📅 2019-yil 18-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 18 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 сентября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 18 September 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасининг Тожикистон Республикасидаги Элчихонасининг бинолари комплексини қуриш ва жиҳозлаш бўйича ташкилий чора-тадбирлар тўғрисида
Ўзбекистон Республикасининг Тожикистон Республикасидаги ва Тожикистон Республикасининг Ўзбекистон Республикасидаги дипломатик ваколатхоналари биноларини қуриш учун ўзаро ер участкалари тақдим этиш тўғрисида 2018 йил 17 августда Тошкентда имзоланган Ўзбекистон Республикаси Ҳукумати билан Тожикистон Республикаси Ҳукумати ўртасидаги Битимнинг (кейинги ўринларда Битим деб аталади) амалга оширилишини таъминлаш мақсадида Вазирлар Маҳкамаси қарор қилади:
1. Тожикистон Республикаси Ҳукумати Ўзбекистон Республикасига Ўзбекистон Республикасининг Тожикистон Республикасидаги Элчихонасининг бинолари комплексини қуриш ва жиҳозлаш учун Душанбе шаҳрида жойлашган умумий майдони 1,2 гектардан иборат ер майдони ажратганлиги маълумот учун қабул қилинсин.
2. Ўзбекистон Республикаси Ташқи ишлар вазирлигининг 2019 — 2022 йилларда Ўзбекистон Республикасининг Тожикистон Республикасидаги Элчихонасининг элчихона биноси, фуқароларни консуллик масалалари бўйича қабул қилиш учун алоҳида бино, элчи учун қароргоҳ, назорат-ўтказиш пунктлари, муҳандислик-техник блок, спорт иншоотлари, 6 та машина учун ёпиқ гараж, элчихона ходимлари ва ташриф буюрувчилар учун очиқ автотурар жой каби объектлардан иборат бинолари комплексини (кейинги ўринларда комплекс деб аталади) қуриш ва жиҳозлаш тўғрисидаги таклифига розилик берилсин.
3. Комплексни қуриш ва жиҳозлаш доирасида:
Ўзбекистон Республикаси Ташқи ишлар вазирлиги — буюртмачи;
«ЎзшаҳарсозликЛИТИ» ДУК — бош лойиҳачи ташкилот;
«Трест-12» АЖ — бош пудратчи ташкилот;
2022 йил 1 октябрь — фойдаланишга топшириш муддати этиб белгилансин.
3 1 . Ўзбекистон Республикаси Қурилиш вазирлиги ва Ташқи ишлар вазирлигининг комплексни қуриш ва жиҳозлаш ишларини янада жадаллаштириш мақсадида, истисно тариқасида:
асосланган ҳисоб-китобларга кўра комплексни қуриш ва жиҳозлаш ишлари учун 30 фоизгача аванс ҳамда зарур қурилиш материаллари ва жиҳозларини харид қилиш учун 100 фоиз тўлов учун маблағни ажратиш;
бош лойиҳа ва бош пудрат ташкилотларига танлов ва тендер савдолари ўтказмасдан (махсус электрон ахборот порталида танлов ўтказиш тўғрисида эълон жойлаштирмасдан хамда харид қилиш тартиб-тамойилларини электрон шаклга ўтказмасдан), маҳсулот ишлаб чиқарувчилар ва етказиб берувчиларнинг энг яхши таклифларини танлаб олиш асосида маҳаллий ва импорт қурилиш материалларини, асбоб-ускуналар, жиҳозлар ва бошқа инвентарларни харид қилиш;
танлов (тендер) савдолари ўтказмасдан, энг яхши таклифларни танлаб олиш орқали ёрдамчи лойиҳа ва пудрат ташкилотларини белгилашга ҳамда ишларни бажариш ва хизмат кўрсатиш шартномаларини тузиш тўғрисидаги таклифига розилик берилсин.
4. Ўзбекистон Республикаси Ташқи ишлар вазирлиги:
суғурта ташкилоти билан комплексни қуриш ва жиҳозлашга жалб этиладиган шахслар Тожикистон Республикаси ҳудудида бўлиш даврида уларнинг ҳаёти ва соғлигини суғурталаш шартномаси ҳамда комплексни қуриш ва жиҳозлаш даврида қурилиш хавфларини суғурталаш шартномалари тузилишини;
комплексни лойиҳалаштириш, қуриш ва жиҳозлашга жалб этиладиган шахслар Тожикистон Республикасининг ваколатли органларида ўз вақтида рўйхатдан ўтказилиши ва вақтинча прописка қилинишини;
бош лойиҳачи ва пудратчи ташкилотларга комплексни қуриш ҳамда жиҳозлаш давомида сафарбарлик ишларини ташкил этишга кўмаклашишни;
комплексни қуриш бўйича шаҳарсозлик ҳужжатлари ишлаб чиқилиши ва ваколатли органларда экспертизадан ўтказилишини белгиланган тартибда таъминласин.
5. Бош пудратчи ташкилотга Тожикистон Республикаси банкларида ҳисобрақамлар очиш ва ажратилган маблағлар доирасида хорижий валютани белгиланган тартибда харид қилиш ҳамда тасдиқловчи ҳужжатлар мавжуд бўлганда, валюта маблағларини комплексни қуриш ва жиҳозлаш билан боғлиқ харажатларни қоплаш (Тожикистон Республикаси ҳудудида олинадиган йиғимлар, солиқлар, тўловлар, шунингдек, товарлар ва хизматлар) учун кейинчалик ушбу ҳисобрақамларга ўтказишга рухсат берилсин.
6. Буюртмачи ва бош пудратчи ташкилотга валюта маблағларидан мақсадли ва оқилона фойдаланиш бўйича шахсий маъсулият юклансин. Бунда комплексни қуриш ва жиҳозлаш ишлари якунлангач, шунингдек, Тожикистон Республикаси банкларидаги ҳисобрақамлар ёпилгандан сўнг бош пудратчи ташкилот фойдаланилмай қолган валюта маблағларини Ўзбекистон Республикасининг Давлат бюджетига қайтариш учун буюртмачига қайтариб беради.
7. Битимнинг 10-моддасига мувофиқ фақат комплексни қуриш ва жиҳозлаш учун олиб кириладиган материаллар ва ускуналар Тожикистон томонидан барча турдаги божхона тўловлари ва солиқлардан озод этилиши маълумот учун қабул қилинсин.
8. Ўзбекистон Республикаси Давлат божхона қўмитаси комплексни қуриш ва жиҳозлаш учун зарур олиб кириладиган қурилиш техникаси, машиналар ва механизмлар, қурилиш материаллари, ускуналар ҳамда бошқа товарларнинг божхона божлари ундирилмасдан божхонада тезкор расмийлаштирлишини амалга оширсин.
9. Ўзбекистон Республикаси Иқтисодиёт ва саноат вазирлиги, Молия вазирлиги, Инвестициялар ва ташқи савдо вазирлиги Ўзбекистон Республикасининг 2020 — 2022 йилларга мўлжалланган Инвестиция дастурини шакиллантиришда ишлаб чиқилган лойиҳа-смета ҳужжатлари асосида комплексни қуриш ва жиҳозлаш учун марказлаштирилган капитал қўйилмаларнинг тегишли лимитларини белгиланган тартибда назарда тутсин.
10. Комплексни қуриш ва жиҳозлаш ишларининг ўз вақтида якунланишини таъминлаш мақсадида, истисно тариқасида, 2022 йил 1 июнга қадар комплексни қуриш ва жиҳозлаш ишларини лойиҳа-смета ҳужжатларини ишлаб чиқиш билан бир вақтнинг ўзида амалга оширишга рухсат берилсин.
Ўзбекистон Республикаси Ташки ишлар вазирлиги комплекснинг лойиҳа-смета ҳужжатлари белгиланган муддатгача ишлаб чиқилиши ва экспертизадан ўтказилишини таъминласин.
11. Ўзбекистон Республикаси Транспорт вазирлиги, «Ўзбекистон темир йўллари» АЖ, «Uzbekistan Airports» АЖ ва «Uzbekistan Airways» АЖ буюртмачи, бош пудратчи ва бош лойиҳачи ташкилотларнинг буюртманомалари бўйича:
комплексни қуриш ва жиҳозлаш учун қурилиш техникаси, машиналар ва механизмлар, қурилиш материаллари, ускуналар ва бошқа товарлар Ўзбекистон Республикаси ҳудуди бўйлаб Тожикистон Республикасига олиб ўтилиши ва қайтариб олиб келинишини;
комплексни лойиҳалаштириш, қуриш ва жиҳозлаш ишларини бажаришга жалб этиладиган шахслар учун ҳаракатланиш ҳужжатлари брон қилиниши ва сотиб олинишини белгиланган тартибда таъминласин.
12. Ўзбекистон Республикаси Ички ишлар вазирлиги ва Ташқи ишлар вазирлиги буюртмачи, бош пудратчи ва бош лойиҳачи ташкилотларнинг буюртманомалари бўйича комплексни қуриш ҳамда жиҳозлаш ишларини бажаришда иштирок этадиган шахсларга чиқиш ҳужжатлари расмийлаштирилишини таъминласин.
13. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси Ташқи ишлар вазири А.Х. Камилов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 18 сентябрь,
785-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasining Tojikiston Respublikasidagi Elchixonasining binolari kompleksini qurish va jihozlash boʻyicha tashkiliy chora-tadbirlar toʻgʻrisida
Oʻzbekiston Respublikasining Tojikiston Respublikasidagi va Tojikiston Respublikasining Oʻzbekiston Respublikasidagi diplomatik vakolatxonalari binolarini qurish uchun oʻzaro yer uchastkalari taqdim etish toʻgʻrisida 2018-yil 17-avgustda Toshkentda imzolangan Oʻzbekiston Respublikasi Hukumati bilan Tojikiston Respublikasi Hukumati oʻrtasidagi Bitimning (keyingi oʻrinlarda Bitim deb ataladi) amalga oshirilishini taʼminlash maqsadida Vazirlar Mahkamasi qaror qiladi:
1. Tojikiston Respublikasi Hukumati Oʻzbekiston Respublikasiga Oʻzbekiston Respublikasining Tojikiston Respublikasidagi Elchixonasining binolari kompleksini qurish va jihozlash uchun Dushanbe shahrida joylashgan umumiy maydoni 1,2 gektardan iborat yer maydoni ajratganligi maʼlumot uchun qabul qilinsin.
2. Oʻzbekiston Respublikasi Tashqi ishlar vazirligining 2019 — 2022-yillarda Oʻzbekiston Respublikasining Tojikiston Respublikasidagi Elchixonasining elchixona binosi, fuqarolarni konsullik masalalari boʻyicha qabul qilish uchun alohida bino, elchi uchun qarorgoh, nazorat-oʻtkazish punktlari, muhandislik-texnik blok, sport inshootlari, 6 ta mashina uchun yopiq garaj, elchixona xodimlari va tashrif buyuruvchilar uchun ochiq avtoturar joy kabi obyektlardan iborat binolari kompleksini (keyingi oʻrinlarda kompleks deb ataladi) qurish va jihozlash toʻgʻrisidagi taklifiga rozilik berilsin.
3. Kompleksni qurish va jihozlash doirasida:
Oʻzbekiston Respublikasi Tashqi ishlar vazirligi — buyurtmachi;
“OʻzshaharsozlikLITI” DUK — bosh loyihachi tashkilot;
“Trest-12” AJ — bosh pudratchi tashkilot;
2022-yil 1-oktabr — foydalanishga topshirish muddati etib belgilansin.
3 1 . Oʻzbekiston Respublikasi Qurilish vazirligi va Tashqi ishlar vazirligining kompleksni qurish va jihozlash ishlarini yanada jadallashtirish maqsadida, istisno tariqasida:
asoslangan hisob-kitoblarga koʻra kompleksni qurish va jihozlash ishlari uchun 30 foizgacha avans hamda zarur qurilish materiallari va jihozlarini xarid qilish uchun 100 foiz toʻlov uchun mablagʻni ajratish;
bosh loyiha va bosh pudrat tashkilotlariga tanlov va tender savdolari oʻtkazmasdan (maxsus elektron axborot portalida tanlov oʻtkazish toʻgʻrisida eʼlon joylashtirmasdan xamda xarid qilish tartib-tamoyillarini elektron shaklga oʻtkazmasdan), mahsulot ishlab chiqaruvchilar va yetkazib beruvchilarning eng yaxshi takliflarini tanlab olish asosida mahalliy va import qurilish materiallarini, asbob-uskunalar, jihozlar va boshqa inventarlarni xarid qilish;
tanlov (tender) savdolari oʻtkazmasdan, eng yaxshi takliflarni tanlab olish orqali yordamchi loyiha va pudrat tashkilotlarini belgilashga hamda ishlarni bajarish va xizmat koʻrsatish shartnomalarini tuzish toʻgʻrisidagi taklifiga rozilik berilsin.
4. Oʻzbekiston Respublikasi Tashqi ishlar vazirligi:
sugʻurta tashkiloti bilan kompleksni qurish va jihozlashga jalb etiladigan shaxslar Tojikiston Respublikasi hududida boʻlish davrida ularning hayoti va sogʻligini sugʻurtalash shartnomasi hamda kompleksni qurish va jihozlash davrida qurilish xavflarini sugʻurtalash shartnomalari tuzilishini;
kompleksni loyihalashtirish, qurish va jihozlashga jalb etiladigan shaxslar Tojikiston Respublikasining vakolatli organlarida oʻz vaqtida roʻyxatdan oʻtkazilishi va vaqtincha propiska qilinishini;
bosh loyihachi va pudratchi tashkilotlarga kompleksni qurish hamda jihozlash davomida safarbarlik ishlarini tashkil etishga koʻmaklashishni;
kompleksni qurish boʻyicha shaharsozlik hujjatlari ishlab chiqilishi va vakolatli organlarda ekspertizadan oʻtkazilishini belgilangan tartibda taʼminlasin.
5. Bosh pudratchi tashkilotga Tojikiston Respublikasi banklarida hisobraqamlar ochish va ajratilgan mablagʻlar doirasida xorijiy valyutani belgilangan tartibda xarid qilish hamda tasdiqlovchi hujjatlar mavjud boʻlganda, valyuta mablagʻlarini kompleksni qurish va jihozlash bilan bogʻliq xarajatlarni qoplash (Tojikiston Respublikasi hududida olinadigan yigʻimlar, soliqlar, toʻlovlar, shuningdek, tovarlar va xizmatlar) uchun keyinchalik ushbu hisobraqamlarga oʻtkazishga ruxsat berilsin.
6. Buyurtmachi va bosh pudratchi tashkilotga valyuta mablagʻlaridan maqsadli va oqilona foydalanish boʻyicha shaxsiy maʼsuliyat yuklansin. Bunda kompleksni qurish va jihozlash ishlari yakunlangach, shuningdek, Tojikiston Respublikasi banklaridagi hisobraqamlar yopilgandan soʻng bosh pudratchi tashkilot foydalanilmay qolgan valyuta mablagʻlarini Oʻzbekiston Respublikasining Davlat budjetiga qaytarish uchun buyurtmachiga qaytarib beradi.
7. Bitimning 10-moddasiga muvofiq faqat kompleksni qurish va jihozlash uchun olib kiriladigan materiallar va uskunalar Tojikiston tomonidan barcha turdagi bojxona toʻlovlari va soliqlardan ozod etilishi maʼlumot uchun qabul qilinsin.
8. Oʻzbekiston Respublikasi Davlat bojxona qoʻmitasi kompleksni qurish va jihozlash uchun zarur olib kiriladigan qurilish texnikasi, mashinalar va mexanizmlar, qurilish materiallari, uskunalar hamda boshqa tovarlarning bojxona bojlari undirilmasdan bojxonada tezkor rasmiylashtirlishini amalga oshirsin.
9. Oʻzbekiston Respublikasi Iqtisodiyot va sanoat vazirligi, Moliya vazirligi, Investitsiyalar va tashqi savdo vazirligi Oʻzbekiston Respublikasining 2020 — 2022-yillarga moʻljallangan Investitsiya dasturini shakillantirishda ishlab chiqilgan loyiha-smeta hujjatlari asosida kompleksni qurish va jihozlash uchun markazlashtirilgan kapital qoʻyilmalarning tegishli limitlarini belgilangan tartibda nazarda tutsin.
10. Kompleksni qurish va jihozlash ishlarining oʻz vaqtida yakunlanishini taʼminlash maqsadida, istisno tariqasida, 2022-yil 1-iyunga qadar kompleksni qurish va jihozlash ishlarini loyiha-smeta hujjatlarini ishlab chiqish bilan bir vaqtning oʻzida amalga oshirishga ruxsat berilsin.
Oʻzbekiston Respublikasi Tashki ishlar vazirligi kompleksning loyiha-smeta hujjatlari belgilangan muddatgacha ishlab chiqilishi va ekspertizadan oʻtkazilishini taʼminlasin.
11. Oʻzbekiston Respublikasi Transport vazirligi, “Oʻzbekiston temir yoʻllari” AJ, “Uzbekistan Airports” AJ va “Uzbekistan Airways” AJ buyurtmachi, bosh pudratchi va bosh loyihachi tashkilotlarning buyurtmanomalari boʻyicha:
kompleksni qurish va jihozlash uchun qurilish texnikasi, mashinalar va mexanizmlar, qurilish materiallari, uskunalar va boshqa tovarlar Oʻzbekiston Respublikasi hududi boʻylab Tojikiston Respublikasiga olib oʻtilishi va qaytarib olib kelinishini;
kompleksni loyihalashtirish, qurish va jihozlash ishlarini bajarishga jalb etiladigan shaxslar uchun harakatlanish hujjatlari bron qilinishi va sotib olinishini belgilangan tartibda taʼminlasin.
12. Oʻzbekiston Respublikasi Ichki ishlar vazirligi va Tashqi ishlar vazirligi buyurtmachi, bosh pudratchi va bosh loyihachi tashkilotlarning buyurtmanomalari boʻyicha kompleksni qurish hamda jihozlash ishlarini bajarishda ishtirok etadigan shaxslarga chiqish hujjatlari rasmiylashtirilishini taʼminlasin.
13. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi Tashqi ishlar vaziri A.X. Kamilov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 18-sentabr,
785-son
Кабинета Министров Республики Узбекистан
Постановление
Об организационных мерах по строительству и оснащению комплекса зданий Посольства Республики Узбекистан в Республике Таджикистан
В целях обеспечения реализации Соглашения между Правительством Республики Узбекистан и Правительством Республики Таджикистан о взаимном предоставлении земельных участков для строительства зданий дипломатических представительств Республики Узбекистан в Республике Таджикистан и Республики Таджикистан в Республике Узбекистан, подписанного в городе Ташкенте 17 августа 2018 года (далее — Соглашение), Кабинет Министров постановляет:
1. Принять к сведению, что Правительством Республики Таджикистан предоставлен Республике Узбекистан земельный участок, расположенный в городе Душанбе, общей площадью 1,2 га для строительства и оснащения комплекса зданий Посольства Республики Узбекистан в Республике Таджикистан.
2. Согласиться с предложением Министерства иностранных дел Республики Узбекистан об осуществлении строительства и оснащения в 2019 — 2022 годах комплекса зданий Посольства Республики Узбекистан в Республике Таджикистан в составе следующих объектов: здание посольства, отдельное здание для приема граждан по консульским вопросам, резиденция посла, контрольно-пропускные пункты, инженерно-технический блок, спортивные сооружения, крытый гараж на 6 машин, открытые автостоянки для сотрудников посольства и посетителей (далее — комплекс).
3. Определить в рамках осуществления строительства и оснащения комплекса:
заказчиком — Министерство иностранных дел Республики Узбекистан;
генеральной проектной организацией — ГУП «УзшахарсозликЛИТИ»;
генеральной подрядной организацией — АО «Трест-12»;
срок ввода в эксплуатацию — 1 октября 2022 года.
3 1 . В целях дальнейшего ускорения работ по строительству и оснащению комплекса одобрить в порядке исключения предложение Министерства строительства и Министерства иностранных дел Узбекистана:
о выделении средств для выплаты по обоснованным расчетам до 30 процентов аванса за работы по строительству и оснащению комплекса и 100 процентов для приобретения необходимых строительных материалов и оборудования;
о приобретении главной проектной и главной подрядной организациями местных и импортных строительных материалов, оборудования, устройств и другого инвентаря без проведения конкурсов и тендерных торгов (без размещения объявления о проведении конкурса на специальном электронном информационном портале и осуществления процедур приобретения в электронном виде), на основе выбора самых лучших предложений производителей и поставщиков продукции;
об определении вспомогательных проектных и подрядных организаций, составлении договоров исполнения работ и оказания услуг без проведения конкурсных (тендерных) торгов посредством выбора самых лучших предложений.
4. Министерству иностранных дел Республики Узбекистан в установленном порядке обеспечить:
заключение со страховой организаций договора страхования жизни и здоровья лиц, привлекаемых к строительству и оснащению комплекса, в период их пребывания на территории Республики Таджикистан и договора страхования строительных рисков — на период строительства и оснащения комплекса;
своевременную регистрацию и временную прописку в уполномоченных органах Республики Таджикистан лиц, привлекаемых к проектированию, строительству и оснащению комплекса;
оказание генеральным подрядной и проектной организациям содействия в организации мобилизационных работ в ходе осуществления строительства и оснащения комплекса;
разработку градостроительной документации по строительству комплекса, согласование и проведение её экспертизы в уполномоченных органах экспертизы.
5. Разрешить генеральной подрядной организации открывать счета в банках Республики Таджикистан и в пределах выделенных средств в установленном порядке осуществлять покупку иностранной валюты с последующим зачислением на данные счета для покрытия расходов, связанных с организацией строительства и оснащением комплекса (сборы, налоги, платежи, а также товары и услуги, получаемые на территории Республики Таджикистан), при наличии подтверждающих документов.
6. Возложить на заказчика и генеральную подрядную организацию персональную ответственность за целевое и рациональное использование валютных средств. При этом после завершения строительства и оснащения комплекса, а также закрытия счетов в банках Республики Таджикистан генеральная подрядная организация возвращает заказчику неиспользованные остатки валютных средств для возврата в Государственный бюджет Республики Узбекистан в установленном порядке.
7. Принять к сведению, что согласно статье 10 Соглашения материалы и оборудование, ввозимые исключительно для строительства и оснащения комплекса, освобождаются таджикской стороной от уплаты всех видов таможенных платежей и налогов.
8. Государственному таможенному комитету Республики Узбекистан произвести оперативное таможенное оформление вывозимых строительной техники, машин и механизмов, строительных материалов, оборудования и других товаров, необходимых для строительства и оснащения комплекса, без взимания таможенных пошлин.
9. Министерству экономики и промышленности, Министерству финансов, Министерству инвестиций и внешней торговли Республики Узбекистан при формировании Инвестиционной программы Республики Узбекистан на 2020 — 2022 годы на основании утвержденной проектно-сметной документации предусматривать в установленном порядке соответствующие лимиты централизованных капитальных вложений на осуществление строительства и оснащения комплекса.
10. В целях обеспечения своевременного завершения работ по строительству и оснащению Комплекса, в порядке исключения, разрешить до 1 июня 2022 года осуществлять работы по строительству и оснащению Комплекса одновременно с разработкой проектно-сметной документации.
Министерству иностранных дел Республики Узбекистан обеспечить к установленному сроку разработку и проведение экспертизы проектно-сметной документации комплекса.
11. Министерству транспорта Республики Узбекистан, АО «Узбекистон темир йуллари», АО «Uzbekistan Airports» и АО «Uzbekistan Airways» по заявкам заказчика, генеральных проектной и подрядной организаций обеспечить в установленном порядке:
транспортировку по территории Республики Узбекистан строительной техники, машин и механизмов, строительных материалов, оборудования и других товаров, необходимых для строительства и оснащения комплекса, назначением в Республику Таджикистан и обратно;
бронирование и приобретение проездных документов лицам, привлекаемым к выполнению работ по проектированию, строительству и оснащению комплекса.
12. Министерству внутренних дел и Министерству иностранных дел Республики Узбекистан по заявкам заказчика, генеральных подрядной и проектной организаций обеспечить оформление выездных документов лиц, участвующих в выполнении работ по строительству и оснащению комплекса.
13. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова и министра иностранных дел Республики Узбекистан А.Х. Камилова.
Премьер-министр Республики Узбекистан А. АРИПОВ
г. Ташкент,
18 сентября 2019 г.,
№ 785