📅 2019-yil 27-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 27 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 27 августа 2019 г. · Указы Президента
Официальный текст. Официальный документ. Редакционные примечания не включены.
📅 27 August 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ўзгартириш ва қўшимчалар
Олий таълим муассасалари раҳбар ва педагог кадрларининг узлуксиз малакасини ошириш тизимини жорий этиш тўғрисида
Сўнгги йилларда олий таълим муассасаларининг раҳбар ва педагог кадрларининг (кейинги ўринларда — раҳбар ва педагог кадрлар) касбий билим, малака ва кўникмаларини ривожлантиришга кенг имкониятлар яратилмоқда. Қайта тайёрлаш ва малака ошириш курслари ўқув жараёнига ўқитишнинг замонавий шакл ва технологиялари, жумладан масофавий таълим, вебинар технологиялари, автоматлашган мониторинг, электрон портфолио ахборот тизимлари жорий этилмоқда.
Шу билан бирга, раҳбар ва педагог кадрлар малакасини оширишнинг амалдаги тартиби самараси паст бўлганлиги, кўп ресурс сарфлашни талаб этаётгани ҳамда замонавий талабларга жавоб бермаётганлиги, ушбу жараёнга инновацион ёндашувларни жорий этишни ҳамда кадрларнинг касбий компетентлигини доимий ривожлантириш механизмларини қўллашни талаб этмоқда.
Раҳбар ва педагог кадрларнинг малакасини ошириш тизимини янги босқичга кўтариш, уларнинг касбий малакасини оширишнинг замонавий шаклларини ҳамда илмий ва илмий-педагогик фаолият натижаларини инобатга оладиган табақалаштирилган ва муқобил узлуксиз малака ошириш тизимини амалиётга кенг жорий этиш мақсадида:
1. Ўзбекистон Республикаси Олий ва ўрта махсус таълим вазирлиги, ўз тасарруфида олий таълим муассасалари бўлган бошқа вазирлик ва идораларнинг 2019 йил 1 сентябрдан раҳбар ва педагог кадрларнинг узлуксиз малакасини ошириш тизимини жорий этиш тўғрисидаги таклифлари маъқуллансин.
2. Қуйидагилар раҳбар ва педагог кадрларнинг узлуксиз малакасини ошириш тизимининг асосий вазифалари этиб белгилансин:
раҳбар ва педагог кадрларнинг касбий билими, кўникмалари ва маҳоратини узлуксиз янгилаб бориш механизмларини жорий этиш, замонавий талабларга мувофиқ олий таълим сифатини таъминлаш учун зарур даражада касбий тайёргарликни ошириш;
малака оширишнинг бевосита ва касбий фаолиятга алоқадор билвосита шаклларини вариатив ва бир-бирини тўлдириш тамойиллари асосида амалиётга жорий этишини таъминлаш ва мониторинг олиб бориш;
раҳбар ва педагог кадрларнинг илмий-педагогик салоҳиятидан келиб чиқиб уларнинг касбий эҳтиёжларни қаноатлантиришга йўналтирилган узлуксиз малака оширишнинг шаклларини мустақил танлаш ва ўзлаштириш имкониятини яратиш;
раҳбар ва педагог кадрларнинг касбий маҳоратини мунтазам ошириш асосида уларнинг илмий ва амалий тадқиқотлар, технологик тараққиёт ҳамда ўқитилаётган фанлар бўйича инновациялар, шунингдек ўқув жараёнини ташкил этишнинг замонавий услублари соҳаларидаги кўникмаларини ривожлантириш;
юқори самарали замонавий таълим ва инновацион технологиялар, илғор хорижий тажрибани кенг жорий этган ҳолда раҳбар ва педагог кадрларнинг малакасини ошириш бўйича малака талаблари, ўқув режалари ва дастурларини доимий янгилаб бориш, уларнинг фаолиятини зарур даражада ташкил этиш ва самарадорлигини таъминлаш;
раҳбар ва педагог кадрларда Интернет жаҳон ахборот тармоғи, мультимедиа тизимлари ва масофадан ўқитиш усулларидан фойдаланган ҳолда, илғор педагогика, ахборот-коммуникация ва инновацион технологияларни эгаллаш ва уларни ўқув жараёнига фаол татбиқ этиш кўникмаларини ривожлантириш;
раҳбар ва педагог кадрларнинг чет тилини амалий ўзлаштириш даражасини ошириш, ўз касбий маҳоратини, педагогик ва илмий фаолияти самарадорлигини муттасил ошириб бориш имкониятларини яратиш.
3. Белгилаб қўйилсинки, раҳбар ва педагог кадрларнинг узлуксиз малака ошириши:
мутахассислик бўйича мустақил малака ошириш;
муқобил малака ошириш;
таълим дастурлари асосида ихтисослаштирилган қайта тайёрлаш ва малака ошириш муассасаларида бевосита ўқиш шаклларини ўз ичига олади.
Бунда, раҳбар ва педагог кадрларга уларнинг касбий, ўқув-методик ва илмий-педагогик фаолияти натижаларидан келиб чиқиб, муқобил малака ошириш ёки таълим дастурлари асосида ўқиш шаклларини танлаш имконияти берилади.
4. Ўзбекистон Республикаси Олий ва ўрта махсус таълим вазирлиги, Молия вазирлиги, Иқтисодиёт ва саноат вазирлиги ҳамда Бандлик ва меҳнат муносабатлари вазирлигининг 2019 йил 1 сентябрдан бошлаб:
раҳбар ва педагог кадрларни қайта тайёрлаш ва малака ошириш курсларида ишдан ажраган ҳолда тўғридан-тўғри (бевосита) ўқиш умумий давомийлигини 144 соат этиб белгилаш;
раҳбар ва педагог кадрларни қайта тайёрлаш ва уларнинг малакасини ошириш марказларида профессор-ўқитувчиларнинг сонидан келиб чиқиб белгиланадиган, камида 3 та штат бирлигидан иборат таълим технологиялари кафедраларини ташкил этиш;
раҳбар ва педагог кадрларни қайта тайёрлаш ва уларнинг малакасини ошириш марказларида самарали дарс бераётган профессор-ўқитувчилар, тажрибали амалиётчи мутахассислар фаолияти таҳлилидан келиб чиқиб, уларга базавий лавозим маошининг 30 фоизигача ойлик устамалар белгилаш, шунингдек машғулотлар ўтказиш учун соатбай иш ҳақи тўлаш шартлари билан жалб этилган малакали профессор-ўқитувчилар, тажрибали амалиётчи мутахассисларни соатбай ҳақ тўлаш миқдорининг 20 фоизигача кўпайтирилган ҳолда моддий рағбатлантириш;
пенсия ёшидаги, уч ёшга тўлмаган фарзанди бор аёллар ҳамда ногиронлиги бўлган раҳбар ва педагог кадрларнинг қайта тайёрлаш ва малака ошириш курсларида ўқишини масофавий шаклда ташкил этиш;
раҳбар ва педагог кадрларни қайта тайёрлаш ва уларнинг малакасини ошириш марказларининг қўшимча таълим хизматлари кўрсатиш асосида ишлаб топган бюджетдан ташқари маблағлари ҳисобидан ушбу марказлар ходимлари лавозим маошларига ягона тариф сеткаси бўйича меҳнатга ҳақ тўлашнинг тасдиқланган разрядларига кўра 200 фоизгача устама ҳақ тўлаш;
олий таълим муассасалари педагог кадрларини қайта тайёрлаш ва уларнинг малакасини ошириш минтақавий ва тармоқ марказлари тузилмасига халқаро ҳамкорлик бўйича мутахассис лавозимини киритиш тўғрисидаги таклифларига розилик берилсин.
5. Ўзбекистон Республикаси Олий ва ўрта махсус таълим вазирлиги Бандлик ва меҳнат муносабатлари вазирлиги ҳамда Молия вазирлиги билан биргаликда бир ой муддатда раҳбар ва педагог кадрларни қайта тайёрлаш ва уларнинг малакасини ошириш марказлари ходимларининг меҳнатига ҳақ тўлаш миқдори ва шартларини мазкур Фармон талабларидан келиб чиқиб қайта кўриб чиқсин ва тасдиқласин.
6. Ўзбекистон Республикаси Молия вазирлиги мазкур Фармоннинг амалга оширилиши учун зарур маблағларни 2019 йилда ижтимоий соҳа учун тасдиқланган маблағлар доирасида ажратсин, 2020 йилдан бошлаб эса Давлат бюджетининг параметрларида зарур молиялаштиришни ҳар йили назарда тутсин.
7. Ўзбекистон Республикаси Вазирлар Маҳкамаси бир ҳафта муддатда мазкур Фармонда белгиланган вазифалар ижросини таъминлаш юзасидан раҳбар ва педагог кадрларнинг узлуксиз малакасини ошириш жараёнларини ташкил этиш тартибини назарда тутувчи қарор қабул қилсин.
8. Ўзбекистон Республикаси Президентининг «Олий таълим муассасаларининг раҳбар ва педагог кадрларини қайта тайёрлаш ва малакасини ошириш тизимини янада такомиллаштириш чора-тадбирлари тўғрисида»ги 2015 йил 12 июндаги ПФ-4732-сон Фармонига иловага мувофиқ ўзгартириш ва қўшимчалар киритилсин.
9. Мазкур Фармоннинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президентининг 2019 йил 27 августдаги ПФ-5789-сон Фармонига ИЛОВА
Ўзбекистон Республикаси Президентининг 2015 йил 12 июндаги ПФ-4732-сон «Олий таълим муассасаларининг раҳбар ва педагог кадрларини қайта тайёрлаш ва малакасини ошириш тизимини янада такомиллаштириш чора-тадбирлари тўғрисида»ги Фармонига киритилаётган
1. 2-банднинг биринчи хатбошисидаги «16» рақами «17» рақами билан алмаштирилсин.
2. 3-банднинг учинчи хатбошиси қуйидаги таҳрирда баён этилсин:
«қайта тайёрлаш ва малака ошириш курсларида ўқиш 2-иловага мувофиқ Олий таълим муассасалари раҳбар ва педагог кадрларини қайта тайёрлаш ва уларнинг малакасини ошириш курси ўқув режасининг намунавий тузилмаси асосида ишлаб чиқилган 288 соатлик махсус дастурларнинг 144 соат ҳажми ишдан ажралмаган ҳолда мустақил малака ошириш усуллари асосида, 144 соати тўғридан-тўғри (бевосита) малака ошириш шаклида ишдан ажраган ҳолда амалга оширилади».
3. 1-илованинг рус тилидаги матнида :
«Направления переподготовки» устуни «Направления переподготовки» сўзларидан кейин «и повышения квалификации» сўзлари билан тўлдирилсин;
4-позиция «Направления переподготовки и повышения квалификации» устунидан «Зоотехния» ва «Ветеринария» сўзлари чиқариб ташлансин;
қуйидаги мазмундаги 17-позиция билан тўлдирилсин:
« 17. Самаркандский институт ветеринарной медицины Зооинженерия, Ветеринарная медицина ».
4. 2-илованинг рус тилидаги матни изоҳининг 1-бандидан «(2 месяца)» сўзлари чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 27 август,
ПФ-5789-сон
Oʻzbekiston Respublikasi Prezidentining
Farmoni
oʻzgartirish va qoʻshimchalar
Oliy taʼlim muassasalari rahbar va pedagog kadrlarining uzluksiz malakasini oshirish tizimini joriy etish toʻgʻrisida
Soʻnggi yillarda oliy taʼlim muassasalarining rahbar va pedagog kadrlarining (keyingi oʻrinlarda — rahbar va pedagog kadrlar) kasbiy bilim, malaka va koʻnikmalarini rivojlantirishga keng imkoniyatlar yaratilmoqda. Qayta tayyorlash va malaka oshirish kurslari oʻquv jarayoniga oʻqitishning zamonaviy shakl va texnologiyalari, jumladan masofaviy taʼlim, vebinar texnologiyalari, avtomatlashgan monitoring, elektron portfolio axborot tizimlari joriy etilmoqda.
Shu bilan birga, rahbar va pedagog kadrlar malakasini oshirishning amaldagi tartibi samarasi past boʻlganligi, koʻp resurs sarflashni talab etayotgani hamda zamonaviy talablarga javob bermayotganligi, ushbu jarayonga innovatsion yondashuvlarni joriy etishni hamda kadrlarning kasbiy kompetentligini doimiy rivojlantirish mexanizmlarini qoʻllashni talab etmoqda.
Rahbar va pedagog kadrlarning malakasini oshirish tizimini yangi bosqichga koʻtarish, ularning kasbiy malakasini oshirishning zamonaviy shakllarini hamda ilmiy va ilmiy-pedagogik faoliyat natijalarini inobatga oladigan tabaqalashtirilgan va muqobil uzluksiz malaka oshirish tizimini amaliyotga keng joriy etish maqsadida:
1. Oʻzbekiston Respublikasi Oliy va oʻrta maxsus taʼlim vazirligi, oʻz tasarrufida oliy taʼlim muassasalari boʻlgan boshqa vazirlik va idoralarning 2019-yil 1-sentabrdan rahbar va pedagog kadrlarning uzluksiz malakasini oshirish tizimini joriy etish toʻgʻrisidagi takliflari maʼqullansin.
2. Quyidagilar rahbar va pedagog kadrlarning uzluksiz malakasini oshirish tizimining asosiy vazifalari etib belgilansin:
rahbar va pedagog kadrlarning kasbiy bilimi, koʻnikmalari va mahoratini uzluksiz yangilab borish mexanizmlarini joriy etish, zamonaviy talablarga muvofiq oliy taʼlim sifatini taʼminlash uchun zarur darajada kasbiy tayyorgarlikni oshirish;
malaka oshirishning bevosita va kasbiy faoliyatga aloqador bilvosita shakllarini variativ va bir-birini toʻldirish tamoyillari asosida amaliyotga joriy etishini taʼminlash va monitoring olib borish;
rahbar va pedagog kadrlarning ilmiy-pedagogik salohiyatidan kelib chiqib ularning kasbiy ehtiyojlarni qanoatlantirishga yoʻnaltirilgan uzluksiz malaka oshirishning shakllarini mustaqil tanlash va oʻzlashtirish imkoniyatini yaratish;
rahbar va pedagog kadrlarning kasbiy mahoratini muntazam oshirish asosida ularning ilmiy va amaliy tadqiqotlar, texnologik taraqqiyot hamda oʻqitilayotgan fanlar boʻyicha innovatsiyalar, shuningdek oʻquv jarayonini tashkil etishning zamonaviy uslublari sohalaridagi koʻnikmalarini rivojlantirish;
yuqori samarali zamonaviy taʼlim va innovatsion texnologiyalar, ilgʻor xorijiy tajribani keng joriy etgan holda rahbar va pedagog kadrlarning malakasini oshirish boʻyicha malaka talablari, oʻquv rejalari va dasturlarini doimiy yangilab borish, ularning faoliyatini zarur darajada tashkil etish va samaradorligini taʼminlash;
rahbar va pedagog kadrlarda Internet jahon axborot tarmogʻi, multimedia tizimlari va masofadan oʻqitish usullaridan foydalangan holda, ilgʻor pedagogika, axborot-kommunikatsiya va innovatsion texnologiyalarni egallash va ularni oʻquv jarayoniga faol tatbiq etish koʻnikmalarini rivojlantirish;
rahbar va pedagog kadrlarning chet tilini amaliy oʻzlashtirish darajasini oshirish, oʻz kasbiy mahoratini, pedagogik va ilmiy faoliyati samaradorligini muttasil oshirib borish imkoniyatlarini yaratish.
3. Belgilab qoʻyilsinki, rahbar va pedagog kadrlarning uzluksiz malaka oshirishi:
mutaxassislik boʻyicha mustaqil malaka oshirish;
muqobil malaka oshirish;
taʼlim dasturlari asosida ixtisoslashtirilgan qayta tayyorlash va malaka oshirish muassasalarida bevosita oʻqish shakllarini oʻz ichiga oladi.
Bunda, rahbar va pedagog kadrlarga ularning kasbiy, oʻquv-metodik va ilmiy-pedagogik faoliyati natijalaridan kelib chiqib, muqobil malaka oshirish yoki taʼlim dasturlari asosida oʻqish shakllarini tanlash imkoniyati beriladi.
4. Oʻzbekiston Respublikasi Oliy va oʻrta maxsus taʼlim vazirligi, Moliya vazirligi, Iqtisodiyot va sanoat vazirligi hamda Bandlik va mehnat munosabatlari vazirligining 2019-yil 1-sentabrdan boshlab:
rahbar va pedagog kadrlarni qayta tayyorlash va malaka oshirish kurslarida ishdan ajragan holda toʻgʻridan-toʻgʻri (bevosita) oʻqish umumiy davomiyligini 144 soat etib belgilash;
rahbar va pedagog kadrlarni qayta tayyorlash va ularning malakasini oshirish markazlarida professor-oʻqituvchilarning sonidan kelib chiqib belgilanadigan, kamida 3 ta shtat birligidan iborat taʼlim texnologiyalari kafedralarini tashkil etish;
rahbar va pedagog kadrlarni qayta tayyorlash va ularning malakasini oshirish markazlarida samarali dars berayotgan professor-oʻqituvchilar, tajribali amaliyotchi mutaxassislar faoliyati tahlilidan kelib chiqib, ularga bazaviy lavozim maoshining 30 foizigacha oylik ustamalar belgilash, shuningdek mashgʻulotlar oʻtkazish uchun soatbay ish haqi toʻlash shartlari bilan jalb etilgan malakali professor-oʻqituvchilar, tajribali amaliyotchi mutaxassislarni soatbay haq toʻlash miqdorining 20 foizigacha koʻpaytirilgan holda moddiy ragʻbatlantirish;
pensiya yoshidagi, uch yoshga toʻlmagan farzandi bor ayollar hamda nogironligi boʻlgan rahbar va pedagog kadrlarning qayta tayyorlash va malaka oshirish kurslarida oʻqishini masofaviy shaklda tashkil etish;
rahbar va pedagog kadrlarni qayta tayyorlash va ularning malakasini oshirish markazlarining qoʻshimcha taʼlim xizmatlari koʻrsatish asosida ishlab topgan budjetdan tashqari mablagʻlari hisobidan ushbu markazlar xodimlari lavozim maoshlariga yagona tarif setkasi boʻyicha mehnatga haq toʻlashning tasdiqlangan razryadlariga koʻra 200 foizgacha ustama haq toʻlash;
oliy taʼlim muassasalari pedagog kadrlarini qayta tayyorlash va ularning malakasini oshirish mintaqaviy va tarmoq markazlari tuzilmasiga xalqaro hamkorlik boʻyicha mutaxassis lavozimini kiritish toʻgʻrisidagi takliflariga rozilik berilsin.
5. Oʻzbekiston Respublikasi Oliy va oʻrta maxsus taʼlim vazirligi Bandlik va mehnat munosabatlari vazirligi hamda Moliya vazirligi bilan birgalikda bir oy muddatda rahbar va pedagog kadrlarni qayta tayyorlash va ularning malakasini oshirish markazlari xodimlarining mehnatiga haq toʻlash miqdori va shartlarini mazkur Farmon talablaridan kelib chiqib qayta koʻrib chiqsin va tasdiqlasin.
6. Oʻzbekiston Respublikasi Moliya vazirligi mazkur Farmonning amalga oshirilishi uchun zarur mablagʻlarni 2019-yilda ijtimoiy soha uchun tasdiqlangan mablagʻlar doirasida ajratsin, 2020-yildan boshlab esa Davlat budjetining parametrlarida zarur moliyalashtirishni har yili nazarda tutsin.
7. Oʻzbekiston Respublikasi Vazirlar Mahkamasi bir hafta muddatda mazkur Farmonda belgilangan vazifalar ijrosini taʼminlash yuzasidan rahbar va pedagog kadrlarning uzluksiz malakasini oshirish jarayonlarini tashkil etish tartibini nazarda tutuvchi qaror qabul qilsin.
8. Oʻzbekiston Respublikasi Prezidentining “Oliy taʼlim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari toʻgʻrisida”gi 2015-yil 12-iyundagi PF-4732-son Farmoniga ilovaga muvofiq oʻzgartirish va qoʻshimchalar kiritilsin.
9. Mazkur Farmonning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidentining 2019-yil 27-avgustdagi PF-5789-son Farmoniga ILOVA
Oʻzbekiston Respublikasi Prezidentining 2015-yil 12-iyundagi PF-4732-son “Oliy taʼlim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari toʻgʻrisida”gi Farmoniga kiritilayotgan
1. 2-bandning birinchi xatboshisidagi “16” raqami “17” raqami bilan almashtirilsin.
2. 3-bandning uchinchi xatboshisi quyidagi tahrirda bayon etilsin:
“qayta tayyorlash va malaka oshirish kurslarida oʻqish 2-ilovaga muvofiq Oliy taʼlim muassasalari rahbar va pedagog kadrlarini qayta tayyorlash va ularning malakasini oshirish kursi oʻquv rejasining namunaviy tuzilmasi asosida ishlab chiqilgan 288 soatlik maxsus dasturlarning 144 soat hajmi ishdan ajralmagan holda mustaqil malaka oshirish usullari asosida, 144 soati toʻgʻridan-toʻgʻri (bevosita) malaka oshirish shaklida ishdan ajragan holda amalga oshiriladi”.
3. 1-ilovaning rus tilidagi matnida :
“Napravleniya perepodgotovki” ustuni “Napravleniya perepodgotovki” soʻzlaridan keyin “i povisheniya kvalifikatsii” soʻzlari bilan toʻldirilsin;
4-pozitsiya “Napravleniya perepodgotovki i povisheniya kvalifikatsii” ustunidan “Zootexniya” va “Veterinariya” soʻzlari chiqarib tashlansin;
quyidagi mazmundagi 17-pozitsiya bilan toʻldirilsin:
“ 17. Samarkandskiy institut veterinarnoy meditsini Zooinjeneriya, Veterinarnaya meditsina ”.
4. 2-ilovaning rus tilidagi matni izohining 1-bandidan “(2 mesyatsa)” soʻzlari chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 27-avgust,
PF-5789-son
Президента Республики Узбекистан
Указ
Изменения и дополнения,
О внедрении системы непрерывного повышения квалификации руководящих и педагогических кадров высших образовательных учреждений
В последние годы создаются широкие возможности для развития профессиональных знаний, квалификации и навыков руководящих и педагогических кадров высших образовательных учреждений (далее — руководящие и педагогические кадры). В учебный процесс курсов переподготовки и повышения квалификации внедряются современные формы и технологии обучения, в том числе дистанционное обучение, вебинарные технологии, автоматизированный мониторинг, информационные системы электронного портфолио.
Вместе с тем несоответствие современным требованиям, низкая эффективность и ресурсоемкость действующего порядка повышения квалификации руководящих и педагогических кадров требует внедрения в данный процесс инновационных подходов, а также применения механизмов непрерывного развития профессиональной компетенции кадров.
В целях поднятия на новый уровень системы повышения квалификации руководящих и педагогических кадров, широкого внедрения в практику современных форм повышения их профессиональных навыков, а также дифференцированной и альтернативной непрерывной системы повышения квалификации, принимающей во внимание результаты научной и научно-педагогической деятельности:
1. Одобрить предложения Министерства высшего и среднего специального образования Республики Узбекистан, других министерств и ведомств, имеющих в своем ведении высшие образовательные учреждения, о внедрении с 1 сентября 2019 года системы непрерывного повышения квалификации руководящих и педагогических кадров.
2. Определить основными задачами системы непрерывного повышения квалификации руководящих и педагогических кадров:
внедрение механизмов непрерывного обновления профессиональных знаний, навыков и мастерства руководящих и педагогических кадров, повышение их профессиональной подготовки на необходимом уровне в соответствии с современными требованиями для обеспечения качества высшего образования;
обеспечение внедрения в практику и проведение мониторинга прямых и связанных с профессиональной деятельностью косвенных форм повышения квалификации на основе принципов вариативности и взаимодополняемости;
создание исходя из научно-педагогического потенциала руководящих и педагогических кадров возможности для самостоятельного выбора и освоения форм непрерывного повышения квалификации, ориентированных на удовлетворение их профессиональных потребностей;
развитие навыков руководящих и педагогических кадров в сфере научных и практических исследований, технологического развития, инноваций по преподаваемым дисциплинам, а также современных методов организации учебного процесса на основе непрерывного повышения их профессионального мастерства;
регулярное обновление квалификационных требований, учебных планов и программ по повышению квалификации руководящих и педагогических кадров с широким внедрением современных высокоэффективных образовательных и инновационных технологий, передового зарубежного опыта, организация и обеспечение эффективности их деятельности на должном уровне;
развитие у руководящих и педагогических кадров навыков владения передовыми педагогическими, информационно-коммуникационными и инновационными технологиями и активного внедрения их в учебный процесс с использованием всемирной информационной сети Интернет, мультимедийных систем и методов дистанционного обучения;
повышение уровня практического освоения иностранных языков руководящими и педагогическими кадрами, создание возможностей для непрерывного роста профессионального мастерства, эффективности их педагогической и научной деятельности.
3. Установить, что непрерывное повышение квалификации руководящих и педагогических кадров включает в себя формы:
самостоятельного повышения квалификации по специальности;
альтернативного повышения квалификации;
непосредственного обучения в специализированных учреждениях по переподготовке и повышению квалификации на основе образовательных программ.
При этом руководящим и педагогическим кадрам, исходя из результатов их профессиональной, учебно-методической и научно-педагогической деятельности, предоставляется возможность выбора альтернативной формы повышения квалификации либо обучения на основе образовательных программ.
4. Согласиться с предложениями Министерства высшего и среднего специального образования, Министерства финансов, Министерства экономики и промышленности и Министерства занятости и трудовых отношений Республики Узбекистан о реализации с 1 сентября 2019 года мер, предусматривающих:
установление общей продолжительности прямого (непосредственного) обучения с отрывом от работы на курсах переподготовки и повышения квалификации руководящих и педагогических кадров в объеме 144 часов;
создание в центрах переподготовки и повышения квалификации руководящих и педагогических кадров кафедр образовательных технологий с численностью не менее 3 штатных единиц, устанавливаемых исходя из количества профессоров-преподавателей;
установление ежемесячной надбавки до 30 процентов базового должностного оклада профессорам-преподавателям, опытным специалистам-практикам, эффективно преподающим в центрах переподготовки и повышения квалификации руководящих и педагогических кадров, исходя из анализа их деятельности, а также материальное стимулирование квалифицированных профессоров-преподавателей, опытных специалистов-практиков, привлеченных к проведению занятий на условиях почасовой оплаты труда, путем увеличения размера их почасовой оплаты до 20 процентов;
организацию обучения на курсах переподготовки и повышения квалификации руководящих и педагогических кадров — лиц пенсионного возраста, женщин с детьми до трех лет, а также лиц с инвалидностью в дистанционной форме;
выплату надбавок в размере до 200 процентов по утвержденным разрядам оплаты труда по Единой тарифной сетке к должностным окладам работников центров переподготовки и повышения квалификации руководящих и педагогических кадров за счет внебюджетных средств, полученных от оказания данными центрами дополнительных образовательных услуг;
введение должности специалиста по международному сотрудничеству в структуры региональных и отраслевых центров переподготовки и повышения квалификации педагогических кадров высших образовательных учреждений.
5. Министерству высшего и среднего специального образования совместно с Министерством занятости и трудовых отношений, а также Министерством финансов Республики Узбекистан в месячный срок пересмотреть и утвердить размеры и условия оплаты труда работников центров переподготовки и повышения квалификации руководящих и педагогических кадров исходя из требований настоящего Указа .
6. Министерству финансов Республики Узбекистан выделить в 2019 году необходимые средства на реализацию настоящего Указа в пределах утвержденных параметров расходов на социальную сферу, а начиная с 2020 года ежегодно предусматривать необходимое финансирование в параметрах Государственного бюджета.
7. Кабинету Министров Республики Узбекистан в недельный срок исходя из задач, определенных в настоящем Указе, принять постановление, предусматривающее порядок организации процессов непрерывного повышения квалификации руководящих и педагогических кадров.
8. Внести изменения и дополнения в Указ Президента Республики Узбекистан от 12 июня 2015 года № УП-4732 «О мерах по дальнейшему совершенствованию системы переподготовки и повышения квалификации руководящих и педагогических кадров высших образовательных учреждений» согласно приложению .
9. Контроль за исполнением настоящего Указа возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
ПРИЛОЖЕНИЕ к Указу Президента Республики Узбекистан от 27 августа 2019 года № УП-5789
вносимые в Указ Президента Республики Узбекистан от 12 июня 2015 года № УП-4732 «О мерах по дальнейшему совершенствованию системы переподготовки и повышения квалификации руководящих и педагогических кадров высших образовательных учреждений»
1. В абзаце первом пункта 2 цифру «16» заменить цифрой «17».
2. Абзац третий пункта 3 изложить в следующей редакции:
«обучение на курсах переподготовки и повышения квалификации осуществляется по специальным программам в объеме 288 часов, разработанным на основе Типовой структуры учебного плана курса переподготовки и повышения квалификации руководящих и педагогических кадров высших образовательных учреждений согласно приложению № 2, 144 часа из которых осуществляются методами самостоятельного повышения квалификации без отрыва от работы и 144 часа — в форме прямого (непосредственного) повышения квалификации с отрывом от работы».
3. В приложении № 1 :
графу «Направления переподготовки» после слов «Направления переподготовки» дополнить словами «и повышения квалификации»;
из графы «Направления переподготовки и повышения квалификации» позиции 4 слова «Зоотехния» и «Ветеринария» исключить;
дополнить позицией 17 следующего содержания:
« 17. Самаркандский институт ветеринарной медицины Зооинженерия, Ветеринарная медицина ».
4. Из пункта 1 примечания приложения № 2 слова «(2 месяца)» исключить.
Президент Республики Узбекистан Ш. МИРЗИЁЕВ
г. Ташкент,
27 августа 2019 г.,
№ УП-5789