📅 2019-yil 9-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 9 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 сентября 2019 г. · Постановления Президента
Официальный текст. Официальный документ. Редакционные примечания не включены.
📅 9 September 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги фаолиятини ташкил этиш чора-тадбирлари тўғрисида
Ўзбекистон Республикаси Президентининг 2019 йил 9 сентябрдаги «Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлигини ташкил этиш тўғрисида»ги ПФ-5815-сон Фармонига мувофиқ:
2. Белгилансинки:
Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлигига (кейинги ўринларда — Агентлик) Ўзбекистон Республикасининг Бош вазири тақдимномасига кўра Ўзбекистон Республикаси Президенти томонидан лавозимга тайинланадиган ва лавозимидан озод этиладиган директор раҳбарлик қилади;
Агентлик директори мактабгача ва мактаб таълими вазирининг тақдимномасига кўра Ўзбекистон Республикаси Вазирлар Маҳкамаси томонидан лавозимга тайинланадиган ва лавозимидан озод этиладиган 1 нафар ўринбосарга эга;
Агентликнинг штатлари сони Ўзбекистон Республикаси Халқ таълими вазирлиги ҳудудий органларидаги 57 та ишлаб чиқариш ходимлари штат бирлигини оптималлаштириш ҳисобидан жамланади.
3. Агентлик директорига:
зарур ҳолларда, мактабгача ва мактаб таълими вазири билан келишилган ҳолда Агентлик тузилмасига ходимларнинг белгиланган умумий штатлари сони доирасида ўзгартиришлар киритиш;
Агентлик ҳузуридаги Президент, ижод ва ихтисослаштирилган мактабларни ривожлантириш жамғармаси маблағлари ҳисобидан Агентлик ходимларининг қўшимча штат бирликларини киритиш;
Агентлик ҳузуридаги Иқтидорли ёшларни қўллаб-қувватлаш жамғармаси маблағлари ҳисобидан давлат органлари ва бошқа ташкилотлар, илмий ва таълим муассасалари, халқаро ташкилотларнинг юқори малакали мутахассисларини, шунингдек, хорижий экспертларни шартнома асосида ишга жалб қилиш;
Агентлик тизимидаги ташкилотларнинг тузилмаларини тасдиқлаш ва штатларини белгилаш, шунингдек уларга ўзгартириш ва қўшимчалар киритиш ҳуқуқи берилсин.
Агентлик директори бир ой муддатда Агентликка юклатилган вазифалар ижросини самарали таъминлаш учун уни зарур билим ва амалий кўникмаларга эга юқори малакали мутахассислар билан тўлдирилишини таъминласин.
4. Ўзбекистон Республикаси Молия вазирлиги:
Ўзбекистон Республикаси Давлат бюджети параметрлари доирасида 2019 йилда Агентлик таъминоти учун маблағларни ажратсин, 2020 йилдан бошлаб эса ҳар йили зарур бюджет маблағларини назарда тутсин;
4 та хизмат автотранспорт воситасини сақлаш учун лимит белгиласин, шунингдек, Агентликка уларни харид қилиш учун зарур маблағлар ажратилишини таъминласин;
Агентликка асослантирилган ҳисоб-китобларга кўра аниқ харажатлардан келиб чиққан ҳолда моддий-техник базани шакллантириш учун зарур ускуналарни харид қилиш, ахборот-коммуникация технологияларини жорий этиш ва маъмурий биноларни таъмирлашга 2019 йилда 3 миллиард сўм, 2020 йилда эса 7 миллиард сўмгача маблағлар ажратилишини таъминласин.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги Агентликни зарур алоқа воситалари, шу жумладан ҳукумат алоқаси билан таъминласин.
6. Ўзбекистон Республикаси Вазирлар Маҳкамаси бир ой муддатда:
Агентликнинг жойлаштирилишини таъминласин;
Агентлик тўғрисидаги низомни тасдиқласин;
Президент, ижод ва ихтисослаштирилган мактабларни замонавий ахборот-коммуникация технологиялари, энг янги ўқув-лаборатория, илмий, ишлаб чиқариш ва спорт ускуналари, анжомлар, инвентарь ва бошқа зарур воситалар билан жиҳозлаш дастурини тасдиқласин;
2020 — 2025 йилларда ижод мактаблари фаолиятини такомиллаштириш концепциясини кўриб чиқиш учун киритсин.
7. Ўзбекистон Республикаси Ташқи ишлар вазирлиги Агентлик билан биргаликда ҳар йили:
Президент, ижод ва ихтисослаштирилган мактаблар ўқувчиларининг турли фанлардан халқаро олимпиадаларда иштирок этишини;
Президент, ижод ва ихтисослаштирилган мактаблар ўқувчиларининг хорижий маданий-маърифий сафарларини;
Президент, ижод ва ихтисослаштирилган мактабларнинг педагог ходимларининг илғор хорижий таълим ва илмий муассасаларда малакасини ошириш ва стажировкадан ўтишини ташкиллаштириш бўйича таклифлар киритсин.
8. Халқ таълими вазирлиги икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни Ўзбекистон Республикаси Вазирлар Маҳкамасига киритсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 9 сентябрь,
ПҚ-4444-сон
Oʻzbekiston Respublikasi Prezidentining
Qarori
Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining 2019-yil 9-sentabrdagi “Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligini tashkil etish toʻgʻrisida”gi PF-5815-son Farmoniga muvofiq:
2. Belgilansinki:
Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligiga (keyingi oʻrinlarda — Agentlik) Oʻzbekiston Respublikasining Bosh vaziri taqdimnomasiga koʻra Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan direktor rahbarlik qiladi;
Agentlik direktori maktabgacha va maktab taʼlimi vazirining taqdimnomasiga koʻra Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimidan ozod etiladigan 1 nafar oʻrinbosarga ega;
Agentlikning shtatlari soni Oʻzbekiston Respublikasi Xalq taʼlimi vazirligi hududiy organlaridagi 57 ta ishlab chiqarish xodimlari shtat birligini optimallashtirish hisobidan jamlanadi.
3. Agentlik direktoriga:
zarur hollarda, maktabgacha va maktab taʼlimi vaziri bilan kelishilgan holda Agentlik tuzilmasiga xodimlarning belgilangan umumiy shtatlari soni doirasida oʻzgartirishlar kiritish;
Agentlik huzuridagi Prezident, ijod va ixtisoslashtirilgan maktablarni rivojlantirish jamgʻarmasi mablagʻlari hisobidan Agentlik xodimlarining qoʻshimcha shtat birliklarini kiritish;
Agentlik huzuridagi Iqtidorli yoshlarni qoʻllab-quvvatlash jamgʻarmasi mablagʻlari hisobidan davlat organlari va boshqa tashkilotlar, ilmiy va taʼlim muassasalari, xalqaro tashkilotlarning yuqori malakali mutaxassislarini, shuningdek, xorijiy ekspertlarni shartnoma asosida ishga jalb qilish;
Agentlik tizimidagi tashkilotlarning tuzilmalarini tasdiqlash va shtatlarini belgilash, shuningdek ularga oʻzgartirish va qoʻshimchalar kiritish huquqi berilsin.
Agentlik direktori bir oy muddatda Agentlikka yuklatilgan vazifalar ijrosini samarali taʼminlash uchun uni zarur bilim va amaliy koʻnikmalarga ega yuqori malakali mutaxassislar bilan toʻldirilishini taʼminlasin.
4. Oʻzbekiston Respublikasi Moliya vazirligi:
Oʻzbekiston Respublikasi Davlat budjeti parametrlari doirasida 2019-yilda Agentlik taʼminoti uchun mablagʻlarni ajratsin, 2020-yildan boshlab esa har yili zarur budjet mablagʻlarini nazarda tutsin;
4 ta xizmat avtotransport vositasini saqlash uchun limit belgilasin, shuningdek, Agentlikka ularni xarid qilish uchun zarur mablagʻlar ajratilishini taʼminlasin;
Agentlikka asoslantirilgan hisob-kitoblarga koʻra aniq xarajatlardan kelib chiqqan holda moddiy-texnik bazani shakllantirish uchun zarur uskunalarni xarid qilish, axborot-kommunikatsiya texnologiyalarini joriy etish va maʼmuriy binolarni taʼmirlashga 2019-yilda 3 milliard soʻm, 2020-yilda esa 7 milliard soʻmgacha mablagʻlar ajratilishini taʼminlasin.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Agentlikni zarur aloqa vositalari, shu jumladan hukumat aloqasi bilan taʼminlasin.
6. Oʻzbekiston Respublikasi Vazirlar Mahkamasi bir oy muddatda:
Agentlikning joylashtirilishini taʼminlasin;
Agentlik toʻgʻrisidagi nizomni tasdiqlasin;
Prezident, ijod va ixtisoslashtirilgan maktablarni zamonaviy axborot-kommunikatsiya texnologiyalari, eng yangi oʻquv-laboratoriya, ilmiy, ishlab chiqarish va sport uskunalari, anjomlar, inventar va boshqa zarur vositalar bilan jihozlash dasturini tasdiqlasin;
2020 — 2025-yillarda ijod maktablari faoliyatini takomillashtirish konsepsiyasini koʻrib chiqish uchun kiritsin.
7. Oʻzbekiston Respublikasi Tashqi ishlar vazirligi Agentlik bilan birgalikda har yili:
Prezident, ijod va ixtisoslashtirilgan maktablar oʻquvchilarining turli fanlardan xalqaro olimpiadalarda ishtirok etishini;
Prezident, ijod va ixtisoslashtirilgan maktablar oʻquvchilarining xorijiy madaniy-maʼrifiy safarlarini;
Prezident, ijod va ixtisoslashtirilgan maktablarning pedagog xodimlarining ilgʻor xorijiy taʼlim va ilmiy muassasalarda malakasini oshirish va stajirovkadan oʻtishini tashkillashtirish boʻyicha takliflar kiritsin.
8. Xalq taʼlimi vazirligi ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Oʻzbekiston Respublikasi Vazirlar Mahkamasiga kiritsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 9-sentabr,
PQ-4444-son
Президента Республики Узбекистан
Постановление
О мерах по организации деятельности Агентства специализированных образовательных учреждений при Министерстве дошкольного и школьного образования Республики Узбекистан
В соответствии с Указом Президента Республики Узбекистан от 9 сентября 2019 года № УП-5815 «Об образовании Агентства специализированных образовательных учреждений при Министерстве дошкольного и школьного образования Республики Узбекистан:
2. Установить, что:
Агентство специализированных образовательных учреждений при Министерстве дошкольного и школьного образования Республики Узбекистан (далее — Агентство) возглавляется директором, назначаемым на должность и освобождаемым от должности Президентом Республики Узбекистан по представлению Премьер-министра Республики Узбекистан;
директор Агентства имеет одного заместителя, назначаемого на должность и освобождаемого от должности Кабинетом Министров Республики Узбекистан по представлению министра дошкольного и школьного образования;
штатная численность Агентства комплектуется за счет оптимизации 57 штатных единиц производственного персонала территориальных органов Министерства народного образования Республики Узбекистан.
3. Предоставить директору Агентства право:
вносить по согласованию с министром дошкольного и школьного образования, при необходимости, изменения в структуру Агентства в пределах установленной общей штатной численности;
вводить дополнительные штатные единицы работников Агентства за счет средств Фонда развития Президентских, творческих и специализированных школ при Агентстве;
привлекать на договорной основе на работу в Агентство высококвалифицированных специалистов государственных органов и других организаций, научных и образовательных учреждений, международных организаций, а также иностранных экспертов за счет средств Фонда поддержки одаренной молодежи при Агентстве;
утверждать структуру организаций, входящих в систему Агентства, и определять их штаты, а также вносить в них изменения и дополнения.
Директору Агентства в месячный срок обеспечить укомплектование Агентства высококвалифицированными специалистами, обладающими необходимыми знаниями и практическими навыками для эффективного выполнения возложенных на него задач.
4. Министерству финансов Республики Узбекистан:
выделить в 2019 году средства в пределах параметров Государственного бюджета Республики Узбекистан на содержание Агентства, а с 2020 года ежегодно предусматривать необходимые бюджетные средства;
установить лимит на содержание служебных легковых автомобилей в количестве 4 единиц, а также обеспечить выделение Агентству необходимых денежных средств для их приобретения;
обеспечить выделение Агентству по обоснованным расчетам в 2019 году средств в размере 3 миллиардов сумов, а в 2020 году — до 7 миллиардов сумов на покупку необходимого оборудования и внедрение информационно-коммуникационных технологий для формирования материально-технической базы и ремонта административных зданий исходя из фактических расходов.
5. Министерству по развитию информационных технологий и коммуникаций Республики Узбекистан обеспечить Агентство необходимыми средствами связи, включая правительственную.
6. Кабинету Министров Республики Узбекистан в месячный срок:
обеспечить размещение Агентства;
утвердить положение об Агентстве;
утвердить Программу оснащения Президентских, творческих и специализированных школ современными информационно-коммуникационными технологиями, новейшим учебно-лабораторным, научным, производственным и спортивным оборудованием, инструментами, инвентарем и другими необходимыми средствами;
внести на рассмотрение Концепцию совершенствования деятельности творческих школ в 2020 — 2025 годах.
7. Министерству иностранных дел Республики Узбекистан совместно с Агентством ежегодно вносить предложения по организации:
участия учащихся Президентских, творческих и специализированных школ в международных олимпиадах по различным учебным дисциплинам;
культурно-образовательных поездок учащихся Президентских, творческих и специализированных школ за рубеж;
повышения квалификации и прохождения стажировок педагогических работников Президентских, творческих и специализированных школ в ведущих зарубежных учебных и научных учреждениях.
8. Министерству народного образования в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова, советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
9 сентября 2019 г.,
№ ПП-4444