📅 2019-yil 13-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 13 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 13 сентября 2019 г. · Указы Президента
Официальный текст. Официальный документ. Редакционные примечания не включены.
📅 13 September 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
«Чироқчи» эркин иқтисодий зонасини ташкил этиш тўғрисида
Қашқадарё вилоятининг ишлаб чиқариш ва ресурс салоҳиятини комплекс ривожлантириш, минерал хом ашё ва қишлоқ хўжалиги ресурсларини чуқур қайта ишлаш бўйича юқори технологик ва экспортбоп маҳсулот ишлаб чиқаришни ташкил этишга тўғридан-тўғри инвестицияларни жалб қилиш учун қулай шарт-шароитлар яратиш ҳамда шу асосда вилоятнинг экспорт салоҳиятини ошириш, янги иш ўринлари ташкил этиш ҳамда ҳудуд аҳолиси фаровонлигини ошириш мақсадида:
1. Қашқадарё вилояти ҳокимлиги, Ўзбекистон Республикаси Инвестициялар ва ташқи савдо вазирлиги, Иқтисодиёт ва саноат вазирлиги, Молия вазирлиги, Қишлоқ хўжалиги вазирлигининг Қашқадарё вилояти Чироқчи туманида «Чироқчи» эркин иқтисодий зонасини (кейинги ўринларда — «Чироқчи» ЭИЗ) ташкил этиш тўғрисидаги таклифига розилик берилсин.
2. Қуйидагилар «Чироқчи» ЭИЗнинг асосий вазифалари ва фаолияти йўналишлари этиб белгилансин:
ташқи бозорларда талаб этилаётган ва импорт ўрнини босувчи, юқори қўшилган қийматга эга маҳсулотлар ишлаб чиқариш бўйича замонавий ишлаб чиқаришларни ташкил қилиш учун тўғридан-тўғри хорижий ва маҳаллий инвестицияларни жалб этиш;
вилоятнинг ишлаб чиқариш ва ресурс салоҳиятларидан комплекс ҳамда самарали фойдаланишни таъминлаш;
маҳаллий хом ашё ва материаллар негизида мустаҳкам кооперация алоқаларини ўрнатиш ҳамда эркин иқтисодий зона иштирокчилари ўртасида ва умуман республикада саноат кооперациясини ривожлантириш асосида юқори технологияли маҳсулотлар ишлаб чиқаришни маҳаллийлаштириш жараёнларини чуқурлаштириш;
вилоятнинг ишлаб чиқариш ва ресурс салоҳиятидан самарали фойдаланиш асосида қишлоқ хўжалиги маҳсулотларини ишлаб чиқаришни кенгайтириш, қайта ишлашни чуқурлаштириш ва уларнинг экспорт ҳажмини ошириш;
логистика хизматлари кўрсатишнинг замонавий инфратузилмасини шакллантириш, саноат соҳасидаги ишлаб чиқариш субъектларига улар томонидан ишлаб чиқарилган маҳсулотлар экспортини ташкил этишда кўмаклашиш;
ишлаб чиқарилаётган маҳсулотларни стандартлаштириш, сертификатлаштириш ва маркировка қилиш бўйича халқаро стандартларга мувофиқ илмий-ишлаб чиқариш марказларини ташкил этиш ва уларнинг хулосалари халқаро даражада эътироф этилишини таъминлаш чора-тадбирларини амалга ошириш;
«Чироқчи» ЭИЗнинг соҳа кадрларига бўлган жорий ва истиқболдаги эҳтиёжларидан келиб чиқиб, юқори малакали мутахассислар тайёрлашни ташкил этиш, шу жумладан уларнинг «Чироқчи» ЭИЗда жойлашган ҳудуддаги ташкилотларда ишлаб чиқариш амалиётини ўташида қатнашиш.
3. Белгилансинки:
«Чироқчи» ЭИЗнинг фаолият кўрсатиш муддати 30 йилни ташкил этади ва ушбу муддат кейинчалик узайтирилиши мумкин;
«Чироқчи» ЭИЗ фаолияти давомида унинг ҳудудида алоҳида солиқ, божхона ва валюта тартиботлари амал қилади;
Ўзбекистон Республикаси Президентининг 2016 йил 26 октябрдаги ПФ-4853-сон «Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида»ги Фармони 3 , 4 ва 5-бандлари қоидалари «Чироқчи» ЭИЗ иштирокчиларига нисбатан ҳам татбиқ этилади.
4. Қашқадарё вилояти ҳокимлиги ва Ўзбекистон Республикаси Қурилиш вазирлигининг:
Қашқадарё вилояти ҳокимлиги ҳузуридаги «Ягона буюртмачи хизмати» инжиниринг компанияси ДУКни «Чироқчи» ЭИЗнинг бош режасини ишлаб чиқиш, шунингдек, йўл-транспорт ва муҳандислик-коммуникация инфратузилмасини қуриш ҳамда реконструкция қилиш бўйича буюртмачи этиб;
«ЎзшаҳарсозликЛИТИ» ДУКни «Чироқчи» ЭИЗнинг бош режасини ишлаб чиқиш бўйича бош лойиҳалаш ташкилоти этиб белгилаш тўғрисидаги таклифига розилик берилсин.
5. Ўзбекистон Республикаси Инвестициялар ва ташқи савдо вазирлиги Қашқадарё вилояти ҳокимлиги, Қишлоқ хўжалиги вазирлиги, Ер ресурслари, геодезия, картография ва давлат кадастри давлат қўмитаси, Қурилиш вазирлиги, Экология ва атроф-муҳитни муҳофаза қилиш давлат қўмитаси билан биргаликда:
бир ой муддатда қишлоқ хўжалигига мўлжалланмаган ер участкалари ҳудудидан «Чироқчи» ЭИЗнинг чегараларини аниқлаш, уларни келгусида кенгайтириш ва «Чироқчи» ЭИЗ фаолиятини ташкил этишни назарда тутувчи Ҳукумат қарори лойиҳасини Вазирлар Маҳкамасига белгиланган тартибда киритсин;
уч ой муддатда «Чироқчи» ЭИЗнинг бош режаси ишлаб чиқилишини ҳамда белгиланган тартибда тасдиқланишини таъминласин.
6. Ўзбекистон Республикаси Давлат божхона қўмитаси Транспорт вазирлиги, Қашқадарё вилояти ҳокимлиги билан биргаликда бир ой муддатда «Чироқчи» ЭИЗ иштирокчиларига ўз вақтида ва сифатли хизмат кўрсатиш учун логистика марказларини ҳамда божхона постини ташкил этиш юзасидан Вазирлар Маҳкамасига таклиф киритсин.
Божхона органлари ўз фаолиятини эркин иқтисодий зона дирекцияси ва логистика марказлари биноларидаги алоҳида ажратилган хоналарда ижара тўловларисиз олиб боришлари инобатга олинсин.
7. Ўзбекистон Республикаси Инвестициялар ва ташқи савдо вазирлиги икки ой муддатда манфаатдор вазирлик ва идоралар билан биргаликда Қашқадарё вилоятининг мавжуд минерал хом ашё ресурсларини инобатга олган ҳолда, импорт таркибини ҳар томонлама таҳлил қилиш асосида «Чироқчи» ЭИЗ ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турлари ишлаб чиқариш ташкилотларини жойлаштириш бўйича « йўл хариталари » ишлаб чиқилиб, тасдиқланишини таъминласин.
8. Ўзбекистон Республикаси Давлат геология ва минерал ресурслар қўмитаси Қашқадарё вилояти ҳокимлиги билан биргаликда бир ой муддатда «Чироқчи» ЭИЗ ҳудудида ер ости сув захиралари мавжудлигини ўрганиб чиқиб, ундан самарали фойдаланиш бўйича таклифларини Вазирлар Маҳкамасига киритсин.
9. Ўзбекистон Республикаси Ахборот технологиялари ва коммуникацияларини ривожлантириш вазирлиги, Уй-жой коммунал хизмат кўрсатиш вазирлиги, Транспорт вазирлиги ҳузуридаги Автомобиль йўллари қўмитаси, «Ҳудудий электр тармоқлари» АЖ ва «Ўзтрансгаз» АЖ «Чироқчи» ЭИЗ ҳудудини, шунингдек, унинг иштирокчилари ишлаб чиқариш майдонларини ташқи йўл-транспорт ва муҳандислик-коммуникация инфратузилмаси билан кафолатли таъминлаш чораларини кўрсин.
10. Ўзбекистон Республикаси Инвестициялар ва ташқи савдо вазирлиги, Иқтисодиёт ва саноат вазирлиги ҳамда Молия вазирлиги:
Қурилиш вазирлиги, Уй-жой коммунал хизмат кўрсатиш вазирлиги, Ахборот технологиялари ва коммуникацияларини ривожлантириш вазирлиги, Транспорт вазирлиги ҳузуридаги Автомобиль йўллари қўмитаси, «Ҳудудий электр тармоқлари» АЖ, «Ўзтрансгаз» АЖ, «Ўзбекистон темир йўллари» АЖ, Қашқадарё вилояти ҳокимлиги билан биргаликда уч ой муддатда «Чироқчи» ЭИЗ ҳудудида транспорт, ишлаб чиқариш ва муҳандислик-коммуникация инфратузилмасини жадал ривожлантириш дастурини тасдиқлаш учун Вазирлар Маҳкамасига киритсин;
Ўзбекистон Республикасининг 2020 — 2022 йиллар учун Инвестиция дастурини шакллантиришда «Чироқчи» ЭИЗнинг белгиланган тартибда тасдиқланган бош режаси асосида транспорт, ишлаб чиқариш ва муҳандислик-коммуникация инфратузилмасини ривожлантириш учун капитал қўйилмалар лимитларини ҳамда зарур марказлаштирилган инвестициялар ажратилишини назарда тутсин.
11. Ўзбекистон Республикаси Ташқи ишлар вазирлиги Қашқадарё вилояти ҳокимлиги ёки Ўзбекистон Республикаси Инвестициялар ва ташқи савдо вазирлигининг буюртмаларига кўра «Чироқчи» ЭИЗда амалга ошириладиган лойиҳаларни ташкил этиш бўйича ишга жалб қилинадиган хорижий мутахассислар учун Ўзбекистон Республикасига кўп марталик кириш визаларини консуллик ва бошқа йиғимларни ундирмасдан белгиланган тартибда расмийлаштиришни таъминласин.
12. Ўзбекистон Республикаси Ички ишлар вазирлиги «Чироқчи» ЭИЗда амалга ошириладиган лойиҳаларни ташкил этиш бўйича ишга жалб қилинадиган хорижий мутахассисларни турган жойи бўйича рўйхатдан ўтказилиши ҳамда унинг муддати узайтирилишини белгиланган тартибда таъминласин.
13. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ганиев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 13 сентябрь,
ПФ-5825-сон
Oʻzbekiston Respublikasi Prezidentining
Farmoni
“Chiroqchi” erkin iqtisodiy zonasini tashkil etish toʻgʻrisida
Qashqadaryo viloyatining ishlab chiqarish va resurs salohiyatini kompleks rivojlantirish, mineral xom ashyo va qishloq xoʻjaligi resurslarini chuqur qayta ishlash boʻyicha yuqori texnologik va eksportbop mahsulot ishlab chiqarishni tashkil etishga toʻgʻridan-toʻgʻri investitsiyalarni jalb qilish uchun qulay shart-sharoitlar yaratish hamda shu asosda viloyatning eksport salohiyatini oshirish, yangi ish oʻrinlari tashkil etish hamda hudud aholisi farovonligini oshirish maqsadida:
1. Qashqadaryo viloyati hokimligi, Oʻzbekiston Respublikasi Investitsiyalar va tashqi savdo vazirligi, Iqtisodiyot va sanoat vazirligi, Moliya vazirligi, Qishloq xoʻjaligi vazirligining Qashqadaryo viloyati Chiroqchi tumanida “Chiroqchi” erkin iqtisodiy zonasini (keyingi oʻrinlarda — “Chiroqchi” EIZ) tashkil etish toʻgʻrisidagi taklifiga rozilik berilsin.
2. Quyidagilar “Chiroqchi” EIZning asosiy vazifalari va faoliyati yoʻnalishlari etib belgilansin:
tashqi bozorlarda talab etilayotgan va import oʻrnini bosuvchi, yuqori qoʻshilgan qiymatga ega mahsulotlar ishlab chiqarish boʻyicha zamonaviy ishlab chiqarishlarni tashkil qilish uchun toʻgʻridan-toʻgʻri xorijiy va mahalliy investitsiyalarni jalb etish;
viloyatning ishlab chiqarish va resurs salohiyatlaridan kompleks hamda samarali foydalanishni taʼminlash;
mahalliy xom ashyo va materiallar negizida mustahkam kooperatsiya aloqalarini oʻrnatish hamda erkin iqtisodiy zona ishtirokchilari oʻrtasida va umuman respublikada sanoat kooperatsiyasini rivojlantirish asosida yuqori texnologiyali mahsulotlar ishlab chiqarishni mahalliylashtirish jarayonlarini chuqurlashtirish;
viloyatning ishlab chiqarish va resurs salohiyatidan samarali foydalanish asosida qishloq xoʻjaligi mahsulotlarini ishlab chiqarishni kengaytirish, qayta ishlashni chuqurlashtirish va ularning eksport hajmini oshirish;
logistika xizmatlari koʻrsatishning zamonaviy infratuzilmasini shakllantirish, sanoat sohasidagi ishlab chiqarish subyektlariga ular tomonidan ishlab chiqarilgan mahsulotlar eksportini tashkil etishda koʻmaklashish;
ishlab chiqarilayotgan mahsulotlarni standartlashtirish, sertifikatlashtirish va markirovka qilish boʻyicha xalqaro standartlarga muvofiq ilmiy-ishlab chiqarish markazlarini tashkil etish va ularning xulosalari xalqaro darajada eʼtirof etilishini taʼminlash chora-tadbirlarini amalga oshirish;
“Chiroqchi” EIZning soha kadrlariga boʻlgan joriy va istiqboldagi ehtiyojlaridan kelib chiqib, yuqori malakali mutaxassislar tayyorlashni tashkil etish, shu jumladan ularning “Chiroqchi” EIZda joylashgan hududdagi tashkilotlarda ishlab chiqarish amaliyotini oʻtashida qatnashish.
3. Belgilansinki:
“Chiroqchi” EIZning faoliyat koʻrsatish muddati 30 yilni tashkil etadi va ushbu muddat keyinchalik uzaytirilishi mumkin;
“Chiroqchi” EIZ faoliyati davomida uning hududida alohida soliq, bojxona va valyuta tartibotlari amal qiladi;
Oʻzbekiston Respublikasi Prezidentining 2016-yil 26-oktabrdagi PF-4853-son “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida”gi Farmoni 3 , 4 va 5-bandlari qoidalari “Chiroqchi” EIZ ishtirokchilariga nisbatan ham tatbiq etiladi.
4. Qashqadaryo viloyati hokimligi va Oʻzbekiston Respublikasi Qurilish vazirligining:
Qashqadaryo viloyati hokimligi huzuridagi “Yagona buyurtmachi xizmati” injiniring kompaniyasi DUKni “Chiroqchi” EIZning bosh rejasini ishlab chiqish, shuningdek, yoʻl-transport va muhandislik-kommunikatsiya infratuzilmasini qurish hamda rekonstruksiya qilish boʻyicha buyurtmachi etib;
“OʻzshaharsozlikLITI” DUKni “Chiroqchi” EIZning bosh rejasini ishlab chiqish boʻyicha bosh loyihalash tashkiloti etib belgilash toʻgʻrisidagi taklifiga rozilik berilsin.
5. Oʻzbekiston Respublikasi Investitsiyalar va tashqi savdo vazirligi Qashqadaryo viloyati hokimligi, Qishloq xoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi, Qurilish vazirligi, Ekologiya va atrof-muhitni muhofaza qilish davlat qoʻmitasi bilan birgalikda:
bir oy muddatda qishloq xoʻjaligiga moʻljallanmagan yer uchastkalari hududidan “Chiroqchi” EIZning chegaralarini aniqlash, ularni kelgusida kengaytirish va “Chiroqchi” EIZ faoliyatini tashkil etishni nazarda tutuvchi Hukumat qarori loyihasini Vazirlar Mahkamasiga belgilangan tartibda kiritsin;
uch oy muddatda “Chiroqchi” EIZning bosh rejasi ishlab chiqilishini hamda belgilangan tartibda tasdiqlanishini taʼminlasin.
6. Oʻzbekiston Respublikasi Davlat bojxona qoʻmitasi Transport vazirligi, Qashqadaryo viloyati hokimligi bilan birgalikda bir oy muddatda “Chiroqchi” EIZ ishtirokchilariga oʻz vaqtida va sifatli xizmat koʻrsatish uchun logistika markazlarini hamda bojxona postini tashkil etish yuzasidan Vazirlar Mahkamasiga taklif kiritsin.
Bojxona organlari oʻz faoliyatini erkin iqtisodiy zona direksiyasi va logistika markazlari binolaridagi alohida ajratilgan xonalarda ijara toʻlovlarisiz olib borishlari inobatga olinsin.
7. Oʻzbekiston Respublikasi Investitsiyalar va tashqi savdo vazirligi ikki oy muddatda manfaatdor vazirlik va idoralar bilan birgalikda Qashqadaryo viloyatining mavjud mineral xom ashyo resurslarini inobatga olgan holda, import tarkibini har tomonlama tahlil qilish asosida “Chiroqchi” EIZ hududida import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlari ishlab chiqarish tashkilotlarini joylashtirish boʻyicha “ yoʻl xaritalari ” ishlab chiqilib, tasdiqlanishini taʼminlasin.
8. Oʻzbekiston Respublikasi Davlat geologiya va mineral resurslar qoʻmitasi Qashqadaryo viloyati hokimligi bilan birgalikda bir oy muddatda “Chiroqchi” EIZ hududida yer osti suv zaxiralari mavjudligini oʻrganib chiqib, undan samarali foydalanish boʻyicha takliflarini Vazirlar Mahkamasiga kiritsin.
9. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Uy-joy kommunal xizmat koʻrsatish vazirligi, Transport vazirligi huzuridagi Avtomobil yoʻllari qoʻmitasi, “Hududiy elektr tarmoqlari” AJ va “Oʻztransgaz” AJ “Chiroqchi” EIZ hududini, shuningdek, uning ishtirokchilari ishlab chiqarish maydonlarini tashqi yoʻl-transport va muhandislik-kommunikatsiya infratuzilmasi bilan kafolatli taʼminlash choralarini koʻrsin.
10. Oʻzbekiston Respublikasi Investitsiyalar va tashqi savdo vazirligi, Iqtisodiyot va sanoat vazirligi hamda Moliya vazirligi:
Qurilish vazirligi, Uy-joy kommunal xizmat koʻrsatish vazirligi, Axborot texnologiyalari va kommunikatsiyalarini rivojlantirish vazirligi, Transport vazirligi huzuridagi Avtomobil yoʻllari qoʻmitasi, “Hududiy elektr tarmoqlari” AJ, “Oʻztransgaz” AJ, “Oʻzbekiston temir yoʻllari” AJ, Qashqadaryo viloyati hokimligi bilan birgalikda uch oy muddatda “Chiroqchi” EIZ hududida transport, ishlab chiqarish va muhandislik-kommunikatsiya infratuzilmasini jadal rivojlantirish dasturini tasdiqlash uchun Vazirlar Mahkamasiga kiritsin;
Oʻzbekiston Respublikasining 2020 — 2022-yillar uchun Investitsiya dasturini shakllantirishda “Chiroqchi” EIZning belgilangan tartibda tasdiqlangan bosh rejasi asosida transport, ishlab chiqarish va muhandislik-kommunikatsiya infratuzilmasini rivojlantirish uchun kapital qoʻyilmalar limitlarini hamda zarur markazlashtirilgan investitsiyalar ajratilishini nazarda tutsin.
11. Oʻzbekiston Respublikasi Tashqi ishlar vazirligi Qashqadaryo viloyati hokimligi yoki Oʻzbekiston Respublikasi Investitsiyalar va tashqi savdo vazirligining buyurtmalariga koʻra “Chiroqchi” EIZda amalga oshiriladigan loyihalarni tashkil etish boʻyicha ishga jalb qilinadigan xorijiy mutaxassislar uchun Oʻzbekiston Respublikasiga koʻp martalik kirish vizalarini konsullik va boshqa yigʻimlarni undirmasdan belgilangan tartibda rasmiylashtirishni taʼminlasin.
12. Oʻzbekiston Respublikasi Ichki ishlar vazirligi “Chiroqchi” EIZda amalga oshiriladigan loyihalarni tashkil etish boʻyicha ishga jalb qilinadigan xorijiy mutaxassislarni turgan joyi boʻyicha roʻyxatdan oʻtkazilishi hamda uning muddati uzaytirilishini belgilangan tartibda taʼminlasin.
13. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 13-sentabr,
PF-5825-son
Президента Республики Узбекистан
Указ
О создании свободной экономической зоны «Чирокчи»
В целях создания благоприятных условий для комплексного развития производственного и ресурсного потенциала Кашкадарьинской области, привлечения прямых инвестиций в организацию производства высокотехнологичной и экспортоориентированной продукции по глубокой переработке минерального сырья и сельскохозяйственных ресурсов, и повышения на этой основе экспортного потенциала области, организации новых рабочих мест, повышения благосостояния населения региона:
1. Согласиться с предложением хокимията Кашкадарьинской области, Министерства инвестиций и внешней торговли, Министерства финансов и Министерства сельского хозяйства Республики Узбекистан о создании в Чиракчинском районе Кашкадарьинской области свободной экономической зоны «Чирокчи» (далее — СЭЗ «Чирокчи»).
2. Определить основными задачами и направлениями деятельности СЭЗ «Чирокчи»:
привлечение прямых иностранных и отечественных инвестиций для создания современных производств по выпуску востребованной на внешних рынках и импортозамещающей продукции с высокой добавленной стоимостью;
обеспечение комплексного и эффективного использования производственного и ресурсного потенциала области;
углубление процессов локализации производства высокотехнологичной продукции на базе местного сырья и материалов путем установления прочных кооперационных связей, и развития промышленной кооперации между участниками свободной экономической зоны и в целом по республике;
расширение производства, углубление переработки и увеличение объема экспорта сельскохозяйственной продукции на основе эффективного использования производственного и ресурсного потенциала области;
формирование современной инфраструктуры оказания логистических услуг, содействие субъектам производства в отрасли промышленности в организации экспорта произведенной ими продукции;
создание научно-производственных центров по стандартизации, сертификации и маркировке производимой продукции в соответствии с международными стандартами и реализация мер по обеспечению признания их заключений на международном уровне;
организация подготовки высококвалифицированных специалистов, исходя из текущих и перспективных потребностей СЭЗ «Чирокчи» в профильных кадрах, в том числе участие в прохождении ими производственной практики на предприятиях, расположенных на территории СЭЗ «Чирокчи».
3.Установить, что:
срок функционирования СЭЗ «Чирокчи» составляет 30 лет с возможностью его последующего продления;
в течение срока функционирования СЭЗ «Чирокчи» на ее территории действуют особые налоговый, таможенный и валютный режимы;
на участников СЭЗ «Чирокчи» также распространяется действие пунктов 3 , 4 , 5 Указа Президента Республики Узбекистан от 26 октября 2016 года № УП-4853 «О дополнительных мерах по активизации и расширению деятельности свободных экономических зон».
4. Согласиться с предложением хокимията Кашкадарьинской области и Министерства строительства Республики Узбекистан об определении:
ГУП инжиниринговая компания ИК «Служба единого заказчика» при хокимияте Кашкадарьинской области — заказчиком по разработке генерального плана СЭЗ «Чирокчи», а также строительству и реконструкции дорожно-транспортной и инженерно-коммуникационной инфраструктуры;
ГУП «УзшахарсозликЛИТИ» — генеральной проектной организацией по разработке генерального плана СЭЗ «Чирокчи».
5. Министерству инвестиций и внешней торговли совместно с хокимиятом Кашкадарьинской области, Министерством сельского хозяйства, Государственным комитетом по земельным ресурсам, геодезии, картографии и государственному кадастру, Министерством строительства, Государственным комитетом Республики Узбекистан по экологии и охране окружающей среды:
в месячный срок внести в установленном порядке в Кабинет Министров проект правительственного решения, предусматривающего уточнение границ СЭЗ «Чирокчи» на территории пустующих земельных площадей несельскохозяйственного назначения, их дальнейшее расширение и организацию деятельности СЭЗ «Чирокчи»;
в трехмесячный срок обеспечить разработку и утверждение в установленном порядке генерального плана СЭЗ «Чирокчи».
6. Государственному таможенному комитету совместно с Министерством транспорта, хокимиятом Кашкадарьинской области в месячный срок внести предложение в Кабинет Министров Республики Узбекистан о создании центров логистики и таможенного поста для своевременного и качественного обслуживания участников СЭЗ «Чирокчи».
Принять к сведению, что таможенные органы осуществляют свою деятельность в специально отведенных помещениях в зданиях дирекции свободной экономической зоны и центров логистики без арендной платы.
7. Министерству инвестиций и внешней торговли Республики Узбекистан в двухмесячный срок совместно с заинтересованными министерствами и ведомствами на основе всестороннего анализа структуры импорта обеспечить разработку и утверждение « Дорожной карты » по размещению на территории СЭЗ «Чирокчи» производств по выпуску импортозамещающих и экспортоориентированных видов готовой продукции, материалов и комплектующих изделий, с учетом имеющихся минерально-сырьевых ресурсов Кашкадарьинской области.
8. Государственному комитету Республики Узбекистан по геологии и минеральным ресурсам совместно с хокимиятом Кашкадарьинской области в месячный срок изучить наличие запасов подземных вод на территории СЭЗ «Чирокчи» и внести предложения в Кабинет Министров по их эффективному использованию.
9. Министерству по развитию информационных технологий и коммуникаций, Министерству жилищно-коммунального обслуживания, Комитету по автомобильным дорогам при Министерстве транспорта Республики Узбекистан, АО «Региональные электрические сети», АО «Узтрансгаз» принять меры по обеспечению гарантированной подводки к территории СЭЗ «Чирокчи», а также производственным площадкам ее участников соответствующей внешней дорожно-транспортной и инженерно-коммуникационной инфраструктуры.
10. Министерству инвестиций и внешней торговли, Министерству экономики и промышленности, а также Министерству финансов Республики Узбекистан:
совместно с Министерством строительства, Министерством жилищно-коммунального обслуживания, Министерством по развитию информационных технологий и коммуникаций, Комитетом по автомобильным дорогам при Министерстве транспорта, АО «Региональные электрические сети», АО «Узтрансгаз», АО «Узбекистон темир йуллари», хокимиятом Кашкадарьинской области в трехмесячный срок внести на утверждение в Кабинет Министров Республики Узбекистан программу по ускоренному развитию транспортной, производственной и инженерно-коммуникационной инфраструктуры на территории СЭЗ «Чирокчи»;
при формировании Инвестиционной программы развития Республики Узбекистан на 2020 — 2022 годы предусматривать лимиты капитальных вложений, а также выделение необходимых централизованных инвестиций для развития транспортной, производственной и инженерно-коммуникационной инфраструктуры на основании утвержденного в установленном порядке генерального плана СЭЗ «Чирокчи».
11. Министерству иностранных дел обеспечить в установленном порядке по заявкам хокимията Кашкадарьинской области или Министерства инвестиций и внешней торговли Республики Узбекистан оформление многократных въездных виз в Республику Узбекистан для зарубежных специалистов, привлекаемых к деятельности по организации проектов, реализуемых на территории СЭЗ «Чирокчи» без взимания консульских и иных сборов.
12. Министерству внутренних дел Республики Узбекистан обеспечить в установленном порядке регистрацию по месту пребывания и ее продление зарубежных специалистов, участвующих в деятельности по организации проектов, реализуемых на территории СЭЗ «Чирокчи».
13. Контроль за исполнением настоящего Указа возложить на Премьер-министра Республики Узбекистан А.Н. Арипова и заместителя Премьер-министра Республики Узбекистан по вопросам инвестиций и внешнеэкономических связей Э.М. Ганиева.
Президент Республики Узбекистан Ш. МИРЗИЁЕВ
г. Ташкент,
13 сентября 2019 г.,
№ УП-5825