📅 2019-yil 5-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 5 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 сентября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 5 September 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ШТАТЛАРИ
Ўзбек миллий мақом санъати маркази ҳузуридаги Марғилон шаҳар мусиқали мақом театри фаолиятини ташкил этиш тўғрисида
Миллий мақом санъатининг тарихий, замонавий ижро анъаналари, ноёб санъат намуналарини театр санъати орқали кенг тарғиб қилиш мақсадида Вазирлар Маҳкамаси қарор қилади:
1. Ўзбекистон Республикаси Маданият вазирлиги, Давлат активларини бошқариш агентлиги, Ўзбек миллий мақом санъати маркази ва Фарғона вилояти ҳокимлигининг:
Фарғона вилояти маданият бошқармаси ҳузуридаги намунали мақом ансамбли негизида Ўзбек миллий мақом санъати маркази ҳузуридаги Марғилон шаҳар мусиқали мақом театрини (кейинги ўринларда мақом театри деб аталади) давлат муассасаси шаклида ташкил этиш;
Марғилон шаҳар, Бурҳониддин Марғилоний кўчаси, 45-уй манзилида жойлашган бинони тегишли ҳудуди билан биргаликда мақом театрига оператив бошқарув ҳуқуқи асосида текин бериш тўғрисидаги таклифи маъқуллансин.
2. Қуйидагилар мақом театрининг асосий вазифалари этиб белгилансин:
бадиий жиҳатдан юксак асарларни саҳналаштириш, театрлаштирилган томоша ва концерт дастурлари орқали мақом санъатини тарғиб қилиш, шунингдек, қизиқчилик ва аския санъатининг саҳнавий сюжетларини ривожлантириш ва такомиллаштириш, юқори малакали мақом ва театр санъати ижодкорларининг имкониятларини намойиш этиш;
мақом ижрочилиги йўналишида устоз-шогирд анъаналарини ривожлантириш, истеъдодли ёшларни тарбиялаш, уларнинг ижодий салоҳиятини оширишга кўмаклашиш, актёрлик маҳорати ва мақом санъати ижрочилиги бўйича мақом, театр ва санъат муассасаларининг ижодий ходимлари ҳамда олий таълим муассасалари талабаларининг мақом театри йўналишида амалиёт ўташларини ташкил этиш;
хорижий давлат билан ўзаро манфаатли ҳамкорликни амалга ошириш, чет элдан малакали мутахассисларни жалб этган ҳолда тренинг, маҳорат дарслари, мақом театри санъати билан боғлиқ ўқув-тажриба машғулотлари ҳамда махсус лойиҳаларни амалга ошириш;
мамлакатимизда ва хорижий давлатларда гастроль фаолиятини амалга ошириш, фестиваль, кўрик-танлов, мақом кечалари, учрашувлар, ижодий кечалар, қизиқчилик ва аския томошалари ҳамда бошқа томоша тадбирларини ташкил этиш.
3. Ўзбек миллий мақом санъати маркази ҳузуридаги Марғилон шаҳар мусиқали мақом театри давлат муассасасининг штатлари иловага мувофиқ тасдиқлансин.
4. Белгилансинки, мақом театри фаолиятини молиялаштириш Вазирлар Маҳкамасининг «Давлат театрлари ва концерт-томоша муассасалари фаолиятини янада такомиллаштириш чора-тадбирлари тўғрисида» 2019 йил 18 апрелдаги 329-сон қарорига мувофиқ амалга оширилади.
5. Ўзбекистон Республикаси Маданият вазирлиги:
бир ой муддатда мақом театри устави ишлаб чиқилишини ва белгиланган тартибда давлат рўйхатидан ўтказилишини;
мақом театрини доимий равишда малакали кадрлар билан таъминлаб бориш ҳамда мақом театрининг самарали фаолият юритишини ташкил этишни;
республика давлат театрларининг малакали мутахассисларини жалб қилган ҳолда мақом театри ижодкорларига актёрлик маҳорати ва саҳна ҳаракати бўйича махсус маҳорат дарслари ўтказилишини таъминласин.
6. Фарғона вилояти ҳокимлиги мақом театрига 1 та енгил хизмат автотранспорт воситаси ва 1 та автобус харид қилиш учун ҳамда театрни жиҳозлаш учун Фарғона вилояти ҳокимлиги маҳаллий бюджетининг қўшимча манбалари ҳисобидан маблағ ажратсин.
7. Ўзбекистон Республикаси Молия вазирлиги мақом театри фаолиятини молиялаштириш учун зарур маблағлар 2019 йил учун Ўзбекистон Республикаси Давлат бюджети параметрларида назарда тутилган маблағлар доирасида ажратилишини, шунингдек, 2020 йилдан бошлаб зарур маблағлар Ўзбекистон Республикаси Давлат бюджети параметрларини шакллантиришда назарда тутилишини таъминласин.
8. Ўзбекистон Республикаси Вазирлар Маҳкамасининг «Ўзбекистонда театр ва мусиқа санъатини янада ривожлантиришни қўллаб-қувватлаш ва рағбатлантириш чора-тадбирлари тўғрисида»ги Фармонни амалга ошириш масалалари ҳақида» 1995 йил 28 октябрдаги 415-сон қарорига 1-илованинг «Фарғона вилояти» кичик бўлимига «Ўзбек миллий мақом санъати маркази ҳузуридаги Марғилон шаҳар мусиқали мақом театри давлат муассасаси» сўзлари қўшилсин.
9. Ўзбекистон Республикаси Маданият вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
10. Мазкур қарорнинг бажарилишини назорат қилиш Ўзбекистон Республикаси маданият вазири Б.С. Сайфуллаев, Фарғона вилояти ҳокими Ш.М. Ғаниев зиммасига ҳамда Вазирлар Маҳкамасининг Ёшлар сиёсати, маданият, маънавият, оммавий ахборот воситалари, ижодий ва жамоат ташкилотлари масалалари котибиятига юклансин.
Вазирлар Маҳкамасининг 2019 йил 5 сентябрдаги 732-сон қарорига ИЛОВА
Ўзбек миллий мақом санъати маркази ҳузуридаги Марғилон шаҳар мусиқали мақом театри давлат муассасасининг
Т/р Таркибий бўлинмалар ва лавозимларнинг номи Штат бирлигининг сони I. Маъмурий бошқарув ходимлари 1. Директор 1 2. Директор ўринбосари 1 3. Бош муҳандис 1 4. Бош бухгалтер 1 5. Омборхона мудири 1 6. Чипталар бюроси мудири 1 Жами 6 II. Бадиий бошқарув ходимлари 7. Бош режиссёр 1 8. Бош рассом 1 9. Бадиий саҳналаштириш бўлими мудири 1 10. Мусиқа бўлими мудири 1 11. Адабий бўлим мудири 1 12. Труппа раҳбари 1 Жами 6 III. Бадиий ходимлар 13. Саҳналаштирувчи режиссёр 1 14. Саҳналаштирувчи рассом 1 15. Хормейстер 1 16. Балетмейстер 1 17. Вокал бўйича репетитор 1 18. Овоз режиссёри 1 19. Овоз оператори 1 20. Режиссёр ёрдамчиси 1 21. Чироқ бўйича рассом 1 Жами 9 IV. Ижодий ходимлар 22. Артист-мақомчи 15 23. Артист-созанда 15 24. Артист-вокалист 10 25. Хор артисти 10 26. Балет артисти 10 27. Драма артисти 10 Жами 70 V. Мутахассислар 28. Юрисконсульт 0,5 29. Кадрлар бўйича инспектор 1 30. Бухгалтер 1 31. Муҳандис-механик 1 32. Меҳнат муҳофазаси ва техника хавфсизлиги бўйича муҳандис 1 33. Маъмур 1 Жами 5,5 VI. Техник ва хизмат кўрсатувчи ходимлар 34. Чироқ ёритувчи 1 35. Бутафор 1 36. Декоратор 1 37. Саҳна машинисти 3 38. Саҳна монтировшиги 1 39. Пардоз устаси 1 40. Реквизитор 1 41. Либосчи 1 42. Чипта кассири 1 43. Чипта назоратчиси 1 44. Томоша зали назоратчиси 1 45. Тикувчи 2 46. Кийим бичувчи 0,5 47. Мусиқа асбобларини таъмирловчи-созловчи 1 48. Ёрдамчи ишчи 1 49. Иш юритувчи 1 Жами 18,5 Умумий сони 115
Ўзбекистон Республикасининг Бош вазири А. АРИПОВ
Тошкент ш.,
2019 йил 5 сентябрь,
732-сон
Oʻzbekiston Respublikasi Vazirlar Mahkamasining
qarori
SHTATLARI
Oʻzbek milliy maqom sanʼati markazi huzuridagi Margʻilon shahar musiqali maqom teatri faoliyatini tashkil etish toʻgʻrisida
Milliy maqom sanʼatining tarixiy, zamonaviy ijro anʼanalari, noyob sanʼat namunalarini teatr sanʼati orqali keng targʻib qilish maqsadida Vazirlar Mahkamasi qaror qiladi:
1. Oʻzbekiston Respublikasi Madaniyat vazirligi, Davlat aktivlarini boshqarish agentligi, Oʻzbek milliy maqom sanʼati markazi va Fargʻona viloyati hokimligining:
Fargʻona viloyati madaniyat boshqarmasi huzuridagi namunali maqom ansambli negizida Oʻzbek milliy maqom sanʼati markazi huzuridagi Margʻilon shahar musiqali maqom teatrini (keyingi oʻrinlarda maqom teatri deb ataladi) davlat muassasasi shaklida tashkil etish;
Margʻilon shahar, Burhoniddin Margʻiloniy koʻchasi, 45-uy manzilida joylashgan binoni tegishli hududi bilan birgalikda maqom teatriga operativ boshqaruv huquqi asosida tekin berish toʻgʻrisidagi taklifi maʼqullansin.
2. Quyidagilar maqom teatrining asosiy vazifalari etib belgilansin:
badiiy jihatdan yuksak asarlarni sahnalashtirish, teatrlashtirilgan tomosha va konsert dasturlari orqali maqom sanʼatini targʻib qilish, shuningdek, qiziqchilik va askiya sanʼatining sahnaviy syujetlarini rivojlantirish va takomillashtirish, yuqori malakali maqom va teatr sanʼati ijodkorlarining imkoniyatlarini namoyish etish;
maqom ijrochiligi yoʻnalishida ustoz-shogird anʼanalarini rivojlantirish, isteʼdodli yoshlarni tarbiyalash, ularning ijodiy salohiyatini oshirishga koʻmaklashish, aktyorlik mahorati va maqom sanʼati ijrochiligi boʻyicha maqom, teatr va sanʼat muassasalarining ijodiy xodimlari hamda oliy taʼlim muassasalari talabalarining maqom teatri yoʻnalishida amaliyot oʻtashlarini tashkil etish;
xorijiy davlat bilan oʻzaro manfaatli hamkorlikni amalga oshirish, chet eldan malakali mutaxassislarni jalb etgan holda trening, mahorat darslari, maqom teatri sanʼati bilan bogʻliq oʻquv-tajriba mashgʻulotlari hamda maxsus loyihalarni amalga oshirish;
mamlakatimizda va xorijiy davlatlarda gastrol faoliyatini amalga oshirish, festival, koʻrik-tanlov, maqom kechalari, uchrashuvlar, ijodiy kechalar, qiziqchilik va askiya tomoshalari hamda boshqa tomosha tadbirlarini tashkil etish.
3. Oʻzbek milliy maqom sanʼati markazi huzuridagi Margʻilon shahar musiqali maqom teatri davlat muassasasining shtatlari ilovaga muvofiq tasdiqlansin.
4. Belgilansinki, maqom teatri faoliyatini moliyalashtirish Vazirlar Mahkamasining “Davlat teatrlari va konsert-tomosha muassasalari faoliyatini yanada takomillashtirish chora-tadbirlari toʻgʻrisida” 2019-yil 18-apreldagi 329-son qaroriga muvofiq amalga oshiriladi.
5. Oʻzbekiston Respublikasi Madaniyat vazirligi:
bir oy muddatda maqom teatri ustavi ishlab chiqilishini va belgilangan tartibda davlat roʻyxatidan oʻtkazilishini;
maqom teatrini doimiy ravishda malakali kadrlar bilan taʼminlab borish hamda maqom teatrining samarali faoliyat yuritishini tashkil etishni;
respublika davlat teatrlarining malakali mutaxassislarini jalb qilgan holda maqom teatri ijodkorlariga aktyorlik mahorati va sahna harakati boʻyicha maxsus mahorat darslari oʻtkazilishini taʼminlasin.
6. Fargʻona viloyati hokimligi maqom teatriga 1 ta yengil xizmat avtotransport vositasi va 1 ta avtobus xarid qilish uchun hamda teatrni jihozlash uchun Fargʻona viloyati hokimligi mahalliy budjetining qoʻshimcha manbalari hisobidan mablagʻ ajratsin.
7. Oʻzbekiston Respublikasi Moliya vazirligi maqom teatri faoliyatini moliyalashtirish uchun zarur mablagʻlar 2019-yil uchun Oʻzbekiston Respublikasi Davlat budjeti parametrlarida nazarda tutilgan mablagʻlar doirasida ajratilishini, shuningdek, 2020-yildan boshlab zarur mablagʻlar Oʻzbekiston Respublikasi Davlat budjeti parametrlarini shakllantirishda nazarda tutilishini taʼminlasin.
8. Oʻzbekiston Respublikasi Vazirlar Mahkamasining “Oʻzbekistonda teatr va musiqa sanʼatini yanada rivojlantirishni qoʻllab-quvvatlash va ragʻbatlantirish chora-tadbirlari toʻgʻrisida”gi Farmonni amalga oshirish masalalari haqida” 1995-yil 28-oktabrdagi 415-son qaroriga 1-ilovaning “Fargʻona viloyati” kichik boʻlimiga “Oʻzbek milliy maqom sanʼati markazi huzuridagi Margʻilon shahar musiqali maqom teatri davlat muassasasi” soʻzlari qoʻshilsin.
9. Oʻzbekiston Respublikasi Madaniyat vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
10. Mazkur qarorning bajarilishini nazorat qilish Oʻzbekiston Respublikasi madaniyat vaziri B.S. Sayfullayev, Fargʻona viloyati hokimi Sh.M. Gʻaniyev zimmasiga hamda Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Vazirlar Mahkamasining 2019-yil 5-sentabrdagi 732-son qaroriga ILOVA
Oʻzbek milliy maqom sanʼati markazi huzuridagi Margʻilon shahar musiqali maqom teatri davlat muassasasining
T/r Tarkibiy boʻlinmalar va lavozimlarning nomi Shtat birligining soni I. Maʼmuriy boshqaruv xodimlari 1. Direktor 1 2. Direktor oʻrinbosari 1 3. Bosh muhandis 1 4. Bosh buxgalter 1 5. Omborxona mudiri 1 6. Chiptalar byurosi mudiri 1 Jami 6 II. Badiiy boshqaruv xodimlari 7. Bosh rejissyor 1 8. Bosh rassom 1 9. Badiiy sahnalashtirish boʻlimi mudiri 1 10. Musiqa boʻlimi mudiri 1 11. Adabiy boʻlim mudiri 1 12. Truppa rahbari 1 Jami 6 III. Badiiy xodimlar 13. Sahnalashtiruvchi rejissyor 1 14. Sahnalashtiruvchi rassom 1 15. Xormeyster 1 16. Baletmeyster 1 17. Vokal boʻyicha repetitor 1 18. Ovoz rejissyori 1 19. Ovoz operatori 1 20. Rejissyor yordamchisi 1 21. Chiroq boʻyicha rassom 1 Jami 9 IV. Ijodiy xodimlar 22. Artist-maqomchi 15 23. Artist-sozanda 15 24. Artist-vokalist 10 25. Xor artisti 10 26. Balet artisti 10 27. Drama artisti 10 Jami 70 V. Mutaxassislar 28. Yuriskonsult 0,5 29. Kadrlar boʻyicha inspektor 1 30. Buxgalter 1 31. Muhandis-mexanik 1 32. Mehnat muhofazasi va texnika xavfsizligi boʻyicha muhandis 1 33. Maʼmur 1 Jami 5,5 VI. Texnik va xizmat koʻrsatuvchi xodimlar 34. Chiroq yorituvchi 1 35. Butafor 1 36. Dekorator 1 37. Sahna mashinisti 3 38. Sahna montirovshigi 1 39. Pardoz ustasi 1 40. Rekvizitor 1 41. Liboschi 1 42. Chipta kassiri 1 43. Chipta nazoratchisi 1 44. Tomosha zali nazoratchisi 1 45. Tikuvchi 2 46. Kiyim bichuvchi 0,5 47. Musiqa asboblarini taʼmirlovchi-sozlovchi 1 48. Yordamchi ishchi 1 49. Ish yurituvchi 1 Jami 18,5 Umumiy soni 115
Oʻzbekiston Respublikasining Bosh vaziri A. ARIPOV
Toshkent sh.,
2019-yil 5-sentabr,
732-son