📅 2019-yil 13-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 13 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 сентября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 13 September 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ички ишлар вазирлигининг мактабгача таълим ташкилотлари фаолиятини такомиллаштириш чора-тадбирлари тўғрисида
Ўзбекистон Республикаси Ички ишлар вазирлигининг мактабгача таълим ташкилотлари фаолиятини такомиллаштириш йўли билан ички ишлар органлари ходимлари ва ҳарбий хизматчилари учун қулай шарт-шароитлар яратиш ҳамда болаларни давлат мактабгача таълими билан кенг қамраб олиш мақсадида Вазирлар Маҳкамаси қарор қилади:
1. Ўзбекистон Республикаси Ички ишлар вазирлиги ва Мактабгача ва мактаб таълими вазирлигининг:
Ўзбекистон Республикаси Ички ишлар вазирлигининг тасарруфидаги мактабгача таълим ташкилотларини, истисно тариқасида, унинг идоравий мансублигида қолдириш;
Ўзбекистон Республикаси Ички ишлар вазирлиги тасарруфидаги мактабгача таълим ташкилотларини (кейинги ўринларда — ИИВ МТТ) Ўзбекистон Республикаси Мактабгача ва мактаб таълими вазирлигининг давлат мактабгача таълим ташкилотлари (кейинги ўринларда — ДМТТ) тизимига киритиш тўғрисидаги таклифларига розилик берилсин.
2. Белгилансинки:
Ўзбекистон Республикаси ИИВ МТТнинг таълим-тарбия жараёнини мувофиқлаштириш ва методик бошқариш Ўзбекистон Республикаси Мактабгача ва мактаб таълими вазирлиги томонидан амалга оширилади;
Ўзбекистон Республикаси ИИВ МТТ ўз фаолиятини давлат мактабгача таълим ташкилотлари фаолиятини тартибга солувчи норматив-ҳуқуқий ҳужжатларга мувофиқ амалга оширади;
Ўзбекистон Республикаси ИИВ МТТ директори Ўзбекистон Республикаси Мактабгача ва мактаб таълими вазирлиги билан келишилган ҳолда Ички ишлар вазири томонидан лавозимга тайинланади ва лавозимидан озод этилади;
Ўзбекистон Республикаси ИИВ МТТ ходимларига давлат мактабгача таълим ташкилотлари ходимлари учун қонунчиликка мувофиқ белгиланган меҳнатга ҳақ тўлаш шартлари ва имтиёзлар қўлланилади;
Ўзбекистон Республикаси ИИВ МТТни сақлаш харажатлари Ички ишлар вазирлигига ҳар йили ажратиладиган бюджет маблағлари ва Вазирликнинг бюджетдан ташқари маблағлари ҳамда қонунчиликда тақиқланмаган бошқа манбалар ҳисобидан амалга оширилади.
3. 2019 йил 1 октябрдан қуйидаги тартиб жорий этилсин, унга кўра:
Ўзбекистон Республикаси ИИВ МТТ тарбияланувчилари умумий ўринлари сонининг 80 фоизи ички ишлар органлари ходимлари ва ҳарбий хизматчиларининг фарзандлари учун ажратилади;
Ўзбекистон Республикаси ИИВ МТТ тарбияланувчилари умумий ўринлари сонининг 20 фоизи Болаларни давлат мактабгача таълим ташкилотларига қабул қилиш бўйича давлат хизматлари кўрсатишнинг маъмурий регламентига мувофиқ жамланади;
идоравий мактабгача таълим ташкилотларига болаларни қабул қилиш квотасига ўзгартиришлар киритиш, Ўзбекистон Республикаси Ички ишлар вазирлиги эҳтиёжидан келиб чиқиб, Ўзбекистон Республикаси Мактабгача ва мактаб таълими вазирлиги билан келишилган ҳолда амалга оширилади.
4. Ўзбекистон Республикаси Ички ишлар вазирига бюджетдан ташқари маблағлар ҳисобига:
Ўзбекистон Республикаси ИИВ МТТ ходимларига, қонунчиликда белгиланган қўшимча ҳақ ва тўловлардан қатъи назар, рағбатлантирувчи устамалар белгилаш;
Ўзбекистон Республикаси ИИВ МТТга мутахассис-психологларни, улар меҳнатига ҳақ тўлаш миқдорини белгилашда меҳнат бозорининг амалдаги конъюнктурасини ҳисобга олган ҳолда, шартнома асосида жалб этиш;
Ўзбекистон Республикаси ИИВ МТТни таъмирлаш, капитал ва жорий таъмирлаш, шунингдек моддий-техник таъминлашни амалга ошириш;
эҳтиёжлардан келиб чиқиб, кейинчалик давлат мактабгача таълим ташкилотлари тизимига киритиш ҳамда Ўзбекистон Республикаси Давлат бюджети ҳисобидан таъминланишга ўтказишни назарда тутган ҳолда, Ўзбекистон Республикаси ИИВнинг янги МТТни қуриш ва моддий-техник жиҳозлаш ҳуқуқи берилсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов, Ўзбекистон Республикаси ички ишлар вазири П.Р. Бобожонов ва Ўзбекистон Республикаси мактабгача таълим вазири А.В. Шин зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 13 сентябрь,
769-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Ichki ishlar vazirligining maktabgacha taʼlim tashkilotlari faoliyatini takomillashtirish chora-tadbirlari toʻgʻrisida
Oʻzbekiston Respublikasi Ichki ishlar vazirligining maktabgacha taʼlim tashkilotlari faoliyatini takomillashtirish yoʻli bilan ichki ishlar organlari xodimlari va harbiy xizmatchilari uchun qulay shart-sharoitlar yaratish hamda bolalarni davlat maktabgacha taʼlimi bilan keng qamrab olish maqsadida Vazirlar Mahkamasi qaror qiladi:
1. Oʻzbekiston Respublikasi Ichki ishlar vazirligi va Maktabgacha va maktab taʼlimi vazirligining:
Oʻzbekiston Respublikasi Ichki ishlar vazirligining tasarrufidagi maktabgacha taʼlim tashkilotlarini, istisno tariqasida, uning idoraviy mansubligida qoldirish;
Oʻzbekiston Respublikasi Ichki ishlar vazirligi tasarrufidagi maktabgacha taʼlim tashkilotlarini (keyingi oʻrinlarda — IIV MTT) Oʻzbekiston Respublikasi Maktabgacha va maktab taʼlimi vazirligining davlat maktabgacha taʼlim tashkilotlari (keyingi oʻrinlarda — DMTT) tizimiga kiritish toʻgʻrisidagi takliflariga rozilik berilsin.
2. Belgilansinki:
Oʻzbekiston Respublikasi IIV MTTning taʼlim-tarbiya jarayonini muvofiqlashtirish va metodik boshqarish Oʻzbekiston Respublikasi Maktabgacha va maktab taʼlimi vazirligi tomonidan amalga oshiriladi;
Oʻzbekiston Respublikasi IIV MTT oʻz faoliyatini davlat maktabgacha taʼlim tashkilotlari faoliyatini tartibga soluvchi normativ-huquqiy hujjatlarga muvofiq amalga oshiradi;
Oʻzbekiston Respublikasi IIV MTT direktori Oʻzbekiston Respublikasi Maktabgacha va maktab taʼlimi vazirligi bilan kelishilgan holda Ichki ishlar vaziri tomonidan lavozimga tayinlanadi va lavozimidan ozod etiladi;
Oʻzbekiston Respublikasi IIV MTT xodimlariga davlat maktabgacha taʼlim tashkilotlari xodimlari uchun qonunchilikka muvofiq belgilangan mehnatga haq toʻlash shartlari va imtiyozlar qoʻllaniladi;
Oʻzbekiston Respublikasi IIV MTTni saqlash xarajatlari Ichki ishlar vazirligiga har yili ajratiladigan budjet mablagʻlari va Vazirlikning budjetdan tashqari mablagʻlari hamda qonunchilikda taqiqlanmagan boshqa manbalar hisobidan amalga oshiriladi.
3. 2019-yil 1-oktabrdan quyidagi tartib joriy etilsin, unga koʻra:
Oʻzbekiston Respublikasi IIV MTT tarbiyalanuvchilari umumiy oʻrinlari sonining 80 foizi ichki ishlar organlari xodimlari va harbiy xizmatchilarining farzandlari uchun ajratiladi;
Oʻzbekiston Respublikasi IIV MTT tarbiyalanuvchilari umumiy oʻrinlari sonining 20 foizi Bolalarni davlat maktabgacha taʼlim tashkilotlariga qabul qilish boʻyicha davlat xizmatlari koʻrsatishning maʼmuriy reglamentiga muvofiq jamlanadi;
idoraviy maktabgacha taʼlim tashkilotlariga bolalarni qabul qilish kvotasiga oʻzgartirishlar kiritish, Oʻzbekiston Respublikasi Ichki ishlar vazirligi ehtiyojidan kelib chiqib, Oʻzbekiston Respublikasi Maktabgacha va maktab taʼlimi vazirligi bilan kelishilgan holda amalga oshiriladi.
4. Oʻzbekiston Respublikasi Ichki ishlar vaziriga budjetdan tashqari mablagʻlar hisobiga:
Oʻzbekiston Respublikasi IIV MTT xodimlariga, qonunchilikda belgilangan qoʻshimcha haq va toʻlovlardan qatʼi nazar, ragʻbatlantiruvchi ustamalar belgilash;
Oʻzbekiston Respublikasi IIV MTTga mutaxassis-psixologlarni, ular mehnatiga haq toʻlash miqdorini belgilashda mehnat bozorining amaldagi konyunkturasini hisobga olgan holda, shartnoma asosida jalb etish;
Oʻzbekiston Respublikasi IIV MTTni taʼmirlash, kapital va joriy taʼmirlash, shuningdek moddiy-texnik taʼminlashni amalga oshirish;
ehtiyojlardan kelib chiqib, keyinchalik davlat maktabgacha taʼlim tashkilotlari tizimiga kiritish hamda Oʻzbekiston Respublikasi Davlat budjeti hisobidan taʼminlanishga oʻtkazishni nazarda tutgan holda, Oʻzbekiston Respublikasi IIVning yangi MTTni qurish va moddiy-texnik jihozlash huquqi berilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov, Oʻzbekiston Respublikasi ichki ishlar vaziri P.R. Bobojonov va Oʻzbekiston Respublikasi maktabgacha taʼlim vaziri A.V. Shin zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 13-sentabr,
769-son
Кабинета Министров Республики Узбекистан
Постановление
О мерах по совершенствованию деятельности дошкольных образовательных организаций Министерства внутренних дел Республики Узбекистан
В целях создания благоприятных условий для сотрудников и военнослужащих органов внутренних дел путем совершенствования деятельности дошкольных образовательных организаций Министерства внутренних дел Республики Узбекистан, а также расширения охвата детей государственным дошкольным образованием Кабинет Министров постановляет:
1. Согласиться с предложениями Министерства внутренних дел и Министерства дошкольного и школьного образования Республики Узбекистан:
об оставлении в порядке исключения в ведомственной принадлежности Министерства внутренних дел Республики Узбекистан дошкольных образовательных организаций, находящихся в его ведении;
о включении дошкольных образовательных организаций Министерства внутренних дел Республики Узбекистан (далее - ДОО МВД) в систему государственных дошкольных образовательных организаций Министерства дошкольного и школьного образования Республики Узбекистан (далее — ГДОО).
2. Установить, что:
координация учебно-воспитательного процесса и методическое руководство ДОО МВД Республики Узбекистан осуществляется Министерством дошкольного и школьного образования Республики Узбекистан;
ДОО МВД Республики Узбекистан осуществляют деятельность в соответствии с нормативно-правовыми актами, регулирующими деятельность государственных дошкольных образовательных организаций;
директор ДОО МВД Республики Узбекистан назначаются на должности и освобождаются от должностей министром внутренних дел Республики Узбекистан по согласованию с Министерством дошкольного и школьного образования Республики Узбекистан;
к работникам ДОО МВД Республики Узбекистан применяются условия оплаты труда и льготы, предоставляемые работникам государственных дошкольных образовательных организаций в соответствии с законодательством;
расходы по содержанию ДОО МВД Республики Узбекистан осуществляются за счет ежегодно выделяемых бюджетных и внебюджетных средств Министерства внутренних дел Республики Узбекистан, а также других источников, не запрещенных законодательством.
3. Ввести с 1 октября 2019 года порядок, согласно которому:
80 процентов от общего количества мест воспитанников в ДОО МВД Республики Узбекистан выделяются для детей сотрудников и военнослужащих органов внутренних дел;
20 процентов от общего количества мест воспитанников в ДОО МВД Республики Узбекистан комплектуются в соответствии с Административным регламентом оказания государственных услуг по приему детей в государственные дошкольные образовательные организации;
внесение изменений в квоту приема детей в ведомственные дошкольные образовательные организации осуществляется исходя из потребностей Министерством внутренних дел по согласованию с Министерством дошкольного и школьного образования Республики Узбекистан.
4. Предоставить министру внутренних дел Республики Узбекистан право за счет внебюджетных средств:
устанавливать для работников ДОО МВД Республики Узбекистан стимулирующие надбавки, вне зависимости от других доплат и выплат, установленных законодательством;
привлекать на договорной основе к работе в ДОО МВД Республики Узбекистан специалистов-психологов с определением размера оплаты их труда с учетом фактической конъюнктуры на рынке труда;
осуществлять реконструкцию, текущий и капитальный ремонт, а также материально-техническое оснащение ДОО МВД Республики Узбекистан;
осуществлять исходя из потребностей строительство и материально-техническое оснащение новых ДОО МВД Республики Узбекистан с последующим включением их в систему государственных дошкольных образовательных организаций и переводом на содержание за счет средств Государственного бюджета Республики Узбекистан.
5. Контроль за исполнением настоящего постановления возложить на заместителя Премьер-министра по вопросам социального развития А.А. Абдухакимова, министра внутренних дел Республики Узбекистан П.Р. Бобожонова и министра дошкольного образования Республики Узбекистан А.В. Шин.
Премьер-министр Республики Узбекистан А. АРИПОВ
г. Ташкент,
13 сентября 2019 г.,
№ 769