирует деятельность министерств, ведомств, хозяйственных объединений, а также помощников хокимов по направлению локализации и расширения кооперационных связей в промышленности;
штатные единицы, предусмотренные в пунктах 2 , 3 и 9 настоящего постановления, формируются за счет сокращения 10 штатных единиц в системе Государственного таможенного комитета и 21 штатной единицы в системе Государственного налогового комитета Республики Узбекистан.
11. Определить Министерство экономики и промышленности Республики Узбекистан уполномоченным органом по углублению процессов локализации производства и развития производственной кооперации с возложением на министерство следующих дополнительных задач:
координация мероприятий, проводимых отраслевыми и региональными предприятиями по увеличению объема производства готовой продукции, комплектующих, сырья и материалов, а также расширению кооперационных связей в промышленности;
организация эффективного использования имеющихся производственных мощностей в республике путем регулярного изучения потребностей республики в импортных товарах;
оказание практической помощи субъектам предпринимательства путем обновления электронного перечня востребованной продукции, рекомендуемых к освоению;
оказание практической помощи в формировании проектов программ локализации по отраслям экономики, организации их реализации, а также в развитии партнерских связей на основе промышленной кооперации;
ведение системного мониторинга и отчетности по исполнению целевых показателей проектов, включенных в программу локализации, принятие мер по решению проблем, связанных с производством, совместно с уполномоченными органами с выездом на места.
Определить, что реализация Министерством экономики и промышленности приоритетных задач по внедрению новой системы локализации производства и ускорению кооперационных связей в промышленности осуществляется в сотрудничестве с Министерством инвестиций и внешней торговли Республики Узбекистан.
12. Министерству экономики и промышленности, Министерству инвестиций и внешней торговли совместно с заинтересованными министерствами и ведомствами в десятидневный срок разработать и внести в Кабинет Министров Республики Узбекистан положение о порядке формирования, реализации, ведения системы отчетности Программы локализации производства готовой продукции, комплектующих и материалов на основе промышленной кооперации, а также взаимодействия в этом процессе органов государственного управления и инициаторов проектов.
13. Кабинету Министров, Министерству финансов, Министерству экономики и промышленности, Министерству инвестиций и внешней торговли, Министерству юстиции и Агентству по управлению государственными активами Республики Узбекистан совместно с заинтересованными министерствами и ведомствами в месячный срок, исходя из требований настоящего постановления, внести проект постановления Президента Республики Узбекистан по совершенствованию порядка осуществления государственных закупок, в том числе предусматривающего применение требований по обеспечению открытости, прозрачности, широкого привлечения отечественных производителей, а также анализа эффективности и результативности ко всем видам государственных закупок, осуществляемых хозяйственными обществами и предприятиями, имеющих стратегическое значение и для которых установлен отдельный порядок закупок товаров (работ, услуг).
14. Министерству экономики и промышленности совместно с Министерством инвестиций и внешней торговли, заинтересованными министерствами и ведомствами, а также помощниками хокимов в двухмесячный срок внести соответствующий проект постановления Кабинета Министров, предусматривающий утверждение программ по увеличению объема производства локализованной продукции в 2020-2021 годах не менее чем на 20 процентов, в частности вводу в действие новых проектов по налаживанию в республике освоения товаров с высокой долей импорта.
Предусмотреть в проекте постановления создание цепочки добавленной стоимости путем глубокой переработки имеющихся в республике полимеров, пряжи, кожи, шерсти, шелка, меди, натуральных камней, сельскохозяйственного и другого первичного сырья, а также локализацию быстро изнашиваемых комплектующих изделий, запасных частей и материалов технологического оборудования.
16. Кабинету Министров Республики Узбекистан в месячный срок внести предложения об изменениях и дополнениях в законодательство, вытекающих из настоящего постановления.
17. Контроль за исполнением настоящего постановления возложить на Премьер-министра Республики Узбекистан А.Н. Арипова, советника Президента Республики Узбекистан Р.А. Гулямова и заместителя Премьер-министра ― министра финансов Республики Узбекистан Д.А. Кучкарова.
ПРИЛОЖЕНИЕ к постановлению Президента Республики Узбекистан от 24 августа 2019 года № ПП-4426
постоянно действующей рабочей группы по вопросам локализации и расширения кооперационных связей в промышленности
по должности ― помощник хокима области (города Ташкента) по вопросам локализации производства и расширения кооперационных связей в промышленности, руководитель рабочей группы по должности ― начальник территориального главного управления экономики и промышленности, заместитель руководителя рабочей группы по должности ― заместитель хокима области ― начальник территориального управления инвестиций и внешней торговли, заместитель руководителя рабочей группы по должности ― начальник территориального управления статистики по должности ― начальник территориального таможенного управления по должности ― начальник территориального управления по развитию конкуренции и защите прав потребителей по должности ― начальник территориального управления Торгово-промышленной палаты по должности ― начальник территориального государственного налогового управления по должности ― начальник территориального управления казначейства по должности ― начальник территориального главного управления Центрального банка по должности ― региональные инспекторы Агентства «Узстандарт» по должности ― начальник территориального управления Агентства по управлению государственными активами по должности ― начальник отдела территориального главного управления экономики и промышленности ― секретарь рабочей группы.
Президент Республики Узбекистан Ш. МИРЗИЁЕВ
г. Ташкент,
24 августа 2019 г.,
№ ПП-4426