📅 2019-yil 20-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 20 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 сентября 2019 г. · Указы Президента
Официальный текст. Официальный документ. Редакционные примечания не включены.
📅 20 September 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Ўзбекистон Республикасида архив иши ва иш юритишни такомиллаштириш чора-тадбирлари тўғрисида
Ўтган давр мобайнида архив иши ва иш юритиш соҳасида зарур инфратузилма яратилди, архив ҳужжатларини жамлаш, ҳисобга олиш, сақлаш ва улардан фойдаланишда ижобий натижаларга эришилди ҳамда муайян интеллектуал ва технологик салоҳият шакллантирилди, Миллий архив фонди Ўзбекистон халқининг моддий ва маънавий ҳаётини акс эттирган, тарихий, илмий ва маданий аҳамиятга эга бўлган архив ҳужжатлар билан бойитилди.
Шу билан бирга, таҳлил ва ўрганиш натижалари архив иши ва иш юритиш соҳасига замонавий ахборот-коммуникация технологияларни жорий қилиш, давлат архивларини моддий-техника базасини яхшилаш, архив ҳужжатларини жамлаш, давлат ҳисобига олиш, сақлаш ва улардан фойдаланишнинг замонавий механизмларини қўллаш зарурати мавжудлигидан далолат бермоқда.
Ўзбекистон Республикасида архив иши ва иш юритиш соҳасида давлат бошқаруви ва назоратини такомиллаштириш, қоғоз шаклидаги, кино, фото ва фоно ҳужжатларини рақамлаштиришни янада жадаллаштириш мақсадида, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ:
1. Ўзбекистон Республикаси Вазирлар Маҳкамаси ҳузуридаги «Ўзархив» агентлиги негизида Ўзбекистон Республикаси «Ўзархив» агентлиги (кейинги ўринларда — Агентлик) ташкил этилсин.
2. Белгилансинки, 2020 йил 1 январдан давлат ва хўжалик бошқаруви органлари ҳамда маҳаллий давлат ҳокимияти органлари, шунингдек мулкчилик шаклларидан қатъий назар корхоналар, муассасалар ва ташкилотлар фаолиятида шаклланадиган бошқарув (иш юритиш)га оид, илмий-техникавий ва бошқа ҳужжатларнинг архив сақловига топширилишида уларнинг электрон ва Миллий архив фондининг давлатга тегишли қисми ҳужжатларининг суғурта нусхалари талаб этилади.
3. Агентлик:
а) 2020 йил 1 июнгача Ўзбекистон Республикаси Давлат хавфсизлик хизмати билан биргаликда давлат архивларида сақланаётган тарихий давр (1917 йилгача) архив ҳужжатларини ўрнатилган тартибда махфийликдан чиқариш бўйича чораларни кўрсин;
б) 2020 йил 1 июнгача Адлия вазирлиги ҳамда Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда қуйидаги давлат хизматларини Давлат хизматлари марказлари ва Ягона интерактив давлат хизматлари портали орқали кўрсатилишини жорий қилсин:
ўқиганликни тасдиқлаш ҳақидаги архив маълумотномасини бериш;
иш стажини тасдиқлаш ҳақидаги архив маълумотномасини бериш;
иш ҳақини тасдиқлаш ҳақидаги архив маълумотномасини бериш;
араб алифбосида яратилган туркий, форсий ва арабча ҳужжатлардаги ахборотлар бўйича аннотация маълумотларини тайёрлаб бериш;
архив ҳужжатлари, китоблар ва қўлёзмаларни рақамлаштириш (электрон нусха олиш);
в) уч ой муддатда:
доимий сақловга олинадиган ҳужжатлар таркибини оптимизация қилиш;
Миллий архив фондининг давлатга тегишли қисмини доимий сақлаш ҳуқуқи берилган вазирликлар, идоралар, тармоқ давлат фондлари ва ташкилотлар рўйхатини қисқартириш;
архив иши жараёнларини тўлиқ қамраб олувчи ва интерактив қидирув имкониятлари мавжуд бўлган «Архив иши» ягона ахборот тизими яратиш бўйича Вазирлар Маҳкамасига таклифлар киритсин;
г) 2021 йил 1 январгача давлат архивларида сақланаётган фондларни хатловдан ўтказиб, улар ҳақида тегишли маълумотларни қамраб олган маълумотлар базасини яратсин.
Белгилансинки, мазкур бандда кўрсатилган архив маълумотномаларини бериш бўйича давлат хизматлари кўрсатилганлиги учун йиғим ундирилмайди.
4. Агентликнинг 2020 йил 1 январдан бошлаб архив иши соҳасидаги давлат хизматларини кўрсатиш муддатларини иловага мувофиқ қисқартириш тўғрисидаги таклифига розилик берилсин.
5. Белгилаб қўйилсинки:
Агентлик Ўзбекистон Республикаси Вазирлар Маҳкамаси ҳузуридаги «Ўзархив» агентлигининг барча ҳуқуқ ва мажбуриятлари бўйича ҳуқуқий вориси ҳисобланади;
Агентлик директори қонунчиликда белгиланган тартибда Ўзбекистон Республикаси Президенти томонидан лавозимга тайинланади ва лавозимидан озод этилади;
Агентлик директори ўринбосари қонунчиликда белгиланган тартибда Ўзбекистон Республикаси Вазирлар Маҳкамаси томонидан лавозимга тайинланади ва лавозимдан озод этилади;
Агентлик директори ва унинг ўринбосари меҳнатга ҳақ тўлаш, тиббий ва транспорт хизмат кўрсатиш шароитлари бўйича тегишли равишда вазирнинг биринчи ўринбосари ва вазир ўринбосарига тенглаштирилади;
Агентликнинг ҳудудий архив иши бошқармалари бошлиқларини лавозимга тайинлаш Агентлик директори томонидан Ўзбекистон Республикаси адлия вазири билан келишилган ҳолда амалга оширилади.
6. Қуйидагилар тузилсин:
Ўзбекистон Республикаси Марказий давлат архиви негизида Ўзбекистон Миллий архиви;
Ўзбекистон Республикаси Кинофотофоно ҳужжатлари марказий давлат архиви негизида Ўзбекистон Кинофотофоно ҳужжатлари миллий архиви;
Ўзбекистон Республикаси Илмий-техника ва тиббиёт ҳужжатлари марказий давлат архиви негизида Ўзбекистон Илмий-техника ва тиббиёт ҳужжатлари миллий архиви;
Тошкент шаҳар давлат архиви негизида Тошкент шаҳар марказий давлат архиви;
Агентлик ҳузурида муассаса шаклида Архив иши ва иш юритиш бўйича малака ошириш илмий-методик маркази;
Агентлик ҳузурида юридик шахс мақомига эга бўлмаган Архив ишини ривожлантириш жамғармаси.
Белгилаб қўйилсинки, Ўзбекистон Миллий архиви Ўзбекистон Республикаси Марказий давлат архивининг, Ўзбекистон Кинофотофоно ҳужжатлари миллий архиви Ўзбекистон Республикаси Кинофотофоно ҳужжатлари марказий давлат архивининг, Ўзбекистон Илмий-техника ва тиббиёт ҳужжатлари миллий архиви Ўзбекистон Республикаси Илмий-техника ва тиббиёт ҳужжатлари марказий давлат архивининг, Тошкент шаҳар марказий давлат архиви Тошкент шаҳар давлат архивининг ҳуқуқлари ва мажбуриятлари бўйича ҳуқуқий вориси ҳисобланади.
7. Қуйидагилар архив иши ва иш юритиш соҳасини такомиллаштиришнинг асосий йўналишлари этиб белгилансин:
архив иши ва иш юритиш фаолиятига замонавий ахборот-коммуникация технологияларини жадаллик билан жорий этиш, Ўзбекистон Республикаси Миллий архив фонди ҳужжатларини босқичма-босқич рақамлаштириш ва суғурта нусхаларини яратиш;
архив ҳужжатларини махфийликдан чиқариш ишларини фаоллаштириш орқали архив ахборотларидан фойдаланувчилар сонини кенгайтириш;
архив хизматларини босқичма-босқич Давлат хизматлари марказлари ҳамда Ягона интерактив давлат хизматлари портали орқали кўрсатилишини ташкил этиш;
архивларнинг моддий-техника базасини мустаҳкамлаш ҳамда инфратузилмасини янада модернизация қилиш, архив ҳужжатларини жамлаш, давлат ҳисобига олиш, сақлаш ва улардан фойдаланишнинг замонавий усулларини жорий этиш;
архив иши ва иш юритиш соҳасидаги ходимларини танлаш, тайёрлаш, қайта тайёрлаш ва малакасини оширишнинг илғор ва шаффоф ташкилий-ҳуқуқий механизмларини татбиқ этиш йўли билан кадрлар сиёсатини шакллантиришнинг замонавий тамойилларини жорий қилиш;
соҳа ходимларини моддий рағбатлантиришни яхшилаш учун қулай шарт-шароитлар яратиш;
архив иши ва иш юритиш соҳасида давлат бошқарувини амалга оширишнинг илғор ва шаффоф механизмларини ишлаб чиқиш ва татбиқ этиш.
9. Агентлик 2023 йил 1 январгача босқичма-босқич давлат архивлари сақловида бўлган шахсий таркиб ҳужжатларини шахсий таркиб ҳужжатлари давлат архивларига ўтказиш чораларини кўрсин.
10. Агентлик:
Ўзбекистон Республикаси Давлат активларини бошқариш агентлиги билан биргаликда икки ой муддатда бўш турган давлат мулки объектлари, шунингдек, реконструкция қилиниши ва мукаммал таъмирланиши лозим бўлган давлат архивларининг фойдаланилмаётган бино ва иншоотларини хатловдан ўтказиб, уларнинг рўйхатини тузсин;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2020 йил 1 июнга қадар шахсий таркиб бўйича давлат архивларини давлат-хусусий шериклик асосидаги шахсий таркиб ҳужжатлари архивларига айлантириш чораларини кўриб чиқсин.
11. Агентлик бир ой муддатда:
манфаатдор вазирлик ва идоралар билан биргаликда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин;
Агентлик фаолиятини такомиллаштириш тўғрисидаги Ўзбекистон Республикаси Президентининг қарори лойиҳасини киритсин.
12. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2019 йил 20 сентябрдаги ПФ-5834-сон Фармонига ИЛОВА
2020 йил 1 январдан бошлаб архив иши соҳасидаги кўрсатиш муддатлари қисқартирилаётган давлат хизматлари
Т/р Давлат хизматининг номи Давлат хизматини кўрсатиш муддати 1. Ташкилотлар иш юритишида ҳужжатларни ташкил этиш бўйича ички меъёрий ва услубий ҳужжатларни ишлаб чиқиш ва уларнинг ҳужжатлар билан ишлаш бўйича фаолиятини ўрганиш. Хизмат сўров ёки расмий хат давлат архивига келиб тушган кундан эътиборан 5 кун ичида кўрсатилади. Қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда хизмат 20 кун ичида кўрсатилади. 2. Араб алифбосида яратилган туркий, форсий ва арабча ҳужжатлардаги ахборотлар бўйича аннотация маълумотларини тайёрлаб бериш. Хизмат сўров ёки расмий хатлар давлат архивига келиб тушган кундан эътиборан 5 кун ичида кўрсатилади. Қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда хизмат 15 кун ичида кўрсатилади. 3. Архив ҳужжатлари, китоблар ва қўлёзмаларни рақамлаштириш (электрон нусха олиш). Хизмат сўров ёки расмий хатлар давлат архивига келиб тушган кундан эътиборан 5 кун ичида кўрсатилади. Қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда хизмат 20 кун ичида кўрсатилади. 4. Архив ҳужжатларидан фойдаланиш. Хизмат сўров ёки расмий хатлар давлат архивига келиб тушган кундан эътиборан 5 кун ичида кўрсатилади. Қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда хизмат 15 кун ичида кўрсатилади. 5. Рақамлаштирилган (электрон нусхаси олинган) ҳужжатларнинг электрон базасини яратиш. Хизмат сўров ёки расмий хатлар давлат архивига келиб тушган кундан эътиборан 5 кун ичида кўрсатилади. Қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда хизмат 20 кун ичида кўрсатилади. 6. Ҳужжатлар ва китобларни таъмирлаш, тикиш, муқовалаш ва уларга қайта ишлов бериш. Хизмат сўров ёки расмий хатлар давлат архивига келиб тушган кундан эътиборан 5 кун ичида кўрсатилади. Қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда хизмат 15 кун ичида кўрсатилади.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 20 сентябрь,
ПФ-5834-сон
Oʻzbekiston Respublikasi Prezidentining
Farmoni
ROʻYXATI
Oʻzbekiston Respublikasida arxiv ishi va ish yuritishni takomillashtirish chora-tadbirlari toʻgʻrisida
Oʻtgan davr mobaynida arxiv ishi va ish yuritish sohasida zarur infratuzilma yaratildi, arxiv hujjatlarini jamlash, hisobga olish, saqlash va ulardan foydalanishda ijobiy natijalarga erishildi hamda muayyan intellektual va texnologik salohiyat shakllantirildi, Milliy arxiv fondi Oʻzbekiston xalqining moddiy va maʼnaviy hayotini aks ettirgan, tarixiy, ilmiy va madaniy ahamiyatga ega boʻlgan arxiv hujjatlar bilan boyitildi.
Shu bilan birga, tahlil va oʻrganish natijalari arxiv ishi va ish yuritish sohasiga zamonaviy axborot-kommunikatsiya texnologiyalarni joriy qilish, davlat arxivlarini moddiy-texnika bazasini yaxshilash, arxiv hujjatlarini jamlash, davlat hisobiga olish, saqlash va ulardan foydalanishning zamonaviy mexanizmlarini qoʻllash zarurati mavjudligidan dalolat bermoqda.
Oʻzbekiston Respublikasida arxiv ishi va ish yuritish sohasida davlat boshqaruvi va nazoratini takomillashtirish, qogʻoz shaklidagi, kino, foto va fono hujjatlarini raqamlashtirishni yanada jadallashtirish maqsadida, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:
1. Oʻzbekiston Respublikasi Vazirlar Mahkamasi huzuridagi “Oʻzarxiv” agentligi negizida Oʻzbekiston Respublikasi “Oʻzarxiv” agentligi (keyingi oʻrinlarda — Agentlik) tashkil etilsin.
2. Belgilansinki, 2020-yil 1-yanvardan davlat va xoʻjalik boshqaruvi organlari hamda mahalliy davlat hokimiyati organlari, shuningdek mulkchilik shakllaridan qatʼiy nazar korxonalar, muassasalar va tashkilotlar faoliyatida shakllanadigan boshqaruv (ish yuritish)ga oid, ilmiy-texnikaviy va boshqa hujjatlarning arxiv saqloviga topshirilishida ularning elektron va Milliy arxiv fondining davlatga tegishli qismi hujjatlarining sugʻurta nusxalari talab etiladi.
3. Agentlik:
a) 2020-yil 1-iyungacha Oʻzbekiston Respublikasi Davlat xavfsizlik xizmati bilan birgalikda davlat arxivlarida saqlanayotgan tarixiy davr (1917 yilgacha) arxiv hujjatlarini oʻrnatilgan tartibda maxfiylikdan chiqarish boʻyicha choralarni koʻrsin;
b) 2020-yil 1-iyungacha Adliya vazirligi hamda Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda quyidagi davlat xizmatlarini Davlat xizmatlari markazlari va Yagona interaktiv davlat xizmatlari portali orqali koʻrsatilishini joriy qilsin:
oʻqiganlikni tasdiqlash haqidagi arxiv maʼlumotnomasini berish;
ish stajini tasdiqlash haqidagi arxiv maʼlumotnomasini berish;
ish haqini tasdiqlash haqidagi arxiv maʼlumotnomasini berish;
arab alifbosida yaratilgan turkiy, forsiy va arabcha hujjatlardagi axborotlar boʻyicha annotatsiya maʼlumotlarini tayyorlab berish;
arxiv hujjatlari, kitoblar va qoʻlyozmalarni raqamlashtirish (elektron nusxa olish);
v) uch oy muddatda:
doimiy saqlovga olinadigan hujjatlar tarkibini optimizatsiya qilish;
Milliy arxiv fondining davlatga tegishli qismini doimiy saqlash huquqi berilgan vazirliklar, idoralar, tarmoq davlat fondlari va tashkilotlar roʻyxatini qisqartirish;
arxiv ishi jarayonlarini toʻliq qamrab oluvchi va interaktiv qidiruv imkoniyatlari mavjud boʻlgan “Arxiv ishi” yagona axborot tizimi yaratish boʻyicha Vazirlar Mahkamasiga takliflar kiritsin;
g) 2021-yil 1-yanvargacha davlat arxivlarida saqlanayotgan fondlarni xatlovdan oʻtkazib, ular haqida tegishli maʼlumotlarni qamrab olgan maʼlumotlar bazasini yaratsin.
Belgilansinki, mazkur bandda koʻrsatilgan arxiv maʼlumotnomalarini berish boʻyicha davlat xizmatlari koʻrsatilganligi uchun yigʻim undirilmaydi.
4. Agentlikning 2020-yil 1-yanvardan boshlab arxiv ishi sohasidagi davlat xizmatlarini koʻrsatish muddatlarini ilovaga muvofiq qisqartirish toʻgʻrisidagi taklifiga rozilik berilsin.
5. Belgilab qoʻyilsinki:
Agentlik Oʻzbekiston Respublikasi Vazirlar Mahkamasi huzuridagi “Oʻzarxiv” agentligining barcha huquq va majburiyatlari boʻyicha huquqiy vorisi hisoblanadi;
Agentlik direktori qonunchilikda belgilangan tartibda Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi;
Agentlik direktori oʻrinbosari qonunchilikda belgilangan tartibda Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimdan ozod etiladi;
Agentlik direktori va uning oʻrinbosari mehnatga haq toʻlash, tibbiy va transport xizmat koʻrsatish sharoitlari boʻyicha tegishli ravishda vazirning birinchi oʻrinbosari va vazir oʻrinbosariga tenglashtiriladi;
Agentlikning hududiy arxiv ishi boshqarmalari boshliqlarini lavozimga tayinlash Agentlik direktori tomonidan Oʻzbekiston Respublikasi adliya vaziri bilan kelishilgan holda amalga oshiriladi.
6. Quyidagilar tuzilsin:
Oʻzbekiston Respublikasi Markaziy davlat arxivi negizida Oʻzbekiston Milliy arxivi;
Oʻzbekiston Respublikasi Kinofotofono hujjatlari markaziy davlat arxivi negizida Oʻzbekiston Kinofotofono hujjatlari milliy arxivi;
Oʻzbekiston Respublikasi Ilmiy-texnika va tibbiyot hujjatlari markaziy davlat arxivi negizida Oʻzbekiston Ilmiy-texnika va tibbiyot hujjatlari milliy arxivi;
Toshkent shahar davlat arxivi negizida Toshkent shahar markaziy davlat arxivi;
Agentlik huzurida muassasa shaklida Arxiv ishi va ish yuritish boʻyicha malaka oshirish ilmiy-metodik markazi;
Agentlik huzurida yuridik shaxs maqomiga ega boʻlmagan Arxiv ishini rivojlantirish jamgʻarmasi.
Belgilab qoʻyilsinki, Oʻzbekiston Milliy arxivi Oʻzbekiston Respublikasi Markaziy davlat arxivining, Oʻzbekiston Kinofotofono hujjatlari milliy arxivi Oʻzbekiston Respublikasi Kinofotofono hujjatlari markaziy davlat arxivining, Oʻzbekiston Ilmiy-texnika va tibbiyot hujjatlari milliy arxivi Oʻzbekiston Respublikasi Ilmiy-texnika va tibbiyot hujjatlari markaziy davlat arxivining, Toshkent shahar markaziy davlat arxivi Toshkent shahar davlat arxivining huquqlari va majburiyatlari boʻyicha huquqiy vorisi hisoblanadi.
7. Quyidagilar arxiv ishi va ish yuritish sohasini takomillashtirishning asosiy yoʻnalishlari etib belgilansin:
arxiv ishi va ish yuritish faoliyatiga zamonaviy axborot-kommunikatsiya texnologiyalarini jadallik bilan joriy etish, Oʻzbekiston Respublikasi Milliy arxiv fondi hujjatlarini bosqichma-bosqich raqamlashtirish va sugʻurta nusxalarini yaratish;
arxiv hujjatlarini maxfiylikdan chiqarish ishlarini faollashtirish orqali arxiv axborotlaridan foydalanuvchilar sonini kengaytirish;
arxiv xizmatlarini bosqichma-bosqich Davlat xizmatlari markazlari hamda Yagona interaktiv davlat xizmatlari portali orqali koʻrsatilishini tashkil etish;
arxivlarning moddiy-texnika bazasini mustahkamlash hamda infratuzilmasini yanada modernizatsiya qilish, arxiv hujjatlarini jamlash, davlat hisobiga olish, saqlash va ulardan foydalanishning zamonaviy usullarini joriy etish;
arxiv ishi va ish yuritish sohasidagi xodimlarini tanlash, tayyorlash, qayta tayyorlash va malakasini oshirishning ilgʻor va shaffof tashkiliy-huquqiy mexanizmlarini tatbiq etish yoʻli bilan kadrlar siyosatini shakllantirishning zamonaviy tamoyillarini joriy qilish;
soha xodimlarini moddiy ragʻbatlantirishni yaxshilash uchun qulay shart-sharoitlar yaratish;
arxiv ishi va ish yuritish sohasida davlat boshqaruvini amalga oshirishning ilgʻor va shaffof mexanizmlarini ishlab chiqish va tatbiq etish.
9. Agentlik 2023-yil 1-yanvargacha bosqichma-bosqich davlat arxivlari saqlovida boʻlgan shaxsiy tarkib hujjatlarini shaxsiy tarkib hujjatlari davlat arxivlariga oʻtkazish choralarini koʻrsin.
10. Agentlik:
Oʻzbekiston Respublikasi Davlat aktivlarini boshqarish agentligi bilan birgalikda ikki oy muddatda boʻsh turgan davlat mulki obyektlari, shuningdek, rekonstruksiya qilinishi va mukammal taʼmirlanishi lozim boʻlgan davlat arxivlarining foydalanilmayotgan bino va inshootlarini xatlovdan oʻtkazib, ularning roʻyxatini tuzsin;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2020-yil 1-iyunga qadar shaxsiy tarkib boʻyicha davlat arxivlarini davlat-xususiy sheriklik asosidagi shaxsiy tarkib hujjatlari arxivlariga aylantirish choralarini koʻrib chiqsin.
11. Agentlik bir oy muddatda:
manfaatdor vazirlik va idoralar bilan birgalikda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin;
Agentlik faoliyatini takomillashtirish toʻgʻrisidagi Oʻzbekiston Respublikasi Prezidentining qarori loyihasini kiritsin.
12. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2019-yil 20-sentabrdagi PF-5834-son Farmoniga ILOVA
2020-yil 1-yanvardan boshlab arxiv ishi sohasidagi koʻrsatish muddatlari qisqartirilayotgan davlat xizmatlari
T/r Davlat xizmatining nomi Davlat xizmatini koʻrsatish muddati 1. Tashkilotlar ish yuritishida hujjatlarni tashkil etish boʻyicha ichki meʼyoriy va uslubiy hujjatlarni ishlab chiqish va ularning hujjatlar bilan ishlash boʻyicha faoliyatini oʻrganish. Xizmat soʻrov yoki rasmiy xat davlat arxiviga kelib tushgan kundan eʼtiboran 5 kun ichida koʻrsatiladi. Qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda xizmat 20 kun ichida koʻrsatiladi. 2. Arab alifbosida yaratilgan turkiy, forsiy va arabcha hujjatlardagi axborotlar boʻyicha annotatsiya maʼlumotlarini tayyorlab berish. Xizmat soʻrov yoki rasmiy xatlar davlat arxiviga kelib tushgan kundan eʼtiboran 5 kun ichida koʻrsatiladi. Qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda xizmat 15 kun ichida koʻrsatiladi. 3. Arxiv hujjatlari, kitoblar va qoʻlyozmalarni raqamlashtirish (elektron nusxa olish). Xizmat soʻrov yoki rasmiy xatlar davlat arxiviga kelib tushgan kundan eʼtiboran 5 kun ichida koʻrsatiladi. Qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda xizmat 20 kun ichida koʻrsatiladi. 4. Arxiv hujjatlaridan foydalanish. Xizmat soʻrov yoki rasmiy xatlar davlat arxiviga kelib tushgan kundan eʼtiboran 5 kun ichida koʻrsatiladi. Qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda xizmat 15 kun ichida koʻrsatiladi. 5. Raqamlashtirilgan (elektron nusxasi olingan) hujjatlarning elektron bazasini yaratish. Xizmat soʻrov yoki rasmiy xatlar davlat arxiviga kelib tushgan kundan eʼtiboran 5 kun ichida koʻrsatiladi. Qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda xizmat 20 kun ichida koʻrsatiladi. 6. Hujjatlar va kitoblarni taʼmirlash, tikish, muqovalash va ularga qayta ishlov berish. Xizmat soʻrov yoki rasmiy xatlar davlat arxiviga kelib tushgan kundan eʼtiboran 5 kun ichida koʻrsatiladi. Qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda xizmat 15 kun ichida koʻrsatiladi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 20-sentabr,
PF-5834-son
Президента Республики Узбекистан
Указ
ПЕРЕЧЕНЬ
О мерах по совершенствованию архивного дела и делопроизводства в Республики Узбекистан
За прошедший период создана необходимая инфраструктура в сфере архивного дела и делопроизводства, достигнуты положительные результаты в комплектовании, учете, хранении и использовании архивных документов, сформирован определенный интеллектуальный и технологический потенциал, Национальный архивный фонд обогащен архивными документами, имеющими историческое, научное и культурное значение и отражающими материальную и духовную жизнь народа Узбекистана.
Вместе с тем результаты анализов и изучений свидетельствуют о необходимости внедрения в сферу архивного дела и делопроизводства современных информационно-коммуникационных технологий, улучшения материально-технической базы государственных архивов, применения современных механизмов комплектования, государственного учета, хранения и использования архивных документов.
В целях совершенствования государственного управления и контроля в сфере архивного дела и делопроизводства, дальнейшего ускорения цифровизации документов в бумажной форме, кино, фото и фонодокументов, а также в соответствии со Стратегией действий по пяти приоритетным направлениям развития Республики Узбекистан в 2017 — 2021 годах:
1. Образовать на базе Агентства «Узархив» при Кабинете Министров Республики Узбекистан Агентство «Узархив» Республики Узбекистан (далее — Агентство).
2. Установить, что с 1 января 2020 года при передаче на архивное хранение управленческих (делопроизводственных), научно-технических и иных документов, формируемых в процессе деятельности органов государственного и хозяйственного управления, органов государственной власти на местах, предприятий, учреждений и организаций независимо от формы собственности, требуются их электронные копии и страховые копии документов государственной части Национального архивного фонда.
3. Агентству:
а) до 1 июня 2020 года совместно со Службой государственной безопасности Республики Узбекистан принять меры по рассекречиванию в установленном порядке архивных документов исторического периода (до 1917 года), хранящихся в государственных архивах;
б) до 1 июня 2020 года внедрить совместно с Министерством юстиции и Национальным агентством проектного управления при Президенте Республики Узбекистан оказание следующих государственных услуг через Центры государственных услуг и Единый портал интерактивных государственных услуг:
выдача архивных справок о подтверждении обучения;
выдача архивных справок о подтверждении стажа работы;
выдача архивных справок о подтверждении заработной платы;
подготовка аннотационных сведений по информации, содержащейся в тюркских, арабских и персидских документах, созданных на арабской графике;
цифровизация (снятие электронных копий) архивных документов, книг и рукописей;
в) в трехмесячный срок внести предложения в Кабинет Министров Республики Узбекистан по:
оптимизации состава документов, принимаемых на постоянное хранение;
сокращению перечня министерств, ведомств, отраслевых государственных фондов и организаций, которым предоставлено право постоянного хранения документов государственной части Национального архивного фонда;
созданию единой информационной системы «Архивное дело» с полным охватом процессов архивного дела и интерактивными поисковыми возможностями;
г) до 1 января 2021 года провести инвентаризацию фондов, хранящихся в государственных архивах, и создать базу данных с охватом соответствующих сведений по данным фондам.
Установить, что за оказание государственных услуг по выдаче архивных справок, указанных в настоящем пункте, сбор не взимается.
4. Согласиться с предложением Агентства о сокращении, начиная с 1 января 2020 года, сроков оказания государственных услуг в сфере архивного дела согласно приложению.
5. Установить, что:
Агентство считается правопреемником Агентства «Узархив» при Кабинете Министров Республики Узбекистан по всем правам и обязательствам;
директор Агентства назначается на должность и освобождается от должности Президентом Республики Узбекистан в порядке, установленном законодательством;
заместитель директора Агентства назначается на должность и освобождается от должности Кабинетом Министров Республики Узбекистан в порядке, установленном законодательством;
директор Агентства и его заместитель по условиям оплаты труда, медицинского и транспортного обслуживания приравниваются соответственно к первому заместителю министра и заместителю министра;
назначение на должность начальников территориальных управлений архивного дела Агентства осуществляется директором Агентства по согласованию с министром юстиции Республики Узбекистан.
6. Создать:
Национальный архив Узбекистана на базе Центрального государственного архива Республики Узбекистан;
Национальный архив кинофотофонодокументов Узбекистана на базе Центрального государственного архива кинофотофонодокументов Республики Узбекистан;
Национальный архив научно-технической и медицинской документации Узбекистана на базе Центрального государственного архива научно-технической и медицинской документации Республики Узбекистан;
Центральный государственный архив города Ташкента на базе Государственного архива города Ташкента;
Научно-методический центр повышения квалификации по архивному делу и делопроизводству при Агентстве в форме учреждения;
Фонд развития архивного дела при Агентстве без статуса юридического лица.
Установить, что Национальный архив Узбекистана является правопреемником по правам и обязательствам Центрального государственного архива Республики Узбекистан, Национальный архив кинофотофонодокументов Узбекистана — Центрального государственного архива кинофотофонодокументов Республики Узбекистан, Национальный архив научно-технической и медицинской документации Узбекистана — Центрального государственного архива научно-технической и медицинской документации Республики Узбекистан, Центральный государственный архив города Ташкента — Государственного архива города Ташкента.
7. Определить основными направлениями совершенствования сферы архивного дела и делопроизводства:
ускоренное внедрение современных информационно-коммуникационных технологий в деятельность по архивному делу и делопроизводству, поэтапную цифровизацию и создание страховых копий архивных документов Национального архивного фонда Республики Узбекистан;
расширение количества пользователей архивной информацией путем активизации деятельности по рассекречиванию архивных документов;
поэтапную организацию оказания архивных услуг через Центры государственных услуг и Единый портал интерактивных государственных услуг;
укрепление материально-технической базы и дальнейшую модернизацию инфраструктуры архивов, внедрение современных методов комплектования, государственного учета, хранения и использования архивных документов;
внедрение современных принципов формирования кадровой политики путем применения передовых и прозрачных организационно-правовых механизмов отбора, подготовки, переподготовки и повышения квалификации работников сферы архивного дела и делопроизводства;
создание благоприятных условий для улучшения материального стимулирования работников сферы;
разработку и внедрение передовых и прозрачных механизмов государственного управления в сфере архивного дела и делопроизводства.
9. Агентству до 1 января 2023 года принять меры по поэтапной передаче документов по личному составу, хранящихся в государственных архивах, в государственные архивы документов по личному составу.
10. Агентству:
совместно с Агентством по управлению государственными активами Республики Узбекистан в двухмесячный срок провести инвентаризацию и составить перечень пустующих объектов государственной собственности, а также неиспользуемых зданий и помещений государственных архивов, подлежащих реконструкции и капитальному ремонту;
совместно с Советом Министров Республики Каракалпакстан, хокимиятами областей и города Ташкента до 1 июня 2020 года рассмотреть вопрос о преобразовании государственных архивов документов по личному составу в архивы документов по личному составу на основе государственно-частного партнерства.
11. Агентству в месячный срок внести:
совместно с заинтересованными министерствами и ведомствами в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа;
проект постановления Президента Республики Узбекистан о совершенствовании деятельности Агентства.
12. Контроль за исполнением настоящего Указа возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
ПРИЛОЖЕНИЕ к Указу Президента Республики Узбекистан от 20 сентября 2019 года № УП-5834
государственных услуг в сфере архивного дела, сроки оказания которых сокращаются с 1 января 2020 года
№ Наименование государственных услуг Сроки оказания государственных услуг 1. Разработка внутренних нормативных и методических документов по организации документов в делопроизводстве организаций и изучение их деятельности по работе с документами. В течение 5 дней со дня поступления в государственный архив служебного запроса или официального письма. При необходимости дополнительного изучения и (или) проверки либо истребования дополнительных документов услуга оказывается в течение 20 дней. 2. Подготовка аннотационных сведений по информации, содержащейся в тюркских, арабских и персидских документах, созданных на арабской графике. В течение 5 дней со дня поступления в государственный архив служебного запроса или официального письма. При необходимости дополнительного изучения и (или) проверки либо истребования дополнительных документов услуга оказывается в течение 15 дней. 3. Цифровизация (снятие электронных копий) архивных документов, книг и рукописей. В течение 5 дней со дня поступления в государственный архив служебного запроса или официального письма. При необходимости дополнительного изучения и (или) проверки либо истребования дополнительных документов услуга оказывается в течение 20 дней. 4. Пользование архивными документами. В течение 5 дней со дня поступления в государственный архив служебного запроса или официального письма. При необходимости дополнительного изучения и (или) проверки либо истребования дополнительных документов услуга оказывается в течение 15 дней. 5. Создание электронной базы оцифрованных (снятых электронных копий) документов. В течение 5 дней со дня поступления в государственный архив служебного запроса или официального письма. При необходимости дополнительного изучения и (или) проверки либо истребования дополнительных документов услуга оказывается в течение 20 дней. 6. Реставрация, прошивка, переплет, обработка документов и книг. В течение 5 дней со дня поступления в государственный архив служебного запроса или официального письма. При необходимости дополнительного изучения и (или) проверки либо истребования дополнительных документов услуга оказывается в течение 15 дней.
Президент Республики Узбекистан Ш. МИРЗИЁЕВ
г. Ташкент,
20 сентября 2019 г.,
№ УП-5834