📅 2019-yil 4-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 4 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 сентября 2019 г. · Постановления Президента
Официальный текст. Официальный документ. Редакционные примечания не включены.
📅 4 September 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Диний-маърифий соҳа фаолиятини такомиллаштириш бўйича қўшимча чора-тадбирлар тўғрисида
Мамлакатимизда миллий анъана ва қадриятларимизни ривожлантириш, улуғ аллома аждодларимиз илмий меросини чуқур ўрганиш, ёшларимизни Ватанга муҳаббат, илм-маърифатли, интеллектуал баркамол авлод этиб тарбиялашга давлат сиёсатининг устувор йўналиши сифатида эътибор қаратилмоқда.
Бу соҳада олиб борилаётган ислоҳотлар дунё миқёсида ҳам муносиб эътироф этилиб, диний бағрикенгликнинг намунали модели сифатида баҳоланмоқда. Хусусан, Ўзбекистоннинг диний эркинликлар соҳасида алоҳида хавотир уйғотадиган давлатлар рўйхатидан чиқарилганлиги, БМТ Бош Ассамблеяси ялпи мажлисида Ўзбекистон томонидан таклиф этилган «Маърифат ва диний бағрикенглик» резолюциясининг қабул қилинганлиги бунга яққол мисолдир.
Шунга қарамай, юртимизда кечаётган ижтимоий-сиёсий жараёнларга диний тус бериш, сохта ғояларни асл диний қадриятлар сифатида талқин қилиш ва аҳоли орасида носоғлом ақидани сингдириш ҳолатлари кузатилмоқда.
Диний-маърифий соҳани янада такомиллаштириш, жамиятда «жаҳолатга қарши — маърифат» деган улуғвор ғоя асосида диннинг инсонпарварлик, эзгулик ва тинчлик каби фазилатларини ҳамда диний бағрикенглик руҳини кенг тарғиб қилиш, шунингдек, ижтимоий-маънавий муҳит барқарорлиги ва қонун устуворлигини таъминлаш мақсадида:
2. Қуйидагилар Қўмитанинг янгиланган асосий вазифалари этиб белгилансин:
виждон эркинлиги ва диний ташкилотлар тўғрисидаги қонун ҳужжатларига мувофиқ дин ишлари соҳасида ягона давлат сиёсатини амалга ошириш;
Ўзбекистон Республикасининг дунёвий давлат тамойилини амалий рўёбга чиқариш, фуқароларнинг виждон эркинлиги кафолатларини ҳимоя қилиш;
диний мутаассиблик ва экстремизм ғояларини тарқатиш, турли конфессиялар ўртасида адоватни юзага келтиришга қаратилган хатти-ҳаракатларга йўл қўймаслик чораларини кўриш;
жамиятда диний-маърифий муҳит барқарорлиги ва эътиқод эркинлигига таҳдид туғдириши мумкин бўлган омилларни ўрганиш, таҳлил қилиш ва уларнинг олдини олиш чораларини кўриш, шунингдек, ушбу жараёнларда диний-маърифий соҳа вакилларининг иштирокини кенгайтириш;
давлат органларининг диний ташкилотлар билан ўзаро алоқаси ва ҳамкорлигини мувофиқлаштириш ҳамда давлат сиёсатида қонун ҳужжатларида белгиланган тартибда рўйхатдан ўтказилган диний ташкилотлар манфаатларини акс эттириш;
аҳоли орасида конфессиялараро тотувлик ва диний бағрикенгликни мустаҳкамлаш бўйича тарғибот ва ташвиқот ишларини олиб бориш;
фуқароларнинг хорижий давлатларга ва чет эл фуқароларининг Ўзбекистонга зиёрат туризмини амалга ошириши учун шарт-шароитлар яратиш;
экстремизм, сепаратизм ва мутаассиблик ғоялари таъсирига тушиб қолган шахсларни, айниқса ёшлар ва хотин-қизларни соғлом ҳаётга қайтариш, жамиятда тинчлик ва тотувлик муҳитини мустаҳкамлаш борасида маърифий-тарбиявий ишларни олиб бориш, бу борада илғор хорижий тажриба асосида таклифлар тайёрлаш;
манфаатдор ташкилотлар билан ҳамкорликда аҳолининг диний-ижтимоий жараёнларга муносабатини ўрганиш бўйича социологик сўровларни ташкил этиш.
3. Белгилаб қўйилсинки:
а) Қўмита:
жамиятда «жаҳолатга қарши — маърифат» деган улуғвор ғоя асосида диннинг асл инсонпарварлик моҳиятини, эзгулик, тинчлик ва инсонийлик каби фазилатлар азалий қадриятлар ифодаси эканлигини тарғиб этиш мақсадида барча давлат ва нодавлат нотижорат ташкилотларига бу борадаги фаолиятни амалга оширишда кўмаклашади;
мамлакатдаги диний-ижтимоий жараёнлар ҳамда диний бағрикенгликни таъминлаш масалаларини ўрганиш натижалари асосида илмий-тадқиқот ишларини қўллаб-қувватлаш, тарғибот ва ташвиқот тадбирларини ўтказиш чораларини кўради;
б) ижтимоий-маънавий муҳитни янада соғломлаштириш, хотин-қизларнинг жамиятдаги ўрни ва нуфузини мустаҳкамлаш, улар орасида маърифий-тарбиявий ишлар самарадорлигини кучайтириш мақсадида республика, вилоят, туман (шаҳар), маҳалла даражасида давлат ва нодавлат нотижорат ташкилотларининг тарғибот гуруҳлари фаолиятини ташкил этиш орқали ўзаро ҳамкорлигини йўлга қўйиш амалиёти жорий этилади;
в) Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг жамоат ва диний ташкилотлар билан алоқалар бўйича ўринбосарлари Қўмитага тегишли ҳудуд бўйича виждон эркинлиги кафолатлари ҳамда диний-маърифий муҳит барқарорлигини таъминлаш, давлат органларининг диний ташкилотлар билан ўзаро алоқаси ва ҳамкорлигини мувофиқлаштириб боришда кўмаклашади ҳамда бу борада Қўмита раисига ҳисобдор ҳисобланади;
г) Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг жамоат ва диний ташкилотлар билан алоқалар бўйича ўринбосарлари Қўмита раиси билан келишилган ҳолда қонун ҳужжатларида белгиланган тартибда лавозимга тайинланади ва лавозимдан озод этилади.
5. Белгилансинки, Қўмитанинг марказий аппаратига қўшимча киритилаётган 7 нафар бошқарув ходимлари штат бирлигини сақлаш билан боғлиқ харажатлар туман (шаҳар) маданият бўлимлари марказлаштирилган бухгалтериясининг тегишли штат бирликларини мақбуллаштириш ҳисобига Ўзбекистон Республикаси Давлат бюджетидан молиялаштирилади.
6. Ўзбекистон Республикаси Вазирлар Маҳкамаси икки ой муддатда Қўмита ходимлари фаолиятини ҳар томонлама ўрганиб чиқиб, диний-маърифий соҳада чуқур билимларга ҳамда амалий иш тажрибасига эга ҳалол, тартиб-интизомли ва малакали кадрлар билан тўлдирилишини таъминласин.
7. Ўзбекистон Республикаси Ташқи ишлар вазирлиги диний-маърифий соҳада мамлакатимизда амалга оширилаётган ишларни халқаро жамоатчиликка етказишда Қўмитага доимий равишда амалий ёрдам кўрсатсин.
8. Ўзбекистон Республикаси Адлия вазирлиги ва Олий суди ўзининг расмий веб-сайтлари ва бошқа оммавий ахборот воситалари орқали суд томонидан экстремистик ёки террористик деб топилган ҳамда Ўзбекистон Республикаси ҳудудида фаолияти тақиқланган ташкилотлар, веб-сайтлар, ижтимоий тармоқлар ва мобиль мессенжерлар рўйхатини эълон қилиб, унинг доимий равишда янгилаб борилишини таъминласин.
9. Ўзбекистон Республикаси Молия вазирлиги ушбу қарор талабларидан келиб чиқиб, Ўзбекистон Республикаси Давлат бюджетининг 2019 йил учун тасдиқланган параметрларига тегишли ўзгартиришлар киритсин.
10. Ўзбекистон Республикаси Президентининг 2018 йил 16 апрелдаги «Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита фаолиятини такомиллаштириш чора-тадбирлари тўғрисида»ги ПҚ-3668-сон қарорининг 1-банди ва унга 1-илова ўз кучини йўқотган деб ҳисоблансин.
11. Қўмита манфаатдор вазирлик ва идоралар билан биргаликда икки ой муддатда Қўмитанинг янгиланган низомини, шунингдек, қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Р.С. Қосимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 4 сентябрь,
ПҚ-4436-сон
Oʻzbekiston Respublikasi Prezidentining
Qarori
Diniy-maʼrifiy soha faoliyatini takomillashtirish boʻyicha qoʻshimcha chora-tadbirlar toʻgʻrisida
Mamlakatimizda milliy anʼana va qadriyatlarimizni rivojlantirish, ulugʻ alloma ajdodlarimiz ilmiy merosini chuqur oʻrganish, yoshlarimizni Vatanga muhabbat, ilm-maʼrifatli, intellektual barkamol avlod etib tarbiyalashga davlat siyosatining ustuvor yoʻnalishi sifatida eʼtibor qaratilmoqda.
Bu sohada olib borilayotgan islohotlar dunyo miqyosida ham munosib eʼtirof etilib, diniy bagʻrikenglikning namunali modeli sifatida baholanmoqda. Xususan, Oʻzbekistonning diniy erkinliklar sohasida alohida xavotir uygʻotadigan davlatlar roʻyxatidan chiqarilganligi, BMT Bosh Assambleyasi yalpi majlisida Oʻzbekiston tomonidan taklif etilgan “Maʼrifat va diniy bagʻrikenglik” rezolyutsiyasining qabul qilinganligi bunga yaqqol misoldir.
Shunga qaramay, yurtimizda kechayotgan ijtimoiy-siyosiy jarayonlarga diniy tus berish, soxta gʻoyalarni asl diniy qadriyatlar sifatida talqin qilish va aholi orasida nosogʻlom aqidani singdirish holatlari kuzatilmoqda.
Diniy-maʼrifiy sohani yanada takomillashtirish, jamiyatda “jaholatga qarshi — maʼrifat” degan ulugʻvor gʻoya asosida dinning insonparvarlik, ezgulik va tinchlik kabi fazilatlarini hamda diniy bagʻrikenglik ruhini keng targʻib qilish, shuningdek, ijtimoiy-maʼnaviy muhit barqarorligi va qonun ustuvorligini taʼminlash maqsadida:
2. Quyidagilar Qoʻmitaning yangilangan asosiy vazifalari etib belgilansin:
vijdon erkinligi va diniy tashkilotlar toʻgʻrisidagi qonun hujjatlariga muvofiq din ishlari sohasida yagona davlat siyosatini amalga oshirish;
Oʻzbekiston Respublikasining dunyoviy davlat tamoyilini amaliy roʻyobga chiqarish, fuqarolarning vijdon erkinligi kafolatlarini himoya qilish;
diniy mutaassiblik va ekstremizm gʻoyalarini tarqatish, turli konfessiyalar oʻrtasida adovatni yuzaga keltirishga qaratilgan xatti-harakatlarga yoʻl qoʻymaslik choralarini koʻrish;
jamiyatda diniy-maʼrifiy muhit barqarorligi va eʼtiqod erkinligiga tahdid tugʻdirishi mumkin boʻlgan omillarni oʻrganish, tahlil qilish va ularning oldini olish choralarini koʻrish, shuningdek, ushbu jarayonlarda diniy-maʼrifiy soha vakillarining ishtirokini kengaytirish;
davlat organlarining diniy tashkilotlar bilan oʻzaro aloqasi va hamkorligini muvofiqlashtirish hamda davlat siyosatida qonun hujjatlarida belgilangan tartibda roʻyxatdan oʻtkazilgan diniy tashkilotlar manfaatlarini aks ettirish;
aholi orasida konfessiyalararo totuvlik va diniy bagʻrikenglikni mustahkamlash boʻyicha targʻibot va tashviqot ishlarini olib borish;
fuqarolarning xorijiy davlatlarga va chet el fuqarolarining Oʻzbekistonga ziyorat turizmini amalga oshirishi uchun shart-sharoitlar yaratish;
ekstremizm, separatizm va mutaassiblik gʻoyalari taʼsiriga tushib qolgan shaxslarni, ayniqsa yoshlar va xotin-qizlarni sogʻlom hayotga qaytarish, jamiyatda tinchlik va totuvlik muhitini mustahkamlash borasida maʼrifiy-tarbiyaviy ishlarni olib borish, bu borada ilgʻor xorijiy tajriba asosida takliflar tayyorlash;
manfaatdor tashkilotlar bilan hamkorlikda aholining diniy-ijtimoiy jarayonlarga munosabatini oʻrganish boʻyicha sotsiologik soʻrovlarni tashkil etish.
3. Belgilab qoʻyilsinki:
a) Qoʻmita:
jamiyatda “jaholatga qarshi — maʼrifat” degan ulugʻvor gʻoya asosida dinning asl insonparvarlik mohiyatini, ezgulik, tinchlik va insoniylik kabi fazilatlar azaliy qadriyatlar ifodasi ekanligini targʻib etish maqsadida barcha davlat va nodavlat notijorat tashkilotlariga bu boradagi faoliyatni amalga oshirishda koʻmaklashadi;
mamlakatdagi diniy-ijtimoiy jarayonlar hamda diniy bagʻrikenglikni taʼminlash masalalarini oʻrganish natijalari asosida ilmiy-tadqiqot ishlarini qoʻllab-quvvatlash, targʻibot va tashviqot tadbirlarini oʻtkazish choralarini koʻradi;
b) ijtimoiy-maʼnaviy muhitni yanada sogʻlomlashtirish, xotin-qizlarning jamiyatdagi oʻrni va nufuzini mustahkamlash, ular orasida maʼrifiy-tarbiyaviy ishlar samaradorligini kuchaytirish maqsadida respublika, viloyat, tuman (shahar), mahalla darajasida davlat va nodavlat notijorat tashkilotlarining targʻibot guruhlari faoliyatini tashkil etish orqali oʻzaro hamkorligini yoʻlga qoʻyish amaliyoti joriy etiladi;
v) Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining jamoat va diniy tashkilotlar bilan aloqalar boʻyicha oʻrinbosarlari Qoʻmitaga tegishli hudud boʻyicha vijdon erkinligi kafolatlari hamda diniy-maʼrifiy muhit barqarorligini taʼminlash, davlat organlarining diniy tashkilotlar bilan oʻzaro aloqasi va hamkorligini muvofiqlashtirib borishda koʻmaklashadi hamda bu borada Qoʻmita raisiga hisobdor hisoblanadi;
g) Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining jamoat va diniy tashkilotlar bilan aloqalar boʻyicha oʻrinbosarlari Qoʻmita raisi bilan kelishilgan holda qonun hujjatlarida belgilangan tartibda lavozimga tayinlanadi va lavozimdan ozod etiladi.
5. Belgilansinki, Qoʻmitaning markaziy apparatiga qoʻshimcha kiritilayotgan 7 nafar boshqaruv xodimlari shtat birligini saqlash bilan bogʻliq xarajatlar tuman (shahar) madaniyat boʻlimlari markazlashtirilgan buxgalteriyasining tegishli shtat birliklarini maqbullashtirish hisobiga Oʻzbekiston Respublikasi Davlat budjetidan moliyalashtiriladi.
6. Oʻzbekiston Respublikasi Vazirlar Mahkamasi ikki oy muddatda Qoʻmita xodimlari faoliyatini har tomonlama oʻrganib chiqib, diniy-maʼrifiy sohada chuqur bilimlarga hamda amaliy ish tajribasiga ega halol, tartib-intizomli va malakali kadrlar bilan toʻldirilishini taʼminlasin.
7. Oʻzbekiston Respublikasi Tashqi ishlar vazirligi diniy-maʼrifiy sohada mamlakatimizda amalga oshirilayotgan ishlarni xalqaro jamoatchilikka yetkazishda Qoʻmitaga doimiy ravishda amaliy yordam koʻrsatsin.
8. Oʻzbekiston Respublikasi Adliya vazirligi va Oliy sudi oʻzining rasmiy veb-saytlari va boshqa ommaviy axborot vositalari orqali sud tomonidan ekstremistik yoki terroristik deb topilgan hamda Oʻzbekiston Respublikasi hududida faoliyati taqiqlangan tashkilotlar, veb-saytlar, ijtimoiy tarmoqlar va mobil messenjerlar roʻyxatini eʼlon qilib, uning doimiy ravishda yangilab borilishini taʼminlasin.
9. Oʻzbekiston Respublikasi Moliya vazirligi ushbu qaror talablaridan kelib chiqib, Oʻzbekiston Respublikasi Davlat budjetining 2019-yil uchun tasdiqlangan parametrlariga tegishli oʻzgartirishlar kiritsin.
10. Oʻzbekiston Respublikasi Prezidentining 2018-yil 16-apreldagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita faoliyatini takomillashtirish chora-tadbirlari toʻgʻrisida”gi PQ-3668-son qarorining 1-bandi va unga 1-ilova oʻz kuchini yoʻqotgan deb hisoblansin.
11. Qoʻmita manfaatdor vazirlik va idoralar bilan birgalikda ikki oy muddatda Qoʻmitaning yangilangan nizomini, shuningdek, qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.S. Qosimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 4-sentabr,
PQ-4436-son
Президента Республики Узбекистан
Постановление
О дополнительных мерах по совершенствованию деятельности религиозно-просветительской сферы
В стране в качестве приоритетного направления государственной политики уделяется внимание развитию национальных традиций и ценностей, глубокому изучению научного наследия наших великих предков-ученых, воспитанию любящей свою Родину, просвещенной молодежи как интеллектуального гармонично развитого поколения.
Реформы, проводимые в данной сфере, получили достойное признание также на международном уровне и оцениваются как образцовая модель религиозной толерантности. В частности, исключение Узбекистана из списка стран, представляющих особую обеспокоенность в сфере религиозных свобод, принятие на пленарном заседании Генеральной Ассамблеи ООН резолюции «Просвещение и религиозная толерантность», предложенной Узбекистаном, являются ярким тому примером.
Несмотря на это, наблюдаются случаи придания религиозного характера происходящим в нашей стране социально-политическим процессам, истолкования ложных идей в качестве истинных религиозных ценностей, привития населению нездоровых убеждений.
В целях дальнейшего совершенствования религиозно-просветительской сферы, широкой пропаганды в обществе ценностей гуманизма, добра, мира и духа религиозной толерантности на основе благородной идеи «просвещение против невежества», а также обеспечения стабильности социально-духовной обстановки и верховенства закона:
2. Определить обновленными основными задачами Комитета:
осуществление единой государственной политики в сфере религии согласно законодательству о свободе совести и религиозных организациях;
практическую реализацию принципа светского государства Республики Узбекистан, защиту гарантий свободы совести граждан;
принятие мер по недопущению действий, направленных на распространение идей религиозного фанатизма и экстремизма, разжигание вражды между различными конфессиями;
принятие мер по изучению, анализу и предупреждению факторов, представляющих потенциальную угрозу стабильности религиозно-просветительской атмосферы и свободе вероисповедания в обществе, а также расширение участия представителей религиозно-просветительской сферы в данных процессах;
координацию взаимосвязи и сотрудничества государственных органов с религиозными организациями, а также отражение в государственной политике интересов религиозных организаций, зарегистрированных в установленном законодательством порядке;
проведение пропагандистской и агитационной работы по укреплению межконфессионального согласия и религиозной толерантности среди населения;
создание условий для паломнического туризма граждан в зарубежные государства, а также иностранных граждан в Узбекистан;
возвращение к здоровой нормальной жизни лиц, попавших под влияние идей экстремизма, сепаратизма и фанатизма, особенно женщин и молодежи, проведение просветительско-воспитательных работ по укреплению в обществе атмосферы мира и согласия, подготовку предложений в этом направлении на основе передового зарубежного опыта;
организацию в сотрудничестве с заинтересованными учреждениями социологических опросов по изучению отношения населения к религиозно-социальным процессам.
3. Установить, что:
а) Комитет:
в целях пропаганды в обществе гуманистической сущности религии и таких ее основ, как доброта, мир и человечность, являющихся отражением наших исторических ценностей, на основе благородной идеи «просвещение против невежества» содействует всем государственным и негосударственным некоммерческим организациям в осуществлении их деятельности в данном направлении;
на основе результатов изучения вопросов обеспечения религиозно-социальных процессов и религиозной толерантности в стране принимает меры по поддержке научно-исследовательских работ, проведению пропагандистских и агитационных мероприятий;
б) в целях дальнейшего оздоровления социально-духовной обстановки, укрепления роли и авторитета женщин в обществе, усиления эффективности просветительско-воспитательных работ в их среде внедряется практика налаживания взаимодействия путем организации пропагандистских групп государственных и негосударственных некоммерческих организаций на уровне республики, области, района (города), махалли;
в) заместители председателя Совета Министров Республики Каракалпакстан, хокимов областей и города Ташкента по связям с общественными и религиозными организациями содействуют Комитету в обеспечении гарантий свободы совести, стабильности религиозно-просветительской атмосферы, координации взаимосвязи и сотрудничества государственных органов с религиозными организациями на соответствующей территории, подотчетны председателю Комитета в данном направлении;
г) заместители председателя Совета Министров Республики Каракалпакстан, хокимов областей и города Ташкента по связям с общественными и религиозными организациями назначаются на должность и освобождаются от должности в установленном законодательством порядке по согласованию с председателем Комитета.
5. Установить, что расходы, связанные с содержанием дополнительно вводимых в центральный аппарат Комитета 7 единиц управленческого персонала, финансируются из Государственного бюджета Республики Узбекистан за счет оптимизации соответствующих штатных единиц централизованной бухгалтерии районных (городских) отделов культуры.
6. Кабинету Министров Республики Узбекистан в двухмесячный срок обеспечить укомплектование Комитета честными, дисциплинированными, квалифицированными кадрами, обладающими глубокими знаниями и практическим опытом работы в религиозно-просветительской сфере на основе всестороннего изучения деятельности работников.
7. Министерству иностранных дел Республики Узбекистан на постоянной основе оказывать практическую помощь Комитету в информировании международной общественности о работах, проводимых в нашей стране в религиозно-просветительской сфере.
8. Министерству юстиции и Верховному суду Республики Узбекистан на своих официальных веб-сайтах, а также в других средствах массовой информации опубликовать перечень организаций, веб-сайтов, социальных сетей и мобильных мессенджеров, признанных судом экстремистскими либо террористическими, деятельность которых запрещена на территории Республики Узбекистан, а также обеспечить его постоянное обновление.
9. Министерству финансов Республики Узбекистан, исходя из требований настоящего постановления, внести соответствующие изменения в утвержденные параметры Государственного бюджета Республики Узбекистан на 2019 год.
10. Признать утратившими силу пункт 1 постановления Президента Республики Узбекистан от 16 апреля 2018 года № ПП-3668 «О мерах по совершенствованию деятельности Комитета по делам религий при Кабинете Министров Республики Узбекистан» и приложение № 1 к нему.
11. Комитету совместно с заинтересованными министерствами и ведомствами в двухмесячный срок внести в Кабинет Министров Республики Узбекистан обновленное положение о Комитете, а также предложения об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан Р.С. Касымова.
Президент Республики Узбекистан Ш. МИРЗИЁЕВ
г. Ташкент,
4 сентября 2019 г.,
№ ПП-4436