📅 2019-yil 6-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 6 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 сентября 2019 г. · Постановления Президента
Официальный текст. Официальный документ. Редакционные примечания не включены.
📅 6 September 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Дори воситалари ноқонуний айланишининг олдини олиш чораларини кучайтириш тўғрисида
Дори воситаларининг ноқонуний айланиши ва уларнинг суиистеъмол қилинишига йўл қўймаслик, кучли таъсир қилувчи моддалар айланишини тартибга солишни такомиллаштириш, шунингдек, аҳолининг соғлиғини сақлашни таъминлаш, ҳар томонлама баркамол авлодни тарбиялаш учун қўшимча имкониятлар ва шарт-шароитлар яратиш мақсадида:
1. Ўзбекистон Республикаси Соғлиқни сақлаш вазирлиги, Давлат хавфсизлик хизмати, Ички ишлар вазирлиги, Бош прокуратураси, Ўзбекистон Республикаси Президенти Администрацияси ҳузуридаги Наркотиклар ва ўқотар қуролларни назорат қилиш агентлиги ва Ўзбекистон Ёшлар иттифоқининг:
2019 йил 1 декабрдан бошлаб Ўзбекистон Республикаси Вазирлар Маҳкамаси томонидан белгиланадиган кучли таъсир қилувчи моддалар рўйхатига киритилган алоҳида дори воситалари буюм-миқдор жиҳатдан ҳисобга олиниши лозим ва уларнинг чакана реализацияси (берилиши) фақат ижтимоий дорихоналар, шунингдек, гиёҳвандлик воситалари ва психотроп моддаларни сақлаш ва реализация қилиш (бериш) фаолиятига лицензияси мавжуд бўлган дорихоналар томонидан амалга оширилиши;
шифокор рецепти бўйича бериладиган дори воситалари ва тиббий буюмлар, шу жумладан кучли таъсир қилувчи моддалар рўйхатига киритилган дори воситаларининг ноқонуний чакана савдоси ҳолатларига барҳам бериш бўйича текширишлар Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар Соғлиқни сақлаш бош бошқармаси томонидан Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилга хабар бериш тартибида, Текширувларни электрон рўйхатга олиш ягона тизимида рўйхатдан ўтказиш орқали амалга оширилиши;
кучли таъсир қилувчи моддалар рўйхатига Ўзбекистон Республикаси Президенти Администрацияси ҳузуридаги Наркотиклар ва ўқотар қуролларни назорат қилиш агентлиги қошида ташкил этиладиган идоралараро эксперт гуруҳи (кейинги ўринларда — эксперт гуруҳи) таклифлари асосида ўзгартириш ва қўшимчалар киритилиши тартибини ўрнатиш тўғрисидаги таклифи маъқуллансин.
2. Ўзбекистон Республикаси Вазирлар Маҳкамаси бир ҳафта муддатда кучли таъсир қилувчи моддалар рўйхати ва эксперт гуруҳининг таркибини тасдиқласин.
3. Белгилансинки:
кучли таъсир қилувчи моддалар рўйхатига киритилган дори воситаларини бериш учун ёзилган рецептлар дорихоналарда бир йил давомида сақланади;
мулкчилик шакли ва идоравий мансублигидан қатъи назар тиббиёт ташкилотларида беморга рецептли дори воситаларини белгиланган тартибда рецептни расмийлаштирмасдан тайинлаш тақиқланади;
2020 йил 1 январдан бошлаб дори воситалари ва тиббий буюмларнинг реализация (бериш) жараёнини узлуксиз равишда видеога ёзиб олиш ва бир ой давомида видео-ёзувларни сақлаш дори воситалари ва тиббий буюмларни чакана реализация қилишдаги лицензия талаби ҳисобланади (қишлоқ оилавий поликлиникалари ва қишлоқ врачлик пунктлари ҳудудида жойлашган дорихоналар ва уларнинг филиаллари бундан мустасно), мазкур талабнинг мунтазам равишда (бир йил давомида икки ва ундан ортиқ марта) бузилиши лицензиянинг амал қилишини ўрнатилган тартибда тугатиш учун асос бўлади.
4. Ўзбекистон Республикаси Соғлиқни сақлаш вазирлиги Ички ишлар вазирлиги, бошқа манфаатдор вазирлик ва идоралар билан биргаликда:
дори воситаларининг нотиббий мақсадларда истеъмол қилиниши устидан доимий мониторинг олиб борсин ва зарур ҳолларда эксперт гуруҳига тегишли таклифларни киритиш чораларини кўрсин;
икки ой муддатда дори воситалари ва тиббий буюмларни реализация қилиш қоидаларини бузганлик учун маъмурий ва жиноий жавобгарликни такомиллаштиришга оид, шу жумладан рецепт бўйича дори воситаларини бериш тартибини бузганлик учун жавобгарликни назарда тутувчи қонун лойиҳасини Ўзбекистон Республикаси Вазирлар Маҳкамасига киритсин.
5. Ўзбекистон Республикаси Соғлиқни сақлаш вазирлиги Молия вазирлиги билан биргаликда икки ой муддатда Соғлиқни сақлаш вазирлиги тизими ходимлари штатининг умумий чекланган сони доирасида, дори воситалари ва тиббий буюмларнинг чакана савдосига қўйиладиган лицензия талабларига риоя этилиши устидан назоратни таъминлашга жавобгар бўлган ходимларнинг штат сонини кўпайтириш бўйича таклифлар киритсин.
6. Ўзбекистон Республикаси Соғлиқни сақлаш вазирлиги ҳамда Ахборот технологиялари ва коммуникацияларини ривожлантириш вазирлигига фармацевтика маҳсулотлари ҳаракатини назорат қилиш ва ҳисобга олишнинг ахборот тизимини (кейинги ўринларда — Ахборот тизими) яратиш бўйича кўрилаётган чора-тадбирларнинг етарли даражада эмаслиги ва натижа бермаётганлиги кўрсатиб ўтилсин.
Ўзбекистон Республикаси Президенти ҳузуридаги Лойиҳа бошқаруви миллий агентлиги ва Соғлиқни сақлаш вазирлиги Ахборот технологиялари ва коммуникацияларини ривожлантириш вазирлиги билан биргаликда Ахборот тизимини белгиланган муддатларда жорий этиш жараёнини фаоллаштирсин ва жадаллаштирсин.
7. Ўзбекистон Республикаси Соғлиқни сақлаш вазирлиги:
уч ой муддатда Дори воситалари ва тиббий буюмларга электрон тарзда рецепт бериш ахборот тизими (кейинги ўринларда — Электрон рецепт бериш тизими)ни жорий этиш бўйича техник ҳужжатларни ишлаб чиқсин ва «Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Электрон ҳукумат ва рақамли иқтисодиёт лойиҳаларини бошқариш маркази» ДУКка киритсин;
2021 йил 1 январга қадар Электрон рецепт бериш тизими, шу жумладан давлат-хусусий шериклик шартлари асосида жорий этилишини таъминласин ва уни Ахборот тизими билан интеграциялаш имкониятини назарда тутсин.
8. Белгилаб қўйилсинки:
Ўзбекистон Республикаси Соғлиқни сақлаш вазирлиги Электрон рецепт бериш тизимининг буюртмачиси ҳисобланади;
2021 йил 1 мартдан бошлаб Электрон рецепт бериш тизими мулкчилик шакли ва идоравий мансублигидан қатъи назар Тошкент шаҳридаги барча тиббиёт ташкилотлари ва дорихоналари учун, 2022 йил 1 мартдан бошлаб эса босқичма-босқич республиканинг барча ҳудудларида қўлланилиши мажбурий ҳисобланади;
Электрон рецепт бериш тизимини ишлаб чиқиш, жорий этиш ва кейинчалик қўллаб-қувватлаш, шу жумладан ахборотлаштириш объектларини текширувдан ўтказиш, техник ва лойиҳаолди ҳужжатларини тайёрлаш, сервер, коммутация ва компьютер ускуналарини харид қилиш «Соғлиқни сақлаш» тармоғи учун ажратиладиган бюджет ажратмалари доирасида, шунингдек, халқаро молия институтлари, хорижий ҳукумат молия ташкилотлари ва донор мамлакатларнинг маблағлари, давлат-хусусий шериклик шартномаси доирасида хусусий шерик маблағлари ҳамда қонунчилик билан тақиқланмаган бошқа манбалар ҳисобидан амалга оширилади.
9. Ўзбекистон Республикаси Молия вазирлиги Соғлиқни сақлаш вазирлигининг асослантирилган ҳисоб-китоблари бўйича бир ой муддатда ахборотлаштириш объектларини текширувдан ўтказишга, техник ва лойиҳаолди ҳужжатларини тайёрлашга ҳамда Электрон рецепт бериш тизимини экспертиза қилишга Ўзбекистон Республикаси Давлат бюджетининг 2019 йилдаги «Соғлиқни сақлаш» тармоғи учун тасдиқланган параметрлари доирасида зарур маблағлар ажратилишини таъминласин.
Ўзбекистон Республикаси Инвестициялар ва ташқи савдо вазирлиги Соғлиқни сақлаш вазирлиги билан биргаликда 2020 йил 1 февралга қадар Электрон рецепт бериш тизимини ишлаб чиқиш ва жорий этишни белгиланган тартибда молиялаштириш учун халқаро молия институтлари, хорижий ҳукумат молия ташкилотлари ва донор мамлакатларнинг маблағлари жалб этилишини таъминласин.
10. Ўзбекистон Республикаси Соғлиқни сақлаш вазирлиги Ўзбекистон Республикаси Президенти ҳузуридаги Лойиҳа бошқаруви миллий агентлиги, Ахборот технологиялари ва коммуникацияларини ривожлантириш вазирлиги ҳамда Молия вазирлиги билан биргаликда икки ой муддатда Ўзбекистон Республикасида Электрон рецепт бериш тизимини ишлаб чиқиш, жорий этиш ва техник қўллаб-қувватлаш бўйича «Йўл харитаси»ни мазкур қарорнинг талабларини ҳисобга олиб ҳамда масъул ижрочилар ва аниқ муддатларни белгилаган ҳолда Ўзбекистон Республикаси Вазирлар Маҳкамасига киритсин.
11. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги Ўзбекистон Миллий телерадиокомпанияси, Соғлиқни сақлаш вазирлиги, Жисмоний тарбия ва спорт вазирлиги, Ички ишлар вазирлиги ва Ўзбекистон Ёшлар иттифоқи билан биргаликда икки ҳафта муддатда дори воситалари, шу жумладан таркибида кучли таъсир қилувчи моддалар мавжуд бўлган дори воситаларини шифокор рецептисиз истеъмол қилишнинг салбий оқибатлари тўғрисида оммавий ахборот воситалари ва интернет-ресурсларда ахборот-тарғибот ишларини кенг кўламда ташкил этиш бўйича медиа-режани тасдиқласин, бунда шу билан бирга жамиятда соғлом турмуш тарзига риоя этиш юзасидан махсус рукнлар ва мавзуга оид материаллар жойлаштирилиши назарда тутилсин.
12. Соғлиқни сақлаш вазирлиги манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 6 сентябрь,
ПҚ-4438-сон
Oʻzbekiston Respublikasi Prezidentining
Qarori
Dori vositalari noqonuniy aylanishining oldini olish choralarini kuchaytirish toʻgʻrisida
Dori vositalarining noqonuniy aylanishi va ularning suiisteʼmol qilinishiga yoʻl qoʻymaslik, kuchli taʼsir qiluvchi moddalar aylanishini tartibga solishni takomillashtirish, shuningdek, aholining sogʻligʻini saqlashni taʼminlash, har tomonlama barkamol avlodni tarbiyalash uchun qoʻshimcha imkoniyatlar va shart-sharoitlar yaratish maqsadida:
1. Oʻzbekiston Respublikasi Sogʻliqni saqlash vazirligi, Davlat xavfsizlik xizmati, Ichki ishlar vazirligi, Bosh prokuraturasi, Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi va Oʻzbekiston Yoshlar ittifoqining:
2019-yil 1-dekabrdan boshlab Oʻzbekiston Respublikasi Vazirlar Mahkamasi tomonidan belgilanadigan kuchli taʼsir qiluvchi moddalar roʻyxatiga kiritilgan alohida dori vositalari buyum-miqdor jihatdan hisobga olinishi lozim va ularning chakana realizatsiyasi (berilishi) faqat ijtimoiy dorixonalar, shuningdek, giyohvandlik vositalari va psixotrop moddalarni saqlash va realizatsiya qilish (berish) faoliyatiga litsenziyasi mavjud boʻlgan dorixonalar tomonidan amalga oshirilishi;
shifokor retsepti boʻyicha beriladigan dori vositalari va tibbiy buyumlar, shu jumladan kuchli taʼsir qiluvchi moddalar roʻyxatiga kiritilgan dori vositalarining noqonuniy chakana savdosi holatlariga barham berish boʻyicha tekshirishlar Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar Sogʻliqni saqlash bosh boshqarmasi tomonidan Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilga xabar berish tartibida, Tekshiruvlarni elektron roʻyxatga olish yagona tizimida roʻyxatdan oʻtkazish orqali amalga oshirilishi;
kuchli taʼsir qiluvchi moddalar roʻyxatiga Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi qoshida tashkil etiladigan idoralararo ekspert guruhi (keyingi oʻrinlarda — ekspert guruhi) takliflari asosida oʻzgartirish va qoʻshimchalar kiritilishi tartibini oʻrnatish toʻgʻrisidagi taklifi maʼqullansin.
2. Oʻzbekiston Respublikasi Vazirlar Mahkamasi bir hafta muddatda kuchli taʼsir qiluvchi moddalar roʻyxati va ekspert guruhining tarkibini tasdiqlasin.
3. Belgilansinki:
kuchli taʼsir qiluvchi moddalar roʻyxatiga kiritilgan dori vositalarini berish uchun yozilgan retseptlar dorixonalarda bir yil davomida saqlanadi;
mulkchilik shakli va idoraviy mansubligidan qatʼi nazar tibbiyot tashkilotlarida bemorga retseptli dori vositalarini belgilangan tartibda retseptni rasmiylashtirmasdan tayinlash taqiqlanadi;
2020-yil 1-yanvardan boshlab dori vositalari va tibbiy buyumlarning realizatsiya (berish) jarayonini uzluksiz ravishda videoga yozib olish va bir oy davomida video-yozuvlarni saqlash dori vositalari va tibbiy buyumlarni chakana realizatsiya qilishdagi litsenziya talabi hisoblanadi (qishloq oilaviy poliklinikalari va qishloq vrachlik punktlari hududida joylashgan dorixonalar va ularning filiallari bundan mustasno), mazkur talabning muntazam ravishda (bir yil davomida ikki va undan ortiq marta) buzilishi litsenziyaning amal qilishini oʻrnatilgan tartibda tugatish uchun asos boʻladi.
4. Oʻzbekiston Respublikasi Sogʻliqni saqlash vazirligi Ichki ishlar vazirligi, boshqa manfaatdor vazirlik va idoralar bilan birgalikda:
dori vositalarining notibbiy maqsadlarda isteʼmol qilinishi ustidan doimiy monitoring olib borsin va zarur hollarda ekspert guruhiga tegishli takliflarni kiritish choralarini koʻrsin;
ikki oy muddatda dori vositalari va tibbiy buyumlarni realizatsiya qilish qoidalarini buzganlik uchun maʼmuriy va jinoiy javobgarlikni takomillashtirishga oid, shu jumladan retsept boʻyicha dori vositalarini berish tartibini buzganlik uchun javobgarlikni nazarda tutuvchi qonun loyihasini Oʻzbekiston Respublikasi Vazirlar Mahkamasiga kiritsin.
5. Oʻzbekiston Respublikasi Sogʻliqni saqlash vazirligi Moliya vazirligi bilan birgalikda ikki oy muddatda Sogʻliqni saqlash vazirligi tizimi xodimlari shtatining umumiy cheklangan soni doirasida, dori vositalari va tibbiy buyumlarning chakana savdosiga qoʻyiladigan litsenziya talablariga rioya etilishi ustidan nazoratni taʼminlashga javobgar boʻlgan xodimlarning shtat sonini koʻpaytirish boʻyicha takliflar kiritsin.
6. Oʻzbekiston Respublikasi Sogʻliqni saqlash vazirligi hamda Axborot texnologiyalari va kommunikatsiyalarini rivojlantirish vazirligiga farmatsevtika mahsulotlari harakatini nazorat qilish va hisobga olishning axborot tizimini (keyingi oʻrinlarda — Axborot tizimi) yaratish boʻyicha koʻrilayotgan chora-tadbirlarning yetarli darajada emasligi va natija bermayotganligi koʻrsatib oʻtilsin.
Oʻzbekiston Respublikasi Prezidenti huzuridagi Loyiha boshqaruvi milliy agentligi va Sogʻliqni saqlash vazirligi Axborot texnologiyalari va kommunikatsiyalarini rivojlantirish vazirligi bilan birgalikda Axborot tizimini belgilangan muddatlarda joriy etish jarayonini faollashtirsin va jadallashtirsin.
7. Oʻzbekiston Respublikasi Sogʻliqni saqlash vazirligi:
uch oy muddatda Dori vositalari va tibbiy buyumlarga elektron tarzda retsept berish axborot tizimi (keyingi oʻrinlarda — Elektron retsept berish tizimi)ni joriy etish boʻyicha texnik hujjatlarni ishlab chiqsin va “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi” DUKka kiritsin;
2021-yil 1-yanvarga qadar Elektron retsept berish tizimi, shu jumladan davlat-xususiy sheriklik shartlari asosida joriy etilishini taʼminlasin va uni Axborot tizimi bilan integratsiyalash imkoniyatini nazarda tutsin.
8. Belgilab qoʻyilsinki:
Oʻzbekiston Respublikasi Sogʻliqni saqlash vazirligi Elektron retsept berish tizimining buyurtmachisi hisoblanadi;
2021-yil 1-martdan boshlab Elektron retsept berish tizimi mulkchilik shakli va idoraviy mansubligidan qatʼi nazar Toshkent shahridagi barcha tibbiyot tashkilotlari va dorixonalari uchun, 2022-yil 1-martdan boshlab esa bosqichma-bosqich respublikaning barcha hududlarida qoʻllanilishi majburiy hisoblanadi;
Elektron retsept berish tizimini ishlab chiqish, joriy etish va keyinchalik qoʻllab-quvvatlash, shu jumladan axborotlashtirish obyektlarini tekshiruvdan oʻtkazish, texnik va loyihaoldi hujjatlarini tayyorlash, server, kommutatsiya va kompyuter uskunalarini xarid qilish “Sogʻliqni saqlash” tarmogʻi uchun ajratiladigan budjet ajratmalari doirasida, shuningdek, xalqaro moliya institutlari, xorijiy hukumat moliya tashkilotlari va donor mamlakatlarning mablagʻlari, davlat-xususiy sheriklik shartnomasi doirasida xususiy sherik mablagʻlari hamda qonunchilik bilan taqiqlanmagan boshqa manbalar hisobidan amalga oshiriladi.
9. Oʻzbekiston Respublikasi Moliya vazirligi Sogʻliqni saqlash vazirligining asoslantirilgan hisob-kitoblari boʻyicha bir oy muddatda axborotlashtirish obyektlarini tekshiruvdan oʻtkazishga, texnik va loyihaoldi hujjatlarini tayyorlashga hamda Elektron retsept berish tizimini ekspertiza qilishga Oʻzbekiston Respublikasi Davlat budjetining 2019-yildagi “Sogʻliqni saqlash” tarmogʻi uchun tasdiqlangan parametrlari doirasida zarur mablagʻlar ajratilishini taʼminlasin.
Oʻzbekiston Respublikasi Investitsiyalar va tashqi savdo vazirligi Sogʻliqni saqlash vazirligi bilan birgalikda 2020-yil 1-fevralga qadar Elektron retsept berish tizimini ishlab chiqish va joriy etishni belgilangan tartibda moliyalashtirish uchun xalqaro moliya institutlari, xorijiy hukumat moliya tashkilotlari va donor mamlakatlarning mablagʻlari jalb etilishini taʼminlasin.
10. Oʻzbekiston Respublikasi Sogʻliqni saqlash vazirligi Oʻzbekiston Respublikasi Prezidenti huzuridagi Loyiha boshqaruvi milliy agentligi, Axborot texnologiyalari va kommunikatsiyalarini rivojlantirish vazirligi hamda Moliya vazirligi bilan birgalikda ikki oy muddatda Oʻzbekiston Respublikasida Elektron retsept berish tizimini ishlab chiqish, joriy etish va texnik qoʻllab-quvvatlash boʻyicha “Yoʻl xaritasi”ni mazkur qarorning talablarini hisobga olib hamda masʼul ijrochilar va aniq muddatlarni belgilagan holda Oʻzbekiston Respublikasi Vazirlar Mahkamasiga kiritsin.
11. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Oʻzbekiston Milliy teleradiokompaniyasi, Sogʻliqni saqlash vazirligi, Jismoniy tarbiya va sport vazirligi, Ichki ishlar vazirligi va Oʻzbekiston Yoshlar ittifoqi bilan birgalikda ikki hafta muddatda dori vositalari, shu jumladan tarkibida kuchli taʼsir qiluvchi moddalar mavjud boʻlgan dori vositalarini shifokor retseptisiz isteʼmol qilishning salbiy oqibatlari toʻgʻrisida ommaviy axborot vositalari va internet-resurslarda axborot-targʻibot ishlarini keng koʻlamda tashkil etish boʻyicha media-rejani tasdiqlasin, bunda shu bilan birga jamiyatda sogʻlom turmush tarziga rioya etish yuzasidan maxsus ruknlar va mavzuga oid materiallar joylashtirilishi nazarda tutilsin.
12. Sogʻliqni saqlash vazirligi manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 6-sentabr,
PQ-4438-son
Президента Республики Узбекистан
Постановление
Об усилении мер по предотвращению незаконного оборота лекарственных средств
В целях недопущения незаконного оборота лекарственных средств и злоупотребления ими, совершенствования порядка регулирования оборота сильнодействующих веществ, а также обеспечения охраны здоровья населения, создания дополнительных возможностей и условий для воспитания всесторонне развитого гармоничного поколения:
1. Одобрить предложения Министерства здравоохранения, Службы государственной безопасности, Министерства внутренних дел, Генеральной прокуратуры, Агентства по контролю за наркотиками и огнестрельным оружием при Администрации Президента Республики Узбекистан и Союза молодежи Узбекистана об установлении порядка, в соответствии с которым:
с 1 декабря 2019 года отдельные лекарственные средства, включенные в перечень сильнодействующих веществ, определяемый Кабинетом Министров Республики Узбекистан, подлежат предметно-количественному учету и их розничная реализация (отпуск) осуществляется исключительно социальными аптеками, а также аптеками, имеющими лицензию на хранение и реализацию (отпуск) наркотических средств и психотропных веществ;
проверки по пресечению фактов незаконной розничной реализации лекарственных средств и изделий медицинского назначения, отпускаемых по рецепту врача, в том числе включенных в перечень сильнодействующих веществ, осуществляются Министерством здравоохранения Республики Каракалпакстан, управлениями здравоохранения областей и Главным управлением здравоохранения города Ташкента в порядке уведомления Уполномоченного при Президенте Республики Узбекистан по защите прав и законных интересов субъектов предпринимательства путем их регистрации в Единой системе электронной регистрации проверок;
изменения и дополнения в перечень сильнодействующих веществ могут вноситься на основе предложений создаваемой для этих целей межведомственной экспертной группой при Агентстве по контролю за наркотиками и огнестрельным оружием при Администрации Президента Республики Узбекистан (далее — экспертная группа).
2. Кабинету Министров Республики Узбекистан в недельный срок утвердить перечень сильнодействующих веществ и состав экспертной группы.
3. Установить, что:
рецепты на отпуск лекарственных средств, включенных в перечень сильнодействующих веществ, хранятся в аптеках в течение одного года;
в медицинских организациях, независимо от форм собственности и ведомственной принадлежности, запрещается назначение больному рецептурных лекарственных средств без оформления рецепта в установленном порядке;
с 1 января 2020 года ведение бесперебойной видеофиксации и хранение в течение месяца видеозаписей процесса реализации (отпуска) лекарственных средств и изделий медицинского назначения являются лицензионным требованием при осуществлении розничной реализации лекарственных средств и изделий медицинского назначения (за исключением аптек и их филиалов, расположенных на территории сельских семейных поликлиник и сельских врачебных пунктов), а систематическое (два и более раз в течение одного года) нарушение данного требования — основанием для прекращения в установленном порядке действия лицензии.
4. Министерству здравоохранения совместно с Министерством внутренних дел Республики Узбекистан, другими заинтересованными министерствами и ведомствами:
вести постоянный мониторинг за потреблением лекарственных средств в немедицинских целях и при необходимости принимать меры по внесению соответствующих предложений в экспертную группу;
в двухмесячный срок внести в Кабинет Министров Республики Узбекистан проект закона по совершенствованию административной и уголовной ответственности за нарушение правил реализации лекарственных средств и изделий медицинского назначения, в том числе предусматривающий ответственность за нарушение порядка отпуска лекарственных средств по рецепту.
5. Министерству здравоохранения совместно с Министерством финансов Республики Узбекистан в двухмесячный срок внести предложения по увеличению количества штатных единиц работников, ответственных за обеспечение контроля за соблюдением лицензионных требований к розничной реализации лекарственных средств и изделий медицинского назначения, в пределах общей штатной численности работников системы Министерства здравоохранения.
6. Указать Министерству здравоохранения и Министерству по развитию информационных технологий и коммуникаций Республики Узбекистан на недостаточность и безрезультативность принимаемых мер по созданию информационной системы контроля и учета движения фармацевтической продукции (далее — Информационная система).
Национальному агентству проектного управления при Президенте Республики Узбекистан и Министерству здравоохранения совместно с Министерством по развитию информационных технологий и коммуникаций активизировать и ускорить процесс внедрения Информационной системы в установленные сроки.
7. Министерству здравоохранения Республики Узбекистан:
в трехмесячный срок разработать и внести в ГУП «Центр управления проектами электронного правительства и цифровой экономики при Национальном агентстве проектного управления при Президенте Республики Узбекистан» техническую документацию по внедрению Информационной системы электронной выдачи рецептов лекарственных средств и изделий медицинского назначения (далее — Система электронной выдачи рецептов);
в срок до 1 января 2021 года обеспечить внедрение Системы электронной выдачи рецептов, в том числе на условиях государственно-частного партнерства, предусмотрев возможность ее интеграции с Информационной системой.
8. Определить, что:
заказчиком Системы электронной выдачи рецептов является Министерство здравоохранения Республики Узбекистан;
с 1 марта 2021 года Система электронной выдачи рецептов является обязательной для использования всеми медицинскими организациями и аптеками города Ташкента, независимо от формы собственности и ведомственной принадлежности, а с 1 марта 2022 года — поэтапно во всех регионах республики;
финансирование работ по разработке, внедрению и дальнейшему сопровождению Системы электронной выдачи рецептов, в том числе обследованию объектов информатизации, подготовке технической и предпроектной документации, закупке серверного, коммутационного и компьютерного оборудования, осуществляется в пределах бюджетных ассигнований, выделяемых на отрасль «Здравоохранение», а также за счет средств международных финансовых институтов, зарубежных правительственных финансовых организаций и стран-доноров, частного партнера в рамках соглашения о государственно-частном партнерстве, других источников, не запрещенных законодательством.
9. Министерству финансов по обоснованным расчетам Министерства здравоохранения Республики Узбекистан в месячный срок обеспечить выделение необходимых средств на обследование объектов информатизации, подготовку технической и предпроектной документации, а также экспертизу Системы электронной выдачи рецептов в пределах утвержденных параметров Государственного бюджета Республики Узбекистан на отрасль «Здравоохранение» в 2019 году.
Министерству инвестиций и внешней торговли совместно с Министерством здравоохранения Республики Узбекистан в срок до 1 февраля 2020 года обеспечить привлечение средств международных финансовых институтов, зарубежных правительственных финансовых организаций и стран-доноров на финансирование разработки и внедрения Системы электронной выдачи рецептов в установленном порядке.
10. Министерству здравоохранения совместно с Национальным агентством проектного управления при Президенте Республики Узбекистан, Министерством по развитию информационных технологий и коммуникаций и Министерством финансов в двухмесячный срок внести в Кабинет Министров Республики Узбекистан «Дорожную карту» по разработке, внедрению и техническому сопровождению Системы электронной выдачи рецептов в Республике Узбекистан с определением конкретных сроков и ответственных исполнителей с учетом требований настоящего постановления.
11. Агентству информации и массовых коммуникаций при Администрации Президента Республики Узбекистан совместно с Национальной телерадиокомпанией Узбекистана, Министерством здравоохранения, Министерством физической культуры и спорта, Министерством внутренних дел и Союзом молодежи Узбекистана в двухнедельный срок утвердить медиаплан по организации широкой информационно-пропагандистской работы в средствах массовой информации и интернет-ресурсах о негативных последствиях употребления лекарственных средств, в том числе содержащих сильнодействующие вещества, без назначения врачей, предусмотрев наряду с этим размещение специальных рубрик и тематических материалов по ведению здорового образа жизни в обществе.
12. Министерству здравоохранения совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
Президент Республики Узбекистан Ш. МИРЗИЁЕВ
г. Ташкент,
6 сентября 2019 г.,
№ ПП-4438