📅 2019-yil 18-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 18 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 сентября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 18 September 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ПРОГНОЗ ЖАДВАЛИ
2022 йилда Самарқанд шаҳрида Шанхай Ҳамкорлик Ташкилотининг навбатдаги Саммитини ўтказишга тайёргарлик ишларини молиявий қўллаб-қувватлаш тўғрисида
2022 йилда Шанхай Ҳамкорлик Ташкилотининг навбатдаги Саммитини Самарқанд шаҳрида ўтказилиши ва ушбу тадбирда 20 дан ортиқ давлат раҳбарларининг иштирок этиши муносабати билан Самарқанд шаҳрида улкан меъморий, бунёдкорлик ва ободонлаштириш ишларини жадаллаштириш юзасидан аниқ чора-тадбирларнинг зудлик билан амалга оширилиши талаб этилади.
Самарқанд шаҳрида Шанхай Ҳамкорлик Ташкилотининг Саммитини юқори даражада ўтказишга тайёргарлик ишларини молиявий қўллаб-қувватлаш мақсадида:
1. Ўзбекистон Республикаси Президентининг «Самарқанд вилоятини ободонлаштириш ва фаровонлигини ошириш жамғармаси ташкил этиш чора-тадбирлари тўғрисида» 2018 йил 16 мартдаги ПҚ-3608-сон қарори билан Самарқанд вилоятини ободонлаштириш ва фаровонлигини ошириш жамғармаси ташкил этилганлиги маълумот учун қабул қилинсин.
2. Ўзбекистон Республикаси Инвестициялар ва ташқи савдо вазирлиги, Молия вазирлиги ҳамда Самарқанд вилоят ҳокимлигининг Ўзбекистон Республикаси Тикланиш ва тараққиёт жамғармасининг Ташқи иқтисодий фаолият миллий банки томонидан қайта молиялаштириладиган, Самарқанд вилояти ҳокимлигига 5 йил муддатга, 2 йил имтиёзли даврни ҳисобга олган ҳолда, фоиз ставкаси йилига 2,00 фоизни ташкил қиладиган ва қайта молиялаштирадиган банкнинг маржасисиз, 25 млн АҚШ долларига тенг эквивалентдаги кредитни Ўзбекистон Республикаси Марказий банки расмий курси бўйича миллий валютада Самарқанд вилоятини ободонлаштириш ва фаровонлигини ошириш жамғармасига Самарқанд вилояти ҳокимлигининг навбатдаги бадали сифатида ажратиш тўғрисидаги таклифи маъқуллансин.
3. Ўзбекистон Республикаси Ташқи иқтисодий фаолият миллий банки томонидан қайта молиялаштириладиган Тикланиш ва тараққиёт жамғармаси кредитини қоплаш прогноз жадвали иловага мувофиқ тасдиқлансин.
4. Белгилансинки:
Ўзбекистон Республикаси Тикланиш ва тараққиёт жамғармаси кредитидан Самарқанд шаҳрининг ички йўллари (кўчалар) ҳолатини яхшилаш ҳамда Шанхай Ҳамкорлик Ташкилотининг навбатдаги Саммити доирасида давлат ва жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш учун Ўзбекистон Республикаси Вазирлар Маҳкамаси билан келишилган ҳолда, Самарқанд вилояти ҳокимлиги томонидан тузиладиган манзилли рўйхатларга мувофиқ фойдаланилади;
Самарқанд вилояти ҳокимлиги Ўзбекистон Республикаси Тикланиш ва тараққиёт жамғармаси кредитидан мақсадли ва самарали фойдаланиш, шунингдек, жамғармани ўз вақтида шакллантириш учун масъул бўлган ижро этувчи орган ҳисобланади;
Ўзбекистон Республикаси Тикланиш ва тараққиёт жамғармасининг жалб қилинадиган кредитини қоплаш ва хизмат кўрсатиш билан боғлиқ харажатлар Самарқанд вилояти маҳаллий бюджетининг қўшимча манбалари ҳамда қонунчилик ҳужжатларида тақиқланмаган бошқа манбалар ҳисобидан амалга оширилади.
5. Самарқанд вилояти ҳокими Э.О. Турдимовнинг Ўзбекистон Республикаси Тикланиш ва тараққиёт жамғармасидан ажратиладиган кредитни мақсадли сарфланиши ва ўз вақтида қайтарилишини таъминлаш юзасидан шахсий жавобгарлиги белгилаб қўйилсин.
Ўзбекистон Республикаси Молия вазирлиги Ташқи иқтисодий фаолият миллий банки ҳамда Тикланиш ва тараққиёт жамғармаси билан биргаликда мазкур жамғармадан ажратиладиган кредитдан мақсадли ва самарали фойдаланилиши, шунингдек, унинг ўз вақтида қайтарилиши юзасидан мониторинг ўрнатсин.
6. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Самарқанд вилояти ҳокими Э.О. Турдимов зиммасига юклансин.
Ўзбекистон Республикаси Вазирлар Маҳкамасининг 2019 йил 18 сентябрдаги 783-сон қарорига ИЛОВА
Ўзбекистон Республикаси Ташқи иқтисодий фаолият миллий банки томонидан қайта молиялаштириладиган Тикланиш ва тараққиёт жамғармаси кредитини қоплаш
Кредит суммаси 25 млн АҚШ доллари Кредит муддати 5 йил, шу жумладан имтиёзли давр — 2 йил Фоиз ставкаси йиллик 2,00 % (банк маржаси — 0,00 %) минг АҚШ доллари Қоплаш даврлари Ўзлаштириш миқдори Тўлов суммаси Жами тўлов миқдори * асосий қарз фоизлар * 2019 йил II ярим йиллиги 25 000,0 - - 2020 йил I ярим йиллиги 250,68 250,68 2020 йил II ярим йиллиги 249,32 249,32 2021 йил I ярим йиллиги 250,68 250,68 2021 йил II ярим йиллиги 3 571,43 250,68 3 822,11 2022 йил I ярим йиллиги 3 571,43 214,87 3 786,30 2022 йил II ярим йиллиги 3 571,43 178,08 3 749,51 2023 йил I ярим йиллиги 3 571,43 143,25 3 714,68 2023 йил II ярим йиллиги 3 571,43 106,85 3 678,28 2024 йил I ярим йиллиги 3 571,43 71,62 3 643,05 2024 йил II ярим йиллиги 3 571,42 35,62 3 607,04 Жами 25 000,0 25 000,0 1 751,66 26 751,66
Ўзбекистон Республикасининг Бош вазири А. АРИПОВ
Тошкент ш.,
2019 йил 18 сентябрь,
783-сон
Oʻzbekiston Respublikasi Vazirlar Mahkamasining
qarori
PROGNOZ JADVALI
2022-yilda Samarqand shahrida Shanxay Hamkorlik Tashkilotining navbatdagi Sammitini oʻtkazishga tayyorgarlik ishlarini moliyaviy qoʻllab-quvvatlash toʻgʻrisida
2022-yilda Shanxay Hamkorlik Tashkilotining navbatdagi Sammitini Samarqand shahrida oʻtkazilishi va ushbu tadbirda 20 dan ortiq davlat rahbarlarining ishtirok etishi munosabati bilan Samarqand shahrida ulkan meʼmoriy, bunyodkorlik va obodonlashtirish ishlarini jadallashtirish yuzasidan aniq chora-tadbirlarning zudlik bilan amalga oshirilishi talab etiladi.
Samarqand shahrida Shanxay Hamkorlik Tashkilotining Sammitini yuqori darajada oʻtkazishga tayyorgarlik ishlarini moliyaviy qoʻllab-quvvatlash maqsadida:
1. Oʻzbekiston Respublikasi Prezidentining “Samarqand viloyatini obodonlashtirish va farovonligini oshirish jamgʻarmasi tashkil etish chora-tadbirlari toʻgʻrisida” 2018-yil 16-martdagi PQ-3608-son qarori bilan Samarqand viloyatini obodonlashtirish va farovonligini oshirish jamgʻarmasi tashkil etilganligi maʼlumot uchun qabul qilinsin.
2. Oʻzbekiston Respublikasi Investitsiyalar va tashqi savdo vazirligi, Moliya vazirligi hamda Samarqand viloyat hokimligining Oʻzbekiston Respublikasi Tiklanish va taraqqiyot jamgʻarmasining Tashqi iqtisodiy faoliyat milliy banki tomonidan qayta moliyalashtiriladigan, Samarqand viloyati hokimligiga 5 yil muddatga, 2 yil imtiyozli davrni hisobga olgan holda, foiz stavkasi yiliga 2,00 foizni tashkil qiladigan va qayta moliyalashtiradigan bankning marjasisiz, 25 mln AQSh dollariga teng ekvivalentdagi kreditni Oʻzbekiston Respublikasi Markaziy banki rasmiy kursi boʻyicha milliy valyutada Samarqand viloyatini obodonlashtirish va farovonligini oshirish jamgʻarmasiga Samarqand viloyati hokimligining navbatdagi badali sifatida ajratish toʻgʻrisidagi taklifi maʼqullansin.
3. Oʻzbekiston Respublikasi Tashqi iqtisodiy faoliyat milliy banki tomonidan qayta moliyalashtiriladigan Tiklanish va taraqqiyot jamgʻarmasi kreditini qoplash prognoz jadvali ilovaga muvofiq tasdiqlansin.
4. Belgilansinki:
Oʻzbekiston Respublikasi Tiklanish va taraqqiyot jamgʻarmasi kreditidan Samarqand shahrining ichki yoʻllari (koʻchalar) holatini yaxshilash hamda Shanxay Hamkorlik Tashkilotining navbatdagi Sammiti doirasida davlat va jamiyat ehtiyojlari uchun yer uchastkalarining olib qoʻyilishi munosabati bilan jismoniy va yuridik shaxslarga yetkazilgan zararlarni qoplash uchun Oʻzbekiston Respublikasi Vazirlar Mahkamasi bilan kelishilgan holda, Samarqand viloyati hokimligi tomonidan tuziladigan manzilli roʻyxatlarga muvofiq foydalaniladi;
Samarqand viloyati hokimligi Oʻzbekiston Respublikasi Tiklanish va taraqqiyot jamgʻarmasi kreditidan maqsadli va samarali foydalanish, shuningdek, jamgʻarmani oʻz vaqtida shakllantirish uchun masʼul boʻlgan ijro etuvchi organ hisoblanadi;
Oʻzbekiston Respublikasi Tiklanish va taraqqiyot jamgʻarmasining jalb qilinadigan kreditini qoplash va xizmat koʻrsatish bilan bogʻliq xarajatlar Samarqand viloyati mahalliy budjetining qoʻshimcha manbalari hamda qonunchilik hujjatlarida taqiqlanmagan boshqa manbalar hisobidan amalga oshiriladi.
5. Samarqand viloyati hokimi E.O. Turdimovning Oʻzbekiston Respublikasi Tiklanish va taraqqiyot jamgʻarmasidan ajratiladigan kreditni maqsadli sarflanishi va oʻz vaqtida qaytarilishini taʼminlash yuzasidan shaxsiy javobgarligi belgilab qoʻyilsin.
Oʻzbekiston Respublikasi Moliya vazirligi Tashqi iqtisodiy faoliyat milliy banki hamda Tiklanish va taraqqiyot jamgʻarmasi bilan birgalikda mazkur jamgʻarmadan ajratiladigan kreditdan maqsadli va samarali foydalanilishi, shuningdek, uning oʻz vaqtida qaytarilishi yuzasidan monitoring oʻrnatsin.
6. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Samarqand viloyati hokimi E.O. Turdimov zimmasiga yuklansin.
Oʻzbekiston Respublikasi Vazirlar Mahkamasining 2019-yil 18-sentabrdagi 783-son qaroriga ILOVA
Oʻzbekiston Respublikasi Tashqi iqtisodiy faoliyat milliy banki tomonidan qayta moliyalashtiriladigan Tiklanish va taraqqiyot jamgʻarmasi kreditini qoplash
Kredit summasi 25 mln AQSh dollari Kredit muddati 5 yil, shu jumladan imtiyozli davr — 2 yil Foiz stavkasi yillik 2,00 % (bank marjasi — 0,00 %) ming AQSh dollari Qoplash davrlari Oʻzlashtirish miqdori Toʻlov summasi Jami toʻlov miqdori * asosiy qarz foizlar * 2019-yil II yarim yilligi 25 000,0 - - 2020-yil I yarim yilligi 250,68 250,68 2020-yil II yarim yilligi 249,32 249,32 2021-yil I yarim yilligi 250,68 250,68 2021-yil II yarim yilligi 3 571,43 250,68 3 822,11 2022-yil I yarim yilligi 3 571,43 214,87 3 786,30 2022-yil II yarim yilligi 3 571,43 178,08 3 749,51 2023-yil I yarim yilligi 3 571,43 143,25 3 714,68 2023-yil II yarim yilligi 3 571,43 106,85 3 678,28 2024-yil I yarim yilligi 3 571,43 71,62 3 643,05 2024-yil II yarim yilligi 3 571,42 35,62 3 607,04 Jami 25 000,0 25 000,0 1 751,66 26 751,66
Oʻzbekiston Respublikasining Bosh vaziri A. ARIPOV
Toshkent sh.,
2019-yil 18-sentabr,
783-son