📅 2019-yil 6-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 6 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 6 сентября 2019 г. · Указы Президента
Официальный текст. Официальный документ. Редакционные примечания не включены.
📅 6 September 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ГРАФИГИ
Савдо ва хизмат кўрсатиш соҳасидаги ҳисоб-китоблар тизимига замонавий ахборот технологияларини жорий қилиш ҳамда ушбу соҳада жамоатчилик назоратини кучайтириш чора-тадбирлари тўғрисида
Хусусий секторни қўллаб-қувватлаш бўйича қабул қилинган комплекс чора-тадбирлар натижасида тадбиркорлик субъектлари сонини янада кўпайтириш ҳамда улар томонидан истеъмолчиларга кўрсатилаётган хизматлар турларини кенгайтириш учун зарур шарт-шароитлар яратилмоқда.
Мамлакат иқтисодиётини узоқ муддатли ривожлантириш борасида кенг кўламли ислоҳотлар амалга оширилаётган шароитда ахборот технологиялари воситасида истеъмолчилар, тадбиркорлик субъектлари ва давлат солиқ хизмати органларининг уйғунлашган фаолияти алоҳида аҳамият касб этади.
Савдо ва хизмат кўрсатиш соҳасини янада эркинлаштириш, унинг ҳажмини кескин ошириш, ҳисоб-китоблар тизимига замонавий ахборот технологияларини кенг жорий қилиш ҳамда ушбу соҳада жамоатчилик назоратини амалга ошириш учун зарур шарт-шароитлар яратиш мақсадида:
1. Ўзбекистон Республикаси Давлат солиқ қўмитаси, Молия вазирлиги, Марказий банки, Савдо-саноат палатасининг савдо (хизмат кўрсатиш) шохобчаларида аҳоли билан нақд пулда ва (ёки) банк пластик карталари орқали амалга оширилган ҳисоб-китоблар тўғрисидаги маълумотларни давлат солиқ хизмати органларига онлайн режимида узатиб бориш функциясига эга бўлган маълумотлар алмашинуви платформаси — виртуал кассаларни (кейинги ўринларда — виртуал касса) онлайн назорат касса машиналари (кейинги ўринларда — онлайн-НКМ) қаторида жорий этиш тўғрисидаги таклифи маъқуллансин.
2. Ўзбекистон Республикаси Давлат солиқ қўмитаси ҳузуридаги «Янги технологиялар» илмий-ахборот маркази» Давлат унитар корхонаси онлайн режимида қабул қилинган фискал маълумотларни мустақил ва доимий равишда қабул қилиш, қайта ишлаш, криптографик ҳимоя қилиш ва сақлаш ишларини бажарувчи фискал маълумотлар оператори (кейинги ўринларда — оператор) этиб белгилансин.
3. Шундай тартиб ўрнатилсинки, унга мувофиқ:
а) тадбиркорлик субъектлари онлайн-НКМ ёки виртуал кассадан фойдаланишга ўтган тақдирда:
уларга нисбатан амалдаги фискал хотирага эга бўлган назорат-касса машиналарини ишлатиш, кассир-операциячи томонидан назорат-касса дафтарини юритиш ҳамда иш куни охирида ҳар бир назорат-касса машинаси бўйича кунлик ҳисоботни чиқариб олиш мажбуриятлари бекор қилинади;
кунлик ўртача нақд пул тушуми миқдоридан қатъи назар нақд пулни банк кассаларига инкассация хизматлари орқали ўзлари белгилаган даврларда ёки мустақил равишда топшириш ҳуқуқига эга;
уларга ҳисобланган ва тўланиши лозим бўлган фойда солиғи ёки ягона солиқ тўлови ёхуд қатъий белгиланган солиқ суммасини онлайн-НКМни 2021 йил 1 январга қадар давлат солиқ хизмати органларида рўйхатга қўйиш шарти билан, унинг ҳар бирини харид қилиш, ўрнатиш ва ишга тушириш билан боғлиқ харажатлар суммасига, лекин базавий ҳисоблаш миқдорининг 10 бараваридан ошмаган миқдорда камайтириш ҳуқуқи берилади;
виртуал касса дастурий маҳсулотининг асос қисми (базаси) уларга Ўзбекистон Республикаси Давлат солиқ қўмитаси томонидан бепул берилади;
б) жисмоний шахсларнинг банк пластик карталари ёки чегирма (дисконт) карталарига оммавий оферта шартлари асосида ўтказилган бонуслар (пул, балл ва бошқа бирликлар) шаклидаги маблағлар (cashback) жисмоний шахслардан олинадиган даромад солиғи базаси сифатида қаралмайди;
в) жисмоний шахсларнинг уй хўжалиги шароитида, шу жумладан деҳқон хўжалигида етиштирилган чорвачилик, асаларичилик ва деҳқончилик маҳсулотларини табиий ва қайта ишланган ҳолда, саноатда қайта ишлашдан ташқари, сотишдан, шунингдек, ҳайвонларни тирик ёки уларни сўйиб сотишдан оладиган даромадлари жисмоний шахслардан олинадиган даромад солиғидан озод қилинишида, реализация қилинган маҳсулот жисмоний шахс ёки унинг оила аъзоларига ажратилган томорқа ер участкасида етиштирилганлигини тасдиқловчи ҳужжатни талаб қилиш тартиби бекор қилинади.
4. Нақд пул тушумига эга бўлган тадбиркорлик субъектларининг онлайн назорат касса машиналари ёки виртуал кассадан фойдаланишга босқичма-босқич ўтказиш графиги иловага мувофиқ тасдиқлансин.
Белгилансинки, Ўзбекистон Республикаси Ахборот технологиялари ва коммуникацияларини ривожлантириш вазирлиги Давлат солиқ қўмитаси, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда 2020 йил 1 январдан бошлаб ҳар йили олис, етиб бориш қийин бўлган аҳоли пунктлари рўйхатини тасдиқлайди ва ушбу ҳудудларда фаолият юритаётган тадбиркорлик субъектларига мазкур Фармон билан тасдиқланган график татбиқ этилмайди.
5. Белгилансинки, онлайн-НКМ ёки виртуал кассадан фойдаланишга ўтган тадбиркорлик субъектлари томонидан:
тақдим қилинган харид чекида (кейинги ўринларда — чек) товарлар (ишлар, хизматлар) номи, миқдори, қиймати (нархи), суммаси, қўшилган қиймат солиғи тўловчиси бўлганда қўшилган қиймат солиғи ставкаси ва суммаси, шунингдек QR-код ва фискал белги мажбурий тартибда акс эттирилади. Ушбу маълумотлар акс эттирилмаган чеклар ҳақиқий ҳисобланмайди;
маълумотларни операторга реал вақт режимида етказиб беришнинг техник имконияти мавжуд бўлмаган тақдирда чеклар оффлайн режимида берилиши мумкин. Бунда маълумотлар операторга 24 соат мобайнида узатилиши шарт;
тўлов терминали орқали қабул қилинган тўловлар учун харидорларга тўлов терминали чеки билан бирга онлайн-НКМ ёки виртуал касса чеки ҳам берилиши шарт.
Ушбу Фармон билан тасдиқланган графикда кўрсатилган муддатлар тугагандан кейин онлайн-НКМ ёки виртуал кассадан фойдаланмасдан товарларни реализация қилиш, ишларни бажариш ва хизматлар кўрсатиш, онлайн-НКМ ёки виртуал касса орқали чек тақдим этмаслик ёки фискал белгига эга бўлмаган чекларни тақдим қилиш — фискал хотирали назорат-касса машиналарини ёки ҳисоб-китоб терминалларини ишлатиш мажбурий бўлгани ҳолда уларни ишлатмасдан савдони амалга оширганлик ва хизматлар кўрсатганлик деб баҳоланади ҳамда қонунчиликда белгиланган тартибда жавобгарликка тортиш учун асос бўлади.
6. Ўзбекистон Республикаси Давлат солиқ қўмитаси ва Молия вазирлигининг 2019 йил 1 октябрдан Тошкент шаҳридаги онлайн-НКМ ёки виртуал кассадан фойдаланишга ўтган тадбиркорлик субъектлари томонидан тақдим қилинган чеклардаги QR-код ёки фискал белгилар асосида ютуқли ўйинларни ташкил қилиш бўйича тажриба ўтказиш тўғрисидаги таклифига розилик берилсин.
Ўзбекистон Республикаси Молия вазирлиги 2019 йил 1 ноябрга қадар ютуқли ўйинлар ташкил этиш учун Давлат бюджети маблағлари ҳисобидан бир миллиард сўм миқдорида маблағ ажратсин.
7. Ўзбекистон Республикаси Давлат солиқ қўмитаси Молия вазирлиги билан биргаликда 2020 йил 1 июлга қадар тажриба натижаларига кўра уни Республиканинг бошқа ҳудудларида ҳам жорий этиш бўйича Вазирлар Маҳкамасига асослантирилган таклиф киритсин.
8. Ўзбекистон Республикаси Давлат солиқ қўмитаси Капитал бозорини ривожлантириш агентлиги билан биргаликда 2019 йил 1 октябрга қадар чекларни рўйхатдан ўтказган жисмоний шахслар орасида ютуқли ўйинларни ўтказиш бўйича тартиб ишлаб чиқсин ва ўрнатилган тартибда тасдиқласин.
9. «Ўзэлтехсаноат» уюшмасига Ўзбекистон Республикаси Давлат солиқ қўмитаси билан биргаликда:
уюшма таркибига кирувчи корхоналар негизида онлайн-НКМ, маълумотларни онлайн режимда давлат солиқ хизмати органларига узатиш функциясига эга бўлган махсус қурилмалар ишлаб чиқаришни йўлга қўйиш;
онлайн-НКМ ва виртуал кассанинг узлуксиз ишлашини таъминлаш учун барча ҳудудларда техник хизмат кўрсатиш марказларини ташкил этиш тавсия этилсин.
10. Ўзбекистон Республикаси Давлат солиқ қўмитаси 2019 йил 1 октябрга қадар муддатда:
тадбиркорлик субъектлари томонидан сотилган маҳсулотлар (ишлар ва хизматлар) бўйича маълумотларни давлат солиқ хизмати органларига онлайн режимида узатишни таъминловчи виртуал касса ҳамда фискал модул учун махсус дастурий таъминотни ишлаб чиқсин ва жорий қилсин;
харидорлар томонидан чеклардаги QR-код ёки фискал белгиларни мобиль илова ёки Давлат солиқ қўмитасининг расмий сайти орқали рўйхатга олиш тизимини жорий қилсин;
Ўзбекистон Республикаси ҳудудида қўлланилиши рухсат этилган онлайн-НКМ, виртуал касса ва фискал модулга қўйиладиган техник талабларни, уларнинг ягона реестрини ҳамда уларга техник хизмат кўрсатиш марказларининг Давлат реестрини юритишни, шунингдек, давлат солиқ хизмати органларида рўйхатга қўйиш тартибини ишлаб чиқсин ва тасдиқлаш учун Вазирлар Маҳкамасига киритсин.
11. Ўзбекистон Республикаси Давлат солиқ қўмитаси Молия вазирлиги ҳамда манфаатдор вазирлик ва идоралар билан биргаликда икки ой муддатда онлайн-НКМ ёки виртуал касса орқали чек тақдим этмаслик ёки QR-кодга (ёхуд фискал белгиларга) эга бўлмаган чекларни тақдим қилиш ҳаракатлари юзасидан «масофадан текширув» тизимини ҳамда жавобгарликка тортиш тартибини ишлаб чиқсин ва ўрнатилган тартибда тасдиқласин.
12. Ўзбекистон Республикаси Давлат солиқ қўмитаси раиси Б.А. Мусаев, Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари зиммасига — ушбу Фармон билан тасдиқланган графикка асосан республикадаги нақд пул тушумига эга бўлган тадбиркорлик субъектларини онлайн-НКМ ёки виртуал кассадан фойдаланишга босқичма-босқич ўтказиш;
Ўзбекистон Республикаси Давлат солиқ қўмитаси раиси Б.А. Мусаев, молия вазирининг биринчи ўринбосари Т.А. Ишметов, Тошкент шаҳар ҳокими Ж.А. Ортиқхўжаев зиммасига — Тошкент шаҳридаги онлайн-НКМ ёки виртуал кассадан фойдаланишга ўтган тадбиркорлик субъектлари томонидан тақдим қилинган чеклардаги QR-код ёки фискал белгилар асосида ютуқли ўйинларни ташкил қилиш бўйича жавобгарлик юклансин.
13. Ўзбекистон Миллий ахборот агентлиги, Ўзбекистон Миллий телерадиокомпаниясига мазкур Фармоннинг мақсад ва вазифалари, мазмун-моҳияти ва унинг амалга ошириш жараёнларини оммавий ахборот воситаларида кенг ёритилишини ташкил этиш тавсия этилсин.
14. Ўзбекистон Республикаси Президентининг 1996 йил 9 августдаги «Бюджет билан ҳисоб-китоблар учун хўжалик юритувчи субъектларнинг масъулиятини ошириш чора-тадбирлари тўғрисида»ги ПФ-1504-сон Фармони 3-бандининг бешинчи хатбошиси қуйидаги таҳрирда баён этилсин:
«нақд пул тушумига эга бўлган барча хўжалик юритувчи субъектлар нақд пул тушумини банкларга топширадилар. Бунда, базавий ҳисоблаш миқдорининг 20 бараваридан ортиқ миқдорда кунлик ўртача нақд пул тушумига эга бўлган хўжалик юритувчи субъектлар нақд пул тушумини банк кассаларига ҳар куни инкассация хизмати орқали ёки мустақил равишда топширадилар. Кўрсатилган ҳажмдан кам бўлган кунлик ўртача нақд пул тушумига эга бўлган ёки онлайн назорат-касса машиналаридан (ёхуд виртуал кассадан) фойдаланишга ўтган хўжалик юритувчи субъектлар нақд пул тушумини банк кассаларига инкассация хизматлари орқали ўзлари белгилайдиган даврларда ёки мустақил равишда топшириш ҳуқуқига эга».
15. Ўзбекистон Республикаси Давлат солиқ қўмитаси бошқа манфаатдор вазирлик ва идоралар билан биргаликда бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
16. Ўзбекистон Республикаси Молия вазирлиги Ўзбекистон Республикаси Солиқ кодексининг янги таҳрирдаги лойиҳасида ушбу Фармонда кўрсатиб ўтилган нормаларни назарда тутсин.
17. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчиси Р.А. Гулямов ва Ўзбекистон Республикаси Бош вазири ўринбосари — молия вазири Ж.А. Қўчқоров зиммасига юклансин.
Ўзбекистон Республикаси Президентининг 2019 йил 6 сентябрдаги ПФ-5813-сон Фармонига ИЛОВА
Нақд пул тушумига эга бўлган тадбиркорлик субъектларининг онлайн назорат касса машиналари ёки виртуал кассадан фойдаланишга босқичма-босқич ўтказиш
Т/р Тадбиркорлик субъектлари тоифаси Муддати 1. Алкоголь ва тамаки маҳсулотлари, дори-дармон, автомобилларга бензин, дизель ёқилғиси ва газ ёқилғиси савдоси билан шуғулланувчи тадбиркорлик субъектлари 2020 йил 1 январь 2. Ўтган йил якунлари бўйича йиллик обороти (тушуми) беш миллиард сўмдан ошган тадбиркорлик субъектлари 2020 йил 1 август 3. Ўтган йил якунлари бўйича йиллик обороти (тушуми) юз миллион сўмдан ошган ёки йил давомида ушбу чегаравий миқдорга етган тадбиркорлик субъектлари 2021 йил 1 январь 4. Барча тадбиркорлик субъектлари 2022 йил 1 январь
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 6 сентябрь,
ПФ-5813-сон
Oʻzbekiston Respublikasi Prezidentining
Farmoni
GRAFIGI
Savdo va xizmat koʻrsatish sohasidagi hisob-kitoblar tizimiga zamonaviy axborot texnologiyalarini joriy qilish hamda ushbu sohada jamoatchilik nazoratini kuchaytirish chora-tadbirlari toʻgʻrisida
Xususiy sektorni qoʻllab-quvvatlash boʻyicha qabul qilingan kompleks chora-tadbirlar natijasida tadbirkorlik subyektlari sonini yanada koʻpaytirish hamda ular tomonidan isteʼmolchilarga koʻrsatilayotgan xizmatlar turlarini kengaytirish uchun zarur shart-sharoitlar yaratilmoqda.
Mamlakat iqtisodiyotini uzoq muddatli rivojlantirish borasida keng koʻlamli islohotlar amalga oshirilayotgan sharoitda axborot texnologiyalari vositasida isteʼmolchilar, tadbirkorlik subyektlari va davlat soliq xizmati organlarining uygʻunlashgan faoliyati alohida ahamiyat kasb etadi.
Savdo va xizmat koʻrsatish sohasini yanada erkinlashtirish, uning hajmini keskin oshirish, hisob-kitoblar tizimiga zamonaviy axborot texnologiyalarini keng joriy qilish hamda ushbu sohada jamoatchilik nazoratini amalga oshirish uchun zarur shart-sharoitlar yaratish maqsadida:
1. Oʻzbekiston Respublikasi Davlat soliq qoʻmitasi, Moliya vazirligi, Markaziy banki, Savdo-sanoat palatasining savdo (xizmat koʻrsatish) shoxobchalarida aholi bilan naqd pulda va (yoki) bank plastik kartalari orqali amalga oshirilgan hisob-kitoblar toʻgʻrisidagi maʼlumotlarni davlat soliq xizmati organlariga onlayn rejimida uzatib borish funksiyasiga ega boʻlgan maʼlumotlar almashinuvi platformasi — virtual kassalarni (keyingi oʻrinlarda — virtual kassa) onlayn nazorat kassa mashinalari (keyingi oʻrinlarda — onlayn-NKM) qatorida joriy etish toʻgʻrisidagi taklifi maʼqullansin.
2. Oʻzbekiston Respublikasi Davlat soliq qoʻmitasi huzuridagi “Yangi texnologiyalar” ilmiy-axborot markazi” Davlat unitar korxonasi onlayn rejimida qabul qilingan fiskal maʼlumotlarni mustaqil va doimiy ravishda qabul qilish, qayta ishlash, kriptografik himoya qilish va saqlash ishlarini bajaruvchi fiskal maʼlumotlar operatori (keyingi oʻrinlarda — operator) etib belgilansin.
3. Shunday tartib oʻrnatilsinki, unga muvofiq:
a) tadbirkorlik subyektlari onlayn-NKM yoki virtual kassadan foydalanishga oʻtgan taqdirda:
ularga nisbatan amaldagi fiskal xotiraga ega boʻlgan nazorat-kassa mashinalarini ishlatish, kassir-operatsiyachi tomonidan nazorat-kassa daftarini yuritish hamda ish kuni oxirida har bir nazorat-kassa mashinasi boʻyicha kunlik hisobotni chiqarib olish majburiyatlari bekor qilinadi;
kunlik oʻrtacha naqd pul tushumi miqdoridan qatʼi nazar naqd pulni bank kassalariga inkassatsiya xizmatlari orqali oʻzlari belgilagan davrlarda yoki mustaqil ravishda topshirish huquqiga ega;
ularga hisoblangan va toʻlanishi lozim boʻlgan foyda soligʻi yoki yagona soliq toʻlovi yoxud qatʼiy belgilangan soliq summasini onlayn-NKMni 2021-yil 1-yanvarga qadar davlat soliq xizmati organlarida roʻyxatga qoʻyish sharti bilan, uning har birini xarid qilish, oʻrnatish va ishga tushirish bilan bogʻliq xarajatlar summasiga, lekin bazaviy hisoblash miqdorining 10 baravaridan oshmagan miqdorda kamaytirish huquqi beriladi;
virtual kassa dasturiy mahsulotining asos qismi (bazasi) ularga Oʻzbekiston Respublikasi Davlat soliq qoʻmitasi tomonidan bepul beriladi;
b) jismoniy shaxslarning bank plastik kartalari yoki chegirma (diskont) kartalariga ommaviy oferta shartlari asosida oʻtkazilgan bonuslar (pul, ball va boshqa birliklar) shaklidagi mablagʻlar (cashback) jismoniy shaxslardan olinadigan daromad soligʻi bazasi sifatida qaralmaydi;
v) jismoniy shaxslarning uy xoʻjaligi sharoitida, shu jumladan dehqon xoʻjaligida yetishtirilgan chorvachilik, asalarichilik va dehqonchilik mahsulotlarini tabiiy va qayta ishlangan holda, sanoatda qayta ishlashdan tashqari, sotishdan, shuningdek, hayvonlarni tirik yoki ularni soʻyib sotishdan oladigan daromadlari jismoniy shaxslardan olinadigan daromad soligʻidan ozod qilinishida, realizatsiya qilingan mahsulot jismoniy shaxs yoki uning oila aʼzolariga ajratilgan tomorqa yer uchastkasida yetishtirilganligini tasdiqlovchi hujjatni talab qilish tartibi bekor qilinadi.
4. Naqd pul tushumiga ega boʻlgan tadbirkorlik subyektlarining onlayn nazorat kassa mashinalari yoki virtual kassadan foydalanishga bosqichma-bosqich oʻtkazish grafigi ilovaga muvofiq tasdiqlansin.
Belgilansinki, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Davlat soliq qoʻmitasi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 2020-yil 1-yanvardan boshlab har yili olis, yetib borish qiyin boʻlgan aholi punktlari roʻyxatini tasdiqlaydi va ushbu hududlarda faoliyat yuritayotgan tadbirkorlik subyektlariga mazkur Farmon bilan tasdiqlangan grafik tatbiq etilmaydi.
5. Belgilansinki, onlayn-NKM yoki virtual kassadan foydalanishga oʻtgan tadbirkorlik subyektlari tomonidan:
taqdim qilingan xarid chekida (keyingi oʻrinlarda — chek) tovarlar (ishlar, xizmatlar) nomi, miqdori, qiymati (narxi), summasi, qoʻshilgan qiymat soligʻi toʻlovchisi boʻlganda qoʻshilgan qiymat soligʻi stavkasi va summasi, shuningdek QR-kod va fiskal belgi majburiy tartibda aks ettiriladi. Ushbu maʼlumotlar aks ettirilmagan cheklar haqiqiy hisoblanmaydi;
maʼlumotlarni operatorga real vaqt rejimida yetkazib berishning texnik imkoniyati mavjud boʻlmagan taqdirda cheklar offlayn rejimida berilishi mumkin. Bunda maʼlumotlar operatorga 24 soat mobaynida uzatilishi shart;
toʻlov terminali orqali qabul qilingan toʻlovlar uchun xaridorlarga toʻlov terminali cheki bilan birga onlayn-NKM yoki virtual kassa cheki ham berilishi shart.
Ushbu Farmon bilan tasdiqlangan grafikda koʻrsatilgan muddatlar tugagandan keyin onlayn-NKM yoki virtual kassadan foydalanmasdan tovarlarni realizatsiya qilish, ishlarni bajarish va xizmatlar koʻrsatish, onlayn-NKM yoki virtual kassa orqali chek taqdim etmaslik yoki fiskal belgiga ega boʻlmagan cheklarni taqdim qilish — fiskal xotirali nazorat-kassa mashinalarini yoki hisob-kitob terminallarini ishlatish majburiy boʻlgani holda ularni ishlatmasdan savdoni amalga oshirganlik va xizmatlar koʻrsatganlik deb baholanadi hamda qonunchilikda belgilangan tartibda javobgarlikka tortish uchun asos boʻladi.
6. Oʻzbekiston Respublikasi Davlat soliq qoʻmitasi va Moliya vazirligining 2019-yil 1-oktabrdan Toshkent shahridagi onlayn-NKM yoki virtual kassadan foydalanishga oʻtgan tadbirkorlik subyektlari tomonidan taqdim qilingan cheklardagi QR-kod yoki fiskal belgilar asosida yutuqli oʻyinlarni tashkil qilish boʻyicha tajriba oʻtkazish toʻgʻrisidagi taklifiga rozilik berilsin.
Oʻzbekiston Respublikasi Moliya vazirligi 2019-yil 1-noyabrga qadar yutuqli oʻyinlar tashkil etish uchun Davlat budjeti mablagʻlari hisobidan bir milliard soʻm miqdorida mablagʻ ajratsin.
7. Oʻzbekiston Respublikasi Davlat soliq qoʻmitasi Moliya vazirligi bilan birgalikda 2020-yil 1-iyulga qadar tajriba natijalariga koʻra uni Respublikaning boshqa hududlarida ham joriy etish boʻyicha Vazirlar Mahkamasiga asoslantirilgan taklif kiritsin.
8. Oʻzbekiston Respublikasi Davlat soliq qoʻmitasi Kapital bozorini rivojlantirish agentligi bilan birgalikda 2019-yil 1-oktabrga qadar cheklarni roʻyxatdan oʻtkazgan jismoniy shaxslar orasida yutuqli oʻyinlarni oʻtkazish boʻyicha tartib ishlab chiqsin va oʻrnatilgan tartibda tasdiqlasin.
9. “Oʻzeltexsanoat” uyushmasiga Oʻzbekiston Respublikasi Davlat soliq qoʻmitasi bilan birgalikda:
uyushma tarkibiga kiruvchi korxonalar negizida onlayn-NKM, maʼlumotlarni onlayn rejimda davlat soliq xizmati organlariga uzatish funksiyasiga ega boʻlgan maxsus qurilmalar ishlab chiqarishni yoʻlga qoʻyish;
onlayn-NKM va virtual kassaning uzluksiz ishlashini taʼminlash uchun barcha hududlarda texnik xizmat koʻrsatish markazlarini tashkil etish tavsiya etilsin.
10. Oʻzbekiston Respublikasi Davlat soliq qoʻmitasi 2019-yil 1-oktabrga qadar muddatda:
tadbirkorlik subyektlari tomonidan sotilgan mahsulotlar (ishlar va xizmatlar) boʻyicha maʼlumotlarni davlat soliq xizmati organlariga onlayn rejimida uzatishni taʼminlovchi virtual kassa hamda fiskal modul uchun maxsus dasturiy taʼminotni ishlab chiqsin va joriy qilsin;
xaridorlar tomonidan cheklardagi QR-kod yoki fiskal belgilarni mobil ilova yoki Davlat soliq qoʻmitasining rasmiy sayti orqali roʻyxatga olish tizimini joriy qilsin;
Oʻzbekiston Respublikasi hududida qoʻllanilishi ruxsat etilgan onlayn-NKM, virtual kassa va fiskal modulga qoʻyiladigan texnik talablarni, ularning yagona reyestrini hamda ularga texnik xizmat koʻrsatish markazlarining Davlat reyestrini yuritishni, shuningdek, davlat soliq xizmati organlarida roʻyxatga qoʻyish tartibini ishlab chiqsin va tasdiqlash uchun Vazirlar Mahkamasiga kiritsin.
11. Oʻzbekiston Respublikasi Davlat soliq qoʻmitasi Moliya vazirligi hamda manfaatdor vazirlik va idoralar bilan birgalikda ikki oy muddatda onlayn-NKM yoki virtual kassa orqali chek taqdim etmaslik yoki QR-kodga (yoxud fiskal belgilarga) ega boʻlmagan cheklarni taqdim qilish harakatlari yuzasidan “masofadan tekshiruv” tizimini hamda javobgarlikka tortish tartibini ishlab chiqsin va oʻrnatilgan tartibda tasdiqlasin.
12. Oʻzbekiston Respublikasi Davlat soliq qoʻmitasi raisi B.A. Musayev, Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari zimmasiga — ushbu Farmon bilan tasdiqlangan grafikka asosan respublikadagi naqd pul tushumiga ega boʻlgan tadbirkorlik subyektlarini onlayn-NKM yoki virtual kassadan foydalanishga bosqichma-bosqich oʻtkazish;
Oʻzbekiston Respublikasi Davlat soliq qoʻmitasi raisi B.A. Musayev, moliya vazirining birinchi oʻrinbosari T.A. Ishmetov, Toshkent shahar hokimi J.A. Ortiqxoʻjayev zimmasiga — Toshkent shahridagi onlayn-NKM yoki virtual kassadan foydalanishga oʻtgan tadbirkorlik subyektlari tomonidan taqdim qilingan cheklardagi QR-kod yoki fiskal belgilar asosida yutuqli oʻyinlarni tashkil qilish boʻyicha javobgarlik yuklansin.
13. Oʻzbekiston Milliy axborot agentligi, Oʻzbekiston Milliy teleradiokompaniyasiga mazkur Farmonning maqsad va vazifalari, mazmun-mohiyati va uning amalga oshirish jarayonlarini ommaviy axborot vositalarida keng yoritilishini tashkil etish tavsiya etilsin.
14. Oʻzbekiston Respublikasi Prezidentining 1996-yil 9-avgustdagi “Budjet bilan hisob-kitoblar uchun xoʻjalik yurituvchi subyektlarning masʼuliyatini oshirish chora-tadbirlari toʻgʻrisida”gi PF-1504-son Farmoni 3-bandining beshinchi xatboshisi quyidagi tahrirda bayon etilsin:
“naqd pul tushumiga ega boʻlgan barcha xoʻjalik yurituvchi subyektlar naqd pul tushumini banklarga topshiradilar. Bunda, bazaviy hisoblash miqdorining 20 baravaridan ortiq miqdorda kunlik oʻrtacha naqd pul tushumiga ega boʻlgan xoʻjalik yurituvchi subyektlar naqd pul tushumini bank kassalariga har kuni inkassatsiya xizmati orqali yoki mustaqil ravishda topshiradilar. Koʻrsatilgan hajmdan kam boʻlgan kunlik oʻrtacha naqd pul tushumiga ega boʻlgan yoki onlayn nazorat-kassa mashinalaridan (yoxud virtual kassadan) foydalanishga oʻtgan xoʻjalik yurituvchi subyektlar naqd pul tushumini bank kassalariga inkassatsiya xizmatlari orqali oʻzlari belgilaydigan davrlarda yoki mustaqil ravishda topshirish huquqiga ega”.
15. Oʻzbekiston Respublikasi Davlat soliq qoʻmitasi boshqa manfaatdor vazirlik va idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
16. Oʻzbekiston Respublikasi Moliya vazirligi Oʻzbekiston Respublikasi Soliq kodeksining yangi tahrirdagi loyihasida ushbu Farmonda koʻrsatib oʻtilgan normalarni nazarda tutsin.
17. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi R.A. Gulyamov va Oʻzbekiston Respublikasi Bosh vaziri oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidentining 2019-yil 6-sentabrdagi PF-5813-son Farmoniga ILOVA
Naqd pul tushumiga ega boʻlgan tadbirkorlik subyektlarining onlayn nazorat kassa mashinalari yoki virtual kassadan foydalanishga bosqichma-bosqich oʻtkazish
T/r Tadbirkorlik subyektlari toifasi Muddati 1. Alkogol va tamaki mahsulotlari, dori-darmon, avtomobillarga benzin, dizel yoqilgʻisi va gaz yoqilgʻisi savdosi bilan shugʻullanuvchi tadbirkorlik subyektlari 2020-yil 1-yanvar 2. Oʻtgan yil yakunlari boʻyicha yillik oboroti (tushumi) besh milliard soʻmdan oshgan tadbirkorlik subyektlari 2020-yil 1-avgust 3. Oʻtgan yil yakunlari boʻyicha yillik oboroti (tushumi) yuz million soʻmdan oshgan yoki yil davomida ushbu chegaraviy miqdorga yetgan tadbirkorlik subyektlari 2021-yil 1-yanvar 4. Barcha tadbirkorlik subyektlari 2022-yil 1-yanvar
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 6-sentabr,
PF-5813-son
Президента Республики Узбекистан
Указ
ГРАФИК
О мерах по внедрению современных информационных технологий в систему расчетов в сфере торговли и оказания услуг, а также усилению общественного контроля в данной сфере
В результате принятых комплексных мер по поддержке частного сектора создаются необходимые условия для дальнейшего увеличения количества субъектов предпринимательства и расширения видов услуг, оказываемых ими потребителям.
В условиях осуществления широкомасштабных реформ в направлении долгосрочного развития экономики страны особое значение приобретает гармоничная деятельность потребителей, субъектов предпринимательства и органов государственной налоговой службы посредством информационных технологий.
В целях создания необходимых условий для дальнейшей либерализации сферы торговли и оказания услуг, кардинального увеличения их объемов, широкого внедрения современных информационных технологий в систему расчетов и осуществления общественного контроля в данной сфере:
1. Одобрить предложение Государственного налогового комитета, Министерства финансов, Центрального банка и Торгово-промышленной палаты Республики Узбекистан о внедрении наряду с онлайн-контрольно-кассовыми машинами (далее — онлайн-ККМ) платформы обмена данными — виртуальных касс (далее — виртуальная касса) с функцией передачи в режиме онлайн органам государственной налоговой службы данных о расчетах с населением через торговые точки (точки оказания услуг) в наличной форме и (или) посредством банковских пластиковых карт.
2. Определить Государственное унитарное предприятие «Научно-информационный центр «Янги технологиялар» при Государственном налоговом комитете Республики Узбекистан оператором фискальных данных (далее — оператор), выполняющим функции по самостоятельному и непрерывному приему, переработке, криптографической защите и хранению фискальных данных, полученных в режиме онлайн.
3. Установить порядок, в соответствии с которым:
а) при переходе субъектов предпринимательства на использование онлайн-ККМ либо виртуальной кассы:
в отношении них отменяются обязательства по применению действующих контрольно-кассовых машин с фискальной памятью, ведению кассиром-операционистом контрольно-кассовой книги, снятию в конце рабочего дня ежедневного отчета по каждой контрольно-кассовой машине;
они вправе, независимо от объема средней дневной наличной выручки, сдавать ее в кассы банков через службы инкассации в определенные ими периоды либо самостоятельно;
им предоставляется право уменьшения суммы начисленного и подлежащего уплате налога на прибыль или единого налогового платежа либо фиксированной суммы налога, на сумму расходов, связанных с приобретением, установкой, запуском каждой онлайн-ККМ, но не более 10-кратного размера базовой расчетной величины с условием регистрации онлайн-ККМ в органах государственной налоговой службы до 1 января 2021 года;
им бесплатно выдается базовая часть программного продукта (база) виртуальной кассы Государственным налоговым комитетом Республики Узбекистан;
б) средства в форме бонусов (деньги, баллы и другие единицы), перечисленные на основе условий публичной оферты на банковские пластиковые карты либо на скидочные (дисконтные) карты физических лиц (cashback), не рассматриваются в качестве базы налога на доходы физических лиц;
в) при освобождении от налога на доходы физических лиц доходов, получаемых за счет продажи выращенной в домашних условиях, в том числе в дехканских хозяйствах продукции животноводства, пчеловодства и растениеводства в сыром и переработанном виде, кроме промышленной переработки, а также продажи животных в живом виде либо продуктов их убоя, отменяется порядок истребования документа, подтверждающего реализацию продукции, выращенной на приусадебном земельном участке, выделенном физическому лицу либо членам его семьи.
4. Утвердить график поэтапного перевода субъектов предпринимательства, имеющих наличную выручку, на использование онлайн-контрольно-кассовых машин либо виртуальной кассы согласно приложению .
Установить, что Министерство по развитию информационных технологий и коммуникаций совместно с Государственным налоговым комитетом Республики Узбекистан, Советом Министров Республики Каракалпакстан и хокимиятами областей с 1 января 2020 года ежегодно утверждает перечень отдаленных, труднодоступных населенных пунктов. К субъектам предпринимательства, осуществляющим свою деятельность на данных территориях график, утвержденный приложением к настоящему Указу, не применяется.
5. Установить, что субъекты предпринимательства, перешедшие на использование онлайн-ККМ либо виртуальной кассы:
в предоставленном чеке покупки (далее — чек) в обязательном порядке отражают наименование, количество, цену и сумму (стоимость) товаров (работ, услуг), а плательщики налога на добавленную стоимость — ставку и сумму налога на добавленную стоимость, а также QR-код и фискальную отметку. Чеки, на которых отсутствуют данные сведения, считаются недействительными;
в случае отсутствия технической возможности доставки оператору сведений в режиме реального времени чеки могут быть выданы в режиме оффлайн. При этом сведения должны быть переданы оператору в течение 24 часов;
за платежи, принятые через платежные терминалы покупателям вместе с чеками платежных терминалов, обязательно выдается чек онлайн-ККМ либо виртуальной кассы.
По истечении сроков, указанных в графике, утвержденном настоящим Указом, реализация товаров, выполнение работ, оказание услуг без применения онлайн-ККМ либо виртуальной кассы, непредоставление чека через онлайн-ККМ или виртуальную кассу либо предоставление чека без фискальной отметки считаются ведением торговли либо оказанием услуг без применения контрольно-кассовых машин, когда использование контрольно-кассовых машин с фискальной памятью либо платежных терминалов являлось обязательным условием, и признаются основанием для привлечения к ответственности в порядке, установленном законодательством.
6. Согласиться с предложением Государственного налогового комитета и Министерства финансов Республики Узбекистан о проведении с 1 октября 2019 года эксперимента по организации призовых игр на основании QR-кода либо фискальной отметки в чеках, предоставленных субъектами предпринимательства города Ташкента, перешедшими на использование онлайн-ККМ либо виртуальной кассы.
Министерству финансов Республики Узбекистан до 1 ноября 2019 года выделить средства в размере один миллиард сумов для организации призовых игр за счет средств Государственного бюджета.
7. Государственному налоговому комитету совместно с Министерством финансов по результатам эксперимента до 1 июля 2020 года внести в Кабинет Министров Республики Узбекистан обоснованные предложения по его применению в других регионах республики.
8. Государственному налоговому комитету совместно с Агентством по развитию рынка капитала Республики Узбекистан до 1 октября 2019 года разработать и утвердить порядок проведения призовых игр среди физических лиц, зарегистрировавших чеки в установленном порядке.
9. Рекомендовать Ассоциации «Узэлтехсаноат» совместно с Государственным налоговым комитетом Республики Узбекистан организацию:
производства онлайн-ККМ, специальных устройств с функцией передачи в режиме онлайн сведений органам государственной налоговой службы на базе предприятий, входящих в состав ассоциации;
центров по оказанию технических услуг во всех регионах для обеспечения непрерывной работы онлайн-ККМ и виртуальных касс.
10. Государственному налоговому комитету Республики Узбекистан в срок до 1 октября 2019 года:
разработать и внедрить специальное программное обеспечение для виртуальной кассы и фискального модуля, обеспечивающее передачу органам государственной налоговой службы сведений о реализованных субъектами предпринимательства товарах (работах и услугах) в режиме онлайн;
внедрить систему регистрации покупателями QR-кодов или фискальных отметок на чеках через мобильное приложение либо официальный сайт Государственного налогового комитета Республики Узбекистан;
разработать и внести на утверждение в Кабинет Министров технические требования, предъявляемые к онлайн-ККМ, виртуальной кассе и фискальному модулю, применение которых разрешено на территории Республики Узбекистан, их единый реестр, а также порядок ведения Государственного реестра центров по оказанию технических услуг и постановки на учет в органах государственной налоговой службы.
11. Государственному налоговому комитету совместно с Министерством финансов Республики Узбекистан, заинтересованными министерствами и ведомствами в двухмесячный срок разработать и утвердить систему «дистанционной проверки» действий по непредоставлению чека через онлайн-ККМ или виртуальную кассу либо представления чеков, не имеющих QR-код (фискальную отметку), а также порядок привлечения к ответственности в установленном порядке.
12. Возложить ответственность на:
председателя Государственного налогового комитета Республики Узбекистан Б.А. Мусаева председателя Совета Министров Республики Каракалпакстан, хокимов областей и города Ташкента — за поэтапный перевод субъектов предпринимательства республики, имеющих наличную выручку, на использование онлайн-ККМ или виртуальных касс согласно графику, утвержденному настоящим Указом;
председателя Государственного налогового комитета Республики Узбекистан Б.А. Мусаева, первого заместителя министра финансов Т.А. Ишметова, хокима города Ташкента Ж.А. Артыкходжаева — за организацию призовых игр на основе QR-кода или фискальной отметки в чеках, предоставленных субъектами предпринимательства города Ташкента, перешедшими на использование онлайн-ККМ либо виртуальных касс.
13. Рекомендовать Национальному информационному агентству Узбекистана, Национальной телерадиокомпании Узбекистана организацию широкого освещения в средствах массовой информации целей и задач, сути и содержания настоящего Указа, а также процессов его реализации.
14. Абзац пятый пункта 3 Указа Президента Республики Узбекистан от 9 августа 1996 года № УП-1504 «О мерах по повышению ответственности хозяйствующих субъектов за расчеты с бюджетом» изложить в следующей редакции:
«все хозяйствующие субъекты, имеющие наличную выручку, сдают наличную выручку в банки. При этом хозяйствующие субъекты, имеющие среднюю дневную наличную выручку свыше 20-кратной базовой расчетной величины, сдают ее ежедневно в кассы банков через службу инкассации либо самостоятельно. Хозяйствующие субъекты, имеющие среднюю дневную наличную выручку менее указанного объема либо перешедшие на использование онлайн-контрольно-кассовых машин (или виртуальной кассы), вправе сдавать ее в кассы банков через службу инкассации в установленные ими периоды либо самостоятельно».
15. Государственному налоговому комитету совместно с другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
16. Министерству финансов Республики Узбекистан предусмотреть в проекте новой редакции Налогового кодекса Республики Узбекистан нормы, приведенные в данном Указе.
17. Контроль за исполнением настоящего Указа возложить на Премьер-министра Республики Узбекистан А.Н. Арипова, советника Президента Республики Узбекистан Р.А. Гулямова и заместителя Премьер-министра — министра финансов Республики Узбекистан Д.А. Кучкарова.
ПРИЛОЖЕНИЕ к Указу Президента Республики Узбекистан от 6 сентября 2019 года № УП-5813
поэтапного перевода субъектов предпринимательства, имеющих наличную выручку, на использование онлайн–контрольно-кассовых машин либо виртуальной кассы
№ Категории субъектов предпринимательства Сроки 1. Субъекты предпринимательства, занимающиеся реализацией алкогольной и табачной продукции, лекарств, бензина, дизельного топлива и природного газа для автомобилей 1 января 2020 года 2. Субъекты предпринимательства, годовой оборот (выручка) которых по итогам прошлого года превысила пять миллиардов сумов 1 августа 2020 года 3. Субъекты предпринимательства, годовой оборот (выручка) которых по итогам прошлого года превысила сто миллионов сумов либо в течение года достигла указанного предельного размера 1 января 2021 года 4. Все субъекты предпринимательства 1 января 2022 года
Президент Республики Узбекистан Ш. МИРЗИЁЕВ
г. Ташкент,
6 сентября 2019 г.,
№ УП-5813