📅 2019-yil 5-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 5 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 5 сентября 2019 г. · Указы Президента
Официальный текст. Официальный документ. Редакционные примечания не включены.
📅 5 September 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Ташқи савдо фаолиятини янада такомиллаштириш, нақд хорижий валюта билан операцияларни амалга оширишда ахборот соҳасидаги ҳамкорликни кенгайтириш мақсадида, шунингдек, Ўзбекистон Республикасининг «Валютани тартибга солиш тўғрисида»ги Қонунига мувофиқ:
1. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.
2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Марказий банкининг раиси М.Б. Нурмуратов зиммасига юклансин.
Ўзбекистон Республикаси Президентининг 2019 йил 5 сентябрдаги ПФ-5811-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 2 сентябрдаги «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги ПФ-5177-сон Фармони 2-бандининг олтинчи хатбошиси қуйидаги таҳрирда баён этилсин:
«Белгилансинки, чет эл валютасида даромад олувчи юридик шахс ташкил этмасдан фаолият кўрсатувчи якка тартибдаги тадбиркорлар, шунингдек, фермер хўжаликлари ўз банк ҳисобварақларидаги нақд маблағларни фақат миллий валютада ечиб олишга ҳақлидирлар, чет эл валютасидан чет элда асосли фойдаланиш ҳоллари бундан мустасно».
2. Ўзбекистон Республикаси Президентининг 2017 йил 3 ноябрдаги «Ташқи савдо фаолиятини янада эркинлаштириш ва тадбиркорлик субъектларини қўллаб-қувватлаш чора-тадбирлари тўғрисида»ги ПҚ-3351-сон қарорида :
а) 2-банд қуйидаги мазмундаги хатбоши билан тўлдирилсин:
«Тадбиркорлик субъектларига уларнинг бошқарув органлари 2017 йилнинг 5 сентябрига қадар ташқи савдо контрактлари бўйича ҳосил бўлган кредитор қарздорликни ҳисобдан чиқариш тўғрисида қарор қабул қилганида ҳисобдан чиқарилаётган кредитор қарздорлик суммасига солиқ мажбуриятларини қўшиб ҳисобламасликка рухсат берилсин»;
б) қуйидаги мазмундаги 4 1- банд билан тўлдирилсин:
«4 1 . Давлат божхона қўмитаси 2019 йил 1 декабрга қадар Ўзбекистон Республикаси Марказий банки билан йўловчиларнинг божхона декларациялари ва белгиланган нормалардан ортиқча олиб кирилаётган нақд хорижий валюта ҳажмлари тўғрисидаги маълумотларни айирбошлаш бўйича ахборот соҳасидаги ҳамкорликни ташкиллаштирсин».
3. Ўзбекистон Республикаси Президентининг 2019 йил 10 январдаги «Ўзбекистон Республикаси Иқтисодиёт ва саноат вазирлиги фаолиятини ташкил этиш тўғрисида»ги ПҚ-4105-сон қарори 4-бандининг бешинчи хатбошиси «Ўзбекистон Республикаси Президентининг 2018 йил 22 январдаги «Хўжалик жамиятлари ва стратегик аҳамиятга эга корхоналар фаолиятини қўллаб-қувватлаш чора-тадбирлари тўғрисида»ги ПҚ-3487-сон қарори билан белгиланган хўжалик жамиятлари ва стратегик аҳамиятга эга корхоналар томонидан энг яхши таклифларни танлаб олиш асосида тендер савдоларини ўтказмасдан, шунингдек, тўғридан-тўғри музокаралар олиб бориш орқали тузилган импорт шартномалари ва уларга қўшимча битимлар бундан мустасно. Бунда, импорт шартномалари ва уларга қўшимча битимларни экспертизадан ўтказиш ҳамда рўйхатга олиш учун хўжалик жамиятлари ва стратегик аҳамиятга эга корхоналар томонидан инвестициявий ва инфратузилмавий лойиҳалар бўйича лойиҳаолди ва лойиҳа ҳужжатларига, шунингдек, жорий фаолият бўйича — ишлаб чиқариш нормативларига мувофиқ импорт контрактини тузиш зарурлигининг асосланиши қўшимча равишда тақдим этилади» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 5 сентябрь,
ПФ-5811-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Tashqi savdo faoliyatini yanada takomillashtirish, naqd xorijiy valyuta bilan operatsiyalarni amalga oshirishda axborot sohasidagi hamkorlikni kengaytirish maqsadida, shuningdek, Oʻzbekiston Respublikasining “Valyutani tartibga solish toʻgʻrisida”gi Qonuniga muvofiq:
1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Markaziy bankining raisi M.B. Nurmuratov zimmasiga yuklansin.
Oʻzbekiston Respublikasi Prezidentining 2019-yil 5-sentabrdagi PF-5811-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 2-sentabrdagi “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida”gi PF-5177-son Farmoni 2-bandining oltinchi xatboshisi quyidagi tahrirda bayon etilsin:
“Belgilansinki, chet el valyutasida daromad oluvchi yuridik shaxs tashkil etmasdan faoliyat koʻrsatuvchi yakka tartibdagi tadbirkorlar, shuningdek, fermer xoʻjaliklari oʻz bank hisobvaraqlaridagi naqd mablagʻlarni faqat milliy valyutada echib olishga haqlidirlar, chet el valyutasidan chet elda asosli foydalanish hollari bundan mustasno”.
2. Oʻzbekiston Respublikasi Prezidentining 2017-yil 3-noyabrdagi “Tashqi savdo faoliyatini yanada erkinlashtirish va tadbirkorlik subyektlarini qoʻllab-quvvatlash chora-tadbirlari toʻgʻrisida”gi PQ-3351-son qarorida :
a) 2-band quyidagi mazmundagi xatboshi bilan toʻldirilsin:
“Tadbirkorlik subyektlariga ularning boshqaruv organlari 2017-yilning 5-sentabriga qadar tashqi savdo kontraktlari boʻyicha hosil boʻlgan kreditor qarzdorlikni hisobdan chiqarish toʻgʻrisida qaror qabul qilganida hisobdan chiqarilayotgan kreditor qarzdorlik summasiga soliq majburiyatlarini qoʻshib hisoblamaslikka ruxsat berilsin”;
b) quyidagi mazmundagi 4 1- band bilan toʻldirilsin:
“4 1 . Davlat bojxona qoʻmitasi 2019-yil 1-dekabrga qadar Oʻzbekiston Respublikasi Markaziy banki bilan yoʻlovchilarning bojxona deklaratsiyalari va belgilangan normalardan ortiqcha olib kirilayotgan naqd xorijiy valyuta hajmlari toʻgʻrisidagi maʼlumotlarni ayirboshlash boʻyicha axborot sohasidagi hamkorlikni tashkillashtirsin”.
3. Oʻzbekiston Respublikasi Prezidentining 2019-yil 10-yanvardagi “Oʻzbekiston Respublikasi Iqtisodiyot va sanoat vazirligi faoliyatini tashkil etish toʻgʻrisida”gi PQ-4105-son qarori 4-bandining beshinchi xatboshisi “Oʻzbekiston Respublikasi Prezidentining 2018-yil 22-yanvardagi “Xoʻjalik jamiyatlari va strategik ahamiyatga ega korxonalar faoliyatini qoʻllab-quvvatlash chora-tadbirlari toʻgʻrisida”gi PQ-3487-son qarori bilan belgilangan xoʻjalik jamiyatlari va strategik ahamiyatga ega korxonalar tomonidan eng yaxshi takliflarni tanlab olish asosida tender savdolarini oʻtkazmasdan, shuningdek, toʻgʻridan toʻgʻri muzokaralar olib borish orqali tuzilgan import shartnomalari va ularga qoʻshimcha bitimlar bundan mustasno. Bunda, import shartnomalari va ularga qoʻshimcha bitimlarni ekspertizadan oʻtkazish hamda roʻyxatga olish uchun xoʻjalik jamiyatlari va strategik ahamiyatga ega korxonalar tomonidan investitsiyaviy va infratuzilmaviy loyihalar boʻyicha loyihaoldi va loyiha hujjatlariga, shuningdek, joriy faoliyat boʻyicha — ishlab chiqarish normativlariga muvofiq import kontraktini tuzish zarurligining asoslanishi qoʻshimcha ravishda taqdim etiladi” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 5-sentabr,
PF-5811-son
Президента Республики Узбекистан
Указ
О внесении изменения и дополнений в некоторые акты Президента Республики Узбекистан
В целях дальнейшего совершенствования внешнеторговой деятельности, расширения информационного взаимодействия при осуществлении операций с наличной иностранной валютой, а также в соответствии с Законом Республики Узбекистан «О валютном регулировании»:
1. Внести изменение и дополнения в некоторые акты Президента Республики Узбекистан согласно приложению .
2. Контроль за исполнением настоящего Указа возложить на Премьер-министра Республики Узбекистан А.Н. Арипова и председателя Центрального банка Республики Узбекистан М.Б. Нурмуратова.
ПРИЛОЖЕНИЕ к Указу Президента Республики Узбекистан от 5 сентября 2019 года № УП-5811
Изменение и дополнения, вносимые в некоторые акты Президента Республики Узбекистан
1. Абзац шестой пункта 2 Указа Президента Республики Узбекистан от 2 сентября 2017 года № УП-5177 «О первоочередных мерах по либерализации валютной политики» изложить в следующей редакции:
«Определить, что индивидуальные предприниматели без образования юридического лица, а также фермерские хозяйства, имеющие доходы в иностранной валюте, вправе снимать наличные средства со своих банковских счетов только в национальной валюте, за исключением случаев обоснованного использования иностранной валюты за рубежом».
2. В постановлении Президента Республики Узбекистан от 3 ноября 2017 года № ПП-3351 «О мерах по дальнейшей либерализации внешнеторговой деятельности и поддержке субъектов предпринимательства»:
а) пункт 2 дополнить абзацем следующего содержания:
«Разрешить субъектам предпринимательства при принятии их органами управления решений о списании кредиторской задолженности по внешнеторговым контрактам, образовавшейся до 5 сентября 2017 года, не начислять налоговые обязательства на списываемую сумму кредиторской задолженности»;
б) дополнить пунктом 4 1 следующего содержания:
«4 1 . Государственному таможенному комитету в срок до 1 декабря 2019 года организовать информационное взаимодействие с Центральным банком Республики Узбекистан по обмену данными о пассажирских таможенных декларациях и объемах ввозимой наличной иностранной валюты сверх установленных норм».
3. Абзац пятый пункта 4 постановления Президента Республики Узбекистан от 10 января 2019 года № ПП-4105 «Об организации деятельности Министерства экономики и промышленности Республики Узбекистан» дополнить словами «за исключением импортных контрактов и дополнительных соглашений к ним, заключенных хозяйственными обществами и предприятиями стратегического значения, определенными постановлением Президента Республики Узбекистан от 22 января 2018 года № ПП-3487 «О мерах по поддержке деятельности хозяйственных обществ и предприятий стратегического значения», на основе отбора наилучших предложений без проведения тендерных торгов, а также прямых переговоров. При этом для проведения экспертизы и регистрации импортных контрактов и дополнительных соглашений к ним хозяйственными обществами и предприятиями стратегического значения дополнительно представляется обоснование необходимости заключения импортного контракта в соответствии с предпроектной и проектной документацией по инвестиционным и инфраструктурным проектам, а также производственными нормативами — по текущей деятельности».
Президент Республики Узбекистан Ш. МИРЗИЁЕВ
г. Ташкент,
5 сентября 2019 г.,
№ УП-5811