📅 2019-yil 26-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 26 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 августа 2019 г. · Постановления Президента
Официальный текст. Официальный документ. Редакционные примечания не включены.
📅 26 August 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қишлоқ хўжалигига мўлжалланмаган бўш турган ер участкаларини бериш ҳамда архитектура-қурилиш ишларини амалга ошириш тартиб-таомилларини янада такомиллаштириш чора-тадбирлари тўғрисида
Қишлоқ хўжалигига мўлжалланмаган бўш турган ер участкаларини бериш ҳамда архитектура-қурилиш ишларини амалга ошириш тартиб-таомилларини мақбуллаштириш мақсадида, шунингдек, Ўзбекистон Республикаси Президентининг 2019 йил 13 августдаги «Хусусий мулкни ҳимоя қилиш ва мулкдорлар ҳуқуқларининг кафолатларини кучайтириш, тадбиркорлик ташаббусларини қўллаб-қувватлаш борасидаги ишларни ташкил қилиш тизимини тубдан такомиллаштириш бўйича қўшимча чора-тадбирлар, шунингдек, тадбиркорлик субъектларининг молиявий ресурслар ва ишлаб чиқариш инфратузилмасидан фойдаланиш имкониятларини кенгайтириш тўғрисида»ги ПФ-5780-сон Фармонига мувофиқ:
1. Маълумот учун қабул қилинсинки, жорий этиладиган тартибга мувофиқ:
Қорақалпоғистон Республикаси, вилоятлар ва Тошкент шаҳрида қишлоқ хўжалигига мўлжалланмаган бўш турган ер участкалари (кейинги ўринларда — ер участкалари) тадбиркорлик ва шаҳарсозлик фаолиятини амалга ошириш учун фақат «E-AUKSION» электрон савдо платформасида электрон онлайн-аукцион орқали берилади, Ўзбекистон Республикасининг Ер кодексига мувофиқ Вазирлар Маҳкамасининг қарори билан ер участкаларини ижарага бериш ҳоллари бундан мустасно;
жисмоний ва юридик шахсларга «YERELEKTRON» автоматлаштирилган ахборот тизимида (кейинги ўринларда — «YERELEKTRON» ААТ) ер участкаси ва режалаштирилаётган қурилиш объекти тўғрисидаги маълумотларни кейинчалик уларни электрон онлайн-аукционга қўйиш масаласини белгиланган тартибда кўриб чиқиш учун жойлаштириш бўйича таклифлар киритиш ҳуқуқи берилади.
2. 2019 йил 1 октябрдан бошлаб шундай тартиб ўрнатилсинки, унга кўра:
г) архитектура ва қурилиш ишларини амалга ошириш қисми бўйича:
қурилиш объектларининг шаҳарсозлик ҳужжатларини мажбурий экспертиза қилиш талаб этилмайди, марказлаштирилган манбалар ҳисобидан молиялаштириладиган қурилиш объектлари бундан мустасно;
Ўзбекистон Республикаси Қурилиш вазирлигининг бўлинмалари томонидан лойиҳа-смета ҳужжатларининг архитектура қисмини келишиш ҳамда объектнинг зилзилага бардошлилиги ва ёнғин хавфсизлиги бўйича лойиҳавий ечимларини экспертиза қилиш бир вақтда амалга оширилади;
лойиҳа ташкилотлари томонидан (муҳандислик-коммуникация тармоқлари ташкилотларидан ташқари) ишлаб чиқилган муҳандислик-коммуникация тармоқларига уланиш бўйича лойиҳа-смета ҳужжатларини келишиш қурилиш органлари томонидан бино, иншоот ва бошқа объектларнинг қурилиш лойиҳа-смета ҳужжатларини келишиш жараёни билан бир вақтда амалга оширилади;
бино ва иншоотларнинг кадастр йиғмажилдини тайёрлаш уларни фойдаланишга қабул қилишга қадар Давлат хизматлари марказларига берилган аризаларга асосан амалга оширилади. Қабул қилиш якунланганидан сўнг Кўчмас мулк объектларига бўлган ҳуқуқларнинг давлат реестридан кўчирма берилади.
3. Белгилаб қўйилсинки:
аукцион ғолиби ёки ер участкасига нисбатан ҳуқуққа эга бўлган шахснинг айби бўлмаган тақдирда, маъмурий тартиб-таомилларга риоя қилинмаганлиги учун электрон онлайн-аукцион натижалари тўғрисидаги баённомани бекор қилиш ёки ўзгартиришга йўл қўйилмайди;
Қорақалпоғистон Республикаси Инвестициялар ва ташқи савдо вазирлиги, вилоятлар ҳамда Тошкент шаҳар инвестициялар ва ташқи савдо бошқармалари томонидан ҳар чоракда ер участкасига нисбатан инвестиция мажбуриятлари бажарилиши мониторинги амалга оширилиб, натижалари зарур ҳолларда тегишли чоралар кўриш учун Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига юборилади.
4. Белгилансинки, ушбу қарорнинг 2-бандида белгиланган тартибнинг бузилиши давлат хизматларини кўрсатиш соҳасидаги қонунчиликнинг бузилиши деб ҳисобланади.
Ўзбекистон Республикаси Бош прокуратураси Адлия вазирлиги билан биргаликда давлат органлари ва бошқа ташкилотлар томонидан ер участкаларини электрон онлайн-аукцион орқали сотишга оид қонунчиликка сўзсиз риоя этилиши устидан тизимли назорат ўрнатсин ҳамда қонун ҳужжатлари бузилишига йўл қўйган айбдор шахсларга нисбатан таъсирчан жавобгарлик чораларини қўлласин.
5. Ўзбекистон Республикаси Соғлиқни сақлаш вазирлиги, Давлат геология ва минерал ресурслар қўмитаси 2019 йил 1 октябрга қадар тадбиркорлик фаолияти учун берилиши мумкин бўлмаган ҳудудлар координаталарини кўрсатган ҳолда электрон хариталарни «Давергеодезкадастр» қўмитасига тақдим этсин ва келгусида уни ҳар ойда янгилаб борсин.
6. «Давергеодезкадастр» қўмитаси электрон харитани шакллантириш мақсадида Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда «Давергеодезкадастр» қўмитаси ҳузуридаги «Геоинновация маркази» давлат унитар корхонасининг учувчисиз учиш аппаратлари ёрдамида ўрнатилган тартибда ер участкалари устидан мажбурий назорат учиб ўтишлар амалга оширилишини таъминласин.
7. «Давергеодезкадастр» қўмитаси 2020 йил 1 мартга қадар:
тадбиркорлик ва шаҳарсозлик фаолиятини амалга ошириш учун ер участкаларини бериш бўйича «YER AUKSION» электрон савдо майдончасини ишлаб чиқиш лойиҳаси амалга оширилишини;
Ўзбекистон Республикаси Давлат активларини бошқариш агентлиги билан биргаликда ер участкаларини сотиш жараёнларининг «E-IJRO AUKSION» савдо майдончасидан «YER AUKSION» электрон савдо майдончасига ўтказилишини таъминласин.
8. Ўзбекистон Республикаси Адлия вазирлиги:
Давлат хизматлари марказларида жисмоний шахсларга фақатгина «Е-IJRO AUKSION» савдо майдончасида электрон онлайн-аукционда иштирок этиш мақсадида бепул асосда фойдаланиш имконини берувчи Интернет тармоғига уланган компьютер воситалари билан жиҳозланган махсус хоналарни тайёрласин;
«Е-IJRO AUKSION» савдо майдончасида электрон онлайн-аукционда иштирок этиш тартиби ва қоидаларини ёритиб берувчи тарқатма ахборот материалларини ишлаб чиқсин ва Давлат хизматлари марказларининг махсус хоналарини улар билан жиҳозласин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда Давлат хизматлари марказларининг махсус хоналарини компьютерлар ва зарур мебеллар билан таъминласин.
9. Ўзбекистон Миллий телерадиокомпаниясига электрон онлайн-аукционга қўйилган ер участкалари ҳақидаги маълумотларни ҳудудий телерадиоканалларда трансляция қилиш учун белгиланган тартибда эфир вақтини ажратиш тавсия этилсин.
«Давергеодезкадастр» қўмитаси оммавий ахборот воситаларининг сўровига асосан электрон онлайн-аукционга қўйилган ер участкалари ҳақидаги маълумотларни тақдим қилсин.
10. «Давергеодезкадастр» қўмитаси Ўзбекистон Республикаси Давлат активларини бошқариш агентлиги ва Адлия вазирлиги билан биргаликда бир ой муддатда ушбу қарор талабларидан келиб чиққан ҳолда «YERELEKTRON» ААТ ва «Е-IJRO AUKSION» савдо майдончасининг ишлашини такомиллаштириш чораларини кўрсин, бунда қуйидаги имкониятлар назарда тутилсин:
барча манфаатдор шахслар, шу жумладан учинчи шахслар томонидан Интернет тармоғи орқали кириш;
жисмоний ва юридик шахслар томонидан ер участкалари ҳақидаги маълумотларни киритиш, шунингдек, ер участкасини танлаш материалларини келишиш жараёнини кузатиш;
жисмоний ва юридик шахслар томонидан мансабдор шахсларнинг ҳаракати (ҳаракатсизлиги) устидан шикоят қилиш;
электрон онлайн-аукционнинг ноҳалол иштирокчилари, жумладан ер участкаси баҳосининг тўлиқ тўланишини кетма-кет икки марта таъминламаган иштирокчиларнинг рўйхатини шакллантириш ҳамда уларни кейинги электрон онлайн-аукционга вақтинчалик қўймаслик;
Ўзбекистон Республикаси Бош прокуратураси ва Адлия вазирлигига материалларни тайёрлаш ва келишиш жараёнини масофадан туриб ҳар ҳафталик мониторинг қилиш, шунингдек, ер участкаси материалларини келишишда ваколатли ташкилотларнинг рад этиши қонунийлигини ўрганиш мақсадида тизимга кириш имкониятини бериш.
11. Давлат кадастрларини юритиш соҳасидаги ваколатли органлар (кейинги ўринларда — ваколатли органлар) давлат кадастри геоахборот тизимларини тайёрлаш ишларини тезлаштирсин ҳамда ҳар ойда кадастр объектлари тўғрисидаги тегишли маълумотларни «Давергеодезкадастр» қўмитасига тақдим этиб борсин.
«Давергеодезкадастр» қўмитаси раиси мазкур банд ижросини таъминламаган ёки лозим даражада таъминламаган ваколатли органларнинг раҳбарларини жавобгарликка тортиш ҳақидаги масалани Ўзбекистон Республикаси Вазирлар Маҳкамасига киритсин.
12. Ўзбекистон Республикаси Молия вазирлиги ваколатли органларнинг асослантирилган ҳисоб-китобларига кўра давлат кадастрини юритиш учун Давлат бюджетидан маблағлар ажратилишини таъминласин.
13. Ўзбекистон Республикаси Адлия вазирлиги бир ой муддатда:
ўз вақтида ўзлаштирилмаган ер участкаларини ишлатилмаётган объектларга тенглаштириш ҳақидаги таклифларни;
Тадбиркорлик ва шаҳарсозлик фаолиятини амалга ошириш учун ер участкаларини электрон онлайн-аукцион орқали бериш тартиби тўғрисидаги низомнинг янги таҳририни, шунингдек, қонун ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни;
манфаатдор вазирлик ва идоралар билан биргаликда ер участкаларини ушбу қарорга мувофиқ бериш тартибини бузганлик учун жавобгарлик белгилаш тўғрисидаги таклифларни Ўзбекистон Республикаси Вазирлар Маҳкамасига киритсин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчиси Р.А. Ғуломов ва Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 26 август,
ПҚ-4427-сон
Oʻzbekiston Respublikasi Prezidentining
Qarori
Qishloq xoʻjaligiga moʻljallanmagan boʻsh turgan yer uchastkalarini berish hamda arxitektura-qurilish ishlarini amalga oshirish tartib-taomillarini yanada takomillashtirish chora-tadbirlari toʻgʻrisida
Qishloq xoʻjaligiga moʻljallanmagan boʻsh turgan yer uchastkalarini berish hamda arxitektura-qurilish ishlarini amalga oshirish tartib-taomillarini maqbullashtirish maqsadida, shuningdek, Oʻzbekiston Respublikasi Prezidentining 2019-yil 13-avgustdagi “Xususiy mulkni himoya qilish va mulkdorlar huquqlarining kafolatlarini kuchaytirish, tadbirkorlik tashabbuslarini qoʻllab-quvvatlash borasidagi ishlarni tashkil qilish tizimini tubdan takomillashtirish boʻyicha qoʻshimcha chora-tadbirlar, shuningdek, tadbirkorlik subyektlarining moliyaviy resurslar va ishlab chiqarish infratuzilmasidan foydalanish imkoniyatlarini kengaytirish toʻgʻrisida”gi PF-5780-son Farmoniga muvofiq:
1. Maʼlumot uchun qabul qilinsinki, joriy etiladigan tartibga muvofiq:
Qoraqalpogʻiston Respublikasi, viloyatlar va Toshkent shahrida qishloq xoʻjaligiga moʻljallanmagan boʻsh turgan yer uchastkalari (keyingi oʻrinlarda — yer uchastkalari) tadbirkorlik va shaharsozlik faoliyatini amalga oshirish uchun faqat “E-AUKSION” elektron savdo platformasida elektron onlayn-auksion orqali beriladi, Oʻzbekiston Respublikasining Yer kodeksiga muvofiq Vazirlar Mahkamasining qarori bilan yer uchastkalarini ijaraga berish hollari bundan mustasno;
jismoniy va yuridik shaxslarga “YERELEKTRON” avtomatlashtirilgan axborot tizimida (keyingi oʻrinlarda — “YERELEKTRON” AAT) yer uchastkasi va rejalashtirilayotgan qurilish obyekti toʻgʻrisidagi maʼlumotlarni keyinchalik ularni elektron onlayn-auksionga qoʻyish masalasini belgilangan tartibda koʻrib chiqish uchun joylashtirish boʻyicha takliflar kiritish huquqi beriladi.
2. 2019-yil 1-oktabrdan boshlab shunday tartib oʻrnatilsinki, unga koʻra:
g) arxitektura va qurilish ishlarini amalga oshirish qismi boʻyicha:
qurilish obyektlarining shaharsozlik hujjatlarini majburiy ekspertiza qilish talab etilmaydi, markazlashtirilgan manbalar hisobidan moliyalashtiriladigan qurilish obyektlari bundan mustasno;
Oʻzbekiston Respublikasi Qurilish vazirligining boʻlinmalari tomonidan loyiha-smeta hujjatlarining arxitektura qismini kelishish hamda obyektning zilzilaga bardoshliligi va yongʻin xavfsizligi boʻyicha loyihaviy yechimlarini ekspertiza qilish bir vaqtda amalga oshiriladi;
loyiha tashkilotlari tomonidan (muhandislik-kommunikatsiya tarmoqlari tashkilotlaridan tashqari) ishlab chiqilgan muhandislik-kommunikatsiya tarmoqlariga ulanish boʻyicha loyiha-smeta hujjatlarini kelishish qurilish organlari tomonidan bino, inshoot va boshqa obyektlarning qurilish loyiha-smeta hujjatlarini kelishish jarayoni bilan bir vaqtda amalga oshiriladi;
bino va inshootlarning kadastr yigʻmajildini tayyorlash ularni foydalanishga qabul qilishga qadar Davlat xizmatlari markazlariga berilgan arizalarga asosan amalga oshiriladi. Qabul qilish yakunlanganidan soʻng Koʻchmas mulk obyektlariga boʻlgan huquqlarning davlat reyestridan koʻchirma beriladi.
3. Belgilab qoʻyilsinki:
auksion gʻolibi yoki yer uchastkasiga nisbatan huquqqa ega boʻlgan shaxsning aybi boʻlmagan taqdirda, maʼmuriy tartib-taomillarga rioya qilinmaganligi uchun elektron onlayn-auksion natijalari toʻgʻrisidagi bayonnomani bekor qilish yoki oʻzgartirishga yoʻl qoʻyilmaydi;
Qoraqalpogʻiston Respublikasi Investitsiyalar va tashqi savdo vazirligi, viloyatlar hamda Toshkent shahar investitsiyalar va tashqi savdo boshqarmalari tomonidan har chorakda yer uchastkasiga nisbatan investitsiya majburiyatlari bajarilishi monitoringi amalga oshirilib, natijalari zarur hollarda tegishli choralar koʻrish uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yuboriladi.
4. Belgilansinki, ushbu qarorning 2-bandida belgilangan tartibning buzilishi davlat xizmatlarini koʻrsatish sohasidagi qonunchilikning buzilishi deb hisoblanadi.
Oʻzbekiston Respublikasi Bosh prokuraturasi Adliya vazirligi bilan birgalikda davlat organlari va boshqa tashkilotlar tomonidan yer uchastkalarini elektron onlayn-auksion orqali sotishga oid qonunchilikka soʻzsiz rioya etilishi ustidan tizimli nazorat oʻrnatsin hamda qonun hujjatlari buzilishiga yoʻl qoʻygan aybdor shaxslarga nisbatan taʼsirchan javobgarlik choralarini qoʻllasin.
5. Oʻzbekiston Respublikasi Sogʻliqni saqlash vazirligi, Davlat geologiya va mineral resurslar qoʻmitasi 2019-yil 1-oktabrga qadar tadbirkorlik faoliyati uchun berilishi mumkin boʻlmagan hududlar koordinatalarini koʻrsatgan holda elektron xaritalarni “Davergeodezkadastr” qoʻmitasiga taqdim etsin va kelgusida uni har oyda yangilab borsin.
6. “Davergeodezkadastr” qoʻmitasi elektron xaritani shakllantirish maqsadida Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda “Davergeodezkadastr” qoʻmitasi huzuridagi “Geoinnovatsiya markazi” davlat unitar korxonasining uchuvchisiz uchish apparatlari yordamida oʻrnatilgan tartibda yer uchastkalari ustidan majburiy nazorat uchib oʻtishlar amalga oshirilishini taʼminlasin.
7. “Davergeodezkadastr” qoʻmitasi 2020-yil 1-martga qadar:
tadbirkorlik va shaharsozlik faoliyatini amalga oshirish uchun yer uchastkalarini berish boʻyicha “YER AUKSION” elektron savdo maydonchasini ishlab chiqish loyihasi amalga oshirilishini;
Oʻzbekiston Respublikasi Davlat aktivlarini boshqarish agentligi bilan birgalikda yer uchastkalarini sotish jarayonlarining “E-IJRO AUKSION” savdo maydonchasidan “YER AUKSION” elektron savdo maydonchasiga oʻtkazilishini taʼminlasin.
8. Oʻzbekiston Respublikasi Adliya vazirligi:
Davlat xizmatlari markazlarida jismoniy shaxslarga faqatgina “E-IJRO AUKSION” savdo maydonchasida elektron onlayn-auksionda ishtirok etish maqsadida bepul asosda foydalanish imkonini beruvchi Internet tarmogʻiga ulangan kompyuter vositalari bilan jihozlangan maxsus xonalarni tayyorlasin;
“E-IJRO AUKSION” savdo maydonchasida elektron onlayn-auksionda ishtirok etish tartibi va qoidalarini yoritib beruvchi tarqatma axborot materiallarini ishlab chiqsin va Davlat xizmatlari markazlarining maxsus xonalarini ular bilan jihozlasin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda Davlat xizmatlari markazlarining maxsus xonalarini kompyuterlar va zarur mebellar bilan taʼminlasin.
9. Oʻzbekiston Milliy teleradiokompaniyasiga elektron onlayn-auksionga qoʻyilgan yer uchastkalari haqidagi maʼlumotlarni hududiy teleradiokanallarda translyatsiya qilish uchun belgilangan tartibda efir vaqtini ajratish tavsiya etilsin.
“Davergeodezkadastr” qoʻmitasi ommaviy axborot vositalarining soʻroviga asosan elektron onlayn-auksionga qoʻyilgan yer uchastkalari haqidagi maʼlumotlarni taqdim qilsin.
10. “Davergeodezkadastr” qoʻmitasi Oʻzbekiston Respublikasi Davlat aktivlarini boshqarish agentligi va Adliya vazirligi bilan birgalikda bir oy muddatda ushbu qaror talablaridan kelib chiqqan holda “YERELEKTRON” AAT va “E-IJRO AUKSION” savdo maydonchasining ishlashini takomillashtirish choralarini koʻrsin, bunda quyidagi imkoniyatlar nazarda tutilsin:
barcha manfaatdor shaxslar, shu jumladan uchinchi shaxslar tomonidan Internet tarmogʻi orqali kirish;
jismoniy va yuridik shaxslar tomonidan yer uchastkalari haqidagi maʼlumotlarni kiritish, shuningdek, yer uchastkasini tanlash materiallarini kelishish jarayonini kuzatish;
jismoniy va yuridik shaxslar tomonidan mansabdor shaxslarning harakati (harakatsizligi) ustidan shikoyat qilish;
elektron onlayn-auksionning nohalol ishtirokchilari, jumladan yer uchastkasi bahosining toʻliq toʻlanishini ketma-ket ikki marta taʼminlamagan ishtirokchilarning roʻyxatini shakllantirish hamda ularni keyingi elektron onlayn-auksionga vaqtinchalik qoʻymaslik;
Oʻzbekiston Respublikasi Bosh prokuraturasi va Adliya vazirligiga materiallarni tayyorlash va kelishish jarayonini masofadan turib har haftalik monitoring qilish, shuningdek, yer uchastkasi materiallarini kelishishda vakolatli tashkilotlarning rad etishi qonuniyligini oʻrganish maqsadida tizimga kirish imkoniyatini berish.
11. Davlat kadastrlarini yuritish sohasidagi vakolatli organlar (keyingi oʻrinlarda — vakolatli organlar) davlat kadastri geoaxborot tizimlarini tayyorlash ishlarini tezlashtirsin hamda har oyda kadastr obyektlari toʻgʻrisidagi tegishli maʼlumotlarni “Davergeodezkadastr” qoʻmitasiga taqdim etib borsin.
“Davergeodezkadastr” qoʻmitasi raisi mazkur band ijrosini taʼminlamagan yoki lozim darajada taʼminlamagan vakolatli organlarning rahbarlarini javobgarlikka tortish haqidagi masalani Oʻzbekiston Respublikasi Vazirlar Mahkamasiga kiritsin.
12. Oʻzbekiston Respublikasi Moliya vazirligi vakolatli organlarning asoslantirilgan hisob-kitoblariga koʻra davlat kadastrini yuritish uchun Davlat budjetidan mablagʻlar ajratilishini taʼminlasin.
13. Oʻzbekiston Respublikasi Adliya vazirligi bir oy muddatda:
oʻz vaqtida oʻzlashtirilmagan yer uchastkalarini ishlatilmayotgan obyektlarga tenglashtirish haqidagi takliflarni;
Tadbirkorlik va shaharsozlik faoliyatini amalga oshirish uchun yer uchastkalarini elektron onlayn-auksion orqali berish tartibi toʻgʻrisidagi nizomning yangi tahririni, shuningdek, qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni;
manfaatdor vazirlik va idoralar bilan birgalikda yer uchastkalarini ushbu qarorga muvofiq berish tartibini buzganlik uchun javobgarlik belgilash toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi R.A. Gʻulomov va Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 26-avgust,
PQ-4427-son
Президента Республики Узбекистан
Постановление
О мерах по дальнейшему совершенствованию процедур предоставления свободных земельных участков несельскохозяйственного назначения и осуществления архитектурно-строительных работ
В целях оптимизации процедур предоставления свободных земельных участков несельскохозяйственного назначения и осуществления архитектурно-строительных работ, а также в соответствии с Указом Президента Республики Узбекистан от 13 августа 2019 года № УП-5780 «О дополнительных мерах по усилению защиты частной собственности и гарантий прав собственников, коренному совершенствованию системы организации работ по поддержке предпринимательских инициатив, а также расширении доступа субъектов предпринимательства к финансовым ресурсам и производственной инфраструктуре»:
1. Принять к сведению, что согласно вводимому порядку:
в Республике Каракалпакстан, областях и городе Ташкенте свободные земельные участки несельскохозяйственного назначения (далее — земельные участки) для предпринимательской и градостроительной деятельности предоставляются исключительно через электронный онлайн-аукцион на электронной торговой платформе «E-AUKSION», за исключением случаев предоставления земельных участков в аренду постановлением Кабинета Министров в соответствии с Земельным кодексом Республики Узбекистан;
физическим и юридическим лицам предоставляется право внесения предложений по размещению информации о земельном участке и планируемом объекте строительства в автоматизированной информационной системе «YERELEKTRON» (далее — АИС «YERELEKTRON») для дальнейшего рассмотрения вопроса их выставления на электронный онлайн-аукцион.
2. Установить с 1 октября 2019 года порядок, согласно которому:
г) в части осуществления архитектурных и строительных работ:
не требуется обязательная экспертиза градостроительной документации объектов строительства, за исключением финансируемых за счет централизованных источников;
подразделениями Министерства строительства Республики Узбекистан одновременно осуществляются согласование архитектурной части проектно-сметной документации, экспертиза проектных решений в части сейсмостойкости и пожаробезопасности объекта;
согласование проектно-сметной документации подключения к инженерно-коммуникационным сетям, разработанной проектными организациями (за исключением организаций инженерно-коммуникационных сетей), осуществляется одновременно в процессе согласования органами строительства проектно-сметной документации строительства зданий, сооружений и других объектов;
подготовка кадастрового дела на здания и сооружения осуществляется до процесса их приемки в эксплуатацию по заявлениям в Центры государственных услуг. По завершении приемки выдается выписка из Государственного реестра прав на объекты недвижимости.
3. Определить, что:
не допускается отмена или изменение протокола о результатах электронного онлайн-аукциона в связи с несоблюдением административных процедур при отсутствии вины победителя аукциона или лиц, обладающих правами на земельный участок;
Министерством инвестиций и внешней торговли Республики Каракалпакстан, управлениями инвестиций и внешней торговли областей и г. Ташкента ежеквартально осуществляется мониторинг выполнения инвестиционных обязательств по земельному участку, результаты которого направляются в Совет Министров Республики Каракалпакстан, хокимияты областей и г. Ташкента для принятия, в случае необходимости, соответствующих мер.
4. Установить, что нарушение порядка, предусмотренного в пункте 2 настоящего постановления, считается нарушением законодательства в сфере оказания государственных услуг.
Генеральной прокуратуре совместно с Министерством юстиции Республики Узбекистан установить системный контроль за безусловным соблюдением государственными органами и иными организациями законодательства о реализации земельных участков через электронный онлайн-аукцион с принятием к виновным лицам, допустившим нарушения законодательства, действенных мер ответственности.
5. Министерству здравоохранения, Государственному комитету Республики Узбекистан по геологии и минеральным ресурсам в срок до 1 октября 2019 года предоставить в Госкомземгеодезкадастр электронную карту с указанием координат территорий, не подлежащих предоставлению для предпринимательской деятельности, с последующим ее обновлением на ежемесячной основе.
6. Госкомземгеодезкадастру совместно с Национальным агентством проектного управления при Президенте Республики Узбекистан обеспечить в установленном порядке введение обязательного контрольного облета беспилотными летательными аппаратами Государственного унитарного предприятия «Геоинновационный центр» при Госкомземгеодезкадастр земельных участков для формирования электронной карты.
7. Госкомземгеодезкадастру в срок до 1 марта 2020 года обеспечить:
реализацию проекта по разработке электронной торговой площадки «YER AUKSION» для предоставления земельных участков для предпринимательской и градостроительной деятельности;
совместно с Агентством по управлению государственными активами Республики Узбекистан переход процессов реализации земельных участков с торговой площадки «Е-IJRO AUKSION» на электронную торговую площадку «YER AUKSION».
8. Министерству юстиции Республики Узбекистан:
в Центрах государственных услуг подготовить специальные комнаты, оснащенные компьютерами с доступом к сети Интернет с правом пользования ими физических лиц на безвозмездной основе исключительно в целях принятия участия в электронном онлайн-аукционе на торговой площадке «Е-IJRO AUKSION»;
разработать и оснастить специальные комнаты Центров государственных услуг раздаточными информационными материалами, раскрывающими порядок и правила принятия участия в электронном онлайн-аукционе на торговой площадке «Е-IJRO AUKSION».
Совету Министров Республики Каракалпакстан, хокимиятам областей и г. Ташкента в месячный срок обеспечить специальные комнаты Центров государственных услуг компьютерами и необходимой мебелью.
9. Рекомендовать Национальной телерадиокомпании Узбекистана выделение в установленном порядке эфирного времени для трансляции на региональных телерадиоканалах информации о земельных участках, выставленных на электронный онлайн-аукцион.
Госкомземгеодезкадастру по запросу средств массовой информации представлять информацию о земельных участках, выставленных на электронный онлайн-аукцион.
10. Госкомземгеодезкадастру совместно с Агентством по управлению государственными активами и Министерством юстиции Республики Узбекистан в месячный срок обеспечить принятие мер по совершенствованию функционала АИС «YERELEKTRON» и торговой площадки «Е-IJRO AUKSION» исходя из требований настоящего постановления, в том числе предусмотрев в них возможность:
доступа посредством сети Интернет всех заинтересованных лиц, в том числе третьих лиц;
внесения физическими и юридическими лицами данных по земельным участкам, а также отслеживания ими хода действия согласования материалов выбора земельного участка;
подачи физическими и юридическими лицами жалоб на действия (бездействие) должностных лиц;
формирования перечня недобросовестных участников электронного онлайн-аукциона, нарушивших его условия, в том числе не обеспечивших полную оплату стоимости земельного участка два раза подряд, а также временного недопущения их к последующим электронным онлайн-аукционам;
доступа Генеральной прокуратуры и Министерства юстиции Республики Узбекистан в целях проведения еженедельного удаленного мониторинга процесса подготовки и согласования материалов, а также изучения законности отказа уполномоченных организаций в согласовании материалов по земельному участку.
11. Уполномоченным органам в области ведения государственных кадастров (далее — уполномоченные органы) ускорить работы по завершению геоинформационной системы государственных кадастров и ежемесячно предоставлять в Госкомземгеодезкадастр соответствующую информацию о кадастровых объектах.
Председателю Госкомземгеодезкадастра вносить в Кабинет Министров Республики Узбекистан вопрос о привлечении к ответственности руководителей уполномоченных органов за неисполнение либо ненадлежащее исполнение требований настоящего пункта.
12. Министерству финансов по обоснованным расчетам уполномоченных органов обеспечить выделение из Государственного бюджета Республики Узбекистан средств на ведение государственных кадастров.
13. Министерству юстиции в месячный срок внести в Кабинет Министров Республики Узбекистан:
предложения о приравнивании несвоевременно освоенных земельных участков к неиспользуемым объектам;
Положение о порядке предоставления земельных участков посредством электронного онлайн-аукциона для предпринимательской и градостроительной деятельности в новой редакции, а также предложения об изменениях и дополнениях в законодательство, вытекающих из настоящего постановления;
совместно с заинтересованными министерствами и ведомствами предложения об установлении ответственности за нарушение порядка предоставления земельных участков в соответствии с настоящим постановлением.
14. Контроль за исполнением настоящего постановления возложить на Премьер-министра Республики Узбекистан А.Н. Арипова, советника Президента Республики Узбекистан Р.А. Гулямова и заместителя Премьер-министра Республики Узбекистан — министра финансов Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
26 августа 2019 г.,
№ ПП-4427