📅 2019-yil 25-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 25 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 августа 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 25 August 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Ўзбекистон Республикасида ташқи савдо операциялари мониторингини такомиллаштиришга доир қўшимча чора-тадбирлар тўғрисида» 2014 йил 21 июлдаги 199-сон қарорига қўшимча киритиш ҳақида
Ўзбекистон Республикаси Президентининг «2019 йил учун вазирликлар, давлат қўмиталари ва бошқа давлат бошқаруви органлари фаолияти самарадорлигини ҳамда мақсадли вазифаларга эришишларини баҳолашнинг асосий мезонлари тўғрисида» 2019 йил 27 февралдаги Ф-5445-сон фармойишига мувофиқ Вазирлар Маҳкамаси қарор қилади:
1. Вазирлар Маҳкамасининг «Ўзбекистон Республикасида ташқи савдо операциялари мониторингини такомиллаштиришга доир қўшимча чора-тадбирлар тўғрисида» 2014 йил 21 июлдаги 199-сон қарорининг 2-бандига қуйидаги мазмундаги хатбоши қўшилсин:
«Республикага товарларни олиб кириш бўйича тузилган контрактларга қўшимча келишувлар киритилиб, уларга мувофиқ хўжалик юритувчи субъектлар, хорижий ҳамкорлар ва уларнинг реквизитлари ўзгарган тақдирда, тижорат банкларига ушбу контрактлар бўйича пул маблағлари (молиявий транзакциялар) ўтказишни божхона юк декларацияларига тегишли ўзгартиришлар киритилгандан сўнг амалга ошириш тавсия этилсин».
2. Ўзбекистон Республикаси Давлат божхона қўмитаси бир ой муддатда Ташқи савдо операцияларининг ягона электрон ахборот тизимига ушбу қарорнинг 1-бандидан келиб чиқадиган тегишли ўзгартиришларни киритсин.
3. Ўзбекистон Республикаси Давлат божхона қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ганиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 25 август,
717-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Oʻzbekiston Respublikasida tashqi savdo operatsiyalari monitoringini takomillashtirishga doir qoʻshimcha chora-tadbirlar toʻgʻrisida” 2014-yil 21-iyuldagi 199-son qaroriga qoʻshimcha kiritish haqida
Oʻzbekiston Respublikasi Prezidentining “2019-yil uchun vazirliklar, davlat qoʻmitalari va boshqa davlat boshqaruvi organlari faoliyati samaradorligini hamda maqsadli vazifalarga erishishlarini baholashning asosiy mezonlari toʻgʻrisida” 2019-yil 27-fevraldagi F-5445-son farmoyishiga muvofiq Vazirlar Mahkamasi qaror qiladi:
1. Vazirlar Mahkamasining “Oʻzbekiston Respublikasida tashqi savdo operatsiyalari monitoringini takomillashtirishga doir qoʻshimcha chora-tadbirlar toʻgʻrisida” 2014-yil 21-iyuldagi 199-son qarorining 2-bandiga quyidagi mazmundagi xatboshi qoʻshilsin:
“Respublikaga tovarlarni olib kirish boʻyicha tuzilgan kontraktlarga qoʻshimcha kelishuvlar kiritilib, ularga muvofiq xoʻjalik yurituvchi subyektlar, xorijiy hamkorlar va ularning rekvizitlari oʻzgargan taqdirda, tijorat banklariga ushbu kontraktlar boʻyicha pul mablagʻlari (moliyaviy tranzaksiyalar) oʻtkazishni bojxona yuk deklaratsiyalariga tegishli oʻzgartirishlar kiritilgandan soʻng amalga oshirish tavsiya etilsin”.
2. Oʻzbekiston Respublikasi Davlat bojxona qoʻmitasi bir oy muddatda Tashqi savdo operatsiyalarining yagona elektron axborot tizimiga ushbu qarorning 1-bandidan kelib chiqadigan tegishli oʻzgartirishlarni kiritsin.
3. Oʻzbekiston Respublikasi Davlat bojxona qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 25-avgust,
717-son
Кабинета Министров Республики Узбекистан
Постановление
О внесении изменения в постановление Кабинета Министров Республики Узбекистан от 21 июля 2014 года № 199 «О дополнительных мерах по совершенствованию мониторинга внешнеторговых операций в Республике Узбекистан»
В соответствии с распоряжением Президента Республики Узбекистан от 27 февраля 2019 года Р-5445 «Об Основных критериях оценки эффективности деятельности и достижения целевых задач министерствами, государственными комитетами и другими органами государственного управления на 2019 год» Кабинет Министров постановляет:
1. Пункт 2 постановления Кабинета Министров от 21 июля 2014 г. № 199 «О дополнительных мерах по совершенствованию мониторинга внешнеторговых операций в Республике Узбекистан» дополнить абзацем следующего содержания:
«Рекомендовать коммерческим банкам в случае внесения в контракты, заключенные на предмет ввоза товаров, изменений в виде дополнительных соглашений, касающихся наименования хозяйствующего субъекта, иностранного партнера и их реквизитов, осуществление перевода денежных средств (финансовых транзакций) по данным контрактам после внесения соответствующих изменений в грузовые таможенные декларации».
2. Государственному таможенному комитету Республики Узбекистан в месячный срок внести в Единую электронную информационную систему внешнеторговых операций соответствующие изменения, вытекающие из пункта 1 настоящего постановления.
3. Государственному таможенному комитету Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
4. Контроль за исполнением настоящего постановления возложить на заместителя Премьер-министра Республики Узбекистан по вопросам инвестиций и внешнеэкономических связей Э.М. Ганиева.
Премьер-министр Республики Узбекистан А. АРИПОВ
г. Ташкент,
25 августа 2019 г.,
№ 717