📅 2019-yil 20-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 20 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 сентября 2019 г. · Постановления Президента
Официальный текст. Официальный документ. Редакционные примечания не включены.
📅 20 September 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
РЎЙХАТИ
Қурилиш соҳасига ахборот-коммуникация технологияларини кенг жорий этиш чора-тадбирлари тўғрисида
Ўтган йиллар мобайнида мамлакатимизда шаҳар ва қишлоқ аҳоли пунктларида замонавий архитектура қиёфасини шакллантириш, қурилишни жадаллаштириш бўйича комплекс чора-тадбирлар амалга оширилди ва қурилиш соҳасида давлат бошқарувининг самарали механизмлари жорий этилди.
Шу билан бирга, таҳлиллар натижалари қурилиш соҳасида шаффофликни таъминлашда бир қатор камчиликлар мавжудлигини кўрсатди. Жумладан, манфаатдор шахслар ва жамоатчилик қурилиш ишлари боришини кузатиш имкониятига эга эмас, маблағлардан нотўғри фойдаланиш, объектларни ўз вақтида топширмаслик, қурилишда паст сифатли материаллардан фойдаланиш, қурилиш ишларига соҳанинг мутахассиси бўлмаган ходимларни жалб қилиш қурилиш ишларининг сифатсиз бажарилишига олиб келмоқда, республика бюджети маблағлари, мақсадли жамғармалар ва буюртмачиларнинг ортиқча харажатларига сабаб бўлмоқда.
Қурилиш вазирлиги моддий-техник базасининг талаб даражасида эмаслиги қурилиш соҳасидаги давлат хизматлари кўрсатиш муддатлари бузилишига, жойлардаги қурилиш бошқармалари ва бўлинмаларининг фаолиятини самарали ташкил этишга тўсқинлик қилмоқда.
Қурилиш соҳасида коррупция ва бюрократик тўсиқларни бартараф этиш, замонавий ахборот-коммуникация технологияларини кенг жорий этиш орқали қурилиш жараёнларининг барча босқичида жамоатчилик учун шаффофликни таъминлаш мақсадида:
1. Қуйидагилар:
а) Ўзбекистон Республикаси Президенти ҳузуридаги Лойиҳа бошқаруви миллий агентлиги, Иқтисодиёт ва саноат вазирлиги, Молия вазирлиги ҳамда Қурилиш вазирлигининг:
Қурилиш вазирлиги фаолиятига «Шаффоф қурилиш» миллий ахборот тизимини жорий этиш ва уни 2020 йил 1 июнга қадар Тошкент вилоятида марказлаштирилган молиялаштириш манбаларидан, шу жумладан, инвестиция лойиҳалари ҳисобидан молиялаштириладиган объектлар (кейинги ўринларда — объектлар) қурилиши жараёнида тажриба тариқасида ишга тушириш;
тажриба натижаларига асосан «Шаффоф қурилиш» миллий ахборот тизимини 2021 йил 1 январга қадар Ўзбекистон Республикасининг бутун ҳудудида реал вақт режимида ишлашини таъминлаш;
б) Ўзбекистон Республикаси Қурилиш вазирлигининг 2020 йил 1 мартга қадар давлат шаҳарсозлик кадастрини юритиш ҳамда шаҳарсозлик ҳужжатлари ва маълумотларини жамоатчиликка онлайн режимда тақдим этиш имконини берувчи «Ўзбекистон Республикаси давлат шаҳарсозлик кадастри» географик ахборот тизими (геопортал)ни ишлаб чиқиш ва тест режимида ишга тушириш тўғрисидаги таклифлари маъқуллансин.
2. Қуйидагилар «Шаффоф қурилиш» миллий ахборот тизимининг асосий вазифалари этиб белгилансин:
объектларнинг манзилли дастури, тегишли вазирлик ва идоралар билан биргаликда ишлаб чиқилган объектларнинг йиллик манзилли рўйхати шакллантирилишини, маълумотлар базасини янги қурилиш, реконструкция ва капитал таъмирлаш объектлари бўйича турларга бўлиб юритилишини таъминлаш;
объектларнинг лойиҳа-смета ҳужжатларини ишлаб чиқишда ҳудудий ягона буюртмачи хизмати инжиниринг компаниялари томонидан лойиҳаолди ишларининг амалга оширилиши, буюртмачи билан лойиҳа ташкилоти ўртасида шартнома тузилиши ва аванс маблағлари ажратилиши ҳамда ишлар тугалланганлиги тўғрисидаги аниқ ва ишончли маълумотларнинг мунтазам электрон базага киритиб борилиши ва юритилишини таъминлаш;
лойиҳа-смета ҳужжатларини экспертизадан ўтказишда буюртмачи ва экспертиза ташкилоти ўртасида тузилган шартномалар, кўрсатилган хизматларнинг молиялаштирилганлиги, тугалланган лойиҳа-смета ҳужжатларининг экспертизадан ўтказилганлигига оид электрон маълумотлар базасини шакллантириш;
объектлар қурилишини молиялаштиришда пудратчи билан буюртмачи ўртасида шартнома имзоланганлиги ва аванс маблағлари тўланганлиги, ойма-ой бажарилган ишларнинг ҳисоботини юритиш ва бажарилган ишларга нисбатан мутаносиб равишда молиялаштирилганлиги тўғрисидаги аниқ ва ишончли маълумотларнинг электрон базасини шакллантириш;
объектлар қурилишида иштирок этаётган барча пудратчилар ва ёрдамчи пудратчилар ҳақида маълумотларни йиғиш, бажарилган иш ҳажмлари асосида тўловларни ўз вақтида амалга ошириш, улар томонидан амалга оширилаётган иш турлари бўйича маълумотлар базаларини шакллантириш;
объектларда қурилиш жараёнларини назорат ва мониторинг қилишда уларни рўйхатга олиш, қурилиш соҳасида ҳудудий назорат инспекциялари томонидан амалга оширилаётган назорат текширувларини ва кўрсатиб ўтилган камчиликларни қайд этиш, уларни бартараф этиш бўйича маълумотлар базаларини шакллантириш.
3. Ўзбекистон Республикаси Қурилиш вазирлиги:
манфаатдор вазирлик ва идоралар билан биргаликда икки ой муддатда «Шаффоф қурилиш» миллий ахборот тизими ҳамда «Ўзбекистон Республикаси давлат шаҳарсозлик кадастри» географик ахборот тизими (геопортал)дан фойдаланиш регламенти лойиҳасини ишлаб чиқсин ва Ўзбекистон Республикаси Вазирлар Маҳкамасига тасдиқлаш учун киритсин;
2020 йил 1 январга қадар «Шаффоф қурилиш» миллий ахборот тизимини ишлаб чиқиш ва жорий этиш бўйича концепция ва техник топшириқ ишлаб чиқсин;
«Шаффоф қурилиш» миллий ахборот тизими ва «Ўзбекистон Республикаси давлат шаҳарсозлик кадастри» географик ахборот тизими (геопортал)нинг белгиланган муддатларда ишга туширилишини таъминласин;
«Шаффоф қурилиш» миллий ахборот тизимини идоралараро ахборот тизимлари ва маълумотлар базалари, жумладан, «Ўзбекистон Республикаси давлат шаҳарсозлик кадастри» географик ахборот тизими (геопортал) билан интеграциялаш бўйича зарур чораларни кўрсин.
4. Қурилиш соҳасида «Коррупциясиз соҳа» лойиҳасини амалга ошириш ва шаффофликни таъминлашга хизмат қилувчи ахборот тизимлари жорий этилишини мувофиқлаштириш бўйича комиссия (кейинги ўринларда — Комиссия) 1-иловага мувофиқ таркибда ташкил этилсин ва унга қуйидаги вазифалар юклатилсин:
қурилиш соҳасида «Коррупциясиз соҳа» лойиҳасини амалга ошириш юзасидан чора-тадбирларнинг ўз вақтида ва самарали ижро этилишини ташкил этиш ва назорат қилиш;
Ўзбекистон Республикаси Қурилиш вазирлиги тизимида коррупцияга қарши курашиш чораларини кучайтиришга қаратилган самарали «ижро этилиши юзасидан назорат» (compliance control) тизими жорий этилишини таъминлаш;
қурилиш соҳасига оид норматив-ҳуқуқий ҳужжатлар ҳамда шаҳарсозлик нормалари ва қоидалари лойиҳаларида коррупцияга оид ҳолатларни келтириб чиқарувчи нормаларни аниқлаш бўйича коррупцияга қарши экспертиза ўтказилишини ташкил этиш;
«Шаффоф қурилиш» миллий ахборот тизими ҳамда «Ўзбекистон Республикаси давлат шаҳарсозлик кадастри» географик ахборот тизими (геопортал)ни ишлаб чиқиш ва жорий этиш бўйича тадбирлар режалари тасдиқланишини таъминлаш, мазкур тизимларни белгиланган муддатларда ишга туширилишини назорат қилиш;
қурилиш соҳасига ахборот тизимларини жорий этиш орқали коррупция, бюрократик тўсиқлар ва тизимли муаммоларни аниқлаш, уларни бартараф этиш юзасидан таклифлар ишлаб чиқиш;
қурилиш соҳасининг шаффофлигини таъминлаш мақсадида қурилиш соҳасига замонавий ахборот-коммуникация технологияларини жорий этиш бўйича дастурлар ишлаб чиқилишини ташкил этиш ва уларнинг белгиланган муддатларда ижро этилишини мониторинг қилиш;
қурилиш соҳасига ахборот тизимларини жорий этишда масъул ташкилотлар фаолиятини мувофиқлаштириш ва ҳамкорлигини таъминлаш;
жорий этилаётган ахборот тизимларининг жойларда самарали ишлашини ва қўлланилишининг ягона амалиётини таъминлаш;
қурилиш соҳасига ахборот технологияларининг жорий этилиши, шу жумладан уларнинг коррупция ва бошқа ҳуқуқбузарликларнинг олдини олишга таъсири бўйича маълумотларнинг кенг оммага етказилишини ташкил этиш.
Комиссия фаолият натижалари, шу жумладан ахборот тизимларини жорий этиш бўйича амалга оширилган ишлар юзасидан Ўзбекистон Республикаси Президенти Администрациясига ҳар чорак якунларига кўра ахборот киритсин.
5. Ўзбекистон Республикаси Қурилиш вазирлигининг давлат муассасаси шаклидаги ахборот-коммуникация технологияларини ривожлантириш марказини (кейинги ўринларда — Марказ) ташкил этиш тўғрисидаги таклифига розилик берилсин.
Қуйидагилар Марказнинг асосий вазифалари этиб белгилансин:
автоматлаштирилган ахборот тизимлари, ахборот ресурслари ва маълумотлар базаларини яратиш, ривожлантириш ва қўллаб-қувватлаш, қурилиш соҳасида ахборот хавфсизлигини таъминлаш;
«Шаффоф қурилиш» миллий ахборот тизимини юритиш ва қўллаб-қувватлаш;
Ўзбекистон Республикаси Қурилиш вазирлиги фаолиятига замонавий ахборот-коммуникация технологияларини кенг жорий этиш ва зарур дастурий маҳсулотларни ишлаб чиқиш;
марказлаштирилган молиялаштириш манбаларидан, шу жумладан, инвестиция лойиҳалари ҳисобидан молиялаштириладиган лойиҳаларда қурилиш жараёнини мониторинг қилишни йўлга қўйиш;
Ўзбекистон Республикаси Қурилиш вазирлигининг ахборот тизимлари, ресурслари ва маълумотлар базаларини янгилаб бориш чораларини кўриш, уларнинг бошқа давлат органларининг ахборот тизимлари билан интеграциясини таъминлаш;
Ўзбекистон Республикаси Қурилиш вазирлиги ахборот хавфсизлигига таҳдидларни ўз вақтида аниқлаш ва унга қарши курашиш, ахборот хавфсизлиги талабларига риоя этилишининг назоратини ва мониторингини амалга ошириш, ахборот тизимлари ва маълумотлар базаларида ахборот хавфсизлигини таъминлаш бўйича техник инфратузилмани жорий этиш ва ривожлантириш;
ахборот тизимлари, ресурслари ва маълумотлар базаларидан фойдаланиш ҳамда ахборот хавфсизлигини таъминлаш юзасидан қурилиш соҳасида иштирок этувчи идоралар ходимларининг билим ва кўникмасини ошириш бўйича комплекс чора-тадбирларни амалга ошириш;
турли ахборот тизимлари ва маълумотлар базаларида ахборот хавфсизлигини таъминлаш учун Ўзбекистон Республикаси Қурилиш вазирлиги ягона серверини ташкил қилиш, юритиш ва ривожлантириш;
Белгилаб қўйилсинки, Марказнинг тузилмаси ва штат бирликлари сони унинг фаолият йўналишлари ва иш ҳажмидан келиб чиққан ҳолда вазир томонидан тасдиқланади.
6. Қуйидагилар Марказ фаолиятини молиялаштириш манбалари этиб белгилансин:
Ўзбекистон Республикаси Давлат бюджети маблағлари;
асосий фаолиятдан олинган даромадлар;
халқаро молия институтлари грантлари;
юридик ва жисмоний шахсларнинг ҳомийлик хайриялари;
қонун ҳужжатларида тақиқланмаган бошқа манбалар.
7. Шундай тартиб белгилансинки, унга кўра 2020 йил 1 январдан бошлаб тегишли мақсадли дастурлар ва алоҳида лойиҳалар доирасида жами қурилиш харажатларининг 0,05 фоизи миқдоридаги маблағлар «Шаффоф қурилиш» миллий ахборот тизимини ишлаб чиқиш ва қўллаб-қувватлаш учун объектларни қуриш, реконструкция қилиш ва капитал таъмирлаш бўйича смета харажатларида назарда тутилади ҳамда буюртмачилар томонидан Марказ ҳисоб рақамига ўтказилади.
Бунда ушбу маблағларнинг 30 фоизи «Бюджет назорати» электрон дастурини такомиллаштириш ва қўллаб-қувватлаш учун Ўзбекистон Республикаси Бош прокуратурасининг ривожлантириш жамғармасига йўналтирилади.
8. Ўзбекистон Республикаси Қурилиш вазирлигининг ахборот-коммуникация инфратузилмасини модернизация қилиш учун харид қилинадиган компьютер техникаси, сервер қурилмалари, коммуникация ускуналари ва дастурий таъминот рўйхати 2-иловага мувофиқ маъқуллансин.
9. Давлат ва хўжалик бошқарув органлари, маҳаллий ижроия ҳокимияти органлари ҳамда давлат ташкилотлари раҳбарлари ўзларининг идоравий ахборот тизимлари ва маълумотлар базаларини «Шаффоф қурилиш» миллий ахборот тизимига интеграция қилишни ва реал вақт режимида узлуксиз ишлашини таъминласин.
10. Ўзбекистон Республикаси Қурилиш вазирлиги шаҳарсозлик нормалари ва қоидаларидаги буюртмачининг бошқа харажатлари таснифига «Шаффоф қурилиш» миллий ахборот тизимининг асосий вазифаларини бажариш ҳамда объектларнинг хавфсизлигини таъминлаш бўйича мониторинг олиб бориш юзасидан белгиланган тартибда ўзгартиришлар киритилишини таъминласин.
11. Ўзбекистон Республикаси Молия вазирлиги:
Қурилиш вазирлигининг 2020 йилда ушбу қарорни амалга ошириш доирасидаги сарф харажатлари учун Ўзбекистон Республикаси Давлат бюджети параметрлари доирасида маблағлар ажратсин ва 2020 йилдан бошлаб ҳар йили зарур бюджет маблағларини назарда тутсин;
2020-2021 йилларда Ўзбекистон Республикаси Давлат бюджетидан Қурилиш вазирлигига маблағлар ажратилиши жараёнида 2-иловага мувофиқ ахборот-коммуникация технологиялари инфратузилмасини янгилаш учун зарур ускуналарни харид қилишни эътиборга олсин.
12. Ўзбекистон Республикаси Қурилиш вазирлиги манфаатдор вазирликлар ва идоралар билан биргаликда икки ой муддатда Вазирлар Маҳкамасига қонун ҳужжатларига ушбу қарордан келиб чиқадиган ўзгартириш ва қўшимчалар киритиш тўғрисида таклифлар киритсин.
13. Мазкур қарорнинг бажарилишини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2019 йил 20 сентябрдаги ПҚ-4464-сон қарорига 1-ИЛОВА
Қурилиш соҳасида «Коррупциясиз соҳа» лойиҳасини амалга ошириш ва шаффофликни таъминлашга хизмат қилувчи ахборот тизимлари жорий этилишини мувофиқлаштириш бўйича комиссия
А.Э. Бурханов ― Ўзбекистон Республикаси Коррупцияга қарши курашиш агентлиги директори, Комиссия раиси Ш.С. Хидоятов ― Ўзбекистон Республикаси қурилиш вазирининг биринчи ўринбосари, Комиссия раиси ўринбосари Ш.Б. Бакаев ― Ўзбекистон Республикаси Президенти Администрацияси масъул ходими А.И. Икрамов ― Ўзбекистон Республикаси Савдо-саноат палатаси раиси Д.С. Қосимов ― Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил М.Х. Салиев ― Ўзбекистон Республикаси уй-жой коммунал хизмат кўрсатиш вазири Б.Т. Қўчқоров ― Ўзбекистон Республикаси Экология ва атроф-муҳитни муҳофаза қилиш давлат қўмитаси раиси А.Х. Абдуллаев ― Ўзбекистон Республикаси Ер ресурслари, геодезия, картография ва давлат кадастри давлат қўмитаси раиси Т.А. Ишметов ― Ўзбекистон Республикаси молия вазирининг биринчи ўринбосари О.Б. Рустамов ― Ўзбекистон Республикаси иқтисодиёт ва саноат вазирининг биринчи ўринбосари О.М. Умаров ― Ўзбекистон Республикаси ахборот технологиялари ва коммуникацияларини ривожлантириш вазирининг биринчи ўринбосари А.Ж. Ташкулов ― Ўзбекистон Республикаси адлия вазири ўринбосари Ш.Х. Ходжаев ― Ўзбекистон Республикаси энергетика вазири ўринбосари М.Ҳ. Эшназаров ― Ўзбекистон Республикаси Бош прокуратураси бошқарма бошлиғи Б.С. Содиқов ― Ўзбекистон Республикаси Қурилиш вазирлиги бошқарма бошлиғи, Комиссия котиби
Ўзбекистон Республикаси Президентининг 2019 йил 20 сентябрдаги ПҚ-4464-сон қарорига 2-ИЛОВА
Ўзбекистон Республикаси Қурилиш вазирлигининг ахборот-коммуникация инфратузилмасини модернизация қилиш учун харид қилинадиган компьютер техникаси, сервер қурилмалари, коммуникация ускуналари ва дастурий таъминот
Т/р Номи сони (комплект) 1. Компьютер (НP E N VY Desktop — 795-0030qd) 465 2. Рақамли кўп имкониятли қурилма (Canon MF241) 325 3. Планшет-ноутбук 2 таси 1 тада «GOOGLE PIXELBOOK» 310 4. Плоттер 14 5. Видеоконференцалоқа учун видеокамера 14 6. Видеоконференцалоқа учун телевизор 65 14 7. Узлуксиз қувват манбаи 465 8. Сервер қурилмаси 2 9. Антивирус 465 10. DLP тизими 11. MS SQL маълумотлар базаси дастурий таъминоти 2 12. Windows Server 2016 Standard операцион тизим 2 13. Видеодевор 3х4 55`` 1 14. Ахборот киоскалари 15
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 20 сентябрь,
ПҚ-4464-сон
Oʻzbekiston Respublikasi Prezidentining
Qarori
TARKIBI
ROʻYXATI
Qurilish sohasiga axborot-kommunikatsiya texnologiyalarini keng joriy etish chora-tadbirlari toʻgʻrisida
Oʻtgan yillar mobaynida mamlakatimizda shahar va qishloq aholi punktlarida zamonaviy arxitektura qiyofasini shakllantirish, qurilishni jadallashtirish boʻyicha kompleks chora-tadbirlar amalga oshirildi va qurilish sohasida davlat boshqaruvining samarali mexanizmlari joriy etildi.
Shu bilan birga, tahlillar natijalari qurilish sohasida shaffoflikni taʼminlashda bir qator kamchiliklar mavjudligini koʻrsatdi. Jumladan, manfaatdor shaxslar va jamoatchilik qurilish ishlari borishini kuzatish imkoniyatiga ega emas, mablagʻlardan notoʻgʻri foydalanish, obyektlarni oʻz vaqtida topshirmaslik, qurilishda past sifatli materiallardan foydalanish, qurilish ishlariga sohaning mutaxassisi boʻlmagan xodimlarni jalb qilish qurilish ishlarining sifatsiz bajarilishiga olib kelmoqda, respublika budjeti mablagʻlari, maqsadli jamgʻarmalar va buyurtmachilarning ortiqcha xarajatlariga sabab boʻlmoqda.
Qurilish vazirligi moddiy-texnik bazasining talab darajasida emasligi qurilish sohasidagi davlat xizmatlari koʻrsatish muddatlari buzilishiga, joylardagi qurilish boshqarmalari va boʻlinmalarining faoliyatini samarali tashkil etishga toʻsqinlik qilmoqda.
Qurilish sohasida korrupsiya va byurokratik toʻsiqlarni bartaraf etish, zamonaviy axborot-kommunikatsiya texnologiyalarini keng joriy etish orqali qurilish jarayonlarining barcha bosqichida jamoatchilik uchun shaffoflikni taʼminlash maqsadida:
1. Quyidagilar:
a) Oʻzbekiston Respublikasi Prezidenti huzuridagi Loyiha boshqaruvi milliy agentligi, Iqtisodiyot va sanoat vazirligi, Moliya vazirligi hamda Qurilish vazirligining:
Qurilish vazirligi faoliyatiga “Shaffof qurilish” milliy axborot tizimini joriy etish va uni 2020-yil 1-iyunga qadar Toshkent viloyatida markazlashtirilgan moliyalashtirish manbalaridan, shu jumladan, investitsiya loyihalari hisobidan moliyalashtiriladigan obyektlar (keyingi oʻrinlarda — obyektlar) qurilishi jarayonida tajriba tariqasida ishga tushirish;
tajriba natijalariga asosan “Shaffof qurilish” milliy axborot tizimini 2021-yil 1-yanvarga qadar Oʻzbekiston Respublikasining butun hududida real vaqt rejimida ishlashini taʼminlash;
b) Oʻzbekiston Respublikasi Qurilish vazirligining 2020-yil 1-martga qadar davlat shaharsozlik kadastrini yuritish hamda shaharsozlik hujjatlari va maʼlumotlarini jamoatchilikka onlayn rejimda taqdim etish imkonini beruvchi “Oʻzbekiston Respublikasi davlat shaharsozlik kadastri” geografik axborot tizimi (geoportal)ni ishlab chiqish va test rejimida ishga tushirish toʻgʻrisidagi takliflari maʼqullansin.
2. Quyidagilar “Shaffof qurilish” milliy axborot tizimining asosiy vazifalari etib belgilansin:
obyektlarning manzilli dasturi, tegishli vazirlik va idoralar bilan birgalikda ishlab chiqilgan obyektlarning yillik manzilli roʻyxati shakllantirilishini, maʼlumotlar bazasini yangi qurilish, rekonstruksiya va kapital taʼmirlash obyektlari boʻyicha turlarga boʻlib yuritilishini taʼminlash;
obyektlarning loyiha-smeta hujjatlarini ishlab chiqishda hududiy yagona buyurtmachi xizmati injiniring kompaniyalari tomonidan loyihaoldi ishlarining amalga oshirilishi, buyurtmachi bilan loyiha tashkiloti oʻrtasida shartnoma tuzilishi va avans mablagʻlari ajratilishi hamda ishlar tugallanganligi toʻgʻrisidagi aniq va ishonchli maʼlumotlarning muntazam elektron bazaga kiritib borilishi va yuritilishini taʼminlash;
loyiha-smeta hujjatlarini ekspertizadan oʻtkazishda buyurtmachi va ekspertiza tashkiloti oʻrtasida tuzilgan shartnomalar, koʻrsatilgan xizmatlarning moliyalashtirilganligi, tugallangan loyiha-smeta hujjatlarining ekspertizadan oʻtkazilganligiga oid elektron maʼlumotlar bazasini shakllantirish;
obyektlar qurilishini moliyalashtirishda pudratchi bilan buyurtmachi oʻrtasida shartnoma imzolanganligi va avans mablagʻlari toʻlanganligi, oyma-oy bajarilgan ishlarning hisobotini yuritish va bajarilgan ishlarga nisbatan mutanosib ravishda moliyalashtirilganligi toʻgʻrisidagi aniq va ishonchli maʼlumotlarning elektron bazasini shakllantirish;
obyektlar qurilishida ishtirok etayotgan barcha pudratchilar va yordamchi pudratchilar haqida maʼlumotlarni yigʻish, bajarilgan ish hajmlari asosida toʻlovlarni oʻz vaqtida amalga oshirish, ular tomonidan amalga oshirilayotgan ish turlari boʻyicha maʼlumotlar bazalarini shakllantirish;
obyektlarda qurilish jarayonlarini nazorat va monitoring qilishda ularni roʻyxatga olish, qurilish sohasida hududiy nazorat inspeksiyalari tomonidan amalga oshirilayotgan nazorat tekshiruvlarini va koʻrsatib oʻtilgan kamchiliklarni qayd etish, ularni bartaraf etish boʻyicha maʼlumotlar bazalarini shakllantirish.
3. Oʻzbekiston Respublikasi Qurilish vazirligi:
manfaatdor vazirlik va idoralar bilan birgalikda ikki oy muddatda “Shaffof qurilish” milliy axborot tizimi hamda “Oʻzbekiston Respublikasi davlat shaharsozlik kadastri” geografik axborot tizimi (geoportal)dan foydalanish reglamenti loyihasini ishlab chiqsin va Oʻzbekiston Respublikasi Vazirlar Mahkamasiga tasdiqlash uchun kiritsin;
2020-yil 1-yanvarga qadar “Shaffof qurilish” milliy axborot tizimini ishlab chiqish va joriy etish boʻyicha konsepsiya va texnik topshiriq ishlab chiqsin;
“Shaffof qurilish” milliy axborot tizimi va “Oʻzbekiston Respublikasi davlat shaharsozlik kadastri” geografik axborot tizimi (geoportal)ning belgilangan muddatlarda ishga tushirilishini taʼminlasin;
“Shaffof qurilish” milliy axborot tizimini idoralararo axborot tizimlari va maʼlumotlar bazalari, jumladan, “Oʻzbekiston Respublikasi davlat shaharsozlik kadastri” geografik axborot tizimi (geoportal) bilan integratsiyalash boʻyicha zarur choralarni koʻrsin.
4. Qurilish sohasida “Korrupsiyasiz soha” loyihasini amalga oshirish va shaffoflikni taʼminlashga xizmat qiluvchi axborot tizimlari joriy etilishini muvofiqlashtirish boʻyicha komissiya (keyingi oʻrinlarda — Komissiya) 1-ilovaga muvofiq tarkibda tashkil etilsin va unga quyidagi vazifalar yuklatilsin:
qurilish sohasida “Korrupsiyasiz soha” loyihasini amalga oshirish yuzasidan chora-tadbirlarning oʻz vaqtida va samarali ijro etilishini tashkil etish va nazorat qilish;
Oʻzbekiston Respublikasi Qurilish vazirligi tizimida korrupsiyaga qarshi kurashish choralarini kuchaytirishga qaratilgan samarali “ijro etilishi yuzasidan nazorat” (compliance control) tizimi joriy etilishini taʼminlash;
qurilish sohasiga oid normativ-huquqiy hujjatlar hamda shaharsozlik normalari va qoidalari loyihalarida korrupsiyaga oid holatlarni keltirib chiqaruvchi normalarni aniqlash boʻyicha korrupsiyaga qarshi ekspertiza oʻtkazilishini tashkil etish;
“Shaffof qurilish” milliy axborot tizimi hamda “Oʻzbekiston Respublikasi davlat shaharsozlik kadastri” geografik axborot tizimi (geoportal)ni ishlab chiqish va joriy etish boʻyicha tadbirlar rejalari tasdiqlanishini taʼminlash, mazkur tizimlarni belgilangan muddatlarda ishga tushirilishini nazorat qilish;
qurilish sohasiga axborot tizimlarini joriy etish orqali korrupsiya, byurokratik toʻsiqlar va tizimli muammolarni aniqlash, ularni bartaraf etish yuzasidan takliflar ishlab chiqish;
qurilish sohasining shaffofligini taʼminlash maqsadida qurilish sohasiga zamonaviy axborot-kommunikatsiya texnologiyalarini joriy etish boʻyicha dasturlar ishlab chiqilishini tashkil etish va ularning belgilangan muddatlarda ijro etilishini monitoring qilish;
qurilish sohasiga axborot tizimlarini joriy etishda masʼul tashkilotlar faoliyatini muvofiqlashtirish va hamkorligini taʼminlash;
joriy etilayotgan axborot tizimlarining joylarda samarali ishlashini va qoʻllanilishining yagona amaliyotini taʼminlash;
qurilish sohasiga axborot texnologiyalarining joriy etilishi, shu jumladan ularning korrupsiya va boshqa huquqbuzarliklarning oldini olishga taʼsiri boʻyicha maʼlumotlarning keng ommaga yetkazilishini tashkil etish.
Komissiya faoliyat natijalari, shu jumladan axborot tizimlarini joriy etish boʻyicha amalga oshirilgan ishlar yuzasidan Oʻzbekiston Respublikasi Prezidenti Administratsiyasiga har chorak yakunlariga koʻra axborot kiritsin.
5. Oʻzbekiston Respublikasi Qurilish vazirligining davlat muassasasi shaklidagi axborot-kommunikatsiya texnologiyalarini rivojlantirish markazini (keyingi oʻrinlarda — Markaz) tashkil etish toʻgʻrisidagi taklifiga rozilik berilsin.
Quyidagilar Markazning asosiy vazifalari etib belgilansin:
avtomatlashtirilgan axborot tizimlari, axborot resurslari va maʼlumotlar bazalarini yaratish, rivojlantirish va qoʻllab-quvvatlash, qurilish sohasida axborot xavfsizligini taʼminlash;
“Shaffof qurilish” milliy axborot tizimini yuritish va qoʻllab-quvvatlash;
Oʻzbekiston Respublikasi Qurilish vazirligi faoliyatiga zamonaviy axborot-kommunikatsiya texnologiyalarini keng joriy etish va zarur dasturiy mahsulotlarni ishlab chiqish;
markazlashtirilgan moliyalashtirish manbalaridan, shu jumladan, investitsiya loyihalari hisobidan moliyalashtiriladigan loyihalarda qurilish jarayonini monitoring qilishni yoʻlga qoʻyish;
Oʻzbekiston Respublikasi Qurilish vazirligining axborot tizimlari, resurslari va maʼlumotlar bazalarini yangilab borish choralarini koʻrish, ularning boshqa davlat organlarining axborot tizimlari bilan integratsiyasini taʼminlash;
Oʻzbekiston Respublikasi Qurilish vazirligi axborot xavfsizligiga tahdidlarni oʻz vaqtida aniqlash va unga qarshi kurashish, axborot xavfsizligi talablariga rioya etilishining nazoratini va monitoringini amalga oshirish, axborot tizimlari va maʼlumotlar bazalarida axborot xavfsizligini taʼminlash boʻyicha texnik infratuzilmani joriy etish va rivojlantirish;
axborot tizimlari, resurslari va maʼlumotlar bazalaridan foydalanish hamda axborot xavfsizligini taʼminlash yuzasidan qurilish sohasida ishtirok etuvchi idoralar xodimlarining bilim va koʻnikmasini oshirish boʻyicha kompleks chora-tadbirlarni amalga oshirish;
turli axborot tizimlari va maʼlumotlar bazalarida axborot xavfsizligini taʼminlash uchun Oʻzbekiston Respublikasi Qurilish vazirligi yagona serverini tashkil qilish, yuritish va rivojlantirish;
Belgilab qoʻyilsinki, Markazning tuzilmasi va shtat birliklari soni uning faoliyat yoʻnalishlari va ish hajmidan kelib chiqqan holda vazir tomonidan tasdiqlanadi.
6. Quyidagilar Markaz faoliyatini moliyalashtirish manbalari etib belgilansin:
Oʻzbekiston Respublikasi Davlat budjeti mablagʻlari;
asosiy faoliyatdan olingan daromadlar;
xalqaro moliya institutlari grantlari;
yuridik va jismoniy shaxslarning homiylik xayriyalari;
qonun hujjatlarida taqiqlanmagan boshqa manbalar.
7. Shunday tartib belgilansinki, unga koʻra 2020-yil 1-yanvardan boshlab tegishli maqsadli dasturlar va alohida loyihalar doirasida jami qurilish xarajatlarining 0,05 foizi miqdoridagi mablagʻlar “Shaffof qurilish” milliy axborot tizimini ishlab chiqish va qoʻllab-quvvatlash uchun obyektlarni qurish, rekonstruksiya qilish va kapital taʼmirlash boʻyicha smeta xarajatlarida nazarda tutiladi hamda buyurtmachilar tomonidan Markaz hisob raqamiga oʻtkaziladi.
Bunda ushbu mablagʻlarning 30 foizi “Budjet nazorati” elektron dasturini takomillashtirish va qoʻllab-quvvatlash uchun Oʻzbekiston Respublikasi Bosh prokuraturasining rivojlantirish jamgʻarmasiga yoʻnaltiriladi.
8. Oʻzbekiston Respublikasi Qurilish vazirligining axborot-kommunikatsiya infratuzilmasini modernizatsiya qilish uchun xarid qilinadigan kompyuter texnikasi, server qurilmalari, kommunikatsiya uskunalari va dasturiy taʼminot roʻyxati 2-ilovaga muvofiq maʼqullansin.
9. Davlat va xoʻjalik boshqaruv organlari, mahalliy ijroiya hokimiyati organlari hamda davlat tashkilotlari rahbarlari oʻzlarining idoraviy axborot tizimlari va maʼlumotlar bazalarini “Shaffof qurilish” milliy axborot tizimiga integratsiya qilishni va real vaqt rejimida uzluksiz ishlashini taʼminlasin.
10. Oʻzbekiston Respublikasi Qurilish vazirligi shaharsozlik normalari va qoidalaridagi buyurtmachining boshqa xarajatlari tasnifiga “Shaffof qurilish” milliy axborot tizimining asosiy vazifalarini bajarish hamda obyektlarning xavfsizligini taʼminlash boʻyicha monitoring olib borish yuzasidan belgilangan tartibda oʻzgartirishlar kiritilishini taʼminlasin.
11. Oʻzbekiston Respublikasi Moliya vazirligi:
Qurilish vazirligining 2020-yilda ushbu qarorni amalga oshirish doirasidagi sarf xarajatlari uchun Oʻzbekiston Respublikasi Davlat budjeti parametrlari doirasida mablagʻlar ajratsin va 2020-yildan boshlab har yili zarur budjet mablagʻlarini nazarda tutsin;
2020-2021-yillarda Oʻzbekiston Respublikasi Davlat budjetidan Qurilish vazirligiga mablagʻlar ajratilishi jarayonida 2-ilovaga muvofiq axborot-kommunikatsiya texnologiyalari infratuzilmasini yangilash uchun zarur uskunalarni xarid qilishni eʼtiborga olsin.
12. Oʻzbekiston Respublikasi Qurilish vazirligi manfaatdor vazirliklar va idoralar bilan birgalikda ikki oy muddatda Vazirlar Mahkamasiga qonun hujjatlariga ushbu qarordan kelib chiqadigan oʻzgartirish va qoʻshimchalar kiritish toʻgʻrisida takliflar kiritsin.
13. Mazkur qarorning bajarilishini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2019-yil 20-sentabrdagi PQ-4464-son qaroriga 1-ILOVA
Qurilish sohasida “Korrupsiyasiz soha” loyihasini amalga oshirish va shaffoflikni taʼminlashga xizmat qiluvchi axborot tizimlari joriy etilishini muvofiqlashtirish boʻyicha komissiya
A.E. Burxanov ― Oʻzbekiston Respublikasi Korrupsiyaga qarshi kurashish agentligi direktori, Komissiya raisi Sh.S. Xidoyatov ― Oʻzbekiston Respublikasi qurilish vazirining birinchi oʻrinbosari, Komissiya raisi oʻrinbosari Sh.B. Bakayev ― Oʻzbekiston Respublikasi Prezidenti Administratsiyasi masʼul xodimi A.I. Ikramov ― Oʻzbekiston Respublikasi Savdo-sanoat palatasi raisi D.S. Qosimov ― Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil M.X. Saliyev ― Oʻzbekiston Respublikasi uy-joy kommunal xizmat koʻrsatish vaziri B.T. Qoʻchqorov ― Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisi A.X. Abdullayev ― Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisi T.A. Ishmetov ― Oʻzbekiston Respublikasi moliya vazirining birinchi oʻrinbosari O.B. Rustamov ― Oʻzbekiston Respublikasi iqtisodiyot va sanoat vazirining birinchi oʻrinbosari O.M. Umarov ― Oʻzbekiston Respublikasi axborot texnologiyalari va kommunikatsiyalarini rivojlantirish vazirining birinchi oʻrinbosari A.J. Tashkulov ― Oʻzbekiston Respublikasi adliya vaziri oʻrinbosari Sh.X. Xodjayev ― Oʻzbekiston Respublikasi energetika vaziri oʻrinbosari M.H. Eshnazarov ― Oʻzbekiston Respublikasi Bosh prokuraturasi boshqarma boshligʻi B.S. Sodiqov ― Oʻzbekiston Respublikasi Qurilish vazirligi boshqarma boshligʻi, Komissiya kotibi
Oʻzbekiston Respublikasi Prezidentining 2019-yil 20-sentabrdagi PQ-4464-son qaroriga 2-ILOVA
Oʻzbekiston Respublikasi Qurilish vazirligining axborot-kommunikatsiya infratuzilmasini modernizatsiya qilish uchun xarid qilinadigan kompyuter texnikasi, server qurilmalari, kommunikatsiya uskunalari va dasturiy taʼminot
T/r Nomi soni (komplekt) 1. Kompyuter (NP E N VY Desktop — 795-0030qd) 465 2. Raqamli koʻp imkoniyatli qurilma (Canon MF241) 325 3. Planshet-noutbuk 2 tasi 1 tada “GOOGLE PIXELBOOK” 310 4. Plotter 14 5. Videokonferensaloqa uchun videokamera 14 6. Videokonferensaloqa uchun televizor 65 14 7. Uzluksiz quvvat manbai 465 8. Server qurilmasi 2 9. Antivirus 465 10. DLP tizimi 11. MS SQL maʼlumotlar bazasi dasturiy taʼminoti 2 12. Windows Server 2016 Standard operatsion tizim 2 13. Videodevor 3x4 55`` 1 14. Axborot kioskalari 15
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 20-sentabr,
PQ-4464-son
Президента Республики Узбекистан
Постановление
СОСТАВ
ПЕРЕЧЕНЬ
О мерах по широкому внедрению информационно-коммуникационных технологий в сферу строительства
За прошедшие годы в стране реализованы комплексные меры по формированию современного архитектурного облика и ускорению строительства городов и сельских населенных пунктов, внедрены эффективные механизмы государственного управления в сферу строительства.
Вместе с тем результаты анализов показали наличие ряда недостатков в обеспечении прозрачности сферы строительства. В частности, заинтересованные лица и общественность не имеют возможности наблюдения за ходом строительных работ, также нецелевое использование средств, несвоевременная сдача объектов, использование некачественных материалов, привлечение к строительству работников, не являющихся специалистами в сфере приводят к некачественному выполнению строительных работ и являются причиной излишнего расхода средств республиканского бюджета, целевых фондов и заказчиков.
Не соответствующая требованиям материально-техническая база Министерства строительства приводит к нарушению сроков оказания государственных услуг в сфере строительства, препятствует эффективной организации деятельности строительных управлений и подразделений на местах.
В целях устранения коррупции и бюрократических препон в сфере строительства, обеспечения прозрачности всех этапов процесса строительства для общественности путем широкого внедрения информационно-коммуникационных технологий:
1. Одобрить предложения:
а) Национального агентства проектного управления при Президенте Республики Узбекистан, Министерства экономики и промышленности, Министерства финансов и Министерства строительства по:
внедрению в деятельность Министерства строительства Республики Узбекистан и запуску до 1 июня 2020 года Национальной информационной системы «Прозрачное строительство», в порядке эксперимента, в процессе строительства объектов в Ташкентской области (далее — объекты) за счет централизованных источников финансирования, в том числе финансируемых за счет инвестиционных проектов;
обеспечению функционирования до 1 января 2021 года Национальной информационной системы «Прозрачное строительство», по результатам эксперимента, на всей территории Республики Узбекистан в режиме реального времени;
б) Министерства строительства Республики Узбекистан по разработке и запуску до 1 марта 2020 года в тестовом режиме Географической информационной системы (геопортала) «Государственный градостроительный кадастр Республики Узбекистан» с возможностями ведения государственного градостроительного кадастра и предоставления общественности градостроительных документов и информации в режиме онлайн.
2. Определить основными задачами Национальной информационной системы «Прозрачное строительство»:
обеспечение формирования адресной программы объектов и годового адресного перечня объектов, разработанного в сотрудничестве с соответствующими министерствами и ведомствами, а также ведения базы данных по видам объектов нового строительства, реконструкции и капитального ремонта;
обеспечение постоянного ведения и внесения в электронную базу точных и достоверных данных о проведении региональными инжиниринговыми компаниями служб единого заказчика предпроектных работ, заключении договора между заказчиком и проектной организацией, выделении авансовых средств, а также завершении работ в процессе разработки проектно-сметной документации объектов строительства;
формирование электронной базы данных о заключенных договорах между заказчиком и экспертной организацией и финансировании услуг при проведении экспертизы проектно-сметной документации, проведении экспертизы готовой проектно-сметной документации;
формирование электронной базы точных и достоверных данных о заключенных договорах между подрядчиком и заказчиком при финансировании строительства объектов, выплате авансовых средств, ведении отчетов о ежемесячно проведенной работе и пропорциональном финансировании по отношению к выполненной работе;
формирование баз данных о всех подрядчиках и субподрядчиках, участвующих в строительстве объектов по видам их деятельности и своевременной оплате на основе объемов выполненных работ;
формирование баз данных о регистрации контроля и мониторинга процессов строительства в объектах, а также контрольных проверок, проведенных территориальными инспекциями по контролю в сфере строительства, выявленных недостатков и их устранения.
3. Министерству строительства Республики Узбекистан:
совместно с заинтересованными министерствами и ведомствами в двухмесячный срок разработать и внести в Кабинет Министров Республики Узбекистан проект регламента пользования Национальной информационной системой «Прозрачное строительство» и Географической информационной системой (геопорталом) «Государственный градостроительный кадастр Республики Узбекистан»;
до 1 января 2020 года разработать концепцию и техническое задание по разработке и внедрению Национальной информационной системы «Прозрачное строительство»;
обеспечить запуск Национальной информационной системы «Прозрачное строительство» и Географической информационной системы (геопортала) «Государственный градостроительный кадастр Республики Узбекистан» в установленные сроки;
принять необходимые меры по интеграции Национальной информационной системы «Прозрачное строительство» с межведомственными информационными системами и базами данных, в том числе Географической информационной системой (геопорталом) «Государственный градостроительный кадастр Республики Узбекистан».
4. Образовать Комиссию по координации внедрения информационных систем, обеспечивающих реализацию проекта «Сфера без коррупции» и прозрачность сферы строительства (далее — Комиссия) в составе согласно приложению № 1 с возложением на нее следующих задач:
организация и контроль за своевременным и эффективным исполнением мероприятий по реализации проекта «Сфера без коррупции» в сфере строительства;
обеспечение внедрения эффективной системы «контроль за исполнением» (compliance control), направленной на усиление мер по борьбе с коррупцией в системе Министерства строительства Республики Узбекистан;
организация проведения антикоррупционной экспертизы проектов нормативно-правовых актов в сфере строительства, а также градостроительных норм и правил на предмет выявления норм, способствующих образованию проявлений коррупции;
обеспечение утверждения плана мероприятий по разработке и внедрению Национальной информационной системы «Прозрачное строительство» и Географической информационной системы (геопортала) «Государственный градостроительный кадастр Республики Узбекистан», а также контроля запуска указанных систем в установленные сроки;
разработка предложений по выявлению и устранению коррупции, бюрократических препон и системных проблем путем внедрения информационных систем в сферу строительства;
организация разработки программ по внедрению современных информационно-коммуникационных технологий в сферу строительства, а также проведение мониторинга их исполнения в установленные сроки с целью обеспечения прозрачности сферы строительства;
координация деятельности и обеспечение сотрудничества соответствующих организаций при внедрении информационных систем в сферу строительства;
обеспечение эффективной работы и единой практики применения внедряемых информационных систем на местах;
организация доведения до широкой общественности информации о внедрении информационных технологий в сферу строительства, в том числе по их воздействию на предупреждение коррупции и других правонарушений.
Комиссии по итогам каждого квартала вносить информацию в Администрацию Президента Республики Узбекистан о результатах своей деятельности, в том числе по внедрению информационных систем.
5. Согласиться с предложением Министерства строительства Республики Узбекистан о создании Центра по развитию информационно-коммуникационных технологий (далее — Центр) в форме государственного учреждения.
Определить основными задачами Центра:
создание, развитие и поддержка автоматизированных информационных систем, информационных ресурсов, баз данных и обеспечение информационной безопасности в сфере строительства;
ведение и поддержка Национальной информационной системы «Прозрачное строительство»;
широкое внедрение в деятельность Министерства строительства Республики Узбекистан современных информационно-коммуникационных технологий и разработка необходимых программных продуктов;
организация мониторинга процесса строительства в проектах, финансируемых за счет централизованных источников финансирования, в том числе инвестиционных проектов;
принятие мер по обновлению информационных систем, ресурсов и баз данных Министерства строительства Республики Узбекистан, обеспечение их интеграции с информационными системами других государственных органов;
внедрение и развитие технической инфраструктуры Министерства строительства Республики Узбекистан по своевременному выявлению и борьбе с угрозами информационной безопасности, осуществлению контроля и мониторинга за соблюдением требований информационной безопасности, обеспечению информационной безопасности в информационных системах и базах данных;
реализация комплекса мер по повышению знаний и навыков работников организаций сферы строительства в пользовании информационными системами, ресурсами и базами данных, обеспечении информационной безопасности;
создание, ведение и развитие единого сервера Министерства строительства Республики Узбекистан для обеспечения информационной безопасности разных информационных систем и баз данных;
Установить, что структура и количество штатных единиц Центра утверждаются министром исходя из направлений его деятельности и объема работ.
6. Определить источниками финансирования деятельности Центра:
средства Государственного бюджета Республики Узбекистан;
доходы, полученные от основной деятельности;
гранты международных финансовых институтов;
благотворительные пожертвования юридических и физических лиц;
иные источники, не запрещенные законодательством.
7. Установить порядок, в соответствие с которым начиная с 1 января 2020 года в сметах расходов строительства, реконструкции и капитального ремонта объектов в рамках соответствующих целевых программ и отдельных проектов предусматриваются и перечисляются заказчиками на расчетный счет Центра средства в размере 0,05 процентов всех расходов на разработку и поддержку Национальной информационной системы «Прозрачное строительство».
При этом 30 процентов этих средств будет направлено в Фонд развития Генеральной прокуратуры Республики Узбекистан в целях совершенствования и поддержки электронной программы «Контроль бюджета».
8. Одобрить перечень компьютерной техники, серверных устройств, коммуникационного оборудования и программного обеспечения, приобретаемых для модернизации информационно-коммуникационной инфраструктуры Министерства строительства Республики Узбекистан, согласно приложению № 2 .
9. Руководителям органов государственного и хозяйственного управления, органов исполнительной власти на местах и государственных организаций обеспечить бесперебойное функционирование в режиме реального времени и интеграцию соответствующих ведомственных информационных систем и баз данных с Национальной информационной системой «Прозрачное строительство».
10. Министерству строительства Республики Узбекистан обеспечить внесение в установленном порядке изменений в классификацию иных расходов заказчика в градостроительных нормах и правилах по выполнению основных задач Национальной информационной системы «Прозрачное строительство», а также проведение мониторинга за обеспечением безопасности объектов.
11. Министерству финансов Республики Узбекистан:
выделить средства на расходы Министерства строительства в рамках реализации настоящего постановления на 2020 год в пределах параметров Государственного бюджета Республики Узбекистан и, начиная с 2020 года, ежегодно предусматривать необходимые бюджетные средства;
учитывать закупку необходимого оборудования для обновления инфраструктуры информационно-коммуникационных технологий согласно приложению № 2 в процессе выделения средств Министерству строительства из Государственного бюджета Республики Узбекистан в 2020-2021 годах.
12. Министерству строительства совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 20 сентября 2019 года № ПП-4464
Комиссии по координации внедрения информационных систем, обеспечивающих реализацию проекта «Сфера без коррупции» и прозрачность сферы строительства
Бурханов А.Э. ― директор Агентства по противодействию коррупции Республики Узбекистан, председатель Комиссии Хидоятов Ш.С. ― первый заместитель министра строительства Республики Узбекистан, заместитель председателя Комиссии Бакаев Ш.Б. ― ответственный сотрудник Администрации Президента Республики Узбекистан Икрамов А.И. ― председатель Торгово-промышленной палаты Республики Узбекистан Касымов Д.С. ― Уполномоченный при Президенте Республики Узбекистан по защите прав и законных интересов субъектов предпринимательства Салиев М.Х. ― министр жилищно-коммунального обслуживания Республики Узбекистан Кучкаров Б.Т. ― председатель Государственного комитета Республики Узбекистан по экологии и охране окружающей среды Абдуллаев А.Х. ― председатель Государственного комитета Республики Узбекистан по земельным ресурсам, геодезии, картографии и государственному кадастру Ишметов Т.А. ― первый заместитель министра финансов Республики Узбекистан Рустамов О.Б. ― первый заместитель министра экономики и промышленности Республики Узбекистан Умаров О.М. ― первый заместитель министра по развитию информационных технологий и коммуникаций Республики Узбекистан Ташкулов А.Ж. ― заместитель министра юстиции Республики Узбекистан Ходжаев Ш.Х. ― заместитель министра энергетики Республики Узбекистан Эшназаров М.Х. ― начальник управления Генеральной прокуратуры Республики Узбекистан Садыков Б.С. ― начальник управления Министерства строительства Республики Узбекистан, секретарь Комиссии
ПРИЛОЖЕНИЕ № 2 к постановлению Президента Республики Узбекистан от 20 сентября 2019 года № ПП-4464
компьютерной техники, серверных устройств, коммуникационного оборудования и программного обеспечения, приобретаемых для модернизации информационно-коммуникационной инфраструктуры Министерства строительства Республики Узбекистан
№ Наименование Количество (комп.) 1. Компьютер (НP E№VY Desktop — 795-0030qd) 465 2. Многофункциональное цифровое устройство (Canon MF241) 325 3. Планшет-ноутбук 2 в 1 «GOOGLE PIXELBOOK» 310 4. Плоттер 14 5. Видеокамера для видеоконференцсвязи 14 6. Телевизор 65 для видеоконференцсвязи 14 7. Источник бесперебойного питания 465 8. Серверное устройство 2 9. Антивирус 465 10. Система DLP 11. Программное обеспечение для базы данных MS SQL 2 12. Операционная система Windows Server 2016 Standard 2 13. Видеостена 3х4 55`` 1 14. Информационные киоски 15
Президент Республики Узбекистан Ш. МИРЗИЁЕВ
г. Ташкент,
20 сентября 2019 г.,
№ ПП-4464