📅 2019-yil 3-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 3 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 сентября 2019 г. · Постановления Президента
Официальный текст. Официальный документ. Редакционные примечания не включены.
📅 3 September 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида
Ўзбекистон Республикаси Президентининг 2019 йил 13 майдаги «Ипотека кредити бозорини ривожлантириш ва кенгайтиришга оид қўшимча чора-тадбирлар тўғрисида»ги ПФ-5715-сон Фармони ва 2018 йил 24 ноябрдаги «Қишлоқ жойларда ва фуқароларнинг айрим тоифалари учун арзон уй-жойлар қуришни кенгайтиришга оид қўшимча чора-тадбирлар тўғрисида»ги ПҚ-4028-сон қарорига мувофиқ:
1. Ўзбекистон Республикаси Президентининг айрим қарорларига иловага мувофиқ ўзгартириш ва қўшимчалар киритилсин.
2. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари А.Ж. Раматов ва Ж.А. Қўчқоров зиммасига юклансин.
Ўзбекистон Республикаси Президентининг 2019 йил 3 сентябрдаги ПҚ-4435-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2009 йил 30 мартдаги «Қишлоқ қурилиш банк» акциядорлик тижорат банкини ташкил этиш тўғрисида»ги ПҚ-1083-сон қарори 4-бандида :
бешинчи хатбоши қуйидаги таҳрирда баён этилсин:
«жисмоний шахсларга қишлоқ жойларда янгиланган намунавий лойиҳалар бўйича арзон уй-жойлар қуриш учун кредитлар 20 йил муддатга, 2 йиллик имтиёзли давр ҳамда биринчи 5 йил мобайнида йиллик 7 фоиз ставкаси билан ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида берилади»;
қуйидаги мазмундаги олтинчи хатбоши билан тўлдирилсин:
«2020 йил 1 январдан бошлаб жисмоний шахсларга қишлоқ жойларда янгиланган намунавий лойиҳалар бўйича арзон уй-жойлар қуриш учун кредитлар 20 йил муддатга, 1 йиллик имтиёзли давр ҳамда биринчи 5 йил давомида ҳар йили фоиз ставкасини қатъий белгиланган 7 фоиздан Ўзбекистон Республикаси Марказий банкининг қайта молиялаштириш ставкаси даражасигача босқичма-босқич ошиб борадиган ставкада ва кейинги даврда Марказий банкнинг қайта молиялаштириш ставкасида берилади»;
олтинчи-еттинчи хатбошилар тегишинча еттинчи-саккизинчи хатбошилар деб ҳисоблансин.
2. Ўзбекистон Республикаси Президентининг 2016 йил 21 октябрдаги «2017 — 2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида»ги ПҚ-2639-сон қарорида :
2-банд қуйидаги таҳрирда баён этилсин:
«2. Қишлоқ жойларда мавжуд намунавий лойиҳаларга қўшимча равишда арзон уйларнинг қуйидаги янги намуналарини (кейинги ўринларда уйлар деб юритилади) жорий этиш мақсадга мувофиқ деб ҳисоблансин:
«Обод қишлоқ» дастурига киритилган аҳоли пунктларида, шунингдек, аҳоли зичлиги юқори бўлган ва зарур муҳандислик-транспорт коммуникациялари билан таъминланган ҳудудларда тўрт қаватли арзон кўп квартирали (2 ва 3 хонали) уйлар;
«Обод қишлоқ» дастурига киритилган аҳоли пунктларида, шунингдек, аҳолиси зич бўлмаган ва зарур муҳандислик-транспорт коммуникациялари билан таъминланмаган ҳудудларда 0,02 гектар ўлчамли ер участкаларида жойлаштириладиган бир қаватли 3 хонали (ёнма-ён қуриладиган) арзон уйлар;
шаҳарларда Ўзбекистон Республикаси Мудофаа вазирлиги, Миллий гвардияси ҳарбий хизматчилари ҳамда ички ишлар органлари ходимлари (кейинги ўринларда фуқароларнинг алоҳида тоифалари деб юритилади) учун беш қаватли арзон кўп квартирали (2 ва 3 хонали) уйлар.
Бунда бўш ер участкалари мавжуд бўлмаган аҳоли пунктларида арзон кўп квартирали уйларни қуриш йўл бўйларида жойлашган яроқсиз уй-жойлар, бино ва иншоотларни бузиш ҳисобига бўшаган ҳудудларда чизиқли-қаторли кўринишда жойлаштирган ҳолда амалга оширилади»;
3-банд қуйидаги таҳрирда баён этилсин:
«3. Белгилансинки, намунали уй-жойлар қуриш учун «Қишлоқ қурилиш банк» АТБ, Ташқи иқтисодий фаолият миллий банки, «Ипотека банк» АТИБ, «Халқ банки» АТБ, «Асака» АТБ ва «Ўзсаноатқурилишбанк» АТБ (кейинги ўринларда иштирок этувчи тижорат банклари деб юритилади) уй қурувчиларга 2 йиллик (2020 йил 1 январдан бошлаб — 1 йиллик) имтиёзли давр ҳамда биринчи 5 йил мобайнида йиллик 7 фоиз ставкаси билан (2020 йил 1 январдан бошлаб биринчи 5 йил давомида ҳар йили фоиз ставкасини қатъий белгиланган 7 фоиздан Ўзбекистон Республикаси Марказий банкининг қайта молиялаштириш ставкаси даражасигача босқичма-босқич ошиб борадиган ставкада) ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида 20 йил (фуқароларнинг алоҳида тоифалари учун қуриладиган арзон кўп квартирали уйлар учун — 15 йил) муддатга ипотека кредитлари берадилар, бунда уй қурувчиларнинг дастлабки бадали қуйидаги миқдорларни ташкил этади:
10 фоиз — тўрт қаватли кўп квартирали (2 ва 3 хонали) уйлар ва 0,02 гектар ўлчамли ер участкаларида жойлаштириладиган 3 хонали бир қаватли уйлар учун;
25 фоиз — фуқароларнинг алоҳида тоифалари учун қуриладиган беш қаватли арзон кўп квартирали (2 ва 3 хонали) уйлар учун»;
4-банднинг биринчи хатбошисидаги «2017 йилда» сўзлари «2017 — 2021 йилларда» сўзлари билан алмаштирилсин;
6-банднинг иккинчи хатбошиси қуйидаги таҳрирда баён этилсин:
«иштирок этувчи тижорат банкларининг буюртманомалари бўйича биринчи 5 йил мобайнида йилига 4 фоизли ставка билан ва кейинги даврда иштирок этувчи тижорат банкларининг маржаси йилига 3 фоиз миқдорида бўлишини ҳисобга олган ҳолда Ўзбекистон Республикаси Марказий банкининг қайта молиялаштириш ставкаси миқдорида 2 йиллик (2020 йил 1 январдан бошлаб 1 йиллик) имтиёзли давр билан қишлоқ жойларда яшовчи шахслар учун — 20 йил, фуқароларнинг алоҳида тоифалари учун — 15 йил муддатларга миллий валютада кредит линияларини очсин, ушбу маблағлар арзон уй-жойлар қурилишига мақсадли йўналтирсин».
4. Ўзбекистон Республикаси Президентининг 2018 йил 18 июлдаги «2018 йилда қишлоқ жойларда янгиланган намунавий лойиҳалар бўйича арзон уй-жойлар ва шаҳарларда арзон кўп квартирали уйлар қуриш дастурларини амалга ошириш механизмларини такомиллаштиришга доир қўшимча чора-тадбирлар тўғрисида»ги ПҚ-3863-сон қарорида :
1-банд қуйидаги таҳрирда баён этилсин:
«1. Ўзбекистон Республикаси Иқтисодиёт ва саноат вазирлиги, Молия вазирлиги, «Қишлоқ қурилиш банк» АТБ, Ташқи иқтисодий фаолият Миллий банки, «Ипотека банк» АТИБ, Халқ банки АТБ, «Асака» АТБ ва «Ўзсаноатқурилишбанк» АТБларининг (кейинги ўринларда иштирок этувчи тижорат банклари деб юритилади) 20 йил муддатга, 2 йиллик (2020 йил 1 январдан бошлаб — 1 йиллик) имтиёзли давр ҳамда биринчи 5 йил мобайнида йиллик 7 фоиз ставкаси билан (2020 йил 1 январдан бошлаб биринчи 5 йил давомида ҳар йили фоиз ставкасини қатъий белгиланган 7 фоиздан Ўзбекистон Республикаси Марказий банкининг қайта молиялаштириш ставкаси даражасигача босқичма-босқич ошиб борадиган ставкада) ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида ипотека кредитларини:
а) қишлоқ жойларда янгиланган намунавий лойиҳалар бўйича арзон уй-жойлар қуриш учун уй қурувчиларга дастлабки бадал:
0,02 га ўлчамли ер участкаларида жойлаштириладиган бир қаватли 3 хонали (ёнма-ён қуриладиган) арзон уйлар ва тўрт қаватли арзон кўп квартирали (2 ва 3 хонали) уйлар учун — 10 фоиз миқдорида;
шаҳарларда Ўзбекистон Республикаси Мудофаа вазирлиги, Миллий гвардияси ҳарбий хизматчилари ҳамда ички ишлар органлари ходимлари учун беш қаватли арзон кўп квартирали (2 ва 3 хонали) уйлар учун — 25 фоиз миқдорида бўлишини назарда тутган ҳолда;
б) шаҳарларда ёш оилаларга, эски уйларда яшовчиларга ва турар жой шароитларини яхшилашга муҳтож бўлган фуқароларнинг бошқа тоифаларига дастлабки бадалнинг табақалаштирилган миқдорини амалиётга жорий этган ҳолда, арзон кўп квартирали уйлардаги квартираларни ўртача 15 фоиз миқдоридаги дастлабки бадал билан сотиб олиш учун бериш тўғрисидаги таклифларига розилик берилсин»;
2-банднинг иккинчи хатбошиси қуйидаги таҳрирда баён этилсин:
«иштирок этувчи тижорат банкларининг буюртманомалари бўйича турар жой шароитларини яхшилашга муҳтож бўлган оилалар учун арзон уйлар қуриш учун 20 йил муддатга, жумладан, дастлабки 5 йил мобайнида йиллик 4 фоиз ставкали 2 йиллик (2020 йил 1 январдан бошлаб — 1 йиллик) имтиёзли даврни ўз ичига олган ва кейинги даврда иштирок этувчи тижорат банкларининг йиллик 3 фоиз миқдоридаги маржаси чегириб ташланган ҳолда Ўзбекистон Республикаси Марказий банкининг қайта молиялаштириш ставкаси миқдорида, кредит линияси маблағларини Қишлоқ жойларда янгиланган намунавий лойиҳалар бўйича арзон уй-жойлар қуриш дастури доирасида уй-жойлар қуришга мақсадли йўналтирган ҳолда миллий валютада кредит линиялари очсин».
5. Ўзбекистон Республикаси Президентининг 2018 йил 10 сентябрдаги «Қувайт араб иқтисодий тараққиёт жамғармаси иштирокида «Намунавий лойиҳалар бўйича якка тартибдаги уй-жойлар қурилиши юзасидан қишлоқ массивларида муҳандислик инфратузилмасини ривожлантириш» лойиҳасини амалга ошириш чора-тадбирлари тўғрисида»ги ПҚ-3937-сон қарорида :
а) 4-бандда :
иккинчи хатбоши қуйидаги таҳрирда баён этилсин:
«ҚАИТЖнинг жалб этилаётган қарзини, шу жумладан унга оид фоизлар ва бошқа тўловларни тўлаш билан боғлиқ сарф-харажатлар Ўзбекистон Республикаси Давлат бюджети маблағлари ҳисобидан амалга оширилади»;
қуйидаги мазмундаги хатбошилар билан тўлдирилсин:
«ҚАИТЖдан келиб тушган маблағларнинг (кўчирилган кундаги) сўмдаги эквиваленти Ўзбекистон Республикаси Молия вазирлиги томонидан уч банк иш куни давомида «Қишлоқ қурилиш инвест» ИК» МЧЖнинг 22626-сон «Корхона ва ташкилотларнинг мақсадли маблағлари» молиялаштириш махсус депозит ҳисоб рақамига ўтказиб берилади;
«Қишлоқ қурилиш инвест» ИК» МЧЖнинг ушбу ҳисоб рақамига келиб тушган маблағлар уч банк иш кунида дастурни амалга ошириш доирасида ташқи инженер тармоқлари ва транспорт алоқалари қурилишни молиялаштириш учун банкнинг тегишли ҳудудий филиалларида очилган «Қишлоқ қурилиш инвест» ИК» МЧЖ ҳудудий филиалларининг 22626-сон «Корхона ва ташкилотларнинг мақсадли маблағлари» молиялаштириш махсус депозит ҳисоб рақамларига ўтказиб берилади»;
б) 5-банд ўз кучини йўқотган деб топилсин.
6. Ўзбекистон Республикаси Президентининг 2018 йил 24 ноябрдаги «Қишлоқ жойларда ва фуқароларнинг айрим тоифалари учун арзон уй-жойлар қуришни кенгайтиришга оид қўшимча чора-тадбирлар тўғрисида»ги ПҚ-4028-сон қарори 16-банди қуйидаги мазмундаги хатбоши билан тўлдирилсин:
«Ўзбекистон Республикаси Солиқ кодексининг 129 ва 171-моддаларига мувофиқ Қўшма лойиҳа бўйича ажратилган мақсадли грантлар «Қишлоқ қурилиш банк» АТБ ва маблағ олувчи жисмоний шахсларнинг даромади сифатида қаралмайди ҳамда солиқ ва бошқа мажбурий тўловларга тортилмайди».
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 3 сентябрь,
ПҚ-4435-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritish toʻgʻrisida
Oʻzbekiston Respublikasi Prezidentining 2019-yil 13-maydagi “Ipoteka krediti bozorini rivojlantirish va kengaytirishga oid qoʻshimcha chora-tadbirlar toʻgʻrisida”gi PF-5715-son Farmoni va 2018-yil 24-noyabrdagi “Qishloq joylarda va fuqarolarning ayrim toifalari uchun arzon uy-joylar qurishni kengaytirishga oid qoʻshimcha chora-tadbirlar toʻgʻrisida”gi PQ-4028-son qaroriga muvofiq:
1. Oʻzbekiston Respublikasi Prezidentining ayrim qarorlariga ilovaga muvofiq oʻzgartirish va qoʻshimchalar kiritilsin.
2. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosarlari A.J. Ramatov va J.A. Qoʻchqorov zimmasiga yuklansin.
Oʻzbekiston Respublikasi Prezidentining 2019-yil 3-sentabrdagi PQ-4435-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2009-yil 30-martdagi “Qishloq qurilish bank” aksiyadorlik tijorat bankini tashkil etish toʻgʻrisida”gi PQ-1083-son qarori 4-bandida :
beshinchi xatboshi quyidagi tahrirda bayon etilsin:
“jismoniy shaxslarga qishloq joylarda yangilangan namunaviy loyihalar boʻyicha arzon uy-joylar qurish uchun kreditlar 20 yil muddatga, 2 yillik imtiyozli davr hamda birinchi 5 yil mobaynida yillik 7 foiz stavkasi bilan va keyingi davrda Oʻzbekiston Respublikasi Markaziy bankining qayta moliyalashtirish stavkasi miqdorida beriladi”;
quyidagi mazmundagi oltinchi xatboshi bilan toʻldirilsin:
“2020-yil 1-yanvardan boshlab jismoniy shaxslarga qishloq joylarda yangilangan namunaviy loyihalar boʻyicha arzon uy-joylar qurish uchun kreditlar 20 yil muddatga, 1 yillik imtiyozli davr hamda birinchi 5 yil davomida har yili foiz stavkasini qatʼiy belgilangan 7 foizdan Oʻzbekiston Respublikasi Markaziy bankining qayta moliyalashtirish stavkasi darajasigacha bosqichma-bosqich oshib boradigan stavkada va keyingi davrda Markaziy bankning qayta moliyalashtirish stavkasida beriladi”;
oltinchi-yettinchi xatboshilar tegishincha yettinchi-sakkizinchi xatboshilar deb hisoblansin.
2. Oʻzbekiston Respublikasi Prezidentining 2016-yil 21-oktabrdagi “2017 — 2021-yillarda qishloq joylarda yangilangan namunaviy loyihalar boʻyicha arzon uy-joylar qurish dasturi toʻgʻrisida”gi PQ-2639-son qarorida :
2-band quyidagi tahrirda bayon etilsin:
“2. Qishloq joylarda mavjud namunaviy loyihalarga qoʻshimcha ravishda arzon uylarning quyidagi yangi namunalarini (keyingi oʻrinlarda uylar deb yuritiladi) joriy etish maqsadga muvofiq deb hisoblansin:
“Obod qishloq” dasturiga kiritilgan aholi punktlarida, shuningdek, aholi zichligi yuqori boʻlgan va zarur muhandislik-transport kommunikatsiyalari bilan taʼminlangan hududlarda toʻrt qavatli arzon koʻp kvartirali (2 va 3 xonali) uylar;
“Obod qishloq” dasturiga kiritilgan aholi punktlarida, shuningdek, aholisi zich boʻlmagan va zarur muhandislik-transport kommunikatsiyalari bilan taʼminlanmagan hududlarda 0,02 gektar oʻlchamli yer uchastkalarida joylashtiriladigan bir qavatli 3 xonali (yonma-yon quriladigan) arzon uylar;
shaharlarda Oʻzbekiston Respublikasi Mudofaa vazirligi, Milliy gvardiyasi harbiy xizmatchilari hamda ichki ishlar organlari xodimlari (keyingi oʻrinlarda fuqarolarning alohida toifalari deb yuritiladi) uchun besh qavatli arzon koʻp kvartirali (2 va 3 xonali) uylar.
Bunda boʻsh yer uchastkalari mavjud boʻlmagan aholi punktlarida arzon koʻp kvartirali uylarni qurish yoʻl boʻylarida joylashgan yaroqsiz uy-joylar, bino va inshootlarni buzish hisobiga boʻshagan hududlarda chiziqli-qatorli koʻrinishda joylashtirgan holda amalga oshiriladi”;
3-band quyidagi tahrirda bayon etilsin:
“3. Belgilansinki, namunali uy-joylar qurish uchun “Qishloq qurilish bank” ATB, Tashqi iqtisodiy faoliyat milliy banki, “Ipoteka bank” ATIB, “Xalq banki” ATB, “Asaka” ATB va “Oʻzsanoatqurilishbank” ATB (keyingi oʻrinlarda ishtirok etuvchi tijorat banklari deb yuritiladi) uy quruvchilarga 2 yillik (2020-yil 1-yanvardan boshlab — 1 yillik) imtiyozli davr hamda birinchi 5 yil mobaynida yillik 7 foiz stavkasi bilan (2020-yil 1-yanvardan boshlab birinchi 5 yil davomida har yili foiz stavkasini qatʼiy belgilangan 7 foizdan Oʻzbekiston Respublikasi Markaziy bankining qayta moliyalashtirish stavkasi darajasigacha bosqichma-bosqich oshib boradigan stavkada) va keyingi davrda Oʻzbekiston Respublikasi Markaziy bankining qayta moliyalashtirish stavkasi miqdorida 20 yil (fuqarolarning alohida toifalari uchun quriladigan arzon koʻp kvartirali uylar uchun — 15 yil) muddatga ipoteka kreditlari beradilar, bunda uy quruvchilarning dastlabki badali quyidagi miqdorlarni tashkil etadi:
10 foiz — toʻrt qavatli koʻp kvartirali (2 va 3 xonali) uylar va 0,02 gektar oʻlchamli yer uchastkalarida joylashtiriladigan 3 xonali bir qavatli uylar uchun;
25 foiz — fuqarolarning alohida toifalari uchun quriladigan besh qavatli arzon koʻp kvartirali (2 va 3 xonali) uylar uchun”;
4-bandning birinchi xatboshisidagi “2017-yilda” soʻzlari “2017 — 2021-yillarda” soʻzlari bilan almashtirilsin;
6-bandning ikkinchi xatboshisi quyidagi tahrirda bayon etilsin:
“ishtirok etuvchi tijorat banklarining buyurtmanomalari boʻyicha birinchi 5 yil mobaynida yiliga 4 foizli stavka bilan va keyingi davrda ishtirok etuvchi tijorat banklarining marjasi yiliga 3 foiz miqdorida boʻlishini hisobga olgan holda Oʻzbekiston Respublikasi Markaziy bankining qayta moliyalashtirish stavkasi miqdorida 2 yillik (2020-yil 1-yanvardan boshlab 1 yillik) imtiyozli davr bilan qishloq joylarda yashovchi shaxslar uchun — 20 yil, fuqarolarning alohida toifalari uchun — 15 yil muddatlarga milliy valyutada kredit liniyalarini ochsin, ushbu mablagʻlar arzon uy-joylar qurilishiga maqsadli yoʻnaltirsin”.
4. Oʻzbekiston Respublikasi Prezidentining 2018-yil 18-iyuldagi “2018-yilda qishloq joylarda yangilangan namunaviy loyihalar boʻyicha arzon uy-joylar va shaharlarda arzon koʻp kvartirali uylar qurish dasturlarini amalga oshirish mexanizmlarini takomillashtirishga doir qoʻshimcha chora-tadbirlar toʻgʻrisida”gi PQ-3863-son qarorida :
1-band quyidagi tahrirda bayon etilsin:
“1. Oʻzbekiston Respublikasi Iqtisodiyot va sanoat vazirligi, Moliya vazirligi, “Qishloq qurilish bank” ATB, Tashqi iqtisodiy faoliyat Milliy banki, “Ipoteka bank” ATIB, Xalq banki ATB, “Asaka” ATB va “Oʻzsanoatqurilishbank” ATBlarining (keyingi oʻrinlarda ishtirok etuvchi tijorat banklari deb yuritiladi) 20 yil muddatga, 2 yillik (2020-yil 1-yanvardan boshlab — 1 yillik) imtiyozli davr hamda birinchi 5 yil mobaynida yillik 7 foiz stavkasi bilan (2020-yil 1-yanvardan boshlab birinchi 5 yil davomida har yili foiz stavkasini qatʼiy belgilangan 7 foizdan Oʻzbekiston Respublikasi Markaziy bankining qayta moliyalashtirish stavkasi darajasigacha bosqichma-bosqich oshib boradigan stavkada) va keyingi davrda Oʻzbekiston Respublikasi Markaziy bankining qayta moliyalashtirish stavkasi miqdorida ipoteka kreditlarini:
a) qishloq joylarda yangilangan namunaviy loyihalar boʻyicha arzon uy-joylar qurish uchun uy quruvchilarga dastlabki badal:
0,02 ga oʻlchamli yer uchastkalarida joylashtiriladigan bir qavatli 3 xonali (yonma-yon quriladigan) arzon uylar va toʻrt qavatli arzon koʻp kvartirali (2 va 3 xonali) uylar uchun — 10 foiz miqdorida;
shaharlarda Oʻzbekiston Respublikasi Mudofaa vazirligi, Milliy gvardiyasi harbiy xizmatchilari hamda ichki ishlar organlari xodimlari uchun besh qavatli arzon koʻp kvartirali (2 va 3 xonali) uylar uchun — 25 foiz miqdorida boʻlishini nazarda tutgan holda;
b) shaharlarda yosh oilalarga, eski uylarda yashovchilarga va turar joy sharoitlarini yaxshilashga muhtoj boʻlgan fuqarolarning boshqa toifalariga dastlabki badalning tabaqalashtirilgan miqdorini amaliyotga joriy etgan holda, arzon koʻp kvartirali uylardagi kvartiralarni oʻrtacha 15 foiz miqdoridagi dastlabki badal bilan sotib olish uchun berish toʻgʻrisidagi takliflariga rozilik berilsin”;
2-bandning ikkinchi xatboshisi quyidagi tahrirda bayon etilsin:
“ishtirok etuvchi tijorat banklarining buyurtmanomalari boʻyicha turar joy sharoitlarini yaxshilashga muhtoj boʻlgan oilalar uchun arzon uylar qurish uchun 20 yil muddatga, jumladan, dastlabki 5 yil mobaynida yillik 4 foiz stavkali 2 yillik (2020-yil 1-yanvardan boshlab — 1 yillik) imtiyozli davrni oʻz ichiga olgan va keyingi davrda ishtirok etuvchi tijorat banklarining yillik 3 foiz miqdoridagi marjasi chegirib tashlangan holda Oʻzbekiston Respublikasi Markaziy bankining qayta moliyalashtirish stavkasi miqdorida, kredit liniyasi mablagʻlarini Qishloq joylarda yangilangan namunaviy loyihalar boʻyicha arzon uy-joylar qurish dasturi doirasida uy-joylar qurishga maqsadli yoʻnaltirgan holda milliy valyutada kredit liniyalari ochsin”.
5. Oʻzbekiston Respublikasi Prezidentining 2018-yil 10-sentabrdagi “Quvayt arab iqtisodiy taraqqiyot jamgʻarmasi ishtirokida “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish” loyihasini amalga oshirish chora-tadbirlari toʻgʻrisida”gi PQ-3937-son qarorida :
a) 4-bandda :
ikkinchi xatboshi quyidagi tahrirda bayon etilsin:
“QAITJning jalb etilayotgan qarzini, shu jumladan unga oid foizlar va boshqa toʻlovlarni toʻlash bilan bogʻliq sarf-xarajatlar Oʻzbekiston Respublikasi Davlat budjeti mablagʻlari hisobidan amalga oshiriladi”;
quyidagi mazmundagi xatboshilar bilan toʻldirilsin:
“QAITJdan kelib tushgan mablagʻlarning (koʻchirilgan kundagi) soʻmdagi ekvivalenti Oʻzbekiston Respublikasi Moliya vazirligi tomonidan uch bank ish kuni davomida “Qishloq qurilish invest” IK” MChJning 22626-son “Korxona va tashkilotlarning maqsadli mablagʻlari” moliyalashtirish maxsus depozit hisob raqamiga oʻtkazib beriladi;
“Qishloq qurilish invest” IK” MChJning ushbu hisob raqamiga kelib tushgan mablagʻlar uch bank ish kunida dasturni amalga oshirish doirasida tashqi injener tarmoqlari va transport aloqalari qurilishni moliyalashtirish uchun bankning tegishli hududiy filiallarida ochilgan “Qishloq qurilish invest” IK” MChJ hududiy filiallarining 22626-son “Korxona va tashkilotlarning maqsadli mablagʻlari” moliyalashtirish maxsus depozit hisob raqamlariga oʻtkazib beriladi”;
b) 5-band oʻz kuchini yoʻqotgan deb topilsin.
6. Oʻzbekiston Respublikasi Prezidentining 2018-yil 24-noyabrdagi “Qishloq joylarda va fuqarolarning ayrim toifalari uchun arzon uy-joylar qurishni kengaytirishga oid qoʻshimcha chora-tadbirlar toʻgʻrisida”gi PQ-4028-son qarori 16-bandi quyidagi mazmundagi xatboshi bilan toʻldirilsin:
“Oʻzbekiston Respublikasi Soliq kodeksining 129 va 171-moddalariga muvofiq Qoʻshma loyiha boʻyicha ajratilgan maqsadli grantlar “Qishloq qurilish bank” ATB va mablagʻ oluvchi jismoniy shaxslarning daromadi sifatida qaralmaydi hamda soliq va boshqa majburiy toʻlovlarga tortilmaydi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 3-sentabr,
PQ-4435-son
Президента Республики Узбекистан
Постановление
О внесении изменений и дополнений в некоторые постановления Президента Республики Узбекистан
В соответствии с Указом Президента Республики Узбекистан от 13 мая 2019 года № УП-5715 «О дополнительных мерах по развитию и расширению рынка ипотечного кредитования» и постановлением Президента Республики Узбекистан от 24 ноября 2018 года № ПП-4028 «О дополнительных мерах по расширению строительства доступных жилых домов в сельской местности и для отдельных категорий граждан»:
1. Внести изменения и дополнения в некоторые постановления Президента Республики Узбекистан согласно приложению .
2. Контроль за исполнением настоящего постановления возложить на заместителей Премьер-министра Республики Узбекистан А.Ж. Раматова и Д.А. Кучкарова.
ПРИЛОЖЕНИЕ к постановлению Президента Республики Узбекистан от 3 сентября 2019 года № ПП-4435
Изменения и дополнения, вносимые в некоторые постановления Президента Республики Узбекистан
1. В пункте 4 постановления Президента Республики Узбекистан от 30 марта 2009 года № ПП-1083 «О создании акционерного коммерческого банка «Кишлок курилиш банк»:
абзац пятый изложить в следующей редакции:
«выдача кредитов физическим лицам для строительства доступных жилых домов по обновленным типовым проектам в сельской местности осуществляется сроком на 20 лет, включая 2-летний льготный период, с процентной ставкой в размере 7 процентов годовых в течение первых 5 лет и в размере ставки рефинансирования Центрального банка Республики Узбекистан в последующем периоде»;
дополнить абзацем шестым следующего содержания:
«начиная с 1 января 2020 года выдача кредитов физическим лицам для строительства доступных жилых домов по обновленным типовым проектам в сельской местности осуществляется сроком на 20 лет, включая одногодичный льготный период, с постепенно повышающейся процентной ставкой каждый год с фиксированных 7 процентов до уровня ставки рефинансирования Центрального банка Республики Узбекистан в течение первых 5 лет и в размере ставки рефинансирования Центрального банка Республики Узбекистан в последующем периоде»;
абзацы шестой-седьмой считать соответственно абзацами седьмым-восьмым.
2. В постановлении Президента Республики Узбекистан от 21 октября 2016 года № ПП-2639 «О Программе по строительству доступных жилых домов по обновленным типовым проектам в сельской местности на 2017 — 2021 годы»:
пункт 2 изложить в следующей редакции:
«2. Считать целесообразным дополнительно к существующим типовым проектам внедрение следующих новых типов доступных жилых домов в сельской местности (далее — жилые дома):
четырехэтажных доступных многоквартирных (2- и 3-комнатных) домов в населенных пунктах, включенных в программу «Обод кишлок», а также на территориях с высокой плотностью населения и обеспеченных необходимыми инженерно-транспортными коммуникациями;
одноэтажных трехкомнатных доступных жилых домов (спаренных), размещаемых на земельных участках размером 0,02 га в населенных пунктах, включенных в программу «Обод кишлок», а также на территориях с низкой плотностью населения и не обеспеченных необходимыми инженерно-транспортными коммуникациями;
пятиэтажных доступных многоквартирных (2- и 3-комнатных) домов в городах для военнослужащих Министерства обороны, Национальной гвардии Республики Узбекистан и сотрудников органов внутренних дел (далее — отдельные категории граждан).
При этом в населенных пунктах, не имеющих пустующих земельных участков, строительство доступных многоквартирных домов осуществляется с линейно-строчным размещением на территориях, высвобождающихся за счет сноса расположенных вдоль дорог ветхих жилых домов, зданий и сооружений»;
пункт 3 изложить в следующей редакции:
«3. Установить, что под строительство типовых жилых домов АКБ «Кишлок курилиш банк», Национальный банк внешнеэкономической деятельности, АКИБ «Ипотека банк», АКБ «Халк банки», АКБ «Асака» и АКБ «Узсаноаткурилишбанк» (далее — участвующие коммерческие банки) предоставляют застройщикам ипотечные кредиты сроком на 20 лет (на 15 лет — для строительства доступных многоквартирных домов для отдельных категорий граждан) с льготным периодом 2 года (с 1 января 2020 года — 1 год) и процентной ставкой в размере 7 процентов годовых в течение первых 5 лет (с 1 января 2020 года — с постепенно повышающейся процентной ставкой каждый год с фиксированных 7 процентов до уровня ставки рефинансирования Центрального банка Республики Узбекистан в течение первых 5 лет) и в размере ставки рефинансирования Центрального банка Республики Узбекистан в последующем периоде, с первоначальным взносом застройщиков в размере:
10 процентов — для четырехэтажных многоквартирных (2- и 3-комнатных) жилых домов и одноэтажных 3-комнатных жилых домов, размещаемых на земельных участках размером 0,02 га;
25 процентов — для пятиэтажных доступных многоквартирных (2- и 3-комнатных) домов, строящихся для отдельных категорий граждан»;
в абзаце первом пункта 4 слова «на 2017 год» заменить словами «на 2017 — 2021 годы»;
абзац второй пункта 6 изложить в следующей редакции:
«открывать по заявкам участвующих коммерческих банков кредитные линии в национальной валюте по ставке 4 процента годовых в течение первых 5 лет и в размере ставки рефинансирования Центрального банка Республики Узбекистан в последующий период, с учетом маржи участвующих коммерческих банков в размере 3 процентов годовых, для лиц, проживающих в сельской местности — сроком на 20 лет, для отдельных категорий граждан — на 15 лет, включая 2-летний (с 1 января 2020 года — одногодичный) льготный период, с целевым направлением средств кредитных линий на строительство доступных жилых домов».
4. В постановлении Президента Республики Узбекистан от 18 июля 2018 года № ПП-3863 «О дополнительных мерах по совершенствованию механизмов реализации программ по строительству доступных жилых домов по обновленным типовым проектам в сельской местности и доступных многоквартирных домов в городах на 2018 год»:
пункт 1 изложить в следующей редакции:
«1. Согласиться с предложениями Министерства экономики и промышленности, Министерства финансов, АКБ «Кишлок курилиш банк», Национального банка внешнеэкономической деятельности Республики Узбекистан, АКИБ «Ипотека банк», АКБ «Халк банки», АКБ «Асака» и АКБ «Узсаноаткурилишбанк» (далее — участвующие коммерческие банки) о предоставлении ипотечных кредитов сроком на 20 лет с 2-летним (с 1 января 2020 года — одногодичным) льготным периодом и процентной ставкой в размере 7 процентов годовых в течение первых 5 лет (с 1 января 2020 года — с постепенно повышающейся процентной ставкой каждый год с фиксированных 7 процентов до уровня ставки рефинансирования Центрального банка Республики Узбекистан в течение первых 5 лет) и в размере ставки рефинансирования Центрального банка Республики Узбекистан в последующем периоде:
а) застройщикам под строительство доступных жилых домов по обновленным типовым проектам в сельской местности, предусмотрев первоначальный взнос в размере:
10 процентов — для одноэтажных 3-комнатных доступных жилых домов (спаренных), размещаемых на земельных участках размером 0,02 га и четырехэтажных доступных многоквартирных (2- и 3-комнатных) домов;
25 процентов — для пятиэтажных доступных многоквартирных (2- и 3-комнатных) домов в городах для военнослужащих Министерства обороны, Национальной гвардии Республики Узбекистан и сотрудников органов внутренних дел;
б) молодым семьям, жителям ветхих жилых домов и другим категориям граждан, нуждающимся в улучшении жилищных условий, для приобретения квартир в доступных многоквартирных домах в городах с первоначальным взносом в среднем в размере 15 процентов с внедрением в практику дифференцированного размера первоначального взноса».
абзац второй пункта 2 изложить в следующей редакции:
«открыть по заявкам участвующих коммерческих банков кредитные линии в национальной валюте сроком на 20 лет под строительство доступных жилых домов для семей, нуждающихся в улучшении жилищных условий, включая 2-летний (с 1 января 2020 года — одногодичный) льготный период, по ставке 4 процента годовых в течение первых 5 лет и в размере ставки рефинансирования Центрального банка Республики Узбекистан в последующем периоде за вычетом маржи участвующих коммерческих банков в размере 3 процентов годовых, с целевым направлением средств кредитной линии на строительство жилых домов в рамках Программы по строительству доступных жилых домов по обновленным типовым проектам в сельской местности».
5. В постановлении Президента Республики Узбекистан от 10 сентября 2018 года № ПП-3937 «О мерах по реализации проекта «Развитие инженерной инфраструктуры в сельских массивах по строительству индивидуального жилья по типовым проектам» с участием Кувейтского фонда арабского экономического развития»:
а) в пункте 4 :
абзац второй изложить в следующей редакции:
«расходы, связанные с погашением привлекаемого займа КФАЭР, включая выплату процентов и других платежей по нему, осуществляются за счет средств Государственного бюджета Республики Узбекистан»;
дополнить абзацами следующего содержания:
«сумовый эквивалент поступивших от КФАЭР средств (на день перечисления) перечисляется Министерством финансов Республики Узбекистан в течение трех банковских рабочих дней на специальный депозитный счет финансирования ООО «ИК «Кишлок курилиш инвест» № 22626 «Целевые средства предприятий и организаций»;
средства, поступившие на данный счет ООО «ИК «Кишлок курилиш инвест», перечисляются в течение трех банковских рабочих дней на специальные депозитные счета финансирования региональных филиалов ООО «ИК «Кишлок курилиш инвест» № 22626 «Целевые средства предприятий и организаций», открытые в соответствующих региональных филиалах банка для финансирования строительства внешних инженерных сетей и транспортных связок в рамках реализации проекта»;
б) пункт 5 признать утратившим силу.
6. Пункт 16 постановления Президента Республики Узбекистан от 24 ноября 2018 года № ПП-4028 «О дополнительных мерах по расширению строительства доступных жилых домов в сельской местности и для отдельных категорий граждан» дополнить абзацем следующего содержания:
«в соответствии со статьями 129 и 171 Налогового кодекса Республики Узбекистан целевые гранты, выделенные на основе Совместного проекта не рассматриваются в качестве дохода АКБ «Кишлок курилиш банк» и физических лиц — получателей средств, а также не подлежат налогообложению и другим обязательным платежам».
Президент Республики Узбекистан Ш. МИРЗИЁЕВ
г. Ташкент,
3 сентября 2019 г.,
№ ПП-4435