📅 2019-yil 29-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 29 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 29 августа 2019 г. · Указы Президента
Официальный текст. Официальный документ. Редакционные примечания не включены.
📅 29 August 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг айрим ҳужжатларига ўзгартиришлар киритиш тўғрисида
«Термиз» эркин иқтисодий зонаси ҳудудида ишончли муҳандислик-коммуникация инфратузилмасини шакллантириш, ишлаб чиқариш қувватларини ошириш, тўғридан-тўғри хорижий инвестицияларни жалб қилиш, шунингдек, фармацевтика тармоғини жадал ривожлантириш ва давлат улуши иштирокидаги хўжалик жамиятлари бошқарув органлари фаолиятини ташкил этишни янада такомиллаштириш мақсадида:
1. Ўзбекистон Республикаси Президентининг айрим ҳужжатларига иловага мувофиқ ўзгартиришлар киритилсин.
2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2019 йил 29 августдаги ПФ-5794-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2013 йил 18 мартдаги «Жиззах» эркин иқтисодий зонасини барпо этиш тўғрисида»ги ПФ-4516-сон Фармони 1-бандининг учинчи ва тўртинчи хатбошилари қуйидаги мазмундаги учинчи — бешинчи хатбошилар билан алмаштирилсин:
«Белгилаб қўйилсинки:
«Жиззах» ЭИЗ таркибига киритилган ер майдонлари Жиззах вилояти эркин иқтисодий зоналар ва кичик саноат зоналари Маъмурий кенгашининг бевосита тасарруфида бўлади;
«Жиззах» ЭИЗга кирувчи ҳудудлар ва унинг чегаралари, зарур ҳолларда, Ўзбекистон Республикаси Вазирлар Маҳкамасининг қарори билан ўзгартирилиши мумкин».
2. Ўзбекистон Республикаси Президентининг 2018 йил 18 сентябрдаги «Термиз» эркин иқтисодий зонасини ташкил этиш тўғрисида»ги ПФ-5540-сон Фармони 3-бандининг тўртинчи хатбошиси қуйидаги таҳрирда баён этилсин:
«Термиз» ЭИЗ қатнашчиларининг ҳудуди чегарасигача ташқи муҳандислик коммуникациялари ва инфратузилмалар қурилиши тенг улушларда Ўзбекистон Республикасининг республика бюджети ва Сурхондарё вилоятининг маҳаллий бюджети маблағлари ҳисобидан амалга оширилади».
3. Ўзбекистон Республикаси Президентининг 2019 йил 10 апрелдаги «2019 — 2021 йилларда республиканинг фармацевтика тармоғини янада жадал ривожлантириш чора-тадбирлари тўғрисида»ги ПФ-5707-сон Фармони 7-бандининг иккинчи хатбошиси қуйидаги таҳрирда баён этилсин:
«2019 йил 1 июлдан бошлаб импорт дори воситалари (дори субстанциялари бундан мустасно) ва тиббиёт буюмларини «эркин муомалага чиқариш (импорт)» божхона режимига расмийлаштиришда божхона расмийлаштируви учун йиғим суммасининг 83 фоизи».
4. Ўзбекистон Республикаси Президентининг 2017 йил 20 апрелдаги «Республика фармацевтика саноатини жадал ривожлантириш учун қулай шарт-шароитлар яратиш чора-тадбирлари тўғрисида»ги ПҚ-2911-сон қарори 1-бандидан учинчи хатбоши чиқариб ташлансин.
5. Ўзбекистон Республикаси Президентининг 2019 йил 14 январдаги «Ўзбекистон Республикаси Давлат активларини бошқариш агентлиги фаолиятини ташкил этиш тўғрисида»ги ПҚ-4112-сон қарори 5-бандининг тўртинчи ва бешинчи хатбошиларидаги «давлат органлари, ташкилотлар ёки уларнинг мансабдор шахслари билан келишилмасдан» сўзлари «белгиланган тартибда» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 29 август,
ПФ-5794-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida
“Termiz” erkin iqtisodiy zonasi hududida ishonchli muhandislik-kommunikatsiya infratuzilmasini shakllantirish, ishlab chiqarish quvvatlarini oshirish, toʻgʻridan toʻgʻri xorijiy investitsiyalarni jalb qilish, shuningdek, farmatsevtika tarmogʻini jadal rivojlantirish va davlat ulushi ishtirokidagi xoʻjalik jamiyatlari boshqaruv organlari faoliyatini tashkil etishni yanada takomillashtirish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar kiritilsin.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2019-yil 29-avgustdagi PF-5794-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2013-yil 18-martdagi “Jizzax” erkin iqtisodiy zonasini barpo etish toʻgʻrisida”gi PF-4516-son Farmoni 1-bandining uchinchi va toʻrtinchi xatboshilari quyidagi mazmundagi uchinchi — beshinchi xatboshilar bilan almashtirilsin:
“Belgilab qoʻyilsinki:
“Jizzax” EIZ tarkibiga kiritilgan yer maydonlari Jizzax viloyati erkin iqtisodiy zonalar va kichik sanoat zonalari Maʼmuriy kengashining bevosita tasarrufida boʻladi;
“Jizzax” EIZga kiruvchi hududlar va uning chegaralari, zarur hollarda, Oʻzbekiston Respublikasi Vazirlar Mahkamasining qarori bilan oʻzgartirilishi mumkin”.
2. Oʻzbekiston Respublikasi Prezidentining 2018-yil 18-sentabrdagi “Termiz” erkin iqtisodiy zonasini tashkil etish toʻgʻrisida”gi PF-5540-son Farmoni 3-bandining toʻrtinchi xatboshisi quyidagi tahrirda bayon etilsin:
“Termiz” EIZ qatnashchilarining hududi chegarasigacha tashqi muhandislik kommunikatsiyalari va infratuzilmalar qurilishi teng ulushlarda Oʻzbekiston Respublikasining respublika budjeti va Surxondaryo viloyatining mahalliy budjeti mablagʻlari hisobidan amalga oshiriladi”.
3. Oʻzbekiston Respublikasi Prezidentining 2019-yil 10-apreldagi “2019 — 2021-yillarda respublikaning farmatsevtika tarmogʻini yanada jadal rivojlantirish chora-tadbirlari toʻgʻrisida”gi PF-5707-son Farmoni 7-bandining ikkinchi xatboshisi quyidagi tahrirda bayon etilsin:
“2019-yil 1-iyuldan boshlab import dori vositalari (dori substansiyalari bundan mustasno) va tibbiyot buyumlarini “erkin muomalaga chiqarish (import)” bojxona rejimiga rasmiylashtirishda bojxona rasmiylashtiruvi uchun yigʻim summasining 83 foizi”.
4. Oʻzbekiston Respublikasi Prezidentining 2017-yil 20-apreldagi “Respublika farmatsevtika sanoatini jadal rivojlantirish uchun qulay shart-sharoitlar yaratish chora-tadbirlari toʻgʻrisida”gi PQ-2911-son qarori 1-bandidan uchinchi xatboshi chiqarib tashlansin.
5. Oʻzbekiston Respublikasi Prezidentining 2019-yil 14-yanvardagi “Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida”gi PQ-4112-son qarori 5-bandining toʻrtinchi va beshinchi xatboshilaridagi “davlat organlari, tashkilotlar yoki ularning mansabdor shaxslari bilan kelishilmasdan” soʻzlari “belgilangan tartibda” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 29-avgust,
PF-5794-son
Президента Республики Узбекистан
Указ
О внесении изменений в некоторые акты Президента Республики Узбекистан
В целях формирования надежной инженерно-коммуникационной инфраструктуры, расширения производственных мощностей, привлечения прямых иностранных инвестиций на территории свободной экономической зоны «Термез», а также ускоренного развития фармацевтической отрасли и дальнейшего совершенствования организации деятельности органов управления хозяйственных обществ с долей государства:
1. Внести изменения в некоторые акты Президента Республики Узбекистан согласно приложению .
2. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 29 августа 2019 года № УП-5794
Изменения, вносимые в некоторые акты Президента Республики Узбекистан
1. Абзацы третий и четвертый пункта 1 Указа Президента Республики Узбекистан от 18 марта 2013 года № УП-4516 «О создании свободной экономической зоны «Джизак»» заменить абзацами третьим — пятым следующего содержания:
«Установить, что:
земельные участки, включенные в состав СЭЗ «Джизак», находятся в прямом ведении Административного совета свободных экономических зон и малых промышленных зон Джизакской области;
территории, входящие в СЭЗ «Джизак», и ее границы, при необходимости, могут быть изменены решением Кабинета Министров Республики Узбекистан».
2. Абзац четвертый пункта 3 Указа Президента Республики Узбекистан от 18 сентября 2018 года № УП-5540 «О создании свободной экономической зоны «Термез»» изложить в следующей редакции:
«строительство внешних инженерных коммуникаций и инфраструктуры до границы территории участников СЭЗ «Термез» осуществляется в равных долях за счет средств республиканского бюджета Республики Узбекистан и местного бюджета Сурхандарьинской области».
3. Абзац второй пункта 7 Указа Президента Республики Узбекистан от 10 апреля 2019 года № УП-5707 «О дальнейших мерах по ускоренному развитию фармацевтической отрасли республики в 2019 — 2021 годах» изложить в следующей редакции:
«с 1 июля 2019 года 83 процента от суммы сбора за таможенное оформление импортных лекарственных средств (за исключением лекарственных субстанций) и изделий медицинского назначения в таможенный режим «выпуск для свободного обращения (импорт)».
4. Из пункта 1 постановления Президента Республики Узбекистан от 20 апреля 2017 года № ПП-2911 «О мерах по созданию благоприятных условий для ускоренного развития фармацевтической промышленности республики» абзац третий исключить.
5. В абзацах четвертом и пятом пункта 5 постановления Президента Республики Узбекистан от 14 января 2019 года № ПП-4112 «Об организации деятельности Агентства по управлению государственными активами Республики Узбекистан» слова «без согласования с государственными органами, организациями или их должностными лицами» заменить словами «в установленном порядке».
Президент Республики Узбекистан Ш. МИРЗИЁЕВ
г. Ташкент,
29 августа 2019 г.,
№ УП-5794