📅 2019-yil 4-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 4 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 4 сентября 2019 г. · Указы Президента
Официальный текст. Официальный документ. Редакционные примечания не включены.
📅 4 September 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
«Нукус» эркин иқтисодий зонасини ташкил этиш чора-тадбирлари тўғрисида
Қорақалпоғистон Республикасининг ишлаб чиқариш ва ресурс салоҳиятини комплекс ривожлантириш, минерал хом ашё ва қишлоқ хўжалиги ресурсларини чуқур қайта ишлаш орқали юқори технологик ва экспортбоп маҳсулот ишлаб чиқаришларини ташкил этишга тўғридан-тўғри инвестицияларни жалб қилиш учун қулай шарт-шароитлар яратиш ҳамда шу асосда республикамизнинг экспорт ҳажмларини ошириш, янги иш ўринлари ташкил этиш ҳамда ҳудуд аҳолиси фаровонлигини юксалтириш мақсадида:
1. Қорақалпоғистон Республикаси Жўқорғи Кенгеси, Ўзбекистон Республикаси Инвестициялар ва ташқи савдо вазирлиги, Иқтисодиёт ва саноат вазирлиги ҳамда Молия вазирлигининг «Нукус-фарм» эркин иқтисодий зонасини «Нукус» эркин иқтисодий зонасига (кейинги ўринларда — «Нукус» ЭИЗ) айлантириш тўғрисидаги таклифига розилик берилсин.
2. Қуйидагилар «Нукус» ЭИЗнинг асосий вазифалари ва фаолият йўналишлари этиб белгилансин:
ташқи бозорларда талаб кучли бўлган ва импорт ўрнини босувчи, юқори қўшилган қийматга эга маҳсулотлар ишлаб чиқариш бўйича замонавий ишлаб чиқаришларни ташкил қилиш учун тўғридан-тўғри хорижий ва маҳаллий инвестицияларни жалб этиш;
Қорақалпоғистон Республикасининг ишлаб чиқариш ва ресурс салоҳиятидан, шу жумладан кейинчалик қайта ишлаш мақсадида доривор ўсимликлар хом ашёсини ўзига хос табиий шароитларда етиштириш имкониятидан комплекс ҳамда самарали фойдаланишни таъминлаш;
мева-сабзавот ва қишлоқ хўжалиги маҳсулотларини чуқур қайта ишлаш, сақлаш ва қадоқлаш, шунингдек, тўқимачилик, пойабзал ва чарм-галантерея, озиқ-овқат, электротехника, машинасозлик, автомобилсозлик, кимё саноати, қурилиш материаллари тармоқларида, биринчи навбатда белгиланган тартибда ташкил этилган плантацияларда етиштирилган доривор ўсимликлар хом ашёси ва доривор препаратлар (субстанциялар) негизида юқори қўшилган қийматли замонавий фармацевтика маҳсулотлари ва дори воситаларини ишлаб чиқариш бўйича янги корхоналар ташкил этиш;
маҳаллий хом ашё ва материаллар негизида ишлаб чиқаришларни ташкил этиш бўйича мустаҳкам кооперация алоқаларини ўрнатиш, шунингдек, саноат кооперациясини ривожлантириш асосида эркин иқтисодий зоналар иштирокчилари ўртасида юқори технологияли маҳсулотлар ишлаб чиқаришни маҳаллийлаштириш жараёнларини чуқурлаштириш;
«Нукус» ЭИЗ ҳудудида ишлаб чиқариш, муҳандислик-коммуникация, йўл-транспорт ва ижтимоий инфратузилмани жадал ривожлантириш, шунингдек, ушбу ҳудудда сифатли логистика хизматлари кўрсатиш бўйича замонавий инфратузилмани шакллантириш;
«Нукус» ЭИЗнинг ихтисослашган кадрларга бўлган жорий ва истиқболдаги эҳтиёжларидан келиб чиқиб, юқори малакали мутахассисларни, шу жумладан уларнинг «Нукус» ЭИЗ ҳудудида жойлашган корхоналарда ишлаб чиқариш амалиётини ўташи орқали тайёрлашда қатнашиш;
доривор ўсимликлар хом ашёси интродукцияси ва культивациясини ўрганиш бўйича тажриба-синов лабораторияларига эга илмий-тадқиқот марказларини ташкил этиш.
3. Белгилансинки:
«Нукус» ЭИЗнинг фаолият юритиш муддати 30 йилни ташкил этади ва ушбу муддат кейинчалик узайтирилиши мумкин;
«Нукус» ЭИЗ ҳудудида алоҳида солиқ ва божхона тартиблари амал қилади.
4. «Нукус» ЭИЗ иштирокчиларига Ўзбекистон Республикаси Президентининг 2016 йил 26 октябрдаги «Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида»ги ПФ-4853-сон Фармонининг 3 , 4 ва 5-бандлари қоидалари татбиқ этилсин.
5. Қорақалпоғистон Республикаси Вазирлар Кенгаши Ўзбекистон Республикаси Қурилиш вазирлиги ҳамда Инвестициялар ва ташқи савдо вазирлиги билан биргаликда уч ой муддатда «Нукус» ЭИЗнинг бош режаси белгиланган тартибда ишлаб чиқилишини ва тасдиқланишини таъминласин.
6. Қорақалпоғистон Республикаси Вазирлар Кенгаши Ўзбекистон Республикаси Инвестициялар ва ташқи савдо вазирлиги, Ер ресурслари, геодезия, картография ва давлат кадастри давлат қўмитаси, Қурилиш вазирлиги, Экология ва атроф муҳитни муҳофаза қилиш давлат қўмитаси билан биргаликда икки ой муддатда «Нукус» ЭИЗ ҳудудларининг чегараларини белгилашни назарда тутувчи ҳукумат қарори лойиҳасини Ўзбекистон Республикаси Вазирлар Маҳкамасига киритсин.
7. «Нукус-фарм» ЭИЗ дирекцияси» давлат унитар корхонаси «Нукус» ЭИЗ дирекцияси» давлат унитар корхонаси деб қайта номлансин ва унга «Нукус» ЭИЗ фаолиятини оператив бошқариш функцияси юклатилсин.
8. Белгилансинки:
«Нукус-фарм» ЭИЗ дирекцияси» давлат унитар корхонасининг ҳуқуқ ва мажбуриятлари белгиланган тартибда «Нукус» ЭИЗ дирекцияси» давлат унитар корхонасига ўтади;
«Нукус-фарм» эркин иқтисодий зонаси иштирокчилари қўшимча тартиб-таомиллардан ўтмаган ҳолда «Нукус» ЭИЗ иштирокчиси мақомига эга бўлади ва улар учун қонунчиликда аввал назарда тутилган имтиёзлар ва преференциялар сақлаб қолинади.
9. Қорақалпоғистон Республикаси Вазирлар Кенгаши Ўзбекистон Республикаси Инвестициялар ва ташқи савдо вазирлиги, Молия вазирлиги, Иқтисодиёт ва саноат вазирлиги, Уй-жой коммунал хизмат кўрсатиш вазирлиги, Транспорт вазирлиги ҳузуридаги Автомобиль йўллари қўмитаси, «Ҳудудий электр тармоқлари» АЖ, «Ўзтрансгаз» АЖ билан биргаликда «Нукус» ЭИЗни муҳандислик-коммуникация, йўл-транспорт ва ишлаб чиқариш инфратузилмаси билан таъминлаш юзасидан таклифларни уларнинг аниқ молиялаштириш манбаларини кўрсатган ҳолда икки ой муддатда Вазирлар Маҳкамасига киритсин.
10. Ўзбекистон Республикаси Инвестициялар ва ташқи савдо вазирлиги:
икки ой муддатда манфаатдор вазирликлар ва идоралар билан биргаликда Қорақалпоғистон Республикасининг мавжуд минерал-хом ашё ресурсларини инобатга олган ҳолда, импорт таркибини ҳар томонлама таҳлил қилиш асосида «Нукус» ЭИЗ ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турларини ишлаб чиқарувчи корхоналарни жойлаштириш бўйича дастурлар ишлаб чиқилишини таъминласин;
Ўзбекистон Республикаси Молия вазирлиги, Иқтисодиёт ва саноат вазирлиги билан биргаликда ҳар йили Ўзбекистон Республикасининг Инвестиция дастурини шакллантиришда уларга «Нукус» ЭИЗнинг муҳандислик-коммуникация, йўл-транспорт ва ишлаб чиқариш инфратузилмасини ривожлантириш бўйича лойиҳаларнинг белгиланган тартибда киритилишини назарда тутсин.
11. Ўзбекистон Республикаси Президентининг айрим фармонларига иловага мувофиқ ўзгартиришлар киритилсин.
12. Ўзбекистон Республикаси Инвестициялар ва ташқи савдо вазирлиги манфаатдор вазирликлар ва идоралар билан биргаликда бир ой муддатда қонун ҳужжатларига ушбу Фармондан келиб чиқадиган ўзгартиришлар ва қўшимчалар тўғрисида Вазирлар Маҳкамасига таклифлар киритсин.
13. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Э.М. Ғаниев ва Қорақалпоғистон Республикаси Жўқорғи Кенгеси раиси М.Т. Ерниязов зиммасига юклансин.
Ўзбекистон Республикаси Президентининг 2019 йил 4 сентябрдаги ПФ-5809-сон Фармонига ИЛОВА
Ўзбекистон Республикаси Президентининг айрим фармонларига киритилаётган ўзгартиришлар
1. Ўзбекистон Республикаси Президентининг 2017 йил 3 майдаги «Нукус-фарм», «Зомин-фарм», «Косонсой-фарм», «Сирдарё-фарм», «Бойсун-фарм», «Бўстонлиқ-фарм» ва «Паркент-фарм» эркин иқтисодий зоналарини ташкил этиш тўғрисида»ги ПФ-5032-сон Фармонида :
а) номидан «Нукус-фарм» сўзлари чиқариб ташлансин;
б) преамбуладан «Қорақалпоғистон Республикаси» сўзлари чиқариб ташлансин;
в) 1-банддан «Қорақалпоғистон Республикаси Вазирлар Кенгаши», «Нукус-фарм» ва «Нукус-фарм» ЭИЗ» сўзлари чиқариб ташлансин;
г) 2-бандда :
биринчи хатбошидан «Нукус-фарм» ЭИЗ» сўзлари чиқариб ташлансин;
иккинчи хатбошидан «Қорақалпоғистон Республикаси» сўзлари чиқариб ташлансин;
д) 3-банднинг иккинчи ва учинчи хатбошиларидан , 4 , 9 , 10 , 14 , 15 , 18 , 19 ва 20-бандлардан «Нукус-фарм» ЭИЗ» сўзлари чиқариб ташлансин;
е) 8-бандда :
биринчи хатбошидан «Қорақалпоғистон Республикаси Вазирлар Кенгаши» сўзлари чиқариб ташлансин;
иккинчи хатбошидан «Нукус-фарм» ЭИЗ» сўзлари чиқариб ташлансин;
ж) 11 ва 13-бандлардан «Қорақалпоғистон Республикаси Вазирлар Кенгаши» ва «Нукус-фарм» ЭИЗ» сўзлари чиқариб ташлансин;
з) 16-бандда :
иккинчи хатбошидан «Қорақалпоғистон Республикаси Вазирлар Кенгаши» ва «Нукус-фарм» ЭИЗ» сўзлари чиқариб ташлансин;
учинчи хатбошидан «Нукус-фарм» ЭИЗ» сўзлари чиқариб ташлансин;
и) 17-бандда :
иккинчи хатбошидан «Қорақалпоғистон Республикаси Вазирлар Кенгаши» ва «Нукус-фарм» ЭИЗ» сўзлари чиқариб ташлансин;
учинчи хатбошидан «Нукус-фарм» ЭИЗ» сўзлари чиқариб ташлансин.
2. Ўзбекистон Республикаси Президентининг 2018 йил 12 апрелдаги «Сирдарё» эркин иқтисодий зонасини ташкил этиш чора-тадбирлари тўғрисида»ги ПФ-5412-сон Фармонининг 8-бандидан «Нукус-фарм» сўзлари чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 4 сентябрь,
ПФ-5809-сон
Oʻzbekiston Respublikasi Prezidentining
Farmoni
“Nukus” erkin iqtisodiy zonasini tashkil etish chora-tadbirlari toʻgʻrisida
Qoraqalpogʻiston Respublikasining ishlab chiqarish va resurs salohiyatini kompleks rivojlantirish, mineral xomashyo va qishloq xoʻjaligi resurslarini chuqur qayta ishlash orqali yuqori texnologik va eksportbop mahsulot ishlab chiqarishlarini tashkil etishga toʻgʻridan-toʻgʻri investitsiyalarni jalb qilish uchun qulay shart-sharoitlar yaratish hamda shu asosda respublikamizning eksport hajmlarini oshirish, yangi ish oʻrinlari tashkil etish hamda hudud aholisi farovonligini yuksaltirish maqsadida:
1. Qoraqalpogʻiston Respublikasi Joʻqorgʻi Kengesi, Oʻzbekiston Respublikasi Investitsiyalar va tashqi savdo vazirligi, Iqtisodiyot va sanoat vazirligi hamda Moliya vazirligining “Nukus-farm” erkin iqtisodiy zonasini “Nukus” erkin iqtisodiy zonasiga (keyingi oʻrinlarda — “Nukus” EIZ) aylantirish toʻgʻrisidagi taklifiga rozilik berilsin.
2. Quyidagilar “Nukus” EIZning asosiy vazifalari va faoliyat yoʻnalishlari etib belgilansin:
tashqi bozorlarda talab kuchli boʻlgan va import oʻrnini bosuvchi, yuqori qoʻshilgan qiymatga ega mahsulotlar ishlab chiqarish boʻyicha zamonaviy ishlab chiqarishlarni tashkil qilish uchun toʻgʻridan-toʻgʻri xorijiy va mahalliy investitsiyalarni jalb etish;
Qoraqalpogʻiston Respublikasining ishlab chiqarish va resurs salohiyatidan, shu jumladan keyinchalik qayta ishlash maqsadida dorivor oʻsimliklar xomashyosini oʻziga xos tabiiy sharoitlarda yetishtirish imkoniyatidan kompleks hamda samarali foydalanishni taʼminlash;
meva-sabzavot va qishloq xoʻjaligi mahsulotlarini chuqur qayta ishlash, saqlash va qadoqlash, shuningdek, toʻqimachilik, poyabzal va charm-galantereya, oziq-ovqat, elektrotexnika, mashinasozlik, avtomobilsozlik, kimyo sanoati, qurilish materiallari tarmoqlarida, birinchi navbatda belgilangan tartibda tashkil etilgan plantatsiyalarda yetishtirilgan dorivor oʻsimliklar xomashyosi va dorivor preparatlar (substansiyalar) negizida yuqori qoʻshilgan qiymatli zamonaviy farmatsevtika mahsulotlari va dori vositalarini ishlab chiqarish boʻyicha yangi korxonalar tashkil etish;
mahalliy xomashyo va materiallar negizida ishlab chiqarishlarni tashkil etish boʻyicha mustahkam kooperatsiya aloqalarini oʻrnatish, shuningdek, sanoat kooperatsiyasini rivojlantirish asosida erkin iqtisodiy zonalar ishtirokchilari oʻrtasida yuqori texnologiyali mahsulotlar ishlab chiqarishni mahalliylashtirish jarayonlarini chuqurlashtirish;
“Nukus” EIZ hududida ishlab chiqarish, muhandislik-kommunikatsiya, yoʻl-transport va ijtimoiy infratuzilmani jadal rivojlantirish, shuningdek, ushbu hududda sifatli logistika xizmatlari koʻrsatish boʻyicha zamonaviy infratuzilmani shakllantirish;
“Nukus” EIZning ixtisoslashgan kadrlarga boʻlgan joriy va istiqboldagi ehtiyojlaridan kelib chiqib, yuqori malakali mutaxassislarni, shu jumladan ularning “Nukus” EIZ hududida joylashgan korxonalarda ishlab chiqarish amaliyotini oʻtashi orqali tayyorlashda qatnashish;
dorivor oʻsimliklar xomashyosi introduksiyasi va kultivatsiyasini oʻrganish boʻyicha tajriba-sinov laboratoriyalariga ega ilmiy-tadqiqot markazlarini tashkil etish.
3. Belgilansinki:
“Nukus” EIZning faoliyat yuritish muddati 30 yilni tashkil etadi va ushbu muddat keyinchalik uzaytirilishi mumkin;
“Nukus” EIZ hududida alohida soliq va bojxona tartiblari amal qiladi.
4. “Nukus” EIZ ishtirokchilariga Oʻzbekiston Respublikasi Prezidentining 2016-yil 26-oktabrdagi “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida”gi PF-4853-son Farmonining 3 , 4 va 5-bandlari qoidalari tatbiq etilsin.
5. Qoraqalpogʻiston Respublikasi Vazirlar Kengashi Oʻzbekiston Respublikasi Qurilish vazirligi hamda Investitsiyalar va tashqi savdo vazirligi bilan birgalikda uch oy muddatda “Nukus” EIZning bosh rejasi belgilangan tartibda ishlab chiqilishini va tasdiqlanishini taʼminlasin.
6. Qoraqalpogʻiston Respublikasi Vazirlar Kengashi Oʻzbekiston Respublikasi Investitsiyalar va tashqi savdo vazirligi, Yer resurslari, geodeziya, kartografiya va davlat kadastri davlat qoʻmitasi, Qurilish vazirligi, Ekologiya va atrof muhitni muhofaza qilish davlat qoʻmitasi bilan birgalikda ikki oy muddatda “Nukus” EIZ hududlarining chegaralarini belgilashni nazarda tutuvchi hukumat qarori loyihasini Oʻzbekiston Respublikasi Vazirlar Mahkamasiga kiritsin.
7. “Nukus-farm” EIZ direksiyasi” davlat unitar korxonasi “Nukus” EIZ direksiyasi” davlat unitar korxonasi deb qayta nomlansin va unga “Nukus” EIZ faoliyatini operativ boshqarish funksiyasi yuklatilsin.
8. Belgilansinki:
“Nukus-farm” EIZ direksiyasi” davlat unitar korxonasining huquq va majburiyatlari belgilangan tartibda “Nukus” EIZ direksiyasi” davlat unitar korxonasiga oʻtadi;
“Nukus-farm” erkin iqtisodiy zonasi ishtirokchilari qoʻshimcha tartib-taomillardan oʻtmagan holda “Nukus” EIZ ishtirokchisi maqomiga ega boʻladi va ular uchun qonunchilikda avval nazarda tutilgan imtiyozlar va preferensiyalar saqlab qolinadi.
9. Qoraqalpogʻiston Respublikasi Vazirlar Kengashi Oʻzbekiston Respublikasi Investitsiyalar va tashqi savdo vazirligi, Moliya vazirligi, Iqtisodiyot va sanoat vazirligi, Uy-joy kommunal xizmat koʻrsatish vazirligi, Transport vazirligi huzuridagi Avtomobil yoʻllari qoʻmitasi, “Hududiy elektr tarmoqlari” AJ, “Oʻztransgaz” AJ bilan birgalikda “Nukus” EIZni muhandislik-kommunikatsiya, yoʻl-transport va ishlab chiqarish infratuzilmasi bilan taʼminlash yuzasidan takliflarni ularning aniq moliyalashtirish manbalarini koʻrsatgan holda ikki oy muddatda Vazirlar Mahkamasiga kiritsin.
10. Oʻzbekiston Respublikasi Investitsiyalar va tashqi savdo vazirligi:
ikki oy muddatda manfaatdor vazirliklar va idoralar bilan birgalikda Qoraqalpogʻiston Respublikasining mavjud mineral-xomashyo resurslarini inobatga olgan holda, import tarkibini har tomonlama tahlil qilish asosida “Nukus” EIZ hududida import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlarini ishlab chiqaruvchi korxonalarni joylashtirish boʻyicha dasturlar ishlab chiqilishini taʼminlasin;
Oʻzbekiston Respublikasi Moliya vazirligi, Iqtisodiyot va sanoat vazirligi bilan birgalikda har yili Oʻzbekiston Respublikasining Investitsiya dasturini shakllantirishda ularga “Nukus” EIZning muhandislik-kommunikatsiya, yoʻl-transport va ishlab chiqarish infratuzilmasini rivojlantirish boʻyicha loyihalarning belgilangan tartibda kiritilishini nazarda tutsin.
11. Oʻzbekiston Respublikasi Prezidentining ayrim farmonlariga ilovaga muvofiq oʻzgartirishlar kiritilsin.
12. Oʻzbekiston Respublikasi Investitsiyalar va tashqi savdo vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartirishlar va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev va Qoraqalpogʻiston Respublikasi Joʻqorgʻi Kengesi raisi M.T. Yerniyazov zimmasiga yuklansin.
Oʻzbekiston Respublikasi Prezidentining 2019-yil 4-sentabrdagi PF-5809-son Farmoniga ILOVA
Oʻzbekiston Respublikasi Prezidentining ayrim farmonlariga kiritilayotgan oʻzgartirishlar
1. Oʻzbekiston Respublikasi Prezidentining 2017-yil 3-maydagi “Nukus-farm”, “Zomin-farm”, “Kosonsoy-farm”, “Sirdaryo-farm”, “Boysun-farm”, “Boʻstonliq-farm” va “Parkent-farm” erkin iqtisodiy zonalarini tashkil etish toʻgʻrisida”gi PF-5032-son Farmonida :
a) nomidan “Nukus-farm” soʻzlari chiqarib tashlansin;
b) preambuladan “Qoraqalpogʻiston Respublikasi” soʻzlari chiqarib tashlansin;
v) 1-banddan “Qoraqalpogʻiston Respublikasi Vazirlar Kengashi”, “Nukus-farm” va “Nukus-farm” EIZ” soʻzlari chiqarib tashlansin;
g) 2-bandda :
birinchi xatboshidan “Nukus-farm” EIZ” soʻzlari chiqarib tashlansin;
ikkinchi xatboshidan “Qoraqalpogʻiston Respublikasi” soʻzlari chiqarib tashlansin;
d) 3-bandning ikkinchi va uchinchi xatboshilaridan , 4 , 9 , 10 , 14 , 15 , 18 , 19 va 20-bandlardan “Nukus-farm” EIZ” soʻzlari chiqarib tashlansin;
e) 8-bandda :
birinchi xatboshidan “Qoraqalpogʻiston Respublikasi Vazirlar Kengashi” soʻzlari chiqarib tashlansin;
ikkinchi xatboshidan “Nukus-farm” EIZ” soʻzlari chiqarib tashlansin;
j) 11 va 13-bandlardan “Qoraqalpogʻiston Respublikasi Vazirlar Kengashi” va “Nukus-farm” EIZ” soʻzlari chiqarib tashlansin;
z) 16-bandda :
ikkinchi xatboshidan “Qoraqalpogʻiston Respublikasi Vazirlar Kengashi” va “Nukus-farm” EIZ” soʻzlari chiqarib tashlansin;
uchinchi xatboshidan “Nukus-farm” EIZ” soʻzlari chiqarib tashlansin;
i) 17-bandda :
ikkinchi xatboshidan “Qoraqalpogʻiston Respublikasi Vazirlar Kengashi” va “Nukus-farm” EIZ” soʻzlari chiqarib tashlansin;
uchinchi xatboshidan “Nukus-farm” EIZ” soʻzlari chiqarib tashlansin.
2. Oʻzbekiston Respublikasi Prezidentining 2018-yil 12-apreldagi “Sirdaryo” erkin iqtisodiy zonasini tashkil etish chora-tadbirlari toʻgʻrisida”gi PF-5412-son Farmonining 8-bandidan “Nukus-farm” soʻzlari chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 4-sentabr,
PF-5809-son
Президента Республики Узбекистан
Указ
О мерах по созданию свободной экономической зоны «Нукус»
В целях комплексного развития производственного и ресурсного потенциала Республики Каракалпакстан, создания благоприятных условий для привлечения прямых инвестиций в организацию производства высокотехнологичной и экспортоориентированной продукции на основе глубокой переработки минерального сырья и сельскохозяйственных ресурсов, а также повышения на этой основе объемов экспорта республики, создания новых рабочих мест и повышения благосостояния населения региона:
1. Согласиться с предложением Жокаргы Кенеса Республики Каракалпакстан, Министерства инвестиций и внешней торговли, Министерства экономики и промышленности и Министерства финансов Республики Узбекистан о преобразовании свободной экономической зоны «Нукус-фарм» в свободную экономическую зону «Нукус» (далее — СЭЗ «Нукус»).
2. Определить основными задачами и направлениями деятельности СЭЗ «Нукус»:
привлечение прямых иностранных и отечественных инвестиций для организации современных производств востребованной на внешних рынках импортозамещающей продукции с высокой добавленной стоимостью;
обеспечение комплексного и эффективного использования производственного и ресурсного потенциала в части выращивания лекарственного растительного сырья Республики Каракалпакстан в своеобразных естественных условиях для последующей его переработки;
создание новых производств по глубокой переработке, хранению и упаковке плодоовощной и сельскохозяйственной продукции, а также швейной, обувной, кожевенно-галантерейной, пищевой, электротехнической, машиностроительной, автомобилестроительной, химической промышленности, отрасли строительных материалов, производства современной фармацевтической продукции и лекарственных средств с высокой добавленной стоимостью, в первую очередь на базе лекарственного растительного сырья и лекарственных препаратов (субстанций), выращенных на плантациях, созданных в установленном порядке;
установление прочных кооперационных связей по организации производства на базе отечественного сырья и материалов, а также углубление процессов локализации производства высокотехнологической продукции среди участников свободных экономических зон на основе развития промышленной кооперации;
опережающее развитие производственной, инженерно-коммуникационной, дорожно-транспортной и социальной инфраструктуры на территории СЭЗ «Нукус», а также формирование на ней современной инфраструктуры по оказанию качественных логистических услуг;
участие в подготовке высококвалифицированных специалистов исходя из текущих и перспективных потребностей СЭЗ «Нукус» в профильных кадрах, в том числе путем прохождения ими производственной практики на предприятиях, расположенных на территории СЭЗ «Нукус»;
создание научно-исследовательских центров с опытно-экспериментальными лабораториями по изучению интродукции и культивации сырья лекарственных растений.
3. Установить, что:
срок деятельности СЭЗ «Нукус» составляет 30 лет с возможностью его последующего продления;
на территории СЭЗ «Нукус» действуют особые налоговый и таможенный режимы.
4. Распространить на участников СЭЗ «Нукус» действие пунктов 3 , 4 , 5 Указа Президента Республики Узбекистан от 26 октября 2016 года № УП-4853 «О дополнительных мерах по активизации и расширению деятельности свободных экономических зон».
5. Совету Министров Республики Каракалпакстан совместно с Министерством строительства, Министерством инвестиций и внешней торговли Республики Узбекистан в трехмесячный срок обеспечить разработку и утверждение генерального плана СЭЗ «Нукус» в установленном порядке.
6. Совету Министров Республики Каракалпакстан совместно с Министерством инвестиций и внешней торговли, Государственным комитетом по земельным ресурсам, геодезии, картографии и государственному кадастру, Министерством строительства, Государственным комитетом по экологии и охране окружающей среды в двухмесячный срок внести в Кабинет Министров Республики Узбекистан проект правительственного решения, предусматривающего определение границ территорий СЭЗ «Нукус».
7. Переименовать государственное унитарное предприятие «Дирекция СЭЗ «Нукус-фарм» в государственное унитарное предприятие «Дирекция СЭЗ Нукус» с возложением на него функции оперативного управления деятельностью СЭЗ «Нукус».
8. Установить, что:
права и обязанности государственного унитарного предприятия «Дирекция СЭЗ «Нукус-фарм» переходят в установленном порядке государственному унитарному предприятию «Дирекция СЭЗ «Нукус»;
участники свободной экономической зоны «Нукус-фарм» получают статус участников СЭЗ «Нукус» без прохождения дополнительных процедур и за ними сохраняются ранее предусмотренные льготы и преференции, предусмотренные законодательством.
9. Совету Министров Республики Каракалпакстан совместно с Министерством инвестиций и внешней торговли, Министерством финансов, Министерством экономики и промышленности, Министерством жилищно-коммунального обслуживания, Комитетом по автомобильным дорогам при Министерстве транспорта, АО «Региональные электрические сети» и АО «Узтрансгаз» в двухмесячный срок внести в Кабинет Министров Республики Узбекистан предложения по обеспечению СЭЗ «Нукус» инженерно-коммуникационной, дорожно-транспортной и производственной инфраструктурой с указанием конкретных источников их финансирования.
10. Министерству инвестиций и внешней торговли Республики Узбекистан:
совместно с заинтересованными министерствами и ведомствами в двухмесячный срок обеспечить разработку программ по размещению на территории СЭЗ «Нукус» предприятий, производящих импортозамещающие и экспортоориентированные виды готовой продукции, материалы и комплектующие изделия на основе всестороннего анализа состава импорта, с учетом имеющихся минерально-сырьевых ресурсов Республики Каракалпакстан;
совместно с Министерством финансов и Министерством экономики и промышленности Республики Узбекистан ежегодно при формировании Инвестиционной программы Республики Узбекистан предусматривать включение в них проектов по развитию инженерно-коммуникационной, дорожно-транспортной и производственной инфраструктуры СЭЗ «Нукус» в установленном порядке.
11. Внести изменения в некоторые указы Президента Республики Узбекистан согласно приложению .
12. Министерству инвестиций и внешней торговли совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
13. Контроль за исполнением настоящего Указа возложить на заместителя Премьер-министра Республики Узбекистан Э.М. Ганиева и председателя Жокаргы Кенеса Республики Каракалпакстан М.Т. Ерниязова.
ПРИЛОЖЕНИЕ к Указу Президента Республики Узбекистан от 4 сентября 2019 года № УП-5809
Изменения, вносимые в некоторые указы Президента Республики Узбекистан
1. В Указе Президента Республики Узбекистан от 3 мая 2017 года № УП-5032 «О создании свободных экономических зон «Нукус-фарм», «Зомин-фарм», «Косонсой-фарм», «Сирдарё-фарм», «Бойсун-фарм», «Бустонлик-фарм» и «Паркент-фарм»:
а) из наименования слова «Нукус-фарм» исключить;
б) из преамбулы слова «Республики Каракалпакстан» исключить;
в) из пункта 1 слова «Совета Министров Республики Каракалпакстан», «Нукус-фарм» и «СЭЗ «Нукус-фарм» исключить;
г) в пункте 2 :
из абзаца первого слова «СЭЗ «Нукус-фарм» исключить;
из абзаца второго слова «Республики Каракалпакстан» исключить;
д) из абзацев второго и третьего пункта 3, пунктов 4 , 9 , 10 , 14 , 15 , 18 , 19 и 20 слова «СЭЗ «Нукус-фарм» исключить;
е) в пункте 8 :
из абзаца первого слова «Совету Министров Республики Каракалпакстан» исключить;
из абзаца второго слова «СЭЗ «Нукус-фарм» исключить;
ж) из пунктов 11 и 13 слова «Советом Министров Республики Каракалпакстан» и «СЭЗ «Нукус-фарм» исключить;
з) в пункте 16 :
из абзаца второго слова «Советом Министров Республики Каракалпакстан» и «СЭЗ «Нукус-фарм» исключить;
из абзаца третьего слова «СЭЗ «Нукус-фарм» исключить;
и) в пункте 17 :
из абзаца второго слова «СЭЗ «Нукус-фарм» и «Совета Министров Республики Каракалпакстан» исключить;
из абзаца третьего слова «СЭЗ «Нукус-фарм» исключить.
2. Из пункта 8 Указа Президента Республики Узбекистан от 12 апреля 2018 года № УП-5412 «О мерах по созданию свободной экономической зоны «Сирдарё» слова «Нукус-фарм» исключить.
Президент Республики Узбекистан Ш. МИРЗИЁЕВ
г. Ташкент,
4 сентября 2019 г.,
№ УП-5809