📅 2019-yil 9-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 9 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 9 сентября 2019 г. · Указы Президента
Официальный текст. Официальный документ. Редакционные примечания не включены.
📅 9 September 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлигини ташкил этиш тўғрисида
Ўтган давр мобайнида узлуксиз таълим тизимини янада такомиллаштириш, сифатли таълим хизматларидан фойдаланиш имкониятларини ошириш, меҳнат бозорининг замонавий талабларига мувофиқ юқори малакали кадрлар тайёрлаш бўйича кенг кўламли чора-тадбирлар амалга оширилди.
Шу билан бирга, иқтидорли ёшлар билан ишлашнинг ягона ва самарали тизимини яратиш, ёш авлоднинг истеъдоди ва салоҳиятини рўёбга чиқариш учун бундай ёшларнинг ташаббусларини қўллаб-қувватлаш, илғор хорижий тажрибалар талаблари асосида дарсликлар ва ўқув-услубий қўлланмаларни, шу жумладан электрон шаклда нашр этиш, шунингдек, халқаро майдонда мамлакатимиз манфаатларини профессионал ва юқори даражада муносиб ифода эта оладиган, талаб юқори бўлган мутахассисларни тайёрлашни таъминлаш бўйича қўшимча чора-тадбирларни амалга ошириш зарур бўлмоқда.
Иқтидорли ёшларни аниқлаш, танлаш, ўқитиш ва тарбиялаш, ёш истеъдодларни янада қўллаб-қувватлаш ва рағбатлантириш, дарсликлар ва ўқув-услубий қўлланмаларни тайёрлаш ва нашр этишдаги муаммоларни бартараф қилиш ишларини сифат жиҳатидан янги босқичга кўтариш, шунингдек, умумтаълим муассасалари фаолиятини бошқариш ва ташкил этишнинг махсус тизимини яратиш мақсадида:
1. Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги (кейинги ўринларда — Агентлик) ташкил этилсин.
2. Қуйидагилар Агентликнинг идоравий бўйсунувига ўтказилсин:
Президент мактаблари;
тасдиқланган штат жадвалини ва уларни молиялаштиришнинг амалдаги тартибини сақлаб қолган ҳолда Халқ таълими вазирлигининг ҳудудий органлари ҳузуридаги Абдулла Орипов, Ҳамид Олимжон ва Зулфия, Муҳаммад Юсуф, Ибройим Юсупов, Эркин Воҳидов, Муҳаммад Ризо Эрниёзбек ўғли Огаҳий, Ҳалима Худойбердиева ва Абдулла Қодирий номидаги ижод мактаблари, шунингдек, Ўзбекистон Республикаси Олий ва ўрта махсус таълим вазирлиги ҳузуридаги Исҳоқхон Ибрат номидаги ижод мактаби (кейинги ўринларда — ижод мактаблари);
Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактаб ҳамда Ўзбекистон Республикаси Инновацион ривожланиш вазирлиги ҳузуридаги Мирзо Улуғбек номидаги ихтисослаштирилган давлат умумтаълим мактаб-интернати ва Абу Али Ибн Сино номидаги ёш биологлар ва кимёгарлар ихтисослаштирилган мактаб-интернати (кейинги ўринларда — ихтисослаштирилган мактаблар).
3. Қуйидагилар Агентликнинг асосий вазифалари этиб белгилансин:
Президент, ижод ва ихтисослаштирилган мактабларда ёшларни аниқлаш, танлаш, ўқитиш ва тарбиялаш соҳасида ягона давлат сиёсатини самарали амалга ошириш;
давлат таълим стандартларига мувофиқ Президент, ижод ва ихтисослаштирилган мактаблар фаолиятини ягона шаклда мувофиқлаштириш ва услубий раҳбарликни амалга ошириш;
Президент, ижод ва ихтисослаштирилган мактабларнинг ўқув-тарбиявий жараёнига илғор таълим шакллари, педагогик технологиялар ва ахборот янгиликларини жорий этиш;
Президент, ижод ва ихтисослаштирилган мактаблар ўқувчиларида ватанпарварлик ва Ватанга муҳаббат, бағрикенглик туйғуларини, қонунларга, миллий ва умуминсоний қадриятларга нисбатан ҳурматни шакллантириш, уларнинг маънавий, ахлоқий, интеллектуал ва жисмоний ривожланиши даражасини янада ошириш;
халқаро ташкилотлар ва экспертларни жалб қилган ҳолда Президент, ижод ва ихтисослаштирилган мактаблар педагогик кадрларини танлаш, тайёрлаш, қайта тайёрлаш ва малакасини оширишнинг илғор ва шаффоф ташкилий-ҳуқуқий механизмларини жорий этиш;
Президент, ижод ва ихтисослаштирилган мактабларни ривожлантириш соҳасидаги норматив-ҳуқуқий базани такомиллаштириш ва уйғунлаштириш бўйича таклифлар тайёрлаш;
Президент, ижод ва ихтисослаштирилган мактабларнинг моддий-техник базасини мустаҳкамлаш, ушбу муассасалардаги бино ва иншоотлардан фойдаланиш бўйича ишларни мониторинг қилиш ва мувофиқлаштириш.
4. Белгилаб қўйилсинки:
Агентлик Мактабгача ва мактаб таълими вазирлиги ташкилий бўйсунувида фаолият юритадиган республика ижро этувчи ҳокимият органи ҳисобланади;
Ўзбекистон Республикаси Давлат бюджети маблағлари ва қонун ҳужжатларида тақиқланмаган бошқа манбалар Агентлик фаолиятини молиялаштириш манбалари ҳисобланади.
5. Агентлик иш самарадорлигининг қуйидаги энг муҳим кўрсаткичлари белгилансин:
Президент, ижод ва ихтисослаштирилган мактабларнинг ўқувчиларида, шу жумладан ватанпарварлик, Ватанга беқиёс муҳаббат ва содиқлик туйғуларини, миллий ва умуминсоний қадриятларга нисбатан чуқур ҳурматни шакллантиришга йўналтирилган таълим-тарбия жараёни сифатини ошириш;
Президент, ижод ва ихтисослаштирилган мактаблар битирувчиларининг давлат ва чет тилларини мукаммал билиши;
Президент, ижод ва ихтисослаштирилган мактабларга малакали ва тажрибали, чуқур билимларга эга, давлат ва чет тилларини, замонавий педагогик технологиялари ва ўқитишнинг инновацион услубларини биладиган педагогларни жалб қилиш;
Президент, ижод ва ихтисослаштирилган мактаблар битирувчиларининг олий таълим муассасаларида таълим олишни давом эттиришлари учун, шу жумладан ихтисослаштирилган олий таълим тизимининг фаолият юритиши орқали керакли шароитларни яратиш;
Президент мактаблари битирувчиларининг камида 20 фоизи халқаро тан олинган ташкилотлар рейтингида олий таълим муассасалари орасида дастлабки 1 000 та поғонани эгаллаган етакчи хорижий олий таълим муассасаларига ўқишга кириши;
Президент, ижод ва ихтисослаштирилган мактаблар битирувчиларига давлат ҳокимияти органлари, республика аҳамиятига эга бошқа ташкилотлар, дипломатик ваколатхоналар, йирик компания ва бирлашмаларга ишга жойлашишда кўмаклашиш;
ўқитишнинг инновацион шакл ва услубларини жорий қилган ҳолда талаб юқори бўлган таълим йўналишлари бўйича ижод ва ихтисослаштирилган мактаблар сонини кўпайтириш;
барча Президент, ижод ва ихтисослаштирилган мактабларда миллий ва жаҳон адабиёти, мусиқа, кино, ҳайкалтарошлик, амалий санъат ва бошқа ижодий йўналишлардаги асарларга эга бўлган замонавий кутубхоналарнинг ишлаши;
Президент, ижод ва ихтисослаштирилган мактабларда ўқув-услубий жараённи автоматлаштиришни таъминлаш ва уларни юқори тезликдаги Интернет тармоғига улаш;
Президент, ижод ва ихтисослаштирилган мактаблар ўқув жараёнига таълимнинг илғор шаклларини, педагогик технологиялар ва ахборот янгиликларини жорий этиш мақсадида хорижий таълим ташкилотлари билан яқин ҳамкорликни йўлга қўйиш;
Президент, ижод ва ихтисослаштирилган мактабларни замонавий спорт зал, инвентарь, ускуна ва бошқа жиҳозлар билан таъминлаш.
Агентлик манфаатдор вазирлик ва идоралар билан биргаликда ушбу бандда назарда тутилган мақсадли кўрсаткичларни ўз вақтида бажариш ва уларга эришиш бўйича чоралар кўрсин.
6. Агентлик ҳузурида Иқтидорли ёшларни қўллаб-қувватлаш жамғармаси (кейинги ўринларда — Жамғарма) ташкил этилсин ва уни шакллантириш манбалари этиб қуйидагилар белгилансин:
Ўзбекистон Республикаси Давлат бюджети маблағлари;
Жамғарма Васийлик кенгашининг қарорига асосан вазирлик ва идораларнинг бюджетдан ташқари маблағлари ҳисобидан йўналтириладиган тегишли маблағлар.
жисмоний ва юридик шахсларнинг, шу жумладан Ўзбекистон Республикаси норезидентларининг ҳомийлик хайриялари;
халқаро молия ташкилотлари ва хорижий давлатларнинг грантлари ва техник кўмак кўрсатиш маблағлари;
Жамғарманинг вақтинча бўш маблағларини банк депозитлари шаклида ва бошқа шаклларда жойлаштиришдан олинган даромадлар;
қонун ҳужжатлари билан тақиқланмаган бошқа тушумлар.
Бунда мазкур Фармоннинг 2-бандида назарда тутилган Агентлик бўйсунувига ўтказиладиган ташкилотларни таъминлаш учун Ўзбекистон Республикаси Давлат бюджетидан маблағлар ажратилади.
Белгилансинки, Жамғарма маблағлари қуйидагиларга йўналтирилади:
Президент, ижод ва ихтисослаштирилган мактабларни қуриш, реконструкция қилиш ва капитал таъмирлаш, шу жумладан зарур ҳолларда ўқув устахоналари ва лабораториялари, спорт заллари, майдончалар ва бошқа инфратузилма объектларини ташкил этган ҳолда ўқув корпусларини кенгайтириш ишларини молиялаштириш;
Президент, ижод ва ихтисослаштирилган мактабларни замонавий талабларни ҳисобга олган ҳолда ва тасдиқланган меъёрлардан келиб чиқиб, энг янги ўқув-лаборатория, илмий, ишлаб чиқариш ва спорт жиҳозлари, мусиқа асбоблари, компьютер техникаси, мебель ва асбоб-ускуналар билан жиҳозлаш (қўшимча жиҳозлаш) ишларини молиялаштириш;
Президент, ижод ва ихтисослаштирилган мактабларда замонавий ахборот-коммуникация технологияларини ва дастурий маҳсулотларни жорий этиш;
Президент, ижод ва ихтисослаштирилган мактабларда ўқув-услубий раҳбарликни таъминлаш, таълим жараёнини юритиш бўйича хизмат кўрсатувчи ихтисослашган хорижий ташкилотлар хизматига ҳақ тўлаш;
Агентликка юқори малакали мутахассисларни, шу жумладан хорижий экспертларни ва чет элда истиқомат қилаётган ватандошларимизни фуқаролик-ҳуқуқий шартнома асосида ишлаш учун жалб қилиш;
Агентлик фаолиятини такомиллаштиришга қаратилган бошқа чора-тадбирлар.
7. Белгилансинки, Агентлик Президент, ижод ва ихтисослаштирилган мактаблар фаолиятини молиялаштириш учун Ўзбекистон Республикаси Давлат бюджетидан ажратиладиган маблағларнинг тасарруф этувчиси ҳисобланади.
8. Агентлик, Ўзбекистон Республикаси Халқ таълими вазирлиги, Молия вазирлиги ва Ўзбекистон Ёзувчилар уюшмасининг 2020/2021 ўқув йилидан бошлаб қуйидагиларни назарда тутувчи тартибни ўрнатиш тўғрисидаги таклифлари маъқуллансин:
ижод мактабларида ҳар бир синфдаги ўқувчилар сони 20 нафарни ташкил қилади, 7-синфларга қабул қилиш эса ижодий танловлар, тест ва бошқа синовлар асосида амалга оширилади;
ижод мактабларида ўқувчилар сонидан қатъи назар 1 штат бирлигида кутубхоначи лавозими киритилади;
Ўзбекистон Ёзувчилар уюшмаси аъзолари мунтазам равишда ижод мактабларида ўқувчиларнинг ижодий истеъдодини ривожлантиришга қаратилган машғулотлар олиб боради;
ижод мактабларида ўқитувчилик фаолияти билан шуғулланаётган Ўзбекистон Ёзувчилар уюшмаси аъзолари меҳнатига ҳақ тўлаш умумий ўрта таълим мактаблари ўқитувчилари меҳнатига соатбай ҳақ тўлашга мувофиқ амалга оширилади.
Ўзбекистон Ёзувчилар уюшмасига бир ой муддатда ижод мактабларини миллий ва жаҳон адабиёти, мусиқа, кино, ҳайкалтарошлик, амалий санъат ва бошқа ижодий йўналишлардаги 100 та энг яхши асарлар (бестселлерлар) билан таъминлаш тавсия этилсин.
9. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда 2020 йил 1 январга қадар ижод мактабларининг кутубхоналарини Алишер Навоий номидаги Ўзбекистон Миллий кутубхонаси ахборот-ресурс базасига уланишини таъминласин.
10. Тошкент вилояти ҳокимлиги ва «Чорвоқ» эркин туристик зонаси дирекцияси» ДУК Ер ресурслари, геодезия, картография ва давлат кадастри давлат қўмитаси билан биргаликда бир ой муддатда Президент, ижод ва ихтисослаштирилган мактаблар ўқувчилари учун ёзги спорт-соғломлаштириш оромгоҳи, шунингдек, Агентлик ва Марказ ходимлари учун дам олиш зонаси қурилиши учун қулай табиий шароитларга эга ер участкасини ажратиш бўйича таклифларни Ўзбекистон Республикаси Вазирлар Маҳкамасига киритсин.
11. Вазирлар Маҳкамаси бир ҳафта муддатда Агентлик фаолиятини ташкил қилиш тўғрисида Ўзбекистон Республикаси Президенти қарори лойиҳасини киритсин.
Халқ таълими вазирлиги икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
12. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 9 сентябрь,
ПФ-5815-сон
Oʻzbekiston Respublikasi Prezidentining
Farmoni
Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligini tashkil etish toʻgʻrisida
Oʻtgan davr mobaynida uzluksiz taʼlim tizimini yanada takomillashtirish, sifatli taʼlim xizmatlaridan foydalanish imkoniyatlarini oshirish, mehnat bozorining zamonaviy talablariga muvofiq yuqori malakali kadrlar tayyorlash boʻyicha keng koʻlamli chora-tadbirlar amalga oshirildi.
Shu bilan birga, iqtidorli yoshlar bilan ishlashning yagona va samarali tizimini yaratish, yosh avlodning isteʼdodi va salohiyatini roʻyobga chiqarish uchun bunday yoshlarning tashabbuslarini qoʻllab-quvvatlash, ilgʻor xorijiy tajribalar talablari asosida darsliklar va oʻquv-uslubiy qoʻllanmalarni, shu jumladan elektron shaklda nashr etish, shuningdek, xalqaro maydonda mamlakatimiz manfaatlarini professional va yuqori darajada munosib ifoda eta oladigan, talab yuqori boʻlgan mutaxassislarni tayyorlashni taʼminlash boʻyicha qoʻshimcha chora-tadbirlarni amalga oshirish zarur boʻlmoqda.
Iqtidorli yoshlarni aniqlash, tanlash, oʻqitish va tarbiyalash, yosh isteʼdodlarni yanada qoʻllab-quvvatlash va ragʻbatlantirish, darsliklar va oʻquv-uslubiy qoʻllanmalarni tayyorlash va nashr etishdagi muammolarni bartaraf qilish ishlarini sifat jihatidan yangi bosqichga koʻtarish, shuningdek, umumtaʼlim muassasalari faoliyatini boshqarish va tashkil etishning maxsus tizimini yaratish maqsadida:
1. Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi (keyingi oʻrinlarda — Agentlik) tashkil etilsin.
2. Quyidagilar Agentlikning idoraviy boʻysunuviga oʻtkazilsin:
Prezident maktablari;
tasdiqlangan shtat jadvalini va ularni moliyalashtirishning amaldagi tartibini saqlab qolgan holda Xalq taʼlimi vazirligining hududiy organlari huzuridagi Abdulla Oripov, Hamid Olimjon va Zulfiya, Muhammad Yusuf, Ibroyim Yusupov, Erkin Vohidov, Muhammad Rizo Erniyozbek oʻgʻli Ogahiy, Halima Xudoyberdiyeva va Abdulla Qodiriy nomidagi ijod maktablari, shuningdek, Oʻzbekiston Respublikasi Oliy va oʻrta maxsus taʼlim vazirligi huzuridagi Isʼhoqxon Ibrat nomidagi ijod maktabi (keyingi oʻrinlarda — ijod maktablari);
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Muhammad al-Xorazmiy nomidagi axborot-kommunikatsiya texnologiyalari yoʻnalishiga oid fanlarni chuqurlashtirib oʻqitishga ixtisoslashtirilgan maktab hamda Oʻzbekiston Respublikasi Innovatsion rivojlanish vazirligi huzuridagi Mirzo Ulugʻbek nomidagi ixtisoslashtirilgan davlat umumtaʼlim maktab-internati va Abu Ali Ibn Sino nomidagi yosh biologlar va kimyogarlar ixtisoslashtirilgan maktab-internati (keyingi oʻrinlarda — ixtisoslashtirilgan maktablar).
3. Quyidagilar Agentlikning asosiy vazifalari etib belgilansin:
Prezident, ijod va ixtisoslashtirilgan maktablarda yoshlarni aniqlash, tanlash, oʻqitish va tarbiyalash sohasida yagona davlat siyosatini samarali amalga oshirish;
davlat taʼlim standartlariga muvofiq Prezident, ijod va ixtisoslashtirilgan maktablar faoliyatini yagona shaklda muvofiqlashtirish va uslubiy rahbarlikni amalga oshirish;
Prezident, ijod va ixtisoslashtirilgan maktablarning oʻquv-tarbiyaviy jarayoniga ilgʻor taʼlim shakllari, pedagogik texnologiyalar va axborot yangiliklarini joriy etish;
Prezident, ijod va ixtisoslashtirilgan maktablar oʻquvchilarida vatanparvarlik va Vatanga muhabbat, bagʻrikenglik tuygʻularini, qonunlarga, milliy va umuminsoniy qadriyatlarga nisbatan hurmatni shakllantirish, ularning maʼnaviy, axloqiy, intellektual va jismoniy rivojlanishi darajasini yanada oshirish;
xalqaro tashkilotlar va ekspertlarni jalb qilgan holda Prezident, ijod va ixtisoslashtirilgan maktablar pedagogik kadrlarini tanlash, tayyorlash, qayta tayyorlash va malakasini oshirishning ilgʻor va shaffof tashkiliy-huquqiy mexanizmlarini joriy etish;
Prezident, ijod va ixtisoslashtirilgan maktablarni rivojlantirish sohasidagi normativ-huquqiy bazani takomillashtirish va uygʻunlashtirish boʻyicha takliflar tayyorlash;
Prezident, ijod va ixtisoslashtirilgan maktablarning moddiy-texnik bazasini mustahkamlash, ushbu muassasalardagi bino va inshootlardan foydalanish boʻyicha ishlarni monitoring qilish va muvofiqlashtirish.
4. Belgilab qoʻyilsinki:
Agentlik Maktabgacha va maktab taʼlimi vazirligi tashkiliy boʻysunuvida faoliyat yuritadigan respublika ijro etuvchi hokimiyat organi hisoblanadi;
Oʻzbekiston Respublikasi Davlat budjeti mablagʻlari va qonun hujjatlarida taqiqlanmagan boshqa manbalar Agentlik faoliyatini moliyalashtirish manbalari hisoblanadi.
5. Agentlik ish samaradorligining quyidagi eng muhim koʻrsatkichlari belgilansin:
Prezident, ijod va ixtisoslashtirilgan maktablarning oʻquvchilarida, shu jumladan vatanparvarlik, Vatanga beqiyos muhabbat va sodiqlik tuygʻularini, milliy va umuminsoniy qadriyatlarga nisbatan chuqur hurmatni shakllantirishga yoʻnaltirilgan taʼlim-tarbiya jarayoni sifatini oshirish;
Prezident, ijod va ixtisoslashtirilgan maktablar bitiruvchilarining davlat va chet tillarini mukammal bilishi;
Prezident, ijod va ixtisoslashtirilgan maktablarga malakali va tajribali, chuqur bilimlarga ega, davlat va chet tillarini, zamonaviy pedagogik texnologiyalari va oʻqitishning innovatsion uslublarini biladigan pedagoglarni jalb qilish;
Prezident, ijod va ixtisoslashtirilgan maktablar bitiruvchilarining oliy taʼlim muassasalarida taʼlim olishni davom ettirishlari uchun, shu jumladan ixtisoslashtirilgan oliy taʼlim tizimining faoliyat yuritishi orqali kerakli sharoitlarni yaratish;
Prezident maktablari bitiruvchilarining kamida 20 foizi xalqaro tan olingan tashkilotlar reytingida oliy taʼlim muassasalari orasida dastlabki 1 000 ta pogʻonani egallagan yetakchi xorijiy oliy taʼlim muassasalariga oʻqishga kirishi;
Prezident, ijod va ixtisoslashtirilgan maktablar bitiruvchilariga davlat hokimiyati organlari, respublika ahamiyatiga ega boshqa tashkilotlar, diplomatik vakolatxonalar, yirik kompaniya va birlashmalarga ishga joylashishda koʻmaklashish;
oʻqitishning innovatsion shakl va uslublarini joriy qilgan holda talab yuqori boʻlgan taʼlim yoʻnalishlari boʻyicha ijod va ixtisoslashtirilgan maktablar sonini koʻpaytirish;
barcha Prezident, ijod va ixtisoslashtirilgan maktablarda milliy va jahon adabiyoti, musiqa, kino, haykaltaroshlik, amaliy sanʼat va boshqa ijodiy yoʻnalishlardagi asarlarga ega boʻlgan zamonaviy kutubxonalarning ishlashi;
Prezident, ijod va ixtisoslashtirilgan maktablarda oʻquv-uslubiy jarayonni avtomatlashtirishni taʼminlash va ularni yuqori tezlikdagi Internet tarmogʻiga ulash;
Prezident, ijod va ixtisoslashtirilgan maktablar oʻquv jarayoniga taʼlimning ilgʻor shakllarini, pedagogik texnologiyalar va axborot yangiliklarini joriy etish maqsadida xorijiy taʼlim tashkilotlari bilan yaqin hamkorlikni yoʻlga qoʻyish;
Prezident, ijod va ixtisoslashtirilgan maktablarni zamonaviy sport zal, inventar, uskuna va boshqa jihozlar bilan taʼminlash.
Agentlik manfaatdor vazirlik va idoralar bilan birgalikda ushbu bandda nazarda tutilgan maqsadli koʻrsatkichlarni oʻz vaqtida bajarish va ularga erishish boʻyicha choralar koʻrsin.
6. Agentlik huzurida Iqtidorli yoshlarni qoʻllab-quvvatlash jamgʻarmasi (keyingi oʻrinlarda — Jamgʻarma) tashkil etilsin va uni shakllantirish manbalari etib quyidagilar belgilansin:
Oʻzbekiston Respublikasi Davlat budjeti mablagʻlari;
Jamgʻarma Vasiylik kengashining qaroriga asosan vazirlik va idoralarning budjetdan tashqari mablagʻlari hisobidan yoʻnaltiriladigan tegishli mablagʻlar.
jismoniy va yuridik shaxslarning, shu jumladan Oʻzbekiston Respublikasi norezidentlarining homiylik xayriyalari;
xalqaro moliya tashkilotlari va xorijiy davlatlarning grantlari va texnik koʻmak koʻrsatish mablagʻlari;
Jamgʻarmaning vaqtincha boʻsh mablagʻlarini bank depozitlari shaklida va boshqa shakllarda joylashtirishdan olingan daromadlar;
qonun hujjatlari bilan taqiqlanmagan boshqa tushumlar.
Bunda mazkur Farmonning 2-bandida nazarda tutilgan Agentlik boʻysunuviga oʻtkaziladigan tashkilotlarni taʼminlash uchun Oʻzbekiston Respublikasi Davlat budjetidan mablagʻlar ajratiladi.
Belgilansinki, Jamgʻarma mablagʻlari quyidagilarga yoʻnaltiriladi:
Prezident, ijod va ixtisoslashtirilgan maktablarni qurish, rekonstruksiya qilish va kapital taʼmirlash, shu jumladan zarur hollarda oʻquv ustaxonalari va laboratoriyalari, sport zallari, maydonchalar va boshqa infratuzilma obyektlarini tashkil etgan holda oʻquv korpuslarini kengaytirish ishlarini moliyalashtirish;
Prezident, ijod va ixtisoslashtirilgan maktablarni zamonaviy talablarni hisobga olgan holda va tasdiqlangan meʼyorlardan kelib chiqib, eng yangi oʻquv-laboratoriya, ilmiy, ishlab chiqarish va sport jihozlari, musiqa asboblari, kompyuter texnikasi, mebel va asbob-uskunalar bilan jihozlash (qoʻshimcha jihozlash) ishlarini moliyalashtirish;
Prezident, ijod va ixtisoslashtirilgan maktablarda zamonaviy axborot-kommunikatsiya texnologiyalarini va dasturiy mahsulotlarni joriy etish;
Prezident, ijod va ixtisoslashtirilgan maktablarda oʻquv-uslubiy rahbarlikni taʼminlash, taʼlim jarayonini yuritish boʻyicha xizmat koʻrsatuvchi ixtisoslashgan xorijiy tashkilotlar xizmatiga haq toʻlash;
Agentlikka yuqori malakali mutaxassislarni, shu jumladan xorijiy ekspertlarni va chet elda istiqomat qilayotgan vatandoshlarimizni fuqarolik-huquqiy shartnoma asosida ishlash uchun jalb qilish;
Agentlik faoliyatini takomillashtirishga qaratilgan boshqa chora-tadbirlar.
7. Belgilansinki, Agentlik Prezident, ijod va ixtisoslashtirilgan maktablar faoliyatini moliyalashtirish uchun Oʻzbekiston Respublikasi Davlat budjetidan ajratiladigan mablagʻlarning tasarruf etuvchisi hisoblanadi.
8. Agentlik, Oʻzbekiston Respublikasi Xalq taʼlimi vazirligi, Moliya vazirligi va Oʻzbekiston Yozuvchilar uyushmasining 2020/2021 oʻquv yilidan boshlab quyidagilarni nazarda tutuvchi tartibni oʻrnatish toʻgʻrisidagi takliflari maʼqullansin:
ijod maktablarida har bir sinfdagi oʻquvchilar soni 20 nafarni tashkil qiladi, 7-sinflarga qabul qilish esa ijodiy tanlovlar, test va boshqa sinovlar asosida amalga oshiriladi;
ijod maktablarida oʻquvchilar sonidan qatʼi nazar 1 shtat birligida kutubxonachi lavozimi kiritiladi;
Oʻzbekiston Yozuvchilar uyushmasi aʼzolari muntazam ravishda ijod maktablarida oʻquvchilarning ijodiy isteʼdodini rivojlantirishga qaratilgan mashgʻulotlar olib boradi;
ijod maktablarida oʻqituvchilik faoliyati bilan shugʻullanayotgan Oʻzbekiston Yozuvchilar uyushmasi aʼzolari mehnatiga haq toʻlash umumiy oʻrta taʼlim maktablari oʻqituvchilari mehnatiga soatbay haq toʻlashga muvofiq amalga oshiriladi.
Oʻzbekiston Yozuvchilar uyushmasiga bir oy muddatda ijod maktablarini milliy va jahon adabiyoti, musiqa, kino, haykaltaroshlik, amaliy sanʼat va boshqa ijodiy yoʻnalishlardagi 100 ta eng yaxshi asarlar (bestsellerlar) bilan taʼminlash tavsiya etilsin.
9. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda 2020-yil 1-yanvarga qadar ijod maktablarining kutubxonalarini Alisher Navoiy nomidagi Oʻzbekiston Milliy kutubxonasi axborot-resurs bazasiga ulanishini taʼminlasin.
10. Toshkent viloyati hokimligi va “Chorvoq” erkin turistik zonasi direksiyasi” DUK Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda Prezident, ijod va ixtisoslashtirilgan maktablar oʻquvchilari uchun yozgi sport-sogʻlomlashtirish oromgohi, shuningdek, Agentlik va Markaz xodimlari uchun dam olish zonasi qurilishi uchun qulay tabiiy sharoitlarga ega yer uchastkasini ajratish boʻyicha takliflarni Oʻzbekiston Respublikasi Vazirlar Mahkamasiga kiritsin.
11. Vazirlar Mahkamasi bir hafta muddatda Agentlik faoliyatini tashkil qilish toʻgʻrisida Oʻzbekiston Respublikasi Prezidenti qarori loyihasini kiritsin.
Xalq taʼlimi vazirligi ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
12. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 9-sentabr,
PF-5815-son
Президента Республики Узбекистан
Указ
Об образовании Агентства специализированных образовательных учреждений при Министерстве дошкольного и школьного образования Республики Узбекистан
За истекший период приняты широкомасштабные меры по вопросам дальнейшего совершенствования системы непрерывного образования, повышения доступности качественных образовательных услуг, подготовки высококвалифицированных кадров в соответствии с современными потребностями рынка труда.
Вместе с тем требуется принять дополнительные меры по созданию единой и эффективной системы работы с одаренной молодежью, поддержки ее инициатив для реализации таланта и потенциала подрастающего поколения, изданию учебников и учебно-методических пособий, в том числе в электронной форме, на основе требований передового зарубежного опыта, а также обеспечению подготовки востребованных специалистов, способных на высоком профессиональном уровне достойно представлять интересы нашей страны на международной арене.
В целях поднятия на качественно новый уровень работы по выявлению, отбору, обучению и воспитанию одаренной молодежи, дальнейшей поддержке и стимулированию юных талантов, устранения проблем в подготовке и публикации учебников и учебно-методических пособий, а также создания специализированной системы по управлению и организации деятельности общеобразовательных учреждений:
1. Образовать Агентство специализированных образовательных учреждений при Министерстве дошкольного и школьного образования Республики Узбекистан (далее — Агентство).
2. Передать в ведомственное подчинение Агентства:
Президентские школы;
творческие школы имени Абдуллы Арипова, Хамида Алимджана и Зульфии, Мухаммада Юсуфа, Ибройима Юсупова, Эркина Вахидова, Мухаммада Ризо Эрниёзбек угли Агахи, Халимы Худойбердиевой и Абдуллы Кадыри при территориальных органах Министерства народного образования, а также творческую школу имени Исхокхона Ибрата при Министерстве высшего и среднего специального образования Республики Узбекистан (далее — творческие школы), сохранив утвержденное штатное расписание и действующий порядок их финансирования;
Специализированную школу с углубленным изучением предметов, относящихся к направлению информационно-коммуникационных технологий, имени Мухаммада ал-Хоразмий при Министерстве по развитию информационных технологий и коммуникаций, Государственную специализированную общеобразовательную школу-интернат имени Мирзо Улугбека, а также Специализированную школу-интернат молодых биологов и химиков имени Абу Али ибн Сино при Министерстве инновационного развития Республики Узбекистан (далее — специализированные школы).
3. Определить основными задачами Агентства:
эффективную реализацию единой государственной политики в сфере выявления, отбора, обучения и воспитания молодежи в Президентских, творческих и специализированных школах;
осуществление единой координации и методического руководства деятельностью Президентских, творческих и специализированных школ в соответствии с государственными образовательными стандартами;
внедрение в учебно-воспитательный процесс Президентских, творческих и специализированных школ прогрессивных форм образования, педагогических технологий и информационных новаций;
формирование у учащихся Президентских, творческих и специализированных школ чувства патриотизма и любви к Родине, толерантности, уважительного отношения к законам, национальным и общечеловеческим ценностям, дальнейшее повышение уровня их духовно-нравственного, интеллектуального и физического развития;
внедрение передовых и прозрачных организационно-правовых механизмов подбора, подготовки, переподготовки и повышения квалификации педагогических кадров Президентских, творческих и специализированных школ с привлечением международных организаций и экспертов;
подготовку предложений по совершенствованию и гармонизации нормативно-правовой базы в сфере развития Президентских, творческих и специализированных школ;
укрепление материально-технической базы Президентских, творческих и специализированных школ, проведение мониторинга и координацию работ по эксплуатации зданий и сооружений в данных учреждениях.
4. Установить, что:
Агентство является республиканским органом исполнительной власти, осуществляющим деятельность в организационном подчинении Министерства дошкольного и школьного образования;
источниками финансирования деятельности Агентства являются средства Государственного бюджета Республики Узбекистан и другие источники, не запрещенные законодательством.
5. Установить следующие важнейшие показатели эффективности работы Агентства:
повышение качества учебно-воспитательного процесса в Президентских, творческих и специализированных школах, направленного в том числе на формирование у их учащихся глубокого чувства патриотизма и безграничной любви и верности Родине, уважительного отношения к национальным и общечеловеческим ценностям;
свободное владение государственным и иностранными языками выпускниками Президентских, творческих и специализированных школ;
привлечение в Президентские, творческие и специализированные школы квалифицированных и опытных педагогов, обладающих глубокими знаниями, владеющих государственным и иностранными языками, современными педагогическими технологиями и инновационными методиками обучения;
создание достойных условий для продолжения обучения выпускниками Президентских, творческих и специализированных школ в высших образовательных учреждениях Республики Узбекистан, в том числе посредством функционирования специализированной системы высшего образования;
поступление не менее 20 процентов выпускников Президентских школ в ведущие зарубежные высшие образовательные учреждения, занимающие первые 1 000 позиций среди высших образовательных учреждений в рейтинге международно признанных организаций;
содействие в трудоустройстве выпускников Президентских, творческих и специализированных школ в органах государственной власти, других организациях республиканского значения, дипломатических представительствах, крупных компаниях и объединениях;
увеличение количества творческих и специализированных школ по востребованным направлениям образования с внедрением в них инновационных форм и методов обучения;
функционирование во всех Президентских, творческих и специализированных школах современных библиотек с произведениями национальной и мировой литературы, музыки, кино, скульптуры, прикладного искусства и других творческих направлений;
обеспечение автоматизации учебно-методического процесса в Президентских, творческих и специализированных школах, подключение их к высокоскоростной сети Интернет;
налаживание тесного сотрудничества с зарубежными образовательными организациями в целях внедрения в учебный процесс Президентских, творческих и специализированных школ прогрессивных форм образования, педагогических технологий и информационных новаций;
обеспечение Президентских, творческих и специализированных школ современными спортивными залами, инвентарем, оборудованием и иными средствами.
Агентству совместно с заинтересованными министерствами и ведомствами принять меры по своевременному выполнению и достижению целевых показателей, предусмотренных настоящим пунктом.
6. Создать при Агентстве Фонд поддержки одаренной молодежи (далее — Фонд), определив источниками его формирования:
средства Государственного бюджета Республики Узбекистан;
соответствующие средства, направляемые за счет внебюджетных средств министерств и ведомств на основании решения Попечительского совета Фонда;
благотворительные пожертвования физических и юридических лиц, в том числе нерезидентов Республики Узбекистан;
гранты и средства технического содействия международных финансовых организаций и зарубежных государств;
доходы, получаемые от размещения временно свободных средств Фонда в форме банковских депозитов и в других формах;
другие поступления, не запрещенные законодательством.
При этом из Государственного бюджета Республики Узбекистан выделяются средства для содержания передаваемых Агентству организаций, предусмотренных пунктом 2 настоящего Указа.
Определить, что средства Фонда направляются на:
финансирование работ по строительству, реконструкции и капитальному ремонту Президентских, творческих и специализированных школ, в том числе с расширением при необходимости учебных корпусов с организацией учебных мастерских и лабораторий, созданием спортивных залов, площадок и других объектов инфраструктуры;
финансирование оснащения (дооснащения) Президентских, творческих и специализированных школ с учетом современных требований и исходя из утвержденных нормативов новейшим учебно-лабораторным, научным, производственным и спортивным оборудованием, музыкальными инструментами, компьютерной техникой, мебелью и инвентарем;
внедрение в Президентских, творческих и специализированных школах современных информационно-коммуникационных технологий и программных продуктов;
оплату услуг специализированных иностранных организаций по обеспечению учебно-методического руководства, ведению образовательного процесса в Президентских, творческих и специализированных школах;
привлечение на работу в Агентство на основе гражданско-правового договора высококвалифицированных специалистов, в том числе иностранных экспертов и соотечественников, проживающих за рубежом;
другие мероприятия, направленные на совершенствование деятельности Агентства.
7. Установить, что Агентство является распорядителем средств, выделяемых из Государственного бюджета Республики Узбекистан на финансирование деятельности Президентских, творческих и специализированных школ.
8. Одобрить предложения Агентства, Министерства народного образования, Министерства финансов Республики Узбекистан и Союза писателей Узбекистана об установлении порядка, согласно которому с 2020/2021 учебного года:
в творческих школах количество учащихся в каждом классе будет составлять 20 человек, а прием в 7-е классы будет осуществляться на основе творческого конкурса, тестовых и иных испытаний;
в творческих школах вводится 1 штатная единица должности библиотекаря независимо от количества учащихся;
члены Союза писателей Узбекистана регулярно будут проводить в творческих школах занятия, направленные на развитие творческих талантов у учащихся;
оплата труда членов Союза писателей Узбекистана, занимающихся преподавательской деятельностью в творческих школах, осуществляется в соответствии с почасовой оплатой труда учителей общеобразовательных школ.
Рекомендовать Союзу писателей Узбекистана в месячный срок обеспечить творческие школы 100 лучшими произведениями национальной и мировой литературы, музыки, кино, скульптуры, прикладного искусства и других творческих направлений (бестселлерами).
9. Агентству информации и массовых коммуникаций при Администрации Президента Республики Узбекистан совместно с Министерством по развитию информационных технологий и коммуникаций Республики Узбекистан в срок до 1 января 2020 года обеспечить подключение библиотек творческих школ к информационно-ресурсной базе Национальной библиотеки Узбекистана имени Алишера Навои.
10. Хокимияту Ташкентской области и ГУП «Дирекция свободной туристской зоны «Чарвак» совместно с Государственным комитетом по земельным ресурсам, геодезии, картографии и государственному кадастру в месячный срок внести в Кабинет Министров Республики Узбекистан предложения по выделению земельного участка с благоприятными природными условиями для строительства детского летнего спортивно-оздоровительного лагеря для учащихся Президентских, творческих и специализированных школ, а также зоны отдыха для работников Агентства и Центра.
11. Кабинету Министров в недельный срок внести проект постановления Президента Республики Узбекистан об организации деятельности Агентства.
Министерству народного образования в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
12. Контроль за исполнением настоящего Указа возложить на Премьер-министра Республики Узбекистан А.Н. Арипова, советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
9 сентября 2019 г.,
№ УП-5815