📅 2019-yil 27-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 27 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 августа 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 27 August 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Тошкент шаҳрида кумушдан ясалган буюмлар ишлаб чиқаришни ташкил этиш» инвестиция лойиҳасини амалга ошириш чора-тадбирлари тўғрисида
Ўзбекистон Республикаси Президентининг «Ўзбекистон Республикасида заргарлик тармоғини жадал ривожлантириш чора-тадбирлари тўғрисида» 2019 йил 18 майдаги ПФ-5721-сон Фармонига мувофиқ, умуман заргарлик тармоғининг ишлаб чиқариш салоҳиятини янада ошириш, хусусан фаолият кўрсатмаётган мулкий комплекслардан самарали фойдаланиш йўли билан кумушдан ясалган буюмлар ишлаб чиқаришни ривожлантириш ва янги иш ўринлари яратиш мақсадида Вазирлар Маҳкамаси қарор қилади:
1. Тошкент шаҳар, Заргарлик кўчаси, 46Б-уй манзилида жойлашган:
Ўзбекистон Республикаси Давлат активларини бошқариш агентлигига тегишли бўлган кумушдан буюмлар ишлаб чиқариш белгиланган бинолар ва иншоотлардан (кейинги ўринларда бинолар ва иншоотлар деб аталади);
«Асака» АТБнинг шуъба хўжалик жамияти — «Асака Капитал Инвест» МЧЖга тегишли бўлган кумушдан буюмлар ишлаб чиқариш бўйича ускунадан (кейинги ўринларда ускуна деб аталади);
«Фонон» давлат илмий-ишлаб чиқариш корхонасига тегишли бўлган гальваника ва аффинаж ускунасидан узоқ вақт мобайнида фойдаланилмаётганлиги маълумот учун қабул қилинсин.
2. Ўзбекистон Республикаси Иқтисодиёт ва саноат вазирлиги, Ўзбекистон Республикаси Давлат активларини бошқариш агентлиги, Тошкент шаҳар ҳокимлиги, «Фонон» давлат илмий-ишлаб чиқариш корхонаси, «Асака» АТБ ва «Souvenir» МЧЖнинг:
инвестор томонидан уч йил мобайнида ишлаб чиқаришни модернизациялашга ҳамда бинолар ва иншоотларни капитал таъмирлашга, камида 50 та янги иш ўринлари яратишга йўналтириладиган камида 1,0 млн АҚШ доллари суммасида инвестициявий ва ижтимоий мажбуриятлар олинишини назарда тутадиган йилига 2,0 тоннагача кумушни қайта ишлаш қувватига эга бўлган замонавий ишлаб чиқаришни ташкил этиш бўйича инвестиция лойиҳасини амалга ошириш учун бинолар ва иншоотларни «ноль» сотиш қиймати билан «Souvenir» МЧЖга (кейинги ўринларда инвестор деб аталади) сотиш;
«Асака Капитал Инвест» МЧЖга тегишли бўлган асбоб-ускуналарни 837 548 724 (саккиз юз ўттиз етти миллион беш юз қирқ саккиз минг етти юз йигирма тўрт) сўм миқдоридаги баланс қиймати бўйича, тўловни фоиз ставкаси ҳисобламасдан бўлиб-бўлиб тўлаш шарти билан тўғридан-тўғри шартнома тузиш, шунингдек, инвестор томонидан «Oltin Standart» МЧЖнинг (мулкий комплекс негизида заргарлик фаолиятини ташкил этиш учун «Асака Капитал Инвест» МЧЖ томонидан ташкил этилган) «Асака Капитал Инвест» МЧЖ томонидан инвестициялар ва қарзлар тарзида киритилган мажбуриятларини қоплаш йўли билан сотиш;
гальваника ва аффинаж «Фонон» давлат илмий-ишлаб чиқариш корхонасининг ускуналарини мол-мулкни баҳолаш якунлари бўйича «Фонон» давлат илмий-ишлаб чиқариш корхонаси билан тўғридан-тўғри шартнома тузиш йўли билан сотиш тўғрисидаги таклифларига розилик берилсин.
3. Белгилансинки:
инвестор ушбу қарорнинг 2-бандига мувофиқ ўз зиммасига оладиган мажбуриятлар бажарилгандан кейин бинолар ва иншоотларга мулк ҳуқуқи белгиланган тартибда тўлиқ ҳажмда инвесторга ўтади;
инвестиция лойиҳасини амалга ошириш таъминланмаган тақдирда ушбу қарор билан белгиланган шартларга мувофиқ «ноль» сотиш қиймати бўйича сотилган бинолар ва иншоотлар кейинчалик мақсадли фойдаланиш учун Ўзбекистон Республикаси Давлат активларини бошқариш агентлигига қайтарилади.
4. Ўзбекистон Республикаси Президентининг «Ўзбекистон Республикасида заргарлик тармоғини жадал ривожлантириш чора-тадбирлари тўғрисида» 2019 йил 18 майдаги ПФ-5721-сон Фармонида ва Ўзбекистон Республикаси Президентининг «Заргарлик саноатини ривожлантиришни давлат томонидан қўллаб-қувватлашга доир қўшимча чора-тадбирлар тўғрисида» 2018 йил 1 мартдаги ПҚ-3577-сон қарорида назарда тутилган солиқ ва божхона имтиёзлари «Souvenir» МЧЖ томонидан ишлаб чиқариладиган қимматбаҳо металлардан ясалган буюмларга татбиқ этилсин.
5. Тошкент шаҳар ҳокими «1-Заргарлик корхонаси» давлат корхонаси билан биргаликда «Souvenir» МЧЖга бериладиган бинолар ва иншоотларга автоном кириб-чиқишни таъминлаш бўйича зарур чора-тадбирлар кўрсин.
6. Ўзбекистон Республикаси Ташқи ишлар вазирлиги инвесторнинг буюртманомалари бўйича инвестиция лойиҳаси фаолиятини ташкил этишда иштирок этадиган хорижий мутахассисларга (Ўзбекистон Республикаси фуқаролари эга бўлмаган мутахассисликлар бўйича) ҳамда уларнинг оила аъзоларига кириш визалари, шу жумладан, кўп марталик визалар консуллик йиғимлари ва бошқа йиғимлар ундирилмасдан белгиланган тартибда расмийлаштирилишини таъминласин.
7. Ўзбекистон Республикаси Ички ишлар вазирлиги инвесторнинг буюртманомалари бўйича инвестиция лойиҳасини амалга оширишга жалб қилинадиган хорижий мутахассисларга ҳамда уларнинг оила аъзоларига давлат божи ундирилмасдан кўп марталик визалар берилиши ва кўп марталик визалар узайтирилишини ҳамда вақтинча турган жойи бўйича рўйхатга олинишини ва муддати узайтирилишини белгиланган тартибда таъминласин.
8. Ўзбекистон Республикаси Бандлик ва меҳнат муносабатлари вазирлиги инвесторнинг буюртманомалари бўйича инвестиция лойиҳасини амалга оширишда иштирок этиш учун хорижий мутахассисларни Ўзбекистон Республикасига жалб қилиш учун рухсатномалар белгиланган тартибда ўз вақтида берилишини, узайтирилишини, шунингдек, кўрсатиб ўтилган хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (узайтирилишини) таъминласин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси Давлат активларини бошқариш агентлиги директори А.Я. Хайдаров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 27 август,
720-сон
Oʻzbekiston Respublikasi Vazirlar Mahkamasining
qarori
“Toshkent shahrida kumushdan yasalgan buyumlar ishlab chiqarishni tashkil etish” investitsiya loyihasini amalga oshirish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasida zargarlik tarmogʻini jadal rivojlantirish chora-tadbirlari toʻgʻrisida” 2019-yil 18-maydagi PF-5721-son Farmoniga muvofiq, umuman zargarlik tarmogʻining ishlab chiqarish salohiyatini yanada oshirish, xususan faoliyat koʻrsatmayotgan mulkiy komplekslardan samarali foydalanish yoʻli bilan kumushdan yasalgan buyumlar ishlab chiqarishni rivojlantirish va yangi ish oʻrinlari yaratish maqsadida Vazirlar Mahkamasi qaror qiladi:
1. Toshkent shahar, Zargarlik koʻchasi, 46B-uy manzilida joylashgan:
Oʻzbekiston Respublikasi Davlat aktivlarini boshqarish agentligiga tegishli boʻlgan kumushdan buyumlar ishlab chiqarish belgilangan binolar va inshootlardan (keyingi oʻrinlarda binolar va inshootlar deb ataladi);
“Asaka” ATBning shuʼba xoʻjalik jamiyati — “Asaka Kapital Invest” MChJga tegishli boʻlgan kumushdan buyumlar ishlab chiqarish boʻyicha uskunadan (keyingi oʻrinlarda uskuna deb ataladi);
“Fonon” davlat ilmiy-ishlab chiqarish korxonasiga tegishli boʻlgan galvanika va affinaj uskunasidan uzoq vaqt mobaynida foydalanilmayotganligi maʼlumot uchun qabul qilinsin.
2. Oʻzbekiston Respublikasi Iqtisodiyot va sanoat vazirligi, Oʻzbekiston Respublikasi Davlat aktivlarini boshqarish agentligi, Toshkent shahar hokimligi, “Fonon” davlat ilmiy-ishlab chiqarish korxonasi, “Asaka” ATB va “Souvenir” MChJning:
investor tomonidan uch yil mobaynida ishlab chiqarishni modernizatsiyalashga hamda binolar va inshootlarni kapital taʼmirlashga, kamida 50 ta yangi ish oʻrinlari yaratishga yoʻnaltiriladigan kamida 1,0 mln AQSh dollari summasida investitsiyaviy va ijtimoiy majburiyatlar olinishini nazarda tutadigan yiliga 2,0 tonnagacha kumushni qayta ishlash quvvatiga ega boʻlgan zamonaviy ishlab chiqarishni tashkil etish boʻyicha investitsiya loyihasini amalga oshirish uchun binolar va inshootlarni “nol” sotish qiymati bilan “Souvenir” MChJga (keyingi oʻrinlarda investor deb ataladi) sotish;
“Asaka Kapital Invest” MChJga tegishli boʻlgan asbob-uskunalarni 837 548 724 (sakkiz yuz oʻttiz yetti million besh yuz qirq sakkiz ming yetti yuz yigirma toʻrt) soʻm miqdoridagi balans qiymati boʻyicha, toʻlovni foiz stavkasi hisoblamasdan boʻlib-boʻlib toʻlash sharti bilan toʻgʻridan toʻgʻri shartnoma tuzish, shuningdek, investor tomonidan “Oltin Standart” MChJning (mulkiy kompleks negizida zargarlik faoliyatini tashkil etish uchun “Asaka Kapital Invest” MChJ tomonidan tashkil etilgan) “Asaka Kapital Invest” MChJ tomonidan investitsiyalar va qarzlar tarzida kiritilgan majburiyatlarini qoplash yoʻli bilan sotish;
galvanika va affinaj “Fonon” davlat ilmiy-ishlab chiqarish korxonasining uskunalarini mol-mulkni baholash yakunlari boʻyicha “Fonon” davlat ilmiy-ishlab chiqarish korxonasi bilan toʻgʻridan toʻgʻri shartnoma tuzish yoʻli bilan sotish toʻgʻrisidagi takliflariga rozilik berilsin.
3. Belgilansinki:
investor ushbu qarorning 2-bandiga muvofiq oʻz zimmasiga oladigan majburiyatlar bajarilgandan keyin binolar va inshootlarga mulk huquqi belgilangan tartibda toʻliq hajmda investorga oʻtadi;
investitsiya loyihasini amalga oshirish taʼminlanmagan taqdirda ushbu qaror bilan belgilangan shartlarga muvofiq “nol” sotish qiymati boʻyicha sotilgan binolar va inshootlar keyinchalik maqsadli foydalanish uchun Oʻzbekiston Respublikasi Davlat aktivlarini boshqarish agentligiga qaytariladi.
4. Oʻzbekiston Respublikasi Prezidentining “Oʻzbekiston Respublikasida zargarlik tarmogʻini jadal rivojlantirish chora-tadbirlari toʻgʻrisida” 2019-yil 18-maydagi PF-5721-son Farmonida va Oʻzbekiston Respublikasi Prezidentining “Zargarlik sanoatini rivojlantirishni davlat tomonidan qoʻllab-quvvatlashga doir qoʻshimcha chora-tadbirlar toʻgʻrisida” 2018-yil 1-martdagi PQ-3577-son qarorida nazarda tutilgan soliq va bojxona imtiyozlari “Souvenir” MChJ tomonidan ishlab chiqariladigan qimmatbaho metallardan yasalgan buyumlarga tatbiq etilsin.
5. Toshkent shahar hokimi “1-Zargarlik korxonasi” davlat korxonasi bilan birgalikda “Souvenir” MChJga beriladigan binolar va inshootlarga avtonom kirib-chiqishni taʼminlash boʻyicha zarur chora-tadbirlar koʻrsin.
6. Oʻzbekiston Respublikasi Tashqi ishlar vazirligi investorning buyurtmanomalari boʻyicha investitsiya loyihasi faoliyatini tashkil etishda ishtirok etadigan xorijiy mutaxassislarga (Oʻzbekiston Respublikasi fuqarolari ega boʻlmagan mutaxassisliklar boʻyicha) hamda ularning oila aʼzolariga kirish vizalari, shu jumladan, koʻp martalik vizalar konsullik yigʻimlari va boshqa yigʻimlar undirilmasdan belgilangan tartibda rasmiylashtirilishini taʼminlasin.
7. Oʻzbekiston Respublikasi Ichki ishlar vazirligi investorning buyurtmanomalari boʻyicha investitsiya loyihasini amalga oshirishga jalb qilinadigan xorijiy mutaxassislarga hamda ularning oila aʼzolariga davlat boji undirilmasdan koʻp martalik vizalar berilishi va koʻp martalik vizalar uzaytirilishini hamda vaqtincha turgan joyi boʻyicha roʻyxatga olinishini va muddati uzaytirilishini belgilangan tartibda taʼminlasin.
8. Oʻzbekiston Respublikasi Bandlik va mehnat munosabatlari vazirligi investorning buyurtmanomalari boʻyicha investitsiya loyihasini amalga oshirishda ishtirok etish uchun xorijiy mutaxassislarni Oʻzbekiston Respublikasiga jalb qilish uchun ruxsatnomalar belgilangan tartibda oʻz vaqtida berilishini, uzaytirilishini, shuningdek, koʻrsatib oʻtilgan xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (uzaytirilishini) taʼminlasin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi Davlat aktivlarini boshqarish agentligi direktori A.Y. Xaydarov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 27-avgust,
720-son
Кабинета Министров Республики Узбекистан
Постановление
О мерах по реализации инвестиционного проекта «Организация производства изделий из серебра в городе Ташкенте»
В соответствии с Указом Президента Республики Узбекистан от 18 мая 2019 года № УП-5721 «О мерах по ускоренному развитию ювелирной отрасли в Республике Узбекистан», в целях дальнейшего повышения производственного потенциала ювелирной отрасли в целом, в частности, развития производства изделий из серебра путем эффективного использования бездействующих имущественных комплексов и создания новых рабочих мест Кабинет Министров постановляет:
1. Принять к сведению, что не используются в течение длительного времени расположенные по адресу: г.Ташкент ул. Заргарлик д. 46Б:
здания и сооружения, определенные под производство изделий из серебра, принадлежащие Агентству по управлению государственными активами Республики Узбекистан (далее — здания и сооружения);
оборудование по производству изделий из серебра, принадлежащее ООО «Асака Капитал Инвест», — дочернему хозяйственному обществу АКБ «Асака» (далее — оборудование);
оборудование для гальваники и аффинажа, принадлежащее Государственному научно-производственному предприятию «Фонон» (далее — ГНПП «Фонон»).
2. Согласиться с предложениями Министерства экономики и промышленности Республики Узбекистан, Агентства по управлению государственными активами Республики Узбекистан, хокимията г. Ташкента, ГНПП «Фонон», АКБ «Асака» и ООО «Souvenir» о реализации:
ООО «Souvenir» (далее — инвестор) по «нулевой» выкупной стоимости зданий и сооружений для реализации инвестиционного проекта по организации современного производства по переработки серебра мощностью до 2,0 тонн в год (далее — инвестиционный проект), предусматривающего принятие инвестором инвестиционных и социальных обязательств на сумму не менее 1,0 млн. долл. США, направляемых в течение трех лет на модернизацию производства и капитальный ремонт зданий и сооружений, создание не менее 50 новых рабочих мест;
оборудования, принадлежащего ООО «Асака Капитал Инвест», по балансовой стоимости в размере 837 548 724 (восемьсот тридцать семь миллионов пятьсот сорок восемь тысяч семьсот двадцать четыре) сумов путем заключения прямого договора с условием рассрочки оплаты без начисления процентной ставки, а также возмещения инвестором обязательств ООО «Oltin Standart» (созданного ООО «Асака Капитал Инвест» для организации ювелирной деятельности на базе имущественного комплекса) в виде инвестиций и займов, внесенных со стороны ООО «Асака Капитал Инвест»;
оборудования ГНПП «Фонон» для гальваники и аффинажа путем заключения прямого договора с ГНПП «Фонон» по итогам проведенной оценки имущества.
3. Установить, что:
право собственности на здания и сооружения переходит инвестору после выполнения обязательств, принимаемых им в соответствии с пунктом 2 настоящего постановления, в полном объеме в установленном порядке;
в случае необеспечения реализации инвестиционного проекта в соответствии с условиями, определенными настоящим постановлением, здания и сооружения, реализованные по «нулевой» выкупной стоимости, подлежат возврату Агентству по управлению государственными активами Республики Узбекистан для дальнейшего целевого использования.
4. Распространить налоговые и таможенные льготы, предусмотренные Указом Президента Республики Узбекистан от 18 мая 2019 года № УП-5721 «О мерах по ускоренному развитию ювелирной отрасли в Республики Узбекистан» и постановлением Президента Республики Узбекистан от 1 марта 2018 года № ПП-3577 «О дополнительных мерах государственной поддержки развития ювелирной промышленности», на изделия из драгоценных металлов, производимые ООО «Souvenir».
5. Хокимияту г. Ташкента совместно с государственным предприятием «1-Заргарлик корхонаси» принять необходимые меры по обеспечению автономного въезда и выезда к зданию и сооружениям, передаваемым ООО «Souvenir».
6. Министерству иностранных дел Республики Узбекистан обеспечить в установленном порядке по заявкам инвестора оформление въездных виз, в том числе многократных, иностранным специалистам (не имеющимся из числа граждан Республики Узбекистан), участвующим в организации деятельности инвестиционного проекта, а также членам их семей, без взимания консульских и иных сборов.
7. Министерству внутренних дел Республики Узбекистан обеспечить в установленном порядке по заявкам инвестора выдачу и продление многократных виз, а также регистрацию по месту временного пребывания и ее продление иностранным специалистам, привлекаемым к реализации инвестиционного проекта, а также членам их семей без взимания государственной пошлины.
8. Министерству занятости и трудовых отношений Республики Узбекистан обеспечить по заявкам инвестора своевременную выдачу (продление) в установленном порядке разрешений на привлечение в Республику Узбекистан иностранных специалистов для участия в реализации инвестиционного проекта, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
9. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова и директора Агентства по управлению государственными активами Республики Узбекистан А.Я. Хайдарова.
Премьер-министр Республики Узбекистан А. АРИПОВ
г. Ташкент,
27 августа 2019 г.,
№ 720