📅 2019-yil 17-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 17 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 сентября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 17 September 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент шаҳар йўловчи ташиш транспорти ташкилотларини молиявий соғломлаштириш чора-тадбирлари тўғрисида
«Шаҳар йўловчилар транспорти тўғрисида»ги Ўзбекистон Республикаси Қонуни ва Вазирлар Маҳкамасининг «Умумий фойдаланиладиган транспортда йўловчи ташувчилар фаолиятини ҳамда уларни молиялаштириш тартибини такомиллаштириш тўғрисида» 2012 йил 17 сентябрдаги 273-сон қарорига мувофиқ, шунингдек, Тошкент шаҳар йўловчи ташиш транспорти ташкилотларини молиявий соғломлаштириш мақсадида Вазирлар Маҳкамаси қарор қилади:
1. Тошкент шаҳар ҳокимлиги, Ўзбекистон Республикаси Молия вазирлиги, «Ўзбекистон темир йўллари» АЖ ва «Тошшаҳартрансхизмат» АЖнинг чекланган тарифлар бўйича йўловчи ташиш ҳисобидан юзага келган зарарларни қоплаш тўғрисидаги таклифига розилик берилсин:
«Тошшаҳартрансхизмат» АЖ автобус саройларининг — 2018 йил IV чораги ва 2019 йил I чораги бўйича 38 715 700 минг сўм;
«Тошкент метрополитени» УКнинг — 2018 йил ва 2019 йил I чораги бўйича 9 011 000 минг сўм.
2. Ўзбекистон Республикаси Молия вазирлиги ва Тошкент шаҳар ҳокимлиги:
а) «Тошшаҳартрансхизмат» АЖ автобус саройларида 2018 йил IV чораги ва 2019 йил I чораги бўйича 38 715 700 минг сўм миқдоридаги зарарни қуйидаги қўшимча манбалар:
27 771 650 минг сўм — Ўзбекистон Республикасининг республика бюджети ҳисобидан;
10 944 050 минг сўм — Тошкент шаҳар маҳаллий бюджети ҳисобидан;
б) «Тошкент метрополитени» УКнинг 2018 йил ва 2019 йил I чораги бўйича 9 011 000 минг сўм миқдоридаги зарарни Ўзбекистон Республикасининг республика бюджетининг даромадлар режасининг орттириб бажарилган қисми ҳисобидан қопласин.
3. «Тошшаҳартрансхизмат» АЖ «Тошшаҳартрансхизмат» АЖ автобус саройларининг 2018 йил IV чораги ва 2019 йил I чораги бўйича зарарларни қоплаш учун ажратилаётган 38 715 700 минг сўм миқдоридаги маблағлар етказиб бериладиган дизель ёқилғиси учун «Ўзбекнефтегаз» АЖ ташкилотларига йўналтирилишини таъминлансин.
4. «Тошкент метрополитени» УК 2018 йил ва 2019 йил I чораги бўйича зарарларни қоплаш учун ажратилаётган 9 011 000 минг сўм миқдоридаги маблағлар истеъмол қилинган электр энергияси учун қарздорликни қоплашга йўналтирилишини таъминласин.
5. Давлат активларини бошқариш агентлиги, Ўзбекистон Республикаси Транспорт вазирлиги, Тошкент шаҳар ҳокимлиги ва «Ўзбекистон темир йўллари» АЖ Ўзбекистон Республикаси Монополияга қарши курашиш қўмитаси билан биргаликда «Тошшаҳартрансхизмат» АЖ ва «Тошкент метрополитени» УКни молиявий соғломлаштириш ва уларнинг зарарларини камайтириш бўйича амалий чоралар кўриш тўғрисида икки ой муддатда Вазирлар Маҳкамасига таклиф киритсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 17 сентябрь,
777-сон
Oʻzbekiston Respublikasi Vazirlar Mahkamasining
qarori
Toshkent shahar yoʻlovchi tashish transporti tashkilotlarini moliyaviy sogʻlomlashtirish chora-tadbirlari toʻgʻrisida
“Shahar yoʻlovchilar transporti toʻgʻrisida”gi Oʻzbekiston Respublikasi Qonuni va Vazirlar Mahkamasining “Umumiy foydalaniladigan transportda yoʻlovchi tashuvchilar faoliyatini hamda ularni moliyalashtirish tartibini takomillashtirish toʻgʻrisida” 2012-yil 17-sentabrdagi 273-son qaroriga muvofiq, shuningdek, Toshkent shahar yoʻlovchi tashish transporti tashkilotlarini moliyaviy sogʻlomlashtirish maqsadida Vazirlar Mahkamasi qaror qiladi:
1. Toshkent shahar hokimligi, Oʻzbekiston Respublikasi Moliya vazirligi, “Oʻzbekiston temir yoʻllari” AJ va “Toshshahartransxizmat” AJning cheklangan tariflar boʻyicha yoʻlovchi tashish hisobidan yuzaga kelgan zararlarni qoplash toʻgʻrisidagi taklifiga rozilik berilsin:
“Toshshahartransxizmat” AJ avtobus saroylarining — 2018-yil IV choragi va 2019-yil I choragi boʻyicha 38 715 700 ming soʻm;
“Toshkent metropoliteni” UKning — 2018-yil va 2019-yil I choragi boʻyicha 9 011 000 ming soʻm.
2. Oʻzbekiston Respublikasi Moliya vazirligi va Toshkent shahar hokimligi:
a) “Toshshahartransxizmat” AJ avtobus saroylarida 2018-yil IV choragi va 2019-yil I choragi boʻyicha 38 715 700 ming soʻm miqdoridagi zararni quyidagi qoʻshimcha manbalar:
27 771 650 ming soʻm — Oʻzbekiston Respublikasining respublika budjeti hisobidan;
10 944 050 ming soʻm — Toshkent shahar mahalliy budjeti hisobidan;
b) “Toshkent metropoliteni” UKning 2018-yil va 2019-yil I choragi boʻyicha 9 011 000 ming soʻm miqdoridagi zararni Oʻzbekiston Respublikasining respublika budjetining daromadlar rejasining orttirib bajarilgan qismi hisobidan qoplasin.
3. “Toshshahartransxizmat” AJ “Toshshahartransxizmat” AJ avtobus saroylarining 2018-yil IV choragi va 2019-yil I choragi boʻyicha zararlarni qoplash uchun ajratilayotgan 38 715 700 ming soʻm miqdoridagi mablagʻlar yetkazib beriladigan dizel yoqilgʻisi uchun “Oʻzbekneftegaz” AJ tashkilotlariga yoʻnaltirilishini taʼminlansin.
4. “Toshkent metropoliteni” UK 2018-yil va 2019-yil I choragi boʻyicha zararlarni qoplash uchun ajratilayotgan 9 011 000 ming soʻm miqdoridagi mablagʻlar isteʼmol qilingan elektr energiyasi uchun qarzdorlikni qoplashga yoʻnaltirilishini taʼminlasin.
5. Davlat aktivlarini boshqarish agentligi, Oʻzbekiston Respublikasi Transport vazirligi, Toshkent shahar hokimligi va “Oʻzbekiston temir yoʻllari” AJ Oʻzbekiston Respublikasi Monopoliyaga qarshi kurashish qoʻmitasi bilan birgalikda “Toshshahartransxizmat” AJ va “Toshkent metropoliteni” UKni moliyaviy sogʻlomlashtirish va ularning zararlarini kamaytirish boʻyicha amaliy choralar koʻrish toʻgʻrisida ikki oy muddatda Vazirlar Mahkamasiga taklif kiritsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 17-sentabr,
777-son
Кабинета Министров Республики Узбекистан
Постановление
О мерах по финансовому оздоровлению организаций городского пассажирского транспорта города Ташкента
В соответствии с Законом Республики Узбекистан «О городском пассажирском транспорте» и постановлением Кабинета Министров от 17 сентября 2012 г. № 273 «О совершенствовании деятельности и порядка финансирования перевозчиков, осуществляющих перевозки пассажиров транспортом общего пользования», а также в целях финансового оздоровления организаций городского пассажирского транспорта города Ташкента Кабинет Министров постановляет:
1. Согласиться с предложением хокимията города Ташкента, Министерства финансов Республики Узбекистан, АО «Узбекистон темир йуллари» и АО «Тошшахартрансхизмат» о возмещении убытков, образовавшихся за счет перевозки пассажиров по предельным тарифам:
автобусных парков АО «Тошшахартрансхизмат» — за IV квартал 2018 года и I квартал 2019 года в сумме 38 715 700 тыс. сумов;
УП «Тошкент метрополитени» — за 2018 год и I квартал 2019 года в сумме 9 011 000 тыс. сумов.
2. Министерству финансов Республики Узбекистан и хокимияту города Ташкента возместить убытки:
а) автобусных парков АО «Тошшахартрансхизмат» за IV квартал 2018 года и I квартал 2019 года в сумме 38 715 700 тыс. сумов за счет дополнительных источников:
республиканского бюджета Республики Узбекистан — 27 771 650 тыс. сумов;
местного бюджета города Ташкента — 10 944 050 тыс. сумов;
б) УП «Тошкент метрополитени» за 2018 год и I квартал 2019 года в сумме 9 011 000 тыс. сумов за счет перевыполнения прогноза доходов республиканского бюджета Республики Узбекистан.
3. АО «Тошшахартрансхизмат» обеспечить направление средств в сумме 38 715 700 тыс. сумов, выделяемых для возмещения убытков автобусных парков АО «Тошшахартрансхизмат» за IV квартал 2018 года и I квартал 2019 года, на оплату организациям АО «Узбекнефтегаз» за поставляемое дизельное топливо.
4. УП «Тошкент метрополитени» обеспечить направление средств за 2018 год и I квартал 2019 года в сумме 9 011 000 тыс. сумов на погашение задолженности за потребленную электрическую энергию.
5. Агентству по управлению государственными активами, Министерству транспорта Республики Узбекистан, хокимияту города Ташкента и АО «Узбекистон темир йуллари» совместно с Антимонопольным комитетом Республики Узбекистан в двухмесячный срок внести в Кабинет Министров предложения о принятии действенных мер по финансовому оздоровлению и минимизации убытков АО «Тошшахартрансхизмат» и УП «Тошкент метрополитени».
6. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова и заместителя Премьер-министра Республики Узбекистан — министра финансов Д.А. Кучкарова.
Премьер-министр Республики Узбекистан А. АРИПОВ
г. Ташкент,
17 сентября 2019 г.,
№ 777